༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསར་དུ་བདམས་ཐོན་བྱུང་བའི་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཤིབ་ཀུ་མཱར་མཆོག་ལ་འཚམས་འདྲི་མཛད་ཡོད། དེ་ཡང་འཚམས་འཕྲིན་ནང་འཁོད་དོན། ཀརནཱ་ཊཀ་མངའ་སྡེ་ནི་བཙན་བྱོལ་བོད་མི་ ༣༠༠༠༠ ལྷག་ཙམ་གཞིས་ཆགས་པའི་རྒྱ་གར་ནང་བཙན་བྱོལ་བོད་མིའི་འདུས་སྡོད་ཆེ་ཤོས་ཤིག་ཡིན། མངའ་སྡེ་དེ་ཉིད་ཀྱི་གཞུང་མང་གཉིས་ཀྱིས་བོད་མི་རྣམས་ལ་རྒྱུན་རིང་གི་མཛའ་འབྲེལ་དང་མཐུན་འགྱུར་རོགས་རམ་གནང་བར་ཐུགས་རྗེ་ཆེ་ཞུ་རྒྱུ་དང་། རྒྱ་གར་གྱི་དཔལ་ནཱ་ལེནྡྲའི་གནའ་བོའི་རིག་གཞུང་གཞི་རྩར་འཛིན་པའི་སློབ་གཉེར་གྱི་ལྟེ་གནས་ཁག་ས་ཁུལ་དེར་གཞིས་ཆགས་ཡོད་པ་ནི་སྤོབས་པ་སྐྱེད་གཞི་ཞིག་ཡིན་ཞེས་དང་། མངའ་སྡེའི་གཞུང་མང་གཉིས་ནས་ས་གནས་སུ་གནས་སྡོད་བོད་མི་རྣམས་ལ་མཐུན་འགྱུར་རོགས་རམ་གནང་བར་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན། མཐར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྤྱི་ཁྱབ་བློན་ཆེན་མཆོག་གི་མ་འོངས་པའི་ལས་དོན་མཐའ་དག་འགེགས་མེད་ལྷུན་གྲུབ་དང་། ཀརནཱ་ཊཀ་མི་མང་གི་རེ་འདུན་བསྐོང་ཐུབ་པའི་ཐུགས་སྨོན་མཛད་ཡོད། །

ཁ་སང་ཕྱི་ཚེས་ ༣ ཉིན་རྒྱ་གར་ལྷོ་ཕྱོགས་ཀཱར་ན་ཊ་ཀ་མངའ་སྡེའི་སྤྱི་ཁྱབ་བློན་ཆེན་གསར་པ་སྐུ་ཞབས་ D.K. Shivakumar མཆོག་ནས་ལས་ཁུར་དམ་འབུལ་ཞུས་པ་དང་འབྲེལ།  དེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བློན་ཆེན་ཁོང་ལ་འཚམས་འདྲིའི་གསུང་འཕྲིན་ཞིག་སྩལ་བའི་བརྒྱུད།  མངའ་སྡེ་མི་མང་གི་མངོན་འདོད་དང་རེ་བ་འགེགས་མེད་ཐོག་བསྒྲུབ་ཐུབ་རྒྱུའི་ཐུགས་སྨོན་མཚམས་སྦྱོར་མཛད་འདུག དེ་ཡང་དགའ་ལྡན་ཕོ་བྲང་ཡིག་ཚང་གི་དྲྭ་གནས་ཐོག་སྤེལ་བའི་༸གོང་ས་མཆོག་གི་གསུང་འཕྲིན་དེའི་ནང་།  སྐུ་ཞབས་ D.K. Shivakumar མཆོག་ ཀཱར་ན་ཊ་ཀ་མངའ་སྡེའི་སྤྱི་ཁྱབ་བློན་ཆེན་དུ་འོས་འདེམས་བྱུང་བར་འཚམས་འདྲི་སྩལ་བ་དང་སྦྲགས།  ཀཱར་ན་ཊ་ཀ་མངའ་སྡེ་དེ་བཞིན་བོད་མི་སྟོང་ཕྲག་གསུམ་བཅུ་ལྷག་གི་སྡོད་གནས་ཤིག་ཡིན་པས་བཙན་བྱོལ་རྒྱ་གར་ནང་གི་བོད་མི་གཞིས་ཆགས་ཆེ་ཤོས་ཤིག་ཆགས་ཡོད་པ་མ་ཟད།  ནཱ་ལེནྡྲའི་སྲོལ་རྒྱུན་གྱི་རྩ་བ་ཡོད་པའི་བོད་མིའི་ཤེས་ཡོན་གྱི་ལྟེ་གནས་གཙོ་བོ་རྣམས་ཁུལ་དེར་གནས་ཡོད་སྟབས།  ང་ཚོར་མཛའ་བརྩེའི་འབྲེལ་བ་དང་རྒྱབ་སྐྱོར་གནང་བར་བཀའ་དྲིན་ཆེ་ཞེས་སྩལ་གནང་མཛད་འདུག ༸མགོན་པོ་མཆོག་གིས་ད་དུང་གོ་སྐབས་འདིའི་བརྒྱུད་ནས་ཀཱར་ན་ཊ་ཀ་མངའ་སྡེའི་གཞུང་དམངས་གཉིས་ནས་བོད་མིར་སྣེ་ལེན་དང་མཐུན་འགྱུར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུའི་བཀའ་སྩལ་འདུག་པ་དང་།  བློན་ཆེན་མཆོག་ལ་འབྱུང་འགྱུར་ལོ་དུས་ནང་དཀའ་ངལ་ཇི་འཕྲད་ལ་གདོང་ལེན་གྱིས་ཁུལ་དེའི་མི་མང་གི་མངོན་འདོད་དང་རེ་བ་འགེགས་མེད་ཐོག་བསྒྲུབ་རྒྱུའི་ཐུགས་སྨོན་མཚམས་སྦྱོར་མཛད་འདུག དེའི་བར་ན། བོད་མིའི་སྒྲིག་འཛུགས་ཀྱི་དྲྭ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན།  སྲིད་སྐྱོང་སྤེན་པ་ཚེ་རིང་མཆོག་གིས་ཀཱར་ན་ཊ་ཀ་མངའ་སྡེའི་སྤྱི་ཁྱབ་བློན་ཆེན་གསར་པ་མཆོག་ལ་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་འཚམས་འདྲི་ཞུས་པ་དང་འབྲེལ།  སྐུ་ཞབས་ D.K. Shivakumar མཆོག་སྤྱི་ཁྱབ་བློན་ཆེན་གྱི་གོ་གནས་སུ་བསྐོ་གཞག་བྱུང་བ་ནི་སྐུ་ཉིད་ཀྱི་ཐུན་མོང་མ་ཡིན་པའི་འགོ་ཁྲིད་ཀྱི་ནུས་པ་དང་། ཡར་རྒྱས་ལ་དམིགས་པའི་ཕྱག་ལས་གནང་སྟངས་བཅས་ལ་ངོས་འཛིན་ཆེན་པོ་ཐོབ་པ་ཞིག་ཡིན་པ་མ་ཟད། འདི་དག་ནི་ཀཱར་ན་ཊ་ཀའི་མི་མང་གི་མངོན་འདོད་ཀྱི་མཚོན་དོན་ཤུགས་ཆེ་ཞིག་ཀྱང་ཆགས་ཀྱི་ཡོད་པ་གསུངས་འདུག སྲིད་སྐྱོང་མཆོག་གིས་ད་དུང་།  ཀཱར་ན་ཊ་ཀ་དང་བོད་མི་དབར་ལོ་རྒྱུས་ཀྱི་འབྲེལ་བ་གཏིང་ཟབ་ཡོད་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༡༩༥༩ ལོར་རྒྱ་གར་དུ་ཆིབས་བསྒྱུར་བསྐྱངས་གནང་མཛད་རྗེས། ཀཱར་ན་ཊ་ཀ་མངའ་སྡེའི་སྤྱི་ཁྱབ་བློན་ཆེན་ཞིང་གཤེགས་དམ་པ་སྐུ་ཞབས་ S.Nijalingappa ནི་ཇ་ལིང་ག་པ་མཆོག་གིས་ཕྱི་ལོ་ ༡༩༦༠ ལོར་སྦེལ་ཀོབ་ཏུ་ས་ཞིང་ཨེར་ཀ་ ༣༠༠༠...

༧གོང་ས་རྒྱལ་བ་རིན་པོ་ཆེ་མཆོག་ནས་སྐུ་ཞབས་ཤི་ཝ་ཀུ་མཱར་མཆོག་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་སྤྱི་ཁྱབ་བློན་ཆེན་དུ་བསྐོ་གཞག་བྱུང་བར་འཚམས་འདྲི་མཛད་འདུག The post ༸གོང་ས་མཆོག་ནས་ཀ་ན་ཊ་ཀའི་སྤྱི་ཁྱབ་བློན་ཆེན་མཆོག་ལ་འཚམས་འདྲིའི་གསུང་འཕྲིན་བསྩལ།  appeared first on བོད་ཀྱི་དུས་བབ།.

