དེ་རིང་རྒྱལ་ས་ལྡི་ལིར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༥ རྗེ་བཙུན་བློ་བཟང་རྡོ་རྗེ་དཔལ་བཟང་པོས་མཇལ་བཅར་ཞུས་འདུག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ལྡི་ལིར་སྐུའི་ཞབས་པུས་སྨན་བཅོས་ལེགས་གྲུབ་ཀྱིས་ད་ཆ་སྐུ་བཞུགས་མཛད་ཡུལ་ཁུལ་དེར་རྟེན་གཞི་བྱས་པའི་བོད་ཁྱིམ་གཟིམ་ཆུང་གི་ཡང་སྟེང་དུ་དེ་རིང་ཕྱི་ཟླ་ ༦ ཚེས་ ༡༩ ཉིན་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༥ རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་གིས་མཇལ་བཅར་ཞུས་འདུག་པ་དང་། སྐབས་དེར་དགའ་ལྡན་ཁྲི་རིན་པོ་ཆེ་མཆོག་ནས་༸རྒྱལ་བའི་༸སྐུའི་འཕྲོད་བཞེས་ཐད་དགོངས་སྐོར་གྱིས་སྐུ་ཚེ་ཞབས་པད་བརྟན་གནང་ཡོང་བའི་གསོལ་འདེབས་ཞུས་པར། མགོན་པོ་༸གང་ཉིད་མཆོག་ནས་དགུང་གྲངས་ ༡༣༠ ལྷག་སྐུ་བཞུགས་མཛད་རྒྱུའི་བཀའ་བཞེས་བཟང་པོ་སྨིན་སྩལ་མཛད་ཡོད་པ་མ་ཟད།  ཁྲི་རིན་པོ་ཆེ་ལ་རྟེན་སྐལ་དུ་སྒྲོལ་དཀར་ཡིད་བཞིན་འཁོར་ལོའི་སྐུ་བརྙན་སྩལ་འདུག རྩ་བའི་ཕྱི་ཟླ་ ༦ ཚེས་ ༨ ཉིན་རྒྱལ་ས་ལྡི་ལིར་ཨེ་པོ་ལོ་སྨན་ཁང་དུ་༸གོང་ས་༸སྐྱབས་མགོན་ཆེན་པོ་མཆོག་གི་ཞབས་པུས་གཡོན་མའི་གཤག་བཅོས་ལེགས་གྲུབ་བྱུང་སྟེ། ཚེས་ ༡༢ ཉིན་གྱི་སྔ་དྲོ་མགོན་པོ་༸གང་ཉིད་མཆོག་སྨན་ཁང་ནས་རོ་ཧི་ནིར་རྟེན་གཞི་བྱས་པའི་བོད་ཕྲུག་ཁྱིམ་སྡེའི་བཞུགས་གནས་སུ་ཞབས་སོར་བདེ་བར་འཁོད་གནང་ཡོད་ཅིང་། རིམ་པས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ལ་མཇལ་ཁ་སྩལ་ཡོད་པ་དང་དེ་རིང་དགའ་ལྡན་ཁྲི་རིན་པོ་ཆེར་མཇལ་ཁ་སྩལ་ཡོད། གཞི་རྩའི་༸སྐུའི་ཞབས་པུས་དྲག་སྐྱེད་ཆེད་དུ་བོད་མི་གཙོས་པའི་དད་ལྡན་པ་རྣམ་པས་ཞབས་རིམ་ཁག་གསོག་སྒྲུབ་ཞུས་དང་ཞུ་བཞིན་ཡོད་པ་རེད། འདི་ཚེས་ ༤ ཉིན་དགའ་ལྡན་ཕོ་བྲང་ཡིག་ཚང་གིས་ཡོངས་ཁྱབ་གསལ་བསྒྲགས་སྤེལ་དོན་ལྟར། མགོན་པོ་༸གང་ཉིད་མཆོག་ཞབས་པུས་སྨན་བཅོས་གྲུབ་སྟེ། དྲག་སྐྱེད་ཟིན་མཚམས་ཟླ་བ་འདིའི་ཟླ་མཇུག་ཙམ་ལ་ལ་དྭགས་སུ་ཆིབས་བསྒྱུར་གྱིས་དུས་ཡུན་རིང་ཙམ་སྐུ་བཞུགས་མཛད་གཏན་ཁེལ་ཡོད་པ་གསུངས་ཡོད། The post ༸གོང་ས་མཆོག་དགུང་གྲངས་ ༡༣༠ ལྷག་སྐུ་བཞུགས་མཛད་རྒྱུའི་བཀའ་བཞེས་བཟང་པོ་སྨིན་སྩལ། appeared first on vot.

