དེ་རིང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཟེར་བ་དབུ་བརྙེས་པའི་དུས་སྟོན་དང་བསྟུན་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་ནག་གི་བོད་ཐོག་བཟུང་བའི་སྲིད་ཇུས་སོགས་ལ་ངོ་རྒོལ་གྱི་རྒོལ་མཆོངས་ལས་འགུལ་ཞིག་སྤེལ། The post རྒྱ་ནག་གཞུང་ཚབ་མདུན་ཐང་དུ་རྒོལ་མཆོངས་ལས་འགུལ་སྤེལ།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༢༩ ཉིན་བཞུགས་སྒར་ཉེ་འདབས་སུ་ཆགས་པའི་གྷ་གྷལ་གནམ་ཐང་དུ་ཨི་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་བྷི་རི་ཨན་མཱ་སི་ཊི་ (Brian Mast) ལགས་ཀྱིས་སྣེ་ཁྲིད་པའི་ཨ་རིའི་ཆབ་སྲིད་ཚོགས་པ་ཟུང་སྦྲེལ་གྱི་གྲོས་ཚོགས་འཐུས་མི་ཁག་གཅིག་ཕེབས་འབྱོར་སྐབས་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་ཚབ་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། བཀའ་དྲུང་བཀྲ་ཤིས་རྒྱ་མཚོ་ལགས། ལྡི་ལི་སྐུ་ཚབ་དོན་གཅོད་འཇིགས་མེད་ཚེ་རིང་ལགས། ཕྱི་དྲིལ་ཟུང་དྲུང་ཛམ་ལྷ་བསྟན་པ་རྒྱལ་མཚན་ལགས་བཅས་ཀྱིས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། དེ་ཡང་སྐུ་ཚབ་ཚོགས་ཆུང་ཁྲོད་སྤྱི་མཐུན་ཚོགས་པའི་གྲོས་ཚོགས་འཐུས་མི་བྷརཱ་ཡེན་མསཏི་ (Brian Mast) ལགས་དང་ཇེམསི་གྷ་ལ་གྷར་ (James Gallagher) ལགས། ཇི་མི་པེ་ཊྲོ་ནིསི་ (Jimmy Patronis) ལགས་བཅས་དང་། མང་གཙོ་ཚོགས་པའི་གྲོས་ཚོགས་འཐུས་མི་ཧེ་ལི་སཊཱི་ཝནསི་ (Haley Stevens) ལགས་དང་ཐ་ནེ་དྷར་ (Thanedar) ལགས་བཅས་དང་། དེ་བཞིན་འབྲེལ་ཡོད་ལས་བྱེད་དང་ཁོང་རྣམས་ཀྱི་ནང་མི་བཅས་ཁྱོན་མི་གྲངས་ ༡༧ ཕེབས་ཡོད།གཟིགས་སྐོར་རིང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལྷན་བཅར་ཐོག་སྐུ་ཚབ་ཚོགས་ཆུང་རྣམས་བོད་མིའི་སྒྲིག་འཛུགས་ཀྱི་བོད་ཀྱི་འགྲེམས་སྟོན་ཁང་དུ་ཕེབས་ཡོད་པ་དང་། གོང་ཚེས་ཉིན་གྱི་དགོང་མོར་བཀའ་ཤག་སྐབས་ ༡༧ ནས་སྐུ་ཚབ་ཚོགས་ཆུང་རྣམས་ལ་ཆེ་བསྟོད་སླད་ཕེབས་བསུའི་དགོང་ཚིགས་ཤིག་འདེགས་འབུལ་ཞུས་ཤིང་། སྐབས་དེར་བོད་མིའི་སྒྲིག་འཛུགས་ཀྱི་དབུ་ཁྲིད་རྣམས་ལྷན་ཞུགས་གནང་ཡོད། ཕྱི་ཚེས་...

༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༣༠ ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་སུ་བོད་མིའི་དང་བླངས་འཕྲོད་བསྟེན་ཚོགས་པའི་འགན་འཛིན་ལྷན་ཚོགས་ཐེངས་ ༣༣ དེ་བཞིན་བསྐོང་ཚོགས་གནང་ཡོད། ཚོགས་འདུའི་ཐོག་ཕྱི་ལོ་ ༢༠༢༦ ཟླ་བ་ ༦ ཚེས་ ༣༠ ཉིན་འགན་འཛིན་ལྷན་ཚོགས་ཐེངས་ ༣༢ ཐོག་བཞག་པའི་ཚིག་ཐོག་ཁག་ལ་གཏན་འབེབས་དང་། དེ་བཞིན་བར་བརྒལ་སྔོན་རྩིས་ (Interim Budget) དང་ལས་བྱེད་བཀོད་སྒྲིག རྩ་དགོངས། གནས་སྤོས། ཆོད་གན་ལས་བྱེད་ཕར་འགྱང་ལ་སོགས་པའི་ཐོག་གནད་དོན་ཐོག་ཚོགས་མི་རྣམས་ནས་བཀའ་འཁྲོལ་གནང་ཟིན་པ་དག་ལ་བསྐྱར་ཞིབ་ཀྱིས་གཏན་འབེབས། འཕྲོད་བསྟེན་ལམ་སྟོན་ཚོགས་ཆུང་ནང་བོད་ཀྱི་གསོ་བ་རིག་པའི་རྒྱབ་ལྗོངས་ཡོད་པའི་ཚོགས་མི་ཞིག་བསྐོ་གཞག་གནང་རྒྱུ། ཕྱི་ལོ་ ༢༠༢༦ ཟླ་བ་ ༨ ཚེས་ ༢༨ ཉིན་འགན་འཛིན་ལྷན་ཚོགས་ཀྱི་ཚོགས་འདུའི་ཐོག་གཏན་འབེབས་གནང་བའི་གྲོད་ཆོད་ཁག་ལག་བསྟར་ཇི་བྱས་སྙན་ཐོ་ཁག་སྤྱན་བསྟར་བཅས་གནང་ཡོད། ཚོགས་འདུའི་ཐོག་ཚོགས་མི་རྣམས་ནས་མཉམ་ཞུགས་ཀྱིས་གྲོས་གཞི་ཁག་ལ་གོ་བསྡུར་སྦྱངས་ཤེས་ལྷུག་པོ་གནང་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༣༠ ཉིན་གྱི་སྔ་དྲོ་ཆུ་ཚོད་ ༡༡ ཐོག་དྷ་ས་གངས་སྐྱིད་སྲིད་སྐྱོང་ཚོགས་ཁང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྐབས་ ༡༧ པའི་བཀའ་ཤག་ནས་བོད་ཀྱི་མ་འོངས་འགན་སྲུང་ཞེས་པའི་ཕུགས་དམིགས་ཡིག་ཆ་སྔ་མར་བསྐྱར་ཞིབ་ཀྱིས་ཁ་གསབ་སྣོན་འཕྲི་ཇི་བྱུང་སྐོར་ངོ་སྤྲོད་གསུང་བཤད་གནང་ཡོད།དེ་ཡང་དཔལ་ལྡན་སྲིད་སྐྱོང་མཆོག་གིས་བོད་མིའི་སྒྲིག་འཛུགས་ཀྱི་འགོ་ཁྲིད་དང་སྲི་ཞུའི་ལས་བྱེད་རྣམས་ལ་སྤྱི་སྙོམས་དྲང་བདེན་དང་། ནུས་པ་མཉམ་སྤུངས། གོམ་པ་མདུན་སྤོ་བཅས་ཀྱི་རྩ་དོན་འོག་སྣོན་འཕྲི་གནང་བའི་ཡིག་ཆའི་སྐོར་ཁ་གསལ་ལམ་སྟོན་གནང་ཡོད་ཅིང་། ཡིག་ཆ་དེས་སྒྲིག་འཛུགས་ཀྱི་ནུས་པ་གོང་འཕེལ་དང་། ཐོན་སྐྱེད་གོང་མཐོར། ཕན་ཚུན་མཉམ་ལས་གསོ་སྐྱོང་། རྒྱུན་གནས་ཐུབ་པའི་འཕེལ་རྒྱས་ལ་སྐུལ་འདེད། དཀའ་ངལ་ལ་གདོང་ལེན་ཐུབ་པའི་རང་ཁ་རང་གསོའི་ཕྱོགས་སུ་བསྐྱོད་ཐབས་ཀྱི་དམིགས་ཡུལ་འཛིན་གྱི་ཡོད། སྐབས་དེར་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། དཔལ་འབྱོར་བཀའ་བློན་གྱང་གསར་ཚེ་རིང་དོན་གྲུབ་མཆོག ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག འཕྲོད་བསྟེན་བཀའ་བློན་པདྨ་མཚོ་མཆོག་བཅས་ཕེབས་ཞུགས་གནང་ཞིང་། དྲ་ཐོག་བརྒྱུད་བོད་ཀྱི་སྐུ་ཚབ་དོན་ཁང་ཁག་གི་དོན་གཅོད་རྣམ་པ་དང་། ས་གནས་འགོ་འཛིན་རྣམ་པ་བཅས་མཉམ་ཞུགས་གནང་ཡོད།ཕུགས་དམིགས་ཡིག་ཆ་དེའི་ནང་དོན་རྣམས་ལེའུ་གསུམ་དུ་འབྱེད་ཡོད་ཅིང་། ལེའུ་དང་པོ་སྟེ་བོད་དོན་བདེན་མཐའ་གསལ་ཐབས་སུ་གཏན་འཇགས་ཐབས་བྱུས་ཚོགས་ཆུང་ཚགས་ཚུད་གཏོང་རྒྱུ་དང་། རྒྱ་རིགས་ལ་འབྲེལ་བ་དང་རྒྱ་དམར་གཞུང་གི་གནོད་འཚེ་ཕོག་མཁན་སྡེ་ཁག་ལ་འབྲེལ་འཛུགས། བོད་ཀྱི་ལོ་རྒྱུས་གནས་བབ་ངེས་བརྟན་བཟོ་ཐབས། ༸རྒྱལ་བའི་ཡང་སྲིད་སྐོར་རྒྱ་དམར་གཞུང་གི་གཡོ་བྱུས་ལ་གདོང་ལེན། རྒྱ་དམར་གཞུང་གི་སེམ་འཛུལ་དང་བསླུ་བྲིད་ལ་འགོག་ལེན། བོད་དོན་ཞུ་གཏུག་གི་ནུས་སྟོབས་རྒྱ་བསྐྱེད་བཅས་ཚུད་ཡོད། ལེའུ་གཉིས་པ་བཙན་བྱོལ་བོད་མིའི་སྤྱི་ཚོགས་བདེ་དོན་ནང་མང་གཙོ་སྲུང་སྐྱོབ་དང་མང་གཙོའི་ལམ་སྲོལ་ཉམས་ལེན་རྒྱུན་སྐྱོང་། འཛིན་སྐྱོང་གི་བྱེད་སྒོ་མཐའ་དག་ཕྱི་གསལ་ནང་གསལ། གཞུང་མང་དབར་འབྲེལ་ལམ་དམ་ཟབ། འཁོས་ཞན་ལ་ལྟ་སྐྱོང་མ་ལྷག་པ། བུད་མེད་དང་གཞོན་སྐྱེས་ཀྱི་ནུས་སྟོབས་གོང་སྤེལ། སྒྲིག་འཛུགས་དང་ཚོགས་སྡེ་ཁག་ལ་འབྲེལ་ལམ་འཇོག་རྒྱུའི་ལངས་ཕྱོགས། དེ་བཞིན་བོད་མིའི་རུབ་སྡོད་སྤྱི་ཚོགས་འཛུགས་སྐྱོང་དང་།...

༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༣༠ ཉིན་དཔེ་མཛོད་ཁང་གི་ཚོགས་ཁང་དུ་བོད་མིའི་སྒྲིག་འཛུགས་ཆོས་རིག་ལས་ཁུངས་དང་བོད་ཀྱི་དཔེ་མཛོད་ཁང་ཟུང་སྦྲེལ་ཐོག་གོ་སྒྲིག་ཞུས་པའི་བོད་ཀྱི་ལོ་ཙཱ་བའི་ཟབ་སྦྱོང་གི་མཇུག་བསྡོམ་མཛད་སྒོའི་ཐོག་དཔལ་ལྡན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་སྐུ་མགྲོན་གཙོ་བོར་ཕེབས་ཞུགས་གནང་ཡོད་ཅིང་། སྐབས་དེར་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཆེད་ཕེབས་གནང་ཡོད། ཟབ་སྦྱོང་ཐོག་དགོན་སྡེ་ཁག་མི་འདྲ་བའི་དགེ་འདུན་པ་དང་བཙུན་མ་བཅས་ཁྱོན་བསྡོམས་ ༡༢ མཉམ་ཞུགས་གནང་ཡོད་པ་དང་ཕལ་ཆེ་བ་ནི་ཧི་མ་ལ་ཡའི་རི་རྒྱུད་ནས་ཡིན་པ་རེད། ཟབ་སྦྱོང་དེ་བཞིན་ཆོས་རིག་ལས་ཁུངས་དང་བོད་ཀྱི་དཔེ་མཛོད་ཁང་ཐུན་མོང་ནས་མཐུན་འགྱུར་རམ་འདེགས་གནང་བ་ཞིག་དང་། དེ་བཞིན་བོད་ཀྱི་ཐེབས་རྩའི་བརྒྱུད་ཨ་རིའི་གཞུང་ནས་ཀྱང་མཐུན་འགྱུར་གནང་ཡོད།མཛད་སྒོའི་ཐོག་མར་སྐུ་མགྲོན་གཙོ་བོ་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་བསྒྲོན་ཕུལ་ཞུས་གྲུབ་མཚམས། ཚོགས་བཅར་བ་གཉིས་ནས་ཟླ་བཅུ་གཅིག་རིང་གི་ལོ་ཙཱ་བའི་ཟབ་སྦྱོང་གི་ཉམས་མྱོང་མཉམ་སྤྱོད་གནང་ཡོད་པ་མ་ཟད། ཟབ་སྦྱོང་གི་ཨིན་ཇིའི་དགེ་རྒན་ཞིག་ནས་ཀྱང་ཟབ་སྦྱོང་ཁྲོད་རང་ཉིད་ལ་བྱུང་བའི་མྱོང་ཚོར་མཉམ་སྤྱོད་གནང་ཡོད། དེ་ནས་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཀྱིས་ཡིག་སྒྱུར་གྱི་གལ་གནད་དང་སྒྱུར་མཁན་གྱི་འགན་ཁུར་ཐོག་གསུང་བཤད་གནང་གྲུབ་མཚམས། ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གིས་ཟླ་བཅུ་གཅིག་རིང་གྱི་ཟབ་སྦྱོང་ཁྲོད་དགོན་སྡེ་ཁག་མི་འདྲ་བ་དང་ཨིན་སྐད་ཀྱི་ཤེས་ཚད་མི་འདྲ་བའི་ཚོགས་བཅར་བ་ ༡༢ རྣམས་ལ་ཟབ་ཁྲིད་གནང་མཁན་དགེ་རྒན་རྣམས་ནས་ལྷག་བསམ་ཧུར་བསྐྱེད་ཆེན་པོས་སློབ་ཁྲིད་གནང་བར་ཡི་རང་བསྔགས་བརྗོད་ཞུས་ཡོད།དེ་བཞིན་དེ་འདྲ་བའི་ལོ་ཙཱ་བའི་ཟབ་སྦྱོང་འདི་ནི་ཐོག་མ་ཡིན་པ་དང་། ཆོས་རིག་ལས་ཁུངས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་དགུ་བཅུ་ཕེབས་པའི་བྱམས་བརྩེའི་ལོ་སྲུང་བརྩིའི་ལས་རིམ་ཆ་ཤས་སུ་གོ་སྒྲིག་གནང་བ་ཞིག་ཡིན་པ་འགྲེལ་བརྗོད་གནང། དེ་བཞིན་ཟབ་སྦྱོང་གི་དམིགས་ཡུལ་ནི་དགེ་འདུན་པ་དང་བཙུན་མ་རྣམས་ཀྱི་ཨིན་སྐད་ཀྱི་ཆུ་ཚད་ཡར་རྒྱས་བཏང་སྟེ་ནང་བསྟན་ཨིན་སྐད་ཐོག་སྒྱུར་བར་ཞབས་འདེགས་གྲུབ་རྒྱུ་དང་བོད་སྐད་མ་ཤེས་པའི་མི་རིགས་རྣམས་ལ་ནང་བསྟན་འགྲེལ་བརྗོད་གནང་ཆེད་དུ་ཡིན་པ་གསུངས། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་ལྟར་ཟབ་སྦྱོང་ལས་ཐོབ་པའི་ཤེས་རྒྱ་དག་ལས་ཚན་རིག་པ་དང་བྱེ་བྲག་ཏུ་ནང་ཆོས་དང་ཚན་རིག་པར་བསམ་ཚུལ་བརྗེ་ལེན་དང་གོ་བསྡུར་སྦྱངས་ཤེས་ཐུབ་པ་དགེ་ཚན་ཆེན་པོ་ཡོད་པ་གསུངས། མཐར་བཀའ་བློན་མཆོག་གིས་ཚོགས་བཅར་བ་རྣམས་ནས་ཟབ་སྦྱོང་ལས་ཐོབ་པའི་ཤེས་བྱ་ཡོན་ཏན་རྣམས་རྒྱུན་སྐྱོང་དང་མུ་མཐུད་ཡར་རྒྱས་གཏོང་སླད་འབད་བརྩོན་གནང་དགོས་པའི་སྐུལ་འདེད་གནང་ཡོད། ཐེངས་འདིའི་མཇུག་བསྡོམས་མཛད་སྒོ་དེ་བཞིན་ཕྱི་ཟླ་ ༩ ཚེས ༣༠ འཛམ་གླིང་སྐད་སྒྱུར་ཉིན་མོ་དང་བསྟུན་གོ་སྒྲིག་གནང་བ་ཞིག་ཡིན་པ་བཅས། །

བོད་མི་ཚོས་རྒྱང་རྒྱུག་དང་གོམ་བགྲོད་གནང་སྟེ་རྒྱལ་སྤྱིའི་ནང་བོད་དོན་ལ་དོ་སྣང་ཤུགས་ཆེ་རུ་འགྲོ་བཞིན་པ།

