ཕྱི་ལོ་༢༠༢༦ ཟླ་༩ ཚེས་༢༨ ཉིན། ཁེ་ན་ཌར་གནས་སྡོད་གཡུང་དྲུང་བསྟན་འཛིན་ལགས་ཀྱིས་ཁེ་ན་ཌའི་རྒྱལ་ས་ཨོ་ཌ་ཝ་༼Ottawa༽ རུ། ཕྱི་སྲིད་བློན་ཆེན་གྱི་སྲིད་ཇུས་སློབ་སྟོན་པ་ལྕམ་སྐུ་ཨེ་ས་པལ་ (Esabelle) མཆོག་ལ་མཇལ་ཕྲད་གནང་སྟེ། The post གཡུང་དྲུང་བསྟན་འཛིན་གྱིས་ཁེ་ན་ཌའི་ཕྱི་སྲིད་བློན་ཆེན་གྱི་སྲིད་ཇུས་སློབ་སྟོན་པར་ཐུག་འཕྲད་ཀྱིས་དོན་ཚན་བཞི་ཅན་གྱི་ཞུ་སྙན་ཕུལ། appeared first on བོད་ཀྱི་བང་ཆེན།.

སྐྱབས་མགོན་ལགས། སྔོན་བསགས་བསོད་ནམས་ཀྱི་མཐུ་ལས་གཞིས་ལུས་བདག་ལ་གསེར་ལས་ལྷག་པའི་གོ་སྐབས་འདི་ཐོབ་བྱུང༌། གུས་པས་ཀྱང་ལྷག་བསམ་རྣམ་པར་དཀར་བའི་ཐོག་ནས་མགོན་པོ་མཆོག་ལ་སྐད་ཆ་འགའ་ཞུ་འདོད་བྱུང༌། The post གཞིས་ལུས་བོད་མི་ཞིག་གིས་༧གོང་ས་རྒྱལ་བ་རིན་པོ་ཆེ་མཆོག་ལ་ཕུལ་བའི་འཕྲིན་ཡིག་ཅིག appeared first on བོད་ཀྱི་དུས་བབ།.

འབྲུག་དང་རྒྱ་གར་གྱི་ས་མཚམས་ཉེ་འཁྲིད་དགེ་ལེགས་ཕུག་ཏུ་མཆོད་རྟེན་ལ་རབ་གནས་སོགས་ཀྱི་མཛད་རིམ་བང་སྒྲིག་འདུག

ད་ལོའི་བོད་ཀྱི་གློག་བརྙན་དུས་ཆེན་དེ་ཕྱི་ཟླ་ ༩ ཚེས་ ༡༨ ནས་ཕྱི་ཟླ་ ༡༡ ཚེས་ ༡༥ བར་དུ་སུད་སིའི་ཛུ་རིག་དང་། དྷ་རམ་ས་ལ། ལོན་ཌོན དྷ་རམ་ས་ལ། ཝ་ཤིན་ཊོན། ནེའུ་ཡོག་བཅས་སུ་འཚོག་གི་ཡོད་ཅིང་། ལོན་ཊོན་དུ་བོད་ཀྱི་གློག་བརྙན་དུས་ཆེན་ཐེངས་དྲུག་པའི་སྐབས་བོད་ཀྱི་གློག་བརྙན་ཐུང་ངུ་ལྔ་ལ་གཡག་རྟགས་མའི་ Yak Prize བྱ་དགའ་ཐོབ་ཡོད་འདུག The post ལོན་ཌོན་དུ་བོད་ཀྱི་གློག་བརྙན་དུས་ཆེན་ཐེངས་དྲུག་པ་འཚོགས། appeared first on བོད་ཀྱི་དུས་བབ།.

རྒྱ་ནག་གི་རྒྱལ་སྟོན་ཉིན་མོ་སླེབས་ལ་ཉེ་བ་དང་བསྟུན། ཊོ་རོན་ཊོ་པདྨ་བཀོད་གཞོན་ནུ་མཐུན་ཚོགས་ཀྱིས་ཟླ་བ་འདིའི་ཕྱི་ཚེས་ ༢༣ ནས་བོད་དོན་དྲིལ་བསྒྲགས་ཀྱི་ཞི་བའི་རྒྱང་རྒྱུག་ཐེངས་ ༧ པ་དབུ་འཛུགས་གནང་ཡོད་པ་དང་། དེ་རིང་ལས་འགུལ་གྱི་ཉིན་ ༦ པའི་ཁྲོད་ཁོང་རྣམས་ Belleville Trenton ས་གནས་སུ་འབྱོར་འདུག དེ་ཡང་མཐུན་ཚོགས་ཀྱིས་དེ་འབྲེལ་སྤྱི་ཚོགས་དྲྭ་ལམ་ཐོག་གནས་ཚུལ་སྤེལ་བར་གཞིགས་ན། ཉེ་ལམ་ཕྱི་ཟླ་ ༩ ཚེས་ ༢༣ ཉིན་ཊོ་རོན་ཊོ་པདྨ་བཀོད་གཞོན་ནུ་མཐུན་ཚོགས་ཀྱི་གོ་སྒྲིག་འོག །ཁུལ་དེར་གནས་སྡོད་མེའོ་ཆོས་འཕེལ་གླིང་གཞིས་ཆགས་ནས་ཡིན་པའི་བོད་མིའི་གཞོན་སྐྱེས་པདྨ་ཀུན་དགའ་ལགས་དང་། ཟླ་བ་ནོར་བུ་ལགས། སྐལ་ལྡན་དབང་ཕྱུག་ལགས། བདེ་ཆེན་དབང་འདུས་ལགས། འགྱུར་མེད་ཚུལ་ཁྲིམས་ལགས་བཅས་ནས་ཁེ་ན་ཌ་ Ottawa རྒྱ་ནག་གཞུང་ཚབ་ཁང་གི་མདུན་ནས་བོད་དོན་དྲིལ་བསྒྲགས་ཀྱི་ཞི་བའི་རྒྱང་རྒྱུག་གི་ལས་འགུལ་ཐེངས་ ༧ པ་དབུ་འཛུགས་གནང་ཡོད་པ་དང་།  རིང་མིན་ཕྱི་ཟླ་ ༡༠ ཚེས་ ༡ རྒྱ་ནག་གི་རྒྱལ་སྟོན་ཉིན་མོ་དང་བསྟུན་ནས་ཊོ་རོན་ཊོ་ Toronto རྒྱ་ནག་གཞུང་ཚབ་ཁང་གི་མདུན་དུ་ལས་འགུལ་དེ་ཉིད་མཇུག་སྒྲིལ་གནང་རྒྱུ་ཡིན་པ་རེད་འདུག མ་ཟད། ད་རེས་ཀྱི་ལས་འགུལ་དེའི་བརྒྱུད་ནས་རྒྱལ་སྤྱིའི་སྤྱི་ཚོགས་དང་ལྷག་པར་ཁེ་ན་ཌའི་གཞུང་ལ་གཙོ་བོ་ཉེ་ལམ་རྒྱ་ནག་གཞུང་གིས་བོད་ཀྱི་ཆོས་དང་རིག་གཞུང་སྐད་ཡིག་དང་བཅས་པ་རྩ་མེད་གཏོང་རྒྱུར་དམིགས་ནས་བོད་ནང་ལག་བསྟར་ཟིན་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེ་ཉིད་ཕྱིར་འཐེན་དགོས་པའི་ཐོག་རྒྱ་གཞུང་ལ་གནོན་ཤུགས་སྤྲད་དགོས་གལ་དང་། མཐོ་སྒང་བོད་ཀྱི་སྲུང་སྐྱོབ་ནི་འཛམ་གླིང་གི་སྣེ་གསུམ་པ་དང་ང་ཚོའི་གོ་ལ་སྲུང་སྐྱོབ་ཡིན་པའི་གོ་རྟོགས་སྤེལ་རྒྱུ། དེ་བཞིན་ཁྲིམས་འགལ་ཐོག་ནས་བཀའ་ཉར་དང་མནར་གཅོད་མྱོང་བཞིན་པའི་བོད་ཀྱི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པའི་ཐོག་ནས་གློད་བཀྲོལ་དགོས་པ་བཅས་ཀྱི་དགོས་འདུན་དོན་ཚན་གསུམ་ཆེད་འདོན་གནང་འདུག རྒྱང་རྒྱུག་ལས་འགུལ་བ་རྣམས་ནས་ལམ་བར་ཕྱི་རྒྱལ་བ་རྣམས་ལ་གོ་རྟོགས་སྤེལ་ཆེད་བོད་དོན་དྲིལ་བསྒྲགས་ཀྱི་གནད་དོན་འཁོད་པའི་ཤོག་ལྷེ་བགོ་འགྲེམས་མ་ཟད།...

