སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་དེས་མི་རབས་མང་པོའི་རིང་གནས་པའི་བོད་མིའི་དཔལ་ཡོན་ལ་དོ་ཕོག་ཤུགས་ཆེ་གཏོང་ངེས་ཡིན་པ་གསལ་འདོན་དང་འབྲེལ། བོད་མིའི་སྒྲིག་འཛུགས་ངོས་ནས་དེ་འབྲེལ་རྒྱལ་སྤྱིའི་གཞུང་དང་ཚོགས་སྡེ་ཁག་ལ་གོ་རྟོགས་མུ་མཐུད་སྤེལ་མུས་ཡིན་པ་མ་ཟད། ལྷག་པར་རྒྱ་གཞུང་གིས་ཁྲིམས་ཡིག་དེ་ཉིད་ཕྱི་ཟླ་ ༧ ཚེས་ ༡ ནས་དངོས་སུ་ལག་བསྟར་འགོ་འཛུགས་བྱ་རྒྱུ་ཡིན་པ་དང་བསྟུན། བོད་མིའི་སྒྲིག་འཛུགས་ཕྱི་དྲིལ་ཁྱབ་ཁོངས་བོད་ཀྱི་དོན་གཅོད་ཁག་ནས་ས་གནས་སོ་སོར་དེ་འབྲེལ་རྒྱ་གཞུང་ལ་སྐྱོན་བརྗོད་ཀྱི་བསྒྲགས་གཏམ་གཙོས་པའི་ཕྱི་དྲེིལ་ལས་ཁུངས་དང་གྲོས་ཚོགས་འཐུས་མི། དེ་བཞིན་གནད་ཡོད་མི་སྣ་དང་གསར་ཁང་སོགས་ལ་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ལ་ཁ་གཏད་གཅོག་དགོས་པའི་ནན་སྐུལ་གནང་ཡོད་པ་གསུངས་སོང་།  དེ་ཡང་འདི་ཚེས་ ༢༦ ནས་འགོ་འཛུགས་ཀྱིས་དེ་རིང་ཕྱི་ཚེས་ ༢༩ བར་ཉིན་གྲངས་བཞིའི་རིང་རྡ་ས་དབུས་སྣེ་ལེན་ཁང་དུ་ཡོད་པའི་འཛིན་སྐྱོང་སྦྱོང་བརྡར་ཁང་དུ་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག་བོད་རྒྱ་འབྲེལ་བའི་རྒྱལ་སྤྱིའི་ཚོགས་འདུ་ཞིག་འགོ་འཛུགས་གནང་ཡོད་པ་དང་། དེ་རིང་ཚོགས་འདུའི་མཇུག་སྡོམ་མཛད་སྒོའི་ཞོར་དུ་བོད་མིའི་སྒྲིག་འཛུགས་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གི་ཉེན་ཚབས་སྐོར་གསར་འགོད་ལྷན་ཚོགས་ཞིག་སྐོང་འཚོགས་གནང་སོང་།  དེའི་ཐོག་སྲིད་སྐྱོང་མཆོག་གིས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་དེ་ནི་རྒྱལ་སྤྱིའི་ཁྲིམས་ལུགས་ཀྱི་ཚད་གཞི་དང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་ཁས་ལེན་དང་རྒྱབ་འགལ་དུ་སོང་གི་ཡོད་སྐོར་གསུངས་བ་མ་ཟད། ཁྲིམས་ཡིག་དེས་དམིགས་སུ་བཀར་ནས་བོད་མི་རིགས་དང་འཐབ་རྩོད་ལ་དོ་ཕོག་ཤུགས་ཆེ་གཏོང་ཉེན་ཡོད་པས། རྒྱལ་སྤྱིའི་སྤྱི་ཚོགས་ནས་རྒྱ་ནག་ལ་དེ་འབྲེལ་གོ་སྐབས་ནམ་བྱུང་ལ་འདྲེི་རྩད་ངེས་པར་དུ་གནང་དགོས་གལ་དང་། ལྷག་པར་བོད་མིའི་སྒྲིག་འཛུགས་ངོས་ནས་རྒྱལ་སྤྱིའི་ཁྲོད་ཁྲིམས་འདི་བརྒྱུད་ནས་བོད་མིའི་ཐོབ་ཐང་དང་ངོ་བོ། རིག་གཞུང་ལ་སོགས་པར་དམ་དྲག་དང་། བཙན་ཤེད་ཀྱིས་རྒྱ་བསྒྱུར་གྱི་སྲིད་ཇུས་སྤེལ་བཞིན་པའི་ཉེན་ཚབས་སྐོར་རྒྱལ་ཚོགས་གཙོས་རྒྱལ་སྤྱིའི་གཞུང་ཁག་ལ་གོ་རྟོགས་སྤེལ་བཞིན་ཡོད་པ་གསུངས་སོང་།  གསར་འགོད་ལྷན་ཚོགས་སྐབས་གསར་འགོད་པས་འདི་ལྟ་བུའི་ཁྲིམས་གཞི་གཏན་འབེབས་ཁྲོད་བོད་མིའི་སྒྲིག་འཛུགས་ནས་རྒྱ་ནག་གི་དབང་འོག་ཏུ་ཡོད་པའི་གྲངས་ཉུང་མི་རིགས་གཞན་དང་མཉམ་ལས་ཀྱི་འཆར་གཞི་ཇི་ཡོད་བཀའ་འདྲི་ཞུ་སྐབས། སྲིད་སྐྱོང་མཆོག་གིས་རྒྱལ་ཁབ་ཁག་གི་ནང་གཞུང་འབྲེལ་ཕྱོགས་བསྐྱོད་ཁྲོད་དང་ལྷག་པར་ཉེ་ལམ་འཇར་མ་ནིའི་ཕེབས་སྐབས་རྒྱལ་ཁབ་སོ་སོའི་གཞུང་དང་འགྲོ་བ་མིའི་ཐོབ་ཐང་གི་ཚོགས་པ་ཁག དེ་བཞིན་ཡུ་གུར་དང་སོག་པོ་སོགས་རྒྱའི་བཙན་གནོན་འོག་ཡོད་པའི་གྲངས་ཉུང་མི་རིགས་ཁག་གི་ལྷན་ཚོགས་དང་མཉམ། ཁྲིམས་ཡིག་དེས་བོད་མི་དང་ཡུ་གུར་མི་རིགས་རྣམས་ཀྱི་ཆོས་རིག་དང་སྐད་ཡིག་བཅས་པ་རྩ་མེད་གཏོང་ངེས་ཙམ་མ་ཟད། ཁྲིམས་ཡིག་གི་དོན་ཚན་ ༦༣ པ་དེས་ཕྱི་ཕྱོགས་སུ་གནས་སྡོད་བྱེད་བཞིན་པའི་བོད་མི་དང་ཡུ་གུར་མི་རིགས་གཙོས་རྒྱ་ནག་གཞུང་གི་བཙན་གནོན་འོག་ཏུ་ཡོད་པའི་མི་རིགས་རྣམས་ནས། རྒྱལ་ཁབ་ཀྱི་མི་རིགས་མཐུན་སྒྲིལ་དང་ཡར་རྒྱས་ལ་འགོག་རྐྱེན་བཟོས་ཚེ་རྒྱ་གཞུང་གི་ཁྲིམས་ལུགས་ལྟར་ཉེས་ཆད་ལྕི་མོ་གཅོད་རྒྱུའི་ཁྲིམས་མཐུན་གྱི་དབང་ཚད་སྤྲོད་ཡོད་སྟབས། རྒྱལ་སྤྱིའི་སྤྱི་ཚོགས་ནས་རྒྱ་ནག་གཞུང་གི་བོད་མི་དང་ཡུ་གུར། ཧོང་ཀོང་། ཐའེ་ཝན། ལྷོ་སོག་བཅས་ཀྱི་ཐོག་དྲག་གནོན་དབང་སྒྱུར་བྱེད་བཞིན་པའི་བྱ་སྤྱོད་ལ་དོ་སྣང་བྱ་རྒྱུའི་དུས་ལ་བབས་ཡོད་ལ། དེ་འབྲེལ་རྒྱ་ནག་ལ་ཁ་གཏད་གཅོག་དགོས་པའི་ནན་སྐུལ་གནང་བཞིན་ཡོད་པ་གསུངས་སོང་།  དེ་བཞིན་སྲིད་སྐྱོང་མཆོག་གིས་བོད་མིའི་སྤྱི་ཚོགས་ཁྲོད་ད་སྐབས་ཁྲིམས་ཡིག་དང་འབྲེལ་གཉིས་སྨན་དབུ་མའི་ལམ་གྱི་སྲིད་བྱུས་ལ་བསྒྱུར་བ་དགོས་གལ་དང་། ཁག་གཅིག་གིས་བོད་མིའི་སྒྲིག་འཛུགས་ཀྱི་གཞུང་འབྲེལ་སྲིད་བྱུས་ལ་བསྒྱུར་བ་གཏོང་དགོས་མིན་ཐད་བསམ་ཚུལ་མི་ཉུང་བ་ཞིག་ཡོང་བཞིན་འདུག་པས། ལོ་ངོ་བཅུ་ཕྲག་བཞི་ལྷག་རིང་དབུ་མའི་ལམ་གྱི་སྲིད་བྱུས་འོག་རྒྱ་ནག་དང་ལྷན་དུ་ཞི་བའི་གྲོས་མོལ་ཐོག་འབད་བརྩོན་གནང་བཞིན་ཡོད་པ་དང་། དེ་ལྟར་ཡང་རྒྱ་གཞུང་གིས་བོད་རྒྱ་ཞ་མོལ་བྱ་རྒྱུ་ལས་ལྟོག་སྟེ། རྒྱལ་ཁབ་མཐུན་སྒྲིལ་གྱི་ཐ་སྙད་འོག་མི་རིགས་སིམ་ཡལ་གྱི་སྲིད་བྱུས་དེ་ཁྲིམས་མཐུན་བཟོ་ཡི་ཡོད་པ་དེས་ཕྱོགས་གཉིས་ཀྱི་འབྲེལ་མོལ་ལའང་གནོན་སྐྱོན་གཏོང་ཡོད་པ་འགྲེལ་བརྗོད་དང་སྦྲགས།...

རྩོམ་ཁུངས། བོད་ཀྱི་དུས་བབ། རྩོམ་པ་པོ། བོད་ཀྱི་སྲིད་བྱུས་ཉམས་ཞིབ་ཁང་།  ཕན་ཐོགས། ཕྱི་ལོ་ ༢༠༢༦ ལོའི་ཟླ་ ༣ ཚེས་ ༡༢ ཉིན། རྒྱ་ནག་མི་དམངས་འཐུས་མི་ཚོགས་ཆེན་གྱིས་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་》གཏན་ལ་ཕབ་ཅིང་། ཟླ་ ༧ ཚེས་ ༡ ཉིན་ནས་ལག་བསྟར་བྱེད་རྒྱུ་རེད། བཅའ་ཁྲིམས་འདི་འདོན་འཕེལ་བྱུང་བ་ནས་ལག་བསྟར་བྱེད་ལ་ཉེ་བའི་བར་དུ་ཕྱི་ཕྱོགས་ནས་གནས་དོན་དེར་དོ་སྣང་ཆེན་པོ་བྱེད་བཞིན་ཡོད། རྒྱལ་སྤྱིའི་ཚོགས་སྡེ་གང་ས་ནས་རྒྱ་ནག་གིས་“མི་རིགས་མཐུན་སྒྲིལ་”གྱི་མིང་འཁྱེར་ནས། དོན་དངོས་ཐོག་“གྲངས་ཉུང་མི་རིགས་”སུ་འབོད་པའི་བོད་པ་གཙོས་པའི་མི་རིགས་གཞན་རྣམས་བཙན་གྱིས་མཉམ་བསྲེས་དང་རྒྱ་བསྒྱུར་ལས་གཞི་མགྱོགས་སུ་གཏོང་ཆེད་ཡིན་པར་སྐྱོན་བརྗོད་ཤུགས་ཆེན་གནང་བཞིན་ཡོད། རྒྱ་གཞུང་གི་མཐར་ཐུག་དམིགས་ཡུལ་ནི་“གྲངས་ཉུང་མི་རིགས་”རྣམས་“ཀྲུང་ཧྭ་མི་རིགས་ཀྱི་ལྟ་བ་” 「中華民族價值觀」ཟེར་བ་རྒྱ་མིའི་ལྟ་བ་ཅན་དུ་བསྒྱུར་ནས། རྒྱ་གཞུང་དབང་འཛིན་པས་རྒྱ་གོང་བུ་གཅིག་འགྱུར་འོག་ཆབ་སྲིད་བརྟན་ལྷིང་དང་སྤྱི་ཚོགས་ལྷིང་འཇགས། ལྷག་པར་མི་རིགས་གཞན་ཐོག་དབང་སྒྱུར་བྱེད་བདེ་བ་ཡོང་ཆེད་ཡིན།   རྒྱ་ནག་གི་《མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་》འདིར་དོན་ཚན་ ༦༥ ཡོད་པ་དང་། དོན་ཚན་དང་པོའི་ནང་“ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་” 「鑄牢中華民族共同體意識」ཞེས་པ་དེ་ཁྲིམས་ནང་བཅུག་ཡོད། འདི་ནི་རྒྱ་ནག་གིས་ཐེངས་དང་པོར་“ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་”ཞེས་པ་ཁྲིམས་སུ་བཅུག་པ་ཡིན་ལ། ༢༠༡༨ ལོར་རྒྱ་ནག་གིས་ཐེངས་དང་པོར་“ཀྲུང་ཧྭ་མི་རིགས་” 「中華民族」ཞེས་པའི་ཐ་སྙད་དེ་རྩ་ཁྲིམས་ནང་བཅུག་རྗེས། ད་ཐེངས་ཡང་བསྐྱར་“ཀྲུང་ཧྭ་མི་རིགས་”ཀྱི་གནས་བབ་དེར་ཁྲིམས་ཐོག་ནས་གཏན་འབེབས་ནན་སྐུལ་བྱས་པ་ཞིག་ཀྱང་ཡིན། “ཀྲུང་ཧྭ་མི་རིགས་”ཞེས་པའི་ཐ་སྙད་འདི་རྩ་ཁྲིམས་ནང་བཅུག་པ་ནི། ཕྱི་ལོ་ ༡༩༤༧...

