རྒྱ་ནག་གི་ཁྲིམས་གསར་དེ་ནི་འཛམ་གླིང་དམག་ཆེན་གཉིས་པ་མཇུག་བསྒྲིལ་རྗེས་གཏན་འབེབས་བྱས་པའི་མི་རིགས་དབྱེ་འབྱེད་ཀྱི་ཁྲིམས་ཡིག་ཆེ་ཤོས་ཤིག་ཡིན་ཞིང་། ཁྲིམས་དེས་འཛམ་གླིང་ཁྱོན་ཡོངས་ཀྱི་མི་རིགས་རྩ་མེད་གཏོང་ཉེན་ཡོད་སྟབས་འཛམ་གླིང་ཡོངས་ནས་ཁྲིམས་དེ་ལ་ངོ་རྒོལ་བྱ་དགོས་པའི་འབོད་སྐུལ་ཞུས། The post རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བར་ངོ་རྒོལ་བསྒྲགས་གཏམ་སྤེལ།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༣༠ ཉིན་ཏཱོ་ཀྱོ་ནཱ་གཱ་ཏ་ཆོ་ (Nagatacho) རུ་རྟེན་གཞི་བྱས་པའི་གྲོས་ཚོགས་ཀྱི་ཚོགས་ཁང་དུ་རྒྱ་ནག་གི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པར་རྟོག་ཞིབ་གནང་མཁན་གྱི་གྲོས་ཚོགས་ཚོགས་པ་དང་། བོད་དང་ཡུ་གུར། ལྷོ་སོག་བཅས་ལ་རྒྱབ་སྐྱོར་གནང་མཁན་གྱི་གྲོས་ཚོགས་ཚོགས་པ་གསུམ་ནས་གསར་འགོད་ལྷན་ཚོགས་བསྐོང་ཚོགས་ཀྱིས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་སྐྱོན་བརྗོད་ཀྱིས་བསྒྲགས་གཏམ་ཤུགས་ཆེ་སྤེལ་ཡོད། དེ་ཡང་གྲོས་ཚོགས་འཐུས་མི་ཧྥུ་རུ་ཡ་ཀེ་ཇི་ (Furuya Keiji) ལགས་དང་། ཡ་མ་ཏ་ནི་ཨེ་རི་ཀོ་ (Ms. Yamatani Eriko) ལགས། ཡ་མ་དྷ་ཧི་རོ་ཤི་ (Yamada Hiroshi) ལགས། ཨི་ཤི་བཱ་ཤི་རིན་ཏ་རོ་ (Ishibashi Rintaro) ལགས། ཨུ་ནོ་ཧི་རོ་ཞི་ (Ueno Hiroshi) ལགས་བཅས་ཐུན་མོང་ནས་ཉི་འོང་མང་གཙོའི་རྒྱལ་ཁབ་ཅིག་ཡིན་པའི་ཆ་ནས་ཁྲིམས་གསར་དེ་ལ་ངོས་ལེན་མེད་ཅེས་གསུངས། བསྒྲགས་གཏམ་ནང་ཉི་འོང་གཞུང་ལ་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ལྟ་ཞིབ་ནན་པོ་བྱེད་དགོས་པ་དང། དེ་བཞིན་རྒྱལ་མཚམས་ལས་བརྒལ་བའི་བྱེད་སྒོ་དག་ལ་དོ་དམ་ཤུགས་ཆེ་རུ་གཏོང་དགོས་པའི་འབོད་སྐུལ་ཞུས་ཡོད། གྲོས་ཚོགས་འཐུས་མི་ཡ་མ་ཏ་ནི་ཨེ་རི་ཀོ་ (Ms. Yamatani Eriko)...

ཁ་སང་ཕྱི་ཟླ་ ༧ ཚེས་ ༡ སྟེ་རྒྱ་ནག་དམར་ཤོག་ཚོགས་པ་གསར་འཛུགས་བྱས་ནས་ལོ་ངོ་ ༡༠༥ འཁོར་གྱི་ཡོད་པ་དང་བསྟུན།  ལོ་འཁོར་དུས་སྟོན་གྱི་མཛད་སྒོའི་ཐོག་སྲིད་འཛིན་ཞི་ཅིན་ཕིང་གིས་དེང་དུས་འཛམ་གླིང་གི་འགྱུར་འགྲོས་ལ་གོམས་འདྲིས་དགོས་གལ་དང་།  ཚོགས་པའི་ད་བར་གྱི་ཡར་རྒྱས་ལ་སྲུང་སྐྱོབ་དགོས་པའི་སྐུལ་མ་བྱས་འདུག དེ་ཡང་ Reuters བརྒྱུད་ལམ་གྱིས་སྤེལ་བའི་གནས་ཚུལ་ནང་གསལ་ལྟར་ན།  ཁ་སང་རེས་གཟའ་ལྷག་པའི་ཉིན་པེ་ཅིང་དུ་འཚོགས་པའི་རྒྱ་ནག་དམར་ཤོག་ཚོགས་པའི་ལོ་འཁོར་དུས་སྟོན་དེའི་ཐོག་སྲིད་འཛིན་ཞི་ཅིན་ཕིང་གིས་སྐར་མ་བཞི་བཅུ་རིང་གི་གཏམ་བཤད་ནང་།  རྒྱ་ནག་གི་འཕེལ་རྒྱས་ཏེ་ད་ལྟའི་ཆར་འཐབ་ཇུས་ཀྱི་གོ་སྐབས་དང་ཉེན་ཁ་གདོང་ལེན་མཉམ་དུ་གནས་པའི་དུས་སྐབས་ཤིག་ཏུ་ཡོད་པར་བརྟེན།  ཚོགས་མི་ཡོངས་ནས་དེང་དུས་ཀྱི་འགྱུར་འགྲོས་ངོས་འཛིན་གྱིས་དེར་དཔག་པའི་གོམས་འདྲིས་དང་དུས་མཚུངས་སུ་ཚོགས་པའི་ལས་དོན་ལ་སྐུ་འདེད་བྱེད་དགོས་པ་མ་ཟད།  ཚོགས་པའི་ངོས་ནས་རྒྱལ་ནང་དང་རྒྱལ་སྤྱིའི་རྩོད་གཞི་ཁག་ལ་གདོང་ལེན་བྱ་ཆེད་དུ་འབད་བརྩོན་འབྲེལ་མཐུད་ལེགས་པར་དགོས་པ། ལྷག་པར་དུ་ཚོགས་པའི་འཕེལ་རྒྱས་དང་། སྐྱོན་བྲལ་རང་བཞིན། བདེ་ཐང་གི་སྒྲིག་འཛུགས་བཅས་ལ་གནོད་འཚེ་སྐྱེལ་བའི་ཆ་ཤས་རྣམས་མེད་པ་བཟོ་དགོས་པའི་སྐུལ་མ་བྱས་འདུག ཞི་ཅིན་ཕིང་གིས་ད་དུང་།  ཐེ་ཝན་རྒྱལ་ནང་དུ་ཟླ་སྒྲིལ་གཏོང་རྒྱུའི་རྒྱ་ནག་གི་དམིགས་ཡུལ་བསྒྲུབ་པར་མདུན་སྐྱོད་བྱེད་དགོས་པ་དང་།  ཐེ་ཝན་གྱི་གནད་དོན་སེལ་ཆེད་དུ་ཚོགས་པའི་འཐབ་ཇུས་ཆ་ཚང་བ་ལག་བསྟར་བྱེད་དགོས་པ་བཤད་འདུག་ཀྱང་།  ཐེ་ཝན་གྱིས་དེར་ལན་འདེབས་སུ་ཞི་ཅིན་ཕིང་གི་གཏམ་བཤད་དེ་དག་བསྐྱར་ཟློས་ཙམ་ཡིན་པ་གང་ལྟར་ཡང་།  ཐེ་ཝན་ངོས་ནས་རྒྱ་གཞུང་ལ་སྔོན་འགྲོ་ཆ་རྐྱེན་གང་ཡང་མེད་པར་མང་གཙོ་དང་ཁྲིམས་མཐུན་གྱི་སྲིད་གཞུང་དང་གྲོས་མོལ་བརྒྱུད་ཕྱོགས་གཉིས་ཀྱི་རྩོད་རྙོག་སེལ་དགོས་པའི་འབོད་སྐུལ་མུ་མཐུད་བྱེད་བཞིན་པ་བརྗོད་འདུག གནས་ཚུལ་ནང་གསལ།  སྲིད་འཛིན་ཞི་ཅིན་ཕིང་གིས་ཁ་སང་གི་དུས་སྟོན་མཛད་སྒོའི་ཐོག་དེང་སྐབས་རྒྱ་ནག་ལ་གོ་སྐབས་དང་ཉེན་ཁ་མཉམ་དུ་ཡོད་སྐོར་བཤད་པ་ཙམ་ལས་ཞིབ་ཕྲའི་གནས་ཚུལ་ཁ་གསལ་བཟོས་མེད་སྟབས།  གནད་དོན་དབྱེ་ཞིབ་པས།  སྐབས་དེ་དུས་ཞི་ཅིན་ཕིང་གིས་གོ་སྐབས་དང་ཉེན་ཁའི་སྐོར་བཤད་པ་དེ་དག་ད་ལྟའི་རྒྱ་ནག་གི་དཔལ་འབྱོར་འཕེལ་རྒྱས་དལ་དུ་ཕྱིན་པ་དང་ཡུལ་དེའི་མི་མང་གི་གྲངས་འབོར་ཉུང་དུ་འགྲོ་བཞིན་པའི་དཀའ་ངལ་གསལ་འདོན་བྱས་ཡོད་པ་བརྗོད་འདུག་ལ།  ད་ལྟའི་ཆར་རྒྱ་ནག་ངོས་ལ་དགོས་མཁོའི་འཕྲུལ་རིག་སོགས་ཀྱི་ཐོག་ནུབ་ཕྱོགས་རྒྱལ་ཁབ་ཁག་གིས་དམ་དྲག་བྱེད་བཞིན་པ་མ་ཟད།  ཨ་རི་དང་ཚོང་འབྲེལ་གྱི་འཁྲུག་རྩོད་ཀྱང་ཆེ་རུ་འགྲོ་བཞིན་པ།  དེ་བཞིན་ཐེ་ཝན་གྱི་གནད་དོན་ཡང་ཛ་དྲག་ཅན་ཞིག་ཏུ་གྱུར་ཡོད་པ་སོགས་ཕྱི་རོལ་གྱི་གནས་སྟངས་མང་དག་ཅིག་གི་ཐོག་གདོང་ལེན་བྱ་དགོས་དུས།  དམར་ཤོག་ཚོགས་པའི་འགོ་ཁྲིད་ཚོས་རྒྱ་ནག་སྤྱི་ཚོགས་ཀྱི་ཕྱོགས་ཡོངས་ལ་སྟངས་འཛིན་བྱེད་པའི་ནུས་པ་ཆེ་རུ་གཏོང་རྒྱུ་དེ་གལ་ཆེའི་ལས་འགན་ཞིག་ཏུ་བརྩི་ཡི་ཡོད་བརྗོད་བཞིན་འདུག སྤྱིར་རྒྱ་ནག་གི་གཞུང་འབྲེལ་བརྒྱུད་ལམ་ཤིན་ཧྭ་གསར་ཁང་གིས་བདུན་ཕྲག་འདིའི་རྩོམ་ཡིག་ཅིག་གི་ནང་།  རྒྱ་ནག་དམར་ཤོག་ཚོགས་པ་དེ་བཞིན་ཕྱི་ལོ་ ༡༩༢༡ ལོར་རྒྱ་ནག་གི་གསར་བརྗེ་བ་མི་གྲངས་བཅུ་གྲངས་ལྷག་ཅིག་གིས་གསར་འཛུགས་བྱས་པ་ཞིག་ཡིན་ཀྱང་། ད་ཆ་ཚོགས་པ་དེའི་ཁོངས་ཀྱི་ཚོགས་མིའི་གྲངས་འབོར་ས་ཡ་བརྒྱ་ལྷག་ཡོད་པ་དང་།  དེ་ནི་རྒྱ་ནག་གི་མི་འབོར་གྱི་བརྒྱ་ཆ་ ༧.༢...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་ལས་བྱེད་གསོལ་ཐབ་ཡང་སྟེང་ཚོགས་ཁང་དུ་བོད་མིའི་སྒྲིག་འཛུགས་ཀྱི་དཔལ་འབྱོར་ལས་ཁུངས་ཀྱི་ཁྱབ་ཁོངས་སྤྱི་ཚོགས་ཡར་རྒྱས་ཐེབས་རྩ་དང་ཀམ་པུ་ཊར་སྡེ་ཚན། ཨལ་གྷོ་སི་ཀེལ་བཅས་མཉམ་འབྲེལ་ཐོག་གངས་སྐྱིད་ལས་བྱེད་གསོལ་ཐབ་ཡང་སྟེང་ཚོགས་ཁང་དུ་གོ་སྒྲིག་ཞུས་པའི་སྒྲིག་འཛུགས་གོང་འཕེལ་བརྡ་སྟོན་དང་གྲངས་འཛིན་འཛིན་སྐྱོང་ (ཚད་ལྡན་གྲངས་ཐོ་ལྡན་པའི་སྒྲིག་འཛུགས་འཛིན་སྐྱོང་གི་རྨང་གཞི།) ལས་གཞིའི་ངོ་སྤྲོད་དང་ལས་དོན་རྒྱུས་ལོན་ཚོགས་འདུའི་དབུ་འབྱེད་མཛད་སྒོར་ཚོགས་ཡོད།དེ་ཡང་དབུ་འབྱེད་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། དཔལ་འབྱོར་བཀའ་བློན་དོན་གྲུབ་ཚེ་རིང་མཆོག ཤེས་རིག་བཀའ་བློན་ཨུ་རྒྱན་བསྟན་འཛིན་མཆོག འཕྲོད་བསྟེན་བཀའ་བློན་པདྨ་མཚོ་མཆོག་བཅས་དང་། བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་དྲུང་ཆེ་ཆུང་དང་འབྲེལ་ཡོད་ལས་བྱེད་བཅས་ཕེབས་ཞུགས་གནང་ཡོད།མཛད་སྒོའི་ཐོར་མར་སྤྱི་ཚོགས་ཡར་རྒྱས་ཐེབས་རྩའི་ལས་འཆར་འགན་འཛིན་བསྟན་འཛིན་སྙིང་པོ་ལགས་ཀྱིས་འཚམས་འདྲི་དང་སྦྲགས་ལས་གཞིའི་ངོ་སྤྲོད་སྙིང་བསྡུས་ཤིག་གནང་སྒྲུབ་རྗེས་དཔལ་འབྱོར་བཀའ་བློན་ཚེ་རིང་དོན་གྲུབ་ལགས་ཀྱིས་སྒྲིག་འཛུགས་གོང་འཕེལ་བརྡ་སྟོན་དང་གྲངས་འཛིན་འཛིན་སྐྱོང་གི་ལས་གཞི་འདིའི་ཐོག་ཕྱག་ལས་གནང་མཁན་སྤྱི་ཚོགས་ཡར་རྒྱས་ཐེབས་རྩ་དང་ཀམ་པུ་ཊར་སྡེ་ཚན། དེ་བཞིན་ཨལ་གྷོ་སི་ཀེལ་བཅས་ལ་ཐུགས་རྗེ་ཆེ་ཞུས་པ་དང་སྦྲགས། དེ་སྔོན་བོད་མིའི་སྒྲིག་འཛུགས་ནས་ལས་དོན་ཕལ་ཆེ་བ་ཤོག་བུའི་སྟེང་ཡོད་པའི་སྙན་ཐོ་དང་། འགྲེམས་ཤོག་རིའུ་མིག དེ་བཞིན་ལས་བྱེད་ཀྱི་དྲན་པ་བཅས་ལ་གཞི་བཅོལ་གྱིས་ལས་དོན་ཐག་གཅོད་ཐོག་འཐུས་ཤོར་འགྲོའི་ཡོད་པས་དེ་དག་ཡར་རྒྱས་དང་གདོང་ལེན་ཆེད་ད་ལྟའི་ལས་གཞི་དེ་བཞིན་འགོ་འཛུགས་གནང་བ་ཞིག་དང་། ལས་གཞི་འདི་ལེགས་གྲུབ་དང་ལམ་ལྷོང་ཡོང་བར་ལྷན་ཁང་ཁག་དང་རང་དབང་ཅན་གྱི་སྡེ་ཚན་བཅས་ནས་ནུས་པ་མཉམ་སྤུངས་ཀྱིས་རྒྱབ་སྐྱོར་དང་ཕྱག་ལས་གནང་དགོས་པ་བཅས་གསུངས་ཡོད།དེ་རྗེས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཚོགས་བཅར་བ་ཡོངས་ལ་འཚམས་འདྲི་ཞུས་པ་དང་ཆབས་ཅིག འདས་པའི་ལོ་ལྔའི་རིང་བཀའ་ཤག་སྐབས་བཅུ་དྲུག་པའི་ལས་དོན་ཁ་ཕྱོགས་ཇི་འདྲ་ཞིག་ཏུ་འགྲོ་མིན་ཐད་ཕུགས་དམིགས་ཡིག་ཆ་བོད་ཀྱི་མ་འོངས་འགན་སྲུང་ཞེས་པ་འདོན་སྤེལ་གནང་ཡོད་པ་དང་། དེའི་ཐོག་བཀའ་ཤག་སྐབས་བཅུ་བདུན་ནས་ཡིག་ཆ་དེར་བསྐྱར་ཞིབ་ཀྱིས་ཡིག་ཆ་གསར་པ་ཞིག་འདོན་འཆར་ཡོད་སྐོར་འགྲེལ་བརྗོད་གནང་བ་དང་། བོད་མིའི་སྒྲིག་འཛུགས་སྤྱི་ཡོངས་ཀྱི་ལས་དོན་གཙོ་བོ་ནི་བོད་དོན་བདེན་མཐའ་གསལ་རྒྱུ་དང་བཙན་བྱོལ་སྤྱི་ཚོགས་ཀྱི་བདེ་དོན་གྲུབ་རྒྱུ་དེ་ཡིན་པ་མ་ཟད། བོད་མིའི་སྒྲིག་འཛུགས་ཀྱི་འཛིན་སྐྱོང་དང་ལས་བྱེད་རྣམས་ཀྱི་ནུས་པ་གོང་འཕེལ་གཏོང་བ་བརྒྱུད་ཆབ་སྲིད་ཀྱི་ལས་དོན་དང་སྤྱི་ཚོགས་ཀྱི་བདེ་དོན་གྱི་ལས་གཞི་ཁག་འཆར་གཞི་ཚད་ལྡན་ཐོག་ཚགས་ཚུད་གྲུབ་ཐུབ་ངེས་ཡིན་པ་གསུངས།ལས་གཞི་དེ་བཞིན་ཨ་རིའི་གཞུང་གིས་ཨ་རིའི་རྒྱལ་ཡོངས་མང་གཙོ་བསྟི་གནས་ཁང་ (National Democratic Institute) བརྒྱུད་རོགས་དངུལ་མཁོ་སྤྲོད་ཀྱིས་བོད་མིའི་སྒྲིག་འཛུགས་ཀྱི་ནུས་སྟོབས་གོང་འཕེལ་དང་རྒྱུན་གནས་ཀྱི་ལས་གཞིའི་ཆ་ཤས་ཤིག་ཡིན་པ་དང་། ལས་གཞི་འདིའི་བརྒྱུད་བོད་མིའི་སྒྲིག་འཛུགས་ཀྱི་ད་བར་བྱས་ཟིན་པའི་ལས་དོན་ལ་རྒྱུས་ལོན་དང་མ་འོངས་ལས་དོན་ཇི་ཞིག་སྤེལ་དགོས་མིན་ཐོག་གོ་རྟོགས་གཏིང་ཟབ་ཡོང་བ་དང་། གྲངས་ཐོ་ཉར་ཚགས་བྱེད་པ་ལ་བརྟེན་ནས་མ་འོངས་པའི་སྲིད་བྱུས་འཛིན་སྟངས་དང་ལས་གཞིའི་ཐོག་ནུས་པ་ལྡན་པའི་ཐག་གཅོད་བྱེད་ཕྱོགས་བཅས་ལ་དགེ་ཚན་ཆེན་པོ་ཡོང་ངེས་ཡིན་པ་གསུངས། དེ་བཞིན་ཟླ་བ་གསུམ་གྱི་རིང་ལྷན་ཁང་སོ་སོའི་ཚན་པ་རེ་རེ་ནས་འབྲེལ་ཡོད་ལས་བྱེད་རྣམས་ནས་གྲངས་ཐོ་གང་ཞིག་ཉར་ཚགས་བྱེད་དགོས་མིན་ཐོག་ད་ལྟ་ནས་བསམ་བློ་སྟངས་དགོས་པ་དང་དེའི་བརྒྱུད་ལྷན་ཁང་སྤྱི་ཡོངས་ཀྱི་གྲངས་ཐོ་ངེས་ཅན་ཞིག་ཡོང་རྒྱུ་ཡིན་པ་མ་ཟད། གྲངས་ཐོ་ཉར་ཚགས་བྱེད་སྐབས་ཞིབ་ཚགས་གནང་དགོས་གལ་བཅས་ནན་བརྗོད་གནང་ཡོད་པ་བཅས། །