རྒྱ་ནག་གི་ཕྱི་སྲིད་བློན་ཆེན་ཝང་ཡི་ཟླ་འདིའི་ཕྱི་ཚེས་ ༢༢ ནས་ ༢༣ བར་ཉིན་གྲངས་གཉིས་རིང་རྒྱ་གར་གྱི་རྒྱལ་ས་ལྡི་ལིར་འཚོག་ལ་ཉེ་བའི་ BRICS རྒྱལ་ཁབ་རྣམས་ཀྱི་རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་བྱ་རྒྱུ་དང་།  ཐེངས་འདིའི་ཚོགས་འདུའི་ཐོག་མཐུན་ཕྱོགས་རྒྱལ་ཁབ་རྣམས་ཀྱི་སྐུ་ཚབ་ངོས་ནས་རྒྱལ་སྤྱིའི་བདེ་འཇགས་ཀྱི་གནས་སྟངས་སོགས་ཀྱི་སྐོར་གྲོས་བསྡུར་གནང་རྒྱུ་རེད་འདུག དེ་ཡང་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན།  རྒྱ་ནག་གི་ཕྱི་སྲིད་བློན་ཆེན་ཝང་ཡི་འདི་ལོའི་ BRICS རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་བྱ་འཆར་ཡོད་པ་དེ་རྒྱ་གར་གྱིས་མགྲོན་འབོད་བྱས་པ་ཞིག་རེད་འདུག་ལ།  རྒྱལ་ས་ལྡི་ལིར་ཟླ་འདིའི་ཕྱི་ཚེས་ ༢༢ དང་ ༢༣ ཉིན་འཚོག་འཆར་ཡོད་པའི་ཚོགས་འདུ་དེའི་ཐོག་ BRICS ཁྱབ་ཁོངས་སུ་ཡོད་པའི་བྷ་ར་ཛིལ་དང་།  ཨུ་རུ་སུ།  རྒྱ་གར།  ལྷོ་ཨ་ཧྥི་རི་ཁ།  རྒྱ་ནག  ཨི་ཇིབ།  ཨི་ཐོ་པི་ཡ།  ཨིི་རན།  ས་ཨུ་ཌི་ཨ་ར་བི་ཡ།  ཨ་རབ་མཉམ་འབྲེལ་རྒྱལ་ཁབ་བཅས་ཚོགས་མི་ ༡༡ གི་སྐུ་ཚབ་བར་རྒྱལ་སྤྱིའི་བདེ་འཇགས་ཀྱི་གནས་སྟངས་དང་།  རྒྱལ་ཁབ་སོ་སོའི་མངའ་ཁུལ་གྱི་བདེ་འཇགས་གནད་དོན།  དེ་བཞིན་རྒྱུན་ལྡན་དང་རྒྱུན་མ་ཡིན་པའི་བདེ་འཇགས་ཀྱི་གདོང་ལེན་སྐོར་དང་།  གཞན་ཡང་འདི་ལོའི་ཕྱི་ཟླ་ ༩ པའི་ནང་རྒྱ་གར་གྱི་གོ་སྒྲིག་འོག་འཚོག་གཏན་ཁེལ་བའི་ BRICS ཚོགས་ཆེན་ཐེངས་ ༡༨ པའི་གྲ་སྒྲིག་སོགས་ཀྱི་སྐོར་གྲོས་བསྡུར་བྱ་རྒྱུ་རེད་འདུག...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༡༩ ཉིན་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་དང་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་དབར་རྩིས་སྤྲོད་རྩིས་ལེན་གྱི་མཛད་སྒོ་སྟབས་བདེ་ཞིག་ཚོགས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༡ ཙམ་ལ་བཀའ་དྲུང་ཡིག་ཚང་དུ་སྤྲོད་དཔང་བཀའ་ཡིག་ཁྱབ་ཁོངས་ཡིག་ཚགས་དང་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས་དང་། བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས། བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་བཅས་ལྷན་འཛོམས་ཀྱིས་ཐོག་མར་བཀའ་དྲུང་གསར་རྙིང་གཉིས་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་སྐུ་ཕྱག་དང་མཇལ་དར་ཕྲུལ་གྲུབ་མཚམས་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་ཀྱིས་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་ལ་ཞབས་སྟེགས་རྩིས་སྤྲོད་ཀྱིས་མཇལ་དར་ཕུལ། དེ་རྗེས་སྤྲོད་དཔང་དབུ་བཞུགས་ཐོག