ཡོང་རྒྱུའི་ཕྱི་ཟླ་ ༡༠ ཚེས་ ༡ སྟེ་རྒྱ་ནག་མི་དམངས་སྤྱི་མཐུན་རྒྱལ་ཁབ་འགོ་བཙུགས་ཏེ་ལོ་ངོ་ ༧༧ འཁོར་གྱི་ཡོད་པ་བསྟུན།  ཁ་སང་ཕྱི་ཚེས་ ༢༧ ཉིན་ཨོ་གླིང་དུ་བོད་མི་ཚུད་པའི་རྒྱ་ནག་གི་བཙན་གནོན་འོག་མྱོང་བཞིན་པའི་མི་རིགས་བཅས་ལྷན་འཛོམས་ཀྱིས་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་འདུག རྩ་བའི་རྒྱ་ནག་དམར་པོའི་རིང་ལུགས་པ་ཚོས་དེ་སྔ་ཕྱི་ལོ་ ༡༩༤༩ ལོའི་ཟླ་ ༡༠ ཚེས་ ༡ ཉིན་སྐབས་དེའི་རྒྱ་ནག་གི་གོ་མིང་ཏང་སྲིད་གཞུང་མགོ་རྟིང་བསློགས་ཏེ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཞེས་སྲིད་གཞུང་གསར་པ་འགོ་འཛུགས་བྱས་ཡོད་པ་དང་།  ཉིན་མོ་དེ་རྒྱ་ནག་གུང་ཁྲན་མང་ཚོགས་ཀྱིས་ལོ་འཁོར་དུས་དྲན་ཞིག་ཏུ་སྲུང་བརྩི་བྱེད་ཀྱི་ཡོད་ཀྱང་།  སྲིད་གཞུང་དེའི་འོག་མི་གྲངས་ས་ཡ་མང་པོའི་ཚེ་སྲོག་ཤོར་བའི་རྒྱུ་མཚན་གྱིས།  རྒྱ་ནག་དམར་ཤོག་ཚོགས་པ་དང་ལྟ་སྤྱོད་མི་མཐུན་མཁན་དང་རྒྱ་ནག་མང་གཙོ་དོན་གཉེར་བ་ཚོའི་ངོས་ནས་ཉིན་མོ་དེ་བཞིན་གདུང་སེམས་མཉམ་སྐྱེད་དང་སྦྲགས་ཏེ་ “Fall of China Day” ཞེས་རྒྱ་ནག་རྒྱལ་ཁབ་ཉམས་རྒུད་དུ་སོང་བའི་ཉིན་མོར་ངོ་རྒོལ་ལས་འགུལ་སྤེལ་བའི་ཐོག་ནས་སྲུང་བརྩི་ཞུ་ཡི་ཡོད་པ་རེད།  དེ་ཡང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན།  ཡོང་རྒྱུའི་ཕྱི་ཟླ་ ༡༠ ཚེས་ ༡ སྟེ་རྒྱ་ནག་མི་དམངས་སྤྱི་མཐུན་རྒྱལ་ཁབ་འགོ་བཙུགས་ཏེ་ལོ་ངོ་ ༧༧ འཁོར་གྱི་ཡོད་པར།   ཨོ་གླིང་གི་ Sydney གྲོང་ཁྱེར་ནང་ཁ་སང་ཕྱི་ཚེས་ ༢༧ ཉིན་རྒྱ་ནག་དམར་ཤོག་ཚོགས་པའི་བཙན་གནོན་འོག་མྱངས་པའི་ཨོ་སྟྲེ་ལི་ཡ་དང་ནིའུ་ཛི་ལེནྜ་ཁུལ་དུ་གནས་སྡོད་རྒྱ་རིགས་མཐུན་ཕྱོགས་རུ་ཁག་ནས་སྐབས་དེའི་ཚེ་དེའི་དུས་སུ་རྒྱ་ནག་གུང་ཁྲན་གྱི་དྲག་རྒོལ་འོག་ཚེ་སྲོག་ཤོར་བ་རྣམས་ལ་གདུང་སེམས་མཉམ་སྐྱེད་དང་ད་ལྟའི་རྒྱ་ནག་གི་སྲིད་གཞུང་ལ་ངོ་རྒོལ་མཚོན་བྱེད་དུ་རྔམ་སྟོན་ཁྲོམ་སྐོར་གྱི་ལས་འགུལ་ཞིག་སྤེལ་འདུག་པ་དང་།  ཁ་སང་གི་ཉིན་མོ་དེ་བཞིན་དེ་སྔ་ཕྱི་ལོ་...

བོད་དང་བལ་ཡུལ་གྱི་ས་མཚམས་ཏེ། བལ་ཡུལ་གྱི་མ་ནང་ (Manang) རྫོང་ཁོངས་སུ་ཆགས་པའི་བོད་དང་ས་འབྲེལ་གྱི་ཧིམ་ལུང་ཧི་མལ་རི་རྩེ་ནས་གངས་རུད་བརྒྱུགས་ཏེ་མི་བཞི་རྐྱེན་འདས་དང་། རི་འཛེགས་མཁན་དང་རོགས་པ་བྱེད་མཁན་མི་ ༡༠ ད་དུང་གར་སོང་ཆ་མེད་དུ་གྱུར་ཡོད། The post བོད་དང་བལ་ཡུལ་གྱི་ས་མཚམས་སུ་བསྐྱར་དུ་རང་བྱུང་གོད་ཆག་བྱུང་། appeared first on བོད་ཀྱི་དུས་བབ།.