རྩོམ་པ་པོ། གནམ་ལོ་ཡག (ཨོ་སི་ཐྲི་ལི་ཡ) ལྷ་མོ་མཚོས་རྒྱ་ཡིག་ནས་བསྒྱུར། སྔ་མོ་ནས་བཟུང་། གོང་མ་ཆན་ལུང་གི་དུས་སྐབས་སུ་གསེར་བུམ་དཀྲུག་འདོན་གྱི་ལམ་ལུགས་ལག་བསྟར་བྱས་པའི་སྐོར་གྱི་བགྲོ་གླེང་མང་ཆེ་བ་ནི་ཆབ་སྲིད་ཀྱི་དབང་ཆ་ རེད། དེའིི་ནང་དུ་དེང་དུས་ཀྱི་རྒྱ་ནག་དམར་ཤོག་སྲིད་གཞུང་གི་བཀའ་རྒྱ་ཨང་ལྔ་པ་སྟེ། 《བོད་བརྒྱུད་ནང་བསྟན་གྱི་སྤྲུལ་སྐུའི་ངོས་འཛིན་དོ་དམ་བྱེད་སྟངས་》 ཞེས་པ་དེ་ཡང་འདུས།) དང་། ཆིན་རྒྱལ་ཁབ་ཆེན་མོ་དང་མངའ་འོག་གི་རྒྱལ་ཕྲན་དབར་གྱི་འབྲེལ་བ། དེ་བཞིན་རྒྱལ་ཁབ་སྐྱོང་ཚུལ་སོགས་ཀྱི་དེང་རབས་ཆབ་སྲིད་རིག་པའི་སྒྲོམ་གཞིའི་ནང་གཙོ་བོ་བཏོན་ཡོད། འོན་ཀྱང་། གལ་ཏེ་དུས་རབས་བཅོ་བརྒྱད་པའི་ཆིན་རྒྱལ་ཁབ་ཆེན་མོ་དང་བོད་བརྒྱུད་ནང་བསྟན་གཉིས་ཀྱིས་མཉམ་དུ་གྲུབ་པའི་ལོ་རྒྱུས་ཀྱི་གནས་སྟངས་ལ་ཕྱིར་ལྟ་བྱེད་པ་དང་། ཉེ་བའི་ལོ་ཤས་རིང་ཡུས་ལིང་ (裕陵) ས་འོག་གི་བང་སོ་ནས་རྙེད་པའི་གནའ་རྫས་རྟོག་ཞིབ་ཀྱི་གསར་རྙེད་དང་སྦྲགས་ཏེ་ལམ་ལུགས་འདི་ལ་བསྐྱར་དུ་བརྟག་དཔྱད་བྱས་ཚེ། དེའི་བྱུང་རིམ་གྱི་རྒྱབ་ལྗོངས་ལ་འགྲེལ་བཤད་གཞན་ཞིག་བྱེད་དགོས་སྲིད། ས་འོག་ཏུ་ཡོད་པའི་ཆན་ལུང་གི་བང་སོའི་ནང། བོད་སྐད་དུ་བཞུགས་པའི་ནང་བསྟན་གྱི་མདོ་དང་སྔགས་ཡིག་གྲངས་མང་པོ་བཞུགས། དེ་དག་ནི་ཆན་ལུང་གོང་མའི་བོད་བརྒྱུད་ནང་བསྟན་ཆོས་ལུགས་ཀྱི་དད་མོས་རྟོགས་པར་རིན་ཐང་ཆེ་བའི་དངོས་ཡོད་ཀྱི་ཡིག་ཚང་ཞིག་ཡིན། གསེར་བུམ་ནི་སྲིད་འཛིན་གྱི་ལམ་ལུགས་ཤིག་ཙམ་མ་ཡིན་པར། ཆོས་ལུགས་ཀྱི་གོ་དོན་ཟབ་མོ་ལྡན་པའི་དད་མོས་སྲུང་སྐྱོབ་ཀྱི་བཀོད་སྒྲིག་ཅིག་ཀྱང་ཡིན། དེའི་དམིགས་ཡུལ་ནི་བླ་མའི་ (སྤྲུལ་སྐུའི་) ཡང་སྲིད་ངོས་འཛིན་ལམ་ལུགས་ཀྱི་རྩ་ཆེའི་རང་བཞིན་སྲུང་སྐྱོབ་བྱ་རྒྱུ་དེ་ཡིན་ལ། དེ་ནི་བོད་ཀྱི་བླ་མ་རྣམས་ཀྱིས་ཆིན་རྒྱལ་ཁབ་ཆེན་མོའི་རྒྱལ་ཁམས་དར་ཞིང་རྒྱས་པར་མུ་མཐུད་དུ་སྐྱབས་འཇུག་གནང་ཐུབ་པའི་བསམ་པའི་དོན་གཉེར་ཞིག་ཀྱང་ཡིན། ཕྱོགས་འདི་ནས་བལྟས་ཚེ། ཆན་ལུང་གི་མཛད་པ་དེ་ནི་ཆོས་ལུགས་ཀྱི་ལམ་ལུགས་གསར་རྐྱང་ཞིག་གསར་གཏོད་བྱས་པ་མ་ཡིན་པར། བོད་ཀྱི་སྔར་ཡོད་སྲོལ་རྒྱུན་གྱི་རྨང་གཞིའི་ཐོག་དང་པོར་ཟན་རིལ་བསྒྲིལ་ནས་སྤྲུལ་སྐུ་ངོས་འཛིན་བྱེད་པའི་ཆོ་ག་དེ། གོང་མ་ཚང་གིས་ཕུལ་བའི་གསེར་བུམ་བརྒྱུད་ནས་ལེགས་བཅོས་དང་ཆོ་གའི་རྣམ་པར་བསྒྱུར་ཏེ། དེ་ལ་ཆོས་ལུགས་ཀྱི་མཚོན་དོན་གྱི་གནས་རིམ་སྔར་ལས་མཐོ་བ་ཞིག་སྤྲད་པ་ཡིན་ཞིང་། དེ་བཞིན་ཡུས་ལིང་ས་འོག་བང་སོས་མཁོ་སྤྲོད་བྱས་པའི་དཔང་རྟགས་གསར་པས་ར་སྤྲོད་བྱས་པ་ལྟར། “ཡང་སྲིད་རྫུན་མ་” འབྱུང་བ་སྔོན་འགོག་བྱེད་པའི་ཆེད་དུ་ཡིན། ཡུས་ལིང་ས་འོག་གི་བང་སོས་སྤྲད་པའི་དཔང་རྟགས་གསར་པ། ཡུས་ལིང་ས་འོག་ཏུ་ཡོད་པའི་ཆན་ལུང་གི་བང་སོ་དེའི་ཁྱད་ཆོས་ཆེ་ཤོས་ནི་ཁང་པའི་ཆེ་ཆུང་དང་བཟོ་བཀོད་ཙམ་མ་ཡིན་པར། དེའི་ནང་བོད་བརྒྱུད་ནང་བསྟན་གྱི་ཆོས་དཔེའི་ཁེངས་ཡོད་པ་དེ་ཡིན་པ་རེད།...

དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་སྐབས་ ༡༧ པའི་བཀའ་ཤག་གི་མ་འོངས་བོད་ཀྱི་འགན་སྲུང་ཞེས་བོད་དོན་བདེན་མཐའ་གསལ་ཐབས་དང་བཙན་བྱོལ་བོད་མིའི་སྤྱི་ཚོགས་བདེ་དོན། བོད་མིའི་སྒྲིག་འཛུགས་ཀྱི་ནུས་ཤུགས་གོང་སྤེལ་བཅས་དོན་ཚན་ཆེ་ཁག་གསུམ་གྱི་སྐོར་འཁོད་པའི་འཛིན་སྐྱོང་བཀའ་ཤག་གི་ཕུགས་དམིགས་ཡིག་ཆ། བོད་ཀྱི་མ་འོངས་འགན་སྲུང་ཞེས་པ་དེ་དང་། བཀའ་ཤག་གི་ཆབ་སྲིད་དང་སྤྱི་ཚོགས་བདེ་དོན། དེ་བཞིན་འཛིན་སྐྱོང་གི་ལས་དོན་བཅས་དང་སྤྱི་ཡོངས་ཀྱི་བཞེངས་ཕྱོགས་ཡིག་ཆ། དེ་བཞིན་ལས་ཁུངས་ཁག་གི་ལས་དོན་བྱེད་སྒོའི་རྩ་འཛིན་བཅས་གནད་འགག་ཆེ་བའི་ཡིག་ཆ་གསུམ་དབུ་འབྱེད་གནང་སོང་། དེ་ཡང་དེ་རིང་སྔ་དྲོ་ཕྱག་ཚོད་ ༡༡ ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་སྲིད་སྐྱོང་སྤེན་པ་ཚེ་རིང་མཆོག་དང་ལྷན་ཁང་ཁག་གི་བཀའ་བློན་རྣམ་པ། དེ་བཞིན་སྲིད་ཞུ་ལས་བྱེད་པ་ཡོངས་རྫོགས་ལྷན་འཛོམས་ཐོག་སྲིད་སྐྱོང་སྤེན་པ་ཚེ་རིང་མཆོག་གིས་སྐབས་ ༡༧ པའི་བཀའ་ཤག་གིས་ཡིག་ཆ་གསུམ་པོ་དབུ་འབྱེད་དང་གསལ་བཤད་གནང་སོང་། སྐབས་དེར་སྲིད་སྐྱོང་མཆོག་གིས་དེ་སྔ་བཀའ་ཤག་སྐབས་ ༡༦ པའི་ལས་ཡུན་འགོ་བཙུགས་ནས་ལོ་ ༢ ལྷག་ཙམ་གྱི་མཚམས་ལ་སྐབས་དེའི་བཀའ་ཤག་གི་ཕུགས་དམིགས་ཡིག་ཆ་འདོན་སྤེལ་གནང་བའི་ཁྲོད། སྐབས་དེའི་བཀའ་བློན་རྣམ་པ་གསུམ་དང་ལས་བྱེད་པ་བཅས་ཚང་མས་མཐུན་འགྱུར་གྱི་འོག་ནས་བསྒྲུབ་བྱེད་ཀྱི་དམིགས་ཡུལ་རྣམས་མི་དམན་ཙམ་བསྒྲུབས་ཐུབ་ཡོད་པ་དང་། ད་ལྟ་བཀའ་ཤག་སྐབས་ ༡༧ པའི་ལས་དོན་འགོ་བཙུགས་པ་ནས་བཟུང་སྟེ་འཛིན་སྐྱོང་བཀའ་ཤག་དང་ལས་བྱེད་པ་བཅས་ཚང་མ་བསམ་བློ་གཅིག་པ་གནས་པའི་ཐོག་ནས་ཕྱག་ལས་གནང་རྒྱུར་དམིགས་ཏེ་ད་རེས་ཕུགས་དམིགས་ཡིག་ཆ་དེ་དང་། ལྷག་པར་དུ་བོད་མིའི་སྒྲིག་འཛུགས་ཀྱི་རྒྱུན་ལྡན་གྱི་ཕྱག་ལས་དང་འགན་ཁུར་བླང་ཕྱོགས་ལ་ཐུགས་ཕན་གསོ་ཡག་སླད་བོད་མིའི་སྒྲིག་འཛུགས་ཀྱི་བཞེངས་ཕྱོགས་དང་ལས་དོན་བྱེད་སྒོའི་རྩ་འཛིན་ཡིག་ཆ་དེ་དག་འདོན་སྤེལ་དབུ་འབྱེད་གནང་གི་ཡོད་སྐོར་དང་འབྲེལ། ང་ཚོ་ཚང་མས་དང་ཐོག་མི་མང་གི་ཞབས་སྤྱི་ཞུ་མཁན་ཡིན་པའི་བསམ་བློ་དེ་དགོས་གལ་ཡིན་པ་དང་། གཞུང་ཞབས་ཡིན་པའི་ཆ་ནས་ལས་འགན་བཀོད་སྒྲིག་གང་དུ་བྱས་པ་དེར་ལས་འགན་འཐུད་གཙང་སྒྲུབ་དགོས་པའི་བསམ་བློ་གཅིག་པ་འཁྱེར་དགོས་གལ་ཡིན་པ་གསུངས་སོང་། དེ་རྗེས་སྲིད་སྐྱོང་མཆོག་གིས་ཡིག་ཆ་ཞིབ་ཕྲ་འགྲེལ་བཤད་བསྐྱོན་པའི་སྐབས་སུ། རྩ་བའི་ཡིག་ཆའི་ཁྱོན་ཡོངས་ཀྱི་སྒྲོམ་གཞི་གཅིག་པ་ཡིན་པ་དང་། སྐབས་ ༡༧ པའི་བཀའ་ཤག་གི་ལས་གཞི་དང་བསམ་གློ་གསར་པ་རྣམས་འཁོད་ཡོད་སྐོར་དང་འབྲེལ། ཡིག་ཆ་འདི་བོད་མི་ཙམ་མ་ཡིན་པར་རྒྱལ་སྤྱིའི་ཁྲོད་བོད་དོན་ཞུ་གཏུག་གནང་བའི་སྐབས་སུ་ཡིག་ཆ་ཕུལ་ཡག་གཙོ་བོ་གཅིག་ཆགས་ཀྱི་ཡོད་པ་དང་། ད་ལྟའི་བཀའ་ཤག་གི་ངོས་ནས་དེ་སྔ་སྐབས་ ༡༦ པའི་བཀའ་ཤག་དང་གཅིག་མཚུངས་ཀྱི་ལས་དོན་གང་སྤེལ་བ་རྣམས་སྤྱི་སྙོམས་དྲང་བདེན་དང་ནུས་པ་མཉམ་སྤུངས་བྱེད་རྒྱུའི་རྩ་བའི་དམ་བཅའ་གཅིག་པ་ཡིན་པ་གསུངས་སོང་། དེ་རིང་སྲིད་སྐྱོང་མཆོག་གིས་བོད་དོན་བདེན་མཐའ་གསལ་ཐབས་ཀྱི་གཞི་རིམ་བྱེད་སྒོའི་སྐོར་གསུང་སྐབས། མ་འོངས་པར་གཏན་འཇགས་ཐབས་བྱུས་ཚོགས་ཆུང་གི་ལས་དོན་རྒྱ་ཆེ་རུ་གཏང་རྒྱུ་དང་། དེའང་བོད་རྒྱ་འབྲེལ་མོལ་དང་འབྲེལ་བའི་ལས་དོན་གཅིག་པོ་མ་ཡིན་པར་མ་འོངས་པར་རྒྱ་ནག་ནང་གནས་ཚུལ་ག་རེ་འབྱུང་སྲིད་པ་ལ་གཞིགས་པའི་གནས་སྟངས་རེ་རེའི་འོག་ནས་བོད་དང་བོད་མིར་ཁེ་ཕན་དང་གདོང་ལེན། གོ་སྐབས་སྔོན་དཔག་བྱ་རྒྱུ་དང་འབྲེལ་བའི་ཉམས་ཞིབ་བཅས་ལས་དོན་མང་རུ་གཏང་རྒྱུ་ཡིན་པ་གསུངས་སོང་།...

༡༩༨༧ ལོའི་མི་རབས་གསར་པའི་ཞི་རྒོལ་སྐབས་བོད་འབྲས་སྤུངས་དགོན་པ་ནས་མཉམ་ཞུགས་གནང་མཁན། ཆབ་སྲིད་བཙོན་ཟུར་ངག་དབང་འོད་འབར་ལགས་ཀྱིས། ཕྱི་ལོ་ ༡༩༨༧ ནས་ ༢༠༠༨ བར་བོད་ནང་གི་བོད་མི་རྣམས་ཀྱིས་རྒྱ་ནག་གཞུང་ལ་ཞི་རྒོལ་གྱི་ལས་འགུལ་སྐོར་གྱི་པར་རིས་འགྲེམས་སྟོན་ཞིག་གི་སྐབས། ཕྱི་ལོ་ ༡༩༨༧ ཟླ་ ༩ ཚེས་ ༢༧ གྱི་བོད་ནང་གི་ཞི་རྒོལ་ལས་འགུལ་དངོས་ཀྱི་རྣམ་པ་ཕྱིར་དྲན་འདི་ལྟར་གནང་གི་འདུག དེ་ཡང་ཁོང་གིས་ཕྱི་ལོ་ ༡༩༨༧ ཟླ་ ༩ ཚེས་ ༢༧ ཉིན་གྱི་ཐོག་མའི་སྐད་འབོད་སྐབས་ཀྱི་རྣམ་པ་དང་སྐབས་དེའི་གནས་སྟངས་ངོ་སྤྲོད་གནང་སྐབས། ལྷ་སའི་བར་སྐོར་ནང་སྐད་འབོད་དང་པོ་འགོ་བཙུགས་དུས་གཞོན་པ་ཚོས་ག་རེ་ཟེར་གྱི་ཡོད་མིན་གསལ་པོ་མི་ཤེས་པ་དང་། རྒན་པ་ཚོས་བོད་རང་བཙན་ཞེས་ཐོས་པ་དང་གནས་ཚུལ་ཤེས་ཀྱང་། ལམ་སེང་མཉམ་ཞུགས་གནང་མ་ཐུབ་ནས་ལམ་ཟུར་དུ་མིག་ཆུ་གཏོང་བཞིན། ད་འགྲིག་སོང་ཞེས་ལས་འགུལ་མཚམས་འཇོག་གནང་རོགས་ཞེས་ཞུ་མཁན་བྱུང་...

ཨ་རིའི་གྲོས་ཚོགས་ཀྱི་སྐུ་ཚབ་ཚོགས་ཆུང་གིས་༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་བཅར་ཞུས་ནས་བོད་ནང་གི་གནད་དོན་དང་འཛམ་གླིང་གི་འགྱུར་འགྲོས། རྒྱ་ནག་གི་གནས་བབ་སོགས་ཀྱི་ཐད་ལ་གླེང་སློང་གནང་འདུག The post ༧གོང་ས་རྒྱལ་བ་རིན་པོ་ཆེ་མཆོག་ནས་བོད་མིའི་ཚབ་བྱས་ནས་སྐད་ཆ་བཤད་རྒྱུར་སྤོབས་པ་ཡོད་ཅེས་གསུངས། appeared first on བོད་ཀྱི་དུས་བབ།.

ཨེ་མོ་རི་བྱམས་བརྩེའི་ལྟེ་གནས་ཁང་གསར་འཛུགས་གནང་མཁན་དང་འགན་འཛིན་དགེ་བཤེས་བློ་བཟང་བསྟན་འཛིན་ནེ་གེ་ལགས་ལས་འཁྱུར་ངལ་གསོ་བྱས། The post དགེ་བཤེས་བློ་བཟང་བསྟན་འཛིན་ནེ་གེ་ལགས་ཀྱིས་ལས་འཁྱུར་ངལ་གསོ་བྱས། appeared first on བོད་ཀྱི་དུས་བབ།.

