འཕཊ་བོད་ས་མཚམས་ཉེ་ཁུལ་དུ་ཉིན་གཉིས་གོང་ནས་འོས་བསྡུ་གནང་ཟིན་འདུག

བཙན་བྱོལ་བོད་མི་གནས་ཡུལ་རྒྱ་གར་གཙོས་པའི་འཛམ་གླིང་ཤར་ནུབ་རྒྱལ་ཁབ་ཁག་ཏུ་གནས་བཞུགས་བོད་མི་རྒན་གཞོན་དར་གསུམ་གྱིས་མང་གཙོའི་ཁེ་དབང་ལོངས་སུ་སྤྱོད་དེ་ཁ་སང་ཟླ་ ༤ ཚེས་ ༢༦ ཉིན་ ༢༠༢༦ ལོའི་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་དངོས་གཞིའི་འོས་བསྡུ་ཆེན་མོ་གནང་ཡོད་པ་ལྟར། ཁ་སང་ཡུ་རོབ་རྒྱལ་ཁབ་ཁག་དང་བྱང་ཨ་རིའི་ས་གནས་ཁག་ནང་སྤྱི་འཐུས་ཀྱི་དངོས་གཞིའི་འོས་བསྡུའི་ལས་རིམ་ཚ་ཚ་འུར་འུར་གྱིས་གནང་འདུག དེ་ཡང་ཁ་སང་ནིའུ་ཡོག་དང་ནིའུ་འཇར་སི་གཙོས་པའི་བྱང་ཨ་རིར་གནས་སྡོད་བོད་མི་ཚོས་སྔ་དྲོ་ཆུ་ཚོད་ ༨།༠༠ ནས་ཕྱི་དྲོ་ཆུ་ཚོད་ ༨།༠༠ པའི་བར་འོས་ཤོག་འཕེན་རྒྱུའི་དུས་ཚོད་གཏན་འབེབས་ཀྱི་གསལ་བསྒྲགས་སྔོན་སོང་ལྟར། ས་ཚིགས་སོ་སོར་མང་ཚོགས་ནས་དངོས་གཞིའི་འོས་བསྡུ་ཆེན་མོའི་ནང་ཆ་ཤས་བླངས་འདུག་པའི་ཁྲོད། ནིའུ་ཡོག་ནའུ་ཇར་སི་ལྟ་བུར་མཚོན་ན་ཐེངས་འདིའི་བཙན་བྱོལ་བོད་མིའི་འོས་བསྡུ་ཆེན་མོའི་ནང་འོས་འཕེན་པའི་མིང་གཞུང་དེབ་འགོད་གནང་མཁན་བོད་མི་གྲངས་ ༦༡༣༥ ཙམ་བྱུང་བའི་ཁོངས་ནས་སྤྱི་འཐུས་ཀྱི་དངོས་གཞིའི་འོས་ཤོག་དངོས་སུ་འཕེན་མཁན་གྱི་བོད་མི་གྲངས་ ༢༥༥༠ ཙམ་ལས་བྱུང་མིན་འདུག འདི་ག་རླུང་འཕྲིན་ཁང་གིས་བྱང་ཨ་རིའི་ས་གནས་ཁྲོད་ནས་བོད་མི་མི་འབོར་མང་ཤོས་ཡོད་སའི་ས་གནས་ནིའུ་ཡོག་དང་ནིའུ་འཇར་སིའི་འོས་བསྡུ་དེབ་འཁོད་འགན་འཛིན་ཚེ་རིང་ཕུན་ཚོགས་ལགས་སུ་འོས་བསྡུའི་གནས་ཚུལ་རྒྱུས་ལོན་ཞུས་པར་ཁོང་གིས། ནིའུ་ཡོག་དང་ནིའུ་འཇར་སི་ས་གནས་ཁོ་ནར་ཆ་བཞག་ན་ད་ལན་དེབ་སྐྱེལ་གནང་བ་བཞིན་དངོས་སུ་འོས་འཕེན་མཁན་དེ་ཙམ་བྱུང་མེད་པ་དེ་ནི་ཕལ་ཆེར་དངོས་གཞིའི་འོས་བསྡུའི་ནང་སྲིད་སྐྱོང་གི་འགྲན་རྩོད་མེད་པའི་རྐྱེན་གྱིས་འོས་འཕེན་པའི་གྲངས་འབོར་ལ་ཁྱད་པར་བཟོ་ཡོད་སྲིད་པ་རེད་ཅེས་འགྲེལ་བརྗོད་གནང་བྱུང་། མ་ཟད་ཨ་རིའི་རྒྱལ་ས་གཙོས་པའི་ཡུལ་དེའི་གྲོང་ཁྱེར་ཆེ་ཁག་དང་། རྒྱལ་ས་ཨོ་ཊ་ཝས་གཙོས་པའི་ཁེ་ན་ཌའི་གྲོང་ཁྱེར་ཆེ་ཁག་སོགས་བྱང་ཨ་རིའི་ས་གནས་ཚང་མར་འོས་བསྡུའི་ལས་རིམ་ཚགས་ཚུད་ལམ་ལྷོང་བྱུང་ཡོད་པ་དང་། བཙན་བྱོལ་བོད་མིའི་འོས་བསྡུ་ཆེན་མོ་རེ་ཞིག་མཇུག་སྒྲིལ་ནས། ད་ལྟའི་ཆར་ས་གནས་ཚང་མའི་འོས་སྒམ་སྐུ་ཚབ་དོན་གཅོད་ལས་ཁུངས་སུ་འབྱོར་དང་འབྱོར་མུས་ཡིན་པ་རེད། ཕྱོགས་མཚུངས་ཁ་སང་ཡུ་རོབ་རྒྱལ་ཁབ་ཁྱོན་ ༡༥ ནང་ ༢༠༢༦ ལོའི་སྐབས་ ༡༨ པའི་བོད་མི་མང་སྤྱི་འཐུས་ཀྱི་དངོས་གཞིའི་འོས་བསྡུ་གནང་ཡོད་པ་ལྟར། ཨིན་ཡུལ་བོད་ཀྱི་སྐུ་ཚབ་དོན་གཅོད་ཀྱི་ཁྱབ་ཁོངས་སུ་གཏོགས་པའི་ཨིན་ཡུལ་དང་ནོར་ཝེ། ཌན་མག སུའི་ཌན། ཨ་ཡར་ལན་ཌི། དེ་བཞིན་པོ་ལན་ཌི་བཅས་སུ་འོས་བསྡུ་ས་གནས་...