བཀའ་དྲུང་གསར་རྙིང་དང་། ཁྱབ་ཁོངས་དང་བཅས་པའི་ལས་བྱེད་ཚང་འཛོམས་ཀྱིས་རྟེན་འབྲེལ་གསོལ་ཇ་དང་འབྲས་སིལ་འདེགས་འབུལ་ཞུས་རྗེས་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་ནས་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་ལ་ལས་ཐམ་དང་། ཡིག་དངོས་རྩ་ཆེ་ཁག་གཅིག་རྩིས་སྤྲོད་དང་། སྤྲོད་དཔང་དྲུང་ཆེ་འཇིགས་མེད་ཚེ་རིང་ལགས་ཀྱིས་རྟེན་འབྲེལ་མཚོན་བྱེད་མཇལ་དར་ཕུལ་རྗེས་བཀའ་ཡིག་ཁྱབ་ཁོངས་དང་བཅས་པའི་ལས་བྱེད་ཡོངས་ནས་རྟེན་འབྲེལ་གྱི་མཇལ་དར་ཕུལ།  དེ་ནས་སྤྲོད་དཔང་དྲུང་ཆེ་འཇིགས་མེད་ཚེ་རིང་ལགས་དང་། བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས། བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་བཅས་ནས་རིམ་པས་གསུང་བཤད་གནང་སྟེ་བཀའ་དྲུང་གསར་པའི་རྟེན་འབྲེལ་མཛད་སྒོ་བདེ་ལེགས་ངང་གྲོལ། དེ་ཡང་ཤ་འབྲོང་བཀྲ་ཤིས་རྒྱ་མཚོ་ལགས་ནི། ཕྱི་ལོ་ ༡༩༩༣ ཟླ་བ་ ༤ ཚེས་ ༩ ཉིན་དྲུང་གཞོན་གནས་རིམ་དུ་ཟླ་དྲུག་ཚོད་ལྟར་བསྐོ་གཞག་གིས་བདེ་སྲུང་བོད་གནས་ཉམས་ཞིབ་དུ་ལས་འགན་བཀོད་སྒྲིག་གནང་།   ཕྱི་ལོ་  ༡༩༩༤ ཟླ་བ་ ༤  ཚེས་ ༢༦ ཉིན་ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས།  ཕྱི་ལོ་ ༡༩༩༩ ཟླ་བ་ ༢  ཚེས་ ༡༠ ཉིན་ནས་ཟུང་དྲུང་གནས་རིམ་དུ་གནས་སྤར་དང་འབྲེལ་ལས་འགན་རང་འཇགས།  ཕྱི་ལོ་ ༢༠༠༡ ...

ཕྱི་ལོ་ ༢༠༢༧ ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་རྐང་སྤོལ་འགྲན་བསྡུར་ཐེངས་ ༣༢ པ་དེ་ལ་དྭགས་བསོད་ནམས་གླིང་གཞིས་ཆགས་སུ་ཚོགས་གཏན་ཁེལ། The post ལ་དྭགས་བསོད་ནམས་གླིང་ས་གནས་སུ་རྒྱལ་ཡུམ་ཆེན་མོའི་རྩེད་འགྲན་ཐེངས་ ༣༢ པ་འཚོག་རྒྱུ་ཡིན་འདུག appeared first on བོད་ཀྱི་དུས་བབ།.

སྐབས་བཅོ་བརྒྱད་པའི་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་ནང་དོན་རིག་པའི་མཁས་པ་དང་སློབ་དཔོན་ཆེན་མོ་སྐུ་ཞབས་རོ་བྷེ་ཊི་ཐོར་མན་ལགས་དགུང་ལོ་  ༨༤ ཐོག་སྐུ་གྲོངས་པར་ཐུགས་གསོའི་འཕྲིན་ཡིག་ཕུལ།  The post སྤྱི་འཐུས་ཚོགས་གཙོ་མཆོག་གིས་སྐུ་ཞབས་རོ་བྷེ་ཊི་ཐོར་མན་ལགས་ཀྱི་ཤུལ་ལུས་ནང་མིར་ཐུགས་གསོ་གནང་།   appeared first on བོད་ཀྱི་དུས་བབ།.