ཉེ་ལམ་རྒྱ་གར་གཞུང་གིས་འཁོར་སྐར་བརྒྱུད་རྒྱ་ནག་གཞུང་གིས་སུ་བྷན་སི་རུ་སྟེང་མ་རྫོང་ཁུལ་དུ་གཞུང་ལམ་གསར་རྒྱག་གིས་རླངས་འཁོར་ཤར་གཏོང་བྱེད་མུས་ཡིན་པ་ཤེས་རྟོགས་བྱུང་འདུག  The post རྒྱ་ནག་གཞུང་གིས་བོད་ཧིན་མཐའ་མཚམས་སུ་གཞུང་ལམ་གསར་རྒྱག་བྱས་འདུག  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༣༠ ཉིན་རྒྱབ་བོད་ཀྱི་ཟློས་གར་ཚོགས་པའི་ཚོགས་ཁང་འོག་མའི་ནང་དབྱར་དུས་བོད་ཀྱི་ཟློས་གར་སྒྱུ་རྩལ་ཟབ་སྦྱོང་ཐེངས་བཞི་པའི་དབུ་འབྱེད་མཛོད་སྒོ་བསྐོང་ཚོགས་གནང་བ་དང་། མཛད་སྒོའི་སྐུ་མགྲོན་གཙོ་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གདན་ཞུ་གནང་ཡོད།  དེ་ཡང་མཛོད་སྒོའི་ཐོག་མར་སྐུ་མགྲོན་གཙོ་བོ་ཆོས་རིག་བཀའ་བློན་མཆོག་གིས་སྤྱི་ནོར་གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་དང་མར་མེ་ཞལ་ཕྱེ་གནང་རྗེས་ཕྱི་རྒྱལ་ཡུལ་གྲུ་ཁག་ནས་ཕེབས་པའི་སློབ་མ་རྣམས་དང་ཁྱིམ་བདག་བཅས་ཚོགས་མི་ཡོངས་ལ་རྟེན་འབྲེལ་གསོལ་ཇ་འབྲས་སིལ་འདེགས་འབུལ་ཞུས་པ་དང་། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་དབྱར་དུས་བོད་ཀྱི་ཟློས་གར་ཟབ་སྦྱོང་དང་འབྲེལ་བའི་ངོ་སྤྲོད་གསུང་བཤད་གནང་བ་རྗེས། སྐུ་མགྲོན་གཙོ་བོ་ཆོས་རིག་བཀའ་བློན་མཆོག་ནས་བཀའ་སློབ་གནང་བའི་ནང་། ད་ལན་དབྱར་དུས་བོད་ཀྱི་ཟློས་གར་སྒྱུ་རྩལ་ཟབ་སྦྱོང་ཐེངས་བཞི་པའི་ནང་མཉམ་ཞུགས་གནང་མཁན་སློབ་ཕྲུག་ཚོས་སློབ་གྲྭའི་གུང་གསེང་དང་བསྟུན་ཏེ་བོད་ཀྱི་ཟློས་གར་རིག་གཞུང་སློབ་སྦྱོང་གནང་བར་ཕེབས་པར་འཚམས་འདྲི་ཞུ་རྒྱུ་དང་། དེ་བཞིན་སློབ་ཕྲུག་ཚོར་རྒྱབ་སྐྱོར་གནང་མཁན་གྱི་ཕ་མ་ཡོངས་ལ་ཐུགས་རྗེ་ཆེ་ཞུས་གནང་སོང་།སྤྱིར་སློབ་ཕྲུག་རྣམ་པས་བོད་ཀྱི་ཟློས་གར་སྒྱུ་རྩལ་ཐོག་ཟླ་བ་གཅིག་རིང་སློབ་སྦྱོང་གནང་སྐབས་ངེས་པར་དུ་སློབ་ཕྲུག་ཕན་ཚུན་བཀའ་མོལ་གནང་སྐབས་བོད་སྐད་ཀྱི་ལམ་ནས་གནང་རྒྱུ་གལ་ཆེན་པོ་ཡིན་པ་དང་། ད་སྐབས་བོད་ནང་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་ཞིག་དང་། བཅའ་སྡོད་སློབ་གྲྭའི་གནས་སྟངས་འོག་བོད་ནང་རང་མི་རིགས་ཀྱི་སྐད་ཡིག་དང་རིག་གཞུང་རྩ་མེད་བཟོ་རྒྱུའི་སྲིད་བྱུས་སྤེལ་དང་སྤེལ་བཞིན་པར་སོང་། ང་ཚོ་བཙན་བྱོལ་དུ་ཡོད་པའི་གཞོན་ནུ་ཚོས་རང་མི་རིགས་ཀྱི་སྐད་ཡིག་ལ་ཐུགས་སྣང་གནང་དགོས་པ་དང་། དེ་བཞིན་བོད་ཀྱི་ཟློས་གར་རིག་གཞུང་སྤྱི་དང་རྐང་བྲོ་གླུ་གཞས་སོགས་ལ་དོ་སྣང་དང་འབད་བརྩོན་གནང་བ་དང་ལྷུན་དུ་རང་ཉིད་ཀྱི་འཕྲོད་བསྟེན་ལའང་ཐུགས་སྣང་དགོས་པའི་གསུང་བཤད་གནང་གྲུབ་མཚམས་བོད་ཀྱི་ཟློས་གར་ཚོགས་པའི་དྲུང་ཆེ་བསོད་ནམས་ཆོས་འཕེལ་ལགས་ཀྱིས་ཐུགས་རྗེ་ཆེ་གསུང་བཤད་གནང་སྟེ་མཛད་རིམ་རྒྱལ་ཁའི་ངང་གྲུབ་ཡོད། སྤྱིར་ད་ལན་དབྱར་དུས་བོད་ཀྱི་ཟློས་གར་སྒྱུ་རྩལ་ཟབ་སྦྱོང་འདི་ཉིད་ཕྱི་ཟླ་ ༧ ཚེས་ ༠༡ ནས་ ༣༡ བར་ཚོགས་ཀྱིན་ཡོད་པ་དང་། ཟབ་སྦྱོང་འདིའི་ནང་ཕྱི་རྒྱལ་ཡུལ་གྲུ་ཁག་བཞི་ཙམ་ནས་སློབ་ཕྲུག་བཅུ་བདུན་ཙམ་མཉམ་ཞུགས་གནང་ཡོད། །  

༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་ཕྱི་ལོ་ ༢༠༢༦ ཟླ་བ་ ༧ ཚེས་ ༤ ནས་ ༧ བར་ལ་དྭགས་སླེ་བྱང་ཁུལ་དུ་༸སྐུའི་གོ་སྟོན་གྱི་མཇུག་བསྡོམས་མཛད་སྒོ་དང༌། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ ཕེབས་པའི་༸སྐུའི་འཁྲུངས་སྐར་དུས་ཆེན་མཛད་སྒོར་མཉམ་ཞུགས་གནང་རྒྱུའི་ཆེད། ཕྱི་ཟླ་ ༧ ཚེས་ ༤ ཉིན་དྷ་ས་ནས་མཁའ་ལམ་བརྒྱུད་ལ་དྭགས་ས་གནས་སུ་ཕེབས་ཐོན་གནང་རྒྱུ་དང་། ཕྱི་ཚེས་ ༧ ཉིན་མཁའ་ལམ་བརྒྱུད་ལ་དྭགས་ནས་ཕྱིར་དྷ་སར་ཕེབས་གནང་རྒྱུ་ཡིན་པ་བཅས། །

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༧ པའི་ཚེས་ ༦ ཉིན་རྒྱ་གར་བྱང་ཕྱོགས་ལ་དྭགས་སུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ ལ་ཕེབས་པའི་༸སྐུའི་འཁྲུངས་སྐར་སྲུང་བརྩི་ཞུ་རྒྱུའི་མཛད་སྒོའི་ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་སྐུ་མགྲོན་དུ་གདན་ཞུས་ལྟར་གཞུང་འབྲེལ་ཕྱོགས་ཕེབས་གནང་གཏན་འཁེལ་ཡོད། དེ་ཡང་དཔལ་ལྡན་ཚོགས་གཙོ་མཆོག་ཕྱི་ཟླ་ ༧ པའི་ཚེས་ ༣ ཉིན་བཞུགས་སྒར་དྷ་རམ་ས་ལ་ནས་ཨམ་རིཏ་སར་ (Amritsar) ལ་ཕེབས་ཐོན་གནང་རྒྱུ་དང་། ཕྱི་ཚེས་ ༤ ཉིན་རྒྱལ་ས་ལྡི་ལི་ནས་ལ་དྭགས་སུ་ཕེབས་ཐོན་གནང་རྒྱུ། ཕྱི་ཚེས་ ༥ ནས་ ༧ བར་ས་གནས་སུ་མཛད་འཆར། ཕྱི་ཚེས་ ༨ ཉིན་ལ་དྭགས་ནས་ལྡི་ལིར་ཕྱིར་ཕེབས་དང་། ཕྱི་ཚེས་ ༩ ཉིན་ལྡི་ལི་ནས་བཞུགས་སྒར་དྷ་རམ་ས་ལར་ཕྱིར་ཕེབས་གནང་རྒྱུ་ཡིན་པ་བཅས། །

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཕྱི་ལོ་ ༢༠༢༦ ཟླ་བ་ ༧ ཚེས་ ༣ ནས་ ༡༦ བར་ཉིན་གྲངས་བཅུ་བཞིའི་རིང༌དྷ་ས་ནས་ཀུལླུམ་ནཱ་ལི་བརྒྱུད་ལ་དྭགས་སླེ་བྱང་ཁུལ་དུ་༸སྐུའི་གོ་སྟོན་གྱི་བྱམས་བརྩེའི་ལོ་སྲུང་བརྩི་ལེགས་གྲུབ་ཀྱི་མཇུག་བསྡོམས་མཛད་སྒོ་དང༌། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ བཞེས་པའི་༸སྐུའི་འཁྲུངས་སྐར་དུས་ཆེན་མཛད་སྒོར་མཉམ་ཞུགས་གནང་རྒྱུ་དང་། དེ་བཞིན་ཕྱི་ཚེས་ ༥ ནས་ ༡༢ བར་ལ་དྭགས་སླེ་བྱང་ཁུལ་ལ་གཞུང་འབྲེལ་འཚམས་གཟིགས་ཕྱོགས་ཕེབས་དང༌། ཕྱི་ཚེས་ ༡༣ ནས་ ༡༥ བར་ཀུལླུམ་ནཱ་ལི་ཕྱོགས་སུ་ཕེབས་ཐོན་གྱི་གཞུང་འབྲེལ་འཚམས་གཟིགས་གནང་གཏན་འཁེལ་ཡོད་པ་བཅས།།

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་སྐུ་བལྟམས་ནས་ལོ་ངོ་བདུན་བརྒྱ་འཁོར་བའི་བཀའ་དྲིན་རྗེས་དྲན་གྱི་མཛད་སྒོར་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་ཕེབས་ཞུགས་གནང་ཡོད། དེ་ཡང་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་གི་སྐུའི་ཕྲེང་བ་འཛིན་པ་༧སྐྱབས་རྗེ་སླེ་ལུང་རིན་པོ་ཆེ་མཆོག་གི་རྐང་འགན་ཁུར་འོག་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་སྐུ་བལྟམས་ནས་ལོ་ངོ་བདུན་བརྒྱ་འཁོར་བའི་བཀའ་དྲིན་རྗེས་དྲན་གྱི་མཛད་སྒོ་ཞིག་བོད་ཀྱི་ཟློས་གར་ཚོགས་པར་ཚོགས་ཡོད་པ་དང་། མཛད་སྒོའི་ཐོག་༧སྐྱབས་རྗེ་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་ཆེ་མཆོག་གིས་དབུས་པའི་མཁན་བླ་སྤྲུལ་རྣམ་པ་དང་། ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གཙོས་པའི་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། ཡུལ་ལུང་འདྲ་མིན་ནས་ཕེབས་པའི་ཚོགས་བཅར་བ་སོགས་ལྷན་ཞུགས་གནང་ཡོད།མཛད་སྒོའི་ཐོག་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དབུས་པའི་དཔལ་༧སྐྱབས་མགོན་ས་སྐྱ་༧གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག སྔ་འགྱུར་རྙིང་མའི་བསྟན་པའི་གསལ་བྱེད་༧སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་མཆོག་བཅས་ནས་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་སྐུ་བལྟམས་ནས་ལོ་ངོ་བདུན་བརྒྱ་འཁོར་བའི་བཀའ་དྲིན་རྗེས་དྲན་གྱི་མཛད་སྒོར་སྩལ་བའི་གསུང་འཕྲིན་སྒྲོགས་སྦྱང་གནང་ཡོད། སྐབས་དེར་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག་གིས་དེ་རིང་ཕྱི་ཟླ་ ༧ ཚེས་ ༡ ཉིན་མོ་འདི་བཞིན་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེ་ལག་བསྟར་འོག་འཛུགས་ཡིན་ལུགས་ཀྱི་ཉིན་མོ་ཞིག་ཡིན་སྐོར་དང་འབྲེལ། ཁྲིམས་ཡིག་གསར་པ་དེ་མིང་ལ་མི་རིགས་མཐུན་སྒྲིལ་དང་ཡར་རྒྱས་གོང་འཕེལ་ཡིན་ལུགས་བརྗོད་ཀྱི་ཡོད་ཀྱང་། དོན་དངོས་སུ་བོད་གཙོ་བོར་བྱས་པའི་དབང་སྒྱུར་འོག་ཡོད་པའི་གྲངས་ཉུང་མི་རིགས་རྣམས་ཀྱི་སོ་སོའི་ཁྱད་ཆོས་ཙམ་ཡང་ཉར་ཚགས་ལ་དམ་བསྒྲགས་ཇེ་ཆེར་གཏོང་བའི་ཁྲིམས་ཤིག་ཡིན་སྐོར་འགྲེལ་བརྗོད་གནང་བ་དང་སྦྲགས། བཙན་བྱོལ་རང་དབང་ལུང་པར་གནས་འཁོད་བོད་མི་རྣམས་ནས་རང་མི་རིགས་ཀྱི་ཁྱད་ནོར་གཅེས་འཛིན་དགོས་ལ། ཕྱི་རྒྱལ་ཡུལ་གྲུ་ཁག་ཏུ་གནས་སྡོད་ཕ་མ་རྣམས་ནས་རྒྱལ་ཁབ་དང་མི་རིགས་ཀྱི་བཀུར་བའི་འོས་འགན་ཤེས་པའི་ཐོག་ནས་ཆེ་བཞག་ཆུང་སྐྱུར་གྱིས། བོད་སྐད་བོད་ཡིག་ཤེས་མཁན་གྱི་བུ་ཕྲུག་གསོ་སྐྱོང་དགོས་པའི་ཞབས་སྐུལ་གནང་ཡོད་པ་རེད།ཕྱོགས་མཚུངས་མཛད་སྒོའི་ཐོག་བོད་མིིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གཞུང་གིས་མིང་སྙིང་རྗེ་བོ་ཞིག་འོག་པའི་ངན་བྱུས་བཤམས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེ། བོད་མིའི་ཆོས་དང་རིག་གཞུང་། སྐད་ཡིག་བཅས་པ་མི་རིགས་ཀྱི་ངོ་བོ་རྩ་མེད་གཏོང་བའི་སྲིད་བྱུས་ཤིག་ཡིན་པར། ཁྲིམས་ཡིག་གསར་པ་དེ་ཁྲིམས་དང་བཟང་སྤྱོད་གཉིས་ཀའི་ཐོག་ནས་འགལ་ཡོད་པ་གསལ་འདོན་དང་འབྲེལ། བོད་མིའི་སྒྲིག་འཛུགས་ངོས་ནས་རྒྱལ་སྤྱིའི་གཞུང་དང་གྲོས་ཚོགས། ཚོགས་སྡེ་ཁག་ལ་རྒྱ་ནག་གི་ཁྲིམས་ཡིག་གསར་པ་དེས་བོད་ཙམ་དུ་མ་ཟད། འཛམ་གླིང་ཁྱོན་ཡོངས་ལ་ཉེན་ཚབས་ཆེ་བའི་སྐོར་གསལ་བཀྲོལ་གྱིས་ཁྲིམས་ཡིག་དེར་དགག་པ་དང་བསྐྱར་ཞིབ་ཡོང་རྒྱུར་ཞུ་སྐུལ་གྱི་ལས་འགུལ་མུ་མཐུད་སྤེལ་རྒྱུ་ཡིན་སྐོར་གསུངས་ཡོད་པ་མ་ཟད། དེ་བཞིན་དཔལ་ལྡན་སྲིད་སྐྱོང་མཆོག་གིས་བོད་མིའི་སྒྲིག་འཛུགས་ངོས་ནས་རྒྱལ་སྤྱིའི་སྟེང་བོད་དོན་རྒྱབ་སྐྱོར་གྱི་གནས་བབས་སྲ་བརྟན་དུ་གཏོང་རྒྱུར་འཐུས་ཤོར་མེད་པར་འབད་པ་ཧུར་སྐྱེད་གནང་རྒྱུའི་ཆོད་སེམས་བརྟན་པོ་ཡོད་པ་བསྐྱར་ནན་གནང་ཡོད།སྐབས་དེར་༧སྐྱབས་རྗེ་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་སྐུ་བལྟམས་ནས་ལོ་ངོ་བདུན་བརྒྱ་འཁོར་བའི་དུས་སྟོན་འདི་བཞིན་སྤྱིར་བོད་གངས་ཅན་ལྗོངས་ཀྱི་བསྟན་འགྲོ་དང་ཁྱད་པར་དུ་རི་བོ་དགེ་ལྡན་པའི་བསྟན་པའི་རྗེས་འཇུག་ཡོངས་ལ་གལ་འགངས་ཆེ་བའི་དུས་ཚིགས་ཤིག་ཡིན་སྐོར་གསུངས་ཤིང་། ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་ནི། བོད་བརྒྱུད་ནང་བསྟན་ཁྲོད་དམིགས་བསལ་གྱི་མཛད་རྗེས་ཡོད་པའི་སྐྱེས་ཆེན་དམ་པ་ཞིག་ཡིན་ལ། དམ་པ་ཁོང་ནི་རྗེ་ཙོང་ཁ་པ་ཆེན་པོ་མཆོག་གི་ཡོངས་འཛིན་གཙོ་གྲས་ཤིག་ཡིན་སྐོར་དང་འབྲེལ། ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་གི་རྣམ་ཐར་རྗེས་དྲན་ཞུས་པ་གཅིག་པུ་མ་ཡིན་པར་རང་ཉིད་རྣམ་ཐར་རྗེས་སུ་སློབ་དགོས་པའི་གལ་འགངས་ཆེན་པོ་ཡིན་པའི་ལམ་སྟོན་གནང་ཡོད། །