བོད་ཀྱི་མེ་ལྕེ་གསོན་པོར་གནས་ཐོག་བོད་ལ་ཨ་རི་ནང་བཞིན་རང་དབང་རང་བཙན་ཐོབ་པའི་རེ་བ་ཡོད་ཅེས་གསུངས་འདུག

ཨ་རིའི་གྲོས་ཚོགས་གོང་མའི་ནང་རྒྱ་ནག་ནང་རྩ་རླུང་སྒོམ་སྒྲུབ་པའི་བཙོན་པ་ཚོའི་དབང་པོ་བཙན་འཕྲོག་བྱེད་བཞིན་པ་དེ་བཀག་འགོག་བྱེད་ཆེད་ཁྲིམས་འཆར་ཞིག་གཏན་འབེབས་བྱས་ཡོད་འདུག་པ་དང་། གལ་སྲིད་ཁྲིམས་ཡིག་དེ་གྲོས་ཚོགས་འོག་མའི་ནང་གཏན་འབེབས་བྱུང་ཚེ་རྒྱ་ནག་གི་འགོ་ཁྲིད་མང་པོ་ཞིག་ལ་ཉེས་ཆད་ཕོག་རྒྱུ་ཡིན་འདུག The post རྒྱ་ནག་ནང་དབང་པོ་བཙན་འཕྲོག་གི་བྱ་སྤྱོད་འགོག་པའི་ཁྲིམས་འཆར་ཨ་རིའི་གྲོས་ཚོགས་གོང་མས་གཏན་འབེབས་བྱས། appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༩ ཚེས་༣༠ ཉིན་གྱི་ཞོགས་པར། ༧གོང་ས་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་དང་། ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་སྐུ་ཞབས་བྷི་རི་ཨན་མཱ་སི་ཊི་ (Brian Mast) མཆོག་གིས་དབུ་ཁྲིད་པའི་སྤྱི་མཐུན་ཚོགས་པའི་འཐུས་མི་བྷི་རི་ཨན་མཱ་སི་ཊི་ The post བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་ཡིག་ལ་རྒྱ་གཞུང་ནས་ཡ་ལན་བྱས་པ་མཐོང་མ་སོང་ཞེས་བརྗོད། appeared first on བོད་ཀྱི་བང་ཆེན།.

སྲིད་སྐྱོང་མཆོག་གིས་ལས་བྱེད་ཚང་མས་རང་ཉིད་ཀྱི་མི་མང་གི་ཞབས་ཕྱི་ཞུ་མཁན་ཡིན་པའི་བསམ་བློ་དང་པོར་འཛིན་དགོས་སྐོར་གསུངས་སོང་།  The post བོད་ཀྱི་མ་འོངས་འགན་སྲུང་ཞེས་པའི་ཕུགས་དམིགས་ཡིག་ཆ་ངོ་སྤྲོད་གནང་སོང་། appeared first on བོད་ཀྱི་དུས་བབ།.

དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་རིན་པོ་ཆེ་མཆོག་འདི་ལོའི་ཕྱི་ཟླ་ ༡༠ པའི་ཟླ་མཇུག་ཏུ་འབྲུག་རྒྱལ་ཁབ་ནང་དུ་ཕེབས་གཏན་འཁེལ་བ་དང་འབྲེལ། འབྲས་ལྗོངས་མངའ་སྡེའི་སྤྱི་ཁྱབ་བློན་ཆེན་མཆོག་གིས་༸རྒྱལ་དབང་མཆོག་མྱུར་དུ་འབྲས་ལྗོངས་མངའ་སྡེའི་ནང་ཆིབས་བསྒྱུར་མཛད་རྒྱུའི་རེ་བ་ཞུ་བཞིན་པ་དང་མངའ་སྡེ་གཞུང་ནས་ཐབས་ཤེས་གང་ཡོང་གནང་བཞིན་ཡོད་པ་མ་ཟད། ཉིན་གཅིག་གཏན་གཏན་ཕེབས་ཐུབ་ཀྱི་རེད་ཅེས་གསུངས་འདུག དེ་ཡང་ཕྱི་ཟླ་ ༡༠ ཚེས་ ༢༩ ནས་ཕྱི་ཟླ་ ༡༡ ཚེས་ ༧ བར་༸རྒྱལ་དབང་མཆོག་འབྲུག་རྒྱལ་ཁབ་ནང་། འབྲུག་དགེ་ལེགས་ཕུག་ས་གནས་སུ་གསར་རྒྱག་གནང་བཞིན་པའི་འབྲུག་ཡུལ་གྱི་ཚོང་འབྲེལ་གྲོང་ཁྱེར་དགེ་ལེགས་ཕུག་དྲན་ཤེས་ཁྲོམ་ཚོགས་ཀྱི་གཞུང་འབྲེལ་མཛད་སྒོ་དབུས་པའི་གནས་གཟིགས་དང་ཆོས་འབྲེལ་སོགས་ཀྱི་མཛད་འཆར་ཁག་གཅིག་ཐུགས་གཏན་འཁེལ་བ་དང་འབྲེལ། འདི་ཚེས་ ༢༦ ཉིན་འབྲས་ལྗོངས་བདུད་འཇོམས་ཐོས་བསམ་འཕགས་པ་རྫོང་དགོན་པ་དབུ་འབྱེད་མཛད་སྒོའི་ཐོག །སྤྱི་ཁྱབ་བློན་ཆེན་ Prem Singh Tamang-Golay པྲེམ་སིང་རྟ་དམག་གོ་ལེ་ལགས་ཀྱིས་གསུང་བཤད་ཁྲོད། དཔལ་༸རྒྱལ་དབང་ཀརྨ་པ་རིན་པོ་ཆེ་མཆོག་འབྲུག་ཡུལ་ནང་དུ་ཆིབས་བསྒྱུར་མཛད་རྒྱུའི་གནད་དོན་དེ་དང་འབྲེལ་ནས་འབྲུག་ཡུལ་ནི་འབྲས་ལྗོངས་མངའ་སྡེ་དང་ཐག་ཉེ་པོ་ཡོད་སྟབས། མི་མང་ཡང་ཁུལ་དེར་རིན་པོ་ཆེ་མཆོག་མཇལ་ཞུ་སླད་དུ་བསྐྱོད་འཆར་ཡོད་སྲིད་པ་དང་སྐྱོད་དགོས་ངེས་ཀྱང་ཡིན་ཞིང་། མངའ་སྡེ་གཞུང་གི་ངོས་ནས་༸རྒྱལ་དབང་མཆོག་འབྲས་ལྗོངས་སུ་གདན་འདྲེན་ཞུ་རྒྱུའི་ཆེད་དུ་མུ་མཐུད་འབད་བརྩོན་གང་ཡོང་བྱེད་བཞིན་ཡོད་པ་དང་། དབུས་གཞུང་དང་ལྷན་དུའང་འབྲེལ་བ་བྱས་ཡོད་པ་མ་ཟད། ཉིན་གཅིག་གཏན་གཏན་ཕེབས་ཐུབ་ཀྱི་རེད་ཅེས་གསུངས་སོང་། ད་དུང་ཁོང་གིས་༸རྒྱལ་དབང་མཆོག་འབྲས་ལྗོངས་ཀྱི་ཉེ་འདབས་སུ་ཡོད་པའི་འབྲུག་རྒྱལ་ཁབ་ནང་དུ་ཕེབས་རྒྱུ་དེ་ནི། ང་ཚོར་མཚོན་ན་དོན་འབྲས་ཆེན་པོ་ཞིག་ཡིན་ཞིང་། མགྱོགས་ནས་མྱུར་དུ་འབྲས་ལྗོངས་སུ་ཆིབས་བསྒྱུར་མཛད་ཐུབ་པའི་སྨོན་འདུན་ཞུ་རྒྱུ་དང་། ལྷག་པར་༸རྒྱལ་དབང་མཆོག་ལ་དེ་འབྲེལ་གསོལ་འདེབས་ཞུས་ཡོད་པ་དང་ཆབས་ཅིག །འབྲས་ལྗོངས་ནང་དུ་ཆོས་སྡེ་ཁག་མང་པོ་ཡོད་པའི་བྱིན་རླབས་ཀྱི་མཐུ་ལ་བརྟེན་ནས་མྱུར་དུ་ཞལ་མཇལ་སྐལ་བཟང་གི་གོ་སྐབས་ཐོབ་རྒྱུའི་རེ་བ་འཆང་བཞིན་ཡོད་པ་གསུངས་འདུག རྩ་བའི་ད་རེས་འབྲུག་རྒྱལ་པོའི་ཐུགས་དགོངས་ལྟར་མང་ཚོགས་སྟོང་ཕྲག་མང་པོས་དྭང་བླངས་ཐོག་མཉམ་ཞུགས་ཀྱིས་ཉིན་གཅིག་ནང་བྱང་ཆུབ་མཆོད་རྟེན་མཐོ་ཚད་ལ་མི་ཊར་ ༡༥ ཅན་གྲངས་ ༡༠༨ བཞེངས་རྒྱུའི་གཞུང་འབྲེལ་གྱི་མཛད་སྒོར་ཆོས་བརྒྱུད་རིས་སུ་མ་མཆིས་པའི་བསྟན་བདག་བླ་ཆེན་རྣམ་པ་ཕེབས་ཀྱི་ཡོད་པ་དང་། བླ་ཆེན་ཁྲོད་༸དཔལ་ས་སྐྱ་གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་།...