རྒྱ་གར་གྱི་སྲིད་བློན་མོ་དྷི་མཆོག་ནས་ཨ་རིའི་བོད་རིག་པའི་མཁས་དབང་པདྨ་ཤྲི་རོ་བྷཊ་ཐར་མན་ལགས་སུ་རྗེས་དྲན་དང་ནང་མིར་ཐུགས་གསོ་གནང་བའི་ནང་། ནང་པའི་མཁས་དབང་ཆེན་མོ་དང་། ཕུལ་དུ་བྱུང་བའི་སློབ་དཔོན། རྒྱ་གར་གྱི་ཚེ་གང་གི་གྲོགས་པོ་དམ་པ་སྐུ་ཞབས་རོ་བྷཊ་ཐར་མན་ལགས་སྐུ་ཚེའི་འཕེན་པ་རྫོགས་པར་བློ་ཕམ་ཆེན་པོ་བྱུང་། ཁོང་གིས་རང་གི་ཕྱག་ལས་བརྒྱུད་ནས་ནང་པའི་ལྟ་གྲུབ་རྣམས་རྒྱལ་སྤྱིའི་ཐོག་ཁྱབ་སྤེལ་གནང་ཡོད་པ་མ་ཟད། ད་དུང་རིག་གཞུང་ཕན་ཚུན་དབར་ལ་རྒྱུན་གནས་ཐུབ་པའི་གོ་རྟོགས་ཀྱི་ཟམ་པ་བརྟན་པོ་ཞིག་བསྐྲུན་ཐུབ་ཡོད། ངོས་ནས་ལོ་ཤས་སྔོན་ནིའུ་ཡོག་གྲོང་ཁྱེར་དུ་ཁོང་དང་ལྷན་དུ་མཇལ་འཕྲད་ཀྱིས་གླེང་མོལ་ལྷུག་པོ་བྱུང་བ་འདི་རྣམས་ལ་དྲན་གསོ་བྱེད་བཞིན་ཡོད། ཡིད་སྐྱོ་བའི་སྐབས་དེར་ངོས་ནས་ཁོང་གི་ནང་མི་དང་། དགའ་ཉེ། དེ་བཞིན་ཁོང་ལ་གུས་བཀུར་ཞུ་མཁན་བཅས་ཚང་མར་ཐུགས་གསོའི་འཚམས་འདྲི་དང་བཅས་ཚང་མ་དང་ལྷན་དུ་ཡོད་ཅེས་...

ཁྱེད་ཀྱི་ལག་ཏུ་ཡོད་པའི་ཁ་པར་དེ་དང་། ཁྱེད་ཀྱི་ཁང་ཐོག་གི་ཉི་འོད་ཀྱི་གློག་སྒྲོམ། ཁྱེད་ཀྱིས་བེད་སྤྱོད་བྱེད་པའི་འཕྲུལ་ཆས་རེ་རེའི་ནང་དུ་ཡོད་པའི་གློག་ཀླད་ཀྱི་ཆ་ཤས་ chip དེ་དག་ཚང་མའི་ནང་དཀོན་པའི་རྒྱུ་ཆ་དྭངས་ཤེལ་ Quartz ཞེས་པའི་གཏེར་ཁ་དེ་བེད་སྤྱོད་བྱེད་ཀྱི་ཡོད་པས། རྒྱ་ནག་ལ་དེའི་ཐོན་ཁུངས་གསར་པ་ཞིག་བོད་ཀྱི་གཞིས་རྩེ་གཏིང་སྐྱེས་རྫོང་ནས་བརྙེད་འདུག འདི་ལོའི་ཕྱི་ཟླ་ ༤ ནང་རྒྱ་ནག་གཞུང་གིས་ཐད་ཀར་མཐུན་འགྱུར་འོག་རྒྱ་ནག་གི་ཚན་རིག་དང་བཟོ་རིག་སློབ་ཆེན་དང་རྒྱ་ནག་ས་གཤིས་ཞིབ་འཇུག་ཁང་གཉིས་ནས་ European Journal of Mineralogy ཞེས་ཡུ་རོབ་ཀྱི་གཏེར་རྫས་རིག་པའི་དུས་དེབ་ནང་ཞིབ་འཇུག་པས་ Quartz གཏེར་ཁ་དེ་བཞིན་བོད་གཏིང་སྐྱེས་རྫོང་དུ་གསར་རྙེད་བྱུང་ཡོད་སྐོར་བཀོད་པ་དང་འབྲེལ། གཏེར་རྫས་ལ་ལྷད་མེད་པའི་སྤུས་ཚད་ཀྱི་བརྒྱ་ཆ་ཉུང་ཐར་ ༩༩.༩༩ ཡན་ཡིན་པ་འདི་རྙེད་ཁག་པོ་ཡོད་པ་བརྗོད་འདུག་ཅི...