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་དཔལ་འབྱོར་ཁྱབ་ཁོངས་ཀམ་པུ་ཊར་སྡེ་ཚན་གྱི་ཚོགས་ཁང་ནང་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། ཤེས་རིག་དྲུང་ཆེ་ཀརྨ་ཆོས་དབྱིངས་ལགས། ཤེས་རིག་སློབ་ཡོན་ཚན་པའི་འགན་འཛིན་བསོད་ནམས་བཟང་མོ་ལགས་བཅས་ནས་ཤེས་རིག་ཕུལ་བྱུང་སློབ་ཡོན་བཞེས་མཁན་སློབ་ཕྲུག་རྣམས་ལ་སྤྱི་ཡོངས་ནུས་སྟོབས་གོང་སྤེལ་གྱི་ཟབ་སྦྱོང་ཞིག་དབུ་འཛུགས་གནང་ཡོད།དེ་ཡང་ཟབ་སྦྱོང་དབུ་འབྱེད་མཛད་སྒོའི་ཐོག་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་བོད་ནང་རྒྱ་ནག་དམར་གཞུང་གིས་མི་སེར་སྤེལ་ཡུལ་གཏན་འཇགས་སློབ་གྲྭ་ཁག་ཟུར་འཛུགས་དང་། མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་ལྟ་བུ་གཏན་འབེབས་ཀྱིས་བོད་མིའི་ཆོས་དང་རིག་གཞུང་། སྐད་ཡིག མི་རིགས་ཀྱི་ངོ་བོ་བཅས་པ་རྩ་མེད་གཏོང་བའི་དྲག་པོའི་སྲིད་བྱུས་ལག་བསྟར་བྱེད་བཞིན་པ་དེར་གདོང་ལེན་དུ་བཙན་བྱོལ་རང་དབང་ལུང་པར་གནས་འཁོད་བོད་མི་རྣམས་ནས་རང་མི་རིགས་ཀྱི་ཐུན་མོང་མ་ཡིན་པའི་ཡ་རབས་བཟང་སྤྱོད་ཀྱི་རིག་གཞུང་དང་སྐད་ཡིག་སྲུང་སྐྱོབ་དགོས་ལ། བོད་རྒྱལ་ཁབ་དང་མི་རིགས་ཀྱི་དོན་དུ་ཞབས་ཞུ་བསྒྲུབ་དགོས་པའི་ལམ་སྟོན་གནང་ཡོད།ཕྱི་ཚེས་ ༡ དང་ ༢ བཅས་ཉིན་གྲངས་གཉིས་རིང་གི་ཟབ་སྦྱོང་འདིའི་ཐོག་ཤེས་རིག་ཕུལ་བྱུང་སློབ་ཡོན་བཞེས་མཁན་གྱི་སློབ་མ་ ༡༥ མཉམ་ཞུགས་གནང་འདུག་པ་དང་། ཁོང་རྣམས་ལ་བོད་ཀྱི་སྐད་ཡིག་དང་མི་རིགས་ཀྱི་ངོ་བོ་སྲུང་སྐྱོབ་ཀྱི་གལ་གནད་སྐོར་དང་། མདུན་ལམ་སློབ་སྟོན། གྲངས་འཛིན་གོ་རྟོགས། རྩོད་རྙོག་འདུམ་སྒྲིག འབྲེལ་ལམ་གོང་མཐོར། འགོ་ཁྲིད་སོགས་ཀྱི་ཐོག་ཟབ་ཁྲིད་གནང་གི་ཡོད་པ་རེད་འདུག

རྒྱ་ནག་དབུས་དྲིལ་བསྒྲགས་ལྷན་ཁང་གི་འགན་འཛིན་གཞོན་པ་དང་། རྒྱལ་ཁབ་རླུང་འཕྲིན་དང་བརྙན་འཕྲིན་སྤྱི་ཁྱབ་ལས་ཁུངས་ཀྱི་དམར་ཤོག་ཚོགས་པའི་དྲུང་ཆེ་ཚའོ་ཧྲུའུ་མིན་བོད་ལ་བསྐྱོད་དེ། བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་ཝང་ཅུན་ཀྲེང་དང་མཉམ་དུ་བོད་ནང་གི་དྲིལ་བསྒྲགས་སློབ་གསོའི་ལས་དོན་དང་རྒྱལ་སྤྱིའི་ཐོག་བོད་སྐོར་གྱི་དྲིལ་བསྒྲགས་ལས་དོན་ཐོག་ལ་བགྲོ་གླེང་བྱས་ཡོད་པ་ཉེ་ཆར་རྒྱ་ནག་གཞུང་ཕྱོགས་ཀྱི་གསར་འགྱུར་བརྒྱུད་ལམ་ཁག་གིས་གནས་ཚུལ་སྤེལ་འདུག གནས་ཚུལ་འདིས་རྒྱ་གཞུང་གིས་བོད་ཕྱི་ནང་གཉིས་ཀར་དམར་ཤོག་ཚོགས་པའི་ལྟ་བ་དང་སྲིད་ཇུས་གཞིར་བཞག་པའི་དྲིལ་བསྒྲགས་ལས་གཞི་གཞི་རྒྱ་ཆེ་རུ་གཏོང་བཞིན་ཡོད་པ་ར་སྤྲོད་བྱུང་ཡོད། རྒྱ་ནག་གཞུང་གིས་བོད་ནང་བསམ་བློའི་ཤུགས་རྐྱེན་སྤྲད་པ། ད་རེས་ཀྱི་གྲོས་མོལ་འདི་ནི། ཕྱི་ལོ་ ༢༠༢༥ ལོའི་ཟླ་ ༨ པའི་ནང་རྒྱ་ནག་གི་སྲིད་འཛིན་ཞི་ཅིན་ཕིང...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༣༠ ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་དབུ་བཞུགས་ཐོག་བོད་མིའི་དང་བླངས་འཕྲོད་བསྟེན་ཚོགས་པའི་འགན་འཛིན་ལྷན་ཚོགས་ཀྱི་ཚོགས་འདུ་ཐེངས་ ༣༢ བསྐོང་ཚོགས་གནང་ཡོད། དེ་ཡང་ཚོགས་འདུའི་ཐོག་མར་འཕྲོད་བསྟེན་ལས་ཁུངས་ཀྱི་ཟུང་དྲུང་བདེ་སྐྱིད་སྒྲོལ་དཀར་ལགས་ཀྱིས་ཕེབས་བསུའི་གསུང་བཤད་གནང་བ་དང་སྦྲགས། གསར་དུ་བསྐོ་གཞག་བྱུང་བའི་འགན་འཛིན་ལྷན་ཚོགས་ཀྱི་ཚོགས་མི་རྣམས་ཚོགས་གཙོ་མཆོག་ལ་ངོ་སྤྲོད་ཞུས་ཡོད་པ་མ་ཟད། ཐེངས་འདིའི་ཚོགས་འདུའི་གྲོས་གཞི་ཁག་སྤྱན་བསྟར་ཞུས་ཡོད། འགན་འཛིན་ལྷན་ཚོགས་ཀྱི་ཚོགས་གཙོ་བཀའ་བློན་པདྨ་མཚོ་མཆོག་གིས་དབུ་འབྱེད་གསུང་བཤད་གནང་དོན། ཁོང་རང་ཉིད་བཀའ་བློན་གྱི་ཕྱག་ལས་གནང་ནས་བདུན་ཕྲག་བཞི་འཁོར་ཡོད་པ་དང་། བདུན་ཕྲག་དང་པོའི་ནང་བདེ་ལེགས་སྨན་ཁང་དང་། ལྷ་རྒྱལ་རི་ནད་གསོ་སྐྱོང་ཁང་དུ་གཟིགས་སྐོར་གནང་སྟེ་འབྲེལ་ཡོད་ལས་བྱེད་དང་ནད་པ་རྣམས་ལ་མཇལ་འཕྲད་གནང་ཡོད་སྐོར་དང་། དེ་བཞིན་མ་འོངས་པར་ས་གནས་འཕྲོད་བསྟེན་སྨན་ཁང་དང་། མངོན་དགའ་བོད་ཕྲུག་དམིགས་བསལ་དགོས་མཁོ་ཅན་གྱི་སློབ་གྲྭ་བཅས་ལ་གཟིགས་སྐོར་གནང་སྟེ། དེ་དག་གི་ཕྱག་ལས་གནང་ཕྱོགས་དང་དཀའ་ངལ་ཁག་ལ་རྒྱུས་ལོན་གཏིང་ཟབ་གནང་རྒྱུའི་འཆར་གཞི་ཡོད་སྐོར་གསུངས་ཡོད། ཚོགས་འདུའི་ཐོག་ཕྱི་ལོ་ ༢༠༢༦ ཟླ་བ་ ༢ ཚེས་ ༢༧ ནས་ཕྱི་ཟླ་ ༦ ཚེས་ ༢༦ བར་གཏན་ལ་ཕབ་པའི་གྲོས་ཆོད་ཁག་ལ་བསྐྱར་ཞིབ་དང་གཏན་འབེབས་གནང་བ་དང་ཆབས་ཅིག ཕྱི་ལོ་ ༢༠༢༦ ཟླ་བ་ ༣ ཚེས་ ༢ ཉིན་འགན་འཛིན་ལྷན་ཚོགས་ཐོག་བཞག་པའི་གྲོས་ཆོད་ཁག་ལག་བསྟར་བྱུང་བའི་སྙན་ཐོ་ཁག་བསྐྱར་ཞིབ་གནང་ཡོད། གཏན་ལ་ཕབ་པའི་གྲོས་ཆོད་ཕལ་མོ་ཆེ་ནི་ལས་བྱེད་བསྐོ་གཞག་དང་།...