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་རྒྱ་གར་རྒྱལ་ས་ལྡི་ལིར་ཞབས་པུས་གཤགས་བཅོས་ལེགས་གྲུབ་ཀྱིས་ཕྱི་ཟླ་ ༦ ཚེས་ ༢༨ སྔ་དྲོ་ལ་དྭགས་སུ་༧ཞབས་སོར་འཁོད་གནང་པ་དང་བསྟུན་༧སྐུ་བཅར་བླ་སྨན་པ་རྣམ་པས་༧སྐུ་ཁམས་ཧ་ཅང་ཡག་པོ་ཡོད་པ་བསྐྱར་ནན་གསལ་བཤད་གནང་པ། ༧གོང་ས་༧སྐྱབས་མགོན་ཆེན་པོ་མཆོག་ལ་དྭགས་ས་གདན་ཞུ་གསོལ་འདེབས་ཞུ་མཁན་ལ་དྭགས་ནང་ཚོགས་དང་ལ་དྭགས་དགོན་ཚོགས་ཀྱི་སྐུ་ཚབ་ལ་དྭགས་དགོན་སྤྱི་ལྷན་ཚོགས་ཀྱི་ཚོགས་གཞོན་དགེ་བཤེས་བློ་བཟང་བཀྲིས་ལགས་ཀྱིས་༧གོང་ས་མཆོག་ཕོ་བྲང་དུ་ཞབས་སོར་འཁོད་གནང་མཛད་རྗེས་དམིགས་བསལ་བཀའ་སློབ་གནང་མེད་ཀྱང་༧མགོན་པོ་མཆོག་གི་གསེར་ཞལ་མཇལ་ཁ་ཐོབ་པར་ལ་དྭགས་ལ་སྐལ་བཟང་གི་ཉི་མ་ཞིག་ཤར་ཡོད་ཅེས་གསུངས་བྱུང་།

༢༠༢༦ ཟླ་ ༥ ཚེས་ ༢༥ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱག་རྟགས་སྨིན་སྩོལ་བྱུང་སྟེ་བསྐོ་གཞག་མཛད་པ།

༄༅། །ཕྱི་ལོ་ ༢༠༢༦ ཟླ་ ༦ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ས་ལྡི་ལི་ནས་མཁའ་ལམ་བརྒྱུད་ལ་དྭགས་སུ་ཆིབས་བསྒྱུར་བཀའ་དྲིན་བསྐྱངས་ཡོད་པ་རེད། དེ་ཡང་སྔ་དྲོ་ཆུ་ཚོད་ ༦།༣༠ ཙམ་ནས་རོ་ཧེ་ནི་ལྡི་ལི་བོད་ཁྱིམ་ཀྱི་བཞུགས་གནས་ཆིབས་ཐོན་གྱིས་མཁའ་ལམ་བརྒྱུད་ལ་དྭགས་གླེ་ཡི་བ་ཀུ་ལ་གནམ་ཐང་དུ་ཆིབས་བསྒྱུར་སྐབས་ལ་དྭགས་དབུས་འཛིན་མངའ་ཁུལ་གྱི་གཞུང་དང་གཞུང་ཁོངས་མ་ཡིན་པའི་ཚོགས་སྡེ་ཁག་གི་སྐུ་ཚབ་ཀྱིས་ཕེབས་བསུ་དང་། དེ་ནས་ཆིབས་འཁོར་དུ་བཞུགས་སྟེ་ཤེལ་གྱི་ཕོ་བྲང་དགེ་འཕེལ་གླིང་དུ་ཆིབས་བསྒྱུར་སྐབས། ཕེབས་ལམ་གཡས་གཡོན་དུ་ལ་དྭགས་ཡུལ་མི་སོགས་དད་ལྡན་སྟོང་ཕྲག་མང་པོས་རུ་སྒྲིག་གིས་མེ་ཏོག་དང་བདུག་སྤོས་ཐོགས་ནས་ཕེབས་བསུ་ཟབ་རྒྱས་དང་བཅས་ཕོ་བྲང་དགེ་འཕེལ་གླིང་དུ་༸ཞབས་སོར་བདེ་བར་འཁོད་ཡོད།ཕོ་བྲང་དགེ་འཕེལ་གླིང་གི་ཚོམས་ཆེན་དུ་ཁྲིག་རྩེ་རིན་པོ་ཆེ་སོགས་ཆོས་བརྒྱུད་རིས་མེད་ཀྱི་མཁན་བླ་སྤྲུལ་དང་། ལ་དྭགས་ནང་ཚོགས་དང་དགོན་ཚོགས། དབུས་བོད་མིའི་སྒྲིག་འཛུགས་ཀྱི་ལ་དྭགས་གླེ་བྱང་བོད་མིའི་གཞིས་ཆགས་ཀྱི་ལ་སྤྱི་སོགས་བཅས་ཕེབས་བསུ་དང་། མཎྜལ་རྟེན་གསུམ་འདེགས་འབུལ་གྱིས་ཕེབས་བསུ་གྲུབ་མཚམས་མགོན་པོ་མཆོག་ཕོ་བྲང་གཟིམ་ཆུང་དུ་ཆིབས་བསྒྱུར་བསྐྱངས་ཡོད།དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་རྒྱལ་ས་ལྡི་ལིའི་ཨིན་དྲ་པྲ་སྟ་ཨེ་པོ་ལོ་ (Indraprastha Apollo) སྨན་ཁང་དུ་ཞབས་པུས་གཡོན་པར་སྨན་བཅོས་གནང་སྒོ་ལེགས་པར་གྲུབ་སྟེ། རོ་ཧེ་ནི་ལྡི་ལི་བོད་ཁྱིམ་གྱི་བཞུགས་གནས་སུ་ཉིན་གྲངས་ ༡༥ རིང་སྐུའི་ངལ་གསོ་གནང་རྗེས་དེ་རིང་ལ་དྭགས་སུ་ཆིབས་བསྒྱུར་བསྐྱངས་པ་ཡིན།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༡༩༦༦ ལོར་ཆེས་ཐོག་མར་ལ་དྭགས་སུ་ཆིབས་བསྒྱུར་བསྐྱངས་པ་དང་། ཕྱི་ལོ་ ༡༩༧༡ ལོར་ཐེངས་གཉིས་པ། ཕྱི་ལོ་ ༡༩༧༦ ལོར་ལ་དྭགས་སུ་དུས་འཁོར་དབང་ཆེན་ཐེངས་དང་པོ་བཀའ་དྲིན་སྩལ་ཡོད། དེ་བཞིན་ཕྱི་ལོ་ ༡༩༨༠ དང་། ༡༩༨༥། ༡༩༨༧། ༡༩༨༨། ༡༩༩༧ བཅས་སུ་ཆིབས་བསྒྱུར་དང་། ཕྱི་ལོ་...

ཨོསི་ཊརེ་ལི་ཡའི་ཕྱི་སྲིད་ལས་ཁུངས་དང་ཨ་རིའི་གྲོས་ཚོགས་གོང་མའི་འཐུས་མི་ཁག་ཅིག་གིས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ལ་སྐྱོན་བརྗོད་ཀྱིས་དེར་ཚད་མཐོའི་གདོང་ལེན་གནང་རྒྱུ་ཡིན་པ་གསུངས་སོང་། ཨོསི་ཊརེ་ལི་ཡ་གཞུང་གིས་རྒྱ་ནག་གི་མི་རིགས་མཐུན་སྒྲིལ་གྱི་ཁྲིམས་འདིས་རྒྱ་ནག་གི་མཐའ་མཚམས་བརྒལ་ཏེ་མི་སྒེར་གྱི་རང་དབང་དང་ཐོབ་ཐང་ལ་དོ་ཕོག་གཏོང་སྲིད་པའི་ཐུགས་འཚབ་གནང་གི་ཡོད་པ་ཨོསི་ཊརེ་ལི་ཡ་ཕྱི་སྲིད་ལས་ཁུངས་ཀྱི་མགྲིན་ཚབ་པ་ཞིག་གིས་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་། ཨོསི་ཊརེ་ལི་ཡའི་ནང་མཚོན་ན་བོད་མི་ཆབ་སྲིད་བཙོན་པ་དང་། ཆབ་སྲིད་འབྲེལ་ཆགས་པ་བཅས་རྒྱ་ནག་གཞུང་གི་དཀའ་སྡུག་འོག་སྡུག་སྦྱོང་མྱངས་ཏེ་བྲོས་བྱོལ་དུ་ཡོང་མཁན་མང་པོ་གནས་ཡུལ་གྱི་རྒྱལ་ཁབ་ཅིག་ཡིན་པ་དང་། མི་རིགས་མཐུན་སྒྲིལ་སྐུལ་སྤེལ་གྱི་ཁྲིམས་དེའི་དོན་ཚན་ ༦༣ ནང་དུ་རྒྱལ་མཚམས་བརྒ...

བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་ཁ་མཆུ་ཨང་ ༢༢ པ་གནས་ཡུལ་གཞུང་གི་ཁྲིམས་ཁོངས་སུ་ཚུད་སྟབས་ཁ་མཆུ་རྒྱུན་སྐྱོང་མ་ཐུབ་པའི་ཐག་གཅོད་གནང་འདུག ཁ་སང་ཕྱི་ཚེས་ ༢༦ ཉིན་གྱི་ཉིན་རྒྱབ་ཆུ་ཚོད་ ༢།༣༠ ནས་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་སྤྱི་མང་གཏུག་བཤེར་གྱི་དོན་ཚན་ ༣༥ ཡི་དགོངས་དོན་བཞིན། ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་བལ་ཡུལ་མཆོད་འཇོར་ཁུལ་གྱི་དགོན་སྡེ་དྲུག་དང་མི་མང་ཁག་ཅིག་གི་འོས་བསྡུའི་ཐོབ་ཐང་འཕྲོག་པའི་གྱོད་གཞི་དང་འབྲེལ་ཕྱོགས་གཉིས་ཀྱི་ལྡོག་གཏུག་གི་ཞུ་རྩ་དང་། ཞུ་ལན་ཐོག་ངེས་གཏན་བཟོ་རྒྱུའི་ཐོག་མའི་ཉན་ཞིབ་འཚོགས་ཏེ་ལྡོག་གཏུག་གི་ཁ་མཆུ་རྩིས་མེད་བཏང་ནས་ཕྱིར་ལོག་གནང་སོང་ལ། དེ་རིང་ཆེས་མཐོའི་ཁྲིམས་ཞིབ་ཁང་གིས་དོན་ཚན་གསུམ་གྱི་ཐོག་ནས། ཁ་མཆུ་ཨང་ ༢༢ པ་གནས་ཡུལ་རྒྱལ་ཁབ་ཀྱི་ཁྲིམས་ཁོངས་སུ་ཚུད་སྟབས་རྒྱུན་སྐྱོང་མ་ཐུབ་པའི་ཐག་གཅོད་གནང་འདུག དེ་རིང་གནད་དོན་དེ་དང་འབྲེལ་ནས་ཆེས་མཐོའི་ཁྲིམས་ཞིབ་ཁང་གིས། ཁ་མཆུ་ཨང་ ༢༢ པ་རྒྱུན་གནས་མ་ཐུབ་པའི་དོན་ཚན་གསུམ་ཅན་གྱི་ཐག་གཅོད་ཅིག་གནང་བའི་ནང་། ཐོག་མའི་ཉན་ཞིབ་སྐབས་ལྡོག་གཏུག་གི་རྩོད་ལན་པ་དང་། ངོ་ཚབ་ཐུན་མོང་ལ་ཁྲིམས་ཞིབ་ཁང་ནས་འདྲི་ཞིབ་བརྟག་དཔྱད་བྱས་འབྲས་སུ། ༡། ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་དང་འབྲེལ་བའི་ལྡོག་གཏུག་གི་དོན་གནད་ཅིག་གནས་ཡུལ་གཞུང་གི་ཁྲིམས་ཁང་ལ་གཏུག་བཤེར་བྱས་པ་ཡིན་ན། ཆེས་མཐོའི་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད་ནས་རང་བཞིན་གྱིས་འབུད་འགྲོ་ཡི་ཡོད་པའི་སྐོར་གྱོད་ཡ་ལྡོག་གཏུག་གི་རྩོད་ལན་པ་བློ་བཟང་ཚེ་རིང་ནས་ཤེས་རྟོགས་ཡོད་པ་ངོས་ལེན་བྱས། ༢། ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་དང་འབྲེལ་བའི་ལྡོག་གཏུག་གི་དོན་གནད་ཅིག་གནས་ཡུལ་གཞུང་གི་ཁྲིམས་འོག་ལ་འགྲོ་ཡི་ཡོད་པར་སོང༌། ཁ་མཆུའི་ནང་དོན་དབྱེ་འབྱེད་ཀྱི་འགྲོ་སྟངས་མེད་པས། ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་རང་བཞིན་གྱིས་གནས་ཡུལ་གཞུང་གི་ཁྲིམས་ཁོངས་འོག་ཚུད་འགྲོ་ཡི་ཡོད། ༣། སྤྱི་མང་གཏུག་བཤེར་འགྲོ་ལུགས་ཁྲིམས་ཡིག་དོན་ཚན་...