སྲིད་སྐྱོང་མཆོག་གིས་༧གོང་ས་རྒྱལ་བ་རིན་པོ་ཆེ་མཆོག་བོད་ལ་ཕེབས་རྒྱུའི་ཐུགས་རེ་ཡོད་ཀྱང་ཕྱོགས་ཡོངས་ཀྱི་གནས་བབ་མང་དག་ཅིག་ལ་བསྟུན་དགོས་སྐོར་སོགས་གསུངས་སོང་།  The post ༧གོང་ས་རྒྱལ་བ་རིན་པོ་ཆེ་མཆོག་གི་བོད་ལ་ཕེབས་རྒྱུའི་ཐུགས་རེ་ཡོད།  appeared first on བོད་ཀྱི་དུས་བབ།.

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཞབས་པུས་གཡོན་མར་སྨན་བཅོས་སླད་སང་ཉིན་ཚེས་ ༥ ཉིན་དྷ་རམ་ས་ལ་ནས་ལྡི་ལིར་ཆིབས་སྒྱུར་བསྐྱང་གཏན་འཁེལ་ཡོད་པ་དང་། ཞབས་པུས་སྨན་བཅོས་གྲུབ་སྟེ་དྲག་སྐྱེད་ཟིན་མཚམས་ཕྱི་ཟླ་དྲུག་པའི་ཟླ་མཇུག་ཙམ་ལ་ལ་དྭགས་སུ་ཆིབས་བསྒྱུར་གྱིས་བཞུགས་གཏན་འཁེལ་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྷ་རམ་ས་ལའི་བཞུགས་སྒར་ཕོ་བྲང་ནང་། འཛམ་གླིང་ནང་གི་སྙན་གྲགས་ཆེ་བའི་རྒྱལ་སྤྱིའི་རོལ་དབྱངས་རྩེ་ཕུད་ཀྱི་གཟེངས་རྟགས་གྷེ་རེ་མི་གཟེངས་རྟགས་ (Grammy Award) ཞེས་པ་དངོས་སུ་འབུལ་བཞེས་ཆེད། རྒྱ་གར་གྱི་རོལ་མོའི་སྒྱུ་རྩལ་བ་ཨམ་ཇཱ་ཨ་ལི་ཁན་ (Amjad Ali Khan ) ལགས་དང་། ཨ་མན་ཨཱ་ལི་བངྒ་ཤ (Amaan Ali Bangash) ལགས་དང་། ཨཱཡཱན་ཨཱ་ལི་བངྒ་ཤ་ (Ayaan Ali Bangash) ལགས། ཀ་བྷིར་སེ་གྷལ་ (Kabir Sehgal) ལགས་བཅས་ཆེད་བཅར་ཀྱིས་འབུལ་ལམ་ཞུས་ཡོད་པ་རེད། རྒྱལ་སྤྱིའི་སྟེང་སྙན་གྲགས་ཆེ་བའི་གྷི་རེ་མི་ཞེས་པའི་གཟེངས་རྟགས་འདི་ནི། འཛམ་གླིང་ཐོག་རོལ་དབྱངས་དང་གཞས་ཀྱི་ལས་རིགས་ནང་གི་ཆེས་མཐོ་ཤོས་དང་སྙན་གྲགས་ཆེ་ཤོས་ཀྱི་གཟེངས་རྟགས་ཤིག་ཡིན། འདི་ནི་གློག་བརྙན་གྱི་བྱ་དགའ་ “Oscar” དང་། བརྙན་འཕྲིན་གྱི་བྱ་དགའ་ “Emmy”...

༡༩༨༩ ལོའི་ཟླ་བ་གསུམ་པར་རྒྱ་ནག་གཞུང་གིས་ཐོག་མར་བོད་ཀྱི་རྒྱལ་ས་ལྷ་སར་དྲག་པོའི་དམག་དོན་དམ་བསྒྲགས་ཀྱི་བཀའ་རྒྱ་བཏང་པ་དང་། དེ་རྗེས་དུས་ཡུན་རིང་པོ་མ་སོང་བར་པེ་ཅིང་དུ་དྲུག་བཞིའི་དམངས་གཙོའི་ལས་འགུལ་འདི་ཐོན་ཡོད། ལོ་ངོ་ ༣༧ གྱི་རྗེས་སུ། ལོ་རྒྱུས་ཀྱི་དམིགས་བསལ་དུས་ཚིགས་འདིར་ཡོངས་བསྒྲགས་ངང་དྲན་གསོ་ཞུ་བའི་ལས་འགུལ་ཁག་ལ་འགྱུར་བ་འགྲོ་བཞིན་ཡོད། ད་ཆ་རྒྱ་ནག་ནང་དང་ཧོང་ཀོང་ལ་དྲན་གསོ་ཞུ་སའི་ཁོར་ཡུག་ཧ་ཅང་ཆུང་ཆུང་ཆགས་ཡོད། འོན་ཀྱང་རང་དབང་དང་དམངས་གཙོ་ལྡན་པའི་ཡུལ་གྲུའི་ནང་གཞི་རྒྱ་ཆེ་བའི་རྒྱ་ནག་གི་དམངས་གཙོའི་ལས་འགུལ་འདིར་མུ་མཐུད་དྲན་གསོའི་ལས་འགུལ་སྤེལ་བཞིན་ཡོད་པ་རེད། ༡༩༨༩ ལོའི་བོད་དང་རྒྱ་ནག ༡༩༨༩ ལོའི་ཟླ་ ༣ པའི་ནང་བོད་ཀྱི་རྒྱལ་ས་ལྷ་སར་བོད་མིའི་ཞི་བའི་ངོ་རྒོལ་གྱི་ལས་འགུལ་ཐོན་ནས། ཟླ་ ༣ ཚེས་ ༧ ཉིན་རྒྱ་ནག་གཞུང་གིས་དྲག་པོའི་དམག་ཁྲིམས་ལག་བསྟར་བྱ་རྒྱུ་གསལ་...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ཕྱི་ལོ་ ༢༠༢༦ ཟླ་ ༦ ཚེས་ ༣ ཉིན་བཞུགས་སྒར་ཕོ་བྲང་དུ་འཛམ་གླིང་ཁྱོན་དུ་རོལ་དབྱངས་ཀྱི་བྱ་དགའ་ཆེ་ཤོས་གྷརེ་མི་དངོས་སུ་ཕུལ་འདུག འདི་ནི་གྷརེ་མི་གཟེངས་བསྟོད་ཀྱི་བྱ་དགའི་ཁོངས་ནས་ “སྒྲ་བཤད་དང་གཏམ་བརྗོད། སྒྲ་དེབ་རྩེ་ཕུད་ཡག་ཤོས” ཞེས་དབྱེ་བའི་ནང་། རྒྱ་གར་གྱི་གནའ་བོའི་རོལ་དབྱངས་དང་མཉམ་སྒོམ་སྒྲུབ་དང་༧གོང་ས་མཆོག་གི་དགོངས་གཞི་གསལ་སྟོན་ “Meditations: The Reflections of His Holiness the Dalai Lama” ཞེས་༧གོང་ས་མཆོག་གི་སྙིང་རྗེ་དང་། ཞི་བདེ། འགྲོ་བ་མི་གཅིག་མཐུན་གྱི་དགོངས་གཞི་གསལ་བའི་གསུང་དེབ་དེར་ཕུལ་བ་ཞིག་ཡིན་པ་རེད། རྒྱ་གར་གྱི་སྲོལ་རྒྱུན་རོལ་དབྱངས་ནང་བཀོལ་སྤྱོད་བྱེད་པའི་རྒྱུད་མང་གི་རོལ་ཆའི་ཐོག་སྙན་གྲགས་ཅན་གྱི་སློབ་དཔོན་ཨམ་ཇཏ་ཨལི་ཁཱན་ (Amjad Ali Khan) དང་ཁོང་གི་བུ་ཨ་མཱན་ཨ་ལི་བང་གྷཤ་ (...

སྐབས་ ༡༧ བཀའ་ཤག་གི་བདམས་ཐོན་བཀའ་བློན་རྣམ་པའི་ལས་འཁུར་དམ་འབུལ་དང་ལས་ཁུངས་ཆ་བགོས་གྲུབ་པ། སྐབས་བཅུ་བདུན་པའི་བོད་མིའི་སྒྲིག་འཛུགས་བཀའ་ཤག་གི་བདམས་ཐོན་བཀའ་བློན་རྣམ་པས་ཟླ་ ༦ ཚེས་ ༣ ཉིན་གངས་ཅན་སྐྱིད་གཤོངས་ཀྱི་སྲིད་སྐྱོང་ཚོགས་ཁང་དུ་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་ལགས་ཀྱི་མདུན་ནས་ལས་འཁུར་དམ་འབུལ་ཞུས་ཤིང་། བཀའ་བློན་གྱི་ཕྱག་ལས་ཧུར་ཐག་དང་ལྷག་བསམ་རྣམ་དག་ཐོག་གནང་རྒྱུའི་ཆོད་སེམས་བརྟན་པོ་ཡོད་པ་གསུངས་ཀྱིས་འདུག དེ་ཡང་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་ལགས་ཀྱིས། འདས་པའི་ལོ་ངོ་སུམ་ཅུ་སོ་ལྔའི་རིང་བོད་མིའི་སྒྲིག་འཛུགས་ནང་ཞབས་འདེགས་ཞུས་ཡོད་ཅིང་། ད་ལྟའི་ཆར་ལས་ཁུངས་གང་དུ་བསྐོ་གཞག་གནང་པའི་ལས་ཁུངས་དེའི་དྲུང་ཆེ་གཙོས་པའི་ལས་བྱེད་ཚོ་དང་ལྷན་དུ་གོ་བསྡུར་གྱིས། འབྱུང་འགྱུར་ལོ་ལྔའི་ནང་ལས་དོན་གལ་ཆེ་བང་སྒྲིག་སྟེ་རང་ནུས་གང་ལྕོགས་གན...