ཨ་རི་དང་ཨི་རན་གཉིས་དམག་འཁྲུག་མཚམས་འཇོག་གི་གན་རྒྱ་ཞིག་ཕྱིར་བསྒྲགས་བྱས་འདུག་ཅིང་། སང་ཉིན་སུད་སིའི་ཇི་ནི་ཝ་(Geneva)གྲོང་ཁྱེར་ནང་དམག་འཁྲུག་མཚམས་འཇོག་གི་གྲོས་མཐུན་ཞིག་ལ་མཚན་རྟགས་འགོད་རྒྱུ་རེད་འདུག The post ཉིན་གྲངས་༦༠ ནང་དམག་འཁྲུག་གཏན་དུ་མཚམས་འཇོག་མ་ཐུབ་ཚེ་བསྐྱར་དུ་འགོ་འཛུགས་བྱེད་ཆོག་བརྗོད། appeared first on བོད་ཀྱི་བང་ཆེན།.

ཁ་ཉིན་དབྱིན་ཡུལ་གྲོས་ཚོགས་འོག་མའི་ནང་ཡུལ་དེའི་ཕྱི་སྲིད་དྲུང་ཆེ་ལས་རོགས་མཆོག་ལ་བོད་དོན་དང་བོད་ཀྱི་ཁོར་ཡུག་གནད་དོན་ཐོག་འདྲི་རྩད་ནན་པོ་གནང་འདུག   དེ་ཡང་ཁ་ཉིན་ཕྱི་ཚེས་ ༡༦ ཉིན་རྒྱབ་དབྱིན་ཡུལ་གྲོས་ཚོགས་འཐུས་མི་གཉིས་ཀྱིས་ཡུལ་དེའི་ཕྱི་སྲིད་དྲུང་ཆེ་ལས་རོགས་མཆོག་ལ་བོད་དོན་དང་བོད་ཀྱི་ཁོར་ཡུག་གནས་སྟངས་སྤྱིའི་ཐོག་སེམས་འཚབ་དང་འབྲེལ་འདྲི་རྩད་རིམ་པ་གནང་ཡོད་པའི་ཁྲོད། དབྱིན་ཡུལ་གྱི་གྲོས་ཚོགས་འཐུས་མི་དང་བློན་ཆེན་ཟུར་པ་ Kerry McCarthy ལགས་ཀྱིས་བོད་ནང་རྒྱ་ནག་གི་གཏེར་ཁ་སྔོག་འདོན་དང་ཆུ་མཛོད་གསར་རྒྱག་གྱི་ལས་གཞི་ཁག་དང་གནམ་གཤིས་འགྱུར་ལྡོག་དབང་གིས་རྒྱལ་ཁབ་མང་པོར་ཤུགས་རྐྱེན་ཐེབས་སྲིད་པ་འགྲེལ་བརྗོད་ཀྱིས། དབྱིན་ཇི་རྒྱལ་ཁབ་ཀྱིས་རྒྱལ་སྤྱིའི་ཐོག་གནད་དོན་གང་འདྲ་བྱས་ནས་གླེང་སློང་བྱེད་ཐུབ་མིན་དང་ལྷག་པར་དུ་ས་གནས་བོད་མི་རྣམས་གྲོས་མོལ་འདིའི་ནང་མཉམ་ཞུགས་བྱེད་དགོས་པར་ཕྱི་སྲིད་དྲུང་ཆེས་མོས་མཐུན་གནང་གི་ཡོད་མེད་སྐོར་འདྲི་རྩད་གནང་འདུག སྐབས་དེར་ཕྱི་སྲིད་དྲུང་ཆེས་དབྱིན་ཇི་རྒྱལ་ཁབ་ཀྱིས་རྒྱ་ནག་དང་མཉམ་དུ་གནམ་གཤིས་དང་ཁོར་ཡུག་གི་གནད་དོན་ཐད་མུ་མཐུད་གྲོས་བསྡུར་བྱེད་མུས་ཡིན་ཞེས་དང་། འབྲེལ་བ་བྱེད་བཞིན་ཡོད་ཅེས། ཉེ་ཆར་རྒྱལ་ཁབ་གཉིས་ཀྱི་ཁོར་ཡུག་གྲོས་མོལ་སྐབས་རང་བྱུང་ཁོར་ཡུག་དང་སྐྱེ་དངོས་སྣ་མང་རང་བཞིན་སྲུང་སྐྱོབ་བྱེད་པར་མཉམ་ལས་བྱེད་རྒྱུའི་གྲོས་མཐུན་བྱུང་ཡོད་པའི་ལན་འདེབས་བསྐྱོན་འདུག