༧གོང་ས་རྒྱལ་བ་རིན་པོ་ཆེ་མཆོག་ནས་ཝེ་ནེ་སུ་ཝེའི་ས་ཡོམ་ཁྲོད་རྐྱེན་འདས་སུ་གྱུར་བ་རྣམས་ལ་བསྔོ་སྨོན་དང་། ཤུལ་ལུས་ནང་མིར་སེམས་གསོ། དེ་བཞིན་རྨས་སྐྱོན་ཕོག་མཁན་རྣམས་གང་མགྱོགས་དྲག་སྐྱེད་ཡོང་བའི་ཐུགས་སྨོན་མཛད་འདུག ཟླ་འདིའི་ཕྱི་ཚེས་ ༢༤ ཉིན་ཝེ་ནེ་སུ་ཝེ་ལ་རྒྱལ་ཁབ་ཏུ་ ༧། ༢ དང་ཚད་རིམ་ ༧།༥ ཅན་གྱི་ས་ཡོམ་ཤུགས་ཆེན་ཐེངས་གཉིས་བྱུང་སྟེ། ད་བར་ཉུང་མཐར་མི་གྲངས་ ༩༠༠ ལྷག་རྐྱེན་འདས་དང་། མི་གྲངས་ ༤༣༠༠ ལྷག་ལ་རྨས་སྐྱོན་ཕོག་ཡོད་སྟབས། དེ་རིང་༧གོང་ས་རྒྱལ་བ་རིན་པོ་ཆེ་མཆོག་ནས་ས་ཡོམ་ཁྲོད་རྐྱེན་འདས་སུ་གྱུར་བ་རྣམས་ལ་བསྔོ་སྨོན་དང་། ཤུལ་ལུས་ནང་མི་ལ་སེམས་གསོ། དེ་བཞིན་རྨས་སྐྱོན་ཕོག་མཁན་རྣམས་གང་མགྱོགས་དྲག་སྐྱེད་ཡོང་བའི་ཐུགས་སྨོན་མཛད་འདུག ༧གོང་ས་རྒྱལ་བ་རིན་པོ་ཆེ་མཆོག་གི་ཐུགས་གསོའི་གསུང་འཕྲིན་ནང་། ཝེ་ནེ་སི་ཛུ་ལའི་ས་འགུལ་གོད་ཆག་གི་ཁྲོད་རྐྱེན་འདས་སུ་འགྱུར་མཁན་དང་། མི་མང་པོ་ཞིག་ལ་རྨས་སྐྱོན་ཕོག་པར་ངོས་རང་ལ་སེམས་གཏིང་ནས་སྐྱོ་གདུང་དྲག་པོ་སྐྱེས་བྱུང་། ས་འགུལ་ཁྲོད་རྐྱེན་འདས་སུ་འགྱུར་མཁན་རྣམས་ལ་སྨོན་ལམ་དང་། རང་བྱུང་གོད་ཆག་གི་སྐྱོ་གར་འདིའི་དབང་གིས་གནོད་འཚེ་ཐེབས་མཁན་ཡོངས་ལ་སེམས་དབུས་ནས་གདུང་སེམས་མཉམ་སྐྱེད་དང་མྱ་ངན་ཞུ་ཡི་ཡོད། ཅེས་གསུངས་འདུག ཡང་༧གོང་ས་རྒྱལ་བ་རིན་པོ་ཆེ་མཆོག་ནས། སྤྱིར་ང་ཚོ་ཚང་མ་འགྲོ་བ་མི་གཅིག་མཚུངས་ཡིན་པས། ང་ཚོས་བདེ་སྐྱིད་འཚོལ་འདོད་པ་དང་སྡུག་བསྔལ་ལས་ཐར་འདོད། འགྲོ་བ་མིའི་གཞི་རྩའི་རིན་ཐང་གི་ཐོག་ནས་ཕན་ཚུན་ལ་རོགས་འདེགས་དང་རྒྱབ་སྐྱོར་བྱེད་པར་འགན་ཁུར་གྱི་འདུ་ཤེས་ཤིག་མཆིས་ལ། ད་ལྟ་གོད་ཆག་བྱུང་བའི་ཡུལ་དངོས་སུ་རྒྱལ་སྤྱིའི་མྱུར་སྐྱོབ་ལས་བྱེད་མང་དག་ཅིག་གིས་རོགས་འདེགས་བྱེད་མུས་ཡིན་པ་ཤེས་རྟོགས་བྱུང་བས་དགའ་ཚོར་ཆེན་པོ་བྱུང་། ཞེས་གསུངས་འདུག ཝེ་ནེ་སུ་ཝེ་ལ་ནི་ལྷོ་ཨ་མེ་རི་ཁའི་བྱང་རྒྱུད་དུ་ཆགས་པའི་མི་གྲངས་ས་ཡ་ ༣༤ ཙམ་ཡོད་པའི་རྒྱལ་ཁབ་ཅིག་ཡིན་ཞིང་། ཟླ་འདིའི་ཕྱི་ཚེས་ ༢༤ ཉིན་གློ་བུར་དུ་རྒྱལ་ཁབ་ཀྱི་བྱང་ཕྱོགས་ཀྱི་ནུབ་རྒྱུད་གཙོས་དཀྱིལ་དབུས་ཀྱི་ས་གནས་ཁག་ལ་ས་ཡོམ་ཐེངས་གཉིས་ལ་བྱུང་སྟེ། སྡོད་ཁང་བརྡིབས་པ་དང་།...

དེ་རིང་ཆེས་མཐོའི་ཁྲིམས་ཞིབ་ཁང་གིས་ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་དང་འབྲེལ་བའི་ལྡོག་གཏུག་གི་དོན་གནད་ཞིག་གནས་ཡུལ་གཞུང་གི་ཁྲིམས་ཁང་ལ་གཏུག་བཤེར་བྱས་ཡོད་པས། ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད་ནས་རང་བཞིན་འབུད་འགྲོ་ཡི་ཡོད་པ་དང་། ལྡོག་གཏུག་གི་རྩོད་ལེན་པའི་ངོ་ཚབ་རང་ངོས་ནས་གྱོད་ཡའི་མོས་མཐུན་ཆོད་ཡིག་དང་ལག་བསྟར་དམ་ཡིག་གཉིས་ཀ་ནུས་མེད་དུ་བཟོས་ཡོད་པས། ཆེས་མཐོའི་ཁྲིམས་ཞིབ་ཁང་ནས་ཁ་མཆུ་ཞུ་སྦྱོར་དེབ་འགོད་ཨང་ ༢༢ ཁྲིམས་ཞིབ་བྱ་རྒྱུར་གཞི་རྩའི་ཆ་རྐྱེན་ཚང་གི་མེད་པས། ཁ་མཆུ་དེ་བཞིན་རྒྱུན་སྐྱོང་མ་ཐུབ་པའི་ཐག་གཅོད་གནང་འདུག རྩ་བའི་བལ་ཡུལ་མཆོད་འབྱོར་མང་ཚོགས་ཀྱི་འོས་བསྡུའི་ཐོབ་ཐང་བཀག་སྐྱིལ་དང་འབྲེལ་བའི་ཁ་མཆུའི་ཁྲོད་ཉེ་ལམ་དབུས་འོས་བསྡུ་ལས་ཁང་ནས་ཞུ་སྦྱོར་བའི་ཁྲིམས་རྩོད་པ་བོད་ཀྱི་ཁྲིམས་ལུགས་རིག་པ་བའི་ཚོགས་པར་དོན་ཚན་དྲུག་ཅན་གྱི་CounterClaim འམ་ལྡོག་གཏུག་ཁ་མཆུ་གཏུགས་རྗེས། ཚོགས་པའི་ངོས་ནས་དེ་འབྲེལ་རྒྱ་གར་གཞུང་གི་ཁྲིམས་ཁང་ལ་གཏུག་བཤེར་གྱིས་ཁྲིམས་མཐུན་གྱི་ཉེན་བརྡ་བཏང་ཡོད་སྟབས། ད་ཆ་གྱོད་གཞི་དེ་བཞིན་རྒྱ་གར་གྱི་ཁྲིམས་འོག་སླེབས་ཡོད་པ་རེད། དེ་དོན་དེ་རིང་ཆེས་མཐོའི་ཁྲིམས་ཞིབ་ཁང་གིས་དྲྭ་གནས་ཐོག་བལ་ཡུལ་ས་གནས་མཆོད་འཇོར་ཁུལ་གྱི་དགོན་སྡེ་དྲུག་དང་མི་མང་ཁག་གཅིག་གི་འོས་བསྡུའི་ཐོབ་ཐང་འཕྲོག་པའི་གྱོད་གཞི་དང་འབྲེལ་ཐག་གཅོད་གསལ་བསྒྲགས་གནང་བའི་ནང་།ཆེས་མཐོའི་ཁྲིམས་ཞིབ་ཁང་གིས་ཁ་སང་ཐོག་མའི་ཉན་ཞིབ་སྐབས་ལྡོག་གཏུག་གི་རྩོད་ལན་པ་དང་། ངོ་ཚབ་ཐུན་མོང་ལ་ཁྲིམས་ཞིབ་ཁང་ནས་འདྲི་ཞིབ་བརྟག་དཔྱད་བྱས་འབྲས་སུ།ཁ་མཆུ་ཞུ་སྦྱོར་དེབ་འགོད་ཨང་ ༢༢ པ་དང་འབྲེལ་བའི་ལྡོག་གཏུག་གི་དོན་གནད་ཞིག་གནས་ཡུལ་གཞུང་གི་ཁྲིམས་ཁང་ལ་གཏུག་བཤེར་བྱས་པ་ཡིན་ན། ཆེས་མཐོའི་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད་ནས་རང་བཞིན་གྱིས་འབུད་འགྲོ་ཡི་ཡོད་པའི་སྐོར་གྱོད་ཡ་ལྡོག་གཏུག་གི་རྩོད་ལེན་པ་བློ་བཟང་ཚེ་རིང་ནས་ཤེས་རྟོགས་ཡོད་པ་ངོས་ལེན་གནང་ཡོད་པ་དང་། ལྷག་པར་སྤྱི་མང་གཏུག་བཤེར་འགྲོ་ལུགས་ཁྲིམས་ཡིག་དོན་ཚན་ ༡༣ ནང་གསལ་ཁྲིམས་ཞིབ་བྱ་རྒྱུར་ཆ་རྐྱེན་ཚང་ཡོད་པ་ཞིག་གནས་ཡུལ་གཞུང་གི་ཁྲིམས་ཁང་དུ་ཁྲིམས་གཏུག་བྱ་རྒྱུ་ཐག་གཅོད་བྱས་པར་བརྟེན། ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད་ནས་རང་བཞིན་འབུད་འགྲོ་ཡི་ཡོད་པས། ཁ་མཆུ་དེ་བཞིན་རྒྱུན་སྐྱོང་གནང་མ་ཐུབ་པའི་ཐག་གཅོད་གནང་འདུག མ་ཟད།  ལྡོག་གཏུག་གི་རྩོད་ལེན་པའི་ངོ་ཚབ་རང་ངོས་ནས་གྱོད་ཡའི་མོས་མཐུན་ཆོད་ཡིག་དང་ལག་བསྟར་དམ་ཡིག་གཉིས་ཀ་ནུས་མེད་དུ་བཟོས་ཡོད་ན། ཆེས་མཐོའི་ཁྲིམས་ཞིབ་ཁང་ནས་ཁ་མཆུ་ཞུ་སྦྱོར་དེབ་འགོད་ཨང་ ༢༢ ཁྲིམས་ཞིབ་བྱ་རྒྱུར་གཞི་རྩའི་ཆ་རྐྱེན་ཚང་གི་མེད་པ་གསལ་འདུག གཞི་རྩའི་ཟླ་འདིའི་ཕྱི་ཚེས་ ༡༦ ཉིན་དབུས་འོས་བསྡུ་ལས་ཁང་གིས་ཁ་མཆུ་ཨང་༢༢ དང་འབྲེལ་ཞུ་སྦྱོར་བ་དང་ཞུ་སྦྱོར་བའི་ཁྲིམས་རྩོད་པ་ནས་མཆོད་འཇོར་གྱི་འོས་བསྡུའི་གནད་དོན་དང་འབྲེལ་བའི་དཔང་རྟགས་མང་པོ་ཞིག་སྟོན་རྒྱུ་ཡོད་ལུགས་སྐོར་གྱི་སྤྱི་འཐུས་རྣམ་པའི་དམ་འབུལ་མཛད་སྒོར་འགོག་རྐྱེན་བཟོས་ཐབས་བྱས་པ་དང་། ཁྲིམས་ཁང་དུ་ཁ་མཆུ་འགྲོ་བཞིན་པའི་སྐབས་བལ་ཡུལ་མཆོད་འཇོར་དོན་གཅོད་ལས་ཁུངས་ཀྱི་མདུན་དུ་མི་གྲངས་ ༣༥༠ ཙམ་འདུ་འཛོམས་ཀྱིས་བཙན་བྱོལ་བོད་མིའི་སྒྲིག་འཛུགས་ཀྱི་དབུས་འོས་བསྡུ་ལས་ཁང་ལ་ངོ་རྒོལ་བྱས་པ་མ་ཟད། བོད་མིའི་སྒྲིག་འཛུགས་ལ་མཚན་ཤས་བཟོས་པ་སོགས་དོན་ཚན་དྲུག་ལུང་འདྲེན་ཐོག་ལྡོག་གཏུག་ཁ་མཆུ་གཏུགས་རྗེས། ཞུ་སྦྱོར་བའི་ཁྲིམས་རྩོད་པས་དེ་འབྲེལ་རྒྱ་གར་གཞུང་གིས་ཁྲིམས་ཁང་ལ་གཏུག་བཤེར་གྱིས་དབུས་འོས་བསྡུ་ལས་ཁང་ལ་ཁྲིམས་མཐུན་གྱི་ཉེན་བརྡ་བཏང་ཡོད་སྟབས།  གྱོད་གཞི་དེ་བཞིན་ད་ཆ་རྒྱ་གར་གྱི་ཁྲིམས་འོག་སླེབས་ཡོད་པ་རེད། The post ཆེས་མཐོའི་ཁྲིམས་ཞིབ་ཁང་གིས་ཁ་མཆུ་ཨང་...