དེ་རིང་ཕྱི་ཟླ་ ༧ ཚེས་ ༡ ཉིན་ནས་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་གཞི་དེ་རྒྱལ་ཡོངས་སུ་ལག་བསྟར་བྱེད་རྒྱུའི་དུས་ཚེས་དེ་ཡིན་པ་ལྟར།   བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་རྒྱ་ནག་གི་ཁྲིམས་གཞི་དེའི་བཙན་གནོན་འོག་སྡུག་སྦྱོང་མནར་གཅོད་ཀྱི་དཀའ་སྡུག་མྱོང་བཞིན་པའི་བོད་མི་གཙོས་རྒྱ་རིགས་མ་ཡིན་པའི་མི་རིགས་གཞན་ཚང་མའི་ཆོས་དང་། རིག་གཞུང་། སྐད་ཡིག་ཙམ་གྱི་མ་ཟད། མིའི་བསམ་བློའི་འདུ་ཤེས་ཀྱི་ཐོག་ནས་མི་རིགས་ཀྱི་ངོ་བོ་རྩ་མེད་གཏོང་ཐབས་ཀྱི་སྲིད་བྱུས་ལ་ངོ་རྒོལ་གནང་ཡོད་པ་དང་།  དེ་ཡང་གཞོན་ནུ་ལྷན་ཚོགས་ཀྱི་ངོས་ནས་སྤོན་ཊ་ཆོལ་གསུམ་གཞིས་ཆགས་སུ་ཁ་ཉིན་ཕྱི་ཚེས་ ༢༩ ནས་འགོ་འཛུགས་གནང་བའི་འགན་འཛིན་ལྷན་ཚོགས་དེ་དེ་རིང་གནས་སྐབས་མཚམས་འཇོག་གནང་སྟེ།  ཛ་དྲག་གི་གནད་དོན་དེ་ལ་གཞིགས་པའི་དེ་རིང་ Uttarakand མངའ་སྡེའི་རྒྱལ་ས་རྡེ་ར་རྡུན་ཁུལ་དུ་ངོ་རྒོལ་ལས་འགུལ་གཞི་རྒྱ་ཆེན་པོ་ཞིག་སྤེལ་ཡོད་པ་རེད།      ལས་འགུལ་དེའི་བརྒྱུད་གཞོན་ནུའི་འགན་འཛིན་ལྷན་ཚོགས་དང་ཁུལ་དེའི་མི་མང་རྣམས་ནས་རྒྱ་ནག་གི་ཁྲིམས་གཞི་དེར་ངོ་རྒོལ་དང་།  རྒྱ་གར་གཙོས་པའི་རྒྱལ་སྤྱིའི་མང་གཙོའི་རྒྱལ་ཁབ་ཁག་ནས་ངན་བྱུས་འོག་བཞག་པའི་ཁྲིམས་འགལ་གྱི་སྲིད་བྱུས་དེ་བརྩེ་མེད་ཡོང་ཐབས་དང་།  མཉམ་འབྲེལ་རྒྱལ་ཚོགས་ཀྱི་དབུས་པའི་འགྲོ་བ་མིའི་ཐོབ་ཐང་གི་ཚོགས་པ་ཁག་ནས་ཛ་དྲག་གི་གནས་བབ་དེའི་ཐད་འགན་འཁུར་བཞེས་དགོས་པ།  རྒྱ་དམར་གཞུང་གི་ངོས་ནས་བོད་ནང་བཅའ་སྡོད་སློབ་གྲྭ་གཙོས་མི་རིགས་རྩ་མེད་ཀྱི་སྲིད་བྱུས་ངེས་པར་དུ་མཚམས་འཇོག་དགོས་པ་སོགས་ཀྱི་དགོས་འདུན་བཏོན་གནང་ཡོད་པ་རེད།    གཞི་རྩའི་རྒྱ་ནག་དམར་པོའི་གཞུང་གི་ངོས་ནས་ལོ་ངོ་བཅུ་ཕྲག་གོང་ནས་མི་རིགས་ཀྱི་ངོ་བོ་རྩ་མེད་བཟོ་ཐབས་བྱས་ཡོད་ཀྱང་།  ད་ལྟའི་ཞི་ཅིན་ཕིང་གི་སྲིད་གཞུང་དེའི་འོག་བཅའ་སྡོད་སློབ་གྲྭ་སོགས་ཀྱི་སྲིད་བྱུས་ལག་བསྟར་བྱས་ཏེ་གནས་སྟངས་ཛ་དྲག་ཏུ་སོང་ཡོད་པ་མ་ཟད།    དེ་རིང་ནས་ལག་བསྟར་བྱེད་རྒྱུའི་ཁྲིམས་གཞི་དེའི་འོག་རྒྱ་ནག་ཙམ་མ་ཟད།  ཕྱིའི་རྒྱལ་ཁབ་ཁག་ཏུ་ཡོད་པའི་མི་རིགས་ཁག་ལའང་ཁྲིམས་གཞི་དེའི་ཤུགས་རྐྱེན་ཡོང་རྒྱུར་བརྟེན།    དབུས་བོད་མིའི་སྒྲིག་འཛུགས་ཀྱི་ངོས་ནས་ཀྱང་ཛ་དྲག་གི་གནད་དོན་དེའི་ཐོག་རྒྱལ་ཁབ་སོ་སོའི་གཞུང་དང་རྒྱལ་སྤྱིའི་ཚོགས་པ་ཁག་ལ་ཞུ་འབོད་གནང་བཞིན་པ་མ་ཟད།   བཙན་བྱོལ་ནང་གི་གཞུང་འབྲེལ་མ་ཡིན་པའི་ཚོགས་པ་ཁག་ནས་ཀྱང་ངོ་རྒོལ་སྐད་འབོད་སོགས་ཀྱི་ལས་འགུལ་སྣ་ཚོགས་བརྒྱུད་ཛ་དྲག་དཀའ་ངལ་དེ་མྱུར་སྐྱོབ་ཡོང་ཐབས་གནང་བཞིན་ཡོད་པ་རེད།   The post མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལ་བོད་ཀྱི་གཞོན་ནུ་ལྷན་ཚོགས་དང་རྡེ་ར་དྷུན་བོད་མིས་ངོ་རྒོལ། appeared first on vot.

འཛམ་གླིང་ས་ཕྱོགས་གང་སར་གནས་སྡོད་བོད་མི་རྣམས་ཀྱིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ལ་ངོ་རྒོལ་གནང་པ།

རྒྱ་ནག་གཞུང་གིས་འདི་ལོའི་ཕྱི་ཟླ་ ༣ པའི་ཚོགས་ཆེན་ཐོག་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཞེས་པའི་བཙན་དབང་གི་མི་རིགས་མཉམ་འདྲེས་ལ་དམིགས་པའི་ཁྲིམས་གསར་པ་ཞིག་གཏན་འབེབས་བྱས་ཡོད་པ་ལྟར། དེ་རིང་ཕྱི་ཟླ་ ༧ པའི་ཚེས་ ༡ སྟེ་རྒྱ་ནག་དམར་ཤོག་ཚོགས་པ་འགོ་བཙུགས་ནས་ལོ་ ༡༠༥ འཁོར་བའི་ཉིན་མོ་དང་བསྟུན་ཁྲིམས་དེ་ལག་བསྟར་བྱེད་འགོ་འཛུགས་ཀྱི་ཡོད་པ་ལྟར། རྒྱལ་སྤྱི་ཁྱོན་གྱི་བོད་མི་གནས་སྡོད་གང་སར་དེ་རིང་ Global Day of Action ཞེས་རྒྱ་ནག་གི་ཁྲིམས་གསར་པ་དེའི་སྐོར་གོ་རྟོགས་དང་ངོ་རྒོལ་སྐད་འབོད་ཀྱི་ལས་འགུལ་སྤེལ་གྱི་ཡོད་པའི་ཁྲོད། བཞུགས་སྒར་རྡ་རམ་ས་ལར་བོད་མིའི་གཞུང་འབྲེལ་མིན་པའི་ཚོགས་པ་བཞིའི་གོ་སྒྲིག་འོག སྐད་འབོད་དང་གོམ་བགྲོད་སོགས་ཀྱི་ལམ་ནས་རྒྱ་ནག་གི་ཁྲིམས་གསར་པ་དེར་ངོ་རྒོལ་མཐའ་གཅིག་ཏུ་ཡོད་པའི་རྣམ་འགྱུར་གསལ་སྟོན་གནང་སོང་། དེ་ཡང་དེ་རང་སྔ་དྲོ་ཕྱག་ཚོད་ ༡༡ ཡོལ་ཙམ་ལ་བཞུགས་སྒར་དུ་རྟེན་གཞི་བྱས་པའི་བོད་རང་བཙན་སློབ་ཕྲུག་ཚོགས་པ་དང་། བོད་ཀྱི་དགུ་བཅུ་གསུམ་ལས་འགུལ་ཚོགས་པ། བོད་ཀྱི་བུད་མེད་ལྷན་ཚོགས་། བོད་རྒྱལ་ཡོངས་མང་གཙོ་ཚོགས་པ་བཅས་བོད་པའི་གཞུང་འབྲེལ་མིན་པའི་ཚོགས་པ་བཞིས་གོ་སྒྲིག་འོག མེག་གྷན་ཁྲོམ་གཞུང་ནས་ཐེག་ཆེན་ཆོས་གླིང་གཙུག་ལག་ཁང་གི་ཉེ་འགྲམ་དཔའ་བོའི་རྡོ་རིང་བར་བོད་ཀྱི་རྒྱལ་དར་དང་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་གསར་པ་དེར་ངོས་ལེན་མེད་པ་དང་། དེ་ནི་མི་རིགས་མཐུན་སྒྲིལ་གྱི་མིང་བྱང་འོག་རྒྱ་ནག་གིས་སྡུག་རྩུབ་ཀྱི་སྲིད་བྱུས་ཁྲིམས་མཐུན་བཟོ་བཞིན་པ་སོགས་ཀྱི་འཕྲེད་དར་བསྣམས་ཏེ་ངོ་རྒོལ་སྐད་འབོད་ཀྱི་ལས་འགུལ་སྤེལ་གནང་སོང་བ་དང་། གཙུག་ལག་ཁང་གི་དཔའ་བོའི་རྡོ་རིང་གི་མདུན་དུ་རྒྱ་ནག་གི་མི་རིགས་མཉམ་འདྲེས་ཀྱི་ཁྲིམས་གསར་པ་དེར་ངོ་རྒོལ་གྱི་ཚིག་བརྗོད་འཁོད་པའི་འཕྲེད་དར་དང་། ཞི་ཅིན་ཕིང་གི་འདྲ་གཟུགས་སྤྲས་པའི་མི་ཞིག་གིས་སྟ་རེ་འཁུར་ནས་བོད་ཀྱི་སྐད་ཡིག་རྩ་མེད་གཏོང་བཞིན་པའི་རྣམ་པ་མངོན་གསལ་གནང་བའི་ཐོག དེ་རིང་གི་ལས་འགུལ་དང་འབྲེལ་ནས་ཚོགས་པ་བཞིའི་བསྒྲགས་གཏམ་ཨིན་བོད་སྐད་ཡིག་གཉིས་ཀྱི་ཐོག་སྒྲོག་སྦྱངས་གནང་སོང་བའི་ནང་དུ། དེ་རིང་རྒྱ་ནག་གི་ཁྲིམས་གསར་པ་དེ་ལག་བསྟར་དང་འབྲེལ་ནས་བོད་མི་རིགས་ཀྱི་སྐད་དང་ཡི་གེ ངོ་བོ་དང་བཅས་པ་རྩ་མེད་གཏོང་ཐབས་ཀྱི་སྲིད་བྱུས་རྣམས་ཁྲིམས་མཐུན་བཟོས་པ་དང་། བོད་མི་གཙོས་པའི་གྲངས་ཉུང་མི་རིགས་རྣམས་ཀྱི་རང་མི་རིགས་ཀྱི་རིག་གཞུང་དང་སྐད་ཡིག་སྲུང་སྐྱོབ་ཀྱི་བྱ་འགུལ་རྣམས་ཉེས་དོན་དུ་རྩིས་ཏེ། མི་རིགས་གཅིག་འགྱུར་དང་སྤྱི་སྐད་གོང་འཕེལ་གྱི་མིང་བྱང་འོག་མི་རིགས་ཀྱི་ངོ་བོ་རྩ་མེད་གཏོང་རྒྱུའི་ལས་དོན་ཇེ་མགྱོགས་སུ་བཏང་ཡོད་པ་སོགས་མངོན་གསལ་དང་སྦྲགས། བོད་མིའི་ངོས་ནས་རྒྱ་ནག་གི་ཁྲིམས་གསར་པ་ལག་བསྟར་ལ་ངོ་རྒོལ་མཐའ་གཅིག་ཏུ་ཡོད་པ་དང་ངོས་ལེན་མེད་པ་མ་ཟད། ཁྲིམས་དེ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་ལས་འགལ་བ་ཡིན་པ་དང་འབྲེལ་ནས་འཕྲལ་དུ་ཕྱིར་འཐེན་བྱེད་དགོས་པ། བྱིས་པ་རྣམས་ཕ་མ་ནས་ཁ་བྲལ་བཏང་བའི་བཅའ་སྡོད་སློབ་གྲྭའི་ལས་གཞི་མཚམས་འཇོག་དགོས་པ། རྒྱལ་ཚོགས་གཙོས་པའི་རྒྱལ་སྤྱིའི་སྒྲིག་འཛུགས་ཁག་ནས་རྒྱ་ནག་གི་ཁྲིམས་གསར་པ་དེར་ཞིབ་བཤེར་སྐོར་སྐྱོད་བྱ་དགོས་པ་སོགས་ཀྱི་དགོས་འདུན་ཁག་གསུམ་སྟོན་གནང་སོང་། རྒྱ་ནག་གཞུང་གིས་ངོས་ནས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཞེས་པའི་ཁྲིམས་སྒྲིག་དེར་མིང་གྲ་ཆགས་པོ་ཇི་ཙམ་བཏགས་མིན་དང་ཁྲིམས་མཐུན་ཡིན་པའི་འགྲེལ་བཤད་ཇི་ཙམ་རྒྱག་མིན་ལ་མ་ལྟོས་པར། ཁ་སང་ཨ་རི་དང་ཡུ་རོབ་སོགས་རྒྱལ་སྤྱིའི་རྒྱལ་ཁབ་འདྲ་མིན་གྱི་གྲོས་ཚོགས་འཐུས་མི་མང་དག་ཅིག་ནས་རྒྱ་ནག་གི་ཁྲིམས་གསར་པ་དེར་ངོ་རྒོལ་སྐྱོན་བརྗོད་ཀྱི་བསྒྲགས་གཏམ་སྤེལ་བ་མ་ཟད།...