བོད་ཀྱི་སྐྱིད་གྲོང་དང་བལ་ཡུལ་གྱི་ས་མཚམས་སུ་ཕྱི་ཟླ་ ༨ ཚེས་ ༢༦ ཉིན་འཁྱགས་རོམ་ཉིལ་བ་ལས་ཐོན་པའི་འདམ་རྡོ་ཆུ་རུད་ཀྱི་གནོད་འཚེ་ཚབས་ཆེན་བྱུང་ནས་ཟླ་གཅིག་ལྷག་ཕྱིན་ཡོད་རུང་། བོད་ཕྱོགས་སུ་འདས་གྲོངས་དང་གར་སོང་ཆ་མེད་དུ་གྱུར་བའི་མཐའ་མའི་གྲངས་ཐོ་ད་དུང་ཁ་གསལ་མེད་པ་དང། གནོད་འཚེ་བྱུང་བའི་སྐབས་སུ་བོད་ནང་གི་བོད་མི་སྐྱིད་གྲོང་ཕྱོགས་སུ་རོགས་སྐྱོར་བྱེད་དུ་སྐྱོད་རྒྱུར་གཞུང་ཕྱོགས་ནས་དམ་དྲག་བཀོག་སྡོམ་བྱས་ཡོད་འདུག

ལོ་རྗེས་མར་འཚོགས་འཆར་ཡོད་པའི་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་ཀྱི་ཚོགས་འདུར་རྩོམ་ཡིག་བསྡུ་བཞིན་པའི་སྐབས་དང་བསྟུན་ནས་ཞིབ་འཇུག་རྩོམ་ཡིག་གི་ནང་དོན་གནད་བསྡུས་འབྲི་སྟངས་ཐད་ཟབ་སྦྱོང་ཞིག་དྲ་ལམ་དུ་འཚོགས། The post ཞིབ་འཇུག་རྩོམ་ཡིག་འབྲི་སྟངས་ཐད་དྲ་ལམ་ཟབ་སྦྱོང་ཞིག་འཚོགས། appeared first on བོད་ཀྱི་དུས་བབ།.

ང་ཚོ་ཁྱེད་ཚོའི་མཉམ་དུ་ཡོད་ཅེས་ཨ་རིའི་གྲོས་ཚོགས་འཐུས་མིའི་སྐུ་ཚབ་ཆོགས་ཆུང་གིས་བོད་མི་ཚོར་བརྡ་ལན་གནང་སོང་།

རྒྱལ་མཚན་ནོར་བུས་བོད་ནང་མི་རིགས་མཐུན་སྒྲིལ་ཡར་ཐོན་གྱི་ཁྲིམས་གཙོས་རྒྱ་བསྒྱུར་སྲིད་ཇུས་ལག་བསྟར་དོན་འཁྱོལ་བྱས་ཏེ་ཞི་ཅིན་ཕིན་གྱི་དྲིན་ལན་འཇལ་དགོས་ཡོད་ཟེར། The post རྒྱལ་མཚན་ནོར་བུས་ཞི་ཅིན་ཕིན་གྱི་དྲིན་ལན་འཇལ་དགོས་ཟེར། appeared first on བོད་ཀྱི་དུས་བབ།.

རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་འདི་ལོའི་ཕྱི་ཟླ་ ༧ ཚེས་ ༢ ཉིན་བོད་བསྟན་སྲིད་མི་རིགས་ཀྱི་ཆེད་དུ་ཨ་རིའི་ནིའུ་ཡོག་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་སྐུ་ལུས་མེར་བསྲེགས་བཏང་རྗེས། ནིའུ་ཡོག་གཙོས་པའི་རྒྱལ་སྤྱིའི་ས་གནས་གང་སར་རྒྱ་གཞུང་ལ་ངོ་རྒོལ་དང་ལས་འགུལ་གྱི་རྦ་རླབས་གསར་པ་ཞིག་གཏོད་པ་དེ་ཉིད་ད་ཆ་ཕྲན་བུས་ཉམས་ཞན་དུ་ཕྱིན་པ་མངོན་རྒྱུ་ཡོད་ནའང་། བོད་མི་སྒེར་པ་ཚོས་རང་ཉིད་ཀྱི་ལས་འགུལ་བརྒྱུད་ནས་བོད་དེ་རྒྱལ་སྤྱིའི་མངོན་གསལ་དུ་གནས་པར་བྱེད་པའི་འབད་བརྩོན་མཚམས་ཆད་མེད།  དེའང་ཉེ་ཆར་བོད་མི་ཞིག་གིས་རྒྱ་གར་གྱི་རྒྱལ་ས་ལྡི་ལི་ནས་རྡ་རམ་ས་ལར་ཞི་བའི་གོམ་བགྲོད་ཀྱི་ལས་འགུལ་ཞིག་ཁ་སང་ལེགས་གྲུབ་བྱུང་བ་དང་། དེ་བཞིན་བོད་མི་གཞན་ཞིག་གིས་གནད་དོན་འདི་ཐད་ཀར་ཁེ་ན་ཌའི་གཞུང་གི་ཆེས་མཐོའི་དབུ་ཁྲིད་བར་བསླེབས་ཐུབ་པ་གནང་སྟེ་བོད་དོན་ལ་རྒྱབ་སྐྱོར་ཡོང་བའི་ལས་འགུལ་སྤེལ་བཞིན་པ་རེད་འདུག རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་དུ་གནས་སྡོད་གནང་མཁན་ལོ་ན་ ༥༩ ལ་སོན་པའི་བཀྲ་ཤིས་ཐག་ཆོད་ལགས་ཀྱིས་ཉེ་ཆར་ཕྱི་ཚེས་ ༢༠ ཉིན་རྒྱ་གར་གྱི་རྒྱལ་ས་ལྡི་ལིའི་བོད་མི་གཞིས་སྒར་བསམ་ཡས་གླིང་ནས་བཞུགས་སྒར་རྡ་རམ་ས་ལའི་བར་བོད་དོན་དྲིལ་བསྒྲགས་དང་ལྷག་པར་དུ་དཔའ་བོ་བློ་དགའ་རང་བཙན་ལགས་ཀྱི་གནད་དོན་ཐོག་ཡ་ལན་གཙང་མ་གནང་མེད་པ་དང་དྲང་བདེན་བྱུང་མེད་པའི་གནད་དོན་སོགས་ཀྱི་དྲིལ་བསྒྲགས་ཆེད་ཞི་བའི་གོམ་བགྲོད་ཀྱི་ལས་འགུལ་ཞིག་འགོ་འཛུགས་གནང་བ་ལྟར། ཁ་སང་དགོང་མོར་ཁོང་བཞུགས་སྒར་རྡ་རམ་ས་ལའི་མེག་གྷན་ཁྲོམ་གཞུང་དུ་བདེ་འབྱོར་དང་སྦྲགས་ལས་འགུལ་མཇུག་སྒྲིལ་གནང་སོང་། འདི་ག་གསར་འགོད་པས་སྐབས་དེར་བཀྲ་ཤིས་ཐག་ཆོད་ལགས་སུ་བཅར་འདྲི་ཞུས་པར་ཁོང་གིས་ད་ལྟའི་ཆར་སྐད་འབོད་དང་གོམ་བགྲོད་སོགས་ཀྱི་བོད་དོན་འཐབ་རྩོད་ཀྱི་ལས་འགུལ་ནང་མཉམ་ཞུགས་གནང་མཁན་གཙོ་བོ་ནི་བོད་མི་ལོ་ན་བགྲེས་པ་ཚོ་ཡིན་པ་འགྲེལ་བརྗོད་དང་སྦྲགས། མ་འོངས་པར་བོད་དོན་འཐབ་རྩོད་ཀྱི་ལས་འགུལ་ནང་བོད་མི་གཞོན་སྐྱེས་ཚོས་མཉམ་ཞུགས་གང་མང་གནང་དགོས་གལ་ཆེ་བ་ཡིན་སྐོར་གསུངས་སོང་། ཞི་བའི་གོམ་བགྲོད་ཀྱི་ལས་འགུལ་མཇུག་སྒྲིལ་དང་སྦྲགས། དེ་རིང་སྔ་དྲོ་བཀྲ་ཤིས་ཐག་ཆོད་ལགས་སུ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་ཡོད་པ་དང་།  མཇལ་ཁ་གྲུབ་མཚམས་སུ་ཁོང་གིས་དེ་རིང་༸སྐུ་མདུན་མཇལ་ཁ་ཞུ་རྒྱུའི་གོ་སྐབས་བྱུང་བ་དེ་སྐལ་པ་བཟང་པོ་ཞིག་ཡིན་པ་དང་༸གོང་ས་མཆོག་ནས་ཀྱང་ཡག་པོ་རེད་ཅེས་བཀའ་གནང་བྱུང་སྐོར་གསུངས་སོང་། རྩ་བའི་བཀྲ་ཤིས་ཐག་ཆོད་ལགས་ཀྱི་ཞི་བའི་གོམ་བགྲོད་ཀྱི་ལས་འགུལ་དེ་བཞིན་ཁྱོན་ཉིན་གྲངས་ ༨ འགོར་ཡོད་པ་དང་། ཁོང་ལྟ་བུ་ཡིན་ན་དེ་སྔ་རྒྱ་གར་ལྷོ་ཕྱོགས་ཀར་ནཱ་ཊ་ཀ་མངའ་སྡེའི་རྒྱལ་ས་སྦེང་ལོར་ནས་ཧོན་སུར་བར་བོད་དོན་དྲིལ་བསྒྲགས་ཀྱི་གོམ་བགྲོད་ལས་འགུལ་ལ་མཉམ་ཞུགས་གནང་མྱོང་མཁན་ཡང་ཡིན་པ་རེད། ཕྱོགས་མཚུངས་ཁ་སང་ཁེ་ན་ཊའི་གྲོང་ཁྱེར་ཊོ་རོན་ཊོ་གནས་བཞུགས་གཡུང་དྲུང་བསྟན་འཛིན་ལགས་ཀྱིས་རྒྱལ་ས་ཨོ་ཊ་ཝ་ལ་ཆེད་བཅར་གྱིས་ཡུལ་དེའི་ཕྱི་སྲིད་བློན་ཆེན་མཆོག་གི་སྲིད་བྱུས་ལམ་སྟོན་པ་ལྕམ་ Isabelle Buchanan ལགས་དང་ལྷན་མཇལ་འཕྲད་ཀྱིས་གཙོ་བོ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་ཨ་རིའི་ནིའུ་ཡོག་མཉམ་འབྲེལ་རྒྱལ་ཚོགས་ཀྱི་མདུན་དུ་སྐུ་ལུས་མེར་བསྲེགས་བཏང་བའི་གནད་དོན་སྐོར་ཞུ་གཏུགས་གནང་འདུག གཡུང་དྲུང་བསྟན་འཛིན་ལགས་ཀྱིས་འདི་གའི་གསར་འགོད་པར་བརྗོད་དོན་ལྟར་ན། ཁོང་རང་ཉིད་ཁེ་ན་ཊའི་ཕྱི་སྲིད་བློན་ཆེན་གྱི་སྲིད་བྱུས་སློབ་སྟོན་པ་ལྕམ་ Isabelle Buchanan ལགས་དང་ལྷན་ཁྱོན་སྐར་མ་ ༢༥ རིང་བཀའ་མོལ་ཞུ་རྒྱུའི་གོ་སྐབས་བྱུང་ཡོད་པ་མ་ཟད། ལྷག་དོན་ཡིག་ཐོག་བརྒྱུད་ནས་དཔའ་བོ་བློ་དགའ་རང་བཙན་ལགས་ཀྱིས་སྐུ་ལུར་མེར་བསྲེགས་བཏང་བའི་གནད་དོན་དང་ཁོང་གི་བཞག་པའི་སྐར་མ་ ༦ གི་ཞལ་ཆེམས་བཅས་ཀྱི་སྐོར་ཞུ་གཏུགས་གནང་རྒྱུ་བྱུང་སོང་ཞེས་གསུངས་བ་དང་སྦྲགས། འཛམ་གླིང་ཡུལ་གྲུ་ཁག་ཏུ་བཞུགས་པའི་བོད་མི་རྣམས་ནས་མི་སེར་གྱི་ཐོབ་ཐང་ལེན་པའི་ཐོག་ནས་གནས་ཡུལ་གཞུང་ལ་བོད་དོན་སྐོར་ཞུ་གཏུགས་གནང་དགོས་གལ་ཡིན་པ་དང་བོད་མི་རྣམས་ནས་རྡོག་རྩ་ཆིག་སྒྲིལ་གྱི་ཐོག་ནས་འཐབ་རྩོད་གནང་རོགས་ཞེས་ནན་བརྗོད་གནང་སོང་།...