བཞུགས་སྒར་དུ་བོད་རྒྱ་འབྲེལ་བའི་རྒྱལ་སྤྱིའི་ཚོགས་འདུ་འཚོགས་པ། ཕྱི་ལོ་ ༢༠༢༦ ཟླ་ ༦ ཚེས་ ༢༦ ཉིན་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག་བོད་རྒྱ་འབྲེལ་བའི་རྒྱལ་སྤྱིའི་ཚོགས་འདུ་སྟེ། མང་གཙོ་དང་། གྲོས་མོལ། དབུ་མའི་ལམ་ཞེས་པའི་བརྗོད་གཞིའི་ཐོག་ཉིན་གྲངས་བཞིའི་རིང་གི་ཚོགས་འདུ་དབུ་འཛུགས་གནང་ཡོད་ཅིང་། ཚོགས་འདུ་དེའི་དམིགས་ཡུལ་གཙོ་བོ་ནི། བོད་རྒྱ་གཉིས་ཀྱི་འབྲེལ་བ་དང་། རྒྱལ་སྤྱིའི་ཆབ་སྲིད་ཀྱི་གནས་བབ། ལྷག་པར་དུ་དབུ་མའི་ལམ་གྱི་སྲིད་བྱུས་གཞིར་བཟུང་བོད་རྒྱའི་དཀའ་རྙོག་གྲོས་མོལ་གྱི་ལམ་ནས་སེལ་ཐབས་དང་། མ་འོངས་པར་བོད་རྒྱའི་འབྲེལ་ལམ་སྔར་ལས་ཚད་མཐོ་རུ་གཏོང་ཕྱོགས་སྐོར་ལ་བགྲོ་གླེང་དང་བསམ་ཚུལ་བརྗེ་ལེན་གནང་རྒྱུ་དེ་ཡིན་ཞེས། དབུ་མའི་ལམ་གྱི་མི་མང་ལས་འགུལ་ཁང་གི་ཚོགས་གཞོན་བསྟན་འཛིན་བཤེས་གཉེན་ལགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་། གཞན་...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢༦ ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཝེ་ནེ་ཛུའེ་ལཱ་ (Venezuela) ‎ཁུལ་དུ་ས་ཡོམ་འགུལ་ཚད་ ༧།༢ དང་ ༧།༥ བརྒྱབ་སྟེ་མི་རྒྱུ་གཉིས་ལ་གནོད་སྐྱོན་ཚབས་ཆེ་ཕོགས་པར་ཝེ་ནེ་ཛུའེ་ལཱ་བྷོ་ལི་ཝ་རི་ཡ་སྤྱི་མཐུན་རྒྱལ་ཁབ་ཀྱི་སྲིད་འཛིན་ལས་ཚབ་ལྕམ་སྐུ་ཌེལ་སི་རོ་ཌི་རྒེཟ་ (Delcy Rodríguez) མཆོག་ལ་ཐུགས་གསོའི་འཕྲིན་ཡིག་ཅིག་ཕུལ་ཡོད། དེ་ཡང་གསུང་འཕྲིན་ནང་དཔལ་ལྡན་སྲིད་སྐྱོང་མཆོག་གིས་ཕྱི་ལོ་ ༢༠༢༦ ཟླ་བ་ ༦ ཚེས་ ༢༤ དགོང་མོར་ཝེ་ནེ་ཛུའེ་ལཱར་ས་ཡོམ་འགུལ་ཚད་ ༧།༢ དང་ ༧།༥ བརྒྱབ་སྟེ་མི་རྒྱུ་གཉིས་ལ་གནོད་སྐྱོབ་ཚབས་ཆེ་ཕོགས་པའི་ཡིད་སྐྱོའི་གནས་ཚུལ་ཐོན་པར་‎བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་ཐུགས་གསོ་དང་ཐུགས་སྨོན་ཞུས་པ་དང་སྦྲགས། གཉན་འཕྲང་ཅན་གྱི་དུས་སྐབས་དེར་ཝེ་ནེ་ཛུའེ་ལཱའི་མི་མང་ལ་གདུང་སེམས་མཉམ་སྐྱེ་ཞུ་བཞིན་ཡོད་ཅེས་དང་། དེ་བཞིན་ས་ཡོམ་གྱི་གོད་ཆག་ཁྲོད་རང་ཉིད་ཀྱི་གཉེན་ཉེ་རྐྱེན་འདས་ཕྱིན་པ་དང་། རྨས་སྐྱོན་ཕོགས་པ། ཕན་ཚུན་ཁ་བྲལ་བ། ‎དེ་བཞིན་དཀའ་སྡུག་མྱོང་བཞིན་པ་རྣམས་ཀྱི་སླད་ང་ཚོས་སྨོན་འདུན་ཞུ་བཞིན་ཡོད་ལ། མྱ་ངན་ཞུ་བཞིན་པའི་ཁྱིམ་ཚང་དང་གོད་ཆག་རྐྱེན་འཚོ་བར་ཤུགས་རྐྱེན་ཐེབས་པའི་ནང་མི་རྣམས་ལ་གདུང་སེམས་མཉམ་སྐྱེ་དང་ཐུགས་གསོ་ཞུས་ཡོད། ཕྱོགས་མཚུངས་སྲིད་སྐྱོང་མཆོག་གིས་ཛ་དྲག་ཉེན་སྐྱོབ་དང་ངལ་སེལ་སླད་ངལ་བ་ཁྱད་བསད་ཀྱིས་ཕྱག་ལས་གནང་མཁན་རོགས་སྐྱོབ་པ་དང། སྨན་པ། སྲུང་སྐྱོབ་དཔུང་སྡེ། དང་བླངས་པ་བཅས་ཚུད་པའི་མི་མང་ཡོངས་ལ་སྙིང་ཐག་པ་ནས་ཡི་རང་བསྔགས་བརྗོད་དང་ཐུགས་རྗེ་ཆེ་ཞུས་པ་དང་ཆབས་ཅིག དཀའ་ངལ་ཅན་གྱི་དུས་མཚམས་འདིར་ཁོང་རྣམ་པའི་སྙིང་སྟོབས་དང་།...

མི་ནིཡ་པོ་ལིསི་དང་སེནཊི་པོལ་གྲོང་ཁྱེར་གྱི་འཁྲུངས་སྐར་ཉིན་བྱམས་བརྩེའི་ཉིན་མོར་གཏན་འབེབས་གནང་འདུག ཨ་རིའི་མི་ནེ་སོ་ཊ་མངའ་སྡེའི་མི་ནིཡ་པོ་ལིསི་དང་སེནཊི་པོལ་གྲོང་ཁྱེར་གཉིས་ཀྱིས་༧སྐུའི་འཁྲུངས་སྐར་ ༩༡ པ་འདི་བཞིན་བྱམས་བརྩེའི་ཉིན་མོར་གྲོས་ཆོད་གཏན་འབེབས་ཞུས་སྟེ། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་༧སྐུ་ཚེ་ཧྲིལ་པོར་འཛམ་གླིང་ཞི་བདེ་དང་། བྱམས་བརྩེ། འཚེ་བ་མེད་པ། མིའི་བཟང་སྤྱོད་ཀྱི་རིན་ཐང་གོང་སྤེལ་ཐོག་ལ་རླབས་ཆེན་གྱི་མཛད་འཕྲིན་བསྐྱངས་དང་སྐྱོང་བཞིན་པར་ཆེ་བསྟོད་ཞུས་ཡོད་པ་རེད། དེ་ཡང་ཨ་རིའི་རྒྱལ་ཡོངས་དྭང་བླངས་བོད་དོན་ཞུ་གཏུག་ལས་འགུལ་གྱི་འབྲེལ་མཐུད་པ་བསྟན་འཛིན་ཆོས་བཟང་ལགས་ཀྱིས། ཕྱི་ཚེས་ ༢༥ ཉིན་མི་ནིཡ་པོ་ལིསི་གྲོང་སྡེ་ལྷན་ཚོགས་སུ་གྲོས་ཆོད་གཏན་འབེབས་ཀྱིས་གསལ་བསྒྲགས་གནང་པའི་སྐབས། བོད་མི་ཧ་ཅང་མང་པོ་འདུ་འཛོམས་བྱུང...

སྲིད་སྐྱོང་སྤེན་པ་ཚེ་རིང་ལགས་ཀྱིས་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་དེས། ད་བར་རྒྱ་གཞུང་གིས་བོད་ནང་དུ་སྤེལ་བའི་གདུག་རྩུབ་ཀྱི་སྲིད་བྱུས་རྣམས་ཁྲིམས་ཐོག་ནས་གཏན་འབེབས་ཀྱིས་ལག་བསྟར་བྱ་རྒྱུའི་སྲིད་བྱུས་ཤིག་རེད་ཅེས་གསུང་གི་འདུག བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་འོག་ཟླ་ ༦ ཚེས་ ༢༦ ཉིན་རྒྱ་གར་རྒྱལ་སྤྱིའི་བསྟི་གནས་ཁང་དུ་བསྐོང་ཚོགས་གནང་བའི་ (China’s New Ethnic Law: A legal assault on the survival of Tibetan language, culture and identity) རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག བོད་ཀྱི་སྐད་ཡིག་དང་རིག་གཞུང་། ངོ་བོ་བཅས་གསོན་གནས་ལ་ཁྲིམས་ཐོག་ནས་རྒོལ་རྡུང་ཞེས་པའི་བརྗོད་གཞིའི་ཐོག བོད་མིའི་སྒྲིག་འཛུགས་ཀྱི་སྲིད་སྐྱོང་དང་རྒྱ་གར་གྱི་མཁས་དབང་ཁག་ཅིག་གདན་ཞུས་ཀྱིས་བགྲོ་གླེང་ཞི...

རྒྱ་ནག་གཞུང་གིས་བསམ་བློའི་སློབ་གསོ་ཟེར་བ་དང་མི་རིགས་མཐུན་སྒྲིལ་ཟེར་བའི་བརྗོད་གཞིའི་འོག་བོད་ཀྱི་ས་མཐོའི་ས་ཁུལ་ཁག་དང་ལྷག་པར་དུ་རྒྱ་གར་དང་ས་འབྲེལ་གྱི་མཐའ་མཚམས་ས་གནས་ཁག་ཏུ་དམག་དོན་ཅན་གྱི་དམ་དྲག་དང་རྒྱ་སྒྱུར་གྱི་ཆབ་སྲིད་དྲིལ་བསྒྲགས་ཤུགས་ཆེ་རུ་གཏོང་བཞིན་ཡོད་འདུག ས་མཚམས་ས་ཁུལ་དུ་དམག་དོན་ཅན་གྱི་ལྟ་རྟོག་བྱེད་བཞིན་པ། རྒྱ་གར་དང་ས་མཚམས་འབྲེལ་བའི་རྒྱ་མཚོའི་ངོས་ལས་མཐོ་ཚད་མི་ཊེར་ ༥༠༥༠ ཡོད་པའི་གམ་པ་རྫོང་གི་འགྱེས་རུ་གྲོང་ཚོ་སོགས་སུ་ས་གནས་ཀྱི་གནས་ཚུལ་དང་འདྲ་པར་ལས་མངོན་པར། རྒྱ་ནག་གཞུང་གིས་ས་གནས་མང་ཚོགས་ཀྱི་ཁྲོད་དུ་སྒྲིག་ཆས་གཡོགས་ཏེ་རྒྱ་ནག་གི་རྒྱལ་དར་དང་དམར་ཤོགས་ཚོགས་པའི་དར་ཆ་བཟུང་བཅུག་ནས། གངས་རི་དང་བྱེ་ཐང་གང་སར་སྦག་སྦག་རུ་ཁག་སྒྲིག་འཛུགས་བྱས་ཏེ་ས་མཚམས་ལ་སྐོར་གཡེང་བྱེད་དུ་འཇུག་བཞིན་ཡོད་ཅིང་། འདི་ནི་དོན་དངོས་སུ་གྲོང་གསེབ་ཀྱི་འགོ་ཁྲིད་དང་དམ...

དེ་རིང་བཙན་བྱོལ་བོད་མིའི་ཁ་མཆུ་ཨང་ ༢༢ པ་དང་འབྲེལ། ཟླ་འདིའི་ཕྱི་ཚེས་ ༡༩ ཉིན་རྩོད་ལན་པ་དབུས་འོས་བསྡུ་ལས་ཁང་གིས་ཞུ་སྦྱོར་བ་ཁ་མཆུར་གཏུགས་པ་རྩིས་མེད་བཏང་བའི་ཐག་གཅོད་གནང་སོང་ལ། དེ་བཞིན་ཚེས་ ༡༩ ཉིན་ཞུ་སྦྱོར་བས་འོས་བསྡུ་ལས་ཁང་གི་ལས་བྱེད་ཁག་ཅིག་ལ་ཁྲིམས་མཐུན་གྱི་ཉེན་བརྡའང་བཏང་ཡོད་འདུག The post ལྡོག་གཏུག་གི་ཁ་མཆུ་རྩིས་མེད་བཏང་ཡང་ཁ་མཆུ་ ༢༢ པ་རང་འཇགས་གནས་ཡོད། appeared first on བོད་ཀྱི་དུས་བབ།.

བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་བོད་རྒྱའི་འབྲེལ་མོལ་མ་ཡོང་བའི་རྐྱེན་རྩ་ཡོངས་རྫོགས་ཞི་ཅིན་ཕིན་ལ་ཐུག་ཡོད་གསུངས། The post བོད་རང་བཙན་གཙང་མ་ཡིན་པའི་ལོ་རྒྱུས་ཀྱི་བདེན་དཔང་བློས་གཏོང་ཐུབ་ཀྱི་མེད། appeared first on བོད་ཀྱི་དུས་བབ།.