ལས་འགུལ་བ་བསོད་ནམས་དབང་ཕྱུག་གིས་བོད་མི་རྣམས་ལ་དགོངས་སེལ་ཞུས་པ་དང་སྦྲགས་བོད་མི་རྣམས་དང་ལ་དྭགས་པ་རྣམས་མཉམ་འབྲེལ་གྱིས་ལས་དོན་གཉེར་རྒྱུ་གལ་ཆེན་ཡིན་སྐོར་སོགས་བརྗོད་འདུག The post བསོད་ནམས་དབང་ཕྱུག་གིས་བོད་མི་རྣམས་ལ་དགོངས་སེལ་ཞུས།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༢༨ ཉིན་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཚོགས་ཁང་གསར་པའི་ནང་ཤེས་རིག་ལས་ཁུངས་ཀྱི་གོ་སྒྲིག་འོག་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པ་བསྐོང་ཚོགས་གནང་ཡོད་ཅིང་། སྐབས་དེར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གཙོས་པས་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག ཤེས་རིག་དྲུང་ཆེ་ཀརྨ་ཆོས་དབྱིངས་ལགས། བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གི་ཚོགས་གཙོ་བཀའ་ཟུར་ཐུབ་བསྟན་ལུང་རིགས་མཆོག དེ་བཞིན་ཤེས་ལྷན་འགན་འཛིན་དྲུང་འཕར་བསྟན་འཛིན་པདྨ་ལགས།  དེང་རབས་ཤེས་ཡོན་ཚན་པའི་འགན་འཛིན་འཇམ་དབྱངས་དབང་རྒྱལ་ལགས། སྲོལ་རྒྱུན་ཤེས་ཡོན་ཚན་པའི་འགན་འཛིན་དངོས་གྲུབ་བསྟན་པ་ལགས། ཤེས་རིག་ཟུང་དྲུང་དགེ་འདུན་དོན་ཡོད་ལགས། ཤེས་རིག་དྲུང་གཞོན་བསྟན་འཛིན་དཔལ་ལགས། སློབ་དཔོན་བསོད་ནམས་རྒྱལ་མཚན་ལགས། སྒང་ཏོག་དཔལ་ཁང་སློབ་གཉེར་ཁང་གི་སློབ་སྤྱི་སྤྱི་ཟུར་ཉི་མ་དོན་གྲུབ་ལགས། དགེ་བཤེས་ལྷ་རམས་པ་བློ་གྲོས་བཟང་པོ་ལགས། དྷ་ས་བོད་ཁྱིམ་སྤྱི་ཁྱབ་ཤེས་ཡོོན་ངེས་སྟོན་པ་ངག་དབང་ལྷ་མོ་ལགས། མ་སུ་རི་བོད་ཁྱིམ་ཤེས་ཡོན་འགན་འཛིན་རིག་འཛིན་ཟླ་བ་ལགས། སཾ་བྷོ་ཊའི་སྤྱི་ཁྱབ་འགན་འཛིན་གཞོན་པ་བསྟན་འཛིན་ངག་སྒྲོན་ལགས་བཅས་ལྷན་ཞུགས་ཀྱིས་དབུ་འབྱེད་མཛད་སྒོ་ཚོགས་གནང་ཡོད། དེ་ཡང་མཛད་སྒོའི་ཐོག་མར་ཤེས་ལྷན་འགན་འཛིན་བསྟན་འཛིན་པདྨ་ལགས་ཀྱིས་ཕེབས་བསུའི་འཚམས་འདྲི་དང་སྦྲགས། ལྷན་ཚོགས་ཀྱི་ཚོགས་གཙོ་གཙོས་པའི་ཚོགས་མི་རྣམ་པའི་ངོ་སྤྲོད་དང་། ལྷན་ཚོགས་ཀྱི་དམིགས་ཡུལ་དང་ཐེངས་འདིའི་གྲོས་གཞི་ཁག་ངོ་སྤྲོད་གནང་གྲུབ་མཚམས། བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གི་ཚོགས་གཙོ་བཀའ་ཟུར་ཐུབ་བསྟན་ལུང་རིགས་མཆོག་གིས་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་ནི་ཤེས་ཡོན་སྲིད་བྱུས་འོག་ནས་བྱུང་བ་ཞིག་ཡིན་པ་དང་། བོད་པའི་སློབ་གྲྭ་ཁག་གི་ནང་ཤེས་ཡོན་སྲིད་བྱུས་ལག་བསྟར་ཡང་དག་ཡོང་བར་ཚོགས་མི་རྣམས་ནས་ཤེས་ཡོན་སྲིད་བྱུས་ཀྱི་རྒྱབ་ལྗོངས་དང་དམིགས་ཡུལ། བྱུང་རིམ་རྣམས་ལ་ངེས་པར་དུ་གོ་རྟོགས་གཏིང་ཟབ་དགོས་གལ་དང་འབྲེལ། ཁོང་ཉིད་དེ་སྔོན་ཤེས་ཡོན་སྲིད་བྱུས་གཏན་འབེབས་གནང་བའི་སྐབས་དངོས་སུ་ཡོད་པའི་ཆ་ནས་སྲིད་བྱུས་དེའི་ལོ་རྒྱུས་ཀྱི་རྒྱབ་ལྗོངས་རྣམས་ངོ་སྤྲོད་གནང་སྟེ། སྲིད་བྱུས་དེ་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་པ་དང་། བཅའ་ཁྲིམས་ཀྱི་ལུང་། མང་ཚོགས་དང་གྲོས་ཚོགས་ཀྱི་རྒྱབ་སྐྱོར་འོག་གཏན་འབེབས་གནང་བ་ཞིག་ཡིན་པ་འགྲེལ་བརྗོད་གནང་སོང་། དེ་རྗེས་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་དཔལ་ལྡན་སྲིད་སྐྱོང་གཙོས་པས་ཚོགས་མི་ཡོངས་ལ་འཚམས་འདྲི་ཞུས་པ་དང་ཆབས་ཅིག ཤེས་ཡོན་སྲིད་བྱུས་ནི་ཕྱི་ལོ་ ༢༠༠༤ ལོར་སྐབས་དེའི་བཀའ་ཤག་དང་གྲོས་ཚོགས་ནས་གཏན་འབེབས་གནང་སྟེ་ཕྱི་ལོ་ ༢༠༠༥ ལོར་སློབ་གྲྭ་ཟུར་འཛུགས་ཀྱིས་ལག་བསྟར་གནང་ནས་རིམ་བཞིན་སློབ་གྲྭ་གཞན་ཁག་གི་ནང་ལག་བསྟར་གནང་འགོ་འཛུགས་པའི་སྐོར་དང་། སྐབས་དེར་བོད་མིའི་སྤྱི་ཚོགས་ནང་ཤེས་ཡོན་སྲིད་བྱུས་དེ་ལྟ་བུ་གཏན་འབེབས་གནང་བ་ནི་གཟི་བརྗིད་ཅན་ཞིག་དང་སྤྱི་ཚོགས་ལ་ཕན་རླབས་ཆེན་པོ་ཞིག་ཡིན་ཞིང་།...

"ང་ཚོས་རང་བཙན་ལ་རྒྱབ་སྐྱོར་བྱེད་ཀྱི་མེད་ལ། བཙན་ཤེད་དང་ཐུབ་ཚོད་གཏོང་བའི་ལས་ཀར་ཡང་རྒྱབ་སྐྱོར་བྱེད་ཀྱི་མེད་" ཅེས་རྒྱ་ནག་ཏུ་བཞུགས་པའི་ཨ་རིའི་གཞུང་ཚབ་པས་བརྗོད་འདུག The post ཨ་རྒྱ་གཉིས་ཀྱི་སྲིད་འཛིན་བར་ཐུག་འཕྲད་གནང་རྗེས་ཨ་རིས་ཐའེ་ཝན་ལ་འཛིན་པའི་སྲིད་ཇུས་ལ་འགྱུར་བ་མེད་ཅེས་བརྗོད། appeared first on བོད་ཀྱི་བང་ཆེན།.

ཕྱི་ལོ་༢༠༢༤ ཟླ་བ་༡ ཚེས་༡ ཉིན་ནས་ད་བར་ཁྱོན་ཐའེ་ཝན་གྱི་མི་སེར་༤༤༩ རྒྱ་ནག་ནང་བཀག་ཉར་བྱས་ཡོད་པ་དང་། དེ་དག་ཁྲོད་ནས་མི་༡༦༨ གར་སོང་ཆ་མེད་དུ་གྱུར་འདུག The post རྒྱ་ནག་ནང་ཐའེ་ཝན་གྱི་མི་སེར་༤༤༩ བཀག་ཉར་བྱས་པའི་ཁྲོད་༡༦༨ གར་སོང་ཆ་མེད་དུ་གྱུར།  appeared first on བོད་ཀྱི་བང་ཆེན།.