དབུས་འོས་བསྡུ་ལས་ཁང་གིས་ཉིན་ཤས་གོང་ཕྱི་ཚེས་ ༢༣ ཉིན་བལ་ཡུལ་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཀྱི་མཚན་ཐོག་ཏུ་ཕྱག་ཡིག་ཞིག་གི་བརྒྱུད། ཁུལ་དེར་འདི་ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ཁྲོད། འོས་བསྡུའི་སྒྲིག་གཞིའི་དགོངས་དོན་མང་དག་ཅིག་ལ་འགལ་འཛོལ་ཚབས་ཆེ་བྱུང་ཡོད་པ་དབུས་འོས་བསྡུའི་ལས་ཁང་གི་ཞིབ་འཇུག་ལས་ར་འཕྲོད་བྱུང་ཡོད་སྐོར་དང་འབྲེལ། བལ་ཡུལ་མཆོད་འཇོར་ས་ཁུལ་ཁྱབ་ཁོངས་སུ་ཚུད་པའི་མི་མང་ཡོངས་ལ་ཐེངས་འདིའི་དངོས་གཞིའི་འོས་བསྡུ་ནང་ཆ་ཤས་བླང་རྒྱུའི་ཐོབ་ཐང་ཕྱིར་འཐེན་གྱིས་ཉེས་ཆད་བཀལ་འདུག དེ་ཡང་དབུས་འོས་བསྡུའི་ལས་ཁང་གི་ཕྱག་ཡིག་དེའི་ནང་། བཅའ་སྒྲིག་དགོངས་ལྟར་བོད་མི་འོས་འཕེན་པ་ཞིག་ལ་སོ་སོའི་ཐོབ་ཁུངས་ནས་འོས་གཅིག་གི་ཐོབ་ཐང་ལས་མེད་ནའང་། བལ་ཡུལ་མཆོད་འཇོར་ས་གནས་སུ་འོས་འཕེན་པ་གཅིག་གིས་འོས་ཤོག་གཅིག་ལས་མང་བ་འཕེན་པའམ།ཡིག་གཟུགས་གཅིག་གི་འོས་ཤོག་མང་པོར་བྲིས་པ་མང་དག་ཅིག་མངོན་གསལ་འདུག་པ་དང་། དཔེ་མཚོན་དུ། འོས་འཕེན་པ་ཁག་ཅིག་ནས་འོས་ཤོག་ ༡༠ དང་། ༢༠། ༤༠། ༧༠། ༡༠༠ ཡན་བརྒལ་བ་འབྲི་མཁན་མང་དག་ཅིག་བྱུང་ཡོད་པ་གསུངས་འདུགདེ་བཞིན་འོས་མིའི་ཨང་རིམ་དང་མིང་གཞུང་གཅིག་གྱུར་ལེབ་བཤུས་བརྒྱབ་པའི་ཡིག་གཟུགས་གཅིག་པའི་འོས་ཤོག་མང་དག་ཁ་གསལ་མཐོང་རྒྱུ་ཡོད་པ་ཚབས་ཆེའི་སྒྲིག་འགལ་ཆགས་ཡོད་པ་གསུངས་འདུག་ལ། འོས་བསྡུའི་དུས་ཡུན་ཉིན་གཅིག་དེ་རང་ལ་ཟིན་དགོས་ཀྱང་། དེ་ནས་ཁྱིམ་ཚང་སོ་སོ་དང་ཚོགས་སྡེ་ཁག་ལ་འོས་ཤོག་འགྲེམས་སྤེལ་བྱས་པའི་ཐོག འོས་ཤོག་ཕྱིར་བསྡུ་ཉིན་འགྱངས་ཀྱིས་བསྡུ་ལེན་བྱས་པའི་སྒྲིག་འགལ་ཡང་བྱུང་ཡོད་པ་གསུངས་འདུག མ་ཟད།དེ་གའི་ས་གནས་ཁག་ཅིག་ལ་ཚོགས་ཆུང་གི་ཚོགས་མི་གཅིག་རང་བརྒྱུད་འགྱིག་ཤོག་འཁྱེར་ཏེ་འོས་ཤོག་བགོས་འགྲེམས་དང་བསྡུ་ལེན་བྱས་རིགས་བྱུང་ཡོད་ཚོད་འདུག་ཅེས་དང་། འོས་ཤོག་ཁག་ཅིག་སྟེང་འོས་མིའི་མིང་ཙམ་ལས་གཞན་འབྲུ་དོན་ཆ་ཚང་བཀོད་མེད་པར་འོས་མི་ངོ་རྟགས་ཆོད་པའི་ཁུངས་སྐྱེལ་ཁ་གསལ་མེད་པའི་ཐོག འོས་མིའི་མིང་དང་ལོ་རྒྱུས་མ་མཐུན་པ་བཀོད་རིགས་ཁག་གཅིག་རྩིས་འགྲོ་བཏང་བ་ཡང་བྱུང་ཡོད་པ་ནི། འོས་བསྡུའི་སྒྲིག་གཞི་དོན་ཚན་ ༣༤ ནང་གསེས་ ༢ པའི་ཅ་ཡི་དགོངས་དོན་དང་འགལ་འཛོལ་བྱུང་ཡོད་པའང་གསུངས་འདུག་ལ། འོས་ཤོག་གཅིག་གི་སྟེང་ཡིག་གཟུགས་མི་འདྲ་བའི་མི་གཉིས་ནས་འོས་ཤོག་བཀང་པ་གང་ཙམ་བྱུང་འདུག་ཅེས་དང་།དེ་ནས་ཨ་རི་ནས་ཡིན་པའི་འོས་འཕེན་པ་ཞིག་ནས་རྒྱ་བལ་འབྲུག་གསུམ་གྱི་ཆོལ་ཁའི་ཐོབ་ཁུངས་ལ་འོས་འཕེན་ཡོད་པས་སྒྲིག་འགལ་བྱུང་ཡོད་པ་སོགས་གསུངས་འདུག དབུས་འོས་བསྡུའི་ལས་ཁང་གི་ཕྱག་ཡིག་ནང་གསལ་ལྟར་ན།ད་ལན་བལ་ཡུལ་ནང་གི་འོས་བསྡུའི་ལས་དོན་བྱས་ཕྱོགས་ཐོག་དབུས་འོས་བསྡུའི་ལས་ཁང་གི་ཞིབ་འཇུག་གི་བརྒྱུད་རིམ་ནང་། མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ལ་ཐེངས་གསུམ་འདྲི་རྩད་བྱས་སྐབས་བལ་ཡུལ་མཆོད་འཇོར་ནང་འོས་བསྡུའི་སྐབས་སྒྲིག་འགལ་གང་ཡང་བྱུང་མེད་པའི་ཚགས་ཚུད་ངང་གྲུབ་ཡོད་ལུགས་དང་།འོས་ཤོག་གྲངས་བཤེར་སྐབས་ཚོགས་མི་དང་ཟུར་དཔང་སུ་ཐད་ནས་མི་གཅིག་གིས་འོས་ཤོག་མང་པོ་བྲིས་ཡོད་པ་ཤེས་རྟོགས་བྱུང་མེད་པ་མ་ཟད། མཆོད་འཇོར་མི་མང་བརྒྱ་ཆ་ ༦༠ གྲྭ་ཟུར་དང་བཙུན་ཟུར་ཡིན་པའི་ཐོག་བླ་མ་གཅིག་གི་སློབ་མ་ཡིན་པའི་རྒྱུ་མཚན་གྱིས་ཡིག་གཟུགས་གཅིག་པ་ཡོང་སྲིད་པའི་གསལ་བཤད་གནང་ཡོད་པ་རེད་འདུག དབུས་འོས་བསྡུ་ལས་ཁང་ནས་ད་སྐབས་བལ་ཡུལ་ནང་གི་སྔོན་འགྲོའི་འོས་བསྡུའི་ལས་དོན་ཐོག་དབུས་འོས་བསྡུའི་ལས་ཁུངས་སུ་ཞིབ་འཇུག་འགྲོ་བཞིན་པ་ཤེས་བཞིན་དུ་ཡང་ཡང་དབུས་ལ་འབྲེལ་བ་བྱས་ཏེ་གནོན་ཤུགས་ལྟ་བུའི་བསུན་གཙེར་བཟོས་ཡོད་པ་དང་། ས་གནས་འོས་བསྡུའི་འགན་འཛིན་ལས་རོགས་ཞིག་ནས་དབུས་འོས་བསྡུ་ལས་ཁང་ལ་ཞིབ་འཇུག་ཐོག་ལས་འགན་གྱི་ཆ་ཤས་སུ་མཐུན་འགྱུར་རམ་འདེགས་ཞུ་རྒྱུ་ལྟ་ཞོག དེ་ལས་ལྡོག་སྟེ་དབུས་འོས་བསྡུའི་ལས་ཁང་ལ་སྐྱོན་བརྗོད་དང་འཇིགས་བསྐུལ་ལྟ་བུའི་སྒྲིག་འགལ་གྱི་ཡིག་ཆུང་བཏང་བ་འོས་འཚམས་གཏན་ནས་མིན་པས་ཡིད་གཟབ་གནང་དགོས་གལ་ཡིན་པ་བཅས་ཕྱག་ཡིག་དེའི་ནང་དོན་ཚན་ ༨...

བལ་ཡུལ་གྱི་གནས་དོན་ཐད་མ་འོངས་ཕྱི་གསལ་ནང་གསལ་བཟོ་དགོས་འཁེལ་ན་ལན་འདེབས་གསལ་བཤད་གནང་རྒྱུ་ཡིན་སྐོར་གསུངས་པ།

ལ་དྭཊ་སུ་༧པཎ་ཆེན་རིན་པོ་ཆེའི་འཁྲུངས་སྐར་ཉིན་སྐད་ཡིག་གི་བགྲོ་གླེང་གནང་འདུག

བཞུགས་སྒར་རྡ་རམ་ས་ལར་བོད་ཀྱི་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གིས་ལས་འགུལ་སྣ་མང་སྤེལ་ཡོད་པ།

བཀའ་དྲིན་རྗེས་དྲན་གྱི་གཟེངས་བསྟོད་ཚེ་བུམ་དང་། སྐྱིད་གྲོང་འཕགས་པ་ལྷ་ཁང་དུ་ཇོ་བོ་ཝ་ཏིའི་སྐུ་རྟེན་བཞུཊ་པ་འབུལ་ལམ་ཞུས།

བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་སྒྲིག་གཞིར་འགལ་འཛོལ་བྱུང་རྐྱེན་བལ་ཡུལ་མཆོད་འཇོར་ས་གནས་ལ་དངོས་གཞིའི་འོས་བསྡུ་ཐེངས་གཅིག་ཕྱིར་འཐེན་གནང་འདུག དབུས་འོས་བསྡུ་ལས་ཁང་གི་གསར་འགོད་གསལ་བསྒྲགས་ཀྱི་པར། ༢༠༢༦།༠༡།༢༨  འདི་ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ཁུལ་གྱི་འོས་བསྡུ་ཚགས་ཚུད་མ་བྱུང་བའི་ལབ་གླེང་ཞུ་གཏུག་བྱུང་བ་ལྟར། དབུས་འོས་བསྡུ་ལས་ཁང་གིས་འབྲེལ་ཡོད་ལ་འདྲི་བརྩད་དང་འོས་ཤོག་ལ་ཞིབ་འཇུག་གནང་བ་བརྒྱུད། ཁ་སང་ཕྱི་ཚེས་ ༢༣ ཉིན་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཀྱི་མིང་ཐོག་ཏུ་ཐག་གཅོད་ཡི་གེ་ཅིག་གནང་བའི་ནང་དུ། འོས་བསྡུའི་སྒྲིག་གཞིའི་དགོངས་དོན་ཁག་དང་འགལ་འཛོལ་ཚབས་ཆེ་བྱུང་ཡོད་པ་ར་འཕྲོད་བྱུང་བ་གཞིར་བཟུང་ད་ལན་མཆོད་འཇོར་ས་གནས་ལ་དངོས་གཞིའི་འོས་བསྡུ་ཐེངས་གཅིག་ཕྱིར་འཐེན་ཞུ་རྒྱུའི་ཐག་གཅོད་གནང་བ་ཡིན་སྐོར་གསུངས་འདུག  དབུས་འོས་བསྡུ་ལས་ཁུངས་ཀྱིས་ས་གནས་འོས་བསྡུའི་ལས་རོགས་ལ་བསྐུར་བའི་འཕྲིན་ཞིག་གི་ནང་། འདི་ལས་ནས་དེ་སྔོན་བལ་ཡུལ་ས་གནས་འོས་བསྡུའི་འགན་འཛིན་རྣམས་ལ་ཕྱི་ལོ་ ༢༠༢༥་་༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ལས་དོན་བྱེད་ཕྱོགས་ཐོག་སྒྲིག་གཞི་དོན་ཚན་ ༢༦ ནང་གསེས་ ༡ གཞིར་བཟུང་། བལ་ཡུལ་ནང་ཆབ་སྲིད་ཀྱི་གནས་སྟངས་དཀའ་ངལ་ཅན་གྱི་ས་བབས་དང་བསྟུན་འོས་བསྡུའི་དུས་ཚོད་ལ་སྔ་སྣུར་ཆོག་པའི་བཀའ་འཁྲོལ་སྩལ་པ་ལས། གཞན་འོས་བསྡུའི་ལས་དོན་ཡོངས་རྫོགས་སྔར་ལམ་ལྟར་ས་གནས་ཀྱི་ཆབ་སྲིད་གནས་བབས་དང་བསྟུན་འོས་སྒྲིག་ལྟར་ཕྱག་བསྟར་གནང་དགོས་པའི་ལམ་སྟོན་ཞུས་ཡོད་པ་དེ་ལྟར་ཡང༌། འདི་ག་དབུས་འོས་བསྡུ་ལས་ཁང་ནས་སྲིད་སྤྱི་གཉིས་ཀྱི་སྔོན་འགྲོའི་ འོས་ཤོག་གྲངས་བཤེར་ཕྱོགས་བསྡོམས་སྐབས། ཟུར་དཔང་དུ་བོད་མི་མང་སྤྱི་འཐུས་རྒྱུན་ལས་ཁག་ཅིག་ནས་བལ་ཡུལ་ནང་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་སྒྲིག་མཐུན་བྱུང་མེད་ལུགས་སྐོར་འདི་གར་སྙན་སེང་བྱུང་བ་མ་ཟད། གནད་ཡོད་མི་སྣ་ཁག་ཅིག་དང་གསར་འགོད་པ་སོགས་མང་ཚོགས་ཁྲོད་ནས་བལ་ཡུལ་ནང་གི་སྔོན་འགྲོའི་འོས་བསྡུ་སྒྲིག་མཐུན་བྱུང་མེད་ལུགས་སྐོར་འདི་གར་ཡིག་ངག་གཉིས་ཐོག་སྙན་སེང་བྱུང་བསྟུན། འོས་བསྡུའི་སྒྲིག་གཞི་དོན་ཚན་ ༥༡ དང་ ༦༨(༢) དགོངས་དོན་འོས་ཤོག་གྲངས་བཤེར་ཕྱོགས་ བསྡོམས་དང་། དོན་ཚན་ ༣༤(༥) འོས་ཤོག་གྲངས་བཤེར་བཅས་ཀྱི་ནང་གསལ། ”འོས་ཤོག་གྲངས་བཤེར་སྐབས་འོས་བསྡུའི་འགན་འཛིན་དང་། ཚོགས་མི། ཟུར་དཔང་བཅས་སུ་རུང་ནས་འོས་བསྡུའི་ལས་དོན་བྱེད་ཕྱོགས་ལ་བློ་ཁ་མ་ཁེངས་པའམ། གྲངས་ནོར་བྱུང་བའི་བློ་དོགས་བྱུང་མཚམས་ཞིབ་འཇུག་དང་ གྲངས་བཤེར་བསྐྱར་དུ་བྱེད་དགོས་པའི་བསམ་འཆར་འདོན་པ་དང་། དོགས་གཅོད་བྱེད་ཆོག་” ཞེས་གསལ་ཡོད་ཀྱང་།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༥ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྫོང་དཀར་ཆོས་སྡེ་གྲྭ་ཚང་ནས་ཇི་ལྟར་གསོལ་བ་བཏབ་པ་ལྟར་དྷ་རམ་ས་ལའི་བཞུགས་སྒར་ཕོ་བྲང་དུ་གནས་བཅུ་དང་འབྲེལ་བའི་མདོ་ལུགས་ཀྱི་བརྟན་བཞུགས་བསྟར་འབུལ་ཞུས་ཡོད་པ་རེད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བསྟན་འགྲོ་སྤྱི་དང་བྱེ་བྲག་གངས་ཅན་པ་རྣམས་ཀྱི་མགོན་དཔུང་དམར་པར་སྐུ་ཚེ་༸ཞབས་པད་བརྟན་པའི་སླད་དུ། རྫོང་དཀར་ཆོས་སྡེ་གྲྭ་ཚང་ནས་ཇི་ལྟར་གསོལ་བ་བཏབ་པ་ལྟར་ཞལ་བཞེས་སྨིན་སྩལ་གྱིས་གནས་བཅུ་དང་འབྲེལ་བའི་མདོ་ལུགས་ཀྱི་བརྟན་བཞུགས་བསྟར་འབུལ་ཆེད་ཉིན་ཤས་སྔོན་ནས་ཕོ་བྲང་གི་རྟ་མགྲིན་ལྷ་ཁང་དུ་སྒྲུབ་ཞག་སྔོན་བཏང་གིས་དེ་རིང་བརྟན་བཞུགས་དངོས་སུ་འབུལ་བཞེས་བསྐྱངས་ཡོད།ཞོགས་པ་ཆུ་ཚོད་ ༨།༣༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གཟིམ་ཆུང་ནས་རྫོང་དཀར་ཆོས་སྡེའི་མཁན་ལས་ཟུར་རྣམ་པ་གཉིས་དང་། སློབ་དཔོན། དགེ་བསྐོས། ཕྱག་མཛོད་རྣམས་ནས་སྤྱན་རྒྱ་སྤོས་སྣེ་དང་བཅས་གཟིམ་ཆུང་རྙིང་པའི་རྟ་མགྲིན་ལྷ་ཁང་དུ་གདན་ཞུ་དང་། རྟ་མགྲིན་ལྷ་ཁང་དུ་རྫོང་དཀར་ཆོས་སྡེའི་དགེ་འདུན་པ་རྣམས་དང་། བོ་དོང་པཎ་ཆེན་གྱི་ཡང་སྲིད་རིན་པོ་ཆེ། སྤང་ནང་རིན་པོ་ཆེའི་ཡང་སྲིད། བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་བཅས་ནས་ཕེབས་བསུ་དང་བཅས་བཞུགས་ཁྲི་རིན་པོ་ཆེར་༸ཞབས་སོར་འཁོད་མཚམས། དབུ་བཞུགས་རྫོང་ཆོས་མཁན་རིན་པོ་ཆེ་མཆོག་ནས་མཇལ་དར་རྐྱང་འབུལ་ཞུས་པ་དང་། དེ་ནས་མགོན་པོ་གང་ཉིད་མཆོག་གིས་ལྗགས་རྩོམ་མཛད་པའི་འཕགས་པ་ཝ་ཏི་བཟང་པོའི་བསྟོད་པ་དང་། ༸རྒྱལ་བའི་འཁྲུངས་རབས་གསོལ་འདེབས་གསུངས་མུར་གསོལ་ཇ་བཞེས་བག་སོགས་རིམ་པར་ཕེབས་ཡོད།གསོལ་འདེབས་མཎྜལ་སྐབས་སུ་མཁན་རིན་པོ་ཆེ་དགེ་སློང་ཐུབ་བསྟན་ཚེ་རིང་ལགས་སྐུ་བཞེངས་གནང་ནས་སྐུ་ཕྱག་ཕུལ་ཏེ་མདུན་གྱི་ནམ་མཁར་སེང་ཁྲི་པད་ཟླའི་སྟེང་། ཞེས་པའི་ཚིག་མཚམས་སུ་དགེ་བསྐོས་དང་སློབ་དཔོན་གཉིས་ནས་མཎྜལ་ཚོམ་བུ་ཟུར་འདེགས་ཀྱིས་སྐུ་གསུང་ཐུགས་རྟེན་ཕུལ་བ་དང་། ༸གོང་ས་མཆོག་དང་ཇོ་བོ། གྲྭ་ཚང་དབར་གྱི་འབྲེལ་བའི་བརྙན་དེབ་པར་སྒྲོམ་ཅན་གཉིས་གཟིགས་འབུལ་ཞུས།མཐར་༸རྒྱལ་བའི་ཞབས་བརྟན་གསོལ་འདེབས་སོགས་གསུང་མུར་བཀའ་དྲིན་རྗེས་དྲན་གྱི་གཟེངས་བསྟོད་ཚེ་བུམ་དང་། སྐྱིད་གྲོང་འཕགས་པ་ལྷ་ཁང་དུ་ཇོ་བོ་ཝ་ཏིའི་སྐུ་རྟེན་བཞུགས་པ་མཁན་ལས་ཟུར་རྣམ་གཉིས་ཐུན་མོང་གིས་ཕུལ་ཞིང་། ཕྱག་དཔེ་དབུ་འབྱེད་དང་སློབ་ཐོན་ལག་འཁྱེར་སྤྱན་བསྟར་དང་བྱིན་ཞུ་བཅས་ཞུས་མཚམས་ཚོགས་མང་ལ་མཇལ་ཁ་བཀའ་དྲིན་སྩལ་ཏེ་བརྟན་བཞུགས་གནང་སྒོ་ལེགས་པར་གྲུབ་པ་དང་། མགོན་པོ་མཆོག་རྟ་མགྲིན་ལྷ་ཁང་ནས་ཕོ་བྲང་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་ཝེ་དུ་ནམ་སོགས་ནས་ཕེབས་པའི་དད་ལྡན་མཇལ་བཅར་བ་བརྒྱ་ཕྲག་ཙམ་ལ་མཇལ་ཁ་བཀའ་དྲིན་སྩལ་ཡོད། །