ཉེ་ལམ་རྒྱ་གཞུང་གིས་སྤྲུལ་སྐུ་ཧཱུྃ་ཀར་རྡོ་རྗེ་མཆོག་གིས་ཆེད་འཛུགས་གནང་བའི་གངས་ལྗོངས་གནའ་དེང་ཤེས་རིག་སློབ་གླིང་བཙན་གྱིས་སྒོ་བརྒྱབ་བཅུག་འདུག་པ་དང་། དེ་ལྟར་གནས་ཚུལ་ཐོན་ཕྲལ་བོད་ཕྱི་ནང་གཉིས་ཀྱི་བོད་མི་རྣམས་ཀྱིས་བློ་འཚབ་ཆེན་པོ་གནང་བཞིན་པ་རེད་འདུག དེ་ཡང་འདི་ག་གསར་གསར་ཁང་ལ་འབྲེལ་ཡོད་བརྒྱུད་ནས་གནས་ཚུལ་ཤེས་རྟོགས་བྱུང་བ་ལྟར་ན། ཕྱི་ལོ ༢༠༢༤ ལོ་ནས་བཟུང་རྒྱ་ནག་གཞུང་གིས་གངས་ལྗོངས་གནའ་དེང་ཤེས་རིག་སློབ་གླིང་དུ་རྒྱ་ནག་དམར་ཤོག་རིང་ལུགས་ཀྱིས་སློབ་གསོ་སོགས་དང་འབྲེལ་བའི་སློབ་ཚན་འཆད་ཁྲིད་མ་བྱས་ཚེ་སྒོ་བརྒྱག་རྒྱུ་ཡིན་ལུགས་ཀྱི་ཉེན་བརྡ་བཏང་ཡོད་པ་དང་། མཆོག་སྤྲུལ་རིན་པོ་ཆེ་མཆོག་གིས་དམར་ཤོག་གི་སློབ་གསོ་དང་འབྲེལ་བའི་སློབ་ཚན་འཆད་ཁྲིད་བྱ་རྒྱུར་མོས་མཐུན་མ་གནང་བར་བརྟེན། དུས་དེ་ནས་བཟུང་རྒྱ་ནག་གཞུང་གིས་སློབ་མ་གསར་ཞུགས་བྱ་རྒྱུར་བཀག་འགོག་བྱས་ཡོད་ཅིང་། ཉེ་ལམ་སློབ་གྲྭ་དེའི་སློབ་ཐོན་མཐའ་མ་སློབ་མ་སུམ་ཅུ་ཙམ་བསླབ་པ་མཐར་སོན་བྱུང་རྗེས། ཟླ་འདིའི་ཕྱི་ཚེས་ ༢༤ ཉིན་རྒྱ་ནག་གཞུང་གིས་དངོས་སུ་སློབ་གྲྭ་དེ་སྒོ་བརྒྱབ་བཅུག་ཡོད་སྐོར་སོགས་བརྗོད་བྱུང་། བོད་མགོ་ལོག་དགའ་བདེ་རྫོང་ལུང་སྔོན་དགོན་པའི་ཉེ་འགྲམ་དུ་ཡོད་པའི་གངས་ལྗོངས་གནའ་དེང་ཤེས་རིག་སློབ་གླིང་ནི་ཞིང་གཤེགས་དམ་པ་སྤྲུལ་སྐུ་ཧཱུྃ་ཀར་རྡོ་རྗེ་མཆོག་གིས་ཕྱི་ལོ་ ༢༠༠༨ ཟླ་ ༧ ཚེས་ ༦ ཉིན་ཆེད་འཛུགས་གནང་བ་ཞིག་ཡིན་ཞིང་། སློབ་གྲྭ་དེའི་ནང་བོད་ཡིག་གཙོས་བོད་ཀྱི་རིག་གཞུང་ཆེད་སྦྱོང་བྱེད་ཀྱིན་ཡོད་པ་མ་ཟད། དབྱིན་ཡིག རི་མོ། ཐང་ཀ ཡིག་གཟུགས་གཙོས་བོད་ཀྱི་སྲོལ་རྒྱུན་རིག་གནས་སྦྱང་བརྩོན་བྱ་སའི་སློབ་གླིང་ཆེན་པོ་ཞིག་ཡིན་པ་དང་། ད་བར་དུ་སློབ་ཕྲུག་ ༡༥༠༠ ལྷག་སློབ་ཐོན་བྱུང་འདུག སྤྲུལ་སྐུ་ཧཱུྃ་ཀར་རྡོ་རྗེ་མཆོག་ནི་ཕྱི་ལོ་ ༡༩༦༩ ལོར་བོད་མགོ་ལོག་ཁུལ་དགའ་བདེ་རྫོང་ཁོངས་སུ་ཡབ་བླ་མ་༸པདྨ་གཏུམ་དྲག་རྡོ་རྗེ་མཆོག་དང་། ཡུམ་ཀ་བཟའ་གདུགས་དཀར་སྒྲོལ་མ་ལགས་གཉིས་ཀྱི་སྲས་སུ་སྐུ་འཁྲུངས་ཤིང་། ཆུང་དུས་ནས་ལུང་སྔོན་དགོན་པ་ནས་ཐུན་མིན་རིག་གནས་སྤྱི་དང་། ལྷག་པར་དུ་ནང་བསྟན་གཞུང་ཆེན་ལ་གསན་བསམ་རྒྱ་ཆེ་མཛད་ཡོད་པ་མ་ཟད། ཕྱི་ལོ་ ༢༠༠༤ ལོར་ཁོང་གིས་མཚོ་སྔོན་ཞིང་ཆེན་གེ་སར་གཞན་ཕན་ཐེབས་རྩ་གསར་འཛུགས་དང་ཕྱི་ལོ་ ༢༠༠༧ ནས་མགོ་ལོག་ཁུལ་སྲིད་གཞུང་དང་སློབ་གསོ་ཁང་གི་ཆོག་མཆན་ལྟར་དགེ་སློབ་ཆིག་སྟོང་ཙམ་ཡོད་པའི་ཧཱུྃ་ཀར་རྡོ་རྗེ་མི་རིགས་ལག་རྩལ་མཐོ་འབྲིང་སློབ་གྲྭ་བཙུགས་གནང་བ་སོགས་བོད་ཁུལ་གྱི་ཞིང་འབྲོག་བྱིས་པ་སྟོང་ཕྲག་མང་པོར་རིན་མེད་ཐོག་ཤེས་ཡོན་སློབ་སྦྱོང་གི་གོ་སྐབས་ཕུལ་ཡོད་པ་དང་། དེ་བཞིན་དགོན་པ་དང་བཤད་གྲྭ་མང་པོ་ཕྱག་བཏབ་སྟེ་བོད་ཀྱི་ཆོས་རིག་སྐད་ཡིག་སོགས་མི་ཉམས་རྒྱུན་འཛིན་དང་ཉམས་པ་སླར་གསོའི་ཆེད་མཛད་རྗེས་རླབས་ཆེན་བསྐྱངས་མྱོང་མཁན་ཞིག་ཡིན་པ་རེད།...

དེ་རིང་འདི་ག་རྒྱལ་ས་ལྡི་ལིའི་ IIC རྒྱ་གར་དང་རྒྱལ་སྤྱིའི་ལྟེ་གནས་ཁང་དུ་བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་ཞུས་པའི་མཁས་པའི་བགྲོ་གླིང་ཞིག་འཚོགས་ཡོད་པ་དང་།   བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གི་དབུ་བཞུགས་གནང་པའི་བགྲོ་གླེང་དེའི་ཐོག  རྒྱ་གར་དམག་གི་སྒྲིག་འཛུགས་ཀྱི་ཐབས་བྱུས་ཉམས་ཞིབ་པ་དང་།  རྒྱ་དཀར་ནག་གི་ཐབས་བྱུས་ཉམས་ཞིབ་པ།  རྒྱལ་སྤྱིའི་ཆབ་སྲིད་ཉམས་ཞིབ་པ་བཅས་ཀྱིས།  རིང་མིན་ནས་ལག་བསྟར་བྱེད་རྒྱུའི་རྒྱ་ནག་གི་ཁྲིམས་གཞི་དེའི་འོག་རྒྱལ་ནང་ཙམ་མ་ཟད་རྒྱལ་སྤྱའི་ཁྱོན་དུ་ཤུགས་རྐྱེན་ངན་པ་ཡོང་རྒྱུའི་གནད་དོན་གླེང་ཡོད། དེ་ཡང་བཞུགས་སྒར་རྡ་རམ་ས་ལར་རྟེན་གཞི་བྱས་པའི་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བགྲེས་པ་བསྟན་འཛིན་བདེ་གསལ་ལགས་ཀྱི་གསུང་དོན་བྱས་པ་ཡིན་ན།   ཕྱི་ཟླ་ ༧ པའི་ཚེས་ ༡ ནས་རྒྱ་ནག་གཞུང་གིས་ལག་བསྟར་བྱེད་རྒྱུའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་གཞི་དེ་དངོས་སུ་ལག་བསྟར་བྱས་པ་ཡིན་ན།   བོད་མི་ཙམ་གྱི་མ་ཟད་རྒྱ་ནག་གི་དབང་བསྒྱུར་འོག་ཡོད་པའི་གྲངས་ཉུང་མི་རིགས་རྣམས་ལ་སྔར་ལྷག་དམ་དྲག་ཆེ་རུ་འགྲོ་རྒྱུ་ཙམ་མ་ཟད།  མི་རིགས་དེ་དག་གི་ཆོས་དང་རིག་གཞུང་དང་སྐད་ཡིག་བཅས་པ་མདོར་ན་མི་རིགས་རང་གི་ངོ་བོ་རྩ་མེད་འགྲོ་ཉེན་དང་།  ལྷག་པར་ཁྲིམས་ཡིག་དེའི་བརྒྱུད་རྒྱ་ནག་རྒྱལ་ནང་ཙམ་དུ་མ་ཟད།   རྒྱལ་སྤྱིའི་ནང་རྒྱ་ནག་གཞུང་གི་ངོས་ནས་ཁྲིམས་མཐུན་ངོ་བོའི་ཐོག ཕྱི་ཕྱོགས་གནས་སྡོད་རྒྱ་རིགས་དང་བོད་མི་བཅས་ལ་ཡང་མི་རིགས་མཐུན་སྒྲིལ་ལ་གནོད་སྐྱོན་གཏོང་བ་སོགས་ཀྱི་མིང་ཐོག་ནས་ཁྲིམས་ཐོག་ཉེས་ཆད་སོགས་ཕྱོགས་གང་སའི་གནོན་ཤུགས་སྤྲོད་རྒྱུའི་འཆར་གཞི་ཡོད་པ་སོགས་གནས་སྟངས་ཤིན་ཏུ་ནས་ཛ་དྲག་ཡིན་སྐོར་གསུངས་ཀྱི་འདུག   བགྲོ་གླེང་དེའི་ཐོག་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གི་ཁྲིམས་གཞི་དེའི་འོག་ནས་བོད་མིའི་ངོ་བོ་རྩ་བརླག་གི་གནས་སྟངས་སྔར་ལྷག་ཛ་དྲག་ཆེ་རུ་འགྲོ་རྒྱུ་དང་།  རྒྱ་ནག་གི་ཁྲིམས་གཞི་དེའི་བརྒྱུད།  དངུལ་དངོས་དང་།  འཁྲུལ་རིག  སྤྱི་ཚོགས་ཙམ་མ་ཟད།   ནང་མི་ནང་ཁུལ་གྱི་མཐུན་སྒྲིལ་བཅས་སུ་འགོག་རྐྱེན་བཟོས་ཏེ།   གང་ལྟར་ཐབས་བྱུས་འདྲ་མིན་ཐོག་གྲངས་ཉུང་མི་རིགས་ཀྱི་ངོ་བོ་རྩ་མེད་བཟོ་ཐབས་བྱེད་རྒྱུ་ཡིན་ཡང་།  རྒྱ་ནག་གི་གནོན་ཤུགས་དེ་དག་ལ་ལྟོས་མེད།  བོད་ནང་བོད་མི་ཚོས་སྤྱི་ཚོགས་དྲྭ་ལམ་སོགས་ཐབས་ལམ་སྣ་ཚོགས་ཀྱི་ཐོག་ནས་སོ་སོའི་མི་རིགས་ཀྱི་ངོ་བོ་སྲུང་སྐྱོབ་ཡོང་ཐབས་གནང་བཞིན་པ་མ་ཟད།   བཙན་བྱོལ་ནང་གི་བོད་མི་ཚོས་ཀྱང་རྒྱལ་སྤྱིའི་མང་གཙོའི་རྒྱལ་ཁབ་ཀྱི་གཞུང་མང་བརྒྱུད་དཀའ་ངལ་ལ་གདོང་ལེན་གང་ཡོང་གནང་རྒྱུ་སོགས་ཀྱི་སྐོར་གསུངས་ཡོད།  རྒྱ་ནག་གི་མི་རིགས་མཐུན་སྒྲིལ་ཟེར་བའི་མཁས་པའི་བགྲོ་གླེང་དེའི་ཐོག་ད་དུང་།  རྒྱ་གར་གྱི་དམག་དཔོན་ཟུར་པ་དང་།  རྒྱལ་སྤྱིའི་དམག་དོན་ཐབས་བྱུས་དཔྱད་བརྗོད་པ།  Major General GD Bakshi མཆོག་དང་།   རྒྱ་ནག་དབྱེ་ཞིབ་པ་དང་ཐབས་ཇུས་ལྟེ་གནས་ཁང་གི་ཚོགས་གཙོ་མཁས་དབང་ Jayadeva...

རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག་བོད་རྒྱ་འབྲེལ་བའི་རྒྱལ་སྤྱིའི་ཚོགས་འདུ་ཞིག་འགོ་འཛུགས་གནང་སོང་བ་དང་འབྲེལ། བོད་མི་མང་སྤྱི་འཐུས་ཚོགས་གཙོ་མཆོག་གིས་བོད་རྒྱ་འབྲེལ་བའི་ལོ་རྒྱུས་ཀྱི་གལ་གནད་དང་། རྒྱ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་དེ་རྒྱལ་སྤྱིའི་ཁྲིམས་སྒྲིག་དང་འགལ་བ་མ་ཟད། ད་བར་བོད་རྒྱ་གྲོས་མོལ་མ་བྱུང་བ་དེ་ནི་རྒྱ་ནག་གི་བྱེད་བབ་ལ་ཐུག་ཡོད་པ་ནན་བརྗོད་གནང་སོང་། དེ་ཡང་ཚོགས་འདུ་དེ་དེ་རིང་ནས་འགོ་འཛུགས་ཀྱིས་འདི་ཚེས་ ༢༩ བར་ཉིན་གྲངས་བཞིའི་རིང་རྡ་ས་དབུས་སྣེ་ལེན་ཁང་དུ་ཡོད་པའི་འཛིན་སྐྱོང་སྦྱོང་བརྡར་ཁང་དུ་འཚོག་བཞིན་ཡོད་པ་དང་། སྐུ་མགྲོན་གཙོ་བོར་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་དང་དམིགས་བསལ་སྐུ་མགྲོན་ཐའེ་ཝན་དོན་གཅོད་ཟུར་པ་དང་སྤྱི་འཐུས་ལས་ཐོག་བ་རི་ཟླ་བ་ཚེ་རིང་ལགས། དེ་བཞིན་ལྡི་ལི་ཤཱིབ་ན་དྷར་སློབ་གྲྭ་ཆེན་མོའི་གཙུག་ལག་སློབ་དཔོན་ཀ་ཝེ་རི་གྷིལ་ལགས། བོད་དང་ཐའེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་སྤྱི་ཁྱབ་དྲུང་ཆེ་བཀྲ་ཤིས་ཚེ་རིང་ལགས། དེ་བཞིན་རྒྱ་གར་དང་ཐའེ་ཝན། བྱང་ཨ་རི་བཅས་ནས་སྲིད་བྱུས་ཉམས་ཞིབ་པ་དང་འགོ་ཁྲིད། ཆེད་ལས་མི་སྣ། མཁས་པ། ཕྱོགས་མཐའ་ཁག་ནས་ཕེབས་པའི་ཚོགས་བཅར་བ་སོགས་ཁྱོན་མི་གྲངས་ ༧༠ ལྷག་ནས་མཉམ་ཞུགས་གནང་སོང་། སྐབས་དེར་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་བོད་རྒྱ་འབྲེལ་བའི་ལོ་རྒྱུས་ཀྱི་གལ་གནད་སྐོར་གསུང་བཤད་གནང་བའི་ཁྲོད། ད་ལྟའི་ཆར་རྒྱ་ནག་གཅིག་གི་སྲིད་བྱུས་ཞེས་པ་དེ་རྒྱ་ནག་གི་ཐའེ་ཝན་ཐོག་འཛིན་པའི་ལངས་ཕྱོགས་དང་འབྲེལ་བ་ཡོད་པ་ལས་བོད་ཀྱི་གནད་དོན་དང་འབྲེལ་བ་རྩ་བ་ནས་མེད་པ་དེ་ལྟར་ཡང་། བདག་དབང་མེད་བཞིན་དུ་བོད་རྒྱ་ཁོངས་སུ་བསྡུས་ཐབས་ལ་རྒྱབ་སྐྱོར་ཐོབ་ཆེད་རྒྱལ་སྤྱིའི་རྒྱལ་ཁབ་ཁག་ལ་དེ་འབྲེལ་གནོན་ཤུགས་སྤྲད་དང་སྤྲོད་བཞིན་ཡོད་པ་གསལ་སྟོན་གནང་སོང་། གནད་དོན་དེ་དང་འབྲེལ་བོད་མི་རྣམས་ནས་བོད་ཀྱི་དངོས་ཡོད་ལོ་རྒྱུས་དག་ཐེར་དང་བརྒྱུད་སྤེལ་གནང་དགོས་གལ་ཡིན་ཞིང་། བོད་པའི་གཞོན་སྐྱེས་ཁྲོད་ནས་ཞིབ་འཇུག་དང་ཁྲིམས་ཐོག་ཆེད་སྦྱོང་གནང་མཁན་དགོས་ངེས་ཡིན་པ་དང་། དེ་འབྲེལ་སྙན་ཐོ་འདོན་སྤེལ་གྱིས་རྒྱལ་སྤྱིའི་བརྒྱུད་ལམ་ཁག་ཏུ་བོད་ཀྱི་གནད་དོན་གསལ་སྟོན་བྱ་དགོས་རྒྱུ་ནི་བོད་མིའི་ལས་འགན་ཡིན་པ་གསུངས་སོང་། མ་ཟད་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་དེ་ནི་རྒྱ་ནག་གི་ཁྲིམས་སྒྲིག་ཙམ་མ་ཟད་རྒྱལ་སྤྱིའི་ཁྲིམས་སྒྲིག་དང་འགལ་བ་ཞིག་དང་། བོད་མི་ནི་གྲངས་ཉུང་མི་རིགས་མ་ཡིན་པ། ལྷག་དོན་ད་བར་བོད་རྒྱ་གྲོས་མོལ་མ་བྱུང་བ་དེ་ནི་རྒྱ་ནག་གི་སྲིད་འཛིན་ཞི་ཅིན་ཕིང་ལ་འགན་ཡོད་པ་ལས་བོད་མིའི་ངོས་ནས་བོད་རྒྱའི་དཀའ་རྙོག་སེལ་རྒྱུར་དབུ་མའི་ལམ་གྱི་སྲིད་བྱུས་ཀྱི་ཐོག་ནས་དགོས་འདུན་བཏོན་ཡོད་པར་གལ་ཏེ་མ་འོངས་པ་འགྱུར་བ་དགོས་གལ་གཟིགས་ཚེ་འགྲོ་ལུགས་གཞིར་བཟུང་མཐུན་པ་ཞིག་གནང་དོགས་པ་ནན་བརྗོད་གནང་སོང་། དེ་བཞིན་དམིགས་བསལ་སྐུ་མགྲོན་ཐའེ་ཝན་དོན་གཅོད་ཟུར་པ་དང་སྤྱི་འཐུས་ལས་ཐོག་བ་རི་ཟླ་བ་ཚེ་རིང་ལགས་ཀྱིས། བོད་རྒྱ་འབྲེལ་བ་དང་། ད་ཡོད་རྒྱ་ནག་སྲིད་གཞུང་འོག་ཏུ་བོད་ཀྱི་གནས་སྟངས་ཞེས་པའི་བརྗོད་གཞིའི་ཐོག་གསུང་བཤད་གནང་བའི་ཁྲོད། ད་ལྟའི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་དེའི་ཐོག་གཙོ་འདོན་གནང་སོང་བ་དང་། འཛམ་གླིང་རྒྱལ་ཁབ་སོ་སོའི་ནང་གི་གཞུང་འབྲེལ་གྱི་སྐད་ཡིག་སོགས་ཀྱི་གནད་དོན་གླེང་སློང་གིས། ད་ཆ་རྒྱ་ནག་གི་གཏན་འབེབས་བྱས་པའི་ཁྲིམས་ཟེར་བ་དེ་ནི་ཁྲིམས་ཞིག་མིན་པར་ཞི་ཅིན་ཕིང་སྒེར་གྱི་བསམ་བློ་དང་ལྟ་བར་ཐུག་ཡོད་པ་གསུངས་སོང་། ལྷག་པར་ད་ལྟའི་མི་རིགས་མཐུན་སྒྲིལ་ཁྲིམས་ཟེར་བ་ཙམ་ལས་ལས་འགུལ་ནི་དེ་སྔོན་ནས་སྤེལ་བཞིན་ཡོད་པ་དང་། ཕྱི་ལོ་ ༢༠༢༣ ལོར་མཐོ་སློབ་ནང་དུ་བོད་ཀྱི་སྐད་ཡིག་གི་ཡིག་རྒྱུགས་མེད་པ་བཟོས་པ་དང་། དེ་ནི་ཀན་སུ་དང་མཚོ་སྔོན། ཟི་ཁྲིན་བཅས་སུ་ལག་བསྟར་བྱས་ཡོད་པ་མ་ཟད། ད་ལྟའི་ཆར་བོད་རང་སྐྱོང་ལྗོངས་ཟེར་བའི་ནང་དུ་ལག་བསྟར་བྱས་དང་བྱེད་བཞིན་པ་ཞིག་ཆགས་ཀྱི་ཡོད་པ་སོགས་གསུངས་སོང་།...

༄༅། །ཕྱི་ལོ་ ༢༠༢༦ ཟླ་བ་ ༠༦ ཚེས་ ༢༦ ཉིན་གྱི་སྔ་དྲོ་ཆུ་ཚོད་ ༡༠།༣༠ ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གི་རྒྱ་གར་རྒྱལ་སྤྱིའི་བསྟི་གནས་ཁང་དུ་བསྐོང་ཚོགས་གནང་བའི་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག བོད་ཀྱི་སྐད་ཡིག་དང་རིག་གཞུང་། ངོ་བོ་བཅས་གསོན་གནས་ལ་ཁྲིམས་ཐོག་ནས་རྒོལ་རྡུང་ཞེས་པའི་བགྲོ་གླེང་ལས་རིམ་ཐོག་ཕེབས་ཞུགས་ཀྱིས་གསུང་བཤད་གནང་ཡོད། དེ་ཡང་ཕྱི་དྲིལ་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་ནས་གོ་སྒྲིག་ཞུས་པའི་བགྲོ་གླེང་ལས་རིམ་འདིའི་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། ཇ་བ་ཧར་ལཱལ་ནེཧ་རུ་གཙུག་ལག་སློབ་གཉེར་ཁང་གི་ཤར་ཨེ་ཤི་ཡའི་སྡེ་ཚན་གྱི་རྒྱ་ནག་ཐོག་གི་སློབ་དཔོན་ཆེན་མོ་སྐུ་ཞབས་ཤྲི་ཀནྟ་ཀོན་ཌ་པ་ལི་ (Srikanth Kondapalli) ལགས། རྒྱ་གར་གྱི་དམག་སྤྱི་ཟུར་པ་སྐུ་ཞབས་གྷ་གྷན་དཱིབ་སྦག་ཤི་  (G.D Bakshi) ལགས། རྒྱ་གར་གྱི་རྒྱ་ནག་ཐོག་ཉམས་ཞིབ་དང་ཐབས་བྱུས་ལྟེ་གནས་ཁང་གི་ཚོགས་གཙོ་སྐུ་ཞབས་ཇ་ཡ་དེ་བ་ར་ན་ཌེ་ (Jayadeva Ranade) ལགས། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བགྲེས་པ་འབུམ་རམས་པ་བསྟན་འཛིན་བདེ་གསལ་ལགས་བཅས་ནས་གསུང་བཤད་གནང་ཡོད་པ་དང་། ལས་རིམ་འདི་ཉིད་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་ཛམ་ལྷ་བསྟན་པ་རྒྱལ་མཚན་ལགས་ཀྱིས་གཙོ་སྐྱོང་གནང་ཡོད།སྐབས་དེར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་མི་དམངས་འཐུས་མི་ཚོགས་ཆེན་ཟེར་བས་ཉེ་ལམ་ཕྱི་ཟླ་ ༣ ཚེས་ ༡༢ ཉིན་གཏན་འབེབས་ཀྱིས་ཕྱི་ཟླ་ ༧ ཚེས་ ༡ ནས་ལག་བསྟར་འགོ་འཛུགས་བྱ་རྒྱུའི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེ། རྒྱལ་སྤྱིའི་སྤྱི་ཚོགས་ལ་མི་རིགས་མཐུན་སྒྲིལ་སྲ་བརྟན་དུ་གཏོང་ལུགས་བརྗོད་ཀྱི་ཡོད་ཀྱང་། དོན་དངོས་སུ་བོད་མི་རྣམས་ལ་མཚོན་ན་ཁྲིམས་ཡིག་གསར་པ་དེ་བོད་མིའི་ངོ་བོ་རྒྱ་སྒྱུར་དང་། རིག་གཞུང་ཉམས་དམས། ཆོས་ཕྱོགས་ཀྱི་བྱེད་སྒོར་དམ་བསྒྲགས་བཅས་རྒྱ་ནག་གིས་ལོ་ངོ་བཅུ་ཕྲག་མང་པོའི་རིང་ནས་ལག་བསྟར་བྱེད་བཞིན་པའི་དྲག་པོའི་སྲིད་བྱུས་རྣམས་ཁྲིམས་ཐོག་ནས་གཏན་འབེབས་བྱས་པ་ཞིག་ཡིན་ཞེས་གསུངས་ཡོད།...

