བོད་ནང་གི་བོད་ཕྲུག་ཚོའི་བོད་སྐད་དང་བོད་ཡིག་ལ་བཀོལ་སྤྱོད་བྱེད་ས་མེད་པར་གྱུར་འདུག

རྒྱ་ནག་གིས་མི་རིགས་མཐུན་སྒྲིལ་སྐོར་གྱི་ཁྲིམས་གཏན་འབེབས་བྱས་པར་སྐྱོན་བརྗོད་དང་། རྒྱ་ནག་གི་འབྲེལ་བར་ཤུགས་རྐྱེན།

ཨ་རིའི་ལས་བྱེད་པ་ཚོ་བོད་ནང་བསྐྱོད་རྒྱུར་ཕྱི་འབྲེལ་གྱི་ཐབས་ལམ་ཇི་ཡོད་ལྟ་ཞིབ་བྱེད་བཞིན་ཡོད་སྐོར་གསུངས་པ།

ཉེ་ལམ་ཕྱི་ཚེས་ ༢༦ ཉིན་བོད་མི་གནས་ཡུལ་རྒྱ་གར་གཙོས་རྒྱལ་སྤྱིའི་རྒྱལ་ཁབ་ ༢༧ ནང་ཕྱི་ལོ་ ༢༠༢༦ ལོའི་སྤྱི་འཐུས་ཀྱི་དངོས་གཞིའི་འོས་བསྡུ་ཆེན་མོའི་ལས་རིམ་བསྐྱངས་ཡོད་པ་དང་། ད་ལྟའི་ཆར་དབུས་འོས་བསྡུ་ལས་ཁང་ནས་གཞུང་འབྲེལ་ཐོག་སྤྱི་འཐུས་ཀྱི་དངོས་གཞིའི་འོས་བསྡུ་ཆེན་མོའི་མཐའ་མའི་གྲུབ་འབྲས་ཇི་སོན་གསལ་བསྒྲགས་བསྐྱང་རྒྱུ་ཡིན་པ་དེ་ལྟར་ཡང་། ས་གནས་སོ་སོའི་འོས་བསྡུ་འགན་འཛིན་གྱི་ཐུགས་འགན་བཞེས་ཏེ་འོས་ཤོག་གྲངས་བཤེར་གནང་ཟིན་ཁག་རིམ་བཞིན་ཡོངས་གྲངས་སུ་གསལ་བསྒྲགས་གནང་མུས་ཡིན་པ་ལྟར། ད་ལྟའི་ཆར་སྐབས་ ༡༨ པའི་སྤྱི་འཐུས་རྩེ་ཐོག་རྣམ་པ་སུ་ཡིན་གཏན་འཁེལ་གནང་ཟིན་པ་ལྟ་བུར་གྱུར་འདུག རྩ་བའི་དབུས་འོས་བསྡུ་ལས་ཁང་གིས་དངོས་གཞིའི་འོས་གཞི་གསལ་བསྒྲགས་ཕྱི་ཟླ་ ༥ ཚེས་ ༡༣ ལ་མ་གཏོགས་གནང་གི་མེད་པ་དེ་ལྟར་ཡང་། འདི་ག་རླུང་འཕྲིན་ཁང་གིས་ད་བར་རྒྱུས་ལོན་ཞུས་པའི་གྲངས་ཐོར་གཞིགས་ན། རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོསྟྲེ་ལི་ཡའི་རྒྱལ་ཁབ་ཁག་གི་ཁོངས་ནས་སྐལ་བཟང་ཚེ་རིང་ལགས་སུ་འོས་གྲངས་ ༡༠༡༠ ཐོབ་སྟེ་ཨང་དང་པོར་སོན་པ་དང་། ལྷོ་བྱང་ཨ་མི་རི་ཀའི་སྤྱི་འཐུས་དངོས་གཞིའི་འོས་བསྡུའི་ཁྲོད་འོས་གྲངས་ ༥༠༣༥ ཐོག་ཨང་དང་པོར་སྒོ་དྲུག་སྐལ་བཟང་ཕུན་ཚོགས་ལགས་དང་འོས་གྲངས་ ༤༨༠༠ ཐོག་ཨང་གཉིས་པར་ཚེ་བརྟན་ཕུན་ཚོགས་ལགས་གཏན་འཁེལ་བྱུང་འདུག མ་ཟད་ཡོ་རོབ་ཁོངས་ནས་བསྟན་འཛིན་དབྱངས་དཀར་ལགས་སུ་འོས་གྲངས་ ༢༧༦༠ ཐོག་ཨང་དང་པོ་དང་ཐུབ་བསྟན་རྒྱ་མཚོ་ལགས་སུ་འོས་གྲངས་ ༢༤༤༥ ཐོག་ཨང་གཉིས་པ་བཅས་གཏན་འཁེལ་བྱུང་འདུག ཕྱོགས་མཚུངས་དབུས་གཙང་ཆོལ་ཁའི་སྤྱི་འཐུས་སུ་དེ་རིང་བར་རྩེ་ཕུད་བཅུ་པོ་ནི་འོས་གྲངས་ ༡༡༣༥༣ ཐོག་ཨང་དང་པོ་སྒྲོལ་མ་ཚེ་རིང་ལགས་དང་། གཉིས་པ་རིག་འཛིན་ལྷུན་གྲུབ་ལགས། གསུམ་པ་བསྟན་འཛིན་ཆོས་འཛིན་ལགས། དེ་ནས་ཟླ་བ་ཚེ་རིང་ལགས། བློ་བཟང་རྒྱ་མཚོ་སྲི་ཐར་ལགས། མི་འགྱུར་རྡོ་རྗེ་ལགས།...

ཨ་རི་གྲོས་ཚོགས་གོང་འོག་གཉིས་ཀྱི་ Appropriations Committees ཞེས་གྲོས་ཚོགས་ཀྱི་དངུལ་གཏོང་ལེན་ཚོགས་ཆུང་ནས་ཨ་རི་གཞུང་གིས་བལ་ཡུལ་ནང་བཅའ་སྡོད་བོད་མི་རྣམས་ཀྱི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་ཐད་བལ་ཡུལ་གཞུང་ལ་གནོན་ཤུགས་ཆེས་ཆེར་སྤྲོད་དགོས་པའི་ཞུ་སྐུལ་དང་འབྲེལ། གནས་སྟངས་ཡར་རྒྱས་གཏང་རྒྱུར་དམིགས་ཏེ། བོད་མིར་རོགས་དངུལ་རྒྱབ་སྐྱོར་མུ་མཐུད་གནང་རྒྱུ་གཏན་འབེབས་གནང་འདུག དེ་ཡང་བརྒྱུད་ལམ་ཁག་ཏུ་དེ་འབྲེལ་གནས་ཚུལ་ཐོན་པར་གཞིགས་ན། ཉེ་ལམ་ཟླ་བ་སྔོན་མའི་ཕྱི་ཚེས་ ༢༦ ཉིན་ཨ་རི་གྲོས་ཚོགས་གོང་འོག་གཉིས་ཀྱི་ Appropriations Committees ཞེས་གྲོས་ཚོགས་ཀྱི་དངུལ་གཏོང་ལེན་ཚོགས་ཆུང་ནས་རྩིས་ལོ་ ༢༠༢༧ ལོའི་དངུལ་འགོད་ཀྱི་ཐོ་གཞུང་དང་དེ་འབྲེལ་སྙན་ཐོ་གསར་པ་ཞིག་འདོན་སྤེལ་གནང་ཡོད་པའི་ནང་། བལ་ཡུལ་དང་རྒྱ་ནག་གཉིས་དབར་གྱི་འབྲེལ་ལམ་ཤུགས་ཆེར་ཕྱིན་པའི་ཁྲོད། བལ་ཡུལ་ནང་དུ་གནས་སྡོད་བོད་མིར་སྐྱབས་བཅོལ་ཡིག་ཆ་སྤྲད་རྒྱུ་མཚམས་འཇོག་བྱས་ཤིང་། ཤེས་ཡོན་དང་ལས་ཀའི་གོ་སྐབས་མེད་པ། བོད་མི་རྣམས་གཞིས་སྤོ་བྱ་རྒྱུར་བཀག་སྡོམ། དེ་བཞིན་བཙན་བྱོལ་དུ་བྲོས་བྱོལ་ཕེབས་མཁན་རྣམས་ཕྱིར་སློག་དང་རྒྱ་གར་དུ་བསྐྱོད་རྒྱུར་བཀག་སྡོམ་སོགས་ཕྱོགས་ཡོངས་ནས་བོད་མིའི་གཞི་རྩའི་འགྲོ་བ་མིའི་ཐོབ་ཐང་ལ་དམ་དྲག་བྱེད་བཞིན་པར་ཐེར་འདོན་དང་སྦྲགས། གནས་སྟངས་ཡར་རྒྱས་གཏང་རྒྱུར་དམིགས་ཏེ། བོད་མི་སྐྱབས་བཅོལ་བར་དེ་སྔོན་གྱི་དངུལ་རྩིས་ནང་སྤྲོད་ཡོད་པ་ལྟར་མུ་མཐུད་རོགས་དངུལ་རྒྱབ་སྐྱོར་གནང་རྒྱུ་གཏན་འབེབས་གནང་འདུག མ་ཟད། ཨ་རིའི་གྲོས་ཚོགས་ནང་དུ་ Tibet Policy Act 2020 ཞེས་ཨ་རིའི་བོད་ཐོག་འཛིན་པའི་སྲིད་བྱུས་དེ་ཉིད་གཏན་འབེབས་གནང་པ་ནས་བཟུང། ལོ་ལྟར་ཨ་རིའི་གཞུང་གིས་བོད་ཕྱི་ནང་གཉིས་སུ་བོད་མི་རིགས་ཀྱི་ངོ་བོ་སྲུང་སྐྱོབ་དང་། ཤེས་ཡོན། འཕྲོད་བསྟེན། དེ་བཞིན་དཔལ་འབྱོར་དང་སྤྱི་ཚོགས་ཡར་རྒྱས་སོགས་ཀྱི་ཐོག་རོགས་དངུལ་གནང་གི་ཡོད་པ་ལྟར། ཐེངས་འདིའི་ཕྱི་ལོ་ ༢༠༢༧ ལོའི་ཨ་རིའི་སྔོན་རྩིས་འཆར་འབུལ་ནང་དུ་ཨ་རིའི་གཞུང་ནས་བོད་ཀྱི་ཐེབས་རྩ་ཁང་བརྒྱུད་ནས་སྤྲོད་བཞིན་པའི་བོད་མིའི་རོགས་དངུལ་དང་། བོད་མི་ཆབ་སྲིད་བཙོན་ཟུར་ངག་དབང་ཆོས་འཕེལ་ལགས་ཀྱི་མཚན་ཐོག་གི་རོགས་དངུལ་གཉིས་མུ་མཐུད་སྤྲོད་རྒྱུ་ཡིན་པ་གསུངས་འདུག དེ་བཞིན་སྙན་ཐོའི་ནང་། ཨ་རིའི་ཕྱི་སྲིད་ལས་ཁུངས་ངོས་ནས་བལ་ཡུལ་གཞུང་ཕྱོགས་ནས་ངེས་པར་དུ་བོད་མིར་འཕྲད་བཞིན་པའི་དཀའ་ངལ་དེ་དག་ལ་བསམ་ཤེས་ཀྱིས་ཁུལ་དེར་གནས་སྡོད་བོད་མི་རྣམས་ལ་སྐྱབས་བཅོལ་བའི་ཡིག་ཆ་སྤྲོད་དགོས་པའི་གནོན་ཤུགས་ཆེས་ཆེར་སྤྲོད་དགོས་པ་དང་ཆབས་ཅིག ...