དེ་རིང་ཕྱི་ཟླ་ ༧ ཚེས་ ༡ ཉིན་ནས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་དེ་དངོས་སུ་ལག་བསྟར་བྱེད་འགོ་ཚུགས་ཡོད་པའི་ཁྲོད་འདིར། སྲིད་སྐྱོང་སྤེན་པ་ཚེ་རིང་མཆོག་གིས་སྲིད་གཞུང་དང་རྒྱལ་སྤྱིའི་སྤྱི་ཚོགས་ལ་ཁྲིམས་དེར་ངོ་རྒོལ་བྱེད་པ་དང་དེ་མེད་པར་བཟོ་རྒྱུ། དེའི་འགྲོ་བ་མིའི་ཐོབ་ཐང་ལ་ཤུགས་རྐྱེན་ཐེབས་པའི་ཞིབ་འཇུག་ལ་རྒྱབ་སྐྱོར་བྱེད་དགོས་པ་སོགས་ཀྱི་ཛ་དྲག་འབོད་སྐུལ་ཞུས་འདུག དེ་ཡང་ཁ་སང་ཕྱི་དྲོ་བོད་མིའི་སྒྲིག་འཛུགས་ཀྱི་དྲྭ་གནས་ཐོག་སྤེལ་བའི་ཛ་དྲག་གི་འབོད་སྐུལ་དེའི་ནང་། སྲིད་སྐྱོང་སྤེན་པ་ཚེ་རིང་མཆོག་གིས་བོད་མི་དང་བོད་མིའི་སྒྲིག་འཛུགས་ཀྱི་ཚབ་ཞུས་ཏེ་ཕྱི་ཟླ་ ༧ ཚེས་ ༡ ཉིན་ནས་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་གཞི་དངོས་སུ་ལག་བསྟར་བྱེད་འགོ་ཚུགས་ཀྱི་ཡོད་པ་དང་འབྲེལ། བོད་མི་རིགས་ཀྱི་མ་འོངས་པ་དང་རིག་གཞུང་དང་ཆོས་ལུགས་ཀྱི་ཤུལ་བཞག་སྲུང་སྐྱོབ་བྱ་རྒྱུའི་ཐད་ཆེས་སེམས་འཚབ་ཀྱི་རྣམ་པ་ཆེད་འདོན་དང་སྦྲགས། རྒྱལ་སྤྱིའི་སྲིད་གཞུང་དང་ཕྱི་སྲིད་ལས་ཁུངས། གྲོས་ཚོགས་འཐུས་མི། བསམ་བློ་བ་དང་གཞུང་འབྲེལ་མ་ཡིན་པའི་ཚོགས་པ་བཅས་ལ་ཡིག་ཐོག་དང་དྲྭ་ཐོག་བརྒྱུད་རྒྱ་ནག་གི་ཁྲིམས་དེར་དམིགས་བསལ་དོ་སྣང་བྱེད་དགོས་པའི་ཛ་དྲག་གི་འབོད་སྐུལ་ཞུས་པའི་བརྒྱུད། བོད་ནི་ལོ་རྒྱུས་ཐོག་རང་བཙན་ཡོད་པའི་རྒྱལ་ཁབ་ཅིག་ཡིན་ཞིང་། རྗེས་སུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བཙན་བཟུང་བྱས་པའི་རྗེས། ད་དུང་རྒྱལ་སྤྱིའི་ཐོག་ཐག་མ་ཆོད་བའི་རྩོད་གཞིའི་ལྟེ་བར་གནས་བཞིན་ཡོད་ཅེས་གསུངས་པ་མ་ཟད། བོད་མི་རྣམས་ལ་མཚོན་ན། མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་འདིའི་ཤུགས་རྐྱེན་ནི་གོད་ཆགས་ཆེན་པོ་ཞིག་རེད་ལ་མངའ་ཁུལ་གྱི་རང་སྐྱོང་དོན་སྙིང་ལྡན་པ་ཞིག་མཚོན་པའི་རྩ་ཁྲིམས་ཀྱི་ཐོག་མའི་ཁས་ལེན་ལ་གནོད་སྐྱོན་ཚབས་ཆེན་ཞིག་ཡིན་པར་ནན་བཤད་གནང་འདུག དེ་བཞིན་སྲིད་སྐྱོང་མཆོག་གིས་ཁྲིམས་གསར་པ་འདི་ནི་རྒྱ་ནག་གིས་ཡུན་རིང་ནས་སྤྱོད་བཞིན་པའི་མཉམ་བསྲེས་ཀྱི་སྲིད་བྱུས་རྣམས་ཁྲིམས་མཐུན་གྱི་དགོས་མཁོར་བསྒྱུར་ཡོད་ཅེས་གསུངས་པ་དང་། དེས་རྒྱ་སྐད་ཐོག་གི་སློབ་གསོ་དར་སྤེལ་གཏོང་བ་དང་མཉམ་འདྲེས་སྤྱི་ཚོགས་དང་གཉེན་སྒྲིག་བྱེད་པར་སྐུལ་མ་གཏོང་བ། རྒྱལ་ཁབ་ཀྱི་ལྟ་ཞིབ་རྒྱ་སྐྱེད་གཏོང་བ། དེ་བཞིན་རྒྱ་ནག་ཕྱི་ཕྱོགས་ལ་ཡོད་པའི་གཞུང་ལ་སྐྱོན་བརྗོད་བྱེད་མཁན་དང་བཙན་བྱོལ་བོད་མི་རྣམས་ལ་རྒྱལ་ཁབ་ཀྱི་ས་མཚམས་བརྒལ་ནས་དམིགས་འབེན་བྱེད་ཆོག་པའི་གོ་སྐབས་སྤྲོད་བཞིན་ཡོད་ཅེས་བརྗོད་པ་མ་ཟད། བོད་མི་རིགས་ཀྱི་མ་འོངས་པར་ཁྲིམས་ལུགས་དེ་ཉེན་ཁ་ཚབས་ཆེན་ཞིག་ཡིན་པ་བརྗོད་དེ་སྲིད་སྐྱོང་མཆོག་གིས་སྲིད་གཞུང་ཁག་དང་རྒྱལ་སྤྱིའི་སྤྱི་ཚོགས་ལ་དེར་ངོ་རྒོལ་བྱེད་པ་དང་། དེ་མེད་པར་བཟོ་རྒྱུ། དེའི་འགྲོ་བ་མིའི་ཐོབ་ཐང་ལ་ཤུགས་རྐྱེན་ཐེབས་པའི་ཞིབ་འཇུག་ལ་རྒྱབ་སྐྱོར་བྱེད་དགོས་པ་དང་། འགན་འཁྲི་ཡོད་མཁན་རྣམས་ལ་འགན་འཁུར་དུ་འཇུག་པ། དེ་བཞིན་ཞི་བའི་ཐབས་ལམ་ཐོག་ནས་བོད་རྒྱ་གཉིས་དབར་གྱི་དཀའ་རྙོག་སེལ་ཐབས་སུ་དོན་སྙིང་ལྡན་པའི་གྲོས་མོལ་ཡོང་བར་སྐུལ་མ་བྱེད་དགོས་པ་གསུངས་འདུག ཕྱོགས་མཚུངས་རྒྱལ་སྤྱིའི་ཉེས་ཡངས་ཚོགས་པའི་རྒྱ་ནག་སྡེ་ཚན་གྱི་འགན་འཛིན་ Sarah Brooks ལགས་ཀྱིས་ཁྲིམས་གསར་འདི་ཕྱི་ཟླ་ ༧ ཚེས་ ༡ ཉིན་ནས་དངོས་སུ་ལག་བསྟར་བྱེད་འགོ་ཚུགས་ཀྱི་ཡོད་པའི་སྐོར་ལན་འདེབས་གནང་སྐབས། ཁྲིམས་འདིས་རྒྱ་ནག་གིས་གྲངས་ཉུང་མི་རིགས་ཀྱི་སྤྱི་ཚོགས་དང་རིག་གཞུང་སྲུང་སྐྱོབ་བྱ་རྒྱུའི་འགྲོ་བ་མིའི་ཐོབ་ཀྱི་འགན་འཁྲི་ལ་གནོད་སྐྱོན་སྔར་ལྷག་གཏོང་གི་ཡོད་པར་ནན་བརྗོད་གནང་བ་མ་ཟད།...

ཕྱི་ཟླ་ ༦ ཚེས་ ༢༧ ཉིན་ས་གནས་ཉེན་རྟོག་པས་སྐུ་གཤེགས་སྙན་ངག་པ་འཕྱན་བྷང་གི་བརྩམས་ཆོས་སྐོར་ཅིག་ཁོང་གི་གྲོགས་པོ་ཁ་ཤས་ཀྱིས་རྩོམ་སྒྲིག་བྱས་རྗེས་ཕྱི་ལོ་ ༢༠༢༥ ལོའི་ཟླ་ ༢ ཚེས་ ༤ ཉིན་བརྩམས་ཆོས་དེབ་ཕྲེང་བདུན་གྱི་བདག་ཉིད་ཅན་འགྲེམས་སྤེལ་བྱས་པར་ནག་ཉེས་ཕོག་ཡོད་སྐོར་བཤད་ནས་འདས་པོ་ཁོང་གི་བརྩམས་ཆོས་ཆ་ཚང་འགྲེམས་སྤེལ་བྱེད་མི་ཆོག་པའི་ཉེན་བརྡ་བཏང་འདུག འདི་གའི་གསར་འགོད་པར་བོད་ནས་ཁུངས་ལྡན་གནས་ཚུལ་འབྱོར་བ་ལྟར་ན།  རྩོམ་པ་པོ་འཕྱན་བྷང་ལོ་ན་ཤིན་ཏུ་གཞོན་པའི་སྐབས་ང་ཚོ་དང་གྱེས་ཤིང་།  ཁོང་སོང་ཤུལ་དུ་དེ་སྔ་དཔར་དུ་མ་བཏབ་པའི་ཁོང་གི་བརྩམས་ཆོས་མང་པོ་ཞིག་ལྷག་ཡོད། དེ་ལས་འཁྲབ་གཞུང་དང་འགྱུར་འཕྲོར་ལུས་པའི་རྩོམ། ཉིན་ཐོ་སོགས་ཕུད་པའི་སྙན་ངག་དང་བརྩམས་སྒྲུང་། ལྷུག་རྩོམ། རྩོམ་རིག་སྐོར་ལ་བྲིས་པའི་ཐོལ་རྩོམ་དག་གོང་བསྒྲིགས་བགྱིས་ཏེ་དེབ་གཟུགས་སུ་བཟོས་པ་ལ། སྙན་ངག་གི་དེབ་གསུམ། བརྩམས་སྒྲུང་གི་དེབ་གཉིས། ལྷུག་རྩོམ་དེབ་གཅིག ཐོལ་རྩོམ་དེབ་གཅིག་བཅས་ད་ལོ་ནས་དམིགས་བསལ་དྲག་བྱས་ཡོད་པ་དང་། འདས་པོ་ཁོང་གི་གྲོགས་པོ་རྩོམ་སྒྲིག་བྱེད་མཁན་གཉིས་ལ་ཉེན་རྟོག་པས་འདྲི་རྩད་བྱས་ཡོད་འདུག འདས་པོ་སྙན་ངག་པ་འཕྱན་བྷང་ཟེར་བའི་དངོས་མིང་ལ་ཚེ་དཔའ་དང་། སྙན་ངག་པ་ཁོང་ ༡༩༩༢ ལོར་བོད་མགོ་ལོག་གཅིག་སྒྲིལ་ཏུ་སྐྱེས་ཤིང་། སྔོན་ཆད་ཁོང་ལ་ཚེར་བསྟར་ལྗང་ལོ་ཞེས་པའི་སྙན་ངག་དེབ་ཅིག་དང་། ལྷུག་རྩོམ་གྱི་དེབ་ཆོབ་ཚ་པོ། ར་རོ་པ། འགྱུར་དེབ་སྐྱེས་ཆེན་གྱི་སྙིང་སྟོབས་དང་། དོགས་ནད་ཨང་དོན་བཞི། དེ་བཞིན་འཁྲབ་གཞུང་རྒུད་པ་སོགས་ཀྱི་རྩོམ་ལུས་སྣ་ཚོགས་ཀྱི་བརྩམས་ཆོས་མང་པོ་བྲིས་གནང་ཡོད་འདུག The post སྐུ་གཤེགས་སྙན་ངག་པ་འཕྱན་བྷང་གི་བརྩམས་ཆོས་བཀག་འགོག་བྱས་འདུག appeared first on...