ཨ་རིའི་མི་ནི་སོ་ཊ་མངའ་སྡེའི་ Saint Paul སེན་ཊི་པོལ་དང་། Minneapolis མི་ནི་ཡ་པོ་ལི་སི་གྲོང་ཁྱེར་ལྷན་ཚོགས། དེ་བཞིན་ཝི་སི་ཁོན་སིན་མངའ་སྡེའི་ Madison མེ་ཌི་སོན་གྲོང་ཁྱེར་ལྷན་ཚོགས་བཅས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེ་ཧྲིལ་པོའི་རླབས་ཆེན་གྱི་མཛད་འཕྲིན་ལ་ཆེ་བསྟོད་ཀྱིས།  ༸སྐུའི་འཁྲུངས་སྐར་གྱི་ཉིན་མོ་ཕྱི་ཟླ་ ༧ ཚེས་ ༦ སྟེ་བྱམས་བརྩེའི་ཉིན་མོར་སྲུང་བརྩི་ཞུ་རྒྱུའི་གྲོས་ཆོད་གཏན་འབེབས་གནང་འདུག རྩ་བའི་ཐེངས་འདིར་ཨ་རིའི་གྲོང་ཁྱེར་གསུམ་ནང་གཏན་འབེབས་བྱུང་བའི་གྲོས་ཆོད་དེ་དག་ནང་གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནི་བོད་བརྒྱུད་ནང་བསྟན་གྱི་རྗེས་འབྲངས་པ་ཚོས་འཕགས་པ་སྤྱན་རས་གཟིགས་ཀྱི་རྣམ་སྤྲུལ་སྙིང་རྗེའི་རང་གཟུགས་ཤིག་དང་བོད་མིའི་བླ་ན་མེད་པའི་དབུ་ཁྲིད་དུ་ཡིད་ཆེས་གནང་གི་ཡོད་པ་ལ་ངོས་འཛིན་དང་།  མགོན་པོ་༸གང་ཉིད་མཆོག་གིས་སྐུ་ན་ཆུང་དུས་ནས་བོད་བསྟན་སྲིད་མི་རིགས་ཆེད་དུ་རླབས་ཆེན་གྱི་མཛད་རྗེས་འཇོག་གནང་མཛད་ཡོད་པ་མ་ཟད།  རྒྱལ་སྤྱིའི་ཁྲོད་མི་རིགས་དང་ཆོས་དད་རྒྱབ་ལྗོངས་འདྲ་མིན་གྱི་གང་ཟག་ཕན་ཚུན་བར་བསམ་ཤེས་དང་། བཟོད་བསྲན། མཐུན་སྒྲིལ། བྱམས་སྙིང་རྗེ་གོང་འཕེལ་ཐད་ལམ་སྟོན་སྩལ་གནང་མཛད་ཡོད་པ་དག་གསལ་འདོན་དང་འབྲེལ།  ཕྱི་ལོ་ ༡༩༥༠ ལོར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ས་བཙན་འཛུལ་འགོ་འཛུགས་ཀྱིས། ཕྱི་ལོ་ ༡༩༥༩ ལོར་བོད་མིའི་སྒེར་ལངས་བྱུང་རྗེས་༸མགོན་པོ་མཆོག་བཙན་བྱོལ་དུ་བྲོལ་བྱོལ་ལ་ཆིབས་བསྒྱུར་བསྐྱངས་དགོས་ཁེལ་ཡོད་ཀྱང་། ༸གོང་ས་མཆོག་ནས་འཚེ་མེད་ཞི་བ་དང་། བྱམས་སྙིང་རྗེ། ཕན་ཚུན་གྲོས་མོལ་བཅས་ཀྱི་བརྒྱུད་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞི་འོག་གཉིས་ཕན་དབུ་མའི་ལམ་གྱི་སྲིད་བྱུས་ལས་ཕྱོགས་གཉིས་ཀྱི་དཀའ་རྙོག་སེལ་ཐབས་ལ་འབད་ཡོད་པར་ཆེ་མཐོང་ཞུས་ཡོད་པ་དང་།   ༸གང་ཉིད་མཆོག་གི་ཆོས་ལུགས་ལ་མ་བརྟེན་པའི་བཟང་སྤྱོད་དང་།  བྱམས་སྙིང་རྗེ།  སེམས་ཁམས་རྣམ་དཔྱོད་བཅས་ཀྱི་བཀའ་སློབ་ལམ་སྟོན་གྱིས་གོ་ལ་སྤྱི་ཡོངས་ཀྱི་ཤེས་ཡོན་མི་སྣ་དང་ཆོས་སྲིད་ཀྱི་དབུ་ཁྲིད་ཚོར་སེམས་འགུལ་ཐེབས་ཡོད་པ་བཅས།  སླེབས་ལ་ཉེ་བའི་ཕྱི་ཟླ་ ༧ ཚེས་ ༦ སྟེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ བདག་གིར་བཞེས་ཀྱི་ཡོད་པ་དང་བསྟུན།...

ཁ་སང་ཉིན་རྒྱབ་རྒྱ་གར་གྱི་རྒྱལ་ས་ལྡི་ལིའི་ India Habitat ལྟེ་གནང་ཁང་དུ་༸སྐུའི་གོ་སྟོན་དང་འབྲེལ་ཏེ་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེའི་མཛད་རྣམ་གྱི་པར་རིས་འགྲེམས་སྟོན་ཞིག་གོ་སྒྲིག་ཞུས་ཡོད་པ་ལྟར།  བདུན་གཅིག་རིང་གི་འགྲེམས་སྟོན་དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུ་འབྱེད་གནང་སོང་།  དེ་ཡང་ཐེངས་འདིའི་འགྲེམས་སྟོན་དེ་ནི་ལྡི་ལི་གོ་སྟོན་གོ་སྒྲིག་ཚོགས་ཆུང་ངོས་ནས་གྲ་སྒྲིག་གནང་པ་ཞིག་ཡིན་པ་དང་།   ཚོགས་ཆུང་དེའི་ཚོགས་གཙོ་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་ཀྱིས།  འགྲེམས་སྟོན་དེའི་དགོས་དམིགས་གཙོ་བོ་ནི་རྒྱ་གར་གྱི་གནད་ཡོད་དང་ས་གནས་མི་མང་ཚོར་༸གོང་ས་༸སྐྱབས་མགོན་ཆེན་པོ་མཆོག་གི་ཆོས་སྲིད་ཀྱི་མཛད་འཕྲིན་ངོ་སྤྲོད་ཡོང་ཐབས་ཤིག་དང་།   ལྷག་པར་དུ་པར་རིས་དེ་དག་བརྒྱུད་༸གོང་ས་༸སྐྱབས་མགོན་ཆེན་པོ་མཆོག་སྐུ་འཁྲུངས་པ་ནས་བོད་དོན་ཐོག་མཛད་འཕྲིན་ག་རེ་བསྐྱངས་མིན་ཙམ་མ་ཟད།  རྒྱལ་ཁབ་སོ་སོའི་ཆོས་སྲིད་དབུ་ཁྲིད་ཚོའི་ལྷན་དུ་འཛམ་གླིང་ཞི་བདེ་དང་ཆོས་ལུགས་མཐུན་འབྲེལ་བཅས་ཀྱི་རླབས་ཆེན་མཛད་འཕྲིན་བཅས་པར་རིས་ཀྱི་ལམ་ནས་ངོ་སྤྲོད་ཡོང་ཐབས་ཤིག་ཡིན་པ་སོགས་ཀྱི་ངོ་སྤྲོད་གནང་སོང་། རྒྱ་གར་གྱི་རྒྱལ་ས་ལྡི་ལིའི་གནད་ཡོད་ཀྱི་མི་སྣ་ལྷན་འཛོམས་གནང་ཡུལ་ India Habitat ལྟེ་གནས་ཁང་དུ་འགྲེམས་སྟོན་དབུ་འབྱེད་ཀྱི་མཛད་སྒོ་དེའི་ཐོག   ཕྱི་རྒྱལ་གཞུང་ཚབ་ཁག་གཅིག་གི་མི་སྣ་དང་།   རྒྱ་གར་བོད་དོན་དོན་གཉེར་ཅན།   བོད་མི་བཅས་མི་གྲངས་བརྒྱ་སྐོར་ཞིག་འདུ་འཛོམས་བྱུང་འདུག་པ་མ་ཟད།     སྐབས་དེའི་དབུ་འབྱེད་མཛད་སྒོའི་ཐོག་སྲིད་སྐྱོང་སྤེན་པ་ཚེ་རིང་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞིའི་སྐོར་དང་།   བོད་དེ་ལོ་རྒྱུས་ཀྱི་ཐོག་ནས་རང་བཙན་ཡོད་པའི་རྒྱལ་ཁབ་ཞིག་ཡིན་ཡང་།    ཕྱི་ལོ་ ༡༩༥༩ ལོའི་བོད་ནང་གི་དུས་འགྱུར་རྗེས་རྒྱ་ཀར་ནག་བར་ལོ་རྒྱུས་སུ་བྱུང་མྱོང་མེད་པའི་ས་མཚམས་དམག་འཁྲུག་བྱུང་བ་སོགས་གསུངས་ཏེ།  ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ངལ་དེ་དག་ལ་ལྟོས་མེད་བོད་རྒྱའི་དབར་གྱི་དཀའ་ངལ་དེ་འཚེ་མེད་ཞི་བའི་ལམ་ཐོག་ནས་སེལ་ཐབས་གནང་མུས་ཡིན་པ་ལྟར།   བོད་མིའི་དངོས་ཡོད་བདེན་འཚོལ་གྱི་ལངས་ཕྱོགས་དེར་འཛམ་གླིང་མང་ཚོགས་ནས་རྒྱབ་སྐྱོར་ཡོང་བ་བཅས་ཀྱི་འབོད་སྐུལ་ཞུས་འདུག གཞི་རྩའི་སྲིད་སྐྱོང་སྤེན་པ་ཚེ་རིང་མཆོག་ཉེ་ཆར་ཡུ་རོབ་དང་ཨ་རི་བཅས་སུ་གཞུང་དོན་ཕྱོགས་བསྐྱོད་ཀྱིས་ཁ་ཉིན་རྒྱལ་ས་ལྡི་ལིར་ཕྱིར་ཕེབས་གནང་བ་ཞིག་ཡིན་པ་མ་ཟད།   དེ་རིང་ད་དུང་ཁོང་ནས་བོད་ཀྱི་སྲིད་བྱུས་ཉམས་ཞིབ་ཁང་གིས་རྒྱལ་ས་ལྡི་ལིར་གོ་སྒྲིག་ཞུས་པའི་རྒྱ་ནག་གི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་འོག་བོད་མིའི་ཆོས་དང་རིག་གཞུང་སྐད་ཡིག་སོགས་མདོར་ན་མི་རིགས་ཀྱི་ངོ་བོ་རྩ་མེད་བཟོ་ཐབས་ཀྱི་སྲིད་བྱུས་ལག་བསྟར་བྱེད་བཞིན་པའི་མཁས་པའི་བགྲོ་གླེང་ལྷན་ཚོགས་ཤིག་ཏུ་དབུ་བཞུགས་ཀྱང་གནང་གི་ཡོད་པ་རེད། The post སྲིད་སྐྱོང་མཆོག་གིས་རྒྱལ་ས་ལྡི་ལིར་༸གོང་ས་མཆོག་གི་མཛད་རྗེས་སྐོར་གྱི་པར་རིས་འགྲེམས་སྟོན་དབུ་འབྱེད། appeared first on vot.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢༦ ཉིན་ཨོ་གླིང་སྐུ་ཚབ་དོན་ཁང་ནས་ཨོ་གླིང་དུ་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གིས་དཔལ་འབྱོར་མཐུན་འགྱུར་འོག་བདུན་གཅིག་གོང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཇི་ལྟར་༸རྒྱལ་བ་རིན་པོ་ཆེར་འགྱུར་བ། བོད་བརྒྱུད་ནང་བསྟན་གྱི་ངོ་མཚར་ལྡན་པའི་ལོ་རྒྱུས་ (How the Dalai Lama became the Dalai Lama: A fascinating history of Tibetan Buddhism) ཞེས་པའི་བརྗོད་གཞིའི་ཐོག་ས་གནས་ཀྱི་གསར་ཤོག་སྟེང་གནས་ཚུལ་ལོག་འགྲེལ་འདོན་སྤེལ་བྱས་པར་སྐྱོན་བརྗོད་གནང་ཡོད། དེ་ལྟར་དཔལ་འབྱོར་མཐུན་འགྱུར་འོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་དེ་བཞིན་རྒྱ་ནག་གཞུང་གི་ཆོག་མཆན་ཡོད་པའི་ཐོག་རྒྱ་ནག་ནང་ངོས་འཛིན་བྱེད་དགོས་པའི་གནས་ཚུལ་ལོག་བསྒྲགས་བྱས་པའི་ལས་འགུལ་འདིའི་བརྒྱུད་མང་ཚོགས་ཀྱི་བསམ་ཚུལ་ལ་བསླུ་ཁྲིད་བྱེད་ཀྱི་ཡོད། དེ་ལྟ་བུའི་ལོག་བཤད་ཀྱི་གནས་ཚུལ་ནི་གཞི་རྩ་གང་ཡང་མེད་པ་དང་། མགོ་སྐོར་བསླུ་བྲིད་ཀྱི་རང་བཞིན་ལྡན་པ་མ་ཟད། འཛམ་གླིང་ཡོངས་ཀྱི་ནང་པའི་སྤྱི་ཚོགས་དང་གཞི་རྩའི་འགྲོ་བ་མིའི་ཐོབ་ཐང་ལ་རྡོག་རོལ་གཏོང་བ་ཞིག་རེད། དེར་བརྟེན་ཨོ་གླིང་གི་མི་མང་དང་། གསར་འགྱུར་བརྒྱུད་ལམ། རྒྱལ་སྤྱིའི་སྤྱི་ཚོགས་བཅས་ལ་གཤམ་གསལ་གནད་དོན་གལ་ཆེ་ཁག་བསྐྱར་དུ་ནན་བརྗོད་བྱེད་འདོད་པ་ནི། ༸སྐུའི་ཡང་སྲིད་ཀྱི་བདག་དབང་ཡོངས་རྫོགས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གང་ཉིད་ལ་ཡོད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༥ ཟླ་བ་ ༧ ཚེས་ ༢ ཉིན་དགའ་ལྡན་ཕོ་བྲང་རྒྱུན་མཐུད་གནས་ངེས་ཡིན་པ་དང་།...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢༥ ཉིན་གྱི་སྔ་དྲོ་ཆུ་ཚོད་ ༡༡།༣༠ ཙམ་ལ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ལྡི་ལི་ཤེས་རིག་པར་ཁང་གི་ལས་ཁུངས་བསྐྱར་བཟོ་ལེགས་གྲུབ་ཟིན་པར་དབུ་འབྱེད་དང་འབྲེལ་པར་ཁང་གི་པར་སྐྲུན་དང་། འཛིན་སྐྱོང་། ཕྱི་གཏོང་སྡེ་ཚན་བཅས་སུ་གཟིགས་ཞིབ་གནང་རྗེས་དཔལ་ལྡན་སྲིད་སྐྱོང་མཆོག་གིས་ལས་བྱེད་རྣམས་ལ་ཤེས་རིག་པར་ཁང་དེ་བཞིན་ཐོག་མར་བོད་ཀྱི་ཆོས་དང་རིག་གཞུང་བདག་གཉེར་བྱ་རྒྱུར་དམིགས་ཏེ་དབུ་འཛུགས་གནང་ཡོད་ཚུལ་དང་། ཤེས་རིག་པར་ཁང་གི་སྟངས་འཛིན་བྱེད་ཕྱོགས། མ་འོངས་པར་རྒྱུན་གནས་ཐུབ་པའི་ཐོག་ཐབས་ལམ་འཚོལ་དགོས་གལ་སོགས་ཀྱི་ཐོག་ལམ་སྟོན་གསུང་བཤད་གནང་ཡོད། གཟིགས་སྐོར་རིང་དཔལ་ལྡན་སྲིད་སྐྱོང་མཆོག་དང་ལྷན་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་དང་། བཀའ་ཡིག་ཁྱབ་ཁོངས་ཡིག་ཚགས་དང་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས། ལྡི་ལི་སྐུ་ཚབ་དོན་ཁང་གི་དྲུང་ཆེ་བཀྲ་ཤིས་བདེ་སྐྱིད་ལགས། དོན་ཁང་གི་སྣེ་ཤེན་འགན་འཛིན་བསྟན་འཛིན་པ་སངས་ལགས་བཅས་ལྷན་བཅར་ཞུས་གནང་ཡོད།ཉིན་རྒྱབ་ཆུ་ཚོད་ ༣།༣༠ ཐོག་དཔལ་ལྡན་སྲིད་སྐྱོང་མཆོག་གིས་རྒྱ་གར་རིག་གཞུང་ལྟེ་གནས་ཁང་ (India Habitat Centre) དུ་ལྡི་ལི་ས་གནས་གོ་སྟོན་གོ་སྒྲིག་ཚོགས་ཆུང་གིས་གོ་སྒྲིག་གནང་བའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ཕེབས་པའི་༸སྐུའི་གོ་སྟོན་སྲུང་བརྩི་དང་། ༸སྐུའི་རླབས་ཆེན་མཛད་འཕྲིན་གྱི་སྐུ་པར་འགྲེམས་སྟོན་དབུ་འབྱེད་གནང་ཡོད། སྐབས་དེར་སྐུ་མགྲོན་དུ་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་དང་། བཀའ་ཡིག་ཁྱབ་ཁོངས་ཡིག་ཁྱབ་ཁོངས་ཡིག་ཚགས་དང་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས། རྒྱལ་སྤྱིའི་ནང་པའི་མཐུན་ཚོགས་ཀྱི་དྲུང་ཆེ་ཤར་རྩེ་མཁན་ཟུར་བྱང་ཆུབ་ཆོས་ལྡན་ལགས། ལྡི་ལི་བསམ་ཡས་གླིང་གི་ས་གནས་འགོ་འཛིན་རྡོ་རྗེ་ཚེ་རིང་ལགས། སྐུ་ཚབ་དོན་ཁང་གི་དྲུང་ཆེ་བཀྲ་ཤིས་བདེ་སྐྱིད་ལགས་ཀྱིས་གཙོས་ས་གནས་གོ་སྟོན་གོ་སྒྲིག་ཚོགས་ཆུང་གི་ཚོགས་མི་དང་མི་མང་བཅས་ལྷན་འཛོམས་ཀྱིས་ཐོག་མར་ལྡི་ལི་སྐུ་ཚབ་དོན་ཁང་གི་དྲུང་ཆེ་བཀྲ་ཤིས་བདེ་སྐྱིད་ལགས་ཀྱི་འགྲེམས་སྟོན་དེ་བཞིན་བྱམས་བརྩེའི་ལོ་སྲུང་བརྩི་ཞུ་རྒྱུའི་ལས་རིམ་ཁོངས་སུ་ཡིན་པ་ངོ་སྤྲོད་དང་། འགྲེམས་སྟོན་དེའི་ཐོག་༸གོང་ས་མཆོག་གི་སྐུ་ཚེའི་ལོ་རྒྱུས་དང་། འཛམ་གླིང་ཞི་བདེ་དང་། འཚེ་བ་མེད་པ། བོད་ཀྱི་རིག་གཞུང་དང་ངོ་བོ་སྲུང་སྐྱོབ་ཐོག་གི་མཛད་པ་འཕྲིན་ལས་གསལ་ཡོད་པ་འགྲེལ་བརྗོད་གནང་།དེ་ནས་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་ཀྱིས་ཕེབས་བསུའི་གསུང་བཤད་གནང་སྐབས་སྐུ་པར་འགྲེམས་སྟོན་འདིའི་ཐོག་༸གོང་ས་མཆོག་སྐུ་ན་ཕྲ་བའི་དུས་ནས་བཙན་བྱོལ་དུ་ཆིབས་བསྒྱུར་གནང་ཚུལ་སོགས་ཀྱི་སྐུ་པར་ཚུད་ཡོད་པ་དང་། ཐེངས་འདིའི་འགྲེམས་སྟོན་འདི་ནི་༸གོང་ས་མཆོག་ཕྱི་ལུགས་ལྟར་དགུང་གྲངས་ ༩༠ ཕེབས་པ་དང་བསྟུན་བོད་མིའི་སྒྲིག་འཛུགས་ནས་ལོ་འཁོར་མོ་བྱམས་བརྩེའི་ལོ་ཞེས་སྲུང་བརྩི་ཞུ་བཞིན་པ་མ་ཟད།...