དབྱིན་ཡུལ་དུ་རྟེན་གཞི་བྱས་པའི་ Tibet Watch འམ་བོད་གནས་ལྟ་ཞིབ་ཁང་གིས་ཉེ་ཆར་ Disappeared, Tortured and Silenced འམ་གར་སོང་ཆ་མེད་དང་། སྡུག་སྦྱོང་མནར་གཅོད། ཁ་བཀག་པ་ཞེས་པའི་སྙན་ཐོ་ཞིག་འདོན་སྤེལ་བརྒྱུད། རྒྱ་ནག་གིས་བོད་ནང་དགེ་འདུན་པ་དང་། རྩོམ་པ་པོ། དགེ་རྒན་བཅས་ལ་དྲག་གནོན་ཇེ་ཤུགས་ཆེ་རུ་བཏང་བའི་རྣམ་པ་ཤིག་མཐོང་རྒྱུ་ཡོད་པ་མངོན་གསལ་གནང་འདུག དེ་ཡང་ཉེ་ཆར་ཕྱི་ཟླ་ ༤ པའི་ཚེས་ ༣༠ ཉིན་བོད་གནས་ལྟ་ཞིབ་ཁང་གི་དྲྭ་གནས་ཐོག་བོད་ནང་གི་གནས་སྟངས་དང་འབྲེལ་བའི་སྙན་ཐོ་ འདོན་སྤེལ་གནང་འདུག་པ་དེའི་ནང་།  བོད་མདོ་དབུས་ཁམས་གསུམ་གྱི་ས་ཁུལ་ནང་དུ་དགེ་འདུན་པ་དང་བོད་ཡིག་དགེ་རྒན། རྩོམ་བྲིས་པ་དང་རང་གི་སྐད་ཡིག་སློབ་སྦྱོང་གི་ཐོབ་ཐང་རྩོད་མཁན་ཞིང་འབྲོག་མང་ཚོགས་བཅས་མི་སྣ་ཁག་གཅིག་གི་རྒྱུན་ལྡན་གྱི་ཆོས་ཕྱོགས་དང་། རིག་གཞུང་། དེ་བཞིན་ཤེས་ཡོན་དང་འབྲེལ་བར་བསྙད་དེ་བོད་མི་དེ་དག་འཛིན་བཟུང་བཀག་ཉར་དང་ཆབ་སྲིད་ཀྱི་ཉེས་དོན་འདྲ་མིན་བཙུགས་ཏེ་ལོ་མང་པོའི་བཙོན་འཇུག་ཁྲིམས་ཐག་བཅད་པ་དང་། གར་སོང་ཆ་མེད་བཏང་བ། དེ་བཞིན་བཙོན་ཁང་ནང་དུ་སྡུག་སྦྱོང་མནར་གཅོད་ཚད་མེད་བཏང་བའི་རྐྱེན་གྱིས་བཙོན་གྲོལ་བཏང་བའི་རྗེས་སུ་ལུས་པོ་ནད་སྐྱོན་དུ་འགྱུར་བ་དང་། བཙོན་གྲོལ་གྱི་རྗེས་སུའང་ལྟ་སྲུང་དམ་དྲག  ནང་མི་ཉེ་འབྲེལ་རྣམས་ལ་སྡིགས་ར་དང་སུན་གཙེར་སོགས་ཀྱི་གནད་དོན་ཁག་གཅིག་ལུང་འདྲེན་དང་འབྲེལ། རྒྱ་ནག་གཞུང་གིས་བོད་ནང་དུ་བོད་མི་ཡིན་པ་ཙམ་གྱི་དམ་དྲག་བྱེད་བཞིན་པ་མངོན་རྒྱུ་ཡིན་པ་ཐེར་འདོན་གནང་སྟེ།  སྤྱིར་རྒྱ་ནག་གཞུང་གིས་རང་ལུས་མེར་བསྲེགས་དང་ངོ་རྒོལ་སོགས་རྒྱ་ནག་གི་བཙན་གནོན་ལ་མངོན་གསལ་དོད་པོའི་ངོ་རྒོལ་བྱེད་མཁན་རྣམས་ལ་དྲག་གནོན་བྱེད་ཀྱི་ཡོད་པ་དེ་ཡོངས་གྲགས་ཡིན་ཡང་།  ད་རེས་ཀྱི་སྙན་ཐོ་འདིའི་ནང་གི་གནད་དོན་རྣམས་ནས་སྲིད་འཛིན་ཞི་ཅིན་ཕིང་གིས་མི་རིགས་མཉམ་བསྲེས་ཀྱི་སྲིད་བྱུས་འོག་ནས་བོད་མི་སྒེར་གྱི་ཉིན་རེའི་འཚོ་བའི་ཁྲོད་དུ་རིག་གཞུང་དང་ཆོས་ཕྱོགས་ཀྱི་བྱེད་སྒོ་དེ་དག་ཉེས་དོན་དུ་རྩིས་ནས་དྲག་གནོན་བྱེད་བཞིན་ཡོད་པ་དང་། དེའང་ཕྱི་ཕྱོགས་ནས་བལྟས་ན་མངོན་གསལ་མེད་པ་གསུངས་འདུག ཐེངས་འདིའི་བོད་གནས་ལྟ་ཞིབ་ཁང་གིས་སྙན་ཐོའི་ནང་དུ། བོད་མདོ་སྨད་ཀན་ལྷོ་བོད་རིག་རང་སྐྱོང་ཁུལ་གྱི་རྨ་ཆུ་ས་ཁུལ་ཆུ་ཁ་མ་དགོན་པའི་དགེ་འདུན་པ་བསམ་གཏན་རྒྱ་མཚོ་ལགས་དང་། འཇམ་དབྱངས་བསམ་གཏན་ལགས་གཉིས་ཀྱི་གནད་དོན་ལུང་འདྲེན་གྱིས་ སྔ་ལོར་གཅིག་དགོན་པ་ནས་ཐད་ཀར་འཛིན་བཟུང་བྱས་པ་དང་། གཅིག་ལ་ཉེན་རྟོག་ཁང་དུ་གཞུང་བཞེས་བཏང་བའི་ཁ་པར་ལེན་དུ་ཡོང་དགོས་སྐོར་དང་འབྲེལ་ནས་འཛིན་བཟུང་བཙན་ཁྲིད་བྱས་རྗེས་ད་བར་ལོ་གཅིག་ཙམ་འགྲོ་བཞིན་ཡོད་ཀྱང་། ད་བར་ཁོང་གཉིས་བཙོན་ཁང་གང་དུ་ཡོད་མེད་དང་། གཟུགས་གཞིའི་གནས་སྟངས་གང་འདྲ་ཡོད་པ།...