དེ་རིང་ཕྱི་ལོ་ ༢༠༢༦ ཟླ་ ༦ ཚེས་ ༣ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ།  དེ་སྔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཉམ་ལས་ཀྱིས་བཟོ་སྐྲུན་གནང་བའི་ཆོས་དང་རོལ་དབྱངས་ཟུང་སྦྲེལ་གྱི་འཁོར་ཐག་ Meditations: The Reflections of His Holiness The Dalai Lama ཞེས་པ་དེར་འདི་ལོའི་ Grammy Award ཞེས་རྒྱལ་སྤྱིའི་རོལ་དབྱངས་རྩེ་ཕུད་ཀྱི་གཟེངས་རྟགས་ཐོབ་ཡོད་སྟབས།  འཁོར་ཐག་དེའི་ནང་རོལ་དབྱངས་བཏང་མཁན་རྒྱ་གར་གྱི་སྒྲ་དབྱངས་པ་གྲགས་ཅན་སྐུ་ཞབས་ Ustad Amjad Ali Khan ལགས་གཙོས་པའི་ཁོང་གི་བུ་ Amaan Ali Bangash ལགས་དང་ Ayaan Ali Bangash ལགས། དེ་བཞིན་འཁོར་ཐག་བཟོ་སྐྲུན་པ་ Kabir Sehgal ལགས་བཅས་ནས་༸གང་ཉིད་མཆོག་གི་མཇལ་བཅར་ཞུས་པ་དང་འབྲེལ་...

དེ་རིང་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་མཐའ་མའི་གྲོས་ཚོགས་སུ་བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་སྤྱི་མོས་ཀྱིས་གཏན་འབེབས་གནང་བ་དང་འབྲེལ་ནས་གྲོས་ཚོགས་ཚོགས་དུས་དང་པོ་མཇུག་སྒྲིལ་གནང་སོང་། དེ་ཡང་སྐབས་ ༡༧ པའི་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་མཐའ་མའི་ཐོག་བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་ཐོག་མུ་མཐུད་བགྲོ་གླེང་དང་སྦྲགས། རྒྱ་གཞུང་གིས་ཉེ་ལམ་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་སྒྲིག་ལག་བསྟར་བརྒྱུད་བོད་ཀྱི་ཆོས་རིག་སྐད་ཡིག་བཅས་པ་རྩ་མེད་གཏོང་ཐབས་ཀྱི་བྱ་འགུལ་ཤུགས་ཆེར་སྤེལ་བཞིན་པའི་ཐོག་སེམས་འཚབ་དང་འབྲེལ།  བཙན་བྱོལ་ནང་གི་བོད་མི་ཚོས་རང་དབང་ལུང་པའི་ནང་ཡོད་པའི་གོ་སྐབས་དམ་འཛིན་གྱིས་རང་མི་རིགས་ཀྱི་སྐད་དང་ཡི་གེ་གང་ཐུབ་བཀོལ་སྤྱོད་ཐད་འབད་བརྩོན་གནང་དགོས་པའི་སྐུལ་མ་གནང་སོང་། ལྷག་པར་བགྲོ་གླེང་ཁྲོད་སྤྱི་འཐུས་ཁག་གཅིག་ནས་བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་བཞག་པ་ཙམ་མིན་པར་དངོས་སུ་ལག་བསྟར་དོན་འཁྱོལ་ཡོང་བ་གནང་རྒྱུ་ཧ་ཅང་གི་གལ་ཆེན་པོ་ཡིན་པ་དང་དེ་བཞིན་གཞིས་ལུས་བོད་མིར་ཐུགས་ཕམ་མི་བྱུང་བའི་སླད་དུ་བཙན་བྱོལ་བོད་མི་ཚོས་འབད་འབུངས་གང་ཡོང་དགོས་པ་གསུངས་སོང་། དེ་བཞིན་སྤྱི་འཐུས་མི་ཉུང་བ་ཞིག་གིས་ང་ཚོ་བོད་མི་ནང་ཁུལ་འགལ་ཟླའི་རིགས་མ་གནང་བར་བོད་དོན་བདེན་མཐའ་སེལ་ཐབས་ཐོག་ཚང་མའི་ནུས་པ་མཉམ་སྤུངས་དང་རྡོག་རྩ་གཅིག་སྒྲིལ་གནང་དགོས་གལ་གསུངས་སོང་བ་དེ་ལྟར་ཡང་ལ་ལས་རྡོག་རྩ་གཅིག་སྒྲིལ་ཡོང་དགོས་ན་དམའ་འབེབས་དང་ཟུར་ཟ་གནང་མཁན་ཚོས་འགོད་བཤགས་གནང་དགོས་ཀྱི་ཡོད་པ་དང་དེ་མ་གནང་བར་དུ་ཆིག་སྒྲིལ་ཡོང་ཐབས་བྲལ་བ་རེད་ཅེས་ཀྱི་དགོངས་ཚུལ་གསུངས་མཁན་བྱུང་ཡོད། གཞུང་འབྲེལ་གྱི་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་དེའི་ཐོག་དེ་རིང་ཉིན་དགུང་བར་བགྲོ་གླེང་གནང་བའི་ཁྲོད། ཁྱོན་སྤྱི་འཐུས་ ༡༦ གིས་མཉམ་ཞུགས་གནང་ཡོད་པ་དང་། སྐབས་དེར་སྤྱི་འཐུས་རྣམས་ཀྱིས་གཞུང་འབྲེལ་གྲོས་ཆོད་གྲོས་འཆར་ལ་རྒྱབ་སྐྱོར་ཞུས་ཐོག་རྒྱ་ནག་གཞུང་གིས་བོད་ནང་ལག་བསྟར་བྱེད་བཞིན་པའི་དྲག་པོའི་སྲིད་བྱུས་ཁག་ཐེར་འདོན་གྱིས་རྒྱ་གཞུང་གི་བྱེད་བབ་ལ་སྐྱོན་བརྗོད་ནན་པོ་དང་སྦྲགས། རྒྱ་གཞུང་གི་སྲིད་བྱུས་འོག་དཀའ་སྡུག་མྱོང་བཞིན་པའི་གཞིས་ལུས་བོད་མི་རྣམས་ལ་གདུང་སེམས་མཉམ་བསྐྱེད་དང་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ལྷག་བསམ་སྙིང་སྟོབས་ལ་ཡི་རངས་ཞུས་སོང་། དེ་རིང་སྤྱི་མོས་ཐོག་གཏན་འབེབས་གནང་བའི་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་དེའི་ནང་། བོད་བསྟན་སྲིད་མི་རིགས་ཀྱི་ཆེད་ལུས་སྲོག་ལོངས་སྤྱོད་དང་བཅས་པ་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་ལ་ཡི་རངས་དང་ཤུལ་ལུས་ཉེ་འབྲེལ་བཅས་ལ་ཐུགས་གསོ་ཞུ་རྒྱུ་གཙོས་རྒྱ་གཞུང་གིས་བོད་ནང་གི་བྱིས་པ་རྣམས་བཅའ་སྡོད་སློབ་གྲྭར་བཙན་ཁྲིད་མཚོན་པའི་བོད་ཀྲུང་གོ་ཅན་དུ་སྒྱུར་བཞིན་པའི་སྲིད་བྱུས་དག་མཚམས་འཇོག་དགོས་པ།  དེ་བཞིན་༸པཎ་ཆེན་སྐུ་ཕྲེང་བཅུ་གཅིག་པ་དབུས་པའི་ཆབ་སྲིད་བཙོན་པ་རྣམས་གང་མགྱོགས་གློད་བཀྲོལ་གཏོང་དགོས་པ་དང་། ལོ་རྒྱུས་ཀྱི་གནས་བབ་ཐོག་ནས་བོད་ནི་རྒྱ་ནག་གི་ཆ་ཤས་ནམ་ཡང་མིན་པར།  རྒྱ་གཞུང་ནས་བོད་རྒྱའི་དཀའ་རྙོག་གྲོས་མོལ་གྱི་ལམ་ནས་སེལ་ཐབས་བྱེད་དགོས་པ་སོགས་དོན་ཚན་དྲུག་འཁོད་ཡོད།   དེ་རིང་ཉིན་རྒྱབ་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གིས་གྲོས་ཚོགས་མཇུག་བསྡོམས་ཀྱི་གསུང་བཤད་གནང་སྐབས་གཙོ་བོ་བཀའ་སྤྱི་གཉིས་ནས་བོད་དོན་བདེན་མཐའ་སེལ་ཐབས་དང་བཙན་བྱོལ་བོད་མིའི་སྤྱི་ཚོགས་ཀྱི་བདེ་ཐབས་བཅས་བཅའ་ཁྲིམས་ཐོག་བཀུར་བའི་འགན་དབང་ཐད་ཞོགས་འདེགས་གང་ཐུབ་གནང་དགོས་པའི་སྐུལ་མ་གནང་པ་དང་སྦྲགས། ལྷག་པར་དུ་གྲོས་ཚོགས་དེའི་ནང་བཀའ་བློན་འོས་འདེམས་མཚོན་པའི་ལས་རིམ་ཁག་ཅིག་ཕེབས་པའི་བརྒྱུད་རིམ་ཁྲོད་བཅའ་ཁྲིམས་དང་ལས་དོན་བྱེད་ཕྱོགས་ཀྱི་སྒྲིག་གཞི་བཅས་ཀྱི་ཐོག་ལ་ཕན་ཚུན་བསམ་ཚུལ་མ་མཐུན་པ་ཡོང་པ་དེ་ནི་ཁྲིམས་སྒྲིག་ནང་གསལ་ཁ་བཏོན་དགོས་ཡག་གནད་འགག་ཆགས་ཀྱི་ཡོད་སྟབས། དཀའ་ངལ་འདི་རིགས་མ་འོངས་སླར་མི་ཡོང་བའི་ཆེད་དུ་གྲོས་ཚོགས་ནས་འགན་བཞེས་པའི་ཐོག་པའི་ཁྲིམས་ཀྱི་སྒྲིག་གཞི་ཁ་གསལ་དགོས་ངེས་ཡིན་པ་གསུངས་སོང་། ད་དུང་ཚོགས་གཙོ་མཆོག་ནས་གྲོས་ཚོགས་ཀྱི་ར་བ་འདི་ཆེས་མཐོང་ལྡན་པ་གང་འདྲ་བཟོ་མིན་སྤྱི་འཐུས་ཚང་མར་རག་ལུས་ཡོད་པ་འགྲེལ་བརྗོད་ཀྱིས་ངེས་པར་དུ་བཀའ་མོལ་གང་གནང་ཡང་ཕན་ཚུན་ཆེས་མཐོང་དང་གུས་བརྩི་ལྡན་པའི་ཐོག་ནས་གནང་རོགས་ཞེས་དང་ལྷག་པར་དུ་ང་ཚོ་ཚང་མ་ཆབ་སྲིད་ཀྱི་བྱོལ་བ་ཞིག་ཡིན་པའི་ཆ་ནས་མིང་རྒྱབ་ཁུར་གྱིས་ལས་འགན་ཡོད་པ་ཙམ་དུ་མ་ཟད་བོད་མི་སྤྱི་བོ་གནམ་བསྟན་ཡོངས་ལ་ཆབ་སྲིད་ཀྱི་འགན་འཁུར་ཡོད་པ་དྲན་སྐུལ་གནང་སོང་། གཞི་རྩའི་ཁ་སང་དང་དེ་རིང་བཅས་ཉིན་གཉིས་རིང་བར་བཙན་བྱོལ་བོད་མིའི་ལྟེ་གནས་བཞུགས་སྒར་དྷརྨ་སཱ་ལཱར་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་ ༡ ཚོགས་ཡོད་པ་དང། གྲོས་ཚོགས་སུ་གཞུང་འབྲེལ་གདུང་སེམས་མཉམ་བསྐྱེད་གྱི་གྲོས་ཆོད་གྲོས་འཆར་སྤྱི་མོས་ཐོག་གཏན་འབེབས་གནང་ཡོད་པ་མ་ཟད། བཀའ་ཤག་སྐབས་བཅོ་བདུན་པའི་བཀའ་བློན་དྲུག་འོས་འདེམས་གནང་ཡོད་པ་རེད། The post གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་སྤྱི་མོས་ཀྱིས་གཏན་འབེབས་དང་འབྲེལ་གྲོས་ཚོགས་ཚོགས་དུས་དང་པོ་མཇུག་སྒྲིལ། appeared first on...