དེ་རིང་སྟེ་ཕྱི་ཟླ་ ༤ ཚེས་ ༢༥ ཉིན་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གི་སྐུའི་འཁྲུངས་སྐར་དང་བསྟུན། བཞུགས་སྒར་དུ་རྟེན་གཞི་བྱས་པའི་དབུས་བོད་ཀྱི་བུད་མེད་ལྷན་ཚོགས་དང་། རྡ་ས་ས་གནས་གཞོན་ནུ་གཉིས་ཀྱིས་ཉིན་མོ་དེ་བཞིན་སྲུང་བརྩི་གཟབ་རྒྱས་ཞུས་སོང་། དེ་ཡང་དེ་རིང་སྔ་དྲོ་ཆུ་ཚོད་ ༡༠ ཙམ་དུ་རྡ་ས་ས་གནས་འགོ་འཛིན་ཚོགས་ཁང་དུ། དབུས་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག ༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གི་སྐུའི་འཁྲུངས་སྐར་གྱི་སྤྲི་གོར་བགོ་འགྲེམས་དང་འབྲེལ། ༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་གིས་བོད་ཀྱི་སྐད་ཡིག་ཐོག་སྩལ་བའི་བཀའ་སློབ་དང་མཛད་རྗེས་ཁག་གཅིག་ཟུར་བཏོན་གྱིས། བོད་ཀྱི་སྐད་ཡིག་དང་༸པཎ་ཆེན་བཅུ་པ་ཆེན་པོ་ཞེས་པའི་ཆེད་སྒྲིག་གིི་གློག་བརྙན་ཐུང་ངུ་ཞིག་གཟིགས་འབུལ་ཞུས་སོང་བ་དང་། སྐབས་དེར་སྐུ་མགྲོན་དུ་རྡ་ས་ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་གཙོས་བོད་ཀྱི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ། དེ་བཞིན་མང་ཚོགས་མི་ཉུང་བ་ཞིག་ནས་མཉམ་ཞུགས་གནང་སོང་། དེ་འབྲེལ་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཞོན་སྐལ་བཟང་ལགས་ཀྱིས་གསུངས་དོན་དུ། ལོ་ལྟར་བོད་ཀྱི་བུད་མེད་ལྷན་ཚོགས་ངོས་ནས་ཉིན་མོ་དེ་བཞིན་སྲུང་བརྩི་ཞུ་བཞིན་པ་དེ་ལྟར་ཡང་། འདི་ལོ་དམིགས་བསལ་གྱིས་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་གིས་བོད་ཀྱི་སྐད་ཡིག་ཐོག་བཞག་གནང་མཛད་པའི་མཛད་རྗེས་ཁག་བརྙན་ཐུང་བརྒྱུད་འགྲེམས་སྤེལ་གནང་ཡིན་སྐོར་གསལ་སྟོན་གནང་ཐོག ཉིན་མོ་དེའི་བརྒྱུད་རྒྱ་གཞུང་ལ་ཁྱེད་ཚོའི་སྲིད་བྱུས་གང་འདྲ་ཞིག་སྤེལ་གྱི་ཡོད་ནའང་ང་ཚོ་བོད་མི་རིགས་དེར་ནམ་ཡང་ཞུམ་པ་རྩ་བ་ནས་མེད་པའི་བརྡ་ལན་གནང་སོང་། དེའི་བར་ན་དེ་རིང་སྔ་དྲོ་ཕྱག་ཚོད་ ༡༠ ཡོལ་ཙམ་ལ་རྡ་ས་ས་གནས་གཞོན་ནུའི་ངོས་ནས་དེ་རིང་གི་ཉིན་མོ་དང་བསྟུན་བཞུགས་སྒར་མེག་གྷན་ཁྲོམ་གཞུང་དུ། ཁུལ་དེའི་ས་གནས་མི་མང་དང་ཡུལ་སྐོར་སྤྲོ་འཆམ་པ་རྣམས་ལ་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གི་གནས་ཚུལ་ཇི་ཡིན་ངོ་སྤྲོད་དང་། ཡིག་ཆ་འགྲེམ་སྤེལ་བརྒྱུད་སྲུང་བརྩི་ཞུས་གནང་སོང་། དེ་འབྲེལ་རྡ་ས་ས་གནས་གཞོན་ནུའི་ཚོགས་གཙོ་རང་བཙན་དོན་གྲུབ་ལགས་ཀྱིས། དེ་རིང་རྡ་ས་ས་གནས་གཞོན་ནུའི་ངོས་ནས་མངར་ཟས་བགོ་འགྲེམས་བརྒྱུད་ཉིན་མོ་དེ་བཞིན་སྲུང་བརྩི་ཞུ་དགོས་དོན་གཙོ་བི་ནི། རྩ་བའི་བོད་མི་ཡོད་དོ་ཅོག་གིས་༸པཎ་ཆེན་སྐོར་ཤེས་རྟོགས་ཡོད་པ་དེ་ལྟར་ཡང་། གཙོ་བོ་རྒྱ་གར་བ་གཙོས་པའི་མི་རིགས་གཞན་རྣམས་ཀྱིས་དེ་འབྲེལ་ཤེས་རྟོགས་དགོས་པ་གལ་ཆེན་ཡིན་པས་ལས་འགུལ་དེ་ལྟར་སྤེལ་ཡིན་ཅེས་འགྲེལ་བརྗོད་གནང་སོང་། རྩ་བའི་དེ་རིང་གི་ཉིན་མོ་དེར་བཞུགས་སྒར་ཁོ་ན་མ་ཡིན་པར་རྒྱལ་སྤྱིའི་ཁྲོད་བོད་མིས་གཙོས་བོད་དོན་རྒྱབ་སྐྱོར་བ་རྣམས་ཀྱིས། ༸ཀུན་གཟིགས་༸པཎ་ཆེན་རིན་པོ་ཆེའི་གནས་སྟངས་ཐད་གོ་རྟོགས་སྤེལ་ཆེད་མངར་བཟས་བགོ་འགྲེམས་དང་། རྒྱང་རྒྱུག་འགྲན་སྡུར། དེ་བཞིན་དྲིལ་བསྒྲགས་ལས་འགུལ་སོགས་རྣམ་པ་འདྲ་མིན་ཐོག་སྲུང་བརྩི་གནང་བཞིན་ཡོད་པ་ལྟར། བྱེས་ཀྱི་གདན་ས་བཀྲ་ཤིས་ལྷུན་པོར་མཚོན་ན་དེ་རིང་བཙན་བྱོལ་བོད་མིའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དབུ་བཞུགས་ཐོག་ནས་ཉིན་མོ་དེ་བཞིན་སྲུང་བརྩི་ཞུས་ཡོད་པ་དང་། མཛད་སྒོ་དེའི་ཐོག་ཆེད་མངགས་བོད་མིའི་སྒྲིག་འཛུགས་ཀྱི་སྲིད་སྐྱོང་དང་། ཁྲིམས་ཞིབ་པ་ཆེ་བ། སྤྱི་འཐུས་ཚོགས་གཙོ་བཅས་ཕེབས་ཡོད་པ་རེད། The post...

།[དྷ་རམ་ས་ལ།] ཕྱི་ལོ་༢༠༢༦ ཟླ་༤ ཚེས་༢༣ ཉིན། དབུས་འོས་བསྡུ་ལས་ཁང་ནས་བལ་ཡུལ་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ལ་བཀོད་ཁྱབ་ཅིག་བཏང་སྟེ། འདི་ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་སྒྲིག་འགལ་གྱི་གནད་དོན་མང་དག་ཅིག་ར་འཕྲོད་བྱུང་བར་བརྟེན། མཆོད་འཇོར་ས་གནས་ཀྱི་དངོས་གཞིའི་འོས་བསྡུ་ཐེངས་གཅིག་ཕྱིར་འཐེན་བྱེད་རྒྱུའི་ཐག་གཅོད་གནང་ཡོད། གནད་དོན་གྱི་བྱུང་རིམ་ནི། དབུས་འོས་བསྡུ་ལས་ཁང་གིས་བཏང་བའི་བཀོད་ཁྱབ་ཡི་གེའི་ནང་། The post འོས་བསྡུ་སྤྱི་ལ་ཕན་གནོད་འབྲེལ་བའི་ངན་ཇུས་ཀྱིས་འོས་ཤོག་བེད་ལོག་བྱས་པར་ཉེས་ཆད། appeared first on བོད་ཀྱི་བང་ཆེན།.

༧ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་ཆེན་པོ་མཆོག་གི་ད་ལྟའི་གནས་བབ་གོ་རྟོགས་གང་མང་སྤེལ་སླད་སྒང་ཏོག་ཏུ་རྒྱང་རྒྱུག་གི

ཞྭ་མོ་ནག་པོའི་ལས་འགུལ་བ་རྣམས་ཀྱིས་རྒྱལ་ཚོགས་དང་རྒྱ་གར་གྱི་སྲིད་བློན་ལ་བོད་དོན་རྒྱབ་སྐྱོར་ཡོང་བའི་ཞུ་སྙན་ཕུལ་འདུག

འདི་ལོ་༧གོང་ས་མཆོག་དགུང་གྲངས་༩༠ ལ་ཕེབས་པ་དང་སྟབས་བསྟུན་ནས། བོད་ཀྱི་བཙུན་མའི་ལས་འཆར་ཁང་དང་བཙན་བྱོལ་ནང་ཡོད་པའི་བཙུན་དགོན་༡༤ བཅས་ནས་དེ་རིང་༧གོང་ས་མཆོག་ལ་བརྟན་བཞུགས་ཤིག་བཞུགས་སྒར་༧རྒྱལ་བའི་ཕོ་བྲང་དུ་ཕུལ་སོང The post བཙུན་མའི་ལས་འཆར་དང་བཙུན་དགོན་བཅུ་བཞིས་༧གོང་ས་མཆོག་ལ་བརྟན་བཞུགས་ཕུལ་བ། appeared first on བོད་ཀྱི་བང་ཆེན།.

༧གོང་ས་མཆོག་ལ་བོད་ཀྱི་བཙུན་མའི་ལས་འཆར་དང་བཙུན་དགོན་ ༡༤ ཐུན་མོང་གིས་བརྟན་བཞུགས་བསྟར་འབུལ་ཞུས་པ།

དེ་རིང་ཕྱི་ལོ་ ༢༠༢༦ ཟླ་ ༤ ཚེས་ ༢༤ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་བཙུན་མའི་ལས་འཆར་ཚོགས་པའི་ངོས་ནས་འདི་ལོ་༸སྐུའི་གོ་སྟོན་དང་བསྟུན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གཟིམ་ཆུང་བརྟན་བཞུགས་དང་བཀའ་དྲིན་རྗེས་དྲན་གྱི་གཟེངས་རྟགས་ཤིག་འབུལ་བཞེས་གནང་སོང་། དེ་ཡང་དེ་རིང་བཙུན་མའི་ལས་འཆར་ཚོགས་པའི་འགན་འཛིན་ཟུར་པ་དང་ལས་ཐོག་དེ་བཞིན་ཁྱབ་ཁོངས་བཙུན་དགོན་ ༡༤ ཡི་སྐུ་ཚབ་མཁན་རིན་པོ་ཆེ་དང་། དགེ་བཤེས་མ། སློབ་དཔོན་མ། ལས་བྱེད་སོགས་ཁྱོན་མི་གྲངས་ ༥༠ ལྷག་ཙམ་ནས་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་བཅར་ཞུས་རྗེས་འདི་གའི་གསར་འགོད་པའི་དྲི་བར་ལན་འདེབས་ཁྲོད།   བཙུན་མའི་ལས་འཆར་ཚོགས་པ་གསར་འཛུགས་གནང་མཁན་གྲས་སུ་ཡོད་པ་བཀའ་ཟུར་རིན་ཆེན་མཁའ་འགྲོ་མཆོག་གིས།  བཙུན་མའི་ལས་འཆར་འདིའི་འོག་ནས་ད་ལྟའི་ཆར་ཆོས་ལུགས་རིས་མེད་ཀྱི་བཙུན་མ་ཚོས་ཀྱང་དགེ་འདུན་པ་ལྟར་ཡིག་རྒྱུགས་གཏོང་ཡག་དང་ལག་འཁྱེར་ལ་ངོས་འཛིན་སོགས་གང་སྤྱིའི་ཐད་གཟིགས་ཕྱོགས་ཡག་པོ་ཞིག་བྱུང་ཡོད་པ་དེ་ནི་༸སྐྱབས་མགོན་རིན་པོ་ཆེའི་བཀའ་དྲིན་ཉག་གཅིག་ལ་བརྟེན་ནས་བྱུང་ཡོད་པ་དང་།  བཙུན་མའི་ལས་འཆར་འདིས་ད་བར་ལོ་ངོ་ ༣༠ ལྷག་རིང་ཕྱག་ལས་གང་གནང་ཡོད་སྐོར་སོགས་༸གང་ཉིད་མཆོག་ལ་སྙན་སེང་ཞུས་ཡོད་པ་དང་༸གོང་ས་མཆོག་ནས་ཀྱང་ཐུགས་དགྱེས་པོ་བྱུང་སོང་བ་འགྲེལ་བརྗོད་གནང་སོང་། དེ་བཞིན་བཙུན་མའི་ལས་འཆར་ཚོགས་པའི་ད་ལྟའི་འགན་འཛིན་དབུ་དཀར་ཚང་གཡུ་སྒྲོན་ལགས་ཀྱིས། བཙུན་མའི་ལས་འཆར་འདི་ཉིད་གཙོ་བོ་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་ལམ་སྟོན་གཞིར་བཟུང་དབུ་འཛུགས་གནང་བ་ཞིག་ཡིན་པ་དང་།  ལས་འཆར་འདིའི་འོག་ད་བར་དགེ་བཤེས་མ་ ༡༣༣ ཐོན་ཡོད་པ་མ་ཟད། ལོ་ལྟར་རྒྱུན་དུ་བཙུན་མ་ ༩༨༠ ལྷག་ལ་ཤེས་ཡོན་དང་འཚོ་རྟེན་འཕྲོད་བསྟེན་སོགས་ཀྱི་ཐད་ཕྱག་རོགས་ཞུ་བཞིན་ཡོད་སྐོར་གསུངས་སོང་། དེ་རིང་བཙུན་མའི་ལས་འཆར་ཚོགས་པ་དང་ཁྱབ་ཁོངས་བཙུན་དགོན་ ༡༤ ཐུན་མོང་ནས་༸གོང་ས་མཆོག་ལ་བརྟན་བཞུགས་བསྟར་འབུལ་མ་ཟད།  ༸གང་ཉིད་མཆོག་ལ་བཀའ་དྲིན་རྗེས་དྲན་མཚོན་བྱེད་དུ་བཙུན་དགོན་ ༡༤ མཚོན་པའི་སྐུ་ཐང་ཞིག་དང་།  གསེར་དངུལ་ལས་གྲུབ་པའི་མེ་ལོང་གི་གཟེངས་རྟགས་ཤིག་ཀྱང་ཕུལ་འདུག  The post བཙུན་མའི་ལས་འཆར་ཚོགས་པས་༸གོང་ས་མཆོག་ལ་གཟིམ་ཆུང་བརྟན་བཞུགས་དང་བཀའ་དྲིན་རྗེས་དྲན་གྱི་གཟེངས་རྟགས་འབུལ་བཞེས། appeared...