རྒྱ་གར་ཧི་མ་ཅལ་མངའ་སྡེ་ནས་ལ་དྭགས་ཀྱི་འཕགས་བོད་ས་མཚམས་བར་ Shinkun La ཕུག་ལམ་གསར་འཛུགས་གནང་བཞིན་པ་དང་འབྲེལ། རྒྱ་ནག་ལ་ཤུགས་རྐྱེན་ཐེབས་ངེས་ཡིན་པ་བརྗོད་འདུག དེ་ཡང་དེ་རིང་རྒྱ་གར་གྱི་གསར་འགྱུར་བརྒྱུད་ལམ་ཁག་གི་ནང་དུ་གནས་ཚུལ་ཐོན་པར་གཞིགས་ན། རྒྱ་གར་གྱིས་ Project Yojak ཞེས་པའི་ལས་འཆར་འོག་ཕྱི་ལོ་ ༢༠༢༤ ཟླ་ ༧ ཚེས་ ༢༦ ནས་འགོ་འཛུགས་ཀྱིས་ཧི་མ་ཅལ་མངའ་སྡེ་ནས་ལ་དྭགས་བཅས་ཀྱི་འཕགས་བོད་ས་མཚམས་སུ་འཛམ་གླིང་ནང་གི་ཕུག་ལམ་མཐོ་ཤོས་ཤིག་གསར་འཛུགས་གནང་བཞིན་པ་དང་འབྲེལ། ལས་འཆར་དེ་ནི་ལོ་བཞི་ལྷག་གི་ལས་འཆར་ཞིག་ཡིན་པ་དང་ཕྱི་ལོ་ ༢༠༢༨ ཟླ་ ༨ པའི་ནང་ལེགས་གྲུབ་གནང་ཟིན་པ་བྱ་རྒྱུ་རེད་འདུག་པ་མ་ཟད། ལས་འཆར་དེའི་གཙོ་བོ་ཧི་མ་ཅལ་དང་ལ་དྭགས་གཉིས་ཀྱི་ནང་དགུན་དུས་གྲང་ངར་ཆེ་བའི་དུས་སྐབས་སུ་འགྲོ་འོང་ལས་སླ་རུ་འགྲོ་རྒྱུ་དང་ས་མཚམས་ས་ཁུལ་དུ་རྒྱལ་སྲུང་དམག་མི་དང་དམག་ཆས་སོགས་མགྱོགས་པོ་འོར་འདྲེན་བྱེད་ཐུབ་པ་བྱ་རྒྱུ་དེ་རེད་འདུག ཕུག་ལམ་དེའི་ས་གནས་ལ་གངས་བབས་པ་དང་ས་རུད་ཀྱི་གཏོར་བཤིག་བྱུང་བའི་ལམ་ཁ་དགག་པ་སོགས་ཀྱི་དཀའ་ངལ་ལ་གདོང་ལེན་བྱེད་ཐུབ་ཀྱི་ཡོད་པ་བརྗོད་འདུག་པ་མ་ཟད། ཕུག་ལམ་དེར་ཁྱོན་ཧིན་སྒོར་བྱེ་བ་ ༡༦༨༡ ལྷག་གི་འགྲོ་གྲོན་བཏང་ཡོད་པ་དང་རྒྱ་མཚོ་ནས་མཐོ་ཚད་ཕི་ཊི་ ༡༥༨༠༠ ཡོད་པ་དེས་ཧི་མ་ཅལ་དང་ལ་དྭགས་གཉིས་ནང་གི་ལོ་གཅིག་གི་འགྲོ་འོང་ཡར་རྒྱས་ཕྱིན་སྲིད་པ་དང་མི་མང་དང་དམག་སྲུང་སོགས་ལ་འགྲུལ་བཞུད་ལས་སླ་རུ་ཕྱིན་སྲིད་པ་བརྗོད་འདུག དེ་བཞིན་ཕུག་ལམ་དེས་ལ་དྭགས་ཀྱི་འཕེལ་རྒྱས་ཀྱི་འཆར་གཞི་དང་འབྲེལ་བ་ཡོད་པ་མ་ཟད། ཁུལ་དེའི་གཞུང་ལམ་དང་ཚོང་འབྲེལ། དེ་བཞིན་ས་གནས་ཀྱི་འགྲོ་འོང་ལའང་ཕན་ཐོགས་ཆེན་པོ་བྱུང་ངེས་ཡིན་པ་བརྗོད་འདུག་པ་དང་བདེ་འཇགས་ལའང་ཕན་ཐོགས་ཆེན་པོ་བྱུང་ངེས་ཡིན་པ་དང་འབྲེལ། ཛ་དྲག་གི་གནས་སྟངས་ལ་ཕུག་ལམ་བརྒྱུད་མྱུར་པོ་སླེབས་ཐུབ་པ་དང་མི་ཕན་ཚུན་འགྲོ་འོང་ལའང་སྟབས་བདེ་རུ་འགྲོ་སྲིད་པ་བརྗོད་འདུག ཕྱོགས་མཚུངས་ Shinkun La ཕུག་ལམ་དེ་བཞིན་ལེགས་པར་འཛུགས་སྐྲུན་གནང་ཟིན་པའི་རྗེས་སུ་འཛམ་གླིང་ནང་མོ་ཊའི་རིགས་འགྲོ་ཐུབ་པའི་ཕུག་ལམ་མཐོ་ཤོས་དེ་ཆགས་ཀྱི་ཡོད་པ་དང་། རྒྱ་གར་གྱི་མཐོ་སྒང་ས་ཁུལ་གྱི་རྨང་གཞིའི་འཛུགས་སྐྲུན་གྱི་གལ་ཆེའི་རང་བཞིན་ཞིག་ཏུ་འགྱུར་རྒྱུ་ཡིན་པ་མ་ཟད། ཚོར་སྐྱེན་པའི་ས་མཚམས་ས་ཁུལ་དུ་འབྲེལ་མཐུད་ཤུགས་ཆེ་རུ་གཏོང་ཐུབ་ཀྱི་ཡོད་པ་བརྗོད་འདུག རྩ་བའི་ཕྱི་ལོ་...

[དྷ་རམ་སར།] ཕྱི་ལོ་༢༠༢༦ ཟླ་༥ ཚེས་༣ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ཨི་རན་གཞུང་གིས་ཨ་རི་དང་ཨི་རན་བར་གྱི་དམག་འཁྲུག་གཏན་འཇགས་སུ་མཚམས་འཇོག་བྱེད་ཆེད། དོན་ཚན་༡༤ ཅན་གྱི་ཞི་བའི་གྲོས་འཆར་གསར་པ་ཞིག་བཏོན་ཡོད་པ་དང་། The post ཨི་རན་གྱིས་དམག་འཁྲུག་མཇུག་སྒྲིལ་ཆེད་དོན་ཚན་༡༤ ཅན་གྱི་གྲོས་འཆར་བཏོན། appeared first on བོད་ཀྱི་བང་ཆེན།.

བྷེང་ལོར་དུ་རྟེན་གཞི་བྱས་པའི་རིག་ནོར་བརྡ་འཕྲིན་འཕྲུལ་ལས་ཁང་བཙུགས་ནས་ལོ་ལྔ་འཁོར་བ་ཡོད་འདུག བོད་པའི་རིག་གཞུང་དང་དེང་རབས་འཕྲུལ་ལས་གཉིས་ཟུང་འབྲེལ་གྱིས་ཐོག་ནས་འདས་པའི་ལོ་ལྔའི་རིང་བཙན་བྱོལ་བོད་པའི་སྤྱི་ཚོགས་ཁྲོད་་གྲུབ་འབྲས་གཟེངས་སུ་ཐོན་པ་བྱང་ཡོད་ཅེས་བརྗོད། The post བྷེང་ལོར་དུ་རིག་ནོར་བརྡ་འཕྲིན་འཕྲུལ་ལས་ཁང་བཙུགས་ནས་ལོ་ལྔ་འཁོར་བ། appeared first on བོད་ཀྱི་བང་ཆེན།.

ཐའེ་ལན་ཌིའི་གསར་འགོད་པ་གྲགས་ཅན་ཝུའུ་ཌི་ལགས་ཀྱིས་འགྲོ་བ་མི་ཚང་མར་བདེ་སྐྱིད་དགོས་པའི་མངོན་འདོད་དང་དམིགས་ཡུལ་གཅིག་མཚུངས་ཡིན་ལ་དོན་དངོས་སུ་ཚང་མར་བདེ་སྐྱིད་དགོས་ན་རང་བཞིན་གྱིས་འབྲེལ་བ་ཡོང་གི་ཡོད་སྐོར་བརྗོད་བྱུང་། དེ་རིང་བཞུགས་སྒར་༧རྒྱལ་བའི་ཕོ་བྲང་དུ། ཐའེ་ལན་ཌིའི་གསར་འགོད་པ་ཝུའུ་ཌི་མི་ལིན་ཊ་ཆིན་ཊ་ (Woody Milintachinda) ལགས་ཀྱིས་སྣེ་འཁྲིད་པའི་ནང་པའི་ཚོགས་པ་ཐའེ་ལན་ཌི་ཝུའུ་ཌི་ཝོལ་ཌི་ (Woody World Thailand) ཡི་ཚོགས་མི་ ༢༠ དང་། དེ་མིན་རྒྱ་གར་དང་ཉི་ཧོང་སོགས་ནས་མཇལ་བཅར་བ་ ༣༦༠ ལྷག་གིས་༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་བཅར་ཞུས་འདུག་ལ། ཚོགས་མི་རྣམ་པས་མཇལ་རྟེན་གྱི་སྟོན་པའི་སྐུ་བརྙན་ཞིག་ཕུལ་ཡོད་འདུག ཐའེ་ལན་ཌིའི་གསར་འགོད་པ་ཝུའུ་ཌི་མི་ལིན་ཊ་ཆིན་ཊ་ལགས་ཀྱིས་འདི་གའི་གསར་འགོད་པར། ངས་མི་ཚེ་གང་པོར་ཆོས་ཉམས་ལེན་བྱས་པ་ཡིན། དེ་རིང་༧གོང་ས་མཆོག་ལ་མཇལ་བཅར་ཞུ་རྒྱུའི་གོ་སྐབས་བྱུང་བར་སྐལ་བ་བཟང་པོ་དང་བཀའ་དྲིན་ཆེན་པོ་བྱུང་།  ད་ལན་དགེ་འདུན་པ་དང་ཚོགས་པའི་ཚོགས་མི་ཁག་ཅིག་དང་མཉམ་དུ་༧གོང་ས་མཆོག་ལ་པཱ་ལི་དང་ལེགས་སྦྱར་ཆོས་བརྒྱུད་འཛིན་པའི་བར་གྱི་ཤེས་ཡོན་བརྗེ་ལེན་ལས་གཞིའི་སྐོར་ངོ་སྤྲོད་དང་། འདས་པའི་ལོ་གཉིས་རིང་དོན་སྙིང་ལྡན་པའི་གླེང་སློང་བྱུང་ཡོད་པ་མ་ཟད། སླད་མར་མུ་མཐུད་དུ་བགྲོ་གླེང་བྱ་རྒྱུ་དང་ཕྱོགས་གཉིས་ལ་ཕན་པའི་ལམ་ཁ་ཞིག་འཚོལ་རྒྱུའི་འབད་བརྩོན་བྱེད་ཀྱི་ཡིན། ཆོས་བརྒྱུད་འཛིན་པ་དེ་གཉིས་ཀྱི་ཉམས་ལེན་བྱེད་ཕྱོགས་མི་འདྲ་བ་ཡོད་ཀྱང་། དེ་དག་གིས་སངས་རྒྱས་བཅོམ་ལྡན་འདས་ཀྱི་སློབ་སྟོན་གྱི་རྨང་གཞི་གཅིག་པ་རེད། ཅེས་འགྲེལ་བརྗོད་གནང་བྱུང་། ཡང་ཁོང་གིས། ༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་བཅར་ཞུ་སྐབས་ཁག་ཅིག་གིས་༧མགོན་པོ་གང་ཉིད་མཆོག་ལ་ཁོང་ཁྲོ་དང་ཞེ་སྡང་གིས་ཁེངས་པའི་འཛམ་གླིང་ནང་བདེ་སྐྱིད་ཇི་ལྟར་འཚོལ་དགོས་མིན་བཀའ་འདྲི་ཞུས་པར་༧མགོན་པོ་གང་ཉིད་ཀྱིས། འཛམ་གླིང་འདིར་དོན་དངོས་སུ་ཞི་བདེ་ཡོང་བར་ཐོག་མར་ང་ཚོས་སོ་སོའི་སེམས་ལ་གོ་བ་བླངས་ཏེ། གོ་རྟོགས་དང་བྱམས་སྙིང་རྗེའི་ཐོག་ནས་བྱ་སྤྱོད་སྤེལ་དགོས་པའི་ལམ་སྟོན་གནང་སོང་ཞེས་དང་། ང་རང་ལོ་ན་གཞོན་དུས་ནས་༧གོང་ས་མཆོག་གི་མཛད་འཕྲིན་ཡོངས་ལ་རྗེས་སུ་འབྲང་གི་ཡོད། ཐོག་མར་༧མགོན་པོ་གང་ཉིད་མཆོག་ནི་དགོད་བྲོ་བ་དང་དགའ་སྤྲོ་ལྡན་པའི་དགེ་འདུན་པ་ཞིག་ལ་ངོས་འཛིན་གྱི་ཡོད། འོན་ཀྱང་། རིམ་པས་༧གོང་ས་མཆོག་གི་ཤེས་རབ་གཏིང་ཟབ་ཅིང་། ཆོས་ལུགས་ཕན་ཚུན་མཐུན་འབྲེལ་གནང་བའི་ནུས་པར་བརྩི་མཐོང་དང་རྗེས་སུ་ཡི་རངས་ཞུ་ཡི་ཡོད། ཅེས་དང་། ནང་ཆོས་ནི་ངོ་བོ་དང་མིང་བྱང་སྐོར་མ་རེད། སངས་རྒྱས་དང་ཏཱ་ལའི་བླ་མ་ཞེས་མི་གཅིག་གི་སྐོར་མ་རེད། ནང་ཆོས་ནི་སེམས་ཀྱི་རང་བཞིན་ཤེས་རྟོགས་ཐུབ་པ་དང་། བྱམས་སྙིང་རྗེ་སྐྱེད་སྲིང་བྱེད་པའི་སྐོར་རེད།...

རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་རྒྱ་ནག་གཞུང་འཛམ་གླིང་གི་གསར་འགོད་པ་བཙོན་འཇུག་བྱེད་མཁན་སྡུག་ཤོས་དང་གསར་འགོད་རང་དབང་གི་གནས་བབ་ཞན་ཤོས་ཨང་གསུམ་པ་དེ་ཡིན་པ་ཐེར་འདོན་བྱས་འདུག The post རྒྱ་ནག་འཛམ་གླིང་གི་གསར་འགོད་པ་བཙོན་འཇུག་བྱེད་མཁན་སྡུག་ཤོས་རེད་འདུག appeared first on བོད་ཀྱི་དུས་བབ།.

བསྟན་འཛིན་ནོར་བཟང་གིས་ཨིན་ཡིག་ཏུ་བརྩམས། ཚེ་རིང་དོན་གྲུབ་ཀྱིས་བོད་ཡིག་ཏུ་བསྒྱུར། སྒྱུར་རྩོམ་གྱི་ཁུངས། བོད་ཀྱི་དུས་བབ། བོད་སློབ་འཛིན་ཁང་ཞིག་གི་ནང་ཕྲུ་གུ་ཞིག་ཞེད་སྣང་སྐྱེད་ཀྱིན་བསྡད་ཡོད། འདི་ནི་ཡིག་རྒྱུགས་མ་འཕྲོད་པའི་ཞེད་སྣང་མ་ཡིན་ལ། ཕ་མའི་བློ་ཕམ་དུ་བཅུག་པའི་ཞེད་སྣང་ཀྱང་མ་ཡིན། འདི་ནི་རང་ཉིད་ཀྱི་རྒན་ལགས་ཀྱི་ཕྱག་གམ། ཡང་ན་རྒན་ལགས་ཀྱི་ཕྱག་ཏུ་བསྣམས་པའི་ཐིག་ཤིང་ངམ་དབྱུག་པ་གང་རུང་ཞིག་ལ་ཞེད་སྣང་རེད། ཕྲུ་གུ་དེས་ཁ་ཁུ་སིམ་སིམ་ངང་བསྡད་དེ་བསླབ་གཞི་རྩ་འཛིན་གང་གི་ནང་དུའང་སློབ་འཁྲིད་བྱ་རྒྱུར་དམིགས་པ་མ་ཡིན་པའི་གོ་དོན་ཞིག་རྟོགས་བཞིན་ཡོད་པ་ནི། དབང་ཤུགས་ཟེར་དུས་ན་ཟུག་ལ་གོ་དགོས་པ་དང་། བརྩེ་བ་དང་འཚེ་བ་གཉིས་ཁང་པ་གཅིག་གི་ནང་མཉམ་གནས་ཐུབ་ཀྱི་ཡོད་པ་དེ་རེད། ངས་གླེང་བཞིན་པ་ནི་རྟོག་བཏགས་ཀྱི་འཆར་སྣང་ཞིག་མ་ཡིན། ངས་གླེང་བཞིན་པ་ནི་ངས་ངོ་ཤེས་པའི་ཕྲུ་གུ་དང་། ང་ཚོའི་སྤྱི་ཚོགས་ཀྱི་བུ་ཕྲུག་སྟེ། ང་ཚོའི་སྤྱི་ཚོགས་ཀྱི་མིང་དང་ང་ཚོའི་སྤྱི་ཚོགས་ཀྱི་རེ་བ་འཁུར་མཁན་གྱི་སློབ་གྲྭའི་སློབ་ཕྲུག་གི་སྐོར་ཡིན། ཞེད་སྣང་འདི་ང་རང་ཉིད་ཀྱི་མིག་གིས་མཐོང་བྱུང་ལ། ང་རང་ཉིད་ཀྱི་ཁྱིམ་ཚང་ནང་དུའང་ཚོར་བྱུང་། ངའི་བཟའ་ཟླའི་སྤུད་མཆེད་ཀྱི་བུ་གངས་སྐྱིད་དཔེ་སྟོན་སློབ་གྲྭ་འགྲིམས་པའི་སྐབས་རྒན་ལགས་གཅིག་གིས་ཁོ་ལ་ཉེས་ཆད་ཀྱི་ཚུལ་དུ་འཛིན་ཁང་ནང་ཡར་བསླངས་ཏེ་ངོ་གདོང་ལ་རི་མོ་བྲིས་ནས་འཛིན་གྲོགས་རྣམས་ཀྱིས་ཁོ་རང་ལ་འཕྱ་ལད་བརྒྱབ་ཏུ་བཅུག་འདུག ངས་གནས་ཚུལ་དེ་ཐོས་སྐབས་རྦད་དེ་ཧང་སངས་བྱུང་བས། ངས་ཁྱིམ་བདག་ལ་ཡིག་ཐོག་ནས་ཞུ་གཏུག་བྱ་དགོས་པའི་སྐུལ་མ་བྱས་པ་ཡིན། ཡིན་ནའང་ཁོང་ཚོས་ཞེད་སྣང་བྱེད་ཀྱི་འདུག ཞེད་སྣང་བྱེད་དགོས་ངེས་ཀྱང་རེད། གང་ལགས་ཞེ་ན་ཞུ་གཏུག་དེའི་མཇུག་འབྲས་ནི་རྒན་ལགས་དེས་ཁོ་ཚོའི་ཕྲུ་གུ་གཞན་ལས་ཟུར་འདོན་བྱ་རྒྱུ་ལས། ཉེས་ཆད་ནི་མཚམས་འཇོག་གི་མ་རེད་ལ། དེ་ཡང་མངོན་གསལ་མེད་པའི་སྒོ་ནས་ཇེ་སྡུག་ཇེ་ཞན་དུ་འགྲོ་རྒྱུ་ཡིན་པ་ལམ་ལུགས་འདིའི་ནང་སྡོད་མཁན་གྱི་མི་ཚང་མས་ཤེས་གསལ་རེད། གནས་སྟངས་འདི་ངས་ཤེས། གང་ལགས་ཞེ་ན་དེ་ང་ལ་བྱུང་མྱོང་ལ། ངའི་ཕྲུ་གུ་ལའང་བྱུང་སོང་། ངའི་ཕྲུ་གུ་རྣམས་གུ་རུ་པུ་རའི་ས་གནས་སུ་ཡོད་པའི་སཾ་བྷོ་ཊའི་སློབ་གྲྭ་དང་། གངས་སྐྱིད་དུ་ཡོད་པའི་དཔེ་སྟོན་སློབ་གྲྭ། ཤེས་རབ་དགའ་ཚལ་སློབ་གླིང་དུ་ཡོད་པའི་དཔེ་སྟོན་སློབ་གྲྭ་བཅས་སློབ་གྲྭ་ཁག་གསུམ་འགྲིམས་ཡོད། སློབ་གྲྭ་གསུམ་ཀའི་ནང་ཁོང་ཚོའི་ལུས་ཐོག་ཏུ་ཉེས་ཆད་མྱངས་ཡོད། གུ་རུ་པུ་རར་ཡོད་པའི་སཾ་བྷོ་ཊའི་སློབ་གྲྭའི་རྒན་ལགས་གཅིག་གིས་ངའི་བུ་མོར་ཉེས་ཆད་ཀྱི་ཚུལ་དུ་ཡར་ལངས་མར་བསྡད་ (sit-up) ཐེངས་བརྒྱ་བྱེད་དུ་བཅུག་འདུག་པ་དང་། ཉིན་རྗེས་མར་ཡང་ཐེངས་བརྒྱ་བྱེད་དུ་བཅུག་པས། ངའི་བུ་མོའི་ལུས་པོར་ན་ཟུག་གི་རྐྱེན་པས་གོམ་པ་ཡང་སྤོ་དཀའ་བར་གྱུར་ཏེ། སློབ་གྲྭ་ནས་ཉིན་གཅིག་རིང་དགོངས་པ་ཞུ་དགོས་བྱུང་།...