དེ་རིང་ཡུ་རོབ་རྒྱལ་ཁབ་ Latvia ཡི་རྒྱལ་ས་ Riga ནང་དུ་ Baltic States ཡི་རྒྱལ་ཁབ་གསུམ་གྱི་གྲོས་ཚོགས་འཐུས་མི་རྣམ་པས་བོད་ནང་གི་ཛ་དྲག་གནས་སྟངས་ཐད་ཐུགས་འཚབ་ཀྱི་རྣམ་པ་གསལ་འདོན་དང་སྦྲགས། རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་དེའི་འོག་ནས་མ་འོངས་པར་རྒྱ་གཞུང་གིས་བོད་མི་དང་། ཡུ་གུར། དེ་བཞིན་ནང་སོག་སོགས་གྲངས་ཉུང་མི་རིགས་ཐོག་ཁྲིམས་མཐུན་གྱི་རྣམ་པའི་ཐོག་ནས་དྲག་གནོན་ཇེ་ཤུགས་ཆེ་རུ་གཏོང་ངེས་ཡིན་པ་ཐེར་འདོན་གྱིས། རིང་མིན་བོད་ནང་གི་ཛ་དྲག་གནས་སྟངས་སྤྱི་དང་བྱེ་བྲག་ཏུ་ཁྲིམས་ཡིག་དེ་དང་འབྲེལ་རྒྱ་གཞུང་ལ་སྐྱོན་བརྗོད་ཀྱི་མཉམ་སྦྲེལ་སྤྱི་བསྒྲགས་སྤེལ་འཆར་ཡིན་འདུག དེ་ཡང་དེ་རིང་ཕྱི་ཚེས་ ༣ ཉིན་ཡུ་རོབ་རྒྱལ་ཁབ་ Latvia ཡི་རྒྱལ་ས་ Riga ནང་དུ་ལཊ་ཝི་ཡའི་གྲོས་ཚོགས་འཐུས་མི་ Juris Viļums ལགས་ཀྱིས་གདན་ཞུས་ལྟར་ཡུ་རོབ་ Baltic States ཡི་རྒྱལ་ཁབ་ Estonia དང་ Latvia དེ་བཞིན་ Lithuania བཅས་རྒྱལ་ཁབ་གསུམ་གྱི་གྲོས་ཚོགས་འཐུས་མི་གཙོས་པའི་གནད་ཡོད་ཆབ་སྲིད་མི་སྣ། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་སྐུ་ཞབས་ Richard Gere ལགས། དེ་བཞིན་བོད་མིའི་ཕྱོགས་ནས་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བསྟན་ཆོས་རྒྱ་མཚོ་ལགས་དང་། རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་ཚན་པའི་འགན་འཛིན་དབང་པོ་བཀྲས་མཐོང་ལགས་སོགས་ལྷན་ཞུགས་ཐོག་བོད་ནང་གི་ཛ་དྲག་གནས་སྟངས་ཐད་བཞུགས་མོལ་ཚོགས་འདུ་འཚོགས་ཡོད་འདུག གནད་དོན་དེ་དང་འབྲེལ་འདི་ག་རླུང་འཕྲིན་ཁང་གིས་རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་ཚན་པའི་འགན་འཛིན་དབང་པོ་བཀྲས་མཐོང་ལགས་སུ་བཀའ་འདྲི་ཞུ་སྐབས་ཁོང་གིས། ཚོགས་འདུའི་ཐོག་གཙོ་བོ་ཕྱི་ལོ་...