བོད་མིའི་སྒྲིག་འཛུགས་ཀྱི་བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་ཆོས་གྲུབ་ལགས་ཀྱིས། ཁེ་ན་ཌའི་གྲོས་ཚོགས་འཐུས་མི་དང་ཆབ་སྲིད་ཚོགས་པའི་དབུ་ཁྲིད་ཁག་གཅིག་དང་མཇལ་འཕྲད་རིམ་པ་གནང་སྟེ། བོད་ནང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པའི་སྐོར་སྙན་སེང་ཞུས་འདུག དེ་ཡང་ Canada Tibet Committee འམ་ཁེ་ན་ཌ་བོད་དོན་རྒྱབ་སྐྱོར་ཚོགས་པའི་གནས་ཚུལ་སྤེལ་བར་གཞིགས་ན། ཉེ་ལམ་བྱང་ཨ་རིའི་སྐུ་ཚབ་དོན་གཅོད་རྣམ་རྒྱལ་ཆོས་གྲུབ་ལགས་ཀྱིས་ཁེ་ན་ཌའི་རྒྱལ་ས་ཨོ་ཊ་ཝ་ Ottawa ནང་། ཁེ་ན་ཌའི་གྲོས་ཚོགས་འཐུས་མི་ Karim Bardeesy ལགས་དང་། Garnett Genuis ལགས་ཀྱིས་གཙོས་པའི་གྲོས་ཚོགས་འཐུས་མི་བཞི་དང་། དེ་བཞིན་ Bloc Québécois ཆབ་སྲིད་ཚོགས་པའི་དབུ་ཁྲིད་སོགས་དང་ལྷན་མཇལ་འཕྲད་རིམ་པ་གནང་ཡོད་པ་དང་འབྲེལ། ཁོང་གིས་ཉེ་ཆར་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་དེར་བློ་འཚབ་ཆེན་པོས་སྐྱོན་བརྗོད་གནང་སྟེ། འདི་ནི་བོད་མི་དང་ཡུ་གུར་བ། དེ་བཞིན་མི་རིགས་གཞན་རྣམས་ཡོངས་སུ་རྒྱ་སྒྱུར་བྱེད་བཞིན་པའི་ཆབ་སྲིད་ཀྱི་ལག་ཆ་ཞིག་ཡིན་པར་འགྲེལ་བརྗོད་གནང་བ་དང་། འདི་ནི་གློ་བུར་དུ་བྱུང་བའི་སྲིད་བྱུས་ཤིག་མ་ཡིན་པར་ལོ་ངོ་བཅུ་ཕྲག་དུ་མའི་རིང་རྒྱ་ནག་གཞུང་གིས་བོད་མི་དང་མི་རིགས་གཞན་གྱི་སྐད་ཡིག་དང་། ཆོས་ལུགས། རིག་གཞུང་། གོམས་གཤིས་བཅས་རྩ་མེད་བཟོ་ཐབས་བྱེད་པའི་ལས་འགུལ་དེ་ཁྲིམས་ཐོག་ནས་གཏན་འབེབས་བྱས་པ་ཞིག་ཡིན་པ་གསུངས་འདུག ཁོང་གིས་ད་དུང་འཛམ་གླིང་ཡུ་གུར་ལྷན་ཚོགས་ཀྱི་ཚོགས་གཙོ་ Rushan Abbas ལགས་ཀྱི་ཕྱག་དེབ་དབུ་འབྱེད་ཀྱི་མཛད་སྒོར་མཉམ་ཞུགས་གནང་སྟེ། རྒྱ་ནག་གཞུང་གི་བཙན་གནོན་འོག་དཀའ་ངལ་མྱོང་བཞིན་པའི་ཡུ་གུར་གྱི་དབུ་ཁྲིད་དང་མི་མང་རྣམས་ལ་གདུང་སེམས་མཉམ་སྐྱེད་འགྲེལ་བརྗོད་དང་། བོད་མི་དང་ཡུ་གུར་བས་སྒེར་གཅོད་དབང་འཛིན་པའི་བཙན་གནོན་ལ་ཁ་གཏད་གཅོག་པའི་འཐབ་རྩོད་ཁྲོད་རྒྱབ་སྐྱོར་གནང་མཁན་གྱི་གྲོས་ཚོགས་འཐུས་མི་དང་། རྒྱབ་སྐྱོར་བ་ཚང་མར་ཐུགས་རྗེ་ཆེ་ཞུས་གནང་འདུག དེའི་བར་ན་འདི་ཚེས་ ༢༠ ཉིན་ཁེ་ན་ཌའི་གྲོས་ཚོགས་ཀྱི་ཕྱི་འབྲེལ་ལས་དོན་དང་རྒྱལ་སྤྱིའི་ཡར་རྒྱས་ཚོགས་ཆུང་གི་འགྲོ་བ་མིའི་ཐོབ་ཐང་ཚན་པའི་གོ་སྒྲིག་འོག་ཡུལ་དེའི་གྲོས་ཚོགས་ཚོགས་ཁང་ཞིག་ནང་ཚོགས་གཙོ་སྐུ་ཞབས་ Faycal...