ཁ་སང་ཕྱི་ཟླ་ ༩ ཚེས་ ༢༨ ཉིན་ནས་དབུ་འཛུགས་ཀྱིས་དེ་རིང་ཕྱི་ཚེས་ ༢༩ བར་ཉིན་གྲངས་གཉིས་རིང་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཀྱི་ཚོགས་ཁང་གསར་པའི་ནང་དུ།  བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པ་འཚོགས་ཡོད་པ་དང་འབྲེལ།  ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་ལྷན་ཚོགས་ཀྱི་ཚོགས་གཙོ་གསར་པ་བཀའ་ཟུར་ཐུབ་བསྟུན་ལུང་རིགས་མཆོག་གིས།  ལྷན་ཚོགས་ངོས་ནས་གལ་ཆེ་ཤོས་དེ་ཚོགས་མི་སྒེར་སོ་སོའི་ངོས་ནས་བཙན་བྱོལ་བོད་མིའི་ཤེས་ཡོན་སྲིད་བྱུས་ལ་ངེས་པ་རྙེད་པ་ཞིག་དང་ཡིད་ཆེས་ཡོད་པ་ཞིག་གནང་དགོས་གལ་ཡིན་པ་གསུངས་འདུག རྩ་བའི་ཉིན་གྲངས་གཉིས་རིང་འཚོགས་པའི་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པའི་ཐོག  །དེ་སྔོན་ལྷན་ཚོགས་ཀྱིས་གཏན་འབེབས་གནང་བའི་གྲོས་ཆོད་ཁག་ལག་བསྟར་ཇི་ཙམ་བྱུང་ཡོད་མེད་སྐོར་གོ་བསྡུར་སྦྱང་བཤད་དང་།  ལྷན་ཚོགས་ཀྱི་ཚོགས་མི་སྐུ་ཚབ་ནས་སློབ་གྲྭ་ཁག་ལ་གཟིགས་སྐོར་གྱི་ཕྱོགས་བསྐྱོད་ལས་བསྡོམས་སྐོར་ལེགས་ཉེས་དགོངས་འཆར།  དེ་བཞིན་ཤེས་རིག་ལྷན་ཚོགས་ཀྱི་དཔེ་དེབ་གསུམ་དཔར་བསྐྲུན་གནང་འཆར་ཡོད་པ་དེ་དག་གྲོས་གཞི་རེ་རེའི་ངོ་བོའི་ཐོག་རིམ་པའི་གྲོས་བསྡུར་དང་།  ཚོགས་མི་གསུམ་ལས་གྲུབ་པའི་དཔེ་དེབ་བསྐྱར་ཞིབ་ཚོགས་ཆུང་གི་ཚོགས་མི་གཅིག་སྐུ་ཚེ་མ་ཟིན་པའི་གནས་སྟངས་བྱུང་བར་ཚོགས་མི་གསར་པ་བསྐོ་བཞག  །རྒྱ་ནག་གི་མི་རིགས་མཐུན་སྒྲིལ་གྱི་ཁྲིམས་གསར་དང་ལྷག་པར་དུ་ཁྲིམས་ཡིག་དེའི་དོན་ཚན་གཉིས་པར་གདོང་ལེན་གྱིས་གོ་བསྡུར་སྦྱང་བཤད།  སློབ་གྲྭ་ཁག་གི་སློབ་ཕྲུག་གི་གྲངས་འབོར་ཉུང་དུ་འགྲོ་བཞིན་པའི་དཀའ་ངལ་དང་སློབ་གྲྭ་གནས་མི་གནས་སྐོར་དང་།  དགེ་རྒན་གྱི་སྤུས་ཚད་ཡར་རྒྱས་གཏོང་ཕྱོགས་སྐོར་སྟངས་འཛིན་ཇི་ལྟར་གནང་གི་ཡིན་མིན་བཅས་ཁྱོན་གྲོས་གཞི་ཁག་བཅུའི་ཐོག་གྲོས་བསྡུར་གནང་ཡོད་པ་རེད། ཁ་སང་ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུས་པའི་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་།  བཙན་བྱོལ་བོད་མིའི་ཤེས་ཡོིན་ལྷན་ཚོགས་ཀྱི་ཚོགས་གཙོ་གསར་པ་བཀའ་ཟུར་ཐུབ་བསྟན་ལུང་རིགས་མཆོག  །དེ་བཞིན་ལྷན་ཚོགས་ཁོངས་སུ་ཚོགས་མི་གསར་པ་དགའ་ལྡན་བྱང་རྩེ་གྲྭ་ཚང་གི་ཚན་རིག་སྡེ་ཚན་གྱི་འགན་འཛིན་དགེ་བཤེས་བློ་གྲོས་བཟང་པོ་ལགས་དང་། མ་སུ་རི་བོད་ཁྱིམ་སློབ་གྲྭའི་ཤེས་ཡོན་འགན་འཛིན་རིག་འཛིན་ཟླ་བ་ལགས། སམ་བྷོ་ཊ་སྤྱི་ཁྱབ་ལས་ཁུངས་ཀྱི་འགན་འཛིན་གཞོན་པ་ངག་སྒྲོན་ལགས།  ཤེས་རིག་ལས་ཁུངས་ཀྱི་དེང་རབས་ཚན་པའི་འགན་འཛིན་འཇམ་དབྱངས་ལགས་དང་སྲོལ་རྒྱུན་ཚན་པའི་འགན་འཛིན་དངོས་གྲུབ་བསྟན་པ་ལགས།  མ་ཟད་ལྷན་ཚོགས་ཀྱི་ཚོགས་མི་སྤྱི་ཟུར་བསོད་ནམས་རྒྱལ་མཚན་ལགས་དང་།  སྤྱི་ཟུར་ཉི་མ་དོན་གྲུབ་ལགས།  དགེ་ངག་དབང་ལྷ་མོ་ལགས་བཅས་བཀའ་ཤག་གིས་བསྐོ་བཞག་གནང་བའི་ཚོགས་གཙོ་དབུས་པའི་ཚོགས་མི་ ༤ དང་མཚན་གནས་རྗེས་དྲན་གྱི་ཚོགས་མི་ ༧ བསྡོམས་པའི་ཁྱོན་ཤེས་ཡོན་ལྷན་ཚོགས་ཀྱི་ཚོགས་མི་ ༡༡ ནས་མཉམ་ཞུགས་གནང་འདུག སྐབས་དེར་བཙན་བྱོལ་བོད་མིའི་ཤེས་ཡོིན་ལྷན་ཚོགས་ཀྱི་ཚོགས་གཙོ་བཀའ་ཟུར་ཐུབ་བསྟན་ལུང་རིགས་མཆོག་གིས།  བཙན་བྱོལ་བོད་མིའི་ཤེས་ཡོན་སྲིད་བྱུས་གཏན་འབེབས་གནང་དགོས་པའི་ཐོག་མའི་དམིགས་ཡུལ་དང་། རྒྱབ་ལྗོངས།  གྲུབ་འབྲས་སྐོར་ཞིབ་ཕྲའི་གནས་ཚུལ་ངོ་སྤྲོད་དང་འབྲེལ།  ཤེས་ཡོན་ལྷན་ཚོགས་ཀྱི་ཚོགས་མི་ཚོའི་ངོས་ནས་སློབ་གྲྭ་ཁག་དང་། ཕ་མ།...