དེ་རིང་ཕྱི་ལོ་ ༢༠༢༦ ཟླ་ ༦ ཚེས་ ༣ རེས་གཟའ་ལྷག་པའི་ཉིན་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་ནས་སྐབས་ ༡༧ པའི་བཀའ་ཤག་གི་འདེམས་ཐོན་བཀའ་བློན་རྣམ་པས་ལས་འཁུར་དང་གསང་རྒྱའི་དམ་འབུལ་ཞུས་སོང་། ལས་འཁུར་དམ་འབུལ་གྱི་མཛད་སྒོ་དེ་བཞིན་གངས་སྐྱིད་སྲིད་སྐྱོང་ཚོགས་ཁང་དུ་འཚོགས་ཡོད་པ་དང་། སྐབས་དེར་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཚོགས་གཞོན་དབུས་པའི་མཛད་གཙོ་རྣམ་པ་ལྷན་ཞུགས་ཐོག་ནས་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་ནས་ལས་འཁུར་དང་གསང་རྒྱའི་དམ་འབུལ་ཞུས་ཡོད་ཅིང་། དམ་འབུལ་ཞུས་གྲུབ་མཚམས་བཀའ་བློན་རྣམ་པས་དམ་འབུལ་ཡིག་ཆ་དང་། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པའི་མཛད་འཁུར་དང་གསང་རྒྱའི་དམ་འབུལ་མ་དེབ་བཅས་སུ་མཚན་རྟགས་བསྐྱོན་སོང་། སྲིད་སྐྱོང་སྤེན་པ་ཚེ་རིང་མཆོག་གིས་བཀའ་བློན་གྱི་དམ་འབུལ་གྲུབ་མཚམས། ཆོས་རིག་བཀའ་བློན་དུ་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། ནང་སྲིད་བཀའ་བློན་དུ་དཔལ་ལྡན་དོན་གྲུབ་མཆོག དཔལ་འབྱོར་བཀའ་བློན་དུ་ཚེ་རིང་དོན་གྲུབ་མཆོག ཤེས་རིག་བཀའ་བློན་དུ་ཨོ་རྒྱན་བསྟན་འཛིན་མཆོག བདེ་སྲུང་བཀའ་བློན་དུ་ཀུན་དགའ་བཀྲ་ཤིས་མཆོག འཕྲོད་བསྟེན་བཀའ་བློན་དུ་པདྨ་མཚོ་མཆོག་བཅས་ལ་བསྐོ་གཞག་དང་ལས་ཁུངས་ཆ་བགོས་གནང་ཡོད་པ་དང་། སྲིད་སྐྱོང་མཆོག་གནས་སྐབས་རིང་ཕྱི་དྲིལ་བཀའ་བློན་གཅིག་ལྕོགས་ཀྱི་ཐུགས་འགན་བཞེས་རྒྱུ་ཡིན་པ་རེད་འདུག འདི་ག་རླུང་འཕྲིན་ཁང་ནས་བཀའ་བློན་རྣམས་ལ་བཅར་འདྲི་ཞུས་སྐབས། བཀའ་བློན་ཚང་མས་སྲིད་སྐྱོང་སྤེན་པ་ཚེ་རིང་མཆོག་གིས་དབུ་ཁྲིད་པའི་བཀའ་ཤག་གི་འོག་ནས་གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་དགོངས་གྲུབ་པར་བྱ་རྒྱུ་དང་བོད་གཞིས་བྱེས་མང་ཚོགས་ཀྱི་མངོན་འདོད་ལྟར་གྲུབ་རྒྱུ་ཙམ་མ་ཟད། གཞིས་བཞུགས་བོད་མིའི་ཐུགས་ཕམ་མ་བྱུང་བའི་ཕྱག་ལས་གནང་རྒྱུ་འབད་བརྩོན་མུ་མཐུད་བྱ་རྒྱུ་ཡིན་པ་སོགས་གསུངས་སོང་། རྩ་བའི་བཀའ་བློན་རྣམས་དམ་འབུལ་གྱི་མཛད་སྒོ་གྲུབ་རྗེས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དང་། གནས་ཆུང་གྲྭ་ཚང་། དགའ་གདོང་གྲྭ་ཚང་བཅས་སུ་མཆོད་མཇལ་དུ་ཕེབས་ཡོད་པ་མ་ཟད། ཉིན་རྒྱབ་ཆུ་ཚོད་ ༡:༣༠ ཐོག་གྲོས་ཚོགས་ཚོགས་མཐུན་མཐའ་མ་དེར་མཉམ་ཞུགས་གནང་ཡོད་པ་རེད། ལྷག་པར་མཛད་རིམ་ཐུགས་གཏན་འཁེལ་བར་གཞིགས་ན། སང་ཉིན་ཕྱི་ཚེས་ ༤ ཉིན་གྱི་སྔ་དྲོ་ཆུ་ཚོད་ ༧:༠༠ ཐོག གནས་ཆུང་གྲྭ་ཚང་དུ་གཞུང་འབྲེལ་གནས་ཆུང་ཆོས་རྒྱལ་ཆེན་པོ་དབྱར་གསོལ་སྤྱན་འདྲེན། ཆུ་ཚོད་ ༡༠:༣༠...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༣ ཉིན་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཉིན་གྲངས་གཉིས་རིང་གི་གྲོས་ཚོགས་ཚོགས་དུས་དང་པོ་རྒྱལ་ཁའི་ངང་མཇུག་བསྒྲིལ་གནང་སོང་། དེ་ཡང་སྔ་དྲོ་ཆུ་ཚོད་ ༡༠།༠༠ ཐོག་དཔལ་ལྡན་ཚོགས་གཙོ་སྒྲོལ་མ་ཚེ་རིང་མཆོག་དབུ་བཞུགས་ཐོག་གྲོས་ཚོགས་ཚོགས་དུས་དང་པོའི་ལས་ཉིན་གཉིས་པ་ཚོགས་ཤིང་། ལས་ཉིན་སྔོན་མའི་འཕྲོས་མུ་མཐུད་ཡིག་ཆ་ཨང་། ༣ བོད་ནང་གི་ཛ་དྲག་གནས་སྟངས་ལ་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་འཆར་ཐོག་སྤྱི་འཐུས་རྣམ་པས་བགྲོ་གླེང་མཐིལ་ཕྱིན་གནང་རྗེས། དོན་ཚན་དྲུག་ཅན་གྱི་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་སྤྱི་མོས་ཐོག་གཏན་འབེབས་གནང་སོང་། གྲོས་ཆོད་དོན་ཚན་དྲུག་ནི། ༡༽ ད་བར་རྒྱ་ནག་དམར་གཞུང་གིས་བོད་མི་རྣམས་ལ་བཙན་གནོན་དང་སྡུག་སྦྱོང་མནར་གཅོད་འོག་བོད་བསྟན་སྲིད་མི་རིགས་ཆེད་ལུས་སྲོག་ལོངས་སྤྱོད་དང་བཅས་པ་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ལྷག་བསམ་དང་སྙིང་སྟོབས་ལ་ཡི་རངས་དང་། འཕགས་མཆོག་འཇིག་རྟེན་མགོན་པོས་རྗེས་སུ་བཟུང་ནས་སླར་ཡང་བོད་གངས་ཅན་ལྗོངས་སུ་སྐྱེས་ཤིང་བོད་བསྟན་སྲིད་མི་རིགས་ཀྱི་ཆེད་རྨད་བྱུང་མཛད་རྗེས་འཇོག་གནང་ཡོང་བའི་སྨོན་འདུན་དང་ཤུལ་ལུས་ཉེ་འབྲེལ་ལྟོས་བཅས་ཡོངས་ལ་ཐུགས་གསོ་ཞུ་རྒྱུ། ༢༽ རྒྱ་གཞུང་གིས་བོད་ནང་འགྲོ་བ་མིའི་གཞི་རྩའི་ཐོབ་ཐང་དང་འགལ་བའི་ཆེས་གདུག་རྩུབ་ཆེ་བའི་དྲག་གནོན་གྱི་སྲིད་བྱུས་རྣམས་འཕྲལ་དུ་མཚམས་འཇོག་དགོས་པ་དང་། དེ་བཞིན་རྒྱ་གཞུང་གིས་ཆོས་ལུགས་ཀྲུང་གོ་ཅན་དུ་བསྒྱུར་བའི་སྲིད་བྱུས་དང་། བོད་ཀྱི་བྱིས་པ་རྣམས་བཅའ་སྡོད་སློབ་གྲྭ་ཁག་ནང་བཙན་གྱིས་འཁྲིད་དེ་རང་གི་ཕ་མ་དང་། སྤྱི་ཚོགས། སྐད་ཡིག་རིག་གཞུང་དང་བཅས་པ་ཁ་བྲལ་དུ་གཏོང་བཞིན་པའི་རྒྱ་སྒྱུར་སྲིད་བྱུས་བཅས་ལ་མཐའ་གཅིག་ཏུ་ངོ་རྒོལ་བྱ་རྒྱུ་དང་། བོད་ནང་གི་བོད་མིའི་མངོན་འདོད་བཞིན་འགྲོ་བ་མིའི་ཐོབ་ཐང་དང་། ཆོས་དང་། རིག་གཞུང་། སྐད་ཡིག་བཀོལ་སྤྱོད་བྱ་རྒྱུར་བཅས་ལ་རང་དབང་སྤྲོད་དགོས། ༣༽ པཎ་ཆེན་སྐུ་ཕྲེང་བཅུ་གཅིག་པ་བསྟན་འཛིན་དགེ་འདུན་ཡེ་ཤེས་འཕྲིན་ལས་ (དགེ་འདུན་ཆོས་ཀྱི་ཉི་མ།) མཆོག་གིས་གཙོས་རྒྱ་གཞུང་གི་བཙན་འོག་ཏུ་སྡུག་སྦྱོང་མྱོང་བཞིན་པའི་བོད་ཀྱི་ཆབ་སྲིད་བཙོན་པ་རྣམས་གང་མགྱོགས་གློད་བཀྲོལ་བཏང་ནས། ཁོང་རྣམ་པའི་ཚེ་སྲོག་དང་། རང་དབང་ལ་འགན་ཁུར་བའི་ཐོག་ནས་འགྲོ་བ་མིའི་གཞི་རྩའི་ཐོབ་ཐང་ལོངས་སུ་སྤྱོད་དུ་འཇུག་དགོས་པ་ནན་བརྗོད་བྱ་རྒྱུ། ༤༽ བོད་ཀྱི་ལོ་རྒྱུས་ཀྱི་གནས་བབས་ཐོག་ནས་བོད་ནི་རྒྱ་ནག་གི་ཆ་ཤས་ནམ་ཡང་མིན་པར་རང་བཙན་གཙང་མའི་རྒྱལ་ཁབ་ཅིག་ཡིན་པ་དང་།...

སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་ལྷོ་ཕྱོགས་ཀྱི་མངའ་སྡེ་ཀར་ན་ཊ་ཀའི་སྤྱི་ཁྱབ་བློན་ཆེན་སྐུ་ཞབས་ཤི་བ་ཀུ་མཱར་མཆོག་ལ་འཚམས་འདྲི་ཞུས་འདུག The post སྲིད་སྐྱོང་མཆོག་གིས་ཀར་ན་ཊ་ཀའི་མངའ་སྡེ་སྤྱི་ཁྱབ་བློན་ཆེན་མཆོག་ལ་འཚམས་འདྲི་ཞུས། appeared first on བོད་ཀྱི་དུས་བབ།.


