སང་ཉིན་ཕྱི་ཚེས་ ༡ ནས་བཟུང་རྒྱ་གར་གྱི་ཐོན་རྫས་བདེ་འཇགས་གྱི་སྒྲིག་གཞི་གསར་པ་དངོས་སུ་ལག་བསྟར་བྱ་རྒྱུ་ཡིན་པ་དང་འབྲེལ། རྒྱ་ནག་གིས་བཟོས་པའི་དྲྭ་རྒྱ་དང་འབྲེལ་བའི་བདེ་འཇགས་བརྙན་ལེན་འཕྲུལ་ཆས་དང་སོ་ལྟའི་བརྙན་མིག་ཐོན་རྫས་སོགས་རྒྱ་གར་དུ་ཉོ་ཚོང་བཀག་སྡོམ་བྱ་རྒྱུ་ཡིན་པ་རེད་འདུག དེ་ཡང་བརྒྱུད་ལམ་ཁག་གིས་དེ་འབྲེལ་གནས་ཚུལ་སྤེལ་བར་གཞིགས་ན། སང་ཉིན་ནས་རྒྱ་གར་ནང་རྒྱ་ནག་གིས་བཟོས་པའི་ Hikvision དང་། Dahua དེ་བཞིན་ TP-Link སོགས་ཀྱི་བརྙན་ལེན་འཕྲུལ་ཆས་རྣམས་ཚོང་འགྲེམ་མཚམས་འཇོག་བྱ་རྒྱུ་ཡིན་པ་དང་། རྒྱ་ནག་གི་ Chipsets བཀོལ་སྤྱོད་བྱེད་མཁན་གྱི་ཐོན་རྫས་ལའང་བདེ་འཇགས་ལག་འཁྱེར་སྤྲོད་རྒྱུར་ཁ་གསལ་པོའི་ཐོག་ནས་ངོས་ལེན་བྱ་རྒྱུ་མིན་པས་དོན་དངོས་ཐོག་རྒྱ་ནག་གི་བཟོ་གྲྭ་དེ་དག་རྒྱ་གར་གྱི་ཁྲོམ་རའི་ཕྱི་རུ་ཕུད་པ་ཞིག་ཆགས་ཡོད་སྐོར་འཁོད་འདུག སྤྱིར་ད་ཐེངས་ཀྱི་བཀག་སྡོམ་དེ་བཞིན་ Ministry of Electronics and Information Technology of India ཞེས་རྒྱ་གར་གྱི་གློག་རྡུལ་དང་ཆ་འཕྲིན་འཕྲུལ་རིག་ལས་ཁུངས་ཀྱིས་ཕྱི་ལོ་ ༢༠༢༤ ཟླ་ ༤ པར་ངོ་སྤྲོད་བྱས་པའི་བདེ་འཇགས་དགོས་མཁོའི་ཚད་གཞི་ལས་བྱུང་བ་ཞིག་ཡིན་པ་དང་། བརྙན་འཕྲིན་ལྟ་ཞིབ་ཡོ་ཆས་ཀྱི་སྒྲིག་གཞི་ལྟར་ན། བཟོ་བསྐྲུན་པ་རྣམས་ཀྱིས་ System-on-Chip ལྟ་བུའི་གལ་གནད་ཅན་གྱི་མ་ལག་རྣམས་ཀྱི་རྒྱལ་ཁབ་མངོན་གསལ་བྱ་དགོས་པ་དང་། རྒྱ་ནག་ནས་ཡིན་ན་བཀག་སྡོམ་བྱ་རྒྱུ་ཡིན་པ་རེད་འདུག རྩ་བའི་ད་ལྟའི་ཆར་རྒྱ་གར་གྱི་བརྙན་ལེན་འཕྲུལ་ཆས་ཁྲོམ་ར་དེ་ཨ་སྒོར་ཐེར་འབུམ་ ༥ ནས་ ༧ དང་ཕྱེད་ཀ་བར་ཡོད་པར་ཚོད་དཔག་བྱེད་བཞིན་པ་དང་། དེའི་ཁྲོད་ནས་བརྒྱ་ཆ་གསུམ་ཆ་གཅིག་ལྷག་རྒྱ་ནག་གིས་བཟོས་པའི་སོ་ལྟའི་བརྙན་མིག་ཆགས་ཀྱི་ཡོད་པ་རེད། རྒྱ་གར་གཞུང་གིས་རྒྱལ་ཁབ་བདེ་འཇགས་ཀྱི་གནད་དོན་གཙོ་བོར་གཞིགས་ནས་ཐེངས་འདིའི་བཀག་སྡོམ་བརྒྱུད་རྒྱ་ནག་ལ་བརྟེན་པའི་ སོ་ལྟའི་བརྙན་མིག་དག་ཚད་བཀག་དང་། རྒྱ་གར་རྒྱལ་ནང་དུ་བཟོས་པའི་དེ་འབྲེལ་འཕྲུལ་ལས་དང་ཡིད་ཆེས་འཕེར་བའི་རྒྱལ་ཁབ་གཞན་ཁག་གི་སོ་ལྟའི་བརྙན་མིག་ཁེ་ལས་དག་སྲུང་སྐྱོབ་སླད་འདི་ལྟ་བུའི་སྲིད་བྱུས་འཛིན་བཞིན་པ་རེད། སྤྱིར་ Hikvision དང་ Dahua ལྟ་བུའི་བཟོ་ཚོང་ཁང་རྣམས་འཛམ་གླིང་གི་སོ་ལྟའི་ཡོ་ཆས་བཟོ་བསྐྲུན་པ་ཆེ་ཤོས་ཀྱི་གྲས་ཡིན་པ་དེ་ལྟར་ཡང་། དེ་སྔ་ཕྱི་ལོ་ ༢༠༢༠ ནས་འགོ་འཛུགས་ཀྱིས་དབྱིན་གཞུང་གཙོས་པའི་རྒྱལ་ཁབ་མང་དག་ཅིག་གིས་རང་རྒྱལ་ཁབ་ཀྱི་བདེ་འཇགས་དང་འགྲོ་བ་མིའི་ཐོབ་ཐང་གི་གནད་དོན་ལ་གཞིགས་ནས་ཁུལ་དེར་ཡོད་པའི་སྒྲིག་འཛུགས་ཁག་གིས་གཙོས་འཛིན་སྐྱོང་གི་སྡེ་ཁག དེ་བཞིན་མངའ་སྡེ་དུ་མས་སོ་སོའི་ཁྱབ་ཁོངས་ཀྱི་ལས་ཁུངས་ནང་བཟོ་ལས་ཁང་དེ་དག་གཉིས་ཀྱི་ཆེད་བཟོས་བྱས་པའི་སོ་ལྟའི་བརྙན་མིག་སྤྱོད་པར་དགག་བྱ་ཤུགས་ཆེ་དང་སྦྲགས། དེ་དག་བེད་སྤྱོད་བཏང་མི་ཆོག་པའི་བཀོད་ཁྱབ་ཁག་བཏང་མཁན་བྱུང་ཡོད་པ་རེད། དེའི་ཁྲོད་རྒྱ་གར་གཞུང་ཕྱོགས་ནས་ཉེ་བའི་ལོ་ཤས་ནས་རྒྱ་ནག་གི་འཕྲུལ་རིག་གི་ཤུགས་རྐྱེན་འགོག་ཆེད་ TikTok […]

The post རྒྱ་གར་ནང་སང་ཉིན་ནས་བཟུང་རྒྱ་ནག་གིས་བཟོས་པའི་སོ་ལྟའི་བརྙན་མིག་ཉོ་ཚོང་བཀག་སྡོམ་བྱ་རྒྱུ་རེད་འདུག appeared first on vot.