སྤྱིར་བཏང་བོད་ཀྱི་དུས་བབ་གསར་ཤོག་དབུ་བརྙེས་ནས་མི་ལོ་ ༣༠ འཁོར་བའི་དུས་ཆེན་ཁྱད་པར་ཅན་འདིར། མགོ་ལས་རྣམ་པ་ཡོངས་ལ་འཚམས་འདྲི་བཀྲ་ཤིས་བདེ་ལེགས་ཞུ་བ་དང་འབྲེལ་ནས། རང་ཉིད་ཡུན་རིང་གི་ཀློག་པ་པོ་ཞིག་ཡིན་པའི་ཆ་ནས་མི་ལོ་སུམ་ཅུའི་རིང་གི་དུས་བབ་བཀླགས་པའི་མྱོང་ཚོར་དང་འབྲེལ་བའི་བསམ་ཚུལ་འགའ་ཞུ་འདོད་ཡོད། The post མི་ཡུལ་འདིར་བོད་ཀྱི་དུས་བབ་གསར་ཤོག་དབུ་བརྙེས་ནས་མི་ལོ་སུམ་ཅུ་འཁོར་བ་ལས་འཕྲོས་པའི་གཏམ། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པའི་ཚོགས་དུས་མཐའ་མའི་ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་གྲོས་ཚོགས་ཚོགས་དུས་གཉིས་པའི་མཇུག་བསྡོམས་གསུང་བཤད་གནང་དོན། དེ་རིང་སྐབས་བཅོ་བརྒྱད་པའི་གྲོས་ཚོགས་ཀྱི་ཚོགས་དུས་གཉིས་པ་དེ་ལས་བསྡོམས་ཀྱི་གྲོས་ཚོགས་ཆགས་ཀྱི་ཡོད། དེ་ཡིན་དུས་འདིའི་ནང་ལ་ལྷན་ཁང་ཁག་གི་ལས་བསྡོམས་རྒྱས་པ་དང་བསྡུས་པ་ཡོངས་རྫོགས་ལ་སྤྱི་འཐུས་རྒྱུན་ལས་དང་། དེ་བཞིན་བཀུར་འོས་སྤྱི་འཐུས་རྣམ་པས་གྲོས་ཚོགས་ནང་ལ་ཆ་ཤས་བཞེས་པའི་བརྒྱུད་རིམ་ནང་ལ་བཀུར་འོས་སྤྱི་འཐུས་རྣམ་པ་ས་བགོས་ཁག་ལ་ཕྱོགས་ཕེབས་གནང་བ་དང་། དེ་བཞིན་མི་མང་གི་སྐུ་ཚབ་མཚོན་པའི་ཐོག་ནས་མི་མང་གི་བདེ་བ་སྡུག་བསྔལ་དང་རེ་འདུན་ག་རེ་ཡིན་པ་དེ་དག་ཚང་མ་ལྷན་ཁང་ཁག་ལ་ཞུ་རྒྱུའི་གོ་སྐབས་བྱུང་བ་ཙམ་དུ་མ་ཟད། གནད་དོན་སྣ་མང་གི་ཐོག་ལ་བཀའ་བློན་རྣམ་པ་ཚོས་བཀུར་འོས་སྤྱི་འཐུས་རྣམ་པའི་ཐུགས་དོགས་དང་། མི་མང་གི་རེ་བ་དེ་འགྲུབ་ཐུབ་རྒྱུ་ཡོད་མེད་ཀྱི་གནས་སྟངས་ག་རེ་ཡོད་མེད་དེ་གསལ་པོ་ཞིག་ཆགས་ཀྱི་ཡོད་པ་རེད་ཅེས་ཞུ་རྒྱུ་ཡིན། དེ་ནས་བཀུར་འོས་སྤྱི་འཐུས་རྣམ་པས་ཆ་ཤས་ལེན་སྟངས་ལ་མཚོན་པ་ཡིན་ན། ནང་སྲིད་ལས་ཁུངས་ལ་བཀུར་འོས་སྤྱི་འཐུས་ ༤༣ གྱིས་ཆ་ཤས་ལེན་ཡོད་པ་རེད། དེ་ནས་འཕྲོད་བསྟེན་ལས་ཁུངས་ཀྱི་ཐོག་ལ་དུས་ཚོད་རྐྱེན་པས་བཀུར་འོས་སྤྱི་འཐུས་ ༡༧ གྱིས་ཆ་ཤས་ལེན་ནས་ལྷན་ཁང་ཚང་མའི་ནང་ལ་ཆ་སྙོམས་ཀྱིས་མར་བརྩིས་པ་ཡིན་ན། བཀུར་འོས་སྤྱི་འཐུས་ ༢༩།༢༩ ཡི་ཆ་སྙོམས་ཀྱིས་ཆ་ཤས་ལེན་པ་དེ་ལྟར་ཆགས་ཀྱི་ཡོད་ཅེས་ཞུ་རྒྱུ་གཅིག་ཡིན། དེ་ཡིན་དུས་དཔེར་ན། ང་རང་ཚོ་འཐབ་རྩོད་བྱེད་མཁན་གྱི་མི་རིགས་ཤིག་ཡིན་པའི་ཆ་ནས་མིའི་སྤུས་ཚད་དེ་གལ་ཆེན་པོ་ཞིག་ཡིན་པ་དང་། ཕྲུ་གུ་གསོ་སྐྱོང་གི་ཐོག་ནས་དེང་སང་དེང་རབས་ཀྱི་བཟའ་འཐུང་གིས་རྐྱེན་པས་ཕྲུ་གུར་ནད་ན་ཚ་སྔར་གོ་མ་མྱོང་བ་མང་པོ་ཞིག་ཡོང་གི་ཡོད་པ་དང་། དེ་འདྲའི་གནས་བབ་ཀྱི་ཐོག་ནས་ང་ཚོར་སེམས་འཚབ་དེ་འདྲ་མ་ཡོང་བའི་ཆེད་དུ་ཐབས་ལམ་བཙལ་དགོས་པ་གལ་ཆེན་པོ་ཞེ་པོ་ཞིག་བྱུང་ཡོད། ཚོགས་གཙོའི་ཐོག་ནས་དེ་གལ་ཆེན་པོ་ཞེ་པོ་ཞིག་བརྩི་ཡི་ཡོད། གང་ཡིན་ཟེར་ན། རྒྱ་ནག་ནང་ལོགས་ལ་ང་རང་ཚོའི་གཞིས་བཞུགས་བོད་མི་རྣམས་ལ་ཁྱིམ་ཚང་གཅིག་ལ་ཕྲུ་གུ་གཅིག་ཙམ་བྱས་ནས་གནས་བབ་ཀྱི་ཐོག་ནས་ཕྲུ་གུ་མང་པོ་ཞིག་སྐྱེས་པ་ཡིན་ནའང་ཐེམ་ཐོ་མ་རག་པར་བཟའ་འཐུང་གི་དཀའ་ངལ་འཕྲད་པའི་དཀའ་ངལ་དེ་འདྲ་ཡོད་པ་རེད། ང་རང་ཚོ་འདིར་རང་དབང་ལུང་པའི་ནང་ལ་ཕྲུ་གུ་ག་ཚོད་སྐྱེས་སྐྱེས་ཡོད་རེད་དེ། ཕྲུ་གུའི་སྐྱེས་ཚད་དེ་ལ་ཆ་བཞག་པ་ཡིན་ན་ལོ་རེ་ནས་ལོ་རེར་ཉུང་དུ་འགྲོ་ཡི་ཡོད་པའི་གནས་སྟངས་ཤིག་རེད། དེ་དག་ཉུང་དུ་འགྲོ་བ་དང་མཉམ་དུ་གང་སྐྱེས་པ་དེ་དག་ཀྱང་ན་ཚ་འདྲ་མིན་གྱིས་རྐྱེན་པས་སེམས་ཁམས་རེད། སྐད་ཆ་བཤད་རྒྱུའི་དཀའ་ངལ་ཡོད་པ་ཞིག་སྐྱེས་པ་ཡིན་ན་རང་བཞིན་གྱིས་ང་ཚོ་འཐབ་རྩོད་བྱེད་མཁན་གྱི་མིའི་ནུས་པ་དེ་ཉམས་ཆག་འགྲོ་ཡི་ཡོད་པ་དེ་ང་ཚོའི་ཞན་ཆ་རེད། དེར་བརྟེན་སོ་སོ་ཨ་མ་ཞིག་དང་དགེ་རྒན་ཞིག་ཡིན་པའི་ཆ་ནས་ཕྲུ་གུ་བྱིས་པ་ཟེར་མཁན་དེ་དང་པོ་སྐྱེད་མར་འཁོར་ཡོང་བའི་སྐབས་སུ་སྦྲུམ་མའི་གནས་སྐབས་ལ་མ་ཡི་ཟས་བཅུད་བསྟེན་སྟངས། སྨན་བསྟེན་སྟངས་དེ་དག་གལ་ཆེན་པོ་ཞེ་པོ་ཆགས་ཀྱི་ཡོད་པ་རེད། དེ་ཙམ་དུ་མ་ཟད་པའི་ང་ཚོ་བོད་པ་གཙང་མ་ཞིག་སྐྱེས་དགོས་ཀྱི་འདུག་ན། མ་འདི་ཡིས་བོད་ཀྱི་ཡི་གེ་དང་སྐད། བོད་ཀྱི་གཞས། ཁྱིམ་ཚང་རང་གི་ནང་ལ་བོད་ཀྱི་ཁོར་ཡུག་དེ་བསྐྲུན་དགོས་པ་དེ་གལ་ཆེན་པོ་ཞིག་ཆགས་ཀྱི་ཡོད་པ་རེད། རྒྱ་བལ་འབྲུག་གསུམ་ལ་ཆ་བཞག་པ་ཡིན་ན་ང་ཚོར་ཁོར་ཡུག་འདི་གང་ལ་གང་འཚམ་ཞིག་ཡོད་བསྡད་པ་རེད། ཡིན་ནའང་ཕྱི་རྒྱལ་གྱི་རྒྱལ་ཁབ་ལ་ཡོད་པའི་ཕྲུ་གུ་བུ་རྒྱུད་དེ་དག་བོད་ཀྱི་སྐད་ཡིག་དང་། བོད་ཀྱི་རིག་གཞུང་། བོད་ཀྱི་གནས་བབ་ཀྱི་ཁོར་ཡུག་དེ་མེད་པའི་རྐྱེན་རང་བཞིན་གྱིས་དཀའ་ངལ་ཞིག་ཆགས་ཀྱི་ཡོད་དུས། སྦྲུམ་མའི་གནས་སྐབས་ནས་ཕ་མ་ཚོས་དེའི་ཐོག་ལ་བསམ་གཞིག་བྱེད་དགོས་རྒྱུ།...