 ཕྱི་ལོ་༢༠༢༦ ཟླ་༦ ཚེས་༣ ཉིན་གྱི་སྔ་དྲོ་ཆུ་ཚོད་༡༠།༠༠ ཐོག སྤྱི་འཐུས་ཚོགས་གཙོ་སྒྲོལ་མ་ཚེ་རིང་དབུ་བཞུགས་ཐོག སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་གཉིས་པ་དབུ་འཛུགས་གནང་བ་དང་།
སྤྱི་འཐུས་རྣམས་པས་ལས་ཉིན་སྔོན་མའི་འཕྲོས། བོད་ནང་གི་ཛ་དྲག་གནས་སྟངས་ལ་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་འཆར་ཐོག་བགྲོ་གླེང་གནང་རྗེས། The post བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་སྐྱེད་ཀྱི་སྤྱི་མོས་གྲོས་ཆོད།
 appeared first on བོད་ཀྱི་བང་ཆེན།.

དེ་རིང་བཀའ་བློན་གསར་པ་དྲུག་ནས་ལས་འཁུར་དམ་འབུལ་ཞུས་རྗེས། སྲིད་སྐྱོང་མཆོག་གིས་བཀའ་བློན་རྣམ་པར་ལས་ཁུངས་ཆ་བགོས་གནང་ཞིང་། སྐབས་བཅོ་བརྒྱད་པའི་གྲོས་ཚོགས་ཚོགས་དུས་དང་པོ་དེ་བཀའ་སྤྱི་གཉིས་ལྷན་འཛོམས་ཐོག་མཇུག་བསྒྲིལ་སོང་། The post སྐབས་བཅུ་བདུན་པའི་བཀའ་ཤག་གི་བཀའ་བློན་གསར་པ་དྲུག་གིས་ལས་འཁུར་དམ་འབུལ་ཞུས། appeared first on བོད་ཀྱི་དུས་བབ།.

༄༅། །བོད་རྒྱལ་ལོ་ ༢༡༥༣ རབ་གནས་མེ་རྟ་ལོའི་ཟླ་བ་ ༤ ཚེས་ ༡༨ ཕྱི་ལོ་ ༢༠༢༦ ཟླ་བ་ ༦ ཚེས་ ༣ རེས་གཟའ་ལྷག་པ་ཉིན་དྷ་ས་གངས་སྐྱིད་སྲིད་སྐྱོང་ཚོགས་ཁང་དུ་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་དུ་བཀའ་ཤག་སྐབས་བཅུ་བདུན་པའི་བདམས་ཐོན་བཀའ་བློན་རྣམ་པས་ལས་ཁུར་དང་གསང་རྒྱའི་དམ་བཅའ་ཕུལ་ཡོད།དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨།༣༠ སྟེང་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག དཔལ་ལྡན་ཁྲིམས་ཞིབ་པ་གཞན་འཕགས་པ་ཚེ་རིང་མཆོག  དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། བོད་མི་མང་སྤྱི་འཐུས་རྒྱུན་ལས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་དང་སྲི་ཞུའི་ལས་བྱེད་རྣམ་པ་བཅས་ཚང་འཛོམས་ཀྱིས་ཐོག་མར་གནས་ཆུང་སྒྲ་དབྱངས་གླིང་གི་དགེ་འདུན་བཞི་གྲས་ཤིས་བརྗོད་གསུང་འདོན་གནང་རྗེས་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་མཚམས་བདམས་ཐོན་བཀའ་བློན་ཀུན་དགའ་བཀྲ་ཤིས་མཆོག་དང་། ཨོ་རྒྱན་བསྟན་འཛིན་མཆོག ཆུ་སྐྱ་སྦྲ་གཉིས་ཚེ་རྒྱལ་མཆོག  དཔལ་ལྡན་དོན་གྲུབ་མཆོག གྱང་གསར་ཚེ་རིང་དོན་གྲུབ་མཆོག པདྨ་མཚོ་མཆོག་བཅས་ནས་རིམ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་རྗེས་དཔལ་ལྡན་ཁྲིམས་ཞིབ་པ་ཆེ་བ་མཆོག་གི་དྲུང་ནས་ལས་ཁུར་དང་གསང་རྒྱའི་དམ་བཅའ་ཕུལ་ཡོད།དེ་རྗེས་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་བཀའ་བློན་རྣམ་པར་རྟེན་འབྱུང་མཇལ་དར་སྒྲོན་འབུལ་གནང་གྲུབ་མཚམས་དམ་འབུལ་མ་དེབ་ཏུ་མཚན་རྟགས་བཀོད་རྗེས་བཀའ་བློན་རྣམ་པ་སོ་སོའི་བཞུགས་གྲལ་དུ་འཁོད་པ་དང་། དེ་ནས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། དྲུང་ཆེ་། འགན་འཛིན་རྣམ་པ་བཅས་ཀྱིས་རིམ་བཞིན་༸རྒྱལ་བའི་བཞུགས་ཁྲི་རིན་པོ་ཆེར་མཎྜལ་རྟེན་དོད་དང་མཇལ་དར་ཕུལ་བ་དང་། དེ་བཞིན་བཀའ་བློན་རྣམ་པར་རྟེན་འབྱུང་མཇལ་དར་བསྒྲོན་གྲུབ་མཚམས་རྟེན་འབྱུང་གསོལ་ཇ་དང་འབྲས་སིལ་འདེགས་འབུལ་ཞུས་རྗེས་བཀའ་བློན་རྣམ་པའི་དམ་འབུལ་གྱི་མཛད་སྒོ་རྒྱལ་ཁའི་ངང་ནས་གྲོལ་ཡོད། ༡། ཆུ་སྐྱ་སྦྲ་གཉིས་ཚེ་རྒྱལ་མཆོག་ནི། ཕྱི་ལོ་ ༡༩༦༦ ཟླ་བ་ ༠༢ ཚེས་ ༠༢...

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཤིབ་ཀུ་མཱར་(D.K.Shivakumar) མཆོག་གིས་ལས་ཁུར་དམ་འབུལ་ཞུས་པར་འཚམས་འདྲི་ཞུས་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་འཚམས་འཕྲིན་ནང་འཁོད་དོན། སྐུ་ཉིད་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་དུ་བསྐོ་གཞག་བྱུང་བར་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིིན། སྐུ་ཉིད་སྤྱི་ཁྱབ་བློན་ཆེན་གྱི་གོ་གནས་སུ་བསྐོ་གཞག་བྱུང་བ་ནི་སྐུ་ཉིད་ཀྱི་ཐུན་མོང་མ་ཡིན་པའི་འགོ་ཁྲིད་ཀྱི་ནུས་པ་དང་། ཡར་རྒྱས་ལ་དམིགས་པའི་ཕྱག་ལས་གནང་སྟངས་བཅས་ལ་ངོས་འཛིན་ཆེན་པོ་ཐོབ་པ་ཞིག་ཡིན་པ་མ་ཟད། འདི་དག་ནི་ཀརནཱ་ཊཀའི་མི་མང་གི་མངོན་འདོད་ཀྱི་མཚོན་དོན་ཤུགས་ཆེ་ཞིག་ཀྱང་ཆགས་ཀྱི་ཡོད། ཅེས་དང་། ཀརནཱ་ཊཀ་དང་བོད་མི་དབར་ལོ་རྒྱུས་ཀྱི་འབྲེལ་བ་གཏིང་ཟབ་ཡོད་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༡༩༥༩ ལོར་རྒྱ་གར་དུ་ཆིབས་བསྒྱུར་བསྐྱངས་གནང་མཛད་རྗེས། ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་ཞིང་གཤེགས་དམ་པ་སྐུ་ཞབས་ནི་ཇི་ལིང་ག་པ་ (S.Nijalingappa) མཆོག་གིས་ཕྱི་ལོ་ ༡༩༦༠ ལོར་སྦེལ་ཀོབ་ཏུ་ས་ཞིང་ཨེར་ཀ་ ༣༠༠༠ ལྷག་གཏོང་ཕོད་ཆེན་པོས་མཁོ་སྤྲོད་གནང་ཡོད་པ་དང་། འདིའི་བརྒྱུད་བོད་མི་སྟོང་ཕྲག་མང་པོར་རང་ཉིད་ཀྱི་འཚོ་བ་བསྐྱར་གསོ་དང་། རིག་གཞུང་ཉར་ཚགས་ཐུབ་པ་བྱུང་ཡོད་པ་གསུངས་ཡོད། མཐར་དཔལ་ལྡན་སྲིད་སྐྱོང་མཆོག་གིས་སྐུ་ཉིད་ནས་ཀརནཱ་ཊཀ་མངའ་སྡེའི་འགོ་ཁྲིད་གནང་བའི་རིང་ལས་དོན་མཐའ་དག་ལམ་ལྷོངས་ཡོང་བའི་སྨོན་འདུན་དང་། ཞིང་གཤེགས་དམ་པ་སྐུ་ཞབས་ནི་ཇི་ལིང་ག་པ་ (S.Nijalingappa) མཆོག་གི་མཛད་རྗེས་བཞིན་སྐུ་ཉིད་ཀྱིས་སྤྱི་ཁྱབ་བློན་ཆེན་གྱི་ཕྱག་ལས་གནང་བའི་དུས་ཡུན་རིང་ཀརནཱ་ཊཀའི་མི་མང་དང་བོད་པའི་སྤྱི་ཚོགས་ལ་ཕན་ཐོགས་ཆེན་པོ་བྱུང་རྒྱུའི་ཡིད་ཆེས་བརྟན་པོ་ཞུ་བཞིན་ཡོད་ཅེས་དང་། སྐུ་ཉིད་ཀྱི་འགོ་ཁྲིད་འོག་ང་ཚོའི་དབར་མཛའ་འབྲེལ་དང་ཕན་ཚུན་བརྩི་བཀུར་གྱིས་འབྲེལ་བ་ཇེ་བརྟན་ཏུ་འགྲོ་བའི་རེ་བ་ཞུ་བཞིན་ཡོད་ཅེས་གསུངས། །