༄༅། །ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པ་ (All-Party Parliamentary Group) ནས་རྒྱ་ནག་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་སྐྱོན་བརྗོད་ནན་པོ་གནང་བ་དང་། ཁྲིམས་གསར་འདིའི་བརྒྱུད་རྒྱ་ནག་གཞུང་གི་བཙན་ཤེད་ཀྱི་རིག་གཞུང་གཅིག་གྱུར་བཟོ་བའི་སྲིད་བྱུས་དེ་ལམ་ལུགས་ཅན་དུ་བཟོ་བཞིན་པ་མ་ཟད། རྒྱ་ནག་གི་ཕྱི་ནང་གཉིས་སུ་ཡོད་པའི་བོད་མི་དང་མི་རིགས་གཞན་ཁག་ལ་ཉེན་ཚབས་ཆེན་པོ་བཟོ་བཞིན་ཡོད་པའི་ཉེན་བརྡ་བཏང་ཡོད། ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་ཁྲིམས་གསར་དེ་ཉིད་ལག་བསྟར་མ་བྱས་གོང་ཟླ་བ་ ༦ ཚེས་ ༣༠ ཉིན་སྤེལ་བའི་བསྒྲགས་གཏམ་ནང་། ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པས་ཁྲིམས་གསར་དེར་སེམས་འཚབ་ཆེན་པོ་ཡོད་པ་གསུངས་པ་དང་། ཁྲིམས་གསར་པའི་མིང་བྱང་འདྲ་ཆགས་པོ་ཇི་ཙམ་ཡོད་མིན་ལ་མ་ལྟོས་པར་དོན་དངོས་སུ་རྒྱ་གཞུང་གི་མི་རིགས་སིམ་སྒྱུར་གྱི་སྲིད་བྱུས་བྱེད་ཤུགས་ཆེ་རུ་གཏོང་བའི་ཉེན་ཚབས་ཆེ་བའི་ཁྲིམས་ལུགས་ཀྱི་ལག་ཆ་ཞིག་ཡིིན་པར་འགྲེལ་བརྗོད་གནང་ཡོད། ཨིན་ཡུལ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པས་ཁྲིམས་གསར་འདིས་བོད་མི་གཅིག་པུ་མ་ཡིན་པར་ཡུ་གུར་བ་དང་། སོག་རིགས་སོགས་ཚུད་པའི་མི་རིགས་གཞན་ཁག་ལ་དམིགས་འབེན་བཟུང་སྟེ། བཙན་དབང་གིས་རྒྱ་ཡིག་དང་རྒྱ་སྐད་ཀྱི་སློབ་གསོ་སྤྲོད་པ་དང་། ལྟ་ཞིབ་ནན་པོ་བྱེད་པ། མི་འབོར་བཀོད་སྒྲིག དེ་བཞིན་ལྟ་བར་ཚོད་འཛིན་བཅས་བརྒྱུད་གྲངས་ཉུང་མི་རིགས་ཀྱི་ཆོས་དང་རིག་གཞུང་། སྐད་ཡིག ངོ་བོ་བཅས་པར་ཉེན་ཁ་བསྐྲུན་བཞིན་ཡོད། ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པ་ནས་བོད་མིའི་སྒྲིག་འཛུགས་ཀྱིས་ཁྲིམས་ཡིག་དེར་དཔྱད་ཞིབ་བྱས་པ་ལུང་འདྲེན་གྱིས་བོད་མིའི་སྒྲིག་འཛུགས་ཀྱིས་ཁྲིམས་གསར་འདི་ནི་བོད་མིའི་རང་སྐྱོང་གི་ཐོབ་ཐང་ལ་ཉེན་ཁ་སྤྲོད་བཞིན་པ་གསལ་སྟོན་གནང་ཡོད་པ་དང་། དེ་བཞིན་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གི་དོན་ཚན་ ༦༣ པ་དེ་བཞིན་རྒྱ་ནག་གི་ཕྱི་ཕྱོགས་སུ་ཡོད་པའི་ཚོགས་སྡེ་དང་མི་སྒེར་ནས་མི་རིགས་མཐུན་སྒྲིལ་ཡར་ཐོན་སྐུལ་འདེད་ལ་གཏོར་བརླག་གཏོང་བ་དང་། མི་རིགས་ཁ་བྲལ་གྱི་བྱ་སྤྱོད་སྤེལ་རིགས་ལ་ཁྲིམས་ལྟར་ཁྲིམས་འབྲེལ་ཁུར་འཁྲི་བརྡ་འདེད་གཏོང་རྒྱུ་ཞེས་པ་འཁོད་ཡོད་པ་དང་། དེའི་རྐྱེན་པས་ཨིན་ཡུལ་ནང་གཞི་རྩའི་རང་དབང་དང་ཐོབ་ཐང་ལོངས་སུ་སྤྱོད་བཞིན་པའི་བོད་མི་དང་། འགྲོ་བ་མིའི་ཐོབ་ཐང་སྲུང་སྐྱོབ་པ། ཉམས་ཞིབ་པ། གྲོས་ཚོགས་འཐུས་མི་བཅས་ལ་དོ་ཕོག་ཐེབས་ངེས་ཡིན་པའི་ཉེན་བརྡ་བཏང་ཡོད། ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པས་ཁྲིམས་ཡིག་དེར་མཐའ་གཅིག་ཏུ་སྐྱོན་བརྗོད་གནང་བ་དང་སྦྲགས།...

ANFREL ཞེས་ཨེ་ཤེ་ཡའི་ཁུལ་དུ་རང་དབང་ལྡན་པའི་འོས་བསྡུའི་འབྲེལ་མཐུད་ཚོགས་པས་ཉེ་ལམ་མཇུག་སྒྲིལ་ཟིན་པའི་ ༢༠༢༦ ལོའི་བཙན་བྱོལ་བོད་མིའི་འོས་བསྡུའི་ཆེན་མོའི་ལས་རིམ་ལ་སྤྱི་ཡོངས་ནས་རྟོག་ཞིབ་ཀྱིས་སྙན་ཐོ་འདོན་སྤེལ་གནང་བའི་ནང་། ༢༠༢༦ ལོའི་སྲིད་སྤྱི་གཉིས་ཀྱི་འོས་བསྡུའི་ལས་རིམ་དེ་སྤྱི་ཡོངས་ནས་ཁྲིམས་མཐུན་དང་ཕྱི་གསལ་ནང་གསལ། དེ་བཞིན་ཞི་འཇགས་དང་ཚགས་ཚུད་ངང་ནས་གནང་ཡོད་ཀྱང་། བརྒྱུད་རིམ་དེ་སྔར་བས་ཇེ་བརྟན་དུ་གཏོང་ཆེད་བོད་མིའི་སྒྲིག་འཛུགས་ངོས་ནས་དབུས་འོས་བསྡུ་ལས་ཁང་གི་སྒྲིག་འཛུགས་སྲ་བརྟན་གཏོང་དགོས་པ་དང་། ད་ཡོད་ཀྱི་འོས་བསྡུའི་སྒྲིག་གཞིར་བསྐྱར་བཅོས་ཀྱིས་དྲྭ་རྒྱའི་དུས་རབས་དང་འཚམས་པའི་འོས་བསྡུའི་སྒྲིག་གཞི་གསར་སྒྱུར་བྱེད་དགོས་གལ་ཡིན་པ་གསུངས་འདུག གཞི་རྩའི་ ༢༠༢༦ ལོའི་བཙན་བྱོལ་བོད་མིའི་འོས་བསྡུའི་ལས་རིམ་ཁྲོད།  Asian Network for Free Election འམ་ཨེ་ཤེ་ཡའི་ཁུལ་དུ་རང་དབང་ལྡན་པའི་འོས་བསྡུའི་འབྲེལ་མཐུད་ཚོགས་པ་དང་ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གཉིས་ཀྱི་འཐུས་མི་དགུ་ལས་གྲུབ་པའི་འོས་བསྡུའི་རྟོག་ཞིབ་སྐུ་ཚབ་ཚོགས་ཆུང་ཞིག་བཞུགས་སྒར་དུ་ཆེད་ཕེབས་ཀྱིས་བཙན་བྱོལ་བོད་མིའི་སྔོན་གྲོའི་འོས་བསྡུ་དང་དངོས་གཞིའི་འོས་བསྡུར་རྟོག་ཞིབ་གནང་ཡོད་པ་དང་། བརྒྱུད་རིམ་དེའི་ཁྲོད་ཁོང་རྣམ་པས་དབུས་འོས་བསྡུ་ལས་ཁང་གི་འབྲེལ་ཡོད་དང་སྤྱི་འཐུས། གསར་འགོད་པ། གཞུང་ཁོངས་མིན་པའི་ཚོགས་པ་ཁག་གི་སྐུ་ཚབ། དེ་བཞིན་མང་ཚོགས་ཁག་གཅིག་ལ་འོས་བསྡུའི་ལས་རིམ་དང་འབྲེལ་བཅར་འདྲི་གནང་སྟེ། ༢༠༢༦ ལོའི་འོས་བསྡུའི་ལས་རིམ་ཡོངས་ལ་དཔྱད་ཞིབ་ཙམ་མ་ཟད། མ་འོངས་པར་བཙན་བྱོལ་བོད་མིའི་དམངས་གཙོའི་ལས་རིམ་སྔར་བས་སྲ་བརྟན་དུ་གཏོང་ཐུབ་རྒྱུའི་ཐད་རྒྱབ་གཉེར་ཁག་གཅིག་བཏོན་གྱི་ཡོད་པ་རེད། དེ་ཡང་ཁ་སང་ཕྱི་ཚེས་ ༣༠ ཉིན་ཚོགས་པས་འདོན་སྤེལ་གནང་བའི་སྙན་ཐོ་དེའི་ནང་། བཙན་བྱོལ་བོད་མིའི་སྤྱི་ཚོགས་འདི་འཛམ་གླིང་ཡུལ་ལུང་གང་སར་ཁ་འཐོར་དུ་གྱར་ཡོད་ནའང་། དབུས་འོས་བསྡུ་ལས་ཁང་གིས་ས་ཁུལ་དང་ཡུལ་ལུང་ཚང་མར་འོས་བསྡུའི་ས་ཚིགས་བཙུགས་ཏེ། མི་མང་བྱིངས་འོས་བསྡུའི་ནང་མཉམ་ཞུགས་ཡོང་ཐུབ་པ་བཟོས་ཡོད་པ་དང་། ལྷག་པར་འཛམ་གླིང་ཡུལ་ལུང་གཞན་ཁག་ནང་རྩོད་རྙོག་མེད་པའི་ཐོག་འདི་ལྟ་བུའི་ཁྲིམས་མཐུན་གྱི་ཐོག་ནས་འོས་བསྡུའི་ལས་རིམ་གཉེར་ཐུབ་པ་དེ་ནི་བསྔགས་བརྗོད་འོས་པ་ཞིག་ཡིན་པ་མ་ཟད། བོད་མི་མང་ཚོགས་ནས་ཀྱང་མང་གཙོའི་ཁེ་དབང་ལོངས་སུ་སྤྱོད་དེ་འོས་བསྡུའི་ལས་རིམ་ནང་མཉམ་ཞུགས་གནང་ཡོད་པ་གསལ་སྟོན་གནང་འདུག མ་ཟད།  འོས་བསྡུའི་རྗེས་ཀྱི་ཁོར་ཡུག་ལ་དཔྱད་ཞིབ་གནང་བའི་ཁྲོད། ཕྱི་ཟླ་ ༥ ཚེས་ ༡༣ ཉིན་དབུས་འོས་བསྡུ་ལས་ཁང་ནས་ཕྱི་ལོ་...

དེ་རིང་ཕྱི་ཟླ་༧ ཚེས་༡ ཉིན་རྒྱ་ནག་གཞུང་གིས་ ‘‘མི་རིགས་མཐུན་སྒྲིལ་དང་ཡར་རྒྱས་གཏོང་བའི་ཁྲིམས་’’ ཟེར་བ་དེ་དངོས་སུ་ལག་བསྟར་འགོ་འཛུགས་བྱེད་ཀྱི་ཡོད་པར་བརྟེན། འཛམ་གླིང་གང་སར་ཡོད་པའི་བོད་པ་དང་། ཡུ་གུར། ཧོང་ཀོང་བཅས་ནས་ཁྲིམས་ཡིག་དེ་ལ་ངོ་རྒོལ་ལས་འགུལ་སྤེལ་གྱི་ཡོད་པ་བཞིན། དྷ་སར་ཡོད་པའི་ཚོགས་པ་ཁག་བཞིས་ངོ་རྒོལ་ལས་འགུལ་སྤེལ་སོང་། The post ཚོགས་པ་ཁག་བཞིའི་མི་རིགས་མཐུན་སྒྲིལ་དང་ཡར་རྒྱས་གཏོང་བའི་ཁྲིམས་ཡིག་ལ་ངོ་རྒོལ་བསྒྲགས་གཏམ། appeared first on བོད་ཀྱི་བང་ཆེན།.