  ༄༅། །འདི་གར་བདེ་སྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༩ ཚེས་ ༢༧ ཉིན་དཔལ་ལྡན་བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག་བོད་ཀྱི་དགུ་བཅུ་གསུམ་ལས་འགུལ་ཚོགས་པས་གོ་སྒྲིག་གནང་བའི་བོད་ནང་གི་ཞི་རྒོལ་ལས་འགུལ་སྐོར་གྱི་པར་རིས་འགྲེམས་སྟོན་དང། ཚོགས་པ་བཙུགས་ནས་ལོ་ངོ་ ༣༥ འཁོར་བའི་དུས་དྲན་སྲུང་བརྩིའི་མཛད་སྒོའི་སྐུ་མགྲོན་གཙོ་བོར་ཆེད་ཕེབས་གནང་ཡོད།   དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༠ པའི་ཐོག་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ངག་དབང་འོད་འབར་ལགས་ནས་བདེ་སྲུང་བཀའ་བློན་མཆོག་ལ་ཕེབས་བསུ་དང་ཆབས་ཅིག ཚོགས་པའི་ཚོགས་ཁང་གི་སྒོ་འགྲམ་ནས་དཔལ་ལྡན་བདེ་སྲུང་བཀའ་བློན་མཆོག་གིས་པར་རིས་འགྲེམས་སྟོན་དབུ་འབྱེད་གནང་། ཚོགས་གཞོན་ངག་དབང་འོད་འབར་ལགས་ནས་མི་ལོ་ ༤༠ སྔོན་གྱི་ཞི་རྒོལ་གྱི་རྣམ་པ་མཚོན་པའི་པར་རིས་ཁག་ངོ་སྤྲོད་སྙིང་བསྡུས་དང་། བཀའ་བློན་མཆོག་གིས་སྣང་གསལ་མར་མེ་ཞལ་ཕྱེ་གནང་རྗེས། ཚོགས་གཞོན་ནས་ཉིན་མོ་སྲུང་བརྩི་དང་འབྲེལ་བའི་ངོ་སྤྲོད་གསུང་བཤད་སྙིང་བསྡུས་གནང་གྲུབ་རྗེས་དཔལ་ལྡན་བཀའ་བློན་མཆོག་ནས་གསུང་བཤད་གནང་སྐབས་གསུང་དོན། དེ་རིང་གི་ཉིན་མོ་འདི་བཞིན་བོད་ཀྱི་དགུ་བཅུ་གསུམ་ལས་འགུལ་ཚོགས་པ་བཙུགས་ནས་མི་ལོ་ ༣༥ འཁོར་བ་དང་། བོད་ཀྱི་ཉེ་རབས་ལོ་རྒྱུས་ལ་ཕྱིར་མིག་གཟིགས་ནས། བོད་ཀྱི་རྩ་དོན་ཆེད་དུ་རྒྱལ་གཅེས་པ་རྣམས་ཀྱིས་རྒྱ་དམར་གཞུང་ལ་ངོ་རྒོལ་བྱས་པའི་ལོ་རྒྱུས་རང་བཞིན་ལྡན་པའི་རྩ་ཆེའི་པར་རིས་ཁག་བསྐྱར་གསོ་ཐུབ་སྟེ། སླར་ཡང་འགྲེམས་སྟོན་གནང་ཐུབ་པར་བསྔགས་བརྗོད་གནང་།གཞིས་བྱེས་གཉིས་དབར་གཉེན་འཕྲད་དང་ཕན་ཚུན་འགྲོ་འོང་འགོ་ཚུགས་རྗེས། མི་རབས་གསར་པའི་ཞི་རྒོལ་ལས་འགུལ་སྤེལ་མཁན་རྣམས་ལ་རྒྱ་དམར་གཞུང་གིས་མནར་གཅོད་ཚད་མེད་བཏང་བའི་ལོ་རྒྱུས་མཚོན་ཐུབ་པའི་པར་རིས་རྣམས། བོད་ནང་ཞུགས་མཁན་ཚོས་ཉེན་ཁར་མ་འཛེམས་པར་ཐབས་ཤེས་སྣ་ཚོགས་བཏང་སྟེ་བཙན་བྱོལ་རང་དབང་ལུང་པའི་ནང་འབྱོར་ཐུབ་པ་བྱུང་བ་དེ་ཡིས། ད་ལྟ་དང་མ་འོངས་མི་རབས་རྣམས་ལ་བོད་ཀྱི་ལོ་རྒྱུས་མ་བརྗེད་དྲན་གསོ་གཏོང་རྒྱུར་ཕན་རླབས་ཧ་ཅང་ཆེན་པོ་བྱུང་ཡོད།    པར་རིས་འདི་རིགས་ཉར་ཚགས་མ་ཐུབ་པ་བྱུང་ཚེ། མ་འོངས་མི་རབས་རྣམས་ནས་ལོ་རྒྱུས་བརྗེད་ཉེན་ཡོད་སྟབས། འདི་དག་ལ་འགྲེལ་བརྗོད་དང་བཅས་རྒྱུན་རིང་ཉར་ཚགས་ཐུབ་ཐབས་ལ་འབད་བརྩོན་ཡོད་རྒུ་གནང་དགོས་པའི་སྐོར་དང་། གཞུང་ཁོངས་མ་ཡིན་པའི་ཚོགས་པ་ཁག་གིས་ཀྱང་པར་རིས་དེ་དག་གི་གོ་རྟོགས་ལས་འགུལ་སྤེལ་སྐབས་ནོར་འཁྲུལ་མེད་པའི་སྒོ་ནས་འགྲེལ་བརྗོད་ཐུབ་པ་དགོས་པའི་འབོད་སྐུལ་གནང་། ཕྱོགས་མཚུངས་ཚོགས་པ་ཁག་ནས་རྒྱལ་གཅེས་པ་རྣམ་པའི་ལོ་རྒྱུས་དཔེ་དེབ་འདོན་སྤེལ་གནང་ཐབས་བྱུང་ཚེ་དགེ་མཚན་ཡོད་པ་གསུངས།གཞན་ཡང་བཀའ་བློན་མཆོག་གིས་མུ་མཐུད་ནས། དེ་རིང་འགྲེམས་སྟོན་གནང་བའི་པར་རིས་དེ་དག་བཙན་བྱོལ་རང་དབང་ལུང་པར་འབྱོར་ཐབས་སུ་མིང་མེད་པའི་ཐོག་ནས་སྐུ་ལས་མང་པོ་བཀྱོན་མཁན་བོད་ནང་ཡོད་བཞིན་པ་དང་།...