ང་ཚོའི་ལོ་རྒྱུས་ང་རང་ཚོ་ལ་རྒྱུས་ཡོད་རེད། ང་ཚོས་དུས་ནམ་ཞིག་རྒྱ་ནག་གི་འོག་བསྡད་མྱོང་ཡོད་མ་རེད།

ཕྱི་ཟླ་ ༥ ཚེས་ ༣ ཉིན་ནི་འཛམ་གླིང་གི་གསར་འགོད་རང་དབང་ཉིན་མོ་ཡིན་པ་རེད།

རྒྱ་ནག་གི་གནོན་ཤུཊ་འོག་འཛམ་བྷི་ཡར་འཚོཊ་རྒྱུའི་འཛམ་གླིང་འགྲོ་བ་མིའི་ཐོབ་ཐང་གི་ཚོཊ་ཆེན་ཆེ་ཤོས་ཤིག་ཕྱིར་འཐེན་བྱས་འདུག

དེ་རིང་བཞུགས་སྒར་དྷ་སར་བོད་ཀྱི་གསར་འགོད་མཐུན་ཚོགས་ཀྱིས་རྒྱལ་སྤྱིའི་གསར་འགོད་རང་དབང་ཉིན་མོ་ཐེངས་ ༣༣ པ་སྲུང་གཙིའི་ལས་རིམ་འཚོགས་སོང་།  The post རྒྱལ་སྤྱིའི་གསར་འགོད་རང་དབང་ཉིན་མོ་སྲུང་གཙི་ཞུས་སོང་། appeared first on བོད་ཀྱི་དུས་བབ།.

བལ་ཡུལ་མཆོད་འཇོར་མི་མང་གིས་རེ་སྐུལ་ནན་པོ་ཞུས་པ་ལྟར་དབུས་འོས་བསྡུ་ལས་ཁང་གིས་ས་གནས་མི་མང་ལ་དངོས་གཞིའི་འོས་བླུགས་པའི་ཐོབ་ཐང་སྤྲད་གནང་འདུག བཙན་བྱོལ་བོད་མིའི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ཁུལ་ནས་འོས་བསྡུའི་སྒྲིག་གཞིར་འགལ་འཛོལ་བྱུང་བའི་ངོས་འཛིན་འོག དབུས་འོས་བསྡུ་ལས་ཁང་གིས་ས་གནས་དེར་དངོས་གཞི་འོས་བསྡུའི་ལས་རིམ་ཕྱིར་འཐེན་གནང་རྗེས། སྤྱི་ཚོགས་ནང་གླེང་སློང་ཆེན་པོ་བྱུང་བ་དང་ལྷག་པར་དུ་མཆོད་འཇོར་ས་གནས་མི་མང་གིས་ཡིག་ངག་གཉིས་ཐོག་ནས་རེ་སྐུལ་ནན་པོ་ཞུས་པར་བརྟེན། ཁ་སང་ཕྱི་ཆེས་ ༡ ཉིན་དབུས་འོས་བསྡུ་ལས་ཁང་གིས་ཉེ་སྔོན་གྱི་ཐག་གཅོད་ཕྱིར་འཐེན་གནང་སྟེ་ས་གནས་མི་མང་གིས་འོས་བླུགས་ཆོག་པ་བཟོས་འདུག ཡིན་ནའང་། ཀ་ཐ་མན་ཌུ་ས་གནས་འོས་བསྡུའི་འགན་འཛིན་གྱི་ཐད་ཀར་སྟངས་འཛིན་འོག་མཆོད་འཇོར་ཁུལ་གྱི་འོས་བསྡུ་གནང་དགོས་པའི་བཀོད་ཁྱབ་གནང་འདུག དེ་ཡང་དབུས་འོས་བསྡུ་ལས་ཁང་གིས་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ལ་དེ་འབྲེལ་བཀོད་ཁྱབ་ཅིག་གནང་བའི་ནང་། ཀ་ཐི་མན་ཌུ་ས་གནས་འོས་བསྡུའི་འགན་འཛིན་གྱི་ཐད་ཀར་སྟངས་འཛིན་འོག ས་གནས་དེའི་འོས་བསྡུའི་ཚོགས་ཆུང་གི་ཚོགས་མི་དང་ཟུར་དཔང་ཐོག ས་གནས་འོས་བསྡུའི་འགན་འཛིན་ལས་རོགས་འཕར་མ་བསྐོ་གཞག་གནང་སྟེ། ད་ལན་བལ་ཡུལ་མཆོད་འཇོར་ས་གནས་སུ་དངོས་གཞིའི་འོས་བླུགས་ཆོག་པ་དང་། སྐབས་དེར་ས་གནས་འོས་བསྡུའི་འགན་འཛིན་ལས་རོགས་ཀྱིས་འགན་འཁུར་ཞུ་མི་དགོས་པའི་ཐག་གཅོད་གནང་བ་གསལ་འདུག འདི་ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ཁུལ་གྱི་འོས་བསྡུ་ཚགས་ཚུད་མ་བྱུང་བའི་ལབ་གླེང་ཞུ་གཏུག་བྱུང་བ་ལྟར། དབུས་འོས་བསྡུ་ལས་ཁང་གིས་འབྲེལ་ཡོད་ལ་འདྲི་བརྩད་དང་འོས་ཤོག་ལ་ཞིབ་འཇུག་གནང་བ་བརྒྱུད། ཕྱི་ཟླ་ ༤ ཚེས་ ༢༣ ཉིན་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཀྱི་མིང་ཐོག་ཏུ་ཐག་གཅོད་ཡི་གེ་ཞིག་བཏང་སྟེ། འོས་བསྡུའི་སྒྲིག་གཞིའི་དགོངས་དོན་ཁག་དང་འགལ་འཛོལ་ཚབས་ཆེན་བྱུང་ཡོད་པ་ར་འཕྲོད་བྱུང་བ་གཞིར་བཟུང་མཆོད་འཇོར་ས་གནས་ལ་དངོས་གཞིའི་འོས་བསྡུ་ཐེངས་གཅིག་ཕྱིར་འཐེན་ཞུ་རྒྱུའི་ཐག་གཅོད་གནང་བ་ཡིན་སྐོར་བཀོད་ཡོད་པ་རེད།  གསར་འགོད་པ། བསྟན་འཛིན་ཕུར་བུ། རྩོམ་སྒྲིག་བྱེད་མཁན། པདྨ་མཚོ། The post བལ་ཡུལ་མཆོད་འཇོར་མི་མང་ལ་དངོས་གཞིའི་འོས་བླུགས་པའི་ཐོབ་ཐང་གནང་། appeared first on བོད་ཀྱི་དུས་བབ།.