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢ ཉིན། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ གཞིར་བཟུང་། སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དང་པོའི་ཐོག་བཀའ་བློན་འོས་དམིགས་ ༦ མཚན་འདོན་གནང་སྟེ་འོས་ཐོན་བྱུང་བ་བཞིན། ཕྱི་ཚེས་ ༣ ཉིན་བདམས་ཐོན་བཀའ་བློན་རྣམ་པའི་ལས་ཁུར་དང་གསང་རྒྱའི་དམ་བཅའ་འབུལ་བཞེས་གྲུབ་མཚམས། དཔལ་ལྡན་སྲིད་སྐྱོང་མཆོག་གིས་ཆོས་རིག་བཀའ་བློན་དུ་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། ནང་སྲིད་བཀའ་བློན་དུ་དཔལ་ལྡན་དོན་གྲུབ་མཆོག དཔལ་འབྱོར་བཀའ་བློན་དུ་ཚེ་རིང་དོན་གྲུབ་མཆོག ཤེས་རིག་བཀའ་བློན་དུ་ཨོ་རྒྱན་བསྟན་འཛིན་མཆོག བདེ་སྲུང་བཀའ་བློན་དུ་ཀུན་དགའ་བཀྲ་ཤིས་མཆོག འཕྲོད་བསྟེན་བཀའ་བློན་དུ་པདྨ་མཚོ་མཆོག་བཅས་བསྐོ་གཞག་དང་ལས་ཁུངས་ཆ་བགོས་གནང་ཡོད་པ་དང་། གནས་སྐབས་རིང་དཔལ་ལྡན་སྲིད་སྐྱོང་མཆོག་གིས་ཕྱི་དྲིལ་བཀའ་བློན་གཅིག་ལྕོགས་གནང་རྒྱུ་ཡིན་འདུག དེ་ཡང་བཀའ་བློན་རྣམ་པའི་ཉིན་གསུམ་གྱི་མཛད་རིམ་གོ་སྒྲིག་གནང་བ་གཞིར་བཟུང་།  ཕྱི་ལོ་ ༢༠༢༦ ཟླ་བ་ ༦ ཚེས་ ༣ ཉིན་གྱི་སྔ་དྲོ་ཆུ་ཚོད་ ༨།༣༠ སྟེང་། སྲིད་སྐྱོང་ཚོགས་ཁང་དུ་བཀའ་བློན་རྣམ་པའི་དམ་འབུལ་མཛད་སྒོ་གྲུབ་བསྟུན། ཐེག་ཆེན་ཆོས་གླིང་གཙུག་ལག་ཁང་དང་། གནས་ཆུང་སྒྲ་དབྱངས་གླིང་གྲྭ་ཚང་།...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢ ཉིན་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་གྲོས་ཚོགས་ཚོགས་ཁང་ནང་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོ་ཚོགས་གནང་སོང་། དེ་ཡང་གོང་ཚེས་ཉིན་གྱི་སྔ་དྲོའི་ཆུ་ཚོད་ ༩།༣༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། དཔལ་ལྡན་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག དེ་བཞིན་བོད་མི་མང་སྤྱི་འཐུས་རྣམ་པ་བཅས་ཚང་འཛོམས་ཀྱིས་ཐོག་མར་དཔལ་ལྡན་ཚོགས་གཙོ་མཆོག་གིས་ཚོགས་འདུ་དབུ་འཛུགས་ཀྱིས་གསལ་བསྒྲགས་དང་འབྲེལ། ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བཏང་རྗེས་དཔལ་ལྡན་ཚོགས་གཙོ་མཆོག་གིས་ཚོགས་འདུ་དབུ་འཛུགས་ཀྱི་གསུང་བཤད་གནང་སོང་། དེ་རྗེས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་། ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་དགུ་པ་དང་། བཅུ་དྲུག་གཞིར་བཟུང་། ཚོགས་གཙོའི་ལས་ཚབ་དང་། ལས་རིམ་ཚོགས་ཆུང་གི་ཚོགས་མི་བསྐོ་གཞག་གནང་གྲུབ་མཚམས། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཀའ་ཤག་གི་དགའ་བསུའི་འཚམས་འདྲི་ཞུས་གནང་སོང་། དེ་ནས་སྤྱི་འཐུས་བསྟན་པ་ཡར་འཕེལ་ལགས་ཀྱིས་བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་སྙན་སྒྲོན་གནང་བ་དང་། དེར་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་ལགས་ཀྱིས་རྒྱབ་སྐྱོར་གནང་རྗེས། སྤྱི་འཐུས་རྣམ་པས་བགྲོ་གླེང་གནང་འགོ་བཙུགས་སོང་། ཉིན་རྒྱབ་གྲོས་ཚོགས་ཚོགས་དུས་བཞི་པར། བཀའ་བློན་འོས་འདེམས་ཀྱི་ལས་རིམ་ཐོག དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཅའ་ཁྲིམས་ལྟར་བཀའ་བློན་འོས་མིའི་མཚན་དང་ལོ་རྒྱུས་སྙིང་བསྡུས་རེ་སྤྱི་འཐུས་ལྷན་ཚོགས་སུ་སྒྲོགས་སྦྱང་གནང་བ་དང་། ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་སྤྱི་མོས་ཐོག་འོས་འདེམས་གནང་བ་དང་། འོས་མི་གཞན་རྣམས་ལ་དགག་བྱ་བྱུང་སྟབས་ཁྲིམས་སྒྲིག་ལྟར་ངོ་ཡོད་སྤྱི་འཐུས་རྣམ་པས་གསང་བའི་འོས་བསྡུ་གནང་སྟེ། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། དཔལ་འབྱོར་ལས་ཁུངས་ཀྱི་དྲུང་ཆེ་ཚེ་རིང་དོན་གྲུབ་ལགས། སྤྱི་ཟུར་ཨོ་རྒྱན་བསྟན་འཛིན་ལགས། དྲུང་ཆེ་ཟུར་པ་ཀུན་དགའ་བཀྲ་ཤིས་ལགས། སྤྱི་འཐུས་པདྨ་མཚོ་མཆོག་བཅས་ལ་སྤྱི་འཐུས་ངོ་ཡོད་བརྒྱ་ཆ་ལྔ་བཅུ་ཡན་གྱིས་རྒྱབ་སྐྱོར་ཐོབ་རྗེས། དཔལ་ལྡན་ཚོགས་གཙོ་མཆོག་གིས་བཀའ་བློན་དུ་འོས་འདེམས་བྱུང་བའི་གསལ་བསྒྲགས་གནང་ཡོད་པ་བཅས། །

འཛམ་གླིང་ནང་འགྲོ་བ་མིའི་ཐོབ་ཐང་དོན་གཉེར་བ་དང་། དམངས་གཙོ་དང་རང་དབང་རྩོད་ལེན་གནང་མཁན་གྱི་འདུ་འཛོམས་ཆེ་ཤོས་ཁོངས་ནས་ནོར་ཝེ་རྒྱལ་སར་ཨོསི་ལོ་རང་དབང་གི་གླེང་སྟེགས་ཐོག་རི་ཅརཌི་གྷི་ཡར་ལགས་ཀྱིས་ལོ་ངོ་བཅུ་ཕྲག་མང་པོའི་རིང་བོད་དོན་དྲིལ་བསྒྲགས་དང་དངོས་ཤུགས་བརྒྱུད་གསུམ་ནས་ལས་དོན་བརྩམས་པ་དང་རྒྱབ་སྐྱོར་གནང་བར་ངོས་འཛིན་གྱིས། རི་ཅརཌི་གྷི་ཡར་ལགས་ལ་ཝསི་ལབ་ཧ་ཝེལ་རྒྱལ་སྤྱིའི་གསར་གཏོད་ཀྱི་གཟེངས་རྟགས་དེ་ཕུལ་གནང་འདུག ཁོང་གིས་ ༡༩༩༣ ལོར་ཧོ་ལི་ཝུཌ་གློག་བརྙན་སྒྱུ་རྩལ་བའི་སྤྱི་ཚོགས་ཁྲོད་སོ་སོའི་ལས་རིགས་ཀྱི་མཚན་སྙན་ཚད་མཐོ་ཤོས་ལ་སླེབས་པའི་སྐབས་ཨ་རིའི་ཨོ་ཀེ་ཌི་མི་རྟགས་མའི་བྱ་དགའི་དུས་སྟོན་གི་སྡིངས་ཆའི་སྟེང་དུས་ཡུན་སྐར་མ་གཅིག་རིང་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་སྐོར་གཏམ་བཤད་གནང་སྟེ་རྒྱ་ནག་གཞུང་ལ་སྐྱོན་བརྗོད་གནང་ཡོད་པར་བརྟེན། དེས་ཁོང་གི་མི་ཚེའི་ནང་ལོ་ངོ་ ༢༠ ...

སྲིད་སྐྱོང་གིས་མཚན་འདོན་གནང་བ་བཞིན་གྲོས་ཚོགས་ནས་སྐབས་ ༡༧ བཀའ་ཤག་གི་བཀའ་བློན་ ༦ བསྐོ་གཞག་གནང་པ། ཕྱི་ལོ་ ༢༠༢༦ ཟླ་ ༦ ཚེས་ ༢ ཉིན་ཏེ་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་དང་པོའི་ཐོག སྲིད་སྐྱོང་སྤེན་པ་ཚེ་རིང་ལགས་ཀྱིས་འོས་མིང་མཚན་འདོན་གནང་བའི་འཛིན་སྐྱོང་བཀའ་ཤག་གི་བཀའ་བློན་འོས་མི་དྲུག་ཀར་གྲོས་ཚོགས་ནང་མང་མོས་ཐོབ་སྟེ་བསྐོ་གཞག་ཐུབ་པ་བྱུང་ཡོད་པ་རེད། སྤྱི་འཐུས་ལྷན་ཚོགས་སུ་སྲིད་སྐྱོང་སྤེན་པ་ཚེ་རིང་ལགས་ཀྱིས་སྐབས་ ༡༧ པའི་བཀའ་ཤག་གི་བཀའ་བློན་གྱི་འོས་མིའི་མཚན་དང་ལོ་རྒྱུས་སྙིང་བསྡུས་རེ་སྒྲོག་སྦྱང་གནང་རྗེས། གྲོས་ཚོགས་ཀྱི་ཚོགས་མི་རྣམས་ཀྱིས་མང་མོས་ཐོག་འོས་འདེམས་གནང་སྟེ་བཀའ་བློན་དུ་བསྐོ་བཞག་བྱུང་བ་རྣམས་ནི། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། དཔལ་འབྱོར་དྲུང་ཆེ་གྱང་སར་ཚེ་རིང་དོན་གྲུབ་ལགས། སྤྱི་ཟུར་ཨོ་ར...

ཕྱི་ཚེས་ ༡ ཉིན་རྒྱ་ནག་གིས་དྲུག་གཅིག་བྱིས་པའི་དུས་སྟོན་སྐབས་ ༧༧ ཐོག་ཏུ་བོད་ཁུལ་ཡོངས་སུ་ཏང་ཕྲུག་གསར་སྐྱེས་ཟེར་བའི་བྱ་འགུལ་ཆེན་པོ་ཞིག་སྤེལ་ཡོད་པ་དང་། གཙོ་བོ་སློབ་ཕྲུག་ཆུང་ཆུང་ཚོའི་སྐེེ་ལ་ན་ཆུང་གདོང་ལེན་རུ་ཁག་གི་སྐེ་རས་དམར་པོ་ཟེར་བ་བཏགས་ནས་ཏང་ལ་དགའ་ཞེན་བྱ་དགོས་པའི་སློབ་གསོ་བརྒྱབ་འདུག འདི་ག་རླུང་འཕྲིན་ཁང་ལ་འབྲེལ་ཡོད་གཅིག་གིས་གནས་ཚུལ་མཁོ་སྤྲོད་བྱས་པ་ལྟར་ན། བོད་པའི་སློབ་ཕྲུག་ཆུང་ཆུང་ཚོ་ལ་ཏང་གི་སློབ་གསོ་ཟེར་བ་ཤུགས་ཆེན་པོ་སྤེལ་ཡོད་པ་དང་། ལྷག་པར་དུ་ད་ལོའི་དྲུག་གཅིག་བྱིས་པའི་དུས་ཆེན་སྐབས་སུ་བོད་ཁུལ་གྱི་ས་ཆ་ཁ་ཤས་ལ་སློབ་ཕྲུག་ཆུང་ཆུང་ཚོས་བོད་ལྭ་གྱོན་མི་ཆོག་པ་དང་བྱིས་པ་འབྲེལ་ཡོད་ཀྱི་བྱེད་སྒོ་རིགས་རྒྱ་སྐད་ཐོག་སྤེལ་དགོས་འདུག་ཅེས་འགྲེལ་བརྗོད་གནང་སོང་། ཡང་འབྲེལ་ཡོད་གཞན་ཞིག་གིས་བཤད་རྒྱུར་ད་ལོ་ནས་བཟུང་མགོ་ལོག་ཁུལ་རྨ་ཆེན་རྫོང་གི་བྱིས་གཉོར་ཁང་ཞིག་གིས། བོད་ཕྲུག་བྱིས་པ་ཚོ་ལ་ཐོག་མར་རྒྱའི་སྐད་ཡིག་གི་རྨང་གཞིའི་ཤེས་ཚད་འགྲན་བསྡུར་བྱས་ནས་ཨང་རིམ་བཀར་ཡོད་པ་དང་། ཞི་ཅིན་ཕེང་བྱིས་པའི་སྤྲོ་སྣང་ཟེར་བའི་བྱ་འགུལ་ཞིག་སྤེལ་ཡོད་འདུག བྱ་འགུལ་ནང་དུ་གཙོ་བོ་ཞི་ཅིན་ཕེང་གི་ཀྲུང་གོའི་བྱིས་པའི་མ་འོངས་སྐོར་གྱི་སློབ་གསོ་དང་། བྱིས་པའི་བསམ་བློའི་ཀུན་སྤྱོད་ངོ་སྤྲོད་བྱས་འདུག བྱ་འགུལ་ཁྲོད་དུ་ཨང་རིམ་བཀར་ཡོད་པ་དང་། ཨང་རིམ་ལྟར་བྱིས་པ་ཚོ་ལ་རྔན་པ་དང་ཆེ་བསྟོད་ལག་ཁྱེར་སྤྲད་འདུག་ཅེས་འགྲེལ་བརྗོད་གནང་སོང་། མ་ཟད་ད་ལོའི་དགུན་ཁའི་གུང་སེང་སྐབས་ནས་བྱིས་པ་དགོན་པའི་ནང་དུ་འགྲོ་མི་ཆོག་པ་དང་། གྲྭ་བཙུན་བྱེད་མི་ཆོག་པའི་ཁྲིམས་འདི་ལོ་སྔོན་མ་ནས་དྲིལ་བསྒྲགས་བྱས་ཡོད་པ་དང་། འབྲེལ་ཡོད་གཞུང་གི་ལས་བྱེད་ཀྱིས་སློབ་གྲྭ་སོགས་ལ་ཟབ་སྦྱོང་འཚོགས་ཡོད་པ་རེད། བོད་པ་ཚོ་ལ་མཚོན་ན་དགོན་པའི་དུས་ཆེན་དང་། བླ་མ་སོགས་ཀྱི་འཁྲུངས་སྐར་སྐབས་སུ་བྱིས་པ་ཆུང་ཆུང་ཚོ་དགོན་པའི་ནང་དུ་འཁྲིད་ནས་མཆོད་མཇལ་དང་ཆོས་ཀྱི་བྱེད་སྒོའི་བག་ཆགས་ཟབ་མོ་ཞིག་འཇོག་རྒྱུ་ཧ་ཅང་གལ་ཆེན་བརྩི་བཞིན་ཡོད་ཀྱང་། ད་ལོ་ནས་བཟུང་དམ་དྲག་ཤུགས་ཆེ་རུ་སོང་སྟབས་ལོ་ན་ ༡༨ མ་ལོན་པའི་བྱིས་པ་དགོན་པའི་ནང་དུ་འཁྲིད་སྐབས་གཞུང་ལ་ཆོག་མཆན་ཞུ་དགོས་པ་མ་ཟད། རྗེས་སུ་གཞུང་གིས་བྱིས་པ་དགོན་པའི་ནང་དུ་ཁྲིད་པ་ཤེས་རྟོགས་བྱུང་ན་ཉེས་ཆད་ཕོག་སྲིད་ཅེས་གསུངས་སོང་། རྩ་བའི་སྐབས་ ༧༧ པའི་བྱིས་པའི་དུས་སྟོན་སྐབས་སུ་ཐོག་མར་རྒྱ་ནག་གི་རྒྱལ་དར་ཁུར་ནས་འཕྲང་གཤོར་བྱས་ནས་འགྲོ་དགོས་པ་དང་དེ་རྗེས་རྒྱ་ནག་གི་གཙོ་འཛིན་རྣམས་ཀྱི་པར་རིས་ཁུར་ནས་འགྲོ་དགོས་འདུག བྱེད་སྟངས་འདི་ནི་ས་ཁུལ་གཅིག་ཙམ་མ་ཡིན་པར་བོད་ཁམས་ཡོངས་སུ་སྤེལ་བའི་བྱེད་སྒོ་ཆེན་པོ་ཞིག་ཡིན་འདུག The post རྒྱ་ནག་གིས་དྲུག་གཅིག་བྱིས་པའི་དུས་སྟོན་སྐབས་ ༧༧ པའི་བྱེད་སྒོའི་ནང་དུ་བོད་ཁུལ་གང་སར་ཏང་ལ་དགའ་ཞེན་དང་ཏང་ཕྲུག་གསར་སྐྱེས་ཟེར་བའི་ལས་འགུལ་སྤེལ་འདུག appeared first on vot.

སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དང་པོའི་སྟེང་དུ་བཀའ་ཤག་སྐབས་བཅུ་བདུན་པའི་བཀའ་བློན་དྲུག་སྤྱི་མོས་དང་མང་མོས་ཀྱི་ཐོག་ནས་འོས་འདེམས་བྱུང་སོང་། The post སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོ་ཉིན་གཉིས་རིང་འཚོག་མགོ་བཙུགས། appeared first on བོད་ཀྱི་དུས་བབ།.