༧རྒྱལ་བའི་བཀའ་དྲིན་རྗེས་དྲན་གྱི་གཟེངས་རྟགས་ཆོས་ཀྱི་འཁོར་ལོ་ཞེས་པ་ཞིག་འབུལ་བཞེས་མཛད་སོང་།

དེ་རིང་ཕྱི་ལོ་ ༢༠༢༦ ཟླ་ ༩ ཚེས་ ༢༦ ཉིན་ཆུ་སྲིབ་ཚང་ཐེབས་རྩ་ཚོགས་པའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བསྟན་འགྲོའི་མགོན་དུ་ཞབས་པད་མི་ཤིགས་ཚེ་མཐའ་ཡས་ཀྱི་ངོ་བོར་བརྟན་པར་བཞུགས་པའི་ཆེད་མདོ་ལུགས་ཆོ་གའི་སྒོ་ནས་གཟིམ་ཆུང་བརྟན་བཞུགས་དང་བཀའ་དྲིན་རྗེས་དྲན་གྱི་གཟེངས་རྟགས་ཆོས་ཀྱི་འཁོར་ལོ་ཤིག་འབུལ་བཞེས་གནང་སོང་། དེ་ཡང་དེ་རིང་ཆུ་སྲིབ་ཚང་ཐེབས་རྩ་ཚོགས་པའི་འགན་འཛིན་དགའ་ལྡན་ཤར་རྩེ་ཉག་རེ་ཁང་ཚན་གྱི་དགེ་བཤེས་བསྟན་འཛིན་རྟ་མགྲིན་མཆོག་དང་།

                             རྩོམ་པ་པོ། སྐུ་ཞབས་རཱ་ཇིབ་མེ་རོ་ཏྲ།    རྒྱ་གར་རྒྱལ་སྤྱིའི་བསྟི་གནས་ཁང་། དགུན་དུས།  ༢༠༢༥ དང་དཔྱིད་ཀ་ ༢༠༢༦    ང་ཚོའི་དུས་སྐབས་འདིར་རིས་མེད་ཀྱི་འཆར་སྣང་། ལོ་ངོ་བཅུ་ཕྲག་འགའི་སྔོན་དུ༸གོང་ས་ཏཱ་ལའི་བླ་མ་མཆོག་གི་འགྲུལ་བཞུད་སྐབས་སུ་ངས་ལྷན་བཅར་ཞུས་མྱོང་ཡོད། འགྲུལ་བཞུད་དེ་དག་དུས་ཐུང་གི་འགྲུལ་བཞུད་དེ་འདྲ་མ་རེད། དེ་ནི་དཔལ་འབྱོར་གྱིས་ཕྱུག་ཅིང་། ངོ་མཚར་ལྡན་པའི་བཟོ་བཀོད་ཕུན་སུམ་ཚོགས་པའི་གནའ་བོའི་མཁར་དང་ལྷ་ཁང་སོགས་ལོ་རྒྱུས་ཁྲོད་ཁྲག་གི་དྲི་བྲོ་བའི་འཐབ་འཛིང་དང་། འཐེན་འཁྱེར་ཆེ་བའི་ས་ཁུལ་ཁག་ཏུ་མཆོད་མཇལ་གྱི་འགྲུལ་བཞུད་བྱེད་པའི་དུས་སྐབས་ཤིག་རེད། སྐྱོ་གདུང་དང་དད་པ་ཅིག་ཅར་ལྷག་ཏུ་འཆར་བའི་ཡེ་ཤུ་དང་ཇེའུ། ཁ་ཆེའི་ལྷ་ཁང་བཅས་ལོ་རྒྱུས་ཁྲོད་འཁྲུག་འཛིང་ཡང་ཡང་བྱུང་བའི་གནས་ས་གཅིག་ནས་གཞན་དུ་ཕེབས་སྐབས། ཁོང་གིས་གནས་ས་སོ་སོར་ཞི་བདེས་དག་སྣང་སྦྱངས་ཤིང་། ཇིའུ་གཟའ་སྐར་ཚེས་བཟང་ཉིན་ཁོང་གིས་ཇིའུ་མཆོད་ཁང་ནང་ཡིད་གཟབ་ཆེན་པོས་གུས་བརྩི་ཞུས་ཤིང་། ཡེ་ཤུའི་ལྷ་ཁང་ནང་སྨོན་ལམ་ཚུགས་སྐབས་ཆེད་མངགས་ཕེབས་ནས་གུས་འདུད་མཛད་པ་དང་། ཁ་ཆེའི་ཨལ་ཨཀྶའི་ལྷ་ཁང་ནང་དུ་མ་ཕེབས་གོང་ནས་༸ཞབས་ལྷམ་ཕྱིར་ཕུད་མཛད་དེ་ནུབ་ཀྱི་ལྡེབས་གྱང་མདུན་དུ་སྐུ་ཙོག་པུར་བཞུགས་ནས་ཐུགས་སྨོན་རྒྱ་ཆེས་མཚམས་སྦྱོར་མཛད། ཧཻ་ཕའི་བྷ་ཧཱའི་ལྷ་ཁང་གི་ཡངས་སྟེང་ཁྱམས་རའི་སྟེང་ཕེབས་སྐབས། བྷ་ཧཱའི་རྗེས་འབྲང་པ་ཚོས་གཟི་བརྗིད་ལྡན་པའི་ངང་ནས་བཙན་བྱོལ་དུ་གྱར་བའི་གནས་བབས་དེས་བོད་མིས་རང་ཡུལ་གྱར་བའི་གནས་སྟངས་ཐུགས་དྲན་གསོ་མཛད། ཇིའུ་མི་རིགས་སྡེབ་གསོད་བཏང་བའི་རྗེས་དྲན་ཚོགས་ཁང་ཡཱད་ཝ་ཤམ་དུ་ཕེབས་སྐབས། ཁོང་གིས་མགོ་བོ་དུད་དེ་ཡུན་རིང་ཐུགས་སྨོན་མཛད། མི་རིགས་རྩ་མེད་ཀྱི་སྲིད་བྱུས་དངོས་སུ་མྱོང་མཁན་འདས་པོ་རྣམས་ཀྱི་མནར་གཅོད་དང་སྐྱོ་གདུང་དངོས་སུ་གཟིགས།...

རྒྱ་ནག་གི་སྲིད་འཛིན་ཞི་ཅིན་ཕིང་ཨ་རིར་རྒྱལ་དོན་ལྟ་སྐོར་ལ་འབྱོར་སྐབས་སྲིད་འཛིན་ཊམཔ་མཆོག་དང་ལྷན་གཙོ་བོ་རྒྱལ་ཁབ་གཉིས་ཀྱི་ཚོང་དོན་དང་། བདེ་འཇགས། མིས་བཟོས་རིག་ནུས། མ་འོངས་འབྲེལ་བ་གོང་འཕེལ་གཏོང་ཕྱོགས་ཐད་གྲོས་མོལ་གནང་པ་ལས། བོད་དང་འགྲོ་བ་མིའི་ཐོབ་ཐང་གི་གནས་སྟངས་སྐོར་གླེང་ཡོད་མེད་ཡོངས་གྲགས་གསལ་ཁ་མི་འདུག འོན་ཀྱང་རྒྱལ་ཁབ་གཉིས་ཀྱི་མཐོ་གྲས་དབུ་ཁྲིད་འདི་འདྲ་མཇལ་མོལ་གནང་སྐབས་གྲོས་མོལ་གྱི་རིམ་པ་ཁ་ཤས་གནང་སྲོལ་ཡོད་དུས་སྐབས་དེར་བོད་ཀྱི་གནད་དོན་སྐོར་གླེང་ཡོད་མེད་གསལ་བསྒྲགས་གང་ཡང་གནང་མེད་པ་རེད།

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་སྤྱི་འཐུས་རྣམས་ཀྱིས་ཆོལ་ཁ་དང་ཆོས་རྒྱུད་བྱེ་བྲག་པའི་འཐུས་ཚབ་མིན་པར་བོད་མི་ཡོངས་ཀྱི་འཐུས་མི་ཡིན་པས་ཀུན་སྤྱོད་ལ་ཐུགས་གཟབ་དགོས་པའི་གཞེན་སྐུལ་གནང་སོང་། The post སྐབས་བཅོ་བརྒྱད་པའི་གྲོས་ཚོགས་ཚོགས་དུས་གཉིས་པ་མཇུལ་བསྒྲིལ་སོང་།  appeared first on བོད་ཀྱི་དུས་བབ།.

ཁ་སང་ཨ་རིའི་རྒྱལ་ས་ Washington DC ནང་དུ་བོད་མི་གཙོ་བོར་འགྱུར་བའི་རྒྱ་ནག་གི་བཙན་གནོན་མྱོང་བཞིན་པའི་ཡུ་གུར་དང་ཧོང་ཀོང་། ནང་སོག་དང་རྒྱ་རིགས་དམངས་གཙོ་དོན་གཉེར་བ་བཅས་ཀྱིས། བོད་རང་བཙན། རྒྱ་ནག་བོད་ནས་མར་རྒྱུག་ཅིག ཞི་ཅིན་ཕིང་ལ་དགའ་བསུ་མེད། རྒྱ་ནག་གིས་ཉེས་མེད་བཙོན་འཇུག་བྱས་པའི་ཆབ་སྲིད་བཙོན་པ་གློད་བཀྲོལ་དགོས། ཧོང་ཀོང་ལ་རང་དབང་དགོས་སོགས་ཀྱི་འབོད་ཚིག་ཁྲོད་ཨ་རིའི་སྲིད་འཛིན་ Donald Trump དང་རྒྱ་ནག་གི་སྲིད་འཛིན་ཞི་ཅིན་ཕིང་གཉིས་མཇལ་འཕྲད་གནང་འདུག དེ་ཡང་ཁ་ཉིན་རྒྱ་ནག་གི་སྲིད་འཛིན་ཞི་ཅིན་ཕིང་ཨ་རིའི་ནང་དུ་འབྱོར་རྗེས་ཁ་སང་ཕྱི་ཚེས་ ༢༤ ཉིན་ཨ་རྒྱ་གཉིས་ཀྱི་སྲིད་འཛིན་མཇལ་འཕྲད་སྐབས། བོད་ཀྱི་གཞོན་ནུ་ལྷན་ཚོགས་དང་བོད་རང་བཙན་སློབ་ཕྲུག་ཚོགས་པ་བཅས་ཀྱི་གོ་སྒྲིགས་འོག ཨ་རིའི་ས་ཕྱོགས་གང་ས་དང་ཁེ་ན་ཌ་བཅས་ནས་ཕེབས་པའི་བོད་མི་སྟོང་ཚོ་བརྒལ་བ་དང་། དེ་བཞིན་ཡུ་རོབ་ནས་ཀྱང་ལས་འགུལ་བ་ཁག་གཅིག་བཅས་འདུ་འཛོམས་ཐོག་སྔ་དྲོ་རྒྱ་ནག་གཞུང་ཚབ་ལས་ཁུངས་ཀྱི་མདུན་དུ་བོད་རང་དབང་རང་བཙན་དང་རྒྱ་ནག་གིས་བོད་ཐོག་འཛིན་བཞིན་པའི་མི་རིགས་རྩ་གཏོར་གྱི་ཁྲིམས་དང་སྲིད་བྱུས་ལ་ངོ་རྒོལ་སྐད་འབོད་གནང་བའི་རྗེས་སུ། བོད་ཀྱི་རྒྱལ་དར་དང་ངོ་རྒོལ་གྱི་འཕྲེད་དར་བསྣམས་པའི་བོད་མི་ལས་འགུལ་བ་རྣམས་ནས་ཉིན་རྒྱབ་ཨ་རིའི་གྲོས་ཚོགས་བར་དུ་ངོ་རྒོལ་སྐད་འབོད་གནང་བཞིན་གོམ་བགྲོད་གནང་འདུག  

སྔོན་གླེང་། སྐྱ་གཅིག་ལ་རྒྱུས་པའི་གཏམ་རྒྱུད་གསུམ། « གྲྭ་བ་དང་མེ་མདའ་། / The Monk and The Gun » ནི། དཔའ་བོ་ཆོས་དབྱིངས་རྡོ་རྗེ་ལགས་ཀྱིས་འཁྲབ་ཁྲིད་བྱས་ཤིང་། ཕབ་སྐྲུན་དང་སྒྲིག་སྦྱོར། འགྲེམ་སྤེལ་སོགས་ལ་འབྲུག་དང་ཨ་རི། ཧྥ་རན་སི། ཐེ་ཝན། ཧོང་ཀོང་སོགས་ཀྱིས་མཉམ་འབྲེལ་བྱས་པའི་གློག་བརྙན་ཞིག་རེད། གློག་བརྙན་འདིས་རྒྱལ་རྒྱུད་ལམ་ལུགས་ནས་དམངས་གཙོ་ལམ་ལུགས་ལ། གསར་དུ་ཁ་ཕྱོགས་བཞིན་པའི་འབྲུག་ཡུལ་གྱི་གཏམ་རྒྱུད་རྒྱབ་ལྗོངས་བྱས་ཤིང་། ཆབ་སྲིད་འཕོ་འགྱུར་གྱི་ཚོར་ཤུགས་རྣོ་བའི་སྐབས་དུས་གཅིག་ལ་བྱུང་བའི་གཏམ་རྒྱུད་གསུམ་གློག་བརྙན་གྱི་སྐྱ་ཐིག་གཅིག་ལ་བརྒྱུས་ཡོད། རླུང་འཕྲིན་ལས་དམངས་གཙོ་དང་འོས་བསྡུའི་སྐོར་གྱི་གསར་འགྱུར་ལ་ཉན་རྗེས། དགོན་པའི་མཁན་པོས་རང་གི་དགེ་ཕྲུག་བཀྲ་ཤིས་རི་གྲོང་དུ་མེ་མདའ་རིང་ཐུང་གཉིས་འཚོལ་བར་མངགས། ཞོར་ལ་ཚེས་ཆེན་བཅོ་ལྔའི་ཆོས་ཐོག་འཛུགས་པར་གྲ་སྒྲིག་བྱེད་བཞིན་པའི་སྐབས། ཨ་རི་བ་ཞིག་གིས་དྲ་ལམ་གྱི་བར་ཁེ་བ་བརྒྱུད་ནས། འབྲུག་ཡུལ་ནས་ལོ་ངོ་བརྒྱ་ཕྲག་བརྒལ་བའི་མེ་མདའ་རྙིང་བ་ཞིག་ཉོ་བར་འབད་བརྩོན་དང་། དུས་མཚུངས་ས་གནས་ཀྱི་དམངས་གཙོ་ཁྱབ་སྤེལ་གཏོང་མཁན་ཚོ་གཞི་རིམ་དུ་ཡོང་ནས། གྲོང་གསེབ་པ་ཚོར་འོས་བསྡུ་སྐོར་ལ་སློབ་སྟོན་དང་དངོས་སྦྱོང་སྤྲོད་བཞིན་ཡོད། ཟུར་ཁ་མི་འདྲ་བའི་གཏམ་རྒྱུད་གསུམ་སྐྱ་གཅིག་ལ་བརྒྱུས་པའི་གློག་བརྙན་འདི། ༢༠༢༤ ལོར་ངས་བལྟས་པའི་གློག་བརྙན་ « གསའ་ » སོགས། གཏམ་རྒྱུད་དང་དོན་བརྗོད་གློག་བརྙན་གསར་པ་ཁག་ཅིག་ཡོད་པའི་ཁྲོད་ཀྱི་རྩེ་ཕུད་ཀྱི་གྲས་ཡིན་འདོད་ཡོད། གཏམ་རྒྱུད་གསུམ་གྱི་མི་སྣའི་རྒྱལ་ཁོངས་དང་ངོ་རྟགས། རྒྱབ་ལྗོངས་སོགས་ཀྱི་ཐད་ནས་ཀྱང་ཧ་ཅང་གི་དོན་སྙིང་ལྡན་པ་ཞིག་རེད།། སྲོལ་རྒྱུན་དང་དད་འདུན་གྱི་སྙིང་སྟོབས་མཚོན་པའི་དགོན་པའི་མཁན་པོ་དང་། ནུབ་ཕྱོགས་པའི་རིག་གནས་ལ་མཚར་འཛིན་གྱི་འདུ་ཤེས་ཆེ་ཞིང་། གློག་བརྙན་ « James Bond...

རྒྱ་རིགས་དམངས་གཙོ་དོན་གཉེར་བ་དང་རྩ་རླུང་སྒོམ་སྒྲུབ་ཚོགས་པའི་ཚོགས་མི། ཡུ་གུར། ལྷོ་སོག ཧོང་ཀོང་། ཐའེ་ཝན་སོགས་ཀྱི་ལས་འགུལ་བ་མང་པོས་ཞི་ཅིན་ཕིན་ལ་ངོ་རྒོལ་རྒྱ་ཆེར་སྤེལ། The post ཞི་ཅིན་ཕིན་ལ་ངོ་རྒོལ་བྱེད་མཁན་བོད་རིགས་གཅིག་པུ་རེད་དམ། appeared first on བོད་ཀྱི་དུས་བབ།.

རྒྱ་ནག་གི་སྲིད་འཛིན་ཨ་རི་ལ་འབྱོར་སྐབས། ཨ་རིའི་སྲིད་འཛིན་ཊོམ་གྱིས་སྣེ་ལེན་གཟབ་རྒྱས་ཞུས་ཡོད་ཀྱང་། རྒྱ་ནག་གི་མངོན་འདོད་ངོ་མ་དེ་འགྲུབ་མེད་པར་བརྗོད་འདུག The post སྣེ་ལེན་གཟབ་རྒྱས་ཞུས་ཀྱང་ཁ་གཏད་ཀྱི་གནས་སྟངས་ནི་སྔར་ལྟར་གནས་ཡོད་པར་བརྗོད། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༢༤ ཉིན་བོད་ཀྱི་ཟློས་གར་ཚོགས་པའི་བོད་ནང་མི་སེར་སྤེལ་ཡུལ་གྱི་བཅའ་སྡོད་སློབ་གྲྭ་ཞེས་པའི་གཏམ་བརྗོད་གཟིགས་ཕུད་མཛད་སྒོའི་ཐོག་སྐུ་མགྲོན་གཙོ་བོ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གདན་ཞུ་གནང་ཡོད་པ་དང་། དེ་བཞིན་བོད་མིའི་སྒྲིག་འཛུགས་ཀྱི་རང་དབང་ཅན་གྱི་འགན་འཛིན་རྣམ་པ་དང་དྲུང་ཆེ་ཆུང་། སྲི་ཞུའི་ལས་བྱེད་རྣམ་པ།  སློབ་གྲྭ་ཁག་གི་འགན་འཛིན་དང་གསར་འགོད་པ་བཅས་འདུ་འཛོམས་གནང་སོང་། མཛད་སྒོའི་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་ད་ལན་གཏམ་བརྗོད་གཟིགས་ཕུད་ཞུ་དགོས་པའི་དམིགས་ཡུལ་ངོ་སྤྲོད་གསུང་བཤད་ནང་། ད་ལན་གྱི་གཟའ་འཁོར་འདི་ནི་དཔལ་ལྡན་བཀའ་ཤག་གི་བཀོད་ཁྱབ་ཕེབས་དོན་ལྟར་ང་ཚོ་རང་དབང་ལུང་པར་གནས་འཁོད་བཙན་བྱོལ་བོད་མི་ཚོགས་སྒེར་ཡོངས་ནས། ལོ་རེའི་ཕྱི་ཟླ་ ༩ པའི་བདུན་ཕྲག་བཞི་པར་མི་རིགས་ཀྱི་ངོ་བོ་གཅེས་སྲུང་གི་ལས་འགུལ་ཅི་རིགས་སྤེལ་རྒྱུ། ཞེས་པའི་དགོངས་དོན་ལྟར་བོད་ཀྱི་ཟློས་གར་ཚོགས་པས་འཁྲབ་གཞུང་གསར་རྩོམ་བགྱིས་ཏེ་འཁྲབ་སྟོན་ཞུས་པ་ཞིག་ཡིན།སྤྱིར་བཏང་ཀུན་གྱིས་མཁྱེན་གསལ་བཞིན་བོད་ཀྱི་ཟློས་གར་ཚོགས་པ་ནི། ཕྱི་ལོ་ ༡༩༥༩ ལོར་རྒྱ་ནག་གཞུང་གིས་བོད་ས་ཡོངས་སུ་བཙན་འཛུལ་བྱས་རྗེས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ནང་བཙན་བྱོལ་དུ་ཞབས་སོར་འཁོད་མ་ཐག་རང་རེའི་ཕ་མེས་ནས་བརྒྱུད་པའི་ཆོས་དང་རིག་གཞུང་། ཡུལ་སྲོལ་གོམས་གཤིས་བཟང་པོ་དག་མ་འོངས་རྗེས་རབས་པ་རྣམས་ནས་མི་ཉམས་རྒྱུན་འཛིན་གནང་རྒྱུའི་ལྷ་དགོངས་སྤྱི་ཕེབས་འོག་ཕྱི་ལོ་ ༡༩༥༩ ཟླ་བ་ ༨ ཚེས་ ༡༡ ཉིན་དབུ་བརྙེས་པ་ནས་ད་བར་མི་ལོ་རེ་བདུན་བར་བོད་ཀྱི་ཐུན་མོང་མ་ཡིན་པའི་ཟློས་གར་རིག་གཞུང་སྤྱི་དང་། ལྷག་དོན་དུ་ཨ་ལྕེ་ལྷ་མོའི་ཟློས་གར་སྒྱུ་རྩལ་མི་ཉམས་རྒྱུན་འཛིན་གནང་བཞིན་ཡོད། འོན་ཀྱང་རྒྱ་ནག་གཞུང་གིས་ཕྱི་ལོ་ ༡༩༥༠ ནས་བོད་ས་བཙན་བཟུང་བྱེད་སྒོ་བརྩམས་པ་ནས་བཟུང་བོད་ཀྱི་ཆོས་དང་རིག་གཞུང་གཙོས་པའི་དགོན་སྡེ་སྟོང་ཕྲག་ལྔ་ལྷག་རྩ་གཏོར་བཏང་ཞིང་། བོད་མི་ས་ཡ་གཅིག་དང་ཕྱེད་ཀ་ཙམ་སྡུག་སྦྱོར་མནར་གཅོད་འོག་འདས་གྲོངས་སུ་གྱུར་ཡོད། དེ་བཞིན་ལོ་རབས་ཁ་ཤས་གོང་ནས་བོད་ནང་མི་སེར་སྤེལ་ཡུལ་གྱི་བཅའ་སྡོད་སློབ་གྲྭ་ཞེས་པར་ཁ་གཡར་ཏེ་བོད་ཀྱི་འབྲོག་ས་དང་ཞིང་ས། གྲོང་ཁྱེར་བཅས་ཀྱི་ནང་ཡོད་པའི་བོད་ཕྲུག་རྣམས་བཙན་ཤེད་ཀྱིས་མི་སེར་སྤེལ་ཡུལ་གྱི་བཅའ་སྡོད་སློབ་གྲྭའི་ནང་བཅུག་ནས། བོད་མི་རིགས་ཀྱི་སྐད་ཡིག་དང་ཕ་མེས་ནས་བརྒྱུད་པའི་ཡུལ་སྲོལ་གོམས་གཤིས་མཚོན་པའི་བསམ་བློའི་འདུ་ཤེས་འཛིན་སྟངས་ཀྱི་གཞི་རྟེན་རྩ་མེད་གཏོང་རྒྱུའི་སྲིད་བྱུས་འདྲ་མིན་སྤེལ་བཞིན་པ་ནི་ཤིན་ཏུ་ཛ་དྲག་ཆེ་ཞིང་མི་རིགས་ཤིག་གི་འཆི་གསོན་མཚམས་ལ་གནས་སྟངས་ཤིག་ཏུ་གྱུར་ཡོད།དེ་བཞིན་ཉེ་སྔོན་ཕྱི་ཟླ་ ༧ ཚེས་ ༠༡...

བྱང་ཨ་རིར་གནས་སྡོད་བོད་མི་གསུམ་སྟོང་མ་ཟིན་ཙམ་གྱིས་རྒྱ་ནག་གི་སྲིད་འཛིན་ཞི་ཅིན་ཕིང་ལ་དགའ་བསུ་ཞུ་མཁན་རྒྱ་མི་སྟོང་ཕྲག་གི་ཁ་སྤྲོད་དུ་ལངས་ནས་རྒྱ་གཞུང་ལ་ངོ་རྒོལ་གྱི་ལས་འགུལ་གཞི་རྒྱ་ཆེ་བ་ཞིག་སྤེལ་འདུག The post ཨ་རིའི་རྒྱལ་སར་བོད་མི་གསུམ་སྟོང་མ་ཟིན་ཙམ་གྱིས་ཞི་ཅིན་ཕིང་ལ་ངོ་རྒོལ་བྱས། appeared first on བོད་ཀྱི་བང་ཆེན།.