དབུས་འོས་བསྡུ་ལས་ཁང་གིས་རིང་མིན་མཆོད་འཇོར་ས་གནས་སུ་དངོས་གཞིའི་འོས་བསྡུ་བྱ་རྒྱུའི་ཐག་གཅོད་ཞུས་གནང་འདུག  ཉེ་ཆར་བཙན་བྱོལ་བོད་མིའི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ཁུལ་ནས་འོས་བསྡུའི་སྒྲིག་གཞིར་འགལ་འཛོལ་ཚབས་ཆེ་བྱུང་བའི་ངོས་འཛིན་འོག དབུས་འོས་བསྡུ་ལས་ཁང་གིས་ས་གནས་དེར་དངོས་གཞི་འོས་བསྡུའི་ལས་རིམ་ཕྱིར་འཐེན་གནང་རྗེས། སྤྱི་ཚོགས་ནང་གནད་དོན་དེའི་ཐོག་སེམས་འཚབ་ཀྱིས་ལབ་གླེང་ཤུགས་ཆེ་བྱུང་བ་དང་ལྷག་པར་དུ་མཆོད་འཇོར་ས་གནས་མི་མང་གིས་ཡིག་ངག་གཉིས་ཐོག་ནས་རེ་སྐུལ་ནན་པོ་ཞུས་པར་བརྟེན། ཁ་ཉིན་ཕྱི་ཆེས་ ༡ ཉིན་གྱི་དབུས་འོས་བསྡུ་ལས་ཁང་གི་བཀོད་ཁྱབ་ལྟར། ཉེ་སྔོན་གྱི་ཐག་གཅོད་ཕྱིར་འཐེན་གནང་སྟེ་རིང་མིན་མཆོད་འཇོར་ས་གནས་སུ་དངོས་གཞིའི་འོས་བསྡུ་བྱ་རྒྱུའི་ཐག་གཅོད་ཞུས་གནང་འདུག  སྤྱིར་འདི་ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ཁུལ་གྱི་འོས་བསྡུ་ཚགས་ཚུད་མ་བྱུང་བའི་ལབ་གླེང་ཞུ་གཏུག་བྱུང་བ་ལྟར། དབུས་འོས་བསྡུ་ལས་ཁང་གིས་འབྲེལ་ཡོད་ལ་འདྲི་རྩད་དང་འོས་ཤོག་ལ་ཞིབ་འཇུག་གནང་བའི་བརྒྱུད། ཟླ་བ་ ༤ ཕྱི་ཚེས་ ༢༣ ཉིན་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཀྱི་མཚན་ཐོག་ཏུ་ཕྱག་ཡིག་ཞིག་བཏང་སྟེ། ཁུལ་དེར་འདི་ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ཁྲོད། འོས་བསྡུའི་སྒྲིག་གཞིའི་དགོངས་དོན་མང་དག་ཅིག་ལ་འགལ་འཛོལ་ཚབས་ཆེ་བྱུང་ཡོད་པ་ར་འཕྲོད་བྱུང་བ་གཞིར་བཟུང་མཆོད་འཇོར་ས་ཁུལ་ཁྱབ་ཁོངས་སུ་ཚུད་པའི་མི་མང་ཡོངས་ལ་ཐེངས་འདིའི་དངོས་གཞིའི་འོས་བསྡུ་ནང་ཆ་ཤས་བླང་རྒྱུའི་ཐོབ་ཐང་ཕྱིར་འཐེན་ཞུ་རྒྱུའི་ཐག་གཅོད་གནང་ཡོད་པ་རེད། དབུས་འོས་བསྡུ་ལས་ཁང་གི་ཐག་གཅོད་དེ་ཕྱིར་བསྒྲགས་བྱུང་མ་དག་སྤྱི་ཚོགས་དྲྭ་ལམ་ཐོག་བོད་མི་མང་དག་ཅིག་ནས་གནད་དོན་དེའི་ཐོག་ཐུགས་འཚབ་ཀྱིས་ལབ་གླེང་ཤུགས་ཆེ་ཡོང་ཡོད་པ་དང་། ལྷག་པར་ས་གནས་ཀྱི་མང་ཚོགས་ནས་སྤྱི་ཚོགས་དྲྭ་ལམ་ཁྲོད་དབུས་འོས་བསྡུའི་ལས་ཁང་གི་ཐག་ཆོད་དེར་ངོས་ལེན་རྩ་བ་ནས་མེད་པ་འགྲེལ་བརྗོད་ཀྱིས། འོས་ཀྱི་ཐོབ་ཐང་བཙན་འཕྲོག་བྱས་པ་དེ་ནི་བ་ཤེ་གླང་འགེལ་གྱི་ནོར་འཁྲུལ་ཚབས་ཆེན་ཞིག་ཡིན་པ་དང་། མང་གཙོའི་ཁེ་དབང་རྡོག་རོལ་ཤུགས་ཆེ་བཏང་བ་ཞིག་ཡིན་སྐོར་བརྗོད་པ་མ་ཟད། སྔོན་འགྲོའི་འོས་བསྡུའི་ནང་སྒྲིག་འགལ་བྱུང་ཡོད་ན་ཁུལ་དེའི་འོས་བསྡུའི་འགན་འཁུར་མི་སྣ་དང་ཟུར་དཔང་སོགས་ལ་ཁྲིམས་མཐུན་ཉེས་པ་གཏོང་དགོས་པ་ལས་ཉེས་མེད་སྐྱ་སེར་མང་པོའི་ཁེ་དབང་འཕྲོག་པ་ནི་གནད་དོན་ཆུང་ཆུང་ཞིག་རྩ་བ་མིན་པ་གསུང་མཁན་བྱུང་ཡོད།  འདི་ག་རླུང་འཕྲིན་ཁང་གིས་དབུས་འོས་བསྡུའི་འགན་འཛིན་མཆོག་ལ་གནད་དོན་དེའི་ཐོག་བཅར་འདྲི་ཞུ་ཆེད་འབྲེལ་བ་རིམ་པ་བྱས་ཡིན་པ་དེ་ལྟར་ཡང་། འགན་འཛིན་མཆོག་ནས་དེའི་སྐོར་དངོས་གཞིའི་འོས་བསྡུ་གྲུབ་ཟིན་རྗེས་མ་གཏོགས་བཅར་འདྲི་དང་ལེན་གནང་གི་མིན་པ་གསུངས་ཡོད་པ་དང་ལྷག་པར་དུ་ཟླ་ ༤ ཚེས་ ༢༦ དངོས་གཞིའི་འོས་བསྡུའི་ལས་རིམ་འགོ་འཛུགས་སྐབས་གསར་འགོད་པས་བལ་ཡུལ་མཆོད་འཇོར་ས་གནས་ཀྱི་གནད་དོན་སྐོར་བཀའ་འདྲི་ཞུ་སྐབས་དབུས་འོས་བསྡུའི་འགན་འཛིན་མཆོག་ནས། དབུས་འོས་བསྡུའི་ལས་ཁང་ལ་བཅའ་ཁྲིམས་དང་འོས་བསྡུའི་སྒྲིག་གཞིའི་ཐོག་ནས་བཙན་བྱོལ་སྤྱི་ཚོགས་ནང་འོས་བསྡུ་དེ་བཞིན་རང་དབང་དང་དྲང་བདེན་ཁྲིམས་མཐུན་གྱི་སྒོ་ནས་ལག་བསྟར་ཐད་འགན་བཞེས་དགོས་པའི་ལམ་སྟོན་ཡོད་པ་ལྟར་ཐག་ཆོད་དེ་ཁྲིམས་མཐུན་གྱི་སྒོ་ནས་གནང་ཡིན་ཅེས་དང་། དེ་འབྲེལ་ལན་འདེབས་གསལ་བཤད་རིགས་དགོས་མཁོ་འབྱུང་ཚེ་དངོས་གཞིའི་འོས་བསྡུའི་ལས་རིམ་མཇུག་སྒྲིལ་རྗེས་གནང་གི་ཡིན་ཅེས་གསུངས་ཡོད་པ་རེད། དེ་བཞིན་འདི་ག་རླུང་འཕྲིན་ཁང་གིས་གནད་དོན་དེའི་སྐོར་འབྲེལ་ཡོད་བལ་ཡུལ་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཕུར་བུ་ལགས་སུའང་ཞལ་པར་བརྒྱུད་བཀའ་འདྲི་ཞུ་སྐབས་ཁོང་གིས།  གནད་དོན་དེའི་བྱུང་རིམ་དང་ད་ལྟའི་གནས་སྟངས་འགྲེལ་བརྗོད་དང་འབྲེལ།  གང་ལྟར་ཡང་དབུས་འོས་བསྡུ་ལས་ཁང་ངོས་ནས་ཕྱག་ཡིག་དེའི་ནང་ཁོང་གིས་གནོན་ཤུགས་དང་སུན་གཙེར། དེ་བཞིན་འཇིགས་སྐུལ་བྱས་ཡོད་པ་སོགས་ཀྱི་ཐ་སྙད་བེད་སྤྱོད་གནང་ཡོད་པ་དེར་བློ་ཕམ་བྱུང་ཅེས་དང་།  བལ་ཡུལ་དུ་རྒྱ་ནག་གི་གནོན་ཤུགས་དང་ཡུལ་དེའི་ཆབ་སྲིད་ཀྱི་གནས་སྟངས་ཚང་མས་མཁྱེན་གསལ་ཡིན་སྐོར་གསུངས་ཏེ།  དེ་འབྲེལ་གཞུང་འབྲེལ་གྱི་ཐོག་ནས་ལན་འདེབས་གསལ་བཤད་ཀྱི་གོ་སྐབས་འབྱུང་ཚེ་དེ་ལྟར་ཞུ་ཡི་ཡིན་ཅེས་དང་། ད་ལྟ་ཁོང་གིས་བརྒྱུད་ལམ་འདིའི་བརྒྱུད་གནད་དོན་དེའི་ཐོག་གང་ཞུས་པ་དེ་དག་ཁོང་སྒེར་གྱི་སེམས་ཚོར་ཐོག་ནས་ཞུ་ཡི་ཡོད་པ་ལས་བལ་ཡུལ་མཆོད་འཇོར་ས་གནས་འོས་བསྡུའི་འགན་འཛིན་ལས་རོགས་ཡིན་པའི་ཆ་ནས་བརྗོད་ཀྱིས་མེད་ཅེས་གསུངས་ཡོད་པ་རེད།  རྩ་བའི་བལ་ཡུལ་མཆོད་འཇོར་འོས་བསྡུ་ལས་ཁང་གི་ཁྱབ་ཁོངས་སུ་ Boudha མཆོད་རྟེན་ཁུལ་དང་འཇོར་པ་ཀྲི་ས་གནས་འཁེལ་གྱི་ཡོད་པ་དང་། དེའི་ཁྱབ་ཁོངས་དགོན་སྡེ་མང་དག་ཅིག་ཡོད་པ་མ་ཟད། ཐེངས་འདིའི་འོས་བསྡུའི་ནང་ས་གནས་དེ་དག་ལས་དེབ་སྐྱེལ་བྱེད་མཁན་གྱི་གྲངས་འབོར་ ༢༠༠༠...