མ་ཟད་འདྲི་རྩད་ཀྱི་ལས་རིམ་དེའི་ཐོག་དབྱིན་ཡུལ་གྲོས་ཚོགས་འཐུས་མི་དང་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ Ms. Wera Wobhouse ལགས་ཀྱིས་ཀྱང་ཁོང་གཙོས་དབྱིན་ཡུལ་གྲོས་ཚོགས་འཐུས་མི་ཁག་གཅིག་ཉེ་ཆར་བོད་མིའི་སྒྲིག་འཛུགས་ཀྱི་ལྟེ་གནས་བཞུགས་སྒར་རྡ་རམ་ས་ལར་གཞུང་འབྲེལ་གྱི་སྐུ་མགྲོན་ཐོག་ནས་བཅར་རྒྱུ་བྱུང་བའི་མྱོང་བ་འགྲེལ་བརྗོད་དང་འབྲེལ། སྒྲིག་འཛུགས་འདིའི་ངོས་ནས་བོད་ནི་ཕྱི་ཕྱོགས་ཀྱི་མི་སྣ་དང་གནས་ཚུལ་འགྲོ་འོང་ལ་ཕྱོགས་ཡོངས་ནས་བཀག་སྡོམ་བྱས་ཡོད་པར་བློ་འཚབ་གནང་གི་ཡོད་པ་དང་ཕྱི་གསལ་ནང་གསལ་མེད་པའི་གནས་སྟངས་འདིའི་རྐྱེན་གྱིས་བོད་ནང་ཁོར་ཡུག་གི་གནོད་འཚེ་ཚབས་ཆེ་ཐེབས་ཐུབ་པ་དང་དེས་འཛམ་གླིང་ཡོངས་ལའང་ཤུགས་རྐྱེན་ཐེབས་པའི་སྐོར་ལ་ཕྱི་སྲིད་དྲུང་ཆེ་མཆོག་ལ་དོ་སྣང་ཡོད་དམ་ཞེས་བཀའ་འདྲི་གནང་བར། ཁོང་གིས་ལྕམ་སྐུ་ཉིད་ཀྱིས་གནད་དོན་གལ་ཆེན་འདི་བཏོན་པར་ཐུགས་རྗེ་ཆེ་ཞུས་པ་དང་། བོད་ནང་ཁོར་ཡུག་གི་ལས་གཞི་ཆེན་པོ་དག་གི་རྐྱེན་པས་བོད་མི་རྣམས་བཙན་གྱིས་རང་གི་ཕ་མེས་ཀྱི་གྲོང་གསེབ་ནས་གཞན་དུ་གནས་སྤོ་བྱེད་དགོས་པའི་གནས་ཚུལ་ཐོན་པར་ཕྱི་སྲིད་ལས་ཁུངས་ངོས་ནས་བློ་འཚབ་བྱེད་བཞིན་ཡོད་ལ། བློ་འཚབ་ཀྱི་གནད་དོན་འདི་དག་ཐོག་ཁོང་ཚོས་མུ་མཐུད་དོ་སྣང་བྱེད་རྒྱུ་གལ་ཆེན་པོ་ཡིན་ཞེས་གསུངས་འདུག དེའི་ཁྲོད་ཁ་སང་དབྱིན་ཡུལ་གྲོས་ཚོགས་སུ་བོད་མི་དང་བོད་དོན་རྒྱབ་སྐྱོར་བ་མི་གྲངས་ ༢༦ ལས་གྲུབ་པའི་སྐུ་ཚབ་ཚོགས་ཆུང་ཞིག་གིས་གྲོས་ཚོགས་འཐུས་མི་དགུ་ལ་ངོ་བཅར་གྱིས་བོད་དོན་ཞུ་གཏུག་གི་ལས་འགུལ་སྤེལ་འདུག ཞུ་གཏུག་ལས་འགུལ་དེ་བཞིན་དབྱིན་ཡུལ་དང་བླངས་བོད་དོན་ཞུ་གཏུག་ཚོགས་པས་གོ་སྒྲིག་དང་དབྱིན་ཡུལ་རྒྱལ་ཡོངས་འབྲེལ་མཐུད་ལས་ཁང་གི་སྣེ་ཁྲིད་འོག་སྤེལ་འདུག་ཅིང་། དེར་དབྱིན་ཡུལ་སྐུ་ཚབ་དོན་ཁང་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་། བོད་དོན་ལས་འགུལ་ལྟེ་གནས་ཁང་། དབྱིན་ཡུལ་བོད་དོན་རྒྱབ་སྐྱོར་དང་ས་གནས་ཀྱི་བོད་རང་བཙན་སློབ་ཕྲུག་ཚོགས་པ་གཙོས་དབྱིན་ཡུལ་གྱི་བོད་མི་ཚོགས་པ་བཅས་ཀྱིས་རྒྱབ་སྐྱོར་གནང་ཐོག་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ལྷན་ཞུགས་གནང་འདུག   