སང་ཉིན་ཕྱི་ཟླ་ ༤ ཚེས་ ༢༥ ཉིན་མོ་དེ་ནི་ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༧ ལ་ཕེབས་པའི་འཁྲུངས་སྐར་གྱི་ཉིན་མོ་ཡིན་པ་དང་།  ༸པཎ་ཆེན་རིན་པོ་ཆེ་དེ་སྔ་རྒྱ་ནག་གིས་འཛིན་བཟུང་མ་བྱས་གོང་གི་གནས་ཚུལ་སྐོར་དངོས་སུ་མཐོང་ཐོས་མྱོང་གསུམ་ཡོད་མཁན་༸སྐྱབས་རྗེ་ཨ་ཀྱཱ་རིན་པོ་ཆེ་བློ་བཟང་ཐུབ་བསྟན་མཆོག་ཉེ་ལམ་བཞུགས་སྒར་དུ་ཕེབས་པ་དང་བསྟུན།  འདི་གའི་གསར་ཁང་གི་བཅར་འདྲིེར་དང་ལེན་ཁྲོད།  རྒྱ་ནག་གིས་དེ་སྔ་༸པཎ་ཆེན་རིན་པོ་ཆེའི་ཡང་སྲིད་ངོས་འཛིན་གྱི་གསེར་འབུམ་དཀྲུག་པའི་བྱ་འགུལ་དེ་ཉིད་མང་ཚོགས་ཀྱི་སེམས་བཀུག་ཡག་གི་འཁྲབ་སྟོན་ཙམ་ལས་གཙོ་བོ་དབང་ཆ་འཕྲོག་ཆེད་དུ་ཇུས་ངན་སྤེལ་བ་ཞིག་ཡིན་པ་གསུངས་སོང་།  རྩ་བའི་རང་ལོ་ ༣༧ ལ་སོན་པའི་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་ནི་ཕྱི་ལོ་ ༡༩༩༥ ལོར་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་༸པཎ་ཆེན་སྐུ་ཕྲེང་བཅུ་པའི་ཡང་སྲིད་དུ་ངོས་འཛིན་གསལ་བསྒྲགས་བསྐྱངས་ཡོད་པ་དང་། སྐབས་དེ་དུས་རྒྱ་ནག་གིས་དེར་ངོས་ལེན་མེད་ཚུལ་གྱིས་ཇུས་ངན་ཁྲོད་རིན་པོ་ཆེ་མཆོག་དང་ནང་མི་སྐུ་འཁོར་བཅས་པ་འཛིན་བཟུང་གིས་ད་བར་གར་སོང་ཆ་མེད་དུ་གྱུར་ཡོད་པ་རེད།  དུས་དེ་ནས་བཟུང་༸པཎ་ཆེན་རིན་པོ་ཆེའི་འབྲེལ་ཡོད་འབྲེལ་ཆགས་དང་བོད་མིའི་སྒྲིག་འཛུགས་གཙོས་པའི་གཞུང་འབྲེལ་མ་ཡིན་པའི་ཚོགས་པ་དེ་བཞིན་རྒྱལ་སྤྱིའི་ཚོགས་སྡེ་ཁག་ནས་དུས་ནས་དུས་སུ་ཆུང་སྲིད་རིན་པོ་ཆེ་མཆོག་གར་སོང་ཆ་མེད་དུ་གྱུར་བར་ལས་འགུལ་སྣ་མང་སྤེལ་བའི་ཐོག་སེམས་འཚབ་གསལ་སྟོན་དང་འབྲེལ། རྒྱ་གཞུང་ནས་༸རིན་པོ་ཆེ་མཆོག་གར་ཡོད་ཀྱི་གནས་སྟངས་ཕྱི་གསལ་ནང་གསལ་གྱིས་ཕྱིར་བསྒྲགས་དགོས་པའི་ནན་སྐུལ་རབ་དང་རིམ་པ་གནང་དང་གནང་མུས་ཡིན་པ་རེད།  ཨ་ཀྱཱ་རིན་པོ་ཆེ་མཆོག་ནི་སྐུ་འབུམ་དགོན་པའི་དགོན་བདག་དང་། དེ་སྔ་རྒྱ་ནག་གིས་༸པཎ་ཆེན་ཡང་སྲིད་ངོས་འཛིན་ཁྲོད་རྐང་བཙུགས་ཆེད་འཛུགས་བྱས་པའི་༸པཎ་ཆེན་ཡང་སྲིད་འཚོལ་ཞིབ་ཚོགས་ཆུང་གི་ཚོགས་མི་ཁོངས་ནས་གཅིག་ཡིན་པས།  འདི་གའི་གསར་ཁང་གི་དམིགས་བསལ་བཅར་འདྲིའི་ནང་ཨ་ཀྱཱ་རིན་པོ་ཆེ་མཆོག་གིས་ད་དུང་།   དེ་སྔ་རྒྱ་གཞུང་གིས་གསེར་འབུམ་དཀྲུག་པའི་མཛད་སྒོའི་དེའི་ཐོག་གསེར་འབུམ་ནང་ཡང་སྲིད་ཀྱི་མཚན་ཐོ་འཁོད་པའི་བ་སོ་ཐུར་མ་གསུམ་ཡོད་པ་དེའི་ནང་ནས་གཅིག་དམིགས་སུ་བཀར་ཏེ་རིང་བ་བཞག་ཡོད་པ་དང་།  དེ་ནས་སྐབས་དེའི་བོད་རང་སྐྱོང་ལྗོངས་ཀྱི་ནང་བསྟན་མཐུན་ཚོགས་ཀྱི་ཚོགས་གཙོ་མཆོག་ལ་ཇི་ལྟར་རྒྱ་གཞུང་གིས་བཀོད་མངགས་བཞིན་ཁོང་གིས་བ་སོ་ཐུར་མ་རིང་བ་དེ་རང་འདེམས་ཡོད་པ་མངོན་གསལ་གནང་སོང་ལ།  མཛད་སྒོ་གྲུབ་རྗེས་ཨ་ཀྱཱ་རིན་པོ་ཆེ་མཆོག་མཁའ་ལམ་བརྒྱུད་པེ་ཅིང་དུ་ཕྱིར་ལོག་སྐབས་འབྲེལ་ཡོད་རྒྱ་གཞུང་གི་དཔོན་རིགས་གཅིག་ནས་གསེར་འབུམ་དཀྲུག་སྐབས་རྒྱལ་མཚན་ནོར་བུའི་མཚན་ཐོ་འཁོད་པའི་བ་སོ་ཐུར་མ་རིང་བ་དེ་རྐང་བཙུགས་དེའི་ནང་བཞག་ཡིན་ཅེས་གསང་བ་བསྒྲགས་ཡོད་སྐོར་གསུངས་སོང་།  བཅར་འདྲིའི་ཁྲོད་ཨ་ཀྱཱ་རིན་པོ་ཆེ་མཆོག་གིས་ལྷག་པར་དུ་དངོས་ཡོད་གནས་ཚུལ་ལ་ད་ལྟའི་ཆར་༸རྒྱལ་བ་རིན་པོ་ཆེ་མཆོག་དགུང་ལོ་ བགྲེས་པོ་ཕེབས་ཡོད་སྟབས།  ང་ཚོ་བོད་བརྒྱུད་ནང་བསྟན་གྱི་རྗེས་འབྲངས་པ་ཡོངས་ནས་རང་མི་རིགས་ཀྱི་རིག་གཞུང་དང་གོམས་གཤིས་ཇི་ལྟར་སྲུང་སྐྱོབ་གནང་དགོས་མིན་ཐད་ཐུགས་བསམ་ཡག་པོ་བཞེས་དགོས་གལ་གྱི་དུས་ལ་བབས་ཡོད་པ་གསུངས་སོང་བ་མ་ཟད།  ནམ་ཞིག་༸རྒྱལ་བ་རིན་པོ་ཆེ་མཆོག་གི་ཡང་སྲིད་གཉིས་ཡོང་ངེས་ཡིན་པས་གཉན་འཕྲང་གི་དུས་སྐབས་དེར།  ང་ཚོར་རེ་བ་ཡོད་པ་དེ་ལྟར་ཡང་།  གཙོ་ཆེ་ཤོས་༸མགོན་པོ་མཆོག་གི་སྐུ་ཚེ་ཧྲིལ་པོ་སྐུ་ལས་བསྐྱོན་པ་དེ་སྲུང་སྐྱོབ་དང་༸གང་ཉིད་མཆོག་གི་བཀའ་སློབ་ལམ་སྟོན་ལ་ཤར་སྐྱོད་ཀྱིས་ཕན་ཚུན་མཐུན་སྒྲིལ་གནང་དགོས་གལ་ཡིན་པ་གསུངས་སོང་།  ཨ་ཀྱཱ་རིན་པོ་ཆེ་མཆོག་དང་ལྷན་དུ་བཅར་འདྲི་ཞུས་པའི་ལས་རིམ་རྒྱས་པ་ཆ་ཚང་སང་ཉིན་ཕྱི་ཚེས་ ༢༥ ༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་གྱི་ཉིན་མོར་འདི་གའི་གསར་ཁང་གི་བརྒྱུད་ལམ་ཁག་ཏུ་རྒྱང་སྲིང་ཞུ་རྒྱུ་ཡིན་པས་དེ་དོན་གསན་གཟིགས་གནང་སྐྱོང་ཡོང་བ་ཞུ།  The post ཨ་ཀྱཱ་རིན་པ་ཆེ་མཆོག་ནས་རྒྱ་ནག་གིས་དེ་སྔ་༸པཎ་ཆེན་ཡང་སྲིད་ངོས་འཛིན་སྐབས་ཇུས་ངན་བཏིང་ཡོད་པ་ཐེར་འདོན། appeared first on...

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༤ པའི་ཚེས་ ༢༤ ཉིན་གྱི་སྔ་དྲོ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྒྱ་གར་ལྷོ་ཕྱོགས་གྲོང་ཁྱེར་སྦེང་ལོར་ནས་སྦེལ་ཀོབ་བོད་མིའི་གཞིས་ཆགས་སུ་ཕེབས་ཐོན་གྱིས་ཉིན་གུང་ས་གནས་སུ་རྟེན་གཞི་བྱས་པའི་བྱེས་ཀྱི་གདན་ས་བཀྲ་ཤིས་ལྷུན་པོར་ཕེབས་འབྱོར་མཚམས། གདན་ས་བཀྲ་ཤིས་ལྷུན་པོའི་༧སྐྱབས་རྗེ་མཁན་རིན་པོ་ཆེ་གཟིགས་རྒྱབ་སྤྲུལ་སྐུ་མཆོག་དང་། སྦེལ་ཀོབ་ལུགས་བསམ་གཞིས་ཆགས་ཀྱི་ས་གནས་འགོ་འཛིན་དགེ་ལེགས་འབྱུང་གནས་ལགས། སྦེལ་ཀོབ་བདེ་སླར་གཞིས་ཆགས་ཀྱི་ས་གནས་འགོ་འཛིན་ངག་དབང་བསྟན་འཛིན་ལགས། ས་གནས་ཁྲིམས་ཞིབ་པ་ཕུན་ཚོགས་དཔལ་ལྡན་ལགས། སྤྱི་ཟུར་པདྨ་བདེ་ལེགས་ལགས། དགོན་པའི་དབུ་ཆོས་རྣམ་པ། དགོན་སྡེ་ཁག་གི་སྐུ་ཚབ་རྣམ་པ། ས་གནས་ཀྱི་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གི་ལས་སྣེ་རྣམ་པ། དེ་བཞིན་སློབ་ཕྲུག་རྣམས་ནས་རྔ་རོལ་དང་བཅས་བཀྲ་ཤིས་ཞོལ་པ་སོགས་འཁྲབ་ནས་ཕེབས་བསུའི་སྣེ་ལེན་གཟབ་རྒྱས་ཞུས་པ་དང་། དེ་ནས་དགོན་པའི་ནང་གནས་གཟིགས་སུ་ཕེབས་རྗེས། རྟེན་འབྲེལ་གསོལ་ཇ་འབྲས་སིལ་འདེགས་འབུལ་ཞུས་གནང་སོང་། གཞི་རྩའི་དཔལ་ལྡན་ཚོགས་གཙོ་མཆོག་ཕྱི་ལོ་ ༢༠༢༦ ཟླ་བ་ ༤ པའི་ཚེས་ ༢༥ རེས་གཟའ་སྤེན་པ་ཉིན་བྱེས་ཀྱི་གདན་ས་བཀྲ་ཤིས་ལྷུན་པོར་ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་ ༣༧ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཐོག་དམིགས་བསལ་སྐུ་མགྲོན་དུ་གདན་ཞུས་ལྟར་གཞུང་འབྲེལ་མཉམ་ཞུགས་གནང་གཏན་ཁེལ་ཡོད་པ་བཅས། །



[དྷ་རམ་སར།] ཕྱི་ལོ་༢༠༢༦ ཟླ་༤ ཚེས་༢༤ ཉིན། དབུས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་གནང་བའི་ཞྭ་མོ་ནག་པོའི་གོམ་བགྲོད་ཅེས་པའི་རྒྱ་རྒོལ་ལས་འགུལ་དེ། རྒྱ་གར་གྱི་རྒྱལ་ས་ལྡི་ལིར་(Jantar Mantar)ལ་རྒྱ་གཞུང་ལ་ངོ་རྒོལ་སྐད་འབོད་དང་སྦྲགས། ཉིན་གྲངས་༢༥ The post ཞྭ་མོ་ནག་པོའི་གོམ་བགྲོད་ཅེས་པའི་ལས་འགུལ་མཇུག་བསྒྲིལ། appeared first on བོད་ཀྱི་བང་ཆེན།.

ཞྭ་མོ་ནག་པོའི་གོམ་བགྲོད་ཀྱིས་རྒྱ་ནག་གཞུང་ལ་བོད་ཀྱིས་ཆོས་དང་རིག་གཞུང་སྲུང་སྐྱོབ་བྱེད་བཞིན་ཡོད་པའི་བརྡ་ལན་གསལ་བོ་སྤྲོད་བཞིན་ཡོད་ཅེས་བརྗོད་སོང་། ཕྱི་ཟླ་ ༣ ཚེས་ ༣༡ ཉིན་ནས་ཟླ་གཅིག་ཙམ་རིང་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག དྷ་རམ་ས་ལ་ནས་ལྡི་ལི་བར་ཞྭ་མོ་ནག་པོའི་གོམ་བགྲོད་ཅེས་པའི་ལས་འགུལ་སྤེལ་ཡོད་པ་ལྟར། དེ་རིང་ཕྱི་ཚེས་ ༢༤ ཉིན་རྒྱ་གར་གྱི་རྒྱལ་ས་ལྡི་ལིའི་ཇཱན་ཌཱར་མཱན་ཌཱར་ (Jantar Mantar)་གྱི་ས་གནས་ནས་ཞི་བའི་ངོ་རྒོལ་བྱས་ཏེ་གོམ་བགྲོད་མཇུག་སྒྲིལ་ཡོད་པ་དང་། སྐབས་དེར་ལྡི་ལི་རུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་རྒྱ་གར་དབུས་གཞུང་གི་ལས་ཁུངས་སུ་ཐེངས་འདིའི་ལས་འགུལ་གྱི་དགོས་འདུན་ཁག་ཕུལ་ཏེ་ཞུ་གཏུགས་ཞུས་ཡོད་འདུག ཐེངས་འདིའི་ལས་འགུལ་སྐོར་ལ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་ཀྱིས། ཞྭ་མོ་ནག་པོའི་གོམ་བགྲོད་དེ་རྒྱ་གར་གྱི་མངའ་སྡེ་ཆེན་པོ་བཞིའི་ནང་ཉིན་གྲངས་ ༢༥ རིང་ཞི་བའི་ཐོག་ལས་འགུལ་སྤེལ་ཏེ་ལས་དོན་ཐམས་ཅད་ཚགས་ཚུད་པོ་བྱུང་། སྐབས་དེར་རྒྱ་གར་གྱི་གསར་ཁང་ཁག་ ༧༠ ཙམ་ལ་འབྲེལ་བ་བྱས་ཏེ་བོད་ནང་གི་བོད་མི་རྣམས་ལ་འཕྲད་བཞིན་དཀའ་ངལ་སྐོར་འགྲེལ་བརྗོད་ཞུ་ཐུབ་ཡོད། དམིགས་བསལ་ས་གནས་ཁག་གི་རྒྱ་གར་མི་མང་ཁྲོད་དུ་བོད་དོན་ཐོག་གོ་རྟོགས་སྤེལ་ཐུབ་པ་བྱུང་། རྒྱ་གར་གྱི་སྲིད་དོན་ཚོགས་པ་ཁག་དང་བོད་དོན་རྒྱབ་སྐྱོར་ཚོགས་པ་ཁག་གིས་རྒྱབ་སྐྱོར་ཤུགས་ཆེན་གནང་སོང་། ཞེས་འགྲེལ་བརྗོད་གནང་བྱུང་། ཡང་ཁོང་གིས། ཕྱི་ལོ་ ༡༩༤༩ ལོ་ནས་བཟུང་རྒྱ་ནག་དམར་པོ་གཞུང་གིས་བོད་ནང་བཙན་འཛུལ་བྱས་ཏེ། བོད་མི་རིགས་ཀྱི་སྐད་ཡིག་བཅས་པ་རྩ་གཏོར་གཏོང་བཞིན་ཡོད་པ་མ་ཟད། ཉེ་ལམ་ཕྱི་ཟླ་ ༣ ཚེས་ ༡༢ ཉིན་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་གཏན་འབེབས་བྱས་ཡོད་ཅིང་། ཁྲིམས་ཡིག་དེའི་ནང་དུ་ལེའུ་བདུན་དང་དོན་ཚན ༦༥ ཡོད་པ་རེད། ང་ཚོས་བལྟས་བ་ཙམ་གྱིས་ཁྲིམས་ཡིག་དེའི་ནང་དུ་སྙན་པོ་རྐྱང་རྐྱང་བྲིས་ཡོད་ཀྱང་། དོན་དུ་མི་རིགས་བཙན་བསྒྱུར་དང་རིག་གཞུང་བསྲེས་ལྷད་གཏོང་ཐབས་རེད། ཐེངས་འདིའི་ཞྭ་མོ་ནག་པོའི་གོམ་བགྲོད་ཀྱིས་རྒྱ་ནག་གཞུང་ལ་བོད་ཀྱི་ཆོས་དང་རིག་གཞུང་སྲུང་སྐྱོབ་བྱེད་བཞིན་ཡོད་པའི་བརྡ་ལན་གསལ་བོ་སྤྲོད་བཞིན་ཡོད།...

མཆོག་སྤྲུལ་རྡོ་རྗེ་བརྟན་མཆོག་ལ་ནག་ཉེས་དཔང་རྟགས་མེད་ཚེ་གང་མགྱོགས་ཀློད་གྲོལ་ཞུ་དགོས་པ་དང་ཁོང་གི་ནང་མི་ཉེ་འབྲེལ་རྣམས་ལ་འཇིགས་སྐུལ་བྱེད་མཚམས་འཇོག་དགོས་པའི་འབོད་སྐུལ་གནང་འདུག ཟླ་འདིའི་ཕྱི་ཚེས་ ༢༠ ཉིན་རྒྱལ་སྤྱིའི་ཉེས་ཡངས་ཚོགས་པས་མཚོ་སྔོན་ཞིང་ཆེན་གྱི་དམར་ཤོག་དྲུང་ཆེ་ཝུ་ཇ་ཅན་(Wu Xiaojun ) གྱི་མིང་ཐོག་ཏུ་འབོད་སྐུལ་ཞུ་སྐུལ་ཡིག་ཅིག་གནང་སྟེ། བོད་མགོ་ལོག་ཁུལ་གཅིག་སྒྲིལ་རྫོང་སྨིན་ཐང་དགོན་འོད་གསལ་ཐེག་མཆོག་ཆོས་འཁོར་གླིང་གི་དགོན་བདག་དང་། རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭ་གསར་འཛུགས་གནང་མཁན་མཆོག་སྤྲུལ་རྡོ་རྗེ་བརྟན་མཆོག་རྒྱ་གཞུང་གིས་རྒྱུ་རྐྱེན་གང་ཡང་མ་གསལ་བའི་ཐོག་ནས་འཛིན་བཟུང་བྱས་པའི་གནད་དོན་ཁ་གསལ་དང་།  རྒྱ་ནག་གཞུང་གིས་ཁྲིམས་མཐུན་མིན་པའི་ཐོག་ནས་རིན་པོ་ཆེ་མཆོག་གང་བྱུང་འཛིན་བཟུང་བཀག་ཉར་བྱས་པར་སེམས་འཚབ་ཡོད་པའི་ཁར། ཁོང་གིས་ཁྲིམས་འགལ་གནང་བའི་ནག་ཉེས་དཔང་རྟགས་བསྟན་རྒྱུ་མེད་ཚེ། གང་མགྱོགས་ཀློད་གྲོལ་གཏང་དགོས་པའི་རེ་སྐུལ་གནང་འདུག རྒྱལ་སྤྱིའི་ཉེས་ཡངས་ཚོགས་པའི་འབོད་སྐུལ་ཞུ་ཡིག་ནང་། རྒྱ་ནག་གཞུང་གིས་མཆོག་སྤྲུལ་རྡོ་རྗེ་བརྟན་མཆོག་འཛིན་བཟུང་བཀག་ཉར་བྱས་རྗེས། ཁོང་གི་དངོས་ཡོད་ཀྱི་གནས་སྟངས་དང་། ཁྲིམས་མཐུན་གྱི་གནས་བབ་ཐད་ཤེས་རྟོགས་གང་ཡང་མ་བྱུང་སྟབས། རྒྱ་ནག་གཞུང་གིས་ཁྲིམས་མཐུན་མིན་པའི་ཐོག་ནས་གང་བྱུང་འཛིན་བཟུང་བཀག་ཉར་བྱས་པའི་གནད་དོན་དང་འབྲེལ།  དངོས་ཡོད་ཀྱི་གནས་ཚུལ་ཤེས་མཁན་རྣམས་ལ་གནས་ཚུལ་ཕྱིར་བསྒྲགས་མི་ཆོག་པའི་བཙན་བཀའ་བཏང་བ་དང་། བོད་ནང་གི་གནས་ཚུལ་མང་པོ་ཞིག་ལ་ཚོད་འཛིན། དེ་བཞིན་མི་སྒེར་ལ་འཇིགས་སྐུལ་བྱས་པའི་གནས་ཚུལ་ཤེས་རྟོགས་བྱུང་བས་བློ་འཚབ་ཤིན་ཏུ་ཆེ་ལ། དེ་བཞིན་ཕྱི་ལོ་ ༢༠༢༥ ལོའི་ཟླ་ ༡༢ ཚེས་ ༤ ཉིན་ཙམ་ལ་རིན་པོ་ཆེ་མཆོག་འཛིན་བཟུང་བྱས་རྗེས། དེ་ནས་བཟུང་ཁོང་གང་དུ་བཀག་ཉར་བྱས་ཡོད་པ་དང་། ཁྲིམས་མཐུན་གྱི་གཞི་རྩ་གང་ཡིན་མིན་སོགས་ཀྱི་གནས་ཚུལ་ཤེས་རྟོགས་བྱུང་མེད། ཅེས་བརྗོད་འདུག ཡང་ཞུ་ཡིག་ནང་། ཕྱི་ལོ་ ༢༠༢༦ ལོའི་ཟླ་ ༡ རྒྱ་ནག་གཞུང་གིས་གནད་དོན་ཞིབ་འཇུག་བྱེད་ཀྱིན་ཡོད་ལུགས་བསྒྲགས་ཀྱང་། ཁོང་ལ་ཚད་མཐུན་གྱི་ཁྲིམས་རྩོད་པ་འདེམས་འཇུག་ཡོད་མེད་ཀྱི་གནས་ཚུལ་གསལ་ཁ་མེད་པའི་ཁར། མཆོག་སྤྲུལ་རིན་པོ་ཆེ་མཆོག་ཐོག་མར་འཛིན་བཟུང་བྱས་རྗེས་ཟླ་ཤས་རིང་གར་སོང་ཆ་མེད་དུ་གྱུར་ཡོད་པ་མ་ཟད། ཁོང་གི་གནས་ཡོད་ཀྱི་གནས་བབ་རྣམས་ཁྲིམས་སྒྲིག་བཞིན་གཏན་ནས་ཤེས་རྟོགས་མ་བྱུང་བས། སེམས་འཚབ་བྱ་དགོས་པའི་གནས་སུ་ཞིག་ཏུ་གྱུར། རྒྱ་ནག་གཞུང་གིས་ཉེས་མེད་ཀྱི་མི་རྣམས་འཛིན་བཟུང་བཀག་ཉར་དང་གཅར་རྡུང་བྱས་ཚེ། ཉེས་མེད་རྣམས་ལ་གཞན་གྱི་གནོད་འཚེ་ཕོག་པ་མ་ཟད། དེ་ནི་རྒྱལ་སྤྱིའི་ཁྲིམས་སྒྲིག་དང་མཐུན་གྱི་མེད། ཅེས་བརྗོད་འདུག མཇུག་ཏུ་དགོས་འདུན་དོན་ཚན་གསུམ་བཏོན་ཡོད་པའི་ཁྲོད། ཁྲིམས་མཐུན་གྱི་ཐོག་ནས་རིན་པོ་ཆེ་མཆོག་གི་ད་ལྟའི་དངོས་ཡོད་ཀྱི་གནས་བབ་གསལ་སྟོན་དང་། ནག་ཉེས་བསགས་པའི་དཔང་རྟགས་གང་ཡང་མེད་ཚེ་གང་མགྱོགས་ཀློད་གྲོལ་གཏང་དགོས་པ། ཁོང་ཉིད་ཀློད་གྲོལ་མ་བཏང་བར་དུ་བདེ་འཇགས་སྲུང་སྐྱོབ་དང་། ཁྲིམས་ལྟར་ཁྲིམས་རྩོད་པ་འཚོལ་ཞིབ་དང་ནང་མིར་ཐུག་འཕྲད་གནང་དུ་འཇུག་དགོས་པ། དེ་བཞིན་རྒྱ་ནག་གཞུང་གིས་ཁོང་གི་ནང་མི་དང་ཉེ་འབྲེལ་རྣམས་ལ་འཇིགས་སྐུལ་བྱ་རྒྱུ་མཚམས་འཇོག་དགོས། ཞེས་གསལ་འདུག མཆོག་སྤྲུལ་རྡོ་རྗེ་བརྟན་ནམ་མཆོག་སྤྲུལ་ཐུབ་བསྟན་ཡེ་ཤེས་ཉི་མ་མཆོག་ནི་ཕྱི་ལོ་ ༡༩༦༧ ལོའི་བོད་ཟླ་ ༡༠ ཚེས་ ༢༥ ཉིན་ཨ་སྐྱོང་ཁང་སར་སྨིན་ཐང་དུ་སྐུ་འཁྲུངས། ༧ཆོས་རྗེ་དམ་པ་ཡིད་བཞིན་ནོར་བུ་སོགས་དམ་པ་དུ་མའི་མདུན་ནས་མདོ་སྔགས་ཀྱི་གཞུང་ལ་ཐོས་བསམ་བླ་མེད་གནང་། གསེར་ལྗོངས་བླ་རུང་ལྔ་རིག་ནང་བསྟན་སློབ་གླིང་ནས་སྡོམ་བརྩོན་སྡེ་སྣོད་འཛིན་པའི་མཁན་པོའི་ལག་འཁྱེར་ཐོབ། གཞི་ཆེན་དབོན་སྤྲུལ་ཐུབ་བསྟན་ལུང་རྟོགས་རྒྱ་མཚོ་དང་། གཞི་ཆེན་བེེ་རོ་འཇམ་དབྱངས་བསྟན་པའི་རྒྱལ་མཚན་ཟུང་གིས་གཞི་ཆེན་མཆོག་སྤྲུལ་མགོ་སེར་མཁྱེན་རབ་རྒྱ་མཚོའི་ཡང་སྲིད་དུ་ངོས་འཛིན་མཛད་ཅིང་སྨིན་དགོན་སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་ཡིན། རྡོ་རྗེ་བརྟན་ལས་རིགས་ལག་རྩལ་སློབ་གྲྭ་ནི་ཕྱི་ལོ་ ༢༠༡༠ ལོར་རྒྱ་གཞུང་གིས་ཆོག་མཆན་ཐོབ་པ་ལྟར་མགོ་བཙུགས་ཡོད་ཅིང་། སློབ་གྲྭ་སྤྱིའི་རྒྱ་ཁྱོན་ལ་རྨིད་གྲུ་བཞི་མ་ ༩༦༠༠༠ ཡོད་འདུག སློབ་གྲྭའི་ནང་དགེ་རྒན་ ༦༦ དང་། ད་བར་སློབ་མ་ ༡༣༠༠ མཐར་ཕྱིན་ཡོད་འདུག སློབ་གྲྭ་ནང་རྨང་གཞིའི་བསླབ་བྱའི་ནང་བོད་ཡིག་དང་། རྒྱ་ཡིག དབྱིན་ཡིག གྲངས་རིག ཆབ་སྲིད། བསམ་བློ་ཀུན་སྤྱོད། ལུས་རྩལ་སོགས་སློབ་སྦྱོང་དང་། ཆེད་ལས་བསླབ་བྱ་ཁྲོད་སྒྲ་རིག་དང་། ཐང་ག་སྒྱུ་རྩལ། བོད་ཀྱི་གསོ་བ་རིག་པ། གེ་སར་རིག་གནས་སྒྱུ་རྩལ། སྲོལ་རྒྱུན་གླུ་གར་ཆེད་སྦྱོང་། སྲོལ་རྒྱུན་འཚེམ་བཟོ། ཡུལ་སྐོར་དོ་དམ་ཞབས་འདེགས་བཅས་ཀྱི་ཐོག་ཆེད་སྦྱོང་བྱེད་བཞིན་ཡོད་འདུག གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post རྒྱལ་སྤྱིའི་ཉེས་ཡངས་ཚོགས་པས་མཆོག་སྤྲུལ་རྡོ་རྗེ་བརྟན་མཆོག་གི་གནས་བབ་ཁ་གསལ་བཟོ་དགོས་པའི་རེ་སྐུལ་གནང་། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་ཕོ་བྲང་དུ་གློ་སྒྲིག་བརྟན་བཞུགས་གོ་སྒྲིག་ཚོགས་ཆུང་གི་ཚོགས་མི་ ༢༥༡ གིས་གཙོས་ཡུལ་ལུང་འདྲ་མིན་གྱི་དད་ལྡན་མཇལ་བཅར་བ་ཉིས་བརྒྱ་བརྒྱད་ཅུ་ལྷག་ལ་མཇལ་ཁ་སྩལ་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༠༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གཟིམ་ཆུང་དང་མཇལ་འཕྲད་ཁང་གི་མདུན་ཐང་དུ་ཆེད་ཕེབས་ཀྱིས་རྒྱ་གར་དང་། ཇར་མན་པ། ཨོསྟྲེ་ལི་ཡཱ། ཝི་ཡཏ་ནཱམ་སོགས་ཀྱི་དད་ལྡན་པ་རྣམས་ལ་མཇལ་ཁ་རིིམ་པར་སྩལ་བ་དང་། མཐར་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པའི་བརྟན་བཞུགས་བསྟར་འབུལ་ཆེད་ཕེབས་པའི་མཇལ་བཅར་བ་རྣམས་ལ་མཇལ་ཁ་སྩལ་ཡོད།སྐབས་དེར་རྨོ་ལགས་དགུང་ལོ་ ༨༨ ཅན་ཞིག་གིས་མགོན་པོ་གང་ཉིད་མཆོག་གི་སྐུ་ཚེ་བརྟན་པའི་ཆེད་དུ་མ་ཎི་འབུམ་ཉིས་བརྒྱ་བགྲངས་གསོག་ཞུས་ཡོད་པ་༸སྙན་སེང་ཞུས་པར་དགེ་བ་རྫོགས་བྱང་དུ་བསྔོ་བར་ངོས་ཀྱིས་ཡིད་གཟབ་བྱེད་ཡོང་ཞེས་ཞལ་བཞེས་བཀའ་དྲིན་བསྐྱངས་ཤིང་། ན་གཞོན་ཞིག་གིས་སེམས་མ་སྐྱིད་པ་ཡོང་གི་འདུག་པས་ཐུགས་སྨོན་སྐྱབས་འཇུག་གནང་རོགས་ཞེས་ཞུས་པར། བཀའ་སློབ་སྩལ་དོན། སེམས་ལྷོད་ལྷོད་བྱོས། སོ་སོའི་མཐའ་སྐོར་དུ་ཆོས་ཁས་ལེན་མཁན་དང་སྐྱེ་བ་སྔ་ཕྱི་ཁས་ལེན་མཁན། ༸རྒྱལ་བ་རིན་པོ་ཆེ་ལ་དད་པ་བྱེད་མཁན་གྱི་གྲོགས་པོ་ཤ་སྟག་རེད། ཚང་མས་༸རྒྱལ་བ་ཐམས་ཅད་མཁྱེན་པ། འཕགས་པ་སྤྱན་རས་གཟིགས་ཞེས་སེམས་ནས་ཡིད་ཆེས་བྱེད་བཞིན་པ་དེ་དྲན་པར་བྱས་ནས་བློ་བདེ་བར་སྡོད། ཤེས་སོང་ངམ། ཞེས་དང་།གཞན་ཡང་། ན་གཞོན་ཞིག་གིས་ཞི་གནས་སྒོམ་པའི་སྐོར་ལ་བཀའ་འདྲི་ཞུས་པར་བཀའ་ལན་སྩལ་དོན། ཞི་གནས་སྒོམ་པའི་སྐབས་སུ་དམིགས་ཡུལ་དེར་སེམས་རྩེ་གཅིག་ཏུ་སྡོད་རྒྱུ་དེ་རེད། ཞི་གནས་ཀྱི་སེམས་རྩེ་གཅིག་ཏུ་སྡོད་པ་དེས་ནུས་པ་ཐོན་རྒྱུ་མེད་ཀྱང་། ལྷག་མཐོང་གིས། གཞི་དང་ལམ་གྱི་གནས་ཚུལ་ལ་དཔྱད་པ་བྱེད་པ་དང་། དཔྱད་པ་དེ་དང་སེམས་རྩེ་གཅིག་པ་ཟུང་ཏུ་སྦྲེལ་ཡོང་དུས་ཞི་ལྷག་ཟུང་འབྲེལ་གྱི་ནུས་པ་ཐོན་ཡོང་གི་ཡོད། ངོས་རང་ལ་མཚོན་ན། སེམས་རྩེ་གཅིག་པའི་ཞི་གནས་ལ་བསམ་བློ་གཏོང་གི་ཡོད་ལ། ལྷག་མཐོང་གི་སོ་སོར་རྟོག་པའི་ཤེས་རབ་ཀྱིས་གཞི་དང་ལམ་དང་། འབྲས་བུའི་གནས་ཚུལ་ལ་དཔྱད་པ་བྱེད་ཀྱི་ཡོད། དེ་ནི་ལྷག་མཐོང་ཟེར་བ་དེ་རེད།...

རྒྱ་ནག་གཞུང་གིས་བོད་ཀྱི་ཚྭ་མཚེའུ་གསར་སྤེལ་བྱས་ཏེ་ནུས་པའི་བྱུང་ཁུངས་འཕོ་འགྱུར་དང་བོད་མིའི་གནས་སྟངས།

བལ་ཡུལ་ནང་གི་བོད་མི་སྐྱབས་བཅོལ་བ་ཚོར་ངོ་སྤྲོད་ཡིག་ཆ་སྤྲོད་དགོས་པའི་འབོད་སྐུལ་གནང་འདུག