སང་ཉིན་ཕྱི་ཟླ་ ༥ ཚེས་ ༣ ཉིན་མོ་སྟེ་རྒྱལ་ཚོགས་ཀྱིས་གཏན་འབེབས་གནང་བའི་འཛམ་གླིང་གསར་འགོད་རང་དབང་ཉིན་མོ་དང་བསྟུན། འཛམ་གླིང་རྒྱལ་ཁབ་ ༨༠ ལྷག་ནང་ལས་འགུལ་གྱི་རྣམ་པ་འདྲ་མིན་ཐོག་ནས་ཉིན་མོ་དེ་སྲུང་བརྩི་ཞུ་ཡི་ཡོད་པ་ལྟར། དེ་རིང་བཞུགས་སྒར་རྡ་རམ་ས་ལར་བོད་ཀྱི་གསར་འགོད་མཐུན་ཚོགས་ཀྱིས། རྒྱ་གཞུང་ལ་དགོས་འདུན་དོན་ཚན་བཞི་དང་དགག་བྱ་གཅིག་བཅས་ཆེད་འདོན་གནང་བའི་བརྒྱུད་འཛམ་གླིང་གསར་འགོད་རང་དབང་ཉིན་མོ་སྔ་ནུར་གྱིས་སྲུང་བརྩི་ཞུས་སོང་། དེ་ཡང་དེ་རིང་སྔ་དྲོ་ཕྱག་ཚོད་ ༡༠ སྟེང་དྷ་ས་གྷམ་རུ་གྲོང་གསེབ་ཏུ་ཆགས་པའི་དོ་ར་ཇ་ཁང་དུ་གསར་འགོད་རང་དབང་ཉིན་མོ་སྲུང་བརྩི་དང་འབྲེལ་བའི་སྟབས་བདེའི་མཛད་སྒོ་ཞིག་འཚོགས་པའི་ཐོག་བཙན་བྱོལ་ནང་གི་གསར་འགོད་པ་ཁག་གཅིག་ནས་མཉམ་ཞུགས་གནང་སོང་བ་དང་། སྐབས་དེར་བོད་ཀྱི་གསར་འགོད་མཐུན་ཚོགས་ཀྱི་ཚོགས་གཙོ་བོད་ཀྱི་དུས་བབ་གསར་ཁང་གི་རྩོམ་སྒྲིག་པའི་ལས་རོགས་སྐལ་བཟང་སྦྱིན་པ་ལགས་ཀྱིས་དེ་རིང་གི་ཉིན་མོ་དང་འབྲེལ་བའི་བསྒྲགས་གཏམ་སྒྲོག་སྦྱང་གནང་བའི་ནང་དུ། དེ་རིང་ང་ཚོ་བཙན་བྱོལ་བའི་གནས་སྟངས་འོག་ནས་གསར་འགོད་རང་དབང་ཉིན་མོ་སྲུང་བརྩི་བྱེད་བཞིན་ཡོད་ཀྱང་། ང་ཚོས་སྤོབས་པ་དང་ལྡན་པའི་ཐོག་ནས་རང་དབང་དང་འདྲ་མཉམ། དྲང་བདེན། འགྲོ་བ་མིའི་ཐོབ་ཐང་སོགས་སྲུང་སྐྱོབ་བྱེད་བཞིན་ཡོད་པ་མ་ཟད། བོད་རྒྱལ་ཁབ་ཀྱི་དམངས་གཙོའི་ལམ་ལུགས་ཀྱི་མ་འོངས་པའི་གཞི་རྟེན་བསྐྲུན་བཞིན་ཡོད་པས། ང་ཚོས་དེ་རིང་འདིར་གསར་འགོད་རང་དབང་གི་ཉིན་མོ་སྲུང་བརྩི་བྱེད་བཞིན་ཡོད་པ་འདི་ནི་ང་ཚོའི་སྤོབས་པ་དང་གཟི་བརྗིད་དུ་རྩིས་ཆོག་པ་ཡིན་ཞེས་གསུངས་སོང་། མ་ཟད། འདི་ལོའི་འཛམ་གླིང་གསར་འགོད་རང་དབང་ཉིན་མོའི་གཏན་འབེབས་བརྗོད་གཞི་ནི། ཞི་བདེ་ལྡན་པའི་མ་འོངས་པ་ཞིག་འཛུགས་སྐྲུན་བྱེད། འགྲོ་བ་མིའི་ཐོབ་ཐང་དང་འཕེལ་རྒྱས། བདེ་འཇགས་སྲུང་སྐྱོབ་བཅས་ཀྱི་ཆེད་དུ་གསར་འགོད་རང་དབང་གོང་འཕེལ་གཏོང་ཞེས་པ་དེ་ཡིན་འདུག་ཅིང་། བོད་ཀྱི་གསར་འགོད་མཐུན་ཚོགས་ངོས་ནས་ཀྱང་འདི་ལོའི་གསར་འགོད་རང་དབང་ཉིན་མོའི་གཏན་འབེབས་བརྗོད་གཞི་ནི། ཀ་ཁ་ག་ངའི་བདག་པོ་བོད་མི་ཡིན། ང་ཚོས་བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་བྱེད། ཅེས་པ་དེ་ཡིན་ཞིང་། བརྗོད་གཞི་འདི་ནི་གཙོ་བོ་སྤྱི་ནོར་༧གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་བོད་ཀྱི་སྐད་ཡིག་སྦྱོང་སྤྱོད་དགོས་པའི་ཐད་ཀྱི་བཀའ་སློབ་དང་ལྷག་པར་དུ་ཉེ་ཆར་གཏན་འབེབས་བྱས་པའི་རྒྱ་ནག་གི་མི་རིགས་མཐུན་སྒྲིལ་སྐོར་གྱི་ཁྲིམས་གཞི་དང་མི་རིགས་བཅའ་སྡོད་སློབ་གྲྭ་ཟེར་བའི་ལམ་ལུགས་སོགས་ཀྱི་བརྒྱུད་བོད་ནང་གི་མི་རབས་གསར་པ་མང་པོ་རང་མི་རིགས་ཀྱི་སྐད་ཡིག་མི་ཤེས་པའི་མི་རབས་ཤིག་ཏུ་བསྒྱུར་མུས་ཡིན་པ་སོགས་ལ་བརྟེན་ང་ཚོས་བོད་མི་རིགས་ཀྱི་སྐད་ཡིག་སྦྱོང་སྤྱོད་སྤེལ་གསུམ་བྱ་རྒྱུ་གལ་ཆེན་དུ་བརྩིས་ནས་བདམས་ཡིན་པ་གསུངས་སོང་། ལྷག་པར་དུ་བོད་ཀྱི་གསར་འགོད་མཐུན་ཚོགས་ཀྱི་ཚོགས་གཙོས་དེ་རིང་གསར་འགོད་རང་དབང་ཉིན་མོ་སྲུང་བརྩི་དང་བསྟུན་ད་ཆ་རྒྱ་གཞུང་གིས་བོད་ཀྱི་ཆོས་དང་རིག་གཞུང་། སྐད་ཡིག་དང་ཡི་གེ ལོ་རྒྱུས་དང་བཅས་པ་རྒྱ་སྒྱུར་བྱེད་བཞིན་པའི་ཛ་དྲག་གི་གནས་སྟངས་དང་འབྲེལ་ནས་རྒྱ་གཞུང་ལ་དགོས་འདུན་དོན་ཚན་བཞི་དང་དགག་བྱ་གཅིག་བཅས་ཆེད་འདོན་གནང་བའི་ནང་། རྒྱ་ནག་གཞུང་ལ་ཀུན་གཟིགས་༸པཎ་ཆེན་རིན་པོ་ཆེ་མཆོག་གཙོས་པའི་བོད་མི་ཆབ་སྲིད་བཙོན་པ་རྣམས་འཕྲལ་དུ་ཆ་རྐྱེན་གང་ཡང་མེད་པའི་ཐོག་ནས་གློད་བཀྲོལ་དགོས་པ་དང་། གནས་ཚུལ་ཁ་གསལ་བཟོ་དགོས་པ། རྒྱལ་སྤྱིའི་གསར་འགོད་པ་དང་བཙན་བྱོལ་དུ་ཡོད་པའི་བོད་ཀྱི་གསར་འགོད་པ་རྣམས་རང་དབང་གི་ཐོག་ནས་བོད་ནང་དུ་བསྐྱོད་བཅུག་སྟེ་བོད་ནང་གི་བོད་མིའི་དངོས་ཡོད་གནས་སྟངས་རྣམས་རྒྱལ་སྤྱིའི་སྤྱི་ཚོགས་ལ་ཕྱི་གསལ་ནང་གསལ་གྱི་ཐོག་ནས་འགྲེལ་བརྗོད་ཞུ་ཆོག་དགོས་པ། དེ་བཞིན་ཆ་རྐྱེན་གང་ཡང་མེད་པའི་ཐོག་ནས་བོད་རྒྱ་གྲོས་མོལ་སླར་གསོ་བྱས་ཏེ་བོད་རྒྱའི་དཀའ་རྙོག་མགྱོགས་མྱུར་སེལ་དགོས་པ། དེ་བཞིན་བོད་མི་ལོ་ཆུང་རྣམས་བཅའ་སྡོད་སློབ་གྲྭར་བཅུག་མཚམས་བཞག་ནས་སོ་སོའི་སྐད་ཡིག་རིག་གཞུང་ལ་སློབ་སྦྱོང་དང་གཅེས་སྤྲས་བྱེད་པའི་ཐོབ་ཐང་སྤྲོད་དགོས། མ་ཟད་ཀྲུང་ཧ་མི་རིགས་གཅིག་གྱུར་ཡར་ཐོན་སྐུལ་འདེད་ཀྱི་ཁྲིམས་ཟེར་བ་ནི་བོད་ཀྱི་ཆོས་དང་རིག་གཞུང་། སྐད་ཡིག་སོགས་མི་རིགས་རྩ་གཏོར་གྱི་གཡོ་ཇུས་ཤིག་ཡིན་པས་མཐའ་གཅིག་ཏུ་དགག་པ་བྱ་རྒྱུ་ཡིན་ཞེས་འཁོད་འདུག...

འབར་མའི་མང་གཙོ་དོན་གཉེར་བ་ལྕམ་ཨང་སན་སུ་ཀི་ཕྱི་ལོ་༢༠༢༡ ནས་བཙོན་འཇུག་བྱས་ཡོད་པ་དང་། ཉེ་ཆར་ཁོང་བཙོན་ཁང་ནས་གློད་བཀྲོལ་བཏང་ཡོད་འདུག་ཀྱང་། བཟང་བཙོན་དུ་བཞག་ཡོད་པའི་གནས་ཚུལ་ཐོན་འདུག The post ཨང་སན་སུ་ཀི་གློད་བཀྲོལ་བཏང་ཡང་བཟང་བཙོན་དུ་བཞག་ཡོད་འདུག appeared first on བོད་ཀྱི་བང་ཆེན།.

དད་ལྡན་པ་ཡོངས་ནས་དུས་རབས་ཉེར་གཅིག་པའི་ནང་པ་ཞིག་ཡོང་བར་འབད་པ་ཞུ་དགོས་གལ་ཆེ་ཞེས་གསུང་འཕྲིན་བསྩལ་བ།

ལ་དྭགས་དང་བོད་དེ་བཞིན་ལོ་རྒྱུས་ཀྱི་ཐོག་ནས་ཚོང་འབྲེལ་དང་ནང་ཆོས་ཀྱི་ཐོག་ནས་འབྲེལ་བ་བཟང་པོ་ཡོད་སྐོར་གསུངས་པ།

[དྷ་རམ་སར།] ཕྱི་ལོ་༢༠༢༦ ཟླ་༤ ཚེས་༣༠ ཉིན། ཡུ་རོབ་གྲོས་ཚོགས་ཀྱིས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་“མི་རིགས་མཐུན་སྒྲིལ་གྱི་ཁྲིམས་ཡིག་”ཅེས་པར་སྐྱོན་བརྗོད་དྲག་པོ་བྱས་ནས་མང་མོས་ཀྱིས་གྲོས་ཆོད་ཅིག་བཞག་ཡོད་འདུག ཡུ་རོབ་གྲོས་ཚོགས་འཐུས་མི་ཚོས། ཕྱི་ལོ་༢༠༢༦ ཟླ་༧ ཚེས་༡ The post རྒྱ་ནག་གི་མི་རིགས་མཐུན་སྒྲིལ་གྱི་ཁྲིམས་ཡིག་ལ་སྐྱོན་བརྗོད་དང་དཔོན་རིགས་ཚོར་ཉེས་ཆད་འགེལ་དགོས་པའི་གྲོས་ཆོད་བཞག་འདུག appeared first on བོད་ཀྱི་བང་ཆེན།.