དེའི་སྐོར་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་སུ་ཞལ་པར་བརྒྱུད་བཀའ་འདྲི་ཞུས་ཡོད།  ཁ་སང་ལས་འགུལ་གྱི་ཆ་ཤས་སུ། མཉམ་ཞུགས་པ་རྣམས་ཀྱིས་དབྱིན་ཡུལ་གྲོས་ཚོགས་འཐུས་མི་ཁག་བདུན་ཙམ་དང་ཐུག་འཕྲད་གནང་སྟེ། རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ལ་ངོ་རྒོལ་བྱས་ཏེ་དེས་བོད་མིའི་ངོ་བོ་དང་རིག་གཞུང་། སྐད་དང་ཆོས་དད་བཅས་ལ་གནོད་སྐྱོན་ཚབས་ཆེན་གཏོང་གི་ཡོད་པས་ཕྱིར་འཐེན་དགོས་པ་དང་། བོད་ནང་གི་བཅའ་སྡོད་སློབ་གྲྭ་ཁག་གིས་བོད་པའི་བྱིས་པ་རྣམས་རང་གི་རིག་གཞུང་དང་སྐད་ཡིག་ལས་ཁ་བྲལ་དུ་འཇུག་པ་དང་བྱིས་པའི་ཐོབ་ཐང་དང་འགལ་གྱི་ཡོད་པའི་གནས་ཚུལ་སྐོར་གྲོས་ཚོགས་ནང་དྲི་བ་འདོན་དགོས་པ། ལྷག་པར་དུ་༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཡང་སྲིད་ངོས་འཛིན་བྱེད་རྒྱུའི་ཐོབ་ཐང་ལ་རྒྱབ་སྐྱོར་གནང་བ་དང་། རྒྱ་ནག་གཞུང་གིས་བརྒྱུད་རིམ་འདིའི་ནང་ཐེ་བྱུས་བྱེད་རྒྱུར་ངོ་རྒོལ་བྱེད་དགོས་པའི་འབོད་སྐུལ་དོན་ཚན་གསུམ་ཆེད་འདོན་གནང་འདུག ཐེངས་འདིའི་བོད་དོན་ཞུ་གཏུག་ཁྲོད་མཉམ་ཞུགས་བ་ཚོས་གྲོས་ཚོགས་འཐུས་མི་ Vicky...

[དྷ་རམ་སར།] ཕྱིི་ལོ་༢༠༢༦ ཟླ་༦ ཚེས་༡༧ ཉིན། རྒྱ་གཞུང་གིས་བོད་མིའི་ཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་རྩ་མེད་བཟོས་ཏེ། བོད་མི་རྣམས་རྒྱ་ནག་ཅན་དུ་བསྒྱུར་རྒྱུའི་བཙན་དབང་གི་ལག་ཆ་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས་ཟེར་བ་དེ་ཉིད་དངོས་སུ་ལག་བསྟར་བྱེད་ལ་ཉེ་བར་བརྟེན། ད་ལྟ་བོད་ཀྱི་མཚོ་སྔོན་ཞིང་ཆེན་ནང་དྲིལ་བསྒྲགས་དང་གསོ་སྦྱོང་གི་ལས་གཞི་ཤུགས་ཆེན་འགོ་བཙུགས་ཡོད་འདུག The post རྒྱ་གཞུང་གིས་“མི་རིགས་མཐུན་སྒྲིལ་ཁྲིམས་ཡིག་”ཟེར་བ་དངོས་སུ་ལག་བསྟར་ཆེད་གསོ་སྦྱོང་འཛིན་གྲྭ་བསྡུས། appeared first on བོད་ཀྱི་བང་ཆེན།.