ཉི་ཧོང་དུ་འཚོགས་བཞིན་པའི་ ༢༠༢༦ ལོའི་ཨེ་ཤ་ཡའི་རྩེད་འགྲན་ཁྲོད་བོད་ཀྱི་བུད་མེད་ལུས་རྩལ་བ་བསྟན་འཛིན་ཆོས་འཛོམས་ལ་འདུར་རྒྱུགས་འགྲན་བསྡུར་ཁྲོད་གསེར་གྱི་རྟགས་མ་ཐོབ་ཡོད་འདུག The post བོད་ཀྱི་བུད་མེད་ལུས་རྩལ་བ་ཞིག་ལ་གསེར་གྱི་རྟགས་མ་ཐོབ།  appeared first on བོད་ཀྱི་དུས་བབ།.

བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེང་གེ་མཆོག་གིས་རྒྱ་གར་གཞུང་གིས་རྒྱ་ནག་གི་ BRICS ཞེས་གོ་ལའི་ལྷོ་ཕྱོགས་མཉམ་སྦྲེལ་ལྷན་ཚོགས་ནང་གི་ཤུགས་རྐྱེན་ཇེ་ཆེར་འགྲོ་བཞིན་པར་ཐུགས་སྣང་དགོས་གལ་དང་འབྲེལ། BRICS ནང་དབང་ཤུགས་ཇེ་ཆེར་གཏོང་བ་དེས་ལྷན་ཚོགས་རྒྱལ་ཁབ་ཁག་རྒྱ་ནག་གི་ཕྱོགས་སུ་འགྲོ་ཉེན་ཡིན་པས། རྒྱ་གར་གྱིས་འཛམ་གླིང་ལྷོ་ཕྱོགས་ཀྱི་འགོ་ཁྲིད་ནུས་པ་མུ་མཐུད་དུ་སྲ་བརྟན་དགོས་སྐོར་ཙམ་མ་ཟད། རྒྱ་ནག་དང་འབྲེལ་བ་གནང་སྐབས་ཡིད་གཟབ་གནང་དགོས་གལ་ཡིན་པ་གསུངས་འདུག དེ་ཡང་ཁ་སང་ Dainik Tribune གསར་ཁང་གིས་སྲིད་ཟུར་བློ་བཟང་སེང་གེ་མཆོག་རྒྱ་གར་གྱི་རྒྱལ་ས་ལྡི་ལིར་ཕེབས་ཡོད་པ་དང་བསྟུན། སྲིད་ཟུར་མཆོག་ལ་ཉེ་ལམ་ཁུལ་དེར་འཚོགས་པའི་ BRICS ལྷན་ཚོགས་དང་འབྲེལ་ནས་རྒྱ་དཀར་ནག་གཉིས་ཀྱི་འགོ་ཁྲིད་ཐུག་འཕྲད་གཙོས་ཕྱོགས་གཉིས་ཀྱི་འབྲེལ་བ་སླར་གསོ་བྱ་རྒྱུའི་འབད་བརྩོན་དེས་བོད་ལ་ཁེ་དང་གྱོང་གུད་ཇི་བྱུང་སྐོར་བཅར་འདྲི་ཞུས་པའི་ཁྲོད། སྲིད་ཟུར་བློ་བཟང་སེང་གེ་མཆོག་གིས་རྒྱ་དཀར་ནག་གཉིས་ཀྱི་འབྲེལ་བ་སླར་གསོ་དང་འབྲེལ། ཉེ་ལམ་ BRICS ལྷན་ཚོགས་དང་བསྟུན་ཟླ་བ་འདིའི་ཕྱི་ཚེས་ ༡༢ ཉིན་རྒྱ་དཀར་ནག་གཉིས་ཀྱི་འགོ་ཁྲིད་བར་ཐུག་འཕྲད་ཀྱིས་ཕན་ཚུན་ལ་བརྩི་འཇོག་དང་བསམ་ཤེས་ཀྱི་རྣམ་འགྱུར་བསྟན་ནས་ཞི་བདེ་དང་བརྟན་བརླིང་གི་འབྲེལ་ལམ་ཞིག་འཚོལ་སྒྲུབ་བྱེད་རྒྱུའི་མོས་མཐུན་བྱུང་ཡོད་ཀྱང་། རྒྱ་གར་གཞུང་གིས་རྒྱ་དཀར་ནག་གཉིས་ཀྱི་ཕྱི་ལོ་  ༡༩༦༢ ཀྱི་དོན་རྐྱེན་གཙོས་འཕགས་བོད་ས་མཚམས་ Doklam དང་ Galwan སོགས་ཀྱི་གདོང་ཐུག །དེ་བཞིན་རྒྱ་གཞུང་གིས་ཨ་རུ་ན་ཅཱལ་གྱི་ས་ཚིགས་མིང་སྒྱུར་བྱས་པ་སོགས་ལུང་འདྲེན་དང་སྦྲགས། རྒྱ་གར་གཞུང་ནས་རྒྱ་ནག་དང་འབྲེལ་བ་གནང་སྐབས་ཡིད་གཟབ་གནང་དགོས་གལ་ཡིན་པ་གསུངས་འདུག མ་ཟད། དེང་སྐབས་རྒྱ་ནག་གིས་ BRICS གོ་ལའི་ལྷོ་ཕྱོགས་མཉམ་སྦྲེལ་ལྷན་ཚོགས་ནང་དབང་ཆ་རྒྱ་སྐྱེད་གཏོང་བཞིན་པ་དེས་ལྷན་ཚོགས་རྒྱལ་ཁབ་ཁག་རྒྱ་ནག་གི་ཕྱོགས་སུ་འགྲོ་ཉེན་ཡིན་པས། རྒྱ་གར་གྱིས་དེ་འབྲེལ་ཐུགས་སྣང་དགོས་གལ་ཐོག །འཛམ་གླིང་ལྷོ་ཕྱོགས་ཀྱི་འགོ་ཁྲིད་ནུས་པ་མུ་མཐུད་དུ་སྲ་བརྟན་དགོས་སྐོར་དང་ཆབས་ཅིག  །ལྷག་པར་རྒྱ་གར་གྱིས་རྒྱ་ནག་ལ་ཚོང་ལས་དང་དཔལ་འབྱོར་གྱི་རྟེན་ཚད་དེ་བཞིན་ཉུང་འཕྲི་དགོས་པའི་ཐོག །མཁོ་གལ་ཆེ་བའི་དངོས་ཟོག་རྒྱ་གར་རང་གིས་བཟོ་སྐྲུན་བྱ་ཐབས་གནང་དགོས་གལ་ཡིན་པ་གསུངས་འདུག སྲིད་ཟུར་མཆོག་གིས་ད་དུང་ཉེ་ལམ་བལ་བོད་ས་མཚམས་སུ་ཆུ་ལོག་གི་གོད་ཆགས་དང་འབྲེལ་བའི་གནས་ཚུལ་དང་འབྲེལ། རྒྱ་ནག་གཞུང་གིས་བལ་བོད་ས་མཚམས་སུ་བྱུང་བའི་ཆུ་ལོག་གོད་ཆགས་ནང་བོད་སྐྱིད་གྲོང་ཁུལ་དུ་མི་ཤི་རྐྱེན་འདས་ཀྱི་ཆག་སྒོ་བྱུང་བའི་གནས་ཚུལ་སྦས་གསང་ཆེན་པོ་བྱས་ཡོད་པ་དང་།...

ཕྱི་ལོ་༢༠༢༦ ཟླ་༩ ཚེས་༢༨ ཉིན་གྱི་ཕྱི་དྲོ་ཆུ་ཚོད་བརྒྱད་པ་ཙམ་ལ། རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་དུ་གནས་སྡོད་བྱེད་མཁན་བཀྲ་ཤིས་ཐག་གཅོད་ལགས་ཀྱི་རྒྱ་གར་གྱི་རྒྱལ་ས་ལྡི་ལི་ནས་བཞུགས་སྒར་དྷ་སའི་བར་གྱི་ཞི་བའི་གོམ་བགྲོད་ཀྱི་ལས་འགུལ་དེ་མཇུག་སྒྲིལ་སོང་།ལས་འགུལ་བ་བཀྲ་ཤིས་ཐག་གཅོད་ལགས་ཀྱི་དགུང་ལོ་༥༩ ཡིན་ཞིང་། ཁོང་གིས་བོད་དོན་དྲིལ་བསྒྲགས་ཆེད། ཕྱི་ཟླ་༩ ཚེས་༢༠ The post ལྡི་ལི་ནས་དྷ་སའི་བར་གྱི་བོད་དོན་ཞི་བའི་གོམ་བགྲོད་ལསའགུལ་མཇུག་སྒྲིལ། appeared first on བོད་ཀྱི་བང་ཆེན།.