རྒྱ་ནག་ནས་ཨ་རིར་བྲོས་བྱོལ་ལ་སླེབས་པའི་རྒྱ་རིགས་ཕྱུག་བདག་ཆེན་མོ་ Guo Wengui ཡིས་མི་མང་སྟོང་ཕྲག་མང་པོའི་མ་དངུལ་ཨ་སྒོར་ཐེར་འབུམ་ལྷག་རང་གི་རྒྱས་སྤྲོས་ཆེ་བའི་འཚོ་བར་བེད་སྤྱོད་བྱས་པའི་ནག་ཉེས་འོག་ཁོ་པར་ཨ་རིའི་ཁྲིམས་ཁང་གིས་ལོ་ངོ་ ༣༠ ཡི་བཙོན་འཇུག་ཁྲིམས་ཐག་བཅད་འདུག རྩ་བའི་རྒྱ་རིགས་ཕྱུག་བདག་ཆེན་མོ་ Guo Wengui འམ་ཁག་གཅིག་གིས་ Miles Guo དང་ Miles Kwok གཞན་ཁག་གཅིག་གིས་ Ho Wan Kwok ཞེས་འབོད་ཀྱི་ཡོད་པ་ཁོང་གི་འབྲེལ་ཡོད་ཚོར་རྒྱ་ནག་ཏུ་ཕྱི་ལོ་ ༢༠༡༤ ལོ་མཇུག་ཏུ་རྒྱ་གཞུང་གིས་ལྐོག་ཟ་རུལ་སུངས་ཀྱི་ཉེས་འཛུགས་འོག་དམིགས་འབེན་དུ་བཟུང་བཞིན་པའི་ཁྲོད།  ཕྱི་ལོ་ ༢༠༡༥ ལོར་ཁོང་རྒྱ་ནག་ནས་ཨ་རིར་བྲོས་བྱོལ་གྱིས་ཡུལ་དེར་མཐོང་མཆན་འོག་གཞིས་ཆགས་ནས་རིམ་པས་རྒྱ་ནག་དམར་ཤོག་ཚོགས་པར་སྐྱོན་བརྗོད་བྱེད་མཁན་སྐད་གྲགས་ཅན་ཞིག་ཏུ་གྱུར་ཏེ།  ཕྱི་ལོ་ ༢༠༡༧ ལོར་རྒྱ་གཞུང་གིས་ཁོང་ནག་ཉེས་ཅན་གྱི་མི་སྣར་ངོས་འཛིན་གྱིས་རྒྱ་ནག་ཏུ་ཕྱིར་སློག་དགོས་པའི་གཞུང་འབྲེལ་གསལ་བསྒྲགས་སྤེལ་བ་དང་བསྟུན།  ཁོང་གིས་ཀྱང་ཨ་རིར་གཏན་སྡོད་ཆེད་དུ་ཁྲིམས་མཐུན་གྱི་སྐྱབས་བཅོལ་ཞུས་ཡོད་པ་དང་།  དེ་ནས་སྒེར་གྱིས་གསར་ཁང་ཁག་གཅིག་ཆེད་འཛུགས་ཀྱིས་རྒྱ་ནག་དམར་ཤོག་ཚོགས་པ་ཐེར་འདོན་སོགས་ཀྱི་ཆབ་སྲིད་ལས་འགུལ་སྤེལ་ཡོད་པ་དེ་ལྟར་ཡང་།  ཕྱི་ལོ་ ༢༠༢༣ ལོར་ཨ་རིའི་ནིའུ་ཡོག་ཁྲིམས་ཁང་གིས་ Guo Wengui ནས་ཡུལ་དེར་ཁྲིམས་འགལ་གྱི་ཚོང་ལས་སོགས་གཉེར་བ་མ་ཟད་རང་གི་དྲྭ་ཐོག་རྗེས་འབྲངས་པ་མི་མང་སྟོང་ཕྲག་མང་པོའི་མ་དངུལ་ཨ་སྒོར་ཐེར་འབུམ་ལྷག་མགོ་སྐོར་བསླུ་བྲིད་བྱས་པ་སོགས་ནག་ཉེས་ ༩ བསགས་ཡོད་པར་འཛིན་བཟུང་གིས་ད་བར་བཙོན་འཇུག་འོག་ཉན་ཞིབ་འགྲོ་བཞིན་ཡོད་པ་རེད། དེ་ཡང་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ...

༄༅། །ཇར་མན་ཕྱི་སྲིད་བློན་ཆེན་ལས་ཁུངས་ནས་ཕྱི་ལོ་ ༢༠༢༦ ཟླ་བ་ ༡ ཚེས་ ༡ ཉིན་ལག་བསྟར་བྱ་རྒྱུ་ཡིན་པའི་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་ཐུགས་ཚབས་ཤུགས་ཆེ་བསྟན་པ་དང་སྦྲགས། ཁྲིམས་ཡིག་འདིས་སྔར་ལྷག་བཙན་དབང་གི་མི་རིགས་མཉམ་བསྲེས་དང་གྲངས་ཉུང་མི་རིགས་ཀྱི་ངོ་བོར་རྩ་མེད་གཏོང་རྒྱུ་ཡིན་པ་མ་ཟད། ཡུ་རོབ་དང་ཇར་མན་ཚུད་པའི་རྒྱ་ནག་ཕྱི་ཕྱོགས་ཀྱི་མང་ཚོགས་ལ་རྒྱལ་མཚམས་ལས་བརྒལ་བའི་དྲག་གནོན་བྱ་རྒྱུ་ཡིན་པའི་ཉེན་བརྡ་བཏང་ཡོད། དེ་ཡང་གནས་ཚུལ་འདི་ནི་ཕྱི་ལོ་ ༢༠༢༦ ཟླ་བ་ ༦ ཚེས་ ༢༩ ཉིན་བསྐོང་ཚོགས་གནང་བའི་སྲིད་གཞུང་གི་གསར་འགོད་ལྷན་ཚོགས་ཐོག་ཕྱི་སྲིད་བློན་ཆེན་ལས་ཁུངས་ཀྱི་མགྲིན་ཚབ་པ་སེ་བྷ་སི་ཊི་ཡན་ཧིན་ཊར་སེ་ཧར་ (Sebastian Hinterseher) ལགས་སུ་ཁྲིམས་གསར་དེ་དང་འབྲེལ་བའི་བཅར་འདྲི་གནང་བའི་སྐབས་བྱུང་བ་ཞིག་དང་། གཞུང་ཁོངས་མ་ཡིན་པའི་ཚོགས་སྡེ་ཁག་གིས་ཁྲིམས་གསར་དེའི་ནུས་པ་དང་རྒྱ་ཁྱབ་ནི་རྒྱ་ནག་གི་རྒྱལ་མཚམས་ལས་བརྒལ་ཏེ་ཤུགས་རྐྱེན་ཐེབས་སྲིད་པའི་ཉེན་བརྡ་བཏང་ཡོད། ཕྱི་སྲིད་ལས་ཁུངས་ཀྱི་མགྲིན་ཚབ་པ་ཧིན་ཊར་སེ་ཧར་ལགས་ཀྱིས་ཇར་མན་གཞུང་ནས་རྒྱ་ནག་གཞུང་ལ་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་གསར་ཚུད་པའི་རྒྱུན་དུ་འགྲོ་བ་མིའི་ཐོབ་ཐང་གི་གནད་དོན་ཐོག་ཐུགས་འཚབ་བསྟན་བཞིན་པ་འགྲེལ་བརྗོད་གནང་བ་དང་། ཁྲིམས་ཡིག་འདིའི་བརྒྱུད་ད་ཡོད་རྒྱ་ནག་གཞུང་གི་མི་རིགས་ཐོག་བཟུང་བའི་སྲིད་བྱུས་ལ་ཁྲིམས་ལུགས་ཀྱི་གཞི་རྩ་རྒྱ་བསྐྱེད་གཏོང་བ་མ་ཟད། ལྷག་པར་ཆོས་ལུགས་རྒྱ་ནག་ཅན་དུ་བསྒྱུར་རྒྱུའི་སྲིད་བྱུས་ལ་ཁྲིམས་མཐུན་བཟོ་བཞིན་ཡོད་པ་གསུངས། དེ་བཞིན་ཁྲིམས་འདིའི་འོག་ནས་རྒྱ་ནག་གིས་རྒྱལ་མཚམས་ལས་བརྒལ་བའི་བྱ་འགུལ་ཤུགས་ཆེ་རུ་སྤེལ་ངེས་ཡིན་པ་ལྟར་ཁྲིམས་འདིའི་རྒྱ་ནག་ནང་ལོག་ཙམ་མ་ཟད། རྒྱལ་ཁབ་གཞན་གྱི་མང་ཚོགས་ཀྱིས་གནས་བབས་ལའང་དོ་ཕོག་གཏང་རྒྱུ་ཡིན་པའི་སྐྱོན་བརྗོད་ཤུགས་ཆེ་གནང་། ཧིན་ཊར་སེ་ཧར་ལགས་ཀྱིས་ཇར་མན་ནས་རྒྱལ་མཚམས་ལས་བརྒལ་བའི་དྲག་གནོན་ཇི་འདྲ་ཞིག་ཡིན་རུང་ངོ་རྒོལ་མཐའ་གཅིག་ཏུ་བྱེད་རྒྱུ་ཡིིན་པ་བསྐྱར་ནན་གནང་ཡོད། དེ་སྔོན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གཞུང་གིས་བོད་ནང་དྲག་གནོན་བྱེད་ཤུགས་ཆེ་རུ་གཏོང་བཞིན་པའི་གནད་དོན་ཐོག་གོ་རྟོགས་སྤེལ་ཐབས་སུ་ཕྱི་ཟླ་ ༦ ཚེས་ ༡༡ ནས་ ༡༤ བར་སྦར་ལིན་དང་ཕེ་རེངྐ་ཕོཌ་ (Frankfurt) དུ་གཞུང་འབྲེལ་འཚམས་གཟིགས་ཀྱིས་གྲོས་ཚོགས་འཐུས་མི་དང་། གཞུང་འབྲེལ་མི་སྣ། སྤྱི་དམངས་ཚོགས་སྡེ་ཁག་གི་འགོ་ཁྲིད་བཅས་དང་མཇལ་འཕྲད་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་བོད་ནང་རྒྱ་ནག་གཞུང་གི་འཆར་གཞི་ལྡན་པའི་མི་རིགས་སིམ་སྒྱུར་གྱི་སྲིད་བྱུས་ལ་ཐེར་འདོན་གནང་བ་དང་།...

གཞུང་ཁོངས་མིན་པའི་ཚོགས་པ་ཁག་གཙོས་བོད་མི་རྣམས་ཀྱིས་རྒྱ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་ཟེར་བ་ལག་བསྟར་བྱས་པར་ངོ་རྒོལ་བྱས་ཏེ་གང་མགྱོགས་བོད་ནང་ཁྲིམས་སྒྲིག་དེ་ལག་བསྟར་བྱེད་མཚམས་གཞག་དགོས་པའི་རེ་སྐུལ་ཞུས།  The post གཞུང་ཁོངས་མིན་པའི་ཚོགས་སྡེ་ཁག་གིས་མི་རིགས་མཐུན་སྒྲིལ་ཡར་ཐོན་ཟེར་བའི་ཁྲིམས་ལག་བསྟར་བྱས་པར་ངོ་རྒོལ་ལས་འགུལ་སྤེལ། appeared first on བོད་ཀྱི་དུས་བབ།.

བོད་མིའི་སྒྲིག་འཛུགས་ནས་རྒྱལ་ཚོགས་གཙོས་རྒྱལ་ཁབ་ཁག་གི་དབུ་ཁྲིད་རྣམས་ཀྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་ཟེར་བའི་ཁྲིམས་སྒྲིག་དེར་ཛ་དྲག་ཞིབ་དཔྱོད་དགོས་པའི་རེ་སྐུལ་ཞུས།  The post རྒྱལ་ཚོགས་ཀྱིས་རྒྱ་ནག་གི་ཁྲིམས་འཆར་གསར་པར་ཞིབ་དཔྱོད་དགོས་པའི་ནན་སྐུལ། appeared first on བོད་ཀྱི་དུས་བབ།.