ཧྥ་རན་སིའི་ནང་རྒྱ་ནག་གི་ཤུགས་རྐྱེན་ཇེ་མང་དུ་འགྲོ་བཞིན་པར་གདོང་ལེན་ཆེད་དུ།  ཧྥ་རན་སིའི་ནང་སྲིད་ལས་ཁུངས་ཀྱིས་འདས་པའི་ལོ་གཅིག་རིང་ཞིབ་འཇུག་བྱས་རྗེས།  ཡུལ་དེའི་ནང་ཁྲིམས་འགལ་ཐོག་རྒྱ་གཞུང་གི་ཁེ་ཕན་ཆེད་དུ་ལས་འགུལ་སྤེལ་བཞིན་པའི་རྒྱ་རིགས་གསང་བའི་ཉེན་རྟོག་ཁང་དགུ་འཛིན་བཟུང་གིས་སྒོ་བརྒྱབ་འདུག དེ་ཡང་དེ་རིང་ཕྱི་ཚེས་ ༡༨ ཉིན་ཧྥ་རན་སི་ནང་གི་ Le Monde བརྒྱུད་ལམ་ཐོག་སྤེལ་བའི་གནས་ཚུལ་ནང་གསལ་ལྟར་ན།  ཧྥ་རན་སིའི་ནང་དུས་རྒྱུན་ཨུ་རུ་སུ་དང་ཨི་རན་ལྟ་བུའི་རྒྱལ་ཁབ་ནས་ཐེ་བྱུས་ཀྱི་ཉེན་ཁ་ཡོད་བཞིན་པ་དེ་ལྟར་ཡང་།  བར་ལམ་ཡུལ་དེའི་ནང་རྒྱ་ནག་གི་ཤུགས་རྐྱེན་ཇེ་ཆེར་འགྲོ་བཞིན་པའི་ཁྲོད།  ཧྥ་རན་སིའི་ནང་སྲིད་ལས་ཁུངས་ཀྱིས་འདས་པའི་ལོ་ངོ་གཅིག་ཙམ་རིང་ཞིབ་འཇུག་བྱས་པའི་གྲུབ་དོན་དུ།  ཡུལ་དེའི་ནང་རྒྱ་རིགས་ཁག་གཅིག་གིས་ཞབས་ཞུ་ཁང་དང་རིག་གཞུང་ལྟེ་གནས་སོགས་ཚོགས་པ་འདྲ་མིན་གྱི་མིང་བྱང་འོག་རྒྱ་གཞུང་དང་འབྲེལ་བ་ཡོད་པའི་གསང་བའི་ཉེན་རྟོག་ཁང་བརྒྱུད།  ཁུལ་དེར་གཏན་སྡོད་བྱེད་མཁན་རྒྱ་རིགས་མི་སྣར་ལྟ་ཞིབ་དང་རྒྱ་གཞུང་ལ་ངོ་རྒོལ་བྱེད་མཁན་གྱི་རྒྱ་རིགས་རྣམས་བཙན་ཤེད་ཀྱིས་རྒྱ་ནག་ཏུ་ཕྱིར་ལོག་བྱེད་དུ་བཅུག་གི་ཡོད་པ་ཐེར་འདོན་གནང་འདུག་ལ།  འདི་ལོའི་འགོ་སྟོད་དུ་ཡུལ་དེའི་ནང་རྒྱ་གཞུང་གི་ཁེ་ཕན་ཆེད་དུ་ལས་འགུལ་སྤེལ་བཞིན་པའི་རྒྱ་རིགས་གསང་བའི་ཉེན་རྟོག་ཁང་དགུ་འཛིན་བཟུང་གིས་སྒོ་བརྒྱབ་འདུག ཧྥ་རན་སིའི་ནང་སྲིད་ལས་ཁུངས་ཀྱིས་བརྗོད་དོན་ལྟར་ན།  རྒྱ་གཞུང་དང་འབྲེལ་བ་ཡོད་པའི་གསང་བའི་ཉེན་རྟོག་ཁང་དེ་དག་བརྒྱུད་ཁྲིམས་མཐུན་མིན་པའི་ལས་འགུལ་སྤེལ་མཁན་རