[དྷ་རམ་སར] ཕྱི་ལོ་༢༠༢༦ ཟླ་༤ ཚེས་༢༢ ཉིན། ཨ་རིའི་ནང་རྟེན་གཞི་བྱས་པའི་རང་དབང་ཁང་པས་སྤེལ་བའི་སྙན་ཐོ་ལྟར་ན། ན་ནིང་ལོར། འཛམ་གླིང་གང་སར་ཡོད་པའི་སྲིད་གཞུང་ཁག་གིས་རང་ཉིད་ཀྱི་རྒྱལ་མཚམས་ལས་བརྒལ་ཏེ། གཞུང་ལ་སྐྱོན་བརྗོད་བྱེད་མཁན་རྣམས་ལ་ཉེས་རྡུང་དང་ལྐོག་གསོད། The post རྒྱ་ནག་ནིི་རྒྱལ་སྤྱིའི་ཐོག་རྒྱལ་མཚམས་ལས་བརྒལ་བའི་དྲག་གནོན་བྱེད་མཁན་གཙོ་བོར་གྱུར། appeared first on བོད་ཀྱི་བང་ཆེན།.

ཨ་རིའི་ཕྱི་སྲིད་ལྷན་ཁང་གི་དྲུང་ཆེ་གཞོན་པ་སཱ་མིར་པུལ་ཀཱ་པུར་ལགས་ཀྱིས་བལ་ཡུལ་ནང་གི་སྐྱབས་བཅོལ་བོད་མིའི་དཀའ་ངལ་སེལ་རོགས་བྱ་དགོས་པའི་འབོད་སྐུལ་གནང་། ཟླ་འདིའི་ཕྱི་ཚེས་ ༢༠ ནས་ ༢༢ བར་ཉིན་གསུམ་རིང་ཨ་རིའི་ཕྱི་སྲིད་ལྷན་ཁང་གི་ལྷོ་ཨེ་ཤེ་ཡ་དང་དབུས་ཨེ་ཤེ་ཡའི་དྲུང་ཆེ་གཞོན་པ་སྐུ་ཞབས་སཱ་མིར་པུལ་ཀཱ་པུར་ (Samir Paul Kapur) ལགས་བལ་ཡུལ་རྒྱལ་ཁབ་ནང་འཚམས་གཟིགས་ཕེབས་ཏེ། བལ་ཡུལ་གྱི་ཕྱི་སྲིད་བློན་ཆེན་ཤི་ཤིར་ཁཱ་ནལ་ (Shishir Khanal )་དང་། དཔལ་འབྱོར་བློན་ཆེན་སི་ཝིར་ནིམ་ཝ་གྷལ་(Swarnim Wagle)་གཉིས་དང་མཇལ་འཕྲད་ཀྱིས་ཨ་རི་དང་བལ་ཡུལ་རྒྱལ་ཁབ་གཉིས་བར་གྱི་ཚོང་འབྲེལ་དང་། མ་འཇོག་འཛུགས་སྐྲུན་སོགས་ཐོག་བགློ་གླེང་གནང་ཡོད་པ་མ་ཟད།སྐབས་དེར་བལ་ཡུལ་ནང་གི་སྐྱབས་བཅོལ་བོད་མི་རྣམས་ལ་འཕྲད་བཞིན་པའི་དཀའ་ངལ་ཐོག་བལ་ཡུལ་གཞུང་གིས་རྒྱབ་སྐྱོར་གནང་དགོས་པའི་འབོད་སྐུལ་གནང་འདུག ཨ་རིའི་རྒྱལ་སྲིད་ལྷན་ཁང་གི་དྲུང་ཆེ་གཞོན་པ་སཱ་མིར་པུལ་ཀཱ་པུར་ལགས་ཀྱིས་བལ་ཡུལ་གྱི་ཕྱི་སྲིད་བློན་ཆེན་ཤི་ཤིར་ཁཱ་ནལ་ཐུག་འཕྲད་བྱེད་སྐབས། བལ་ཡུལ་ནང་གི་བོད་མི་རྣམས་ལ་བལ་ཡུལ་གཞུང་གི་ཡིག་ཆའི་ཐོག་ནས་དཀའ་ངལ་འཕྲད་བཞིན་ཡོད་པས།  ད་ལྟའི་ཆར་བོད་མི་རྣམས་ཀྱིས་དངུལ་ཁང་བེད་སྤྱོད་བྱེད་ཕྱོགས་དང་། ཚོང་ལས་གཉེར་ཕྱོགས། སྨན་ཞབས་ཀྱི་སློབ་གཉེས་སོགས་ཀྱི་ལས་ཀ་བྱེད་པར་དཀའ་ངལ་འཕྲད་བཞིན་ཡོད། དེ་བཞིན་བལ་ཡུལ་གཞུང་གིས་བོད་མི་རྣམས་ཀྱི་དཀའ་ངལ་ཐོག་རོགས་སྐྱོར་བྱ་དགོས་པའི་འབོད་སྐུལ་གནང་འདུག སྐབས་དེར་བལ་ཡུལ་གྱི་ཕྱི་སྲིད་བློན་ཆེན་ཤི་ཤིར་ཀ་ནལ་མཆོག་གིས། བོད་མི་སྐྱབས་བཅོལ་བའི་གནད་དོན་ནི་བལ་ཡུལ་བྱང་ཕྱོགས་ཀྱི་ཁྱིམ་མཚེས་རྒྱལ་ཁབ་རྒྱ་ནག་ལ་འབྲེལ་བ་ཡོད་པ་རེད། བལ་ཡུལ་གཞུང་གིས་བོད་མི་སྐྱབས་བཅོལ་བ་རྣམས་མི་ཆོས་རིང་ལུགས་ཀྱི་རྨང་གཞིའི་ཐོག་ནས་སྣེ་ལེན་བྱེད་བཞིན་ཡོད། མ་འོངས་བའང་མུ་མཐུད་དུ་དེ་ལྟར་བྱ་རྒྱུ་ཡིན། ཅེས་བརྗོད་འདུག གནད་དོན་དེ་དང་འབྲེལ་ནས་ཟླ་འདིའི་ཕྱི་ཚེས་ ༧ ཉིན་བལ་ཡུལ་དུ་གནས་སྡོད་རྒྱ་ནག་གཞུང་ཚབ་པ་ཀྲང་མོ་མིང་(Zhang Maoming) དང་བལ་ཡུལ་ཕྱི་སྲིད་བློན་ཆེན་ཤི་ཤལ་ཀ་ནལ་གཉིས་ཐུག་འཕྲད་བྱེད་སྐབས། བལ་ཡུལ་ཕྱི་སྲིད་བློན་ཆེན་གྱིས་བལ་ཡུལ་གཞུང་གིས་ཕྱི་སྲིད་ལ་བཟུང་བའི་རྩ་ཁྲིམས་གཏན་འབེབས་བྱས་ཡོད་པ་ལྟར། ང་ཚོས་མུ་མཐུད་དུ་རྩ་དོན་གྱི་ལངས་ཕྱོགས་བརྟན་པོའི་ཐོག་ནས་རྒྱུན་འཁྱོངས་བྱ་རྒྱུ་ཡིན་ལ། ང་ཚོའི་ལངས་ཕྱོགས་སྔར་བཞིན་རང་འཇགས་ཡིན། རྒྱ་ནག་ཚུད་པའི་རྒྱལ་ཁབ་གཞན་གང་ལའང་ང་ཚོའི་ས་ཁོངས་བེད་སྤྱོད་གཏོང་དུ་འཇུག་རྒྱུ་མིན་ཡང་། ང་ཚོས་རྒྱ་ནག་གཅིག་གི་རྩ་དོན་ལ་རྒྱབ་སྐྱོར་བྱ་རྒྱུ་ཡིན། ཞེས་བརྗོད་འདུག བལ་ཡུལ་དུ་གནས་སྡོད་རྒྱ་ནག་གཞུང་ཚབ་པས། བལ་ཡུལ་གཞུང་གིས་བལ་ཡུལ་དུ་གནས་སྡོད་བོད་མིའི་གནས་བབ་རྒྱུས་ལོན་ཐོ་འགོད་བྱ་དགོས་པ་མ་ཟད།...

ཨོ་གླིང་དུ་གནས་སྡོད་བོད་ཀྱི་གཞས་པ་བསྟན་འཛིན་ཆོས་རྒྱལ་ལགས་ཀྱི་ཁ་བའི་མེ་ཏོག་ཅེས་པའི་ཆེད་སྒྲིག་ལ་འཛམ་གླིང་རོལ་དབྱངས་ཆེད་སྒྲིག་ལེགས་ཤོས་ཀྱི་བྱ་དགའ་ཐོབ། ལོ་ལྟར་ཨོ་གླིང་གི་ཁུན་སི་ལན་ཌི་ (Queensland) རོལ་དབྱངས་མཐུན་ཚོགས་ཀྱིས་ཨོ་གླིང་གི་རོལ་དབྱངས་དང་སྒྱུ་རྩལ་ལ་ཆེ་བསྟོད་དང་གཟེངས་རྟགས་འབུལ་སྲོལ་ཡོད་པ་ལྟར། ཁ་སང་ཕྱི་ཚེས་ ༢༢ ཉིན་ཨོ་གླིང་གི་ཕྱི་ལོ་ ༢༠༢༦ ལོའི་ཁུན་སི་ལན་ཌི་གླུ་གཞས་སྒྱུ་རྩལ་གཟེངས་རྟགས་ (Queensland Music Award) གནང་བའི་ཁྲོད། ཨོ་གླིང་དུ་གནས་སྡོད་བོད་ཀྱི་གཞས་པ་བསྟན་འཛིན་ཆོས་རྒྱལ་ལགས་ཀྱི་ཁ་བའི་མེ་ཏོག་ཞེས་པའི་ཆེད་སྒྲིག་ལ་འཛམ་གླིང་རོལ་དབྱངས་ཆེད་སྒྲིག་ལེགས་ཤོས་ཀྱི་བྱ་དགའ་ཐོབ་འདུག འདི་ལོའི་ཁུན་སི་ལན་ཌི་གླུ་གཞས་སྒྱུ་རྩལ་གཟེངས་རྟགས་ཁོངས་སུ། ལོ་འཁོར་མོའི་གཞས་རྩེ་གྲ་དང་། ལོ་འཁོར་མོའི་རོལ་དབྱངས་རྩེ་གྲ། བརྙན་ཡག་ཤོས། འཛམ་གླིང་རོལ་དབྱངས་ཆེད་སྒྲིག་ལེགས་ཤོས། བྱིས་པའི་གླུ་གཞས། དེང་རབས་ཆེད་སྒྲིག་ཡག་ཤོས། སྲོལ་རྒྱུན་གྱི་ཆེད་སྒྲིག་ལེགས་ཤོས། སྒྱུ་རྩལ་བ་ཡག་ཤོས་སོགས་ཁྱབ་ཁོངས་མི་འདྲ་བའི་གཟེངས་རྟགས་ ༢༠ འདུག་པ་དང་། གཞས་པ་བསྟན་འཛིན་ཆོས་རྒྱལ་ལགས་ཀྱི་ཆེད་སྒྲིག་ཁ་བའི་མེ་ཏོག་ཅེས་པར་འཛམ་གླིང་རོལ་དབྱངས་ཆེད་སྒྲིག་ལེགས་ཤོས་ཀྱི་བྱ་དགའ་ཐོབ་འདུག དེ་འབྲེལ་བསྟན་འཛིན་ཆོས་རྒྱལ་ལགས་ཀྱི་སྒེར་གྱི་ངོ་དེབ་སྟེང་། ཁ་བའི་མེ་ཏོག་ཅེས་པའི་ཆིད་སྒྲིག་ལ་འཛམ་གླིང་རོལ་དབྱངས་ཆེད་སྒྲིག་ལེགས་ཤོས་ཀྱི་བྱ་དགའ་ཐོབ་པར་དགའ་སྤོབས་ཆེན་པོ་བྱུང་། ངའི་གྲོགས་པོ་དང་མཉམ་ལས་གནང་མཁན་མེ་ཐི་ཁོར་བྷེ་ (Matt Corby) དང་ཨེག་སི་ (Alex Henriksson)། རོ་ཧིན་ (Rohin Jones) ཚུད་པའི་ང་ལ་རྒྱབ་སྐྱོར་གནང་མཁན་ཡོངས་ལ་བརྩེ་སེམས་དང་བཅས་བཀའ་དྲིན་ཆེ་ཞུ་རྒྱུ་ཡིན། ད་ལན་མཛད་སྒོར་དངོས་སུ་བཅར་མ་ཐུབ་ཀྱང་།...