དེ་རིང་ཕྱི་ཟླ་ ༥ པའི་ཚེས་ ༡ ཉིན་གནས་བརྟན་སྡེ་པའི་ལུགས་ཀྱི་ས་ག་ཟླ་བའི་ཚེས་ ༡༥ སྟེ། བདག་ཅག་གི་སྟོན་པ་མཉམ་མེད་ཤཱཀྱ་ཐུབ་པ་སྐུ་བལྟམས་པ་དང༌། སངས་རྒྱས་པ། དེ་བཞིན་མྱ་ངན་ལས་འདས་ནས་མི་ལོ་ ༢༥༠༠ ལྷག་འཁོར་བའི་ Buddha Purnima ཞེས་དུས་ཆེན་ཁྱད་འཕགས་པ་གསུམ་འཛོམས་གྱི་ཉིན་མོ་ཡིན་པ་དང་བསྟུན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་ཐེག་ཆེན་ཆོས་གླིང་གཙུག་ལག་ཁང་དུ། གནས་བརྟན་སྡེ་པའི་ལུགས་ཀྱི་ས་ག་ཟླ་བའི་ཚེས་ ༡༥ ཉིན་གྱི་སྒྲུབ་མཆོད་ཀྱི་ཚོགས་དགོན་དུ་དབུ་བཞུགས་མཛད་པ་མ་ཟད། དེ་རིང་གི་ཉིན་མོ་དང་འབྲེལ་བའི་གསུང་འཕྲིན་ཞིག་སྩལ་འདུག་པ་དེའི་ནང་། མགོན་པོ་༸གང་ཉིད་མཆོག་གིས་དུས་རྟག་ཏུ་ནང་པ་སངས་རྒྱས་པའི་ཆོས་དད་འཛིན་མཁན་རྣམས་ལ་དུས་རབས་ ༢༡ པའི་ནང་པ་ཞིག་བྱེད་དགོས་པའི་སྐུལ་མ་མཛད་ཀྱི་ཡོད་པ་བཀའ་སྩལ་འདུག དེ་ཡང་དེ་རིང་གི་དུས་ཚིགས་ཁྱད་པར་ཅན་གྱི་ཉིན་མོ་དང་འབྲེལ་བའི་གསུང་འཕྲིན་གྱི་ནང་དུ། དེ་རིང་གི་ཉིན་མོ་འདི་ནི་ལོ་ངོ་ ༢༥༠༠ གོང་ལ་སངས་རྒྱས་ཤྭཀྱ་ཐུབ་པས་འཇིག་རྟེན་འདིར་ནང་པའི་ཆོས་ཀྱི་འོས་སྣང་སྩལ་བ་ཐུགས་དྲན་གསོ་དང་འབྲེལ། དུས་དེ་ནས་བཟུང་འཛམ་གླིང་འདིར་འགྱུར་བ་ཆེན་པོ་ཕྱིན་ཡོད་ནའང་། སངས་རྒྱས་ཀྱི་གསུང་དེ་དག་ད་ལྟའང་འབྲེལ་བ་ཆེན་པོ་ཡོད་པ་དང་། སངས་རྒྱས་ཀྱི་རྟེན་འབྲེལ་གྱི་གནས་ལུགས་ཟབ་མོ་དང་། གཞན་ལ་གནོད་པ་མི་བྱེད་པ། སེམས་ཅན་ཐམས་ཅད་ལ་ཕན་པ་སྒྲུབ་དགོས་པའི་སླབས་བྱ་དེ་དག་ནི། དུས་ཚོད་འཁྲུག་ཆ་དོད་པའི་ནང་ཉིན་རེའི་འཚོ་བའི་ནང་ཆེས་སྙིང་རྗེ་དང་ལག་ལེན་དུ་བསྟར་བདེ་བའི་ལམ་སྟོན་ཞིག་རེད་ཅེས་བཀའ་སྩལ་འདུག ༸མགོན་པོ་མཆོག་གིས་ད་དུང་། ངོས་ནས་གོ་སྐབས་ནམ་བྱུང་ལ་ནང་པའི་ཆོས་དད་འཛིན་མཁན་རྣམས་ལ་སངས་རྒྱས་ཀྱི་གསུང་དེ་དག་གི་དོན་ངོ་མ་འཚོལ་ཞིབ་བྱེད་རྒྱུ་དང་དེ་དག་ལག་ལེན་དུ་འཁྱེར་ཆེད་དུས་རབས་ ༢༡ པའི་ནང་པ་ཞིག་བྱེད་དགོས་པའི་སྐུལ་མ་མཛད་ཀྱི་ཡོད་པ་དང་། དེའང་ཉན་པ་དང་ཀློག་པ། ཐོས་པ་དང་བཀླགས་པ་ལ་གཏིང་ཟབ་པོར་བསམ་གཞིག་བྱེད་དེ།...

༄༅། །གནས་བརྟན་སྡེ་པའི་ལུགས་ལྟར་ན་ཕྱི་ལོ་ ༢༠༢༦ ཟླ་བ་ ༠༥ ཚེས་ ༡ དང་བོད་ཟླ་ ༠༣ ཚེས་ ༡༥ ཉིན་བདག་ཅག་གི་སྟོན་པ་མཉམ་མེད་ཤཀྱཱ་ཐུབ་པ་མཆོག་སྐུ་བལྟམས་པ་དང་། སངས་རྒྱས་པ། སྐུ་མྱ་ངན་ལས་འདས་པ་བཅས་དུས་ཆེན་གསུམ་འཛོམས་འཁེལ་ཡོད་པར་བརྟེན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནང་པའི་དད་ལྡན་དང་རྗེས་འབྲང་པ་རྣམས་ལ་གསུང་འཕྲིན་སྩལ་ཡོད།  དེ་ཡང་འཚམས་འཕྲིན་ནང་འཁོད་དོན། བདག་ཅག་གི་སྟོན་པ་སངས་རྒྱས་བཅོམ་ལྡན་འདས་སྐུ་བལྟམས་པ་དང༌། མངོན་པར་རྫོགས་པར་སངས་རྒྱས་པ། སྐུ་མྱ་ངན་ལས་འདས་པ་བཅས་དུས་ཚིགས་ཁྱད་པར་ཅན་གསུམ་འཛོམས་ཀྱི་ཉིན་མོ་འདིར་འཛམ་གླིང་སྤྱི་ཡོངས་ཀྱི་ནང་པའི་ཆོས་གྲོགས་ཡོངས་ལ་སྨོན་འདུན་དང་འཚམས་འདྲི་ཞུ་རྒྱུ་ཡིན། དུས་ཁྱད་པར་ཅན་གྱི་ཉིན་འདིར་ལོ་ངོ་ ༢༥༠༠ ལྷག་གི་གོང་ནས་སྟོན་པ་ཤཱཀྱ་ཐུབ་པས་འཇིག་རྟེན་འདིའི་ཐོག་བསྣམས་པའི་འོད་སྣང་འདི་ཉིད་ང་ཚོར་དྲན་སྐུལ་དང་། དུས་དེ་ནས་བཟུང་འཇིག་རྟེན་ཐོག་བློ་ཡུལ་ལས་འདས་པའི་འགྱུར་ལྡོག་ཤུགས་ཆེ་བྱུང་ཡོད་ཀྱང་སངས་རྒྱས་ཀྱི་བཀའ་དང་བསྟན་བཅོས་ནི་དེང་གི་དུས་སུའང་འབྲེལ་བ་ཆེན་པོ་ཆགས་ཡོད་པ་མ་ཟད། སྟོན་པ་བཅོམ་ལྡན་འདས་ཀྱི་བཀའ་སྩལ་བའི་རྟེན་འབྱུང་གྱི་ལྟ་བ་དང་། གཞན་ལ་གནོད་མ་སྐྱེལ་བར་གཞན་ཕན་གྲུབ་དགོས་པའི་བཀའ་སློབ་ལམ་སྟོན་ནི་རྙོག་འཛིང་གི་དུས་སྐབས་སུ་བྱམས་བརྩེ་དང་ལག་ལེན་ལྡན་པའི་འཚོ་ཐབས་ཀྱི་ལམ་སྟོན་ལེགས་ཤོས་ཤིག་ཡིན།  ངོས་ནས་དུས་རྒྱུན་དུ་ནང་པ་སངས་རྒྱས་པའི་རྗེས་འབྲང་རྣམས་ལ་དུས་རབས་ ༢༡ པའི་ནང་པ་ཞིག་བྱེད་དགོས་པའི་སྐུལ་མ་གཏོང་བཞིན་ཡོད། དེ་ཡང་ཆོས་ཀྱི་གནས་ལུགས་ངོ་མ་མཐིལ་ཕྱིིན་རྟོགས་པ་བྱེད་དེ་ཉམས་ལེན་བྱེད་རྒྱུ་དེ་ཡིན། དེ་ལྟར་ཡོང་བར་ནང་པ་སངས་རྒྱས་པའི་ཆོས་ལ་ཐོས་བསམ་སྒོམ་གསུམ་གྱི་ཐོག་ནས་རང་གི་རྒྱུད་ལ་ཡོངས་སུ་གོམས་པར་བྱེད་དགོས་ཀྱི་ཡོད། བདག་ཅག་གི་སྟོན་པ་སངས་རྒྱས་བཅོམ་ལྡན་འདས་སྐུ་འཁྲུངས་ནས་མི་ལོ་ ༢༥༧༠ འཁོར་བའི་དུས་ཚིགས་ཁྱད་པར་ཅན་འདིར་ནང་པའི་ཆོས་གྲོགས་ཕོ་མོ་ཡོངས་ལ་འཚམས་འདྲི་ཞུ་རྒྱུ་དང་། ཚང་མས་སངས་རྒྱས་ཀྱི་བཀའ་སློབ་དག་ཉིན་རེའི་འཚོ་བའི་ཁྲོད་ལག་བསྟར་གྱིས་འཛམ་གླིང་བདེ་སྐྱིད་དང་ཞི་བདེ་ལྡན་པ་ཞིག་བསྐྲུན་པར་ཞབས་འདེགས་སྒྲུབ་ཐུབ་པའི་སྨོན་འདུན་ཞུ་རྒྱུ་ཡིན། ཞེས་འཁོད་ཡོད་པ་བཅས། །