ཉེ་ལམ་ཕྱི་ཟླ་ ༣ པའི་ནང་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེ་བཞིན་དངོས་སུ་ལག་བསྟར་བྱེད་ལ་ཉེ་བ་དང་བསྟུན། རྒྱ་ནག་གི་ཁྲིམས་འཛིན་བློན་ཆེན་གཞོན་པ་ཧུ་ཝེ་ལི་ཡིས་ཁྲིམས་ཡིག་དང་འབྲེལ་གསར་འགོད་ལྷན་ཚོགས་སྐོང་འཚོགས་ཀྱིས། རྒྱ་གཞུང་གིས་མི་རིགས་མཐུན་སྒྲིལ་ཟེར་བའི་ཁྲིམས་ཡིག་འོག་ཕྱི་ཕྱོགས་གནས་སྡོད་རྣམས་དམིགས་འབེན་བྱ་རྒྱུའི་ཐོབ་ཐང་ཡོད་སྐོར་བརྗོད་འདུག དེ་ཡང་ཕྱི་ཟླ་ ༣ པ་ནས་རྒྱལ་ཚོགས་གཙོས་རྒྱལ་སྤྱིའི་ཚོགས་སྡེ་ཁག བོད་མིའི་སྒྲིག་འཛུགས་དང་བོད་དོན་རྒྱབ་སྐྱོར་བ་སོགས་ནས་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེར་སྐྱོན་བརྗོད་དང་འབྲེལ། ཁྲིམས་ཡིག་དེའི་བརྒྱུད་བོད་དང་གྲངས་ཉུང་མི་རིགས་རྣམས་ལ་སྔར་ལས་དམ་དྲག་ཤུགས་ཆེ་རུ་གཏོང་རྒྱུ་ཡིན་པ་དང་། རིམ་པའི་བོད་ཀྱི་རིག་གཞུང་། སྐད་ཡིག དེ་བཞིན་ཆོས་དད་རང་དབང་བཅས་རྩ་མེད་གཏོང་རྒྱུའི་ནུས་པ་ཤུགས་ཆེ་རུ་འགྲོ་ངེས་ཡིན་པས་ཁྲིམས་ཡིག་དེ་ཉིད་ཕྱིར་འཐེན་དགོས་པའི་འབོད་སྐུལ་ཞུ་བཞིན་པའི་ཁྲོད་འདིར། ཁ་སས་ཕྱི་ཚེས་ ༢༤ ཉིན་མོ་སྟེ་རྒྱ་གཞུང་གིས་ཁྲིམས་ཡིག་དེ་བཞིན་དངོས་སུ་ལག་བསྟར་བྱེད་པར་བདུན་ཕྲག་གཅིག་ལས་ལྷག་མེད་པའི་སྐབས། རྒྱ་ནག་གི་ཁྲིམས་འཛིན་བློན་ཆེན་གཞོན་པ་ཧུ་ཝེ་ལི་ཡིས་ཁྲིམས་ཡིག་དང་འབྲེལ་གསར་འགོད་ལྷན་ཚོགས་སྐོང་འཚོགས་བྱས་ཐོག རྒྱ་གཞུང་གིས་ཁྲིམས་ཡིག་དེེར་རྒྱབ་སྐྱོར་དང་ཆབས་ཅིག ཁྲིམས་མཐུན་གྱི་རྣམ་པའི་ཐོག་ནས་ཕྱི་ཕྱོགས་གནས་སྡོད་རྒྱ་རིགས་དང་བོད་མི་སོགས་རྒྱའི་བཙན་གནོན་འོག་ཡོད་པའི་གྲངས་ཉུང་མི་རིགས་རྣམས་ནས་མི་རིགས་མཐུན་སྒྲིལ་ལ་གནོད་སྐྱོན་གཏོང་བ་དང་། ཡང་ན་ཁ་བྲལ་རིང་ལུགས་ཁྱབ་སྤེལ་བྱེད་པར་ངོས་འཛིན་བྱས་ཚེ་ཁྲིམས་མཐུན་གྱི་འགན་འཁྲི་འཁུར་དུ་འཇུག་ཆོག་པའི་ཐོབ་ཐང་ཡོད་སྐོར་བཤད་འདུག དེ་འབྲེལ་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་སྡེ་ཁག་གིས་ཁྲིམས་ཡིག་དེ་དང་འབྲེལ་སེམས་འཚབ་བྱེད་གཞི་གཙོ་བོ་ནི་ཁྲིམས་ཡིག་གི་གསལ་ཁ་མེད་པའི་ཐ་སྙད་བཀོལ་སྟངས་དེ་ཡིན་ཞིང་། དེ་ཡང་མི་རིགས་མཐུན་སྒྲིལ་ལ་གཏོར་བཤིག་གཏོང་བའི་བྱ་སྤྱོད་རིགས་ལ་བཀག་སྡོམ་བྱེད་པ་ཚུད་ཡོད་པས། དེ་ལྟ་བུའི་གསལ་ཁ་མེད་པའི་ཐ་སྙད་བཀོལ་སྟངས་ལས་དབང་འཛིན་པ་རྣམས་ནས་སོ་སོའི་འདོད་མོས་ལྟར་འགྲེལ་བརྗོད་ཀྱིས་སྨྲ་བརྗོད་རང་དབང་དང་། རིག་གཞུང་གི་བྱེད་སྒོ། དེ་བཞིན་ཤེས་ཡོན་གྱི་ལས་དོན་སོགས་ལ་དྲག་གནོན་ཙམ་མ་ཟད། བོད་ཀྱི་ཆོས་དང་རིག་གཞུང་། སྐད་ཡིག་བཅས་པར་རྩ་ཆེན་འཛིན་མཁན་གྱི་ཕ་མ་དང་དགེ་རྒན། དེ་བཞིན་སྐད་ཡིག་ལས་འགུལ་བ་གང་བྱུང་འཛིན་བཟུང་བཀར་ཉར་བྱེད་སྲིད་པའི་ཉེན་ཁ་ཡོད་པ་གསུངས་འདུག མ་ཟད། ཁྲིམས་སྒྲིག་གི་དོན་ཚན་ ༦༣ པའི་ནང་གསལ་ལྟར་ན། ཕྱི་ཕྱོགས་སུ་གནས་སྡོད་བྱེད་བཞིན་པའི་བོད་མི་དང་ཡུ་གུར་མི་རིགས་གཙོས་རྒྱ་ནག་གཞུང་གི་བཙན་གནོན་འོག་ཏུ་ཡོད་པའི་མི་རིགས་རྣམས་ནས། རྒྱལ་ཁབ་ཀྱི་མི་རིགས་མཐུན་སྒྲིལ་དང་ཡར་རྒྱས་ལ་འགོག་རྐྱེན་བཟོས་ཚེ་རྒྱ་གཞུང་གི་ཁྲིམས་ལུགས་ལྟར་ཉེས་ཆད་ལྕི་མོ་གཅོད་རྒྱུའི་ཁྲིམས་མཐུན་གྱི་དབང་ཚད་སྤྲོད་ཡོད་སྟབས། སྲིད་གཞུང་གི་ཁྲིམས་གསར་དེ་ཉིད་སྤྱོད་ནས་ཉེན་གཡོལ་དུ་ཕྱིན་པའི་རྒྱ་རིགས་མང་གཙོ་དོན་གཉེར་བ་དང་བོད་མི། དེ་བཞིན་ཡུ་གུར་མི་རིགས་ཚོར་ནག་ཉེས་སྣ་ཚོགས་གཡོགས་ནས་འཛིན་བཟུང་བཀག་ཉར་དང་། རྒྱལ་མཚམས་ལས་བརྒལ་བའི་འཇིགས་སྐུལ་བྱེད་ཤུགས་ཆེ་རུ་གཏོང་ངེས་ཡིན་པའི་ཉེན་བརྡ་བཏང་འདུག མ་ཟད། གསར་འགོད་ལྷན་ཚོགས་ཐོག་རྒྱ་ནག་དབུས་ཆབ་སྲིད་ལྷན་ཚོགས་ཀྱི་ཚོགས་མི་...