རྒྱ་ནག་གཞུང་གི་གནོན་ཤུགས་འོག་ཐའེ་ཝན་གྱི་སྲིད་འཛིན་སྐུ་ཞབས་ལེ་ཆིན་ཏི་མཆོག་ཨ་ཧྥེ་རི་ཁའི་ལྷོ་རྒྱུད་ཐའེ་ཝན་གྱི་མཐུན་གྲོགས་རྒྱལ་ཁབ་ཨེ་སི་ཝ་ཐི་ནི་རུ་གཞུང་དོན་ཕྱོགས་ཕེབས་གནང་ཐུབ་མེད་པ་རེད། ཟླ་འདིའི་ཕྱི་ཚེས་ ༢༢ ནས་༢༦ བར་ཐའེ་ཝན་གྱི་སྲིད་འཛིན་སྐུ་ཞབས་ལེ་ཆིན་ཏི་(賴清德) མཆོག་ཨ་ཧྥེ་རི་ཁའི་ལྷོ་རྒྱུད་ཀྱི་ཐའེ་ཝན་གྱི་མཐུན་གྲོགས་རྒྱལ་ཁབ་ཨེ་སི་ཝ་ཐི་ནི་(Eswatini) རུ་གཞུང་དོན་ཕྱོགས་ཕེབས་གནང་འཆར་ཡོད་ཀྱང་། རྒྱ་ནག་གཞུང་གིས་གནོན་ཤུགས་སྤྲད་རྐྱེན།  ཨ་ཧྥེ་རི་ཁའི་རྒྱལ་ཁབ་ཁག་ཅིག་གིས་སྲིད་འཛིན་མཆོག་གི་འགྲུལ་བཞུད་ལ་ཚོད་འཛིན་དང་། བདེ་འཇགས་དང་འོས་འཚམ་གྱི་གནམ་གྲུའི་འབབ་ཚུགས་སུ་གནམ་གྲུ་འཕུར་སྐྱོད་བྱེད་དུ་མ་བཅུག་པའི་དབང་གིས་གཞུང་འབྲེལ་ཕྱོགས་ཕེབས་གནང་ཐུབ་མེད་པ་རེད།   དེར་བརྟེན་ཨ་རི་གཞུང་གིས་རྒྱ་ནག་གི་གནོན་ཤུགས་དང་ཨ་ཧྥེ་རི་ཁའི་ལྷོ་རྒྱུད་ཀྱི་རྒྱལ་ཁབ་ཁག་ཅིག་གི་བྱེད་སྟངས་ལ་སྐྱོན་བརྗོད་དང་སེམས་འཚབ་གནང་གི་ཡོད་སྐོར་བསྒྲགས་འདུག ཁ་སང་ཕྱི་ཚེས་ ༢༢ ཉིན་རྒྱ་ནག་ཕྱི་སྲིད་བློན་ཆེན་ལས་ཁུངས་ཀྱི་མགྲིན་ཚབ་པ་ཀོ་ཇ་ཁིན་(Guo Jiakun) གྱིས་རྒྱུན་ལྡན་གྱི་གསར་འགོད་གསལ་བསྒྲགས་ཤིག་གི་སྟེང་། ཨ་ཧྥེ་རི་ཁའི་ཨ་སི་ཝ་ཐི་ནི་རྒྱལ་ཁབ་མ་གཏོགས། རྒྱལ་ཁབ་གཞན་རྣམས་རྒྱ་ནག་དང་ཕྱི་སྲིད་ཀྱི་འབྲེལ་ལམ་བཙུགས་ཡོད་ཅིང་། ཕྱི་ལོ་༢༠༢༣ ལོར་རྒྱ་ནག་གི་རྒྱལ་ས་པེ་ཅིན་དུ་བཏུས་པའི་ཚོགས་འདུའི་སྟེང་དུ། རྒྱལ་ཁབ་ ༥༣ གྱིས་མཉམ་ཞུགས་བྱས་ཏེ། རྒྱ་ནག་དང་ཨ་ཧྥེ་རི་ཁའི་མཉམ་ལས་བྱས་ཏེ་རྒྱ་ནག་གི་ལངས་ཕྱོགས་ལ་ངོས་ལེན་བྱས་ཡོད། རྒྱལ་ཁབ་དེ་དག་གིས་ཐེངས་མང་པོར་རྒྱ་ནག་གཅིག་གི་ལངས་ཕྱོགས་ལ་རྒྱབ་སྐྱོར་བྱས་ཡོད་ལ། འཛམ་གླིང་ནང་རྒྱ་ནག་གཅིག་མ་གཏོགས་མེད་ལ། ཐའེ་ཝན་ནི་རྒྱ་ནག་གི་ཁ་བྲལ་ཐབས་མེད་པའི་ཁ་ཤས་གལ་ཆེན་ཞིག་ཡིན། རྒྱ་ནག་མི་མང་སྤྱི་མཐུན་རྒྱལ་ཁབ་ནི་རྒྱ་ནག་ཡོངས་རྫོགས་མཚོན་པའི་ཁྲིམས་མཐུན་གྱི་སྲིད་གཞུང་ཞིག་ཡིན། ཞེས་དང་། རྒྱ་ནག་གཅིག་ནི་ལོ་རྒྱུས་ཀྱི་ཁ་ཕྱོགས་དང་མང་ཚོགས་ཀྱི་བསམ་ཚུལ་ཡིན་ལ།  རྒྱ་ནག་གཅིག་གྱུར་ཡོང་རྒྱུ་ནི་སུས་ཀྱང་བཀག་འགོག་བྱ་མི་ཐུབ་པ་ཞིག་རེད། ཐའེ་ཝན་རང་བཙན་ཞེས་པའི་ཁ་བྲལ་གྱི་འབད་བརྩོན་ནི་དོན་མེད་དང་ཕམ་ཉེས་སུ་འགྲོ་རྒྱུ་ཡིན་པ་གསལ་པོ་རེད། ཅེས་བཤད་ཡོད་འདུག ཨ་རིའི་ཕྱི་སྲིད་ལས་ཁུངས་ཀྱི་མགྲིན་ཚབ་པས་རུ་ཊར་གསར་ཁང་ལ།  ད་ལན་རྒྱ་ནག་གཞུང་གིས་ཐའེ་ཝན་སྲིད་འཛིན་གྱི་ཕྱོགས་ཕེབས་ལ་འགོག་རྐྱེན་བཟོས་ནས་བཀག་འགོག་བྱས་པ་ཐེངས་དང་པོ་ཡིན་ལ། དེ་ནི་ཐའེ་ཝན་གྱིས་རྒྱལ་སྤྱིར་འབྲེལ་བ་འཛུགས་རྒྱུའི་འབད་བརྩོན་ལ་བཀག་འགོག་བྱེད་པའི་འཐབ་ཇུས་གསར་པ་ཞིག་མཚོན་གྱི་ཡོད་ལ། ཨ་ཧྥེ་རི་ཁའི་རྒྱལ་ཁབ་དེ་དག་གིས་ཀྱང་རྒྱ་ནག་གི་བཀའ་བཀོད་འོག་ཐའེ་ཝན་གྱི་དཔོན་རིགས་ཀྱི་རྒྱུན་ལྡན་འགྲུལ་བཞུད་ཀྱི་བདེ་འཇགས་དང་ཆེ་མཐོང་ལ་ཐེ་གཏོགས་བྱས་ནས་ལས་ཀ་བྱས་ཡོད།  རྒྱལ་ཁབ་དེ་དག་གིས་རང་ཉིད་ཀྱི་མངའ་ཁོངས་ལས་བརྒལ་བའི་རྒྱལ་སྤྱིའི་མཁའ་དབྱིངས་ཀྱི་འཛིན་སྐྱོང་གི་འགན་འཁུར་བ་ལས། པེ་ཅིན་གྱི་ཆབ་སྲིད་ལག་ཆ་ཞིག་ཏུ་གྱུར་མི་ཉན།...

སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་དང་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ། མཆོག་སྤྲུལ་རྡོ་རྗེ་བརྟན་མཆོག་རྒྱ་ནག་གཞུང་གིས་འཛིན་བཟུང་བྱས་ནས་ད་བར་ཟླ་བ་བཞི་ལྷག་ཙམ་འགྲོ་བཞིན་ཡོད་པའི་ཁྲོད། རྒྱལ་སྤྱིའི་ཉེས་ཡངས་ཚོགས་པས་རིན་པོ་ཆེ་མཆོག་གི་གནས་སྟངས་ཐད་ཐུགས་འཚབ་དང་འབྲེལ།  རྒྱ་ནག་གཞུང་ལ་ཁོང་གི་གནས་ཡུལ་ར་སྤྲོད་བྱེད་པའི་ཁྲིམས་མཐུན་དཔང་རྟགས་བཏོན་དགོས་པ་མ་ཟད།  རྒྱལ་སྤྱིའི་ངོས་འཛིན་ཡོད་པའི་ནག་ཉེས་བསགས་པའི་དཔང་རྟགས་ཡིད་རྟོན་འཕེར་བ་ཞིག་བཏོན་རྒྱུ་ཡོད་ན་མ་གཏོགས་ཁོང་འཕྲལ་དུ་གློད་བཀྲོལ་གཏོང་དགོས་པའི་ཞུ་སྐུལ་གནང་འདུག མཆོག་སྤྲུལ་རྡོ་རྗེ་བརྟན་མཆོག་ནི་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ་དང་། སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་ཙམ་མ་ཟད། བཙུན་དགོན་སྐུ་གསུམ་མཁའ་འགྲོའི་འདུ་གླིང་གི་དགོན་བདག་དང་དམངས་གཙོ་དོ་དམ་ཁང་གི་འགན་འཛིན། ཤར་བླ་རུང་ཉམས་རྟོགས་རང་ཤར་གླིང་གི་གླིང་གཙོ། གཅིག་སྒྲིལ་རྫོང་སྲིད་གྲོས་ཀྱི་འགན་འཛིན་གཞོན་པ། མཚོ་སྔོན་ཞིང་ཆེན་གཉན་པོ་གཡུ་རྩེ་དགེ་ལས་ཐེབས་རྩ་ཚོགས་པའི་ཚོགས་གཙོ་སོགས་ཡིན་པ་རེད། འདི་ག་རླུང་འཕྲིན་ཁང་གིས་དེ་སྔ་སྤེལ་བའི་གནས་ཚུལ་ལ་གཞིགས་ན། སྔ་ལོའི་ཕྱི་ཟླ་ ༡༢ པའི་ཚེས་ ༤ ཉིན་རྒྱ་ནག་གི་གསང་བའི་ལས་བྱེད་ཀྱིས་མཆོག་སྤྲུལ་རྡོ་རྗེ་བརྟན་མཆོག་གློ་བུར་དུ་འཛིན་བཟུང་བྱས་པ་དང་། འབྲེལ་ཡོད་ཁྱིམ་བདག་དང་གཉེན་ཉེ་འགའ་ཞིག་ནས་ཉེན་རྟོག་ལས་ཁུངས་དང་ལས་ཁུངས་ཁ་ཤས་ལ་གནས་ཚུལ་ཤེས་རྟོགས་སླད་འབྲེལ་བ་བྱས་ཀྱང་། ཁོང་རྣམ་པར་ཁ་གསལ་གྱི་ལན་ཅི་ཡང་སྤྲད་མེད་པ་མ་ཟད། ཁྱིམ་བདག་དང་ཐུག་འཕྲད་བྱེད་མི་ཆོག་པའི་ཉེན་བརྡ་ཡང་བཏང་ཡོདཔ་རེད། ཨ་རིར་རྟེན་གཞི་བྱས་པའི་རྒྱལ་སྤྱིའི་ཉེས་ཡངས་ཚོགས་པས་ཟླ་བ་འདིའི་ཚེས་ ༢༠ ཉིན་མཚོ་སྔོན་ཞིང་ཆེན་གྱི་དམར་ཤོག་དྲུང་ཆེ་ Wu Xiaojun ཞུ་བའི་མིང་ཐོག་ཞུ་ཡིག་ཞིག་བཏང་བའི་ནང་། འདི་ལོའི་ཕྱི་ཟླ་ ༡ པོའི་ནང་ས་གནས་རྒྱ་ནག་གཞུང་གི་འབྲེལ་ཡོད་ཚོས་མཆོག་སྤྲུལ་མཆོག་གི་ནག་ཉེས་ཞིབ་བཤེར་བྱེད་བཞིན་ཡོད་པའི་བརྡ་ལན་ཐོབ་པ་མ་གཏོགས་ཁོང་ལ་རང་ཉིད་ཀྱི་འདོད་མོས་བཞིན་ཁྲིམས་རྩོད་པ་གླ་རྒྱུའི་ཐོབ་ཐང་བྱུང་ཡོད་མེད་གསལ་པོ་མི་འདུག་ཅེས་གསུངས་བ་དང་འབྲེལ། མཆོག་སྤྲུལ་རྡོ་རྗེ་བརྟན་རིན་པོ་ཆེ་མཆོག་བཀག་ཉར་བྱས་ནས་ཟླ་བ་མང་པོ་ཕྱིན་རྗེས་ཁོང་གི་གནས་ཡུལ་དང་ཁྲིམས་མཐུན་གནས་བབ་ད་དུང་ཡང་མི་ཤེས་པ་ནི་ཧ་ཅང་སེམས་འཚབ་སྐྱེ་གཞི་ཞིག་རེད་ཅེས་དང་། གསང་བའི་འཛིན་བཟུང་དེ་ལྟ་བུའི་འོག་དོ་དག་ལ་མནར་གཅོད་དང་གཞན་གྱི་བྱ་སྤྱོད་ངན་པ་གཏོང་བའི་ཉེན་ཁ་ཆེ་རུ་གཏོང་གི་ཡོད་པ་དང་དེ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་ཁྲིམས་ལུགས་དང་ཡོངས་སུ་མི་མཐུན་པ་ཞིག་རེད་ཅེས་གསུངས་འདུག ཚོགས་པའི་ངོས་ནས་ད་དུང་དོན་རྐྱེན་དེ་ཤེས་མཁན་མི་སྣ་ཚོར་ས་གནས་དབང་འཛིན་པ་ཚོས་ཐད་ཀར་བཀའ་བཏང་ནས་དོན་རྐྱེན་དེ་ཕྱིར་བསྒྲགས་མི་བྱེད་པའི་ཉེན་བརྡ་བཏང་ཡོད་པ་ཤེས་རྟོགས་བྱུང་བ་ནི་ཧ་ཅང་བློ་འཚབ་སྐྱེ་གཞི་རེད་ཅེས་དང་། འདིས་རྒྱ་ནག་ནང་དུ་འགྲོ་བ་མིའི་ཐོབ་ཐང་རྡོག་རོལ་གཏོང་བའི་འཇིགས་སྐུལ་དང་བྱེད་ཐབས་གཞན་པ་བརྒྱུད་ནས་གནས་ཚུལ་ལ་ཚོད་འཛིན་བྱེད་པ་དང་ཕྱི་ཕྱོགས་ཀྱི་སྙན་ཞུ་འགོག་ཐབས་བྱེད་པའི་གཞུང་གི་རྒྱབ་སྐྱོར་ཡོད་པའི་འབད་བརྩོན་མཚོན་གྱི་ཡོད་ཅེས་གསུངས་འདུག རྒྱལ་སྤྱིའི་ཉེས་ཡངས་ཚོགས་པས་ད་དུང་མཚོ་སྔོན་ཞིང་ཆེན་གྱི་དམར་ཤོག་དྲུང་ཆེ་ Wu Xiaojun ལ་ཁྲིམས་མཐུན་དཔང་རྟགས་དང་བཅས་རིན་པོ་ཆེ་མཆོག་གར་ཡོད་གསལ་བཤད་དགོས་པ་མ་ཟད། རིན་པོ་ཆེ་མཆོག་གིས་རྒྱལ་སྤྱིའི་ངོས་འཛིན་ཡོད་པའི་ནག་ཉེས་བསགས་པའི་དཔང་རྟགས་ཡིད་རྟོན་འཕེར་བ་ཞིག་བཏོན་རྒྱུ་ཡོད་ན་མ་གཏོགས་ཁོང་འཕྲལ་དུ་གློད་བཀྲོལ་གཏོང་དགོས་པའི་ཞུ་སྐུལ་གནང་བ་དང་། གཞན་ཡང་རིན་པོ་ཆེ་མཆོག་གློད་བཀྲོལ་མ་བྱུང་བར་དུ་མནར་གཅོད་དང་གདུག་རྩུབ་གཞན་ལས་སྲུང་སྐྱོབ་བྱེད་དགོས་པ་དང་།...

ཨ་རིའི་ཕྱི་སྲིད་ལས་ཁུངས་ཀྱི་དྲུང་ཆེ་གཞོན་པ་མཆོག་ཟླ་འདིའི་ཚེས་ ༢༠ ནས་ ༢༢ དབར་ཉིན་གྲངས་གསུམ་རིང་བལ་ཡུལ་ནང་རྒྱལ་དོན་འཚམས་གཟིགས་གནང་བའི་ཁྲོད་ཁོང་གིས་བལ་ཡུལ་གཞུང་གི་འགོ་ཁྲིད་ཁག་གཅིག་དང་ལྷན་རྒྱ་ནག་གཞུང་གིས་གནོན་ཤུགས་འོག་ད་ལྟའི་ཆར་བལ་ཡུལ་གནས་སྡོད་བོད་མི་རྣམས་ལ་ཁུལ་དེར་གནས་སྡོད་ཆོག་པའི་ལག་འཁྱེར་མེད་པའི་དཀའ་ངལ་འཕྲད་བཞིན་པས། དེར་བལ་ཡུལ་གཞུང་ཕྱོགས་ནས་ཐུགས་ཁུར་བཞེས་རྒྱུ་དུས་ལ་བབས་ཡོད་སྐོར་གསུངས་འདུག དེ་ཡང་བལ་ཡུལ་གྱི་ The Kathmandu Post གསར་ཤོག་ཐོག་སྤེལ་བའི་གནས་ཚུལ་ནང་། ཨ་རིའི་ཕྱི་སྲིད་ལས་ཁུངས་ཀྱི་དྲུང་ཆེ་གཞོན་པ་ Samir Paul Kapur མཆོག་ནས་ཟླ་བ་འདིའི་ཕྱི་ཚེས་ ༢༠ ནས་ ༢༢ བཅས་ཉིན་གྲངས་གསུམ་རིང་བལ་ཡུལ་ནང་རྒྱལ་དོན་འཚམས་གཟིགས་གནང་ཡོད་པ་ལྟར། ཡུལ་དེའི་ཕྱི་སྲིད་བློན་ཆེན་ Shisir Khana དང་། དཔལ་འབྱོར་བློན་ཆེན་ Swarnim Wagle གཙོས་པའི་བལ་ཡུལ་གཞུང་གི་དཔོན་རིགས་མཐོ་གྲས་མང་དག་ཅིག་དང་ཐུག་འཕྲད་ཀྱིས། གཙོ་བོ་ཕྱོགས་གཉིས་ཀྱི་འབྲེལ་ལམ་སྤྱི་དང་བྱེ་བྲག་ཏུ་ཚོང་འབྲེལ་སོགས་ཐུན་མོང་གི་བརྗོད་གཞི་ཁག་གཅིག་ཐོག་གོ་བསྡུར་གནང་ཡོད་པ་མ་ཟད། བལ་ཡུལ་དང་རྒྱ་ནག་གཉིས་དབར་གྱི་འབྲེལ་ལམ་ཤུགས་ཆེར་ཕྱིན་པའི་ཁྲོད། བལ་ཡུལ་ནང་དུ་གནས་སྡོད་བོད་མིར་སྐྱབས་བཅོལ་ཡིག་ཆ་སྤྲད་རྒྱུ་མཚམས་འཇོག་བྱས་ཡོད་པས། ཤེས་ཡོན་དང་ལས་ཀའི་གོ་སྐབས་མེད་པ། བོད་མི་རྣམས་གཞིས་སྤོ་བྱ་རྒྱུར་བཀག་སྡོམ་སོགས་ཕྱོགས་ཡོངས་ནས་བོད་མིའི་གཞི་རྩའི་འགྲོ་བ་མིའི་ཐོབ་ཐང་ལ་དམ་དྲག་བྱེད་བཞིན་པའི་གནས་སྟངས་ཐོག་གླེང་སློང་དང་སྦྲགས། བལ་ཡུལ་གཞུང་ཕྱོགས་ནས་ངེས་པར་དུ་བོད་མིར་འཕྲད་བཞིན་པའི་དཀའ་ངལ་དེ་དག་ལ་བསམ་ཤེས་ཀྱིས་ཁུལ་དེར་གནས་སྡོད་བོད་མི་རྣམས་ལ་སྐྱབས་བཅོལ་བའི་ཡིག་ཆ་སྤྲོད་དགོས་པ་གསུངས་འདུག དེ་འབྲེལ་བལ་ཡུལ་གཞུང་གི་འགོ་ཁྲིད་ཁག་གཅིག་གིས། ཆོས་དང་རིག་གཞུང་གི་ཆ་ནས་བལ་པོ་དང་བོད་པ་གཉིས་འབྲེལ་བ་དམ་ཟབ་ཡོད་པ་དང་། བལ་ཡུལ་གཞུང་གིས་བལ་ཡུལ་ནང་གནས་སྡོད་བཙན་བྱོལ་བོད་མི་ཚོར་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་འགྲོ་བ་མིའི་ཐོབ་ཐང་དང་། རང་དབང་ལྟར་བརྩི་སྲུང་དང་སྲུང་སྐྱོབ་བྱེད་རྒྱུའི་ཐད་ཆོད་སེམས་བརྟན་པོ་ཡོད་ཀྱང་། བོད་མིའི་གནད་དོན་དེ་ནི་ཚོར་བ་རྣོ་བའི་གནད་དོན་ཡིན་པ་བསྐྱར་ནན་གནང་འདུག...

ཁ་སང་ཉིན་རྒྱབ་ཀྱི་ཆུ་ཚོད་ ༤ པ་ཙམ་ལ་བོད་ཀྱི་གཞོན་ནུ་ལྷན་ཚོགས་ཀྱི་མི་གྲངས་དྲུག་བཅུ་ལྷག་ཡོད་པའི་ཞྭ་མོ་ནག་པོའི་གོམ་བགྲོད་པ་རྣམས་རྒྱལ་ས་ལྡི་ལིར་འབྱོར་སོང་བ་དང་།   ས་ཐག་ཀི་ལོ་མི་ཀྲར་ ༦༠༠ ཙམ་གྱི་རྐང་འགྲུལ་གནང་མཁན་ཚོར་བོད་སྒར་བསམ་ཡས་གླིང་ས་གནས་ཀྱི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ།  རྒྱ་གར་བོད་དོན་རྒྱབ་སྐྱོར་བའི་ཚོགས་མི་བཅས་ནས་སྣེ་ལེན་ཕེབས་བསུ་གཟབ་རྒྱས་ཞུས་སོང་། བོད་ཀྱི་གཞོན་ནུ་ལྷན་ཚོགས་ཀྱི་ཞྭ་མོ་ནག་པོའི་ལས་འགུལ་བ་ཚོས་ཉིན་གྲངས་ ༢༣ རིང་རྒྱ་གར་བྱང་ཁུལ་གྱི་ ཧི་མ་ཅལ་དང་།  པན་ཇབ།   ཧ་རི་ཡ་ན།  ལྡི་ལི་བཅས་མངའ་སྡེ་ཁག་བཞི་བརྒྱུད་དེ་ཁ་སང་དངོས་སུ་རྒྱལ་ས་ལྡི་ལིར་འབྱོར་བ་ཞིག་ཡིན་པ་དང་།  ལམ་བར་དུ་ལས་འགུལ་བ་ཚོས་བོད་དོན་དྲིལ་བསྒྲགས་ཀྱི་གཙོས་པའི།  རྒྱ་ནག་གཞུང་གི་ངོས་ནས་བོད་མི་རིགས་རྩ་མེད་བཟོ་བའི་སྲིད་བྱུས་མཚམས་འཇོགས་དགོས་པ་དང་།      ཀུན་གཟིགས་༸པཎ་ཆེན་རིན་པོ་ཆེ་མཆོག་གི་དབུས་པའི་བོད་མིའི་ཆབ་སྲིད་བཙོན་པ་རྣམས་གློད་བཀྲོལ་དགོས་པ།    བོད་ཀྱི་ཁོར་ཡུག་ལ་བདག་གཅེས་དང་།   རྒྱ་གར་གཞུང་མང་ལ་བཀའ་དྲིན་རྗེས་དྲན་ཞུ་བ་བཅས་དགོས་འདུན་དོན་ཚན་བཞི་ཡོད་པ་དེ་དག་གསར་འགྱུར་བརྒྱུད་ལམ་ལ་དྲིལ་བསྒྲགས་དང་།  ཡིག་ཆ་འགྲེམས་སྤེལ།  ཕན་ཚུན་གདོང་དང་གདོང་ཐུག་སྟེ་ངོ་སྤྲོད་གནང་ཡོད་པ་མ་ཟད།  བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་ཀྱིས་གསུང་དོན་ལྟར་ན།  ༸གོང་ས་༸སྐྱབས་མགོན་ཆེན་པོ་མཆོག་གི་སྦྱིན་རླབས་འོག་ནས།  ད་རེས་ཀྱི་ལས་འགུལ་དེར་ས་གནས་ཡུལ་མི་དང་གསར་ཁང་སོགས་ཀྱི་རྒྱབ་སྐྱོར་ཧ་ཅང་ཆེན་པོ་ཐོབ་ཡོད་པ་རེད་འདུག གཞི་རྩའི་ད་རེས་ཀྱི་ཞྭ་མོ་ནག་པོའི་གོམ་བགྲོད་ཀྱི་ལས་འགུལ་དེ་ཉེ་སྔོན་ཕྱི་ཟླ་ ༣ པའི་ཚེས་ ༣༡ ཉིན་བཞུགས་སྒར་རྡ་རམ་ས་ལ་ནས་འགོ་འཛུགས་གནང་བ་ཞིག་ཡིན་ཞིང་།   མི་རིགས་ཀྱི་ངོ་བོ་རྩ་མེད་བཟོ་མཚམས་འཇོག་དགོས་པའི་འབོད་ཚིག་འོག  ལས་འགུལ་དེའི་ནང་བཙན་བྱོལ་དུ་གནས་པའི་ས་གནས་ཁག་ ༢༠ ལྷག་ནས་བོད་མི་རྒན་གཞོན་གྲངས་ ༦༠ ལྷག་ནས་མཉམ་ཞུགས་གནང་ཡོད་པ་དང་།  ལས་འགུལ་བའི་ཁོངས་ནས་དགུང་ལོ་བགྲེས་ཤོས་དེ་འབྲས་ལྗོངས་ནས་ཡིན་པའི་ཨ་ལྕག་སྤེན་པ་ལགས་རེད་འདུག བོད་སྒར་བསམ་ཡས་གླིང་གི་བོད་ཁྱིམ་སློབ་གྲྭའི་ཐང་སྟེང་དུ་འཚོགས་པའི་ཁ་སང་གི་སྣེ་ལེན་མཛད་སྒོ་དེའི་ཐོག་ད་དུང་། རྒྱ་གར་གྱི་བོད་དོན་རྒྱབ་སྐྱོར་ཚོགས་པ་ཁག་གཅིག་གི་སྐུ་ཚབ་ངོས་ནས་བོད་མིའི་ལས་འགུལ་དེར་རྒྱབ་སྐྱོར་ཡོད་པའི་གསུང་བཤད་སོགས་ཀྱང་གནང་ཡོད་པ་མ་ཟད།   བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་གསུང་པ་ལྟར་ན།    ...

རྒྱ་གར་གྱི་དམག་གིས་ཧི་མ་ཅལ་མངའ་སྡེ་སློབ་ཆེན་དང་མཉམ་འབྲེལ་གྱིས། ཧི་མ་ཅལ་མངའ་ཁོངས་ཀྱི་བོད་དང་རྒྱ་གར་གྱི་ས་མཚམས་དང་དེའི་འབྲེལ་ལམ་སྐོར་ལ་ཞིབ་འཇུག་གི་བྱ་རྒྱུ་ཡིན་འདུག The post རྒྱ་གར་གྱིས་འཕགས་བོད་ས་མཚམས་ཀྱི་འབྲེལ་ལམ་སྐོར་ལ་ཞིབ་འཇུག་བྱ་རྒྱུ་ཡིན་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༢ ཉིན་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མཆོག་གིས་ཅོན་ཏ་ར་བོད་ཁྱིམ་སློབ་གྲྭའི་ཚན་རིག་བརྟག་དཔྱད་ཁང་ཉམས་གསོ་ལེགས་གྲུབ་ཀྱིས་དབུ་འབྱེད་གནང་སོང་། དེ་ཡང་ཐོག་མར་ཤེས་རིག་བཀའ་བློན་མཆོག་སློབ་གྲྭར་ཕེབས་འབྱོར་སྐབས་སློབ་གྲྭའི་སློབ་སྤྱི་པ་སངས་ཚེ་རིང་ལགས་དང་དགེ་ཆེ་བསྟན་འཛིན་སྒྲོལ་མ་ལགས། དགེ་ཆེ་ལས་རོགས་བསྟན་འཛིན་དོན་གྲུབ་ལགས་བཅས་དང་དགེ་ལས་སློབ་ཕྲུག་རྣམས་ནས་ཕེབས་བསུའི་སྣེ་ལེན་གཟབ་རྒྱས་ཞུས་གྲུབ་རྗེས་སློབ་གྲྭའི་ཁོར་ཡུག་ལ་གཟིགས་ཞིབ་ལེགས་པར་གནང་སོང་། སྐབས་དེར་དྷ་ས་བོད་ཕྲུག་ཁྱིམ་སྡེའི་ཕྱི་འབྲེལ་དྲུང་ཆེ་སྐལ་བཟང་ཕུན་ཚོགས་ལགས་དང་། ཤེས་ཡོན་ངེས་སྟོན་པ་ངག་དབང་ལྷ་མོ་ལགས། ས་གནས་སྦིར་བོད་ཚོགས་དང་སྡེ་དགེ་སོགས་ཀྱི་སྐུ་ཚབ་མཉམ་བཅར་ཞུས་ཡོད། དེ་རྗེས་སློབ་གྲྭའི་ཚོགས་ཁང་དུ་དགེ་ལས་སློབ་ཕྲུག་ཚང་འཛོམས་ཀྱི་ཐོག་མར་སློབ་སྤྱི་པ་སངས་ཚེ་རིང་ལགས་ནས་འཚམས་འདྲི་དང་སྦྲགས་སློབ་གྲྭའི་ངོ་སྤྲིད་སྙིང་བསྡུས་ཤིག་སྒྲོགས་སྦྱང་གནང་བ་དང་། ཐེངས་འདིར་ཤེས་རིག་ལས་ཁུངས་ནས་མཐུན་འགྱུར་རོགས་རམ་གནང་བའི་འོག་ཚན་རིག་བརྟག་དཔྱད་ཁང་དེ་བཞིན་ཡར་རྒྱས་ལེགས་གྲུབ་བྱུང་བར་ཐུགས་རྗེ་ཆེ་ཞུས་པ་མ་ཟད། ཚན་རིག་བརྟག་དཔྱད་ཁང་འདིའི་བརྒྱུད་སློབ་མ་རྣམས་ལ་སློབ་ཁྲིད་ཙམ་མ་ཡིན་པར་དངོས་སུ་སློབ་མ་ཚོས་རང་ཉིད་ཀྱི་རྣམ་དཔྱོད་བེད་སྤྱོད་ཀྱིས་ལག་བསྟར་བྱེད་སའི་གོ་སྐབས་བསྐྲུན་གྱི་ཡོད་པས་གལ་འགངས་ཆེན་པོ་ཞིག་ཆགས་ཀྱི་ཡོད་པ་འགྲེལ་བརྗོད་གནང་སོང་། དེ་རྗེས་ཤེས་རིག་བཀའ་བློན་མཆོག་གིས་སློབ་གྲྭའི་ཁྱོན་ཡོངས་ཀྱི་ཡིག་རྒྱུགས་གྲུབ་འབྲས་ལེགས་པོ་བྱུང་བར་བསྔགས་བརྗོད་དང་འབྲེལ། ཤེས་རིག་ལས་ཁུངས་ནས་བཙན་བྱོལ་ནང་ཡོད་བཞིན་པའི་སློབ་གྲྭ་ཁག་གི་གནས་སྟངས་ལ་གོ་རྟོགས་དང་དོ་སྣང་གནང་བཞིན་པའི་སྐོར་འགྲེལ་བརྗོད་གནང་ཡོད། དེ་བཞིན་བོད་ནང་གི་གནས་སྟངས་འགྲེལ་བརྗོད་དང་བསྟུན་རྒྱ་ནག་གིས་བོད་ནང་བཅའ་སྡོད་སློབ་གྲྭ་ཆེད་འཛུགས་གིས་བོད་པའི་སློབ་ཕྲུག་རྣམས་བཙན་འཇུག་བྱེད་བཞིན་པའི་གནང་སྟངས་ངོ་སྤྲོད་གནང་སྟེ་བཙན་བྱོལ་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེའི་བཀའ་དྲིན་ལ་བརྟེན་ནས་ཕྱི་ནང་སྤྱི་སྒེར་རོགས་ཚོགས་ནས་མཐུན་འགྱུར་རོགས་རམ་མཁོ་སྤྲོད་གནང་བའི་བརྒྱུད་སློབ་གྲྭའི་ནང་གང་ཅིའི་ཐད་ནས་མཐུན་རྐྱེན་འཛོམས་པོ་ཡོད་པར། སློབ་ཕྲུག་ཚོས་དེ་དག་བག་མེད་ལོངས་སྤྱོད་མ་ཡིན་པར་བེད་སྤྱོད་ཚུལ་ལྡན་བཏང་སྟེ་ཤེས་ཡོན་དང་བཟང་སྤྱོད། འཕྲོད་བསྟེན་བཅས་ལ་དོ་སྣང་དང་། ལྷག་པར་བོད་པའི་སྐད་དང་རིག་གཞུང་བཅས་པར་སློབ་གཉེར་གང་ལེགས་ཀྱིས་བདག་གཅེས་གནང་དགོས་པ་ནན་བརྗོད་གནང་ཡོད། དགེ་རྒན་ཚོས་སློབ་ཁྲིད་གནང་བའི་སྐབས་དྲང་བདེན་དང་ཐབས་ལམ་སྣ་མང་བརྒྱུད་སློབ་མར་སློབ་སྟོན་གནང་དགོས་པ་དང་། སློབ་ཕྲུག་ཚོས་ཀྱང་སློབ་སྦྱོང་ལ་དོ་དབྱིངས་ཆེན་པོས་འབད་བརྩོན་ཧུར་ཐག་གིས་སློབ་སྦྱོང་གནང་དགོས་པ་མ་ཟད། སློབ་མ་ཚོས་དམིགས་ཡུལ་བཟུང་སྐབས་སོ་སོའི་ནུས་པ་དང་འཇོན་ཐང་ལ་དཔག་པའི་དམིགས་ཡུལ་འཛིན་དགོས་པའི་ལམ་སྟོན་གནང་ཡོད། དེ་མཚུངས་སློབ་མ་ཚོས་སློབ་གྲྭའི་སྒྲིག་ཁྲིམས་ཡག་པོ་སྲུང་དགོས་པ་མ་ཟད། སྒྲིག་ཁྲིམས་ནི་སློབ་གྲྭ་ཙམ་དུ་མ་ཡིན་པར་དུས་རྒྱུན་དུ་ནས་འཚོ་བའི་ཁྲོད་རང་ཁྲིམས་སྲུང་དགོས་པའི་གལ་གནད་དང་། དེ་ལྟར་གནང་ཐུབ་ཚེ་མི་བཟང་པོ་ཞིག་ཆགས་ངེས་ཡིན་པ་གསུངས་པ་མ་ཟད། ཕྲུ་གུ་ནང་ཁུལ་དབར་བརྩེ་སེམས་དང་། འཆམ་མཐུན། བརྩི་བཀུར། བྱམས་སྐྱོང་གི་སྒོ་ནས་མཉམ་གནས་བྱ་རྒྱུ་ལས། གཞན་ལ་བརྙས་བཅོས་སམ་ཐུབ་ཚོད་གཏོང་རྒྱུའི་རིགས་ནམ་ཡང་བྱ་མི་རུང་བའི་སློབ་སྟོན་གནང་སོང་། དེ་རྗེས་སློབ་སྤྱི་པ་སངས་ལགས་ཀྱིས་ཤེས་རིག་བཀའ་བློན་མཆོག་གཙོས་པས་དངོས་ཤུགས་བརྒྱུད་གསུམ་ནས་མཐུན་འགྱུར་རོགས་རམ་གནང་མཁན་ཡོངས་ལ་ཐུགས་རྗེ་ཆེ་ཞུས་གནང་ཡོད། དེ་རྗེས་ཉིན་གུང་གསོལ་ཚིགས་འདེགས་འབུལ་གྲུབ་མཚམས་ཚན་རིག་བརྟག་དཔྱད་ཁང་དབུ་འབྱེད་ཀྱིས་གཟིགས་ཞིབ་གནང་ཡོད། དེ་ཡང་བརྟག་དཔྱད་ཁང་གི་ལས་གཞི་འདི་ཤེས་རིག་ལས་ཁུངས་ཀྱིས་ཨ་རིའི་རོགས་དངུལ་རྒྱབ་སྐྱོར་ལ་བརྟེན་ནས་ཕྱི་ལོ་ ༢༠༢༣ ནས་བཟུང་སྤེལ་བཞིན་པའི་བོད་པའི་སློབ་གྲྭ་ཁག་གི་ཚན་རིག་བརྟག་དཔྱད་ཁང་ཡར་རྒྱས་ཀྱི་ལས་གཞིའི་ཆ་ཤས་ཡིན་པ་དང་། ཐེངས་འདིར་ཅོན་ཏ་ར་བོད་ཁྱིམ་གྱི་ཚན་རིག་བརྟག་དཔྱད་ཁང་ཡར་རྒྱས་ཀྱི་ལས་གཞི་ཐོག་འགྲོ་གྲོན་ཧིན་སྒོར་ ༦༩༠,༦༣༦ སོང་ཡོད། ...

The post དཔལ་ཡུལ་ཆོས་འཁོར་གླིང་གི་ལས་བྱེད་ས་མིག་གསལ་བསྒྲགས། appeared first on བོད་ཀྱི་དུས་བབ།.

རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ཀྱི་བརྟན་བཞུཊ་ཕུལ་བ།

བོད་མིིའི་སྒྲིག་འཛུགས་བདེ་སྲུང་ལས་ཁུངས་ཀྱིས་༸སྐུའི་གོ་སྟོན་བྱམས་བརྩེའི་ལོ་སྲུང་གཙིའི་ཆ་ཤས་སུ་བོད་རང་དབང་འཐབ་རྩོད་པའི་ལྷན་འཛོམས་ཉིན་གྲངས་གཉིས་རིང་འཚོག་རྒྱུ་རེད་འདུག The post དྷ་སར་བོད་རང་དབང་འཐབ་རྩོད་པའི་ལྷན་འཛོམས་འཚོག་རྒྱུ་རེད་འདུག appeared first on བོད་ཀྱི་དུས་བབ།.

མི་དམངས་ཀྱི་ཡིད་ཆེས་ནི་གལ་ཆེ་ཤོས་ཡིན། ང་ལྟ་བུའི་མི་མང་གི་ཞབས་ཞུ་བ་ཞིག་ལ་མཚོན་ན། བཟང་སྤྱོད་དང་མི་དམངས་ཀྱི་ཡིད་ཆེས་ནི་སྟོབས་ཤུགས་ཆེ་ཤོས་དེ་ཡིན། དེ་ལས་གལ་ཆེ་བ་ཅི་ཡང་མེད་ཅེས་གསུངས་ནས་དགོངས་པ་ཞུས་འདུག། [དྷ་རམ་སར] ཕྱི་ལོ་༢༠༢༦ ཟླ་༤ ཚེས་༢༢ ཉིན། The post དཔལ་འབྱོར་གྱི་རྙོག་གླེང་དབང་གིས་བལ་ཡུལ་ནང་སྲིད་བློན་ཆེན་དགོངས་པ་ཞུས་འདུག appeared first on བོད་ཀྱི་བང་ཆེན།.

དེ་རིང་ཕྱི་ལོ་ ༢༠༢༦ ཕྱི་ཟླ་ ༤ ཚེས་ ༢༢ ༸རྒྱལ་བའི་བླ་གཟའ་དང་བསྟུན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ཐུན་མོང་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་སོང་། དེ་ཡང་དེ་རིང་སྔ་དྲོ་བརྟན་བཞུགས་ཀྱི་རྡོ་རྗེ་སློབ་དཔོན་རྣམ་གྲྭ་ཕན་བདེ་ལེགས་བཤད་གླིང་གི་མཁན་རིན་པོ་ཆེ་བློ་བཟང་བསམ་གཏན་མཆོག་དབུ་བཞུགས་ཀྱིས་སྔ་དྲོ་ཕྱག་ཚོད་ ༨།༣༠ ཡོལ་ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་༸རྒྱལ་བའི་ཕོ་བྲང་ནས་འབྲེལ་ཡོད་བརྟན་བཞུགས་ཀྱི་འགན་འཁུར་བ་རྣམས་ཀྱིས་སྤོས་སྣེ་སྤྱན་འདྲེན་དང་ཕྱི་ནང་གི་དད་ལྡན་སེར་སྐྱ་སྟོང་ཕྲག་བརྒལ་བས་ཕེབས་བསུ་གཟབ་རྒྱས་དང་བཅས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་ཞབས་སོར་འཁོད་མཚམས་སུ་བརྟན་བཞུགས་ཀྱི་ཆོ་ག་དངོས་གཞི་དབུ་འཛུགས་དང་སྦྲགས། རྡོ་རྗེ་སློབ་དཔོན་མཆོག་གིས་དབུས་པའི་འབྲེལ་ཡོད་རྣམས་ནས་མནྜལ་དང་སྐུ་གསུང་ཐུགས་རྟེན་མཚོན་པའི་འབུལ་རྫས་འདེགས་འབུལ་ཞུས་སོང་། ཐེངས་འདིའི་བརྟན་བཞུགས་ཐོག་བལ་ཡུལ་སྤོག་ར་གློ་སྒྲིག་བདེ་དོན་གྱི་ཚོགས་མི་ ༢༧༥ ལྷག་དང་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་མི་ ༡༨༠ ལྷག་མཉམ་ཞུགས་གནང་ཡོད་འདུག དེ་རིང་གི་བརྟན་བཞུགས་དང་འབྲེལ་འདི་ག་རླུང་འཕྲིན་ཁང་གིས་དབུས་མདོ་སྟོད་ཆོལ་ཁའི་བརྟན་བཞུགས་གོ་སྒྲིག་ཚོགས་ཆུང་གི་ཚོགས་གཙོ་ཝ་ཧོ་བསྟན་འཛིན་ལགས་དང་གློ་སྒྲིག་འཛུགས་ཀྱི་བརྟན་བཞུགས་གོ་སྒྲིག་ཚོགས་ཆུང་གི་ཚོགས་གཙོ་བྱམས་པ་ཚེ་རིང་ལགས་སུ་བཅར་འདྲི་ཞུས་ཡོད་ལ།  དེ་བཞིན་དེ་རིང་བརྟན་བཞུགས་སྐབས་ཆེད་ཕེབས་གནང་བའི་གློ་སྒྲིག་འཛུགས་ཀྱི་དམག་ཟུར་དང་ཚོགས་མི། དེ་བཞིན་རྡ་ས་དབུས་མདོ་སྟོད་ཆོལ་ཁའི་ཁོངས་ཀྱི་ཚོགས་མི་ཁག་གཅིག་དང་ལྷན་དུ་བཅར་འདྲི་ཞུས་ཡོད། རྩ་བའི་ཁ་སང་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་རྡ་ས་དབུས་མདོ་སྟོད་ཆོལ་ཁ་དང་གློ་སྒྲིག་འཛུགས་བརྟན་བཞུགས་གོ་སྒྲིག་ཚོགས་ཆུང་གི་ཚོགས་མི་གཙོས་པའི་ཚོགས་བཅར་བ་ ༡༨༠ ལྷག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་མ་ཟད།  མཇལ་བཅར་ཁྲོད་མདོ་སྟོད་ཆོལ་ཁའི་ངོས་ནས་མགོན་པོ་༸གང་ཉིད་མཆོག་ལ་བཀའ་དྲིན་རྗེས་དྲན་མཚོན་བྱེད་དུ་༸གོང་ས་མཆོག་བོད་ནས་རྒྱ་གར་ལ་བྲོལ་བྱོལ་སྐབས་ཀྱི་པར་རིས་འཁོད་པའི་བོད་ཀྱི་ས་ཁྲ་བཟོ་སྐྲུན་གནང་བ་ཞིག་དྲན་རྟེན་གྱི་ཚུལ་དུ་འབུལ་བཞེས་གནང་ཡོད་པ་རེད་འདུག མཛད་འཆར་ལྟར་ན་གནངས་ཉིན་ཚེས་ ༢༤ ཉིན་བལ་ཡུལ་དང་རྒྱ་གར་ནང་དུ་ཡོད་པའི་བཙུན་དགོན་གྲངས་ ༡༤ ཐུན་མོང་གི་ངོས་ནས་བཞུགས་སྒར་༸རྒྱལ་བའི་ཕོ་བྲང་ནང་༸གོང་ས་༸སྐྱབས་མགོན་ཆེན་པོ་མཆོག་ལ་༸སྐུའི་གོ་སྟོན་དང་བསྟུན་ནས་བརྟན་བཞུགས་བསྟར་འབུལ་ཞུ་རྒྱུ་ཡིན་པ་རེད། The post ༸གོང་ས་མཆོག་ལ་དབུས་མདོ་སྟོད་ཆོལ་ཁ་དང་གློ་སྒྲིག་འཛུགས་གཉིས་ཐུན་མོང་ནས་བརྟན་བཞུགས་བསྟར་འབུལ། appeared first on vot.

ཕྱི་ལོ་ ༢༠༢༦ ལོར་བོད་མགོ་ལོག་དགའ་བདེ་རྫོང་གི་མང་ཚོགས་ཀྱིས་ནོར་ལུག་སྔར་ལས་མང་བོ་བཤས་རར་འདེད་དགོས་པའི་སྐུལ་འདེད་བྱས་པ་དང་སྦྲགས་བྱ་དགའ་ཁ་གསབ་སོགས་ཇི་ལྟར་སྤྲོད་ཀྱི་ཡོད་མེད་དྲིལ་བསྒྲགས་ཤུགས་ཆེན་བྱས།  ཟླ་འདིའི་ཕྱི་ཚེས་ ༦ ཉིན་རྒྱ་ནག་གཞུང་འབྲེལ་གྱི་དྲ་ལམ་དུ་གནས་ཚུལ་སྤེལ་བ་ལྟར་ན། རོང་འབྲོག་མང་ཚོགས་ཀྱིས་ནོར་ལུག་བཤས་རར་འདེད་དགོས་པའི་སྲིད་ཇུས་སྔར་ལས་དྲིལ་བསྒྲགས་ཤུགས་ཆེན་བྱེད་ཆེད། བོད་མགོ་ལོག་ཁུལ་དགའ་བདེ་རྫོང་གི་ཞིང་ཕྱུགས་ཆུ་བེད་དང་ཚན་རྩལ་ལས་ཁུངས་ཞེས་པ་དེའི་ལས་བྱེད་པ་ ༡༠༠ རྫོང་ཁོངས་ཀྱི་ཡུལ་ཚོ་ ༦ དང་། གྲོང་རྡལ་གཅིག་ཏུ་མངགས་ཏེ། ཕྱི་ལོ་ ༢༠༢༦ ལོའི་རྫོང་ཡོངས་ཀྱི་རོང་འབྲོག་པས་ཕྱུགས་ཟོག་བཤས་ཁོངས་སུ་གཏོང་བའི་སྲིད་ཇུས་ཤེས་རྟོགས་ཐུབ་ཚད་དང་དེའི་ནང་ཞུགས་ཚད་སྔར་ལས་མཐོ་རུ་གཏོང་བ། དེ་བཞིན་སྤུས་ཚད་ལེགས་པའི་ཕྱུགས་ལས་འཕེལ་རྒྱས་དང་རོང་འབྲོག་མང་ཚོགས་ཀྱི་ཡོང་འབབ་བརྟན་བརླིང་བཟོ་བ་སོགས་ཀྱི་ཚོགས་འདུ་བསྡུས་ཏེ།  འདི་ལོར་རོང་འབྲོག་མང་ཚོགས་ཀྱིས་ནོར་ལུག་སྔར་ལས་མང་བ་བཤས་རར་འདེད་པའི་བྱ་དགའ་དང་ཁ་གསབ་དངུལ་སྤྲད་རྒྱུའི་སྐུལ་འདེད་རྫོང་ཡོངས་སུ་ཁྱབ་པར་བྱས་ཡོད་འདུག     འདས་པའི་ལོ་མང་གི་གོང་ནས་བཟུང་སྟེ་རྒྱ་ནག་གཞུང་གིས་བོད་འབྲོག་ཁུལ་གྱི་ཁྱིམ་ཚང་རེ་རེའི་མིའི་གྲངས་འབོར་ལྟར་རྩྭ་ས་བཅད་བགོས་བྱས་ཏེ་ལྕགས་རས་བསྐོར་བའི་རྐྱེན་གྱིས། འབྲོག་ཁུལ་གྱི་རྩྭ་སས་མ་འདང་བར་དབྱར་དགུན་གྱི་རྩྭ་ས་བོགས་མར་ལེན་དགོས་པ་ནི་རྒྱུན་ལྡན་ཞིག་ཏུ་གྱུར་ཡོད་པ་མ་ཟད། ལོ་རེ་བཞིན་སེམས་ཅན་མང་པོ་བཤས་རར་འདེད་དགོས་བྱུང་བ་དང་། འབྲོག་ཁྱིམ་མང་པོ་རྩ་སྟོང་དུ་གྱུར་ནས་གྲོང་དུ་འགྲོ་དགོས་བྱུང་བ་ནི།  བོད་ཁུལ་གྱི་འབྲོག་མང་གནས་སྤོ་དང་འབྲོག་མང་གྲོང་གསེབ་ཅན་དུ་བསྒྱུར་བའི་སྲིད་ཇུས་ཀྱི་སྙིང་པོ་ཡིན་པ་རེད།  ཉེ་སྔོན་གྱི་བོད་མགོ་ལོག་གི་གནད་དོན་དེ་དང་འབྲེལ་ནས་འབྲེལ་ཡོད་བོད་ནང་གི་བོད་མི་ཞིག་གིས་འདི་གའི་གསར་འགོད་པར། རྒྱ་ནག་གཞུང་གིས་འདས་པའི་ལོ་ཤས་གོང་ནས་བོད་ནང་གི་ས་གནས་མང་པོ་ཞིག་གི་རོང་འབྲོག་མང་ཚོགས་ཀྱི་སྒོ་ཟོག་རྣམས་ཆེད་དུ་བཤས་རར་འདེད་འཇུག་གི་ཡོད་པ་རེད།  གཅིག་ནས་བོད་ཀྱི་རོང་འབྲོག་གི་གདོད་མའི་འཚོ་བ་སྟོང་དུ་འཇུག་ཆེད་དང་། གཉིས་ནས་བོད་ནང་རོང་འབྲོག་མི་མང་གི་དད་མོས་ལ་རྡོག་རོལ་གཏོང་གིན་ཡོད། ཅེས་དང་། ལོ་མང་པོ་ནས་རོང་འབྲོག་གི་ཕྱུགས་ཟོག་བཤས་རར་འདེད་དགོས་པའི་སྲིད་ཇུས་ཤིག་ལག་བསྟར་བྱེད་ཀྱིན་ཡོད་ཀྱང་། སེམས་ཅན་ཚེ་ཐར་གཏོང་བ་ལས་བཤས་རར་འདེད་མཁན་ཉུང་ཉུང་རེད།  ཅེས་བརྗོད་བྱུང་།  སྲིད་གཞུང་གི་ཁ་གསབ་དངུལ་དེ་དག་ཐོབ་པར་རོང་འབྲོག་མང་ཚོགས་ཀྱིས་ཏན་ཏན་ཏིག་ཏིག་དང་། རང་དོན་རང་གཅེས་མ་ཐུབ་ཚེ་ཐོབ་ཁག་པོ་ཆགས་ཡོད་ཅིང་། ནོར་ལུག་སྤྱང་ཀིས་བསད་པ་སོགས་འཆི་སྐྱོན་བྱུང་བ་ཡིན་ན། ཐོག་མར་ནོར་ལུག་གི་རྣ་རྟགས་དང་ཐོབ་ཐང་དཔང་ཡིག་བཅས་ཁ་གསལ་ཡོད་དགོས་ཀྱི་འདུག་ལ། མགོ་དང་ཡང་ན་ངོས་འཛིན་ཤེལ་བུག་ཆུང་ཆུང་ཞིག་ནོར་གྱི་སྐྱི་པགས་ནང་བཞག་ཡོད་པ་དེའང་ངེས་པར་དུ་དགོས་ཀྱི་འདུག དེ་ཚོ་ཚང་སོང་ན། ནོར་ལུག་གི་ཤ་དང་ཀོ་བ་བཅས་ལྷག་ལུས་ཆ་ཚང་སྲིད་གཞུང་ལ་སྤྲད་དེ་གཞི་ནས་ཁ་གསབ་དངུལ་ཞེས་པ་དེ་ཐོབ་ཀྱི་འདུག...

འཛམ་གླིང་མཉམ་འབྲེལ་རྒྱལ་ཚོགས་ཀྱི་དམིགས་བསལ་ཆེད་མཁས་པ་ཁག་གཅིག་ནས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གསར་པར་ཐུགས་འཚབ་དང་འབྲེལ་དེས་གྲངས་ཉུང་མི་རིགས་རྣམས་ཀྱི་གཞི་རྩའི་ཐོབ་ཐང་ལ་སྔར་ལྷག་གནོད་སྐྱོན་ཤུགས་ཆེན་གཏོང་སྲིད་པའི་ཉེན་བརྡ་བཏང་འདུག དེའང་ཟླ་བ་འདིའི་ཚེས་ ༡༦ ཉིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆེད་མཁས་མི་སྣ་དང་དམིགས་བསལ་ཚོགས་ཆུང་བཅས་ཀྱིས་རྒྱ་ནག་གཞུང་གིས་ཉེ་ཆར་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གཏན་འབེབས་ཐད་ཐུགས་འཚབ་ཀྱིས་རྒྱ་གཞུང་ལ་འདྲི་རྩད་ཀྱིས་མཉམ་འབྲེལ་ཞུ་ཡིག་ཞིག་བཏང་སྟེ། ཁྲིམས་ཡིག་དེས་རྒྱ་ནག་ནང་མི་རིགས་སྣ་མང་རང་བཞིན་ལས་རྒྱལ་ཁབ་ཀྱི་ངོ་བོ་གཅིག་གྱུར་ལ་གལ་ཆེར་འཛིན་པའི་རྒྱ་ཆེ་བའི་སྲིད་བྱུས་ཀྱི་འགྱུར་བ་ཞིག་མཚོན་གྱི་ཡོད་པ་མ་ཟད། ཁྲིམས་ཡིག་འདིའི་བརྒྱུད་བོད་རིགས་དང་། ཡུ་གུར་བ། སོག་རིགས་བཅས་ཀྱི་གྲངས་ཉུང་མི་རིགས་ལ་ཤུགས་རྐྱེན་ཆེན་པོ་ཐེབས་སྲིད་པ་ཞིག་ཡིན་པར་ནན་བརྗོད་གནང་འདུག དེ་དོན་དེ་རིང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། རྒྱལ་ཚོགས་ཀྱི་ཆེད་མཁས་པ་ཚོས་གཏན་འབེབས་གནང་བའི་མཉམ་འབྲེལ་ཞུ་ཡིག་དེའི་ནང་།  རྒྱ་གཞུང་གིས་ཉེ་ལམ་ཟླ་ ༣ པའི་ནང་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཅེས་པ་གཏན་འབེབས་ཀྱིས་ཁྲིམས་ཡིག་འདི་ཉིད་རིང་མིན་ཟླ་ ༧ ཚེས་ ༡ ཉིན་ནས་དངོས་སུ་ལག་བསྟར་བྱ་རྒྱུ་ཡིན་པར་ཐུགས་འཚབ་ཀྱི་རྣམ་པ་གསལ་སྟོན་དང་སྦྲགས། ཁྲིམས་ཡིག་དེས་རྒྱ་སྐད་དེ་སློབ་ཁྲིད་ཀྱི་སྐད་ཡིག་གཙོ་བོར་བཟོས་ནས་སློབ་གྲྭ་ཁག་ཏུ་གྲངས་ཉུང་མི་རིགས་ཀྱི་སྐད་ཡིག་བེད་སྤྱོད་བྱེད་ཚད་ཉུང་དུ་གཏོང་རྒྱུ་མ་ཟད། སྐད་ཡིག་གི་སྣ་མང་རང་བཞིན་ལ་གནོད་སྐྱོན་དང་གཞོན་སྐྱེས་ཚོའི་ཁྲོད་དུ་རིག་གཞུང་གི་ངོ་བོ་ཉམས་དམས་སུ་གཏོང་སྲིད་པའི་ཉེན་བརྡ་བཏང་འདུག དེ་བཞིན་ཁྲིམས་ཡིག་དེས་ཆོས་ལུགས་རྒྱ་ནག་ཅན་དུ་སྒྱུར་བའི་སྲིད་བྱུས་འོག་ཆོས་དད་རང་དབང་ལ་དམ་དྲག་དང་། མི་རིགས་འདྲེས་སྡོད་ཀྱི་སྤྱི་ཚོགས་འཛུགས་སྐྲུན་བྱེད་པའི་མིང་ཐོག་ནས་མི་རིགས་སོ་སོའི་རང་དབང་གི་འཚོ་བ་དང་སྒྲིག་འཛུགས་ལ་ཐེ་བྱུས་བྱེད་བཞིན་ཡོད་ལ། ལྷག་པར་དུ་རྒྱལ་ཚོགས་ཀྱི་ཆེད་མཁས་པ་ཚོས་སེམས་འཚབ་བྱེད་གཞིའི་གནད་དོན་གཙོ་བོ་ཞིག་ནི་ཁྲིམས་ཡིག་དེའི་གསལ་ཁ་མེད་པའི་ཐ་སྙད་བཀོལ་སྟངས་དེ་ཡིན་ཞིང་། དེའི་ནང་དུ་མི་རིགས་མཐུན་སྒྲིལ་ལ་གཏོར་བཤིག་གཏོང་བའི་བྱ་སྤྱོད་རིགས་ལ་བཀག་སྡོམ་བྱེད་པའི་སྐོར་བཤད་ཡོད་པ་ལུང་འདྲེན་གནང་སྟེ།  དེ་འདྲའི་གསལ་ཁ་མེད་པའི་ཚིག་སྦྱོར་གྱིས་དབང་འཛིན་པ་ཚོར་དྲང་བདེན་མ་ཡིན་པའམ་རང་འདོད་ལྟར་འགྲེལ་བཤད་བྱས་ཏེ་བསམ་བློའི་རང་དབང་དང་། ཤེས་ཡོན་གྱི་ལས་དོན། རིག་གཞུང་གི་བྱེད་སྒོ་བཅས་ལ་དམ་དྲག་བྱེད་པའི་གོ་སྐབས་སྤྲོད་སྲིད་པ་བརྗོད་འདུག མ་ཟད་རྒྱལ་ཚོགས་ཀྱི་ཆེད་མཁས་པ་དེ་དག་གིས་ཁྲིམས་ཡིག་དེ་ནི་རྒྱ་ནག་གིས་རྒྱལ་སྤྱིའི་ཐོག་ཁས་ལེན་བྱས་པའི་དཔལ་འབྱོར་དང་། སྤྱི་ཚོགས། རིག་གཞུང་བཅས་ཀྱི་ཐོབ་ཐང་སྐོར་གྱི་རྒྱལ་སྤྱིའི་གྲོས་མཐུན་དང་བྱིས་པའི་ཐོབ་ཐང་སྐོར་གྱི་ཆིངས་ཡིག་སོགས་དང་འགལ་ཡོད་པ་མངོན་གསལ་དང་སྦྲགས། ཁྲིམས་ཡིག་དེས་རྒྱ་ནག་ནང་མི་རིགས་སྣ་མང་རང་བཞིན་ལས་རྒྱལ་ཁབ་ཀྱི་ངོ་བོ་གཅིག་གྱུར་ལ་གལ་ཆེར་འཛིན་པའི་རྒྱ་ཆེ་བའི་སྲིད་བྱུས་ཀྱི་འགྱུར་བ་ཞིག་མཚོན་གྱི་ཡོད་ཅིང་། ད་ལྟའི་ཆར་རྒྱ་ནག་གི་རྩ་ཁྲིམས་ནང་རིག་གཞུང་དང་སྐད་ཡིག་གི་ཐོབ་ཐང་སྲུང་སྐྱོབ་ཐོག་ཁྲིམས་ཡོད་བཞིན་དུ་ཁྲིམས་ཡིག་འདིའི་བརྒྱུད་བོད་གཙོས་ཡུ་གུར་དང་སོག་པོ་བཅས་ཀྱི་གྲངས་ཉུང་མི་རིགས་རྣམས་ལ་ཤུགས་རྐྱེན་ཆེན་པོ་ཐེབས་སྲིད་པ་ཞིག་ཡིན་པ་གསུངས་འདུག གོང་ཞུས་ཡི་གེ་དེ་དང་འབྲེལ་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཀྱིས་རྒྱལ་ཚོགས་ཀྱི་དུས་ཐོག་བསྒྲགས་གཏམ་སྤེལ་བ་དེར་དགའ་བསུ་ཞུས་པ་དང་སྦྲགས། ཁྲིམས་ཡིག་དེ་ནི་མི་རིགས་རྩ་མེད་བཟོ་བའི་བཙན་ཤེད་ཀྱི་བྱེད་ཐབས་ཤིག་ཡིན་པར་བརྗོད་དེ། རྒྱ་ནག་གཞུང་གིས་ཁྲིམས་ཡིག་དེ་ལག་བསྟར་མི་བྱེད་པར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་མཐུན་པའི་བསྐྱར་བཅོས་བྱེད་དགོས་པའི་རེ་སྐུལ་བཏོན་འདུག སྤྱིར་རྒྱལ་ཚོགས་ཀྱི་ཆེད་མཁས་མི་སྣས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་དང་འབྲེལ་ནས་རྒྱ་ནག་གཞུང་ལ་འདྲི་རྩད་ཀྱིས་ཡི་གེ་དེ་ཟླ་ ༤ ཚེས་ ༡༦ ཉིན་བཏང་ཟིན་ཡང་ཡིག་འབྲེལ་དེ་གཟའ་འཁོར་གཅིག་རྗེས་སུ་དྲྭ་རྒྱའི་ཐོག་སྤེལ་བ་ཞིག་ཆགས་ཀྱི་འདུག་པ་དང་།...

འཛམ་གླིང་ནང་རྒྱལ་མཚམས་ལས་བརྒལ་བའི་དྲག་གནོན་གྱི་གནས་སྟངས་སྐོར་ཨ་རིའི་རང་དབང་ཁང་པས་དམིགས་བསལ་སྙན་ཐོ་འདོན་སྤེལ་གནང་བའི་ནང་། རྒྱ་ནག་གིས་རང་གི་རྒྱལ་མཚམས་ལས་བརྒལ་ཏེ་ཕྱིའི་རྒྱལ་ཁབ་ཁག་གི་ནང་དུ་གསལ་པོ་ཤེས་རྟོགས་བྱུང་བ་མི་གྲངས་ ༣༡༩ ཙམ་ལ་དྲག་གནོན་བྱས་པ་དང་འབྲེལ་ནས་རྒྱ་ནག་དེ་བཞིན་འཛམ་གླིང་འདིའི་ནང་རྒྱལ་མཚམས་ལས་བརྒལ་ནས་དྲག་གནོན་ཆེས་སྡུག་ཤོས་བྱེད་མཁན་དུ་མིང་འདོན་བྱས་འདུག དེ་ཡང་ཁ་སང་ཨ་རིའི་ནང་དུ་རྟེན་གཞི་བྱས་པའི་རང་དབང་ཁང་པས་རྒྱལ་སྤྱིའི་ཁྲོད་རྒྱལ་མཚམས་ལས་བརྒལ་ནས་དྲག་གནོན་དང་འབྲེལ་བའི་དམིགས་བསལ་སྙན་ཐོ་ཞིག་འདོན་སྤེལ་གནང་བའི་ནང་དུ། འདས་ལོར་འཛམ་གླིང་ཁྱོན་གྱི་རྒྱལ་ཁབ་འདྲ་མིན་ནས་རང་རྒྱལ་ཁབ་ཀྱི་རྒྱལ་མཚམས་ལས་བརྒལ་ནས་དེ་གའི་གཞུང་དང་ལྟ་སྤྱོད་མི་མཐུན་པ་དང་གཞུང་ལ་སྐྱོན་བརྗོད་བྱེད་མཁན་དམར་བསད་བཏང་བ་དང་། དྲག་རྒོལ། ལྐོག་ཁྲིད། དེ་བཞིན་སུན་གཙེར་དང་སྡིགས་ར་སྐུལ་བ་སོགས་ཀྱི་བྱ་སྤྱོད་སྣ་ཚོགས་སྤེལ་ཡོད་པ་དང་། རང་དབང་ཁང་པའི་གྲངས་མཛོད་ནང་དུ་ཕྱི་ལོ་ ༢༠༡༤ ནས་ ༢༠༢༥ བར་དུ་རྒྱལ་སྤྱིའི་ཁྲོད་རྒྱལ་མཚམས་ལས་བརྒལ་བའི་དྲག་གནོན་གྱི་གནས་ཚུལ་གྲངས་ ༡,༣༧༥ ཐོ་འགོད་གནང་ཡོད་པའི་ཁྲོད། འདས་པའི་ཕྱི་ལོ་ ༢༠༢༥ གཅིག་པོའི་ནང་དངོས་སུ་རྒྱལ་མཚམས་བརྒལ་བའི་དྲག་ཤུགས་ཀྱི་བཙན་གནོན་གནས་ཚུལ་གསར་པ་ ༡༢༦ བྱུང་ཡོད་པ་མངོན་གསལ་གནང་འདུག གནད་དོན་དེ་དག་གི་ཁྲོད་ནས་ཕལ་མོ་ཆེ་ལྷོ་ཤར་ཨེ་ཤི་ཡ་ཁུལ་གྱི་དབང་ཆ་གཅིག་འདུས་གཞུང་འཛིན་ཕན་ཚུན་མཉམ་མཐུན་གྱི་བྱ་འགུལ་ཡིན་པ། དཔེར་ན་སྔ་ལོ་ Thailand གཞུང་གིས་རྒྱ་ནག་དང་ Vietnam གཞུང་འཛིན་ལྷན་དུ་ངན་པ་ལག་འབྲེལ་གྱིས་རྒྱལ་ཁབ་དེ་དག་གི་གྲངས་ཉུང་མི་རིགས་ Thailand ནང་བྲོས་བྱོལ་དུ་སླེབས་པ་རྣམས་འཛིན་བཟུང་བཀག་ཉར་དང་སྲོག་གི་ཉེན་ཁ་ཡོད་པའི་རྒྱལ་ཁབ་དེ་དག་ནང་དུ་ཕྱིར་སློག་བྱས་ཡོད་པ། ལྷག་པར་དུ་སྔ་ལོའི་ཕྱི་ཟླ་ ༢ པའི་ནང་ Thailand གཞུང་གིས་བཙན་བྱོལ་དུ་སླེབས་པའི་ཡུ་གུར་བ་མི་གྲངས་ ༤༠ རྒྱ་ནག་ལ་ཕྱིར་སློག་བཏང་བ་དང་འབྲེལ་ནས་རྒྱ་ནག་དེ་བཞིན་འཛམ་གླིང་ནང་རྒྱལ་མཚམས་ལས་བརྒལ་བའི་དྲག་གནོན་ཆེས་སྡུག་ཤོས་བྱེད་མཁན་དུ་གྱུར་ཡོད་པ་མངོན་གསལ་གནང་འདུག Thailand ཕྱི་སྲིད་བློན་ཆེན་གཞོན་པས་འགྲེལ་བརྗོད་བྱས་པར་གཞིགས་ན། དེ་གའི་གཞུང་གིས་ཡུ་གུར་བྲོས་བྱོལ་བ་རྒྱ་ནག་ཏུ་ཕྱིར་སློག་བཏང་བའི་རྐྱེན་གྱིས།...

ཉེ་ཆར་ཨ་རི་དང་། ཨི་རན། ཨི་སི་རེལ་གསུམ་བར་དམག་འཁྲུག་བྱུང་སྐབས། རྒྱ་ནག་གིས་ཨི་རན་གྱི་ཉེ་འཁོར་རྒྱལ་ཁབ་གཞན་དག་ནང་ཡོད་པའི་ཨ་རིའི་དམག་གི་རྟེན་གཞི་རྣམས་ཀྱི་ས་ཁྲ་སོ་མྱུལ་འཁོར་སྐར་བརྒྱུད་ནས་བླངས་པའི་པར་རྣམས་ཨི་རན་ལ་སྤྲད་པར་བརྟེན། ཨི་རན་གྱིས་ཨ་རིའི་དམག་གི་རྟེན་གཞི་མང་པོ་ཞིག་ལ་གཏོར་རྒོལ་ཚབས་ཆེན་བྱས་འདུག་པ་དང་། ཨ་སྒོར་ས་ཡ་མང་པོའི་གྱོང་གུད་ཕོག་ཡོད་འདུག The post རྒྱ་ནག་གི་སོ་མྱུལ་འཁོར་སྐར་གྱིས་ཨི་རན་ལ་ཨ་རིའི་དམག་གི་རྟེན་གཞི་རྣམས་ཀྱི་ས་ཁྲ་སྤྲད་དེ་གཏོར་རྒོལ་བཏང་བ། appeared first on བོད་ཀྱི་བང་ཆེན།.

ཉེ་ཆར་གོ་མིན་ཏང་སྲིད་དོན་ཚོགས་པའི་འགོ་ཁྲིད་རྒྱ་ནག་ལ་ཕྱིན་རྗེས་རྒྱ་ནག་གཞུང་གིས་སྐུལ་ལྕག་དོན་ཚན་བཅུ་ཞེས་པ་ཞིག་བཏོན་ཡོད་འདུག་པ་དང་། དོན་ཚན་དེ་དག་ལ་ཁ་སང་ཐའེ་ཝན་ཚོང་དོན་སྤྱི་ཁྱབ་ལྷན་ཚོགས་ནས་བགྲོ་གླེང་འཚོགས་གནང་འདུག་པས། སྐབས་དེ་དུས་གོ་མིན་ཏང་སྲིད་དོན་ཚོགས་པས་བོད་དང་ཧོང་ཀོང་གཉིས་ལ་འཕྲད་པའི་བཟོད་དཀའ་བའི་ཉམས་མྱོང་དག་ལ་སྣང་མེད་བཏང་ནས་ཐའེ་ཝན་གྱི་བདེ་དོན་ལ་དོ་སྣང་བྱས་མེད་པ་སྐྱོན་བརྗོད་བྱས་འདུག The post བོད་དང་ཧོང་ཀོང་ལ་འཕྲད་པའི་བཟོད་ཐབས་མེད་པའི་ཉམས་མྱོང་དག་དྲན་དགོས་ཞེས་བརྗོད། appeared first on བོད་ཀྱི་བང་ཆེན།.

རྒྱལ་ཚོགས་ཀྱི་དམིགས་བསལ་ཆེད་མཁས་པས་རྒྱ་གཞུང་གི་ཁྲིམས་ཡིག་གསར་པ་དེས་འགྲོ་བ་མིའི་ཐོབ་ཐང་གི་གཞི་རྩའི་ཐོབ་ཐང་དང་གྲངས་ཉུང་མི་རིགས་ལ་གནོད་སྐྱོན་བཟོས་ཡོད་པའི་སྐྱོན་བརྗོད་བྱས། མཉམ་འབྲེལ་རྒྱལ་ཚོགས་ཀྱི་དམིགས་བསལ་སྙན་སྒྲོན་ཚོགས་ཆུང་གིས་ཉེ་ལམ་རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཟེར་བ་དེའི་སྐོར་ལ་བསྒྲགས་གཏམ་ཞིག་སྤེལ་ཡོད་ཅིང་། རྒྱལ་ཚོགས་ཀྱི་དམིགས་བསལ་ཆེད་མཁས་པ་རྣམས་ཀྱིས་རྒྱ་གཞུང་གི་ཁྲིམས་ཡིག་གསར་པ་དེས་འགྲོ་བ་མིའི་ཐོབ་ཐང་གི་གཞི་རྩའི་ཐོབ་ཐང་དང་གྲངས་ཉུང་མི་རིགས་ལ་གནོད་སྐྱོན་བཟོས་ཡོད་པའི་སྐྱོན་བརྗོད་བྱས་ཡོད་འདུག བསྒྲགས་གཏམ་དེའི་ནང་། མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཟེར་བ་དེས་རྒྱ་ནག་གི་ས་གནས་ཡོངས་ཀྱི་མི་རིགས་བར་མཐུན་སྒྲིལ་ཡོང་རྒྱུར་ཉེན་ཁ་བཟོ་སྲིད་པ་མ་ཟད། ཁྲིམས་ཡིག་དེ་ལག་བསྟར་བྱས་ཚེ་བོད་དང་། ཡུ་གུར། སོག་པོ་བཅས་ཀྱི་གྲངས་ཉུང་མི་རིགས་ཁག་གི་སྐད་ཡིག་དང་། རིག་གཞུང་། ཆོས་ལུགས་ཀྱི་གནས་སྟངས་ཐོག་ཤུགས་ཆེན་ཚབས་ཆེན་ཐེབས་རྒྱུ་རེད། ཅེས་དང་། ཁྲིམས་ཡིག་དེའི་དོན་ཚན་དང་པོའི་ནང་དུ་རྩ་ཁྲིམས་ཀྱི་དགོངས་དོན་གཞིར་བཟུང་ནས་མི་རིགས་མཐུན་སྒྲིལ་དང་ཡར་རྒྱས་གོང་འཕེལ་གཏོང་ཆེད་བཟོས་པ་ཡིན་ཞེས་བཀོད་ཡོད་ལ།  ཁྲིམས་ཡིག་དེའི་ཆ་རྐྱེན་ཁ་ཤས་རྩ་ཁྲིམས་དང་འགལ་བ་མཐོང་གི་འདུག ལྷག་པར་དུ་དོན་ཚན་བཞི་པའི་ནང་མི་རིགས་ཚང་མས་རང་ཉིད་ཀྱི་སྐད་དང་ཡི་གེ་རང་དབང་ཐོག་ཡར་རྒྱས་གཏོང་བར་འོས་འགན་ཡོད་པ་དང་། དོན་ཚན་ལྔ་པའི་ནང་རྒྱལ་ཁབ་ཀྱི་མི་སེར་ཚང་མ་ཁྲིམས་ཀྱི་མདུན་དུ་འདྲ་མཉམ་ཡིན་པ་དང་། མི་རིགས་དབྱེ་འབྱེད་དང་གཉའ་གནོན་བྱེད་མི་ཆོག་པའི་སྐོར་གྱི་ཁས་ལེན་བྱས་ཡོད་ཀྱང་། དོན་ཚན་གཞན་ཁ་ཤས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་མཐུན་གྱི་ཡོད་མེད་དོགས་པ་བྱུང་ཡོད། ཅེས་བཀོད་འདུག ཡང་བསྒྲགས་གཏམ་དེའི་ནང་། ང་ཚོས་ཁྲིམས་ཡིག་འདིས་གྲངས་ཉུང་མི་རིགས་ཀྱི་སྐད་ཡིག་སློབ་གསོར་བཀག་རྒྱ་བྱེད་སྲིད་པ་མཐོང་གི་ཡོད། དོན་ཚན་ ༡༥ པའི་ནང་རྒྱ་ནག་གཞུང་གི་སྤྱི་སྐད་དང་ཡི་གེ་ཁྱབ་སྤེལ་གཏོང་རྒྱུར་སྐུལ་འདེད་གང་ལེགས་བྱ་དགོས་པ་དང་། སློབ་གྲྭ་དང་ཤེས་ཡོན་ལྟེ་གནས་ཁང་ཡོངས་སུ་རྒྱའི་སྐད་ཡིག་ཐོག་ནས་སློབ་ཁྲིད་བྱེད་དགོས་པའི་གཏན་འབེབས་བྱས་ཡོད། དེ་ནི་ དེ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་གནས་རང་སྐྱོང་གི་བཅའ་ཁྲིམས་དོན་ཚན་ ༣༧ པའི་ནང་གཏན་འབེབས་བྱས་པའི་ཐོབ་ཐང་དང་འགལ་བ་ཆགས་ཡོད། དེའི་ནང་སློབ་གྲྭ་ཁག་ཏུ་གྲངས་ཉུང་མི་རིགས་ཀྱི་སྐད་ཡིག་གི་སློབ་དེབ་བཀོལ་སྤྱོད་ཀྱིས་སློབ་ཁྲིད་ཀྱི་བརྒྱུད་ལམ་བྱེད་དགོས་པ་གཏན་འབེབས་བྱས་ཡོད། ཁྲིམས་ཡིག་གསར་པའི་ནང་གྲངས་ཉུང་མི་རིགས་ཀྱི་སྐད་ཡིག་དེ་རྒྱ་སྐད་ཀྱི་འོག་ཏུ་གནས་དགོས་པའི་གོ་རིམ་ཞིག་གཏན་འབེབས་བྱས་ཡོད། དེ་ནི་གྲངས་ཉུང་མི་རིགས་ཀྱི་སྐད་ཡིག་ཐོག་ནས་སློབ་གསོ་སྤེལ་མཁན་དང་ཕ་མ་སོགས་བཀག་སྡོམ་བྱ་སྲིད་པའི་ཉེན་ཁ་ཞིག་མཐོང་གི་ཡོད། ཅེས་གསལ་འདུག དེ་བཞིན་ཁྲིམས་ཡིག་དེའི་ནང་ཆོས་ལུགས་ཀྱི་རང་དབང་དང་ཡིད་ཆེས་ལ་ཚོད་འཛིན་བྱེད་པའི་ཉེན་ཁ་ཡོད་པ་ཞིག་མཐོང་གི་ཡོད། དོན་ཚན་ ༤༦ པའི་ནང་ཆོས་ལུགས་ཚོགས་པ་དང་། ཆོས་ལུགས་སློབ་གྲྭ། ཆོས་ལུགས་ཀྱི་བྱེད་སྒོ་སྤེལ་སའི་ས་གནས་ཁག་གིས་ཆོས་ལུགས་རྒྱ་ནག་ཅན་དུ་བསྒྱུར་བའི་ཁ་ཕྱོགས་སུ་རྒྱུན་འཁྱོངས་བྱེད་དགོས་པ་དང་། ཆོས་ལུགས་དང་སྤྱི་ཚོགས་རིང་ལུགས་ཕན་ཚུན་འཆམ་མཐུན་ཡོང་བར་ཁྲིད་སྟོན་བྱེད་དགོས་པ་བཤད་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༢ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་དྷ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་། བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ནས་བརྟན་བཞུགས་བསྟར་འབུལ་ཞུས་ཡོད། དེ་ཡང་རྣམ་གྲྭ་མཁན་རིན་པོ་ཆེ་བློ་བཟང་བསམ་གཏན་མཆོག་དབུ་བཞུགས་ཀྱིས་རྣམ་རྒྱལ་གྲྭ་ཚང་གི་གསུང་ཞབས་དང་། བསྙེན་མཚམས་པ་སོགས་དགེ་བཙུན་རྣམས་ནས་སྒྲོལ་དཀར་ཚེ་སྒྲུབ་ཀྱི་ཆོ་གའི་སྒོ་ནས་སྒྲུབ་ཞག་ཉིན་གསུམ་སྔོན་བཏང་གིས། དེ་རིང་སྐུའི་ཚེ་སྒྲུབ་ཀྱི་ཆོ་ག་གྲུབ་པ་དང་། སྔ་དྲོའི་ཆུ་ཚོད་ ༨།༡༥ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བརྟན་བཞུགས་ཀྱི་མཛད་སྒོར་ཆེད་ཕེབས་ཀྱིས་ཕོ་བྲང་གཟིམ་ཆུང་ནས་རྒྱལ་སྒོ་རུ་ཆིབས་བསྒྱུར་སྐབས་ཚོགས་པ་གཉིས་ཀྱི་འགན་ཡོད་མི་སྣས་ཕེབས་བསུ་དང་། ཕེབས་ལམ་གཡས་གཡོན་གཉིས་སུ་ཡུལ་ལུང་གི་ཆོས་གོས་སྤྲས་པའི་ན་གཞོན་རྣམས་ནས་རུ་སྒྲིག་གིས་ཕེབས་བསུ་གཟབ་རྒྱས་དང་། རྣམ་གྲྭས་སྤྱན་རྒྱ་དང་སྤོས་འཛིན་གྱིས་ཕེབས་བསུ་དང་བཅས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་༸ཞབས་སོར་འཁོད།ཐོག་མར་བརྟན་བཞུགས་ཀྱི་དབུ་བཞུགས་རྡོ་རྗེ་སློབ་དཔོན་རྣམ་གྲྭ་མཁན་རིན་པོ་ཆེ་མཆོག་གིས་མཇལ་དར་རྐྱང་འབུལ་གནང་རྗེས་དབུ་མཛད་ཀྱིས་གསུང་ཆོག་དབུ་འཛུགས་ཀྱིས་རྒྱུན་ཆགས་གསུམ་པ་དང་། པཎ་གྲུབ་བཅུ་བདུན་གྱི་གསོལ་འདེབས། ༸རྒྱལ་བའི་འཁྲུངས་རབས་གསོལ་འདེབས་བཅས་གསུངས་པ་དང་། བརྟན་བཞུགས་དངོས་གཞིར་བླ་མ་ལྷར་བསྐྱེད་ནས་མཆོད་བསྟོད་ཚེ་འགུགས་བཟླས་པ་སོགས་ཆོ་གའི་གཞུང་བསྟར་གནང་། གསོལ་འདེབས་མཎྜལ་སྐབས་སུ་དབུ་བཞུགས་རྡོར་སློབ་མཆོག་དང་འཐུས་ཚབ་དྷ་ས་མདོ་སྟོད་ཆོལ་ཁའི་ཚོགས་གཙོ་དབའ་ཧོ་བསྟན་འཛིན་དང་གློ་སྒྲིག་བདེ་དོན་ཚོགས་པའི་ཚོགས་གཙོ་བྱམས་པ་ཚེ་རིང་གཉིས་ནས་མཎྜལ་ཚོམ་བུ་འདེགས་འབུལ་ཞུས་ཤིང་། རྡོར་སློབ་མཆོག་ནས་ཞལ་འདོན་ཚིག་བསྟུན་གྱིས་སྐུ་གསུང་ཐུགས་རྟེན་དང་། ཚེ་བུམ། རིགས་ལྔའི་མཚན་མ། ཚེ་ཆང་། ཚེ་རིལ། རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་དང་བཀྲ་ཤིས་རྫས་བརྒྱད་བཅས་རིམ་པར་ཕུལ་ཞིང་། རྡོར་སློབ་རྣམ་གྲྭ་མཁན་རིན་པོ་ཆེ་མཆོག་དང་ཚོགས་སྡེ་ཁག་གཉིས་ཀྱི་འཐུས་མི་ ༡༥ ཡིས་མཇལ་ཁ་ཞུས།མཐར་བཀའ་དྲིན་གཏང་རག་གི་མཎྜལ་སྐབས་སུ་དྷ་ས་མདོ་སྟོད་ཆོལ་ཁའི་ཚོགས་གཙོ་དབའ་ཧོ་བསྟན་འཛིན་དང་། གློ་སྒྲིག་བདེ་དོན་ཚོགས་པའི་ཚོགས་གཙོ་བྱམས་པ་ཚེ་རིང་གཉིས་ཀྱིས་རིམ་བཞིན་མཎྜལ་རྟེན་གསུམ་འདེགས་འབུལ་དང་། བརྟན་བཞུགས་བསྟར་འབུལ་ཞུ་མཁན་མི་གྲངས་ ༡༥ ཡིས་མཇལ་ཁ་ཞུས་པ་དང་བསྟུན། ཉི་གཞོན་འཆར་ཀ་མ་དང་། རིས་མེད་རྒྱལ་བསྟན་རྒྱས་པའི་སྨོན་ལམ། བདེན་ཚིག་སྨོན་ལམ་བཅས་གསུངས་ཏེ་བརྟན་བཞུགས་གནང་སྒོ་ལེགས་པར་གྲུབ་ཅིང་། མགོན་པོ་གང་ཉིད་མཆོག་སྔར་བཞིན་སྤྱན་རྒྱ་སྤོས་འཛིན་དང་བཅས་ཕོ་བྲང་དུ་གདན་ཞུ་ཞུས་ཡོད།བརྟན་བཞུགས་གནང་སྒོ་འདིར་བོད་མིའི་སྒྲིག་འཛུགས་ཀྱི་དཔལ་ལྡན་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་།...

  ༄༅། །འདི་གར་སུད་སི་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༤ ཚེས་ ༡༦ ཉིན་མཉམ་འབྲེལ་རྒྱལ་ཚོགས་ཀྱི་དམིགས་བསལ་སྙན་སྒྲོན་པ་ཁག་གཅིག་གིས་ཉེ་ལམ་རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཅེས་པར་བློ་འཚབ་ཤུགས་ཆེ་བསྟན་པ་དང་། ཁྲིམས་ཡིག་འདི་ཉིད་ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་དངོས་སུ་ལག་བསྟར་བྱ་རྒྱུ་ཡིན་པ་རེད། ཁྲིམས་ཡིག་དེས་རྒྱ་ནག་ནང་མི་རིགས་སྣ་མང་རང་བཞིན་ལས་རྒྱལ་ཁབ་ཀྱི་ངོ་བོ་གཅིག་གྱུར་ལ་གལ་ཆེར་འཛིན་པའི་རྒྱ་ཆེ་བའི་སྲིད་བྱུས་ཀྱི་འགྱུར་བ་ཞིག་མཚོན་གྱི་ཡོད། དེ་བཞིན་ད་ལྟའི་ཆར་རྒྱ་ནག་གི་རྩ་ཁྲིམས་ནང་རིག་གཞུང་དང་སྐད་ཡིག་གི་ཐོབ་ཐང་སྲུང་སྐྱོབ་ཐོག་ཁྲིམས་ཡོད་བཞིན་དུ་ཁྲིམས་ཡིག་འདིའི་བརྒྱུད་བོད་རིགས་དང་། ཡུ་གུར་བ། སོག་རིགས་བཅས་ཀྱི་གྲངས་ཉུང་མི་རིགས་ལ་ཤུགས་རྐྱེན་ཆེན་པོ་ཐེབས་སྲིད་པ་ཞིག་ཡིན། སེམས་འཚབ་བྱེད་གཞི་གཙོ་བོ་ནི་ཁྲིམས་ཡིག་གི་གསལ་ཁ་མེད་པའི་ཐ་སྙད་བཀོལ་སྟངས་དེ་ཡིན་ཞིང་། དེ་ཡང་མི་རིགས་མཐུན་སྒྲིལ་ལ་གཏོར་བཤིག་གཏོང་བའི་བྱ་སྤྱོད་རིགས་ལ་བཀག་སྡོམ་བྱེད་པ་དེ་ཚུད་ཡོད། མཉམ་འབྲེལ་རྒྱལ་ཚོགས་ནས་དེ་ལྟ་བུའི་གསལ་ཁ་མེད་པའི་ཐ་སྙད་བཀོལ་སྟངས་ལས་དབང་འཛིན་པ་རྣམས་ནས་སོ་སོའི་འདོད་མོས་ལྟར་འགྲེལ་བརྗོད་ཀྱིས་སྨྲ་བརྗོད་རང་དབང་དང་། རིག་གཞུང་གི་བྱེད་སྒོ། དེ་བཞིན་ཤེས་ཡོན་གྱི་ལས་དོན་སོགས་ལ་དྲག་གནོན་བྱེད་སྲིད་པའི་ཉེན་བརྡ་བཏང་ཡོད། དེ་བཞིན་ཁྲིམས་ཡིག་དེས་རྒྱ་སྐད་ (Mandarin) དེ་སློབ་ཁྲིད་ཀྱི་སྐད་ཡིག་གཙོ་བོ་ཡིན་པ་གཏན་འབེབས་བྱས་ཡོད་པས། དེས་གྲངས་ཉུང་མི་རིགས་ཀྱི་རང་སྐད་བཀོལ་སྤྱོད་བྱེད་རྒྱུར་བཀག་སྡོམ་དང་། མི་རབས་གསར་པའི་རིག་གཞུང་གི་ངོ་བོ་ཉམས་དམས་སུ་གཏོང་བའི་ཉེན་ཁ་ཡོད། ཆོས་ལུགས་རྒྱ་ནག་ཅན་དུ་སྒྱུར་བའི་སྲིད་བྱུས་འོག་ཆོས་དད་རང་དབང་ལ་དམ་དྲག་དང་། མི་རིགས་འདྲེས་སྡོད་ཀྱི་སྤྱི་ཚོགས་འཛུགས་སྐྲུན་བྱེད་པའི་མིང་ཐོག་ནས་མི་རིགས་སོ་སོའི་རང་དབང་གི་འཚོ་བ་དང་སྒྲིག་འཛུགས་ལ་ཐེ་བྱུས་བྱེད་བཞིན་ཡོད། རྒྱལ་ཚོགས་ཀྱི་མཁས་དབང་ཚོས་ཁྲིམས་ཡིག་དེ་ནི་རྒྱ་ནག་གིས་རྒྱལ་སྤྱིའི་ཐོག་ཁས་ལེན་བྱས་པའི་ “དཔལ་འབྱོར་དང་། སྤྱི་ཚོགས། རིག་གཞུང་བཅས་ཀྱི་ཐོབ་ཐང་སྐོར་གྱི་རྒྱལ་སྤྱིའི་གྲོས་མཐུན་” དང་ “བྱིས་པའི་ཐོབ་ཐང་སྐོར་གྱི་ཆིངས་ཡིག་” སོགས་དང་འགལ་ཡོད་པར་གསུངས་འདུག སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཀྱིས་རྒྱལ་ཚོགས་ཀྱི་དུས་ཐོག་བསྒྲགས་གཏམ་སྤེལ་བ་དེར་དགའ་བསུ་ཞུས་པ་དང་སྦྲགས། ཁྲིམས་ཡིག་དེ་ནི་མི་རིགས་རྩ་མེད་བཟོ་བའི་བཙན་ཤེད་ཀྱི་བྱེད་ཐབས་ཤིག་ཡིན་པར་བརྗོད་དེ། རྒྱ་ནག་གཞུང་གིས་ཁྲིམས་ཡིག་དེ་ལག་བསྟར་མི་བྱེད་པར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་མཐུན་པའི་བསྐྱར་བཅོས་བྱེད་དགོས་པའི་རེ་སྐུལ་བཏོན་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་ཡུལ་ལུང་འདྲ་མིན་གྱི་དད་ལྡན་མཇལ་བཅར་བ་སུམ་བརྒྱ་དྲུག་ཅུ་བརྒལ་བར་མཇལ་ཁ་སྩལ་ཡོད་པ་རེད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕོ་བྲང་གཟིམ་ཆུང་ནས་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་ཐོག་མར་ཕྱི་རྒྱལ་ཡུལ་གྲུ་ཁག་ནས་ཕེབས་པ་དང་། རྒྱ་གར་བ་སོགས་ལ་མཇལ་ཁ་མགོ་འཛུགས་ཀྱིས་རིམ་པར་ཧི་མ་ལ་ཡའི་རི་རྒྱུད་ཀྱི་དད་ལྡན་མི་མང་དང་། དེ་བཞིན་དྷ་ས་མདོ་སྟོད་ཆོལ་ཁའི་དབུས་རྒྱུན་གྱི་བརྟན་བཞུགས་འབུལ་མཁན་མི་མང་དང་གློ་སྒྲིག་བདེ་དོན་ཚོགས་པའི་མི་མང་བཅས་ལ་མཇལ་ཁ་རིམ་པར་སྩལ་ཡོད།སྐབས་དེར་རྒྱ་གར་བ་ཞིག་གིས་རང་ཉིད་ལ་སྐབས་རེ་ཞེད་སྣང་ཡོང་གི་འདུག་པས་དེ་མེད་པར་བཟོ་ཐབས་ལ་བཀའ་སློབ་ཅིག་གནང་རོགས་ཞུས་པར་མགོན་པོ་མཆོག་གིས། བསམ་བློ་རྒྱ་ཆེ་ས་ནས་བཏང་ན་སེམས་པ་ལྷོད་ལྷོད་ཆགས་ཀྱི་རེད། སྣེ་གཅིག་ལ་སྦུ་སུག་དོག་པོའི་བསམ་བློ་བཏང་ནས་བསྡད་ཚེ་སེམས་མ་སྐྱིད་པོ་བྱེད་ཀྱི་ཡོད། ང་ཚོས་སེམས་ཅན་ཐམས་ཅད་ཟེར་དུས་སོ་སོ་གཅིག་པུའི་བསམ་བློ་མ་རེད། རྒྱ་ཆེ་ས་ནས་བསམ་བློ་བཏང་ནས། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག ཅེས་བསམ་བློ་ཧ་ཅང་རྒྱ་ཆེན་པོ་རེད། སེམས་ཅན་གཅིག་གི་སྡུག་བསྔལ་སེལ་བའི་སྐད་ཆ་མིན་པར་སེམས་ཅན་མཐའ་དག་གི་སྡུག་བསྔལ་རྒྱུན་དང་བཅས་པ་བྲལ་བར་བྱའོ་སོམས། ངོས་རང་འདིར་མི་གཅིག་ཡིན་ཡང་བསམ་བློའི་ནང་དུ་སེམས་ཅན་ཐམས་ཅད་ཀྱི་འཁུར་འཁྱེར་ནས་བསྡད་ཡོད། ཅེས་བཀའ་སློབ་སྩལ་བ་དང་། བྱང་ཆུབ་སེམས་ཀྱི་སྐོར་ལ་གློག་བརྙན་བཟོ་མཁན་ཞིག་གིས་མཇལ་ཁ་དང་འབྲེལ་ཐུགས་སྨོན་ཞུས་པར། བྱང་ཆུབ་ཀྱི་སེམས་ཟེར་བ་ནི་དངོས་ཐོག་བདེན་འཚོལ་རེད། གང་ལྟར་ནམ་མཁའི་མཐར་གཏུགས་པའི་སེམས་ཅན་གྱི་སྡུག་བསྡུལ་ག་ཚོད་སེལ་ཐུབ་པ་ཞིག་ངས་བྱེད་རྒྱུ་ཡིན་ཟེར་བ་རེད། བྱེད་མ་ཐུབ་པ་ལ་སྨོན་ལམ་བརྒྱབ་ནས་སྡོད་པ་ལས་གཞན་མེད། ཅེས་དང་།སེམས་ཁམས་རིག་པའི་སྐོར་ལ་ནང་པའི་གཞུང་ཧ་ཅང་ཞིབ་ཚགས་པོ་དང་འབེལ་པོ་རེད། ཚན་རིག་པ་ནང་བསམ་བློའི་སྐོར་ལ་དོ་སྣང་ཡོད་མཁན་ཚོ་ངོས་ལ་ཐུག་འཕྲད་དུ་སླེབས་ནས་གོ་བསྡུར་བྱེད་ཀྱི་འདུག ངོས་ཀྱིས་རྣམ་རྟོག་འདྲ་མིན་དང་ཆོས་ཀྱི་དད་པ་སྣ་ཚོགས་ཐོག་ནས་བཤད་ཀྱི་མེད། བརྟག་དཔྱད་བྱས་པའི་གྲུབ་འབྲས་ཀྱི་བློས་འཁྱེར་སོ་དང་ཀླད་པའི་འགྲོ་སྟངས་བཅས་གལ་ཆེན་པོ་འདུག ཅེས་བཀའ་སློབ་སྩལ་ཡོད། །  

སང་ཕྱི་ཟླ་ ༤ ཚེས་ ༢༢ ཉིན་གྱི་སྔ་དྲོ་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་ཡིན་པ་རེད། དེ་ཡང་སང་ཉིན་བརྟན་བཞུགས་ཀྱི་རྡོ་རྗེ་སློབ་དཔོན་རྣམ་གྲྭ་ཕན་བདེ་ལེགས་བཤད་གླིང་གི་མཁན་རིན་པོ་ཆེ་ཉང་པོ་བློ་བཟང་བསམ་གཏན་མཆོག་ནས་གནང་རྒྱུ་དང་།  བརྟན་བཞུགས་ཐོག་ཚོགས་པ་གཉིས་ཐུན་མོང་ནས་དམིགས་བསལ་གྱི་སྒྲོལ་དཀར་གྱི་སྐུ་བརྙན་ཞིག་འབུལ་མཚན་དུ་འབུལ་བཞེས་གནང་རྒྱུ་མ་ཟད།  སང་ཉིན་གྱི་བརྟན་བཞུགས་ཆེད་དུ་རྡ་ས་མདོ་སྟོད་ཆོལ་ཁའི་ཁོངས་ནས་མི་གྲངས་ ༨༠ ལྷག་དང་།  བལ་ཡུལ་སྤོག་ར་གློ་སྒྲིག་ཚོགས་པ་ནས་མི་གྲངས་ ༣༠༠ ཙམ་ཆེད་ཕེབས་གནང་གི་ཡོད་པ་རེད་འདུག ལྷག་པར་དུ་དེ་རིང་ཕྱི་ཚེས་ ༢༡ ཉིན་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པའི་བརྟན་བཞུགས་གོ་སྒྲིག་ཚོགས་ཆུང་གི་ཚོགས་མི་གཙོས་པའི་ཚོགས་བཅར་བ་ ༡༨༠ ལྷག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་མ་ཟད།  མཇལ་བཅར་ཁྲོད་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་ནས་མགོན་པོ་༸གང་ཉིད་མཆོག་ལ་བཀའ་དྲིན་རྗེས་དྲན་མཚོན་བྱེད་དུ་༸གོང་ས་མཆོག་བོད་ནས་རྒྱ་གར་ལ་བྲོལ་བྱོལ་སྐབས་ཀྱི་པར་རིས་འཁོད་པའི་བོད་ཀྱི་ས་ཁྲ་བཟོ་སྐྲུན་གནང་བ་ཞིག་དྲན་རྟེན་གྱི་ཚུལ་དུ་འབུལ་བཞེས་གནང་ཡོད་པ་རེད་འདུག མཇལ་ཁ་གྲུབ་མཚམས་འདི་གའི་གསར་འགོད་པས་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་ཝ་ཧོ་བྟན་འཛིན་ལགས་དང་ཚོགས་གཞོན་ཚེ་རིང་དབྱངས་འཛོམས་ལགས་གཉིས་སུ་བཀའ་འདྲི་ཞུས་ཡོད། མ་ཟད་དེ་རིང་གི་མང་མཇལ་ཁྲོད་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་དད་ལྡན་པ་གཅིག་གིས་ཞེ་སྣང་ལ་གདོང་ལེན་ཇི་ལྟར་བྱེད་དགོས་མིན་ཐད་བཀའ་འདྲི་ཞུས་པར། ༸གང་ཉིད་མཆོག་གིས་བཀའ་ལན་ཁྲོད།  བསམ་བློ་རྒྱ་ཆེ་ས་ནས་བཏང་ན་སེམས་ལྷོད་ལྷོད་ཡོང་གི་རེད་ཅེས་དང་།  ང་ཚོས་སེམས་ཅན་ཐམས་ཅད་ཞེས་ཚད་མེད་བཞིའི་སྐོར་བཀའ་སྩལ་དང་འབྲེལ།  ༸གང་ཉིད་མཆོག་ཀྱང་གང་ཟག་སྒེར་གཅིག་ཡིན་ནའང་བསམ་བློའི་ནང་སམེས་ཅན་ཐམས་ཅད་ཀྱི་འཁུར་བཞེས་ཀྱི་ཡོད་པ་བཀའ་སྩལ་འདུག རྩ་བའི་དེང་སང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་བརྩེ་བ་ཆེན་པོས་རེས་གཟའ་ཟླ་བ་ནས་སྤེན་པ་འཆར་ཅན་འཛམ་གླིང་ཡུལ་གྲུ་གང་ས་ནས་ཕེབས་པའི་བོད་མི་དང་ཧི་མ་ལ་ཡའི་རི་རྒྱུད་ཀྱི་དད་ལྡན་པ་གཙོས་པའི་ཕྱི་རྒྱལ་མི་སྣ་མཇལ་བཅར་བ་བརྒྱ་ཕྱག་འགའ་ཤས་ལ་མང་མཇལ་སྩལ་གནང་གི་ཡོད་པ་ལྟར།  ཁ་སང་ལྟ་བུ་མཚོན་ན་༸མགོན་པོ་མཆོག་གིས་མཇལ་བཅར་བ་ ༣༦༠ སྐོར་ལ་མང་མཇལ་ཁྲོད་དད་ལྡན་པ་ཁག་གཅིག་ལ་༸གང་ཉིད་མཆོག་གི་ཤེས་རབ་དེ་རྗེ་བཙུན་འཇམ་དཔལ་དབྱངས་ཀྱི་བྱིན་རླབས་དང་འབྲེལ་བ་ཡོད་པ་མ་ཟད། ༸གོང་ས་མཆོག་གི་སྐུ་ཚེ་འདི་བོད་རིགས་ཙམ་མ་ཡིན་པར་འགྲོ་བ་མི་ཚང་མ་ལ་ཞབས་འདེགས་བསྒྲུབ་བསམ་པའི་ཐུགས་སྨོན་བསྐྱོན་གྱི་ཡོད་པ་བཀའ་སྩལ་ཡོད་པ་རེད།  ལྷག་པར་དུ་མཇལ་བཅར་ཞུ་མཁན་ཁོངས་སུ་བོད་རིགས་གཞོན་སྐྱེས་རང་ཤི་རྒྱབ་རྩིས་ཐེངས་གཉིས་ཙམ་བྱེད་མཁན་ཞིག་ལ་མགོན་པོ་༸གང་ཉིད་མཆོག་གིས།  ང་རང་ཚོ་རྒྱ་ཆེ་ས་ནས་བསམ་བློ་བཏང་ན་འཛམ་བུ་གླིང་གི་སེམས་ཅན་མང་པོ་ཞིག་དཀའ་ངལ་ནང་ཚུད་ཡོད་པ་གང་ལྟར་ཡང་།  ང་རང་ཚོ་བོད་རིགས་ལ་ཆ་བཞག་ན་བྱང་ཆུབ་ཀྱི་སེམས་དང་། སྟོང་ཉིད་ཀྱི་ལྟ་བ། འཕགས་པ་སྤྱན་རས་གཟིགས་བཅས་དུས་རྟག་ཏུ་དྲན་ཐུབ་ཡག་ཅིག་ཡོད་དུས། གཞན་དང་ཏོག་ཙམ་མི་འདྲ་བ་ཞིག་ཆགས་ཀྱི་ཡོད་པ་བཀའ་སྩལ་འདུག་ལ།  ཡང་བོད་རིགས་ཞོན་སྐྱེས་གཞན་ཞིག་ལ་ལོ་སྐག་དང་འབྲེལ་བའི་བར་ཆད་སྐོར་དང་འབྲེལ། སྐག་ནི་བསམ་བློ་གཏོང་སྟངས་ཤིག་ཡིན་པ་དང་།  དེ་ནི་རྟེན་ངན་གྲོགས་སུ་འཁྱེར་ཞེས་དང་། ...

བོད་དང་ཐའེ་ཝན་དང་འབྲེལ་བའི་ལས་འགུལ་རིགས་བཀག་སྡོམ་མུ་མཐུད་བྱེད་དགོས་སྐོར་རྒྱ་ནག་གཞུང་གིས་དགོས་འདུན་བཏོན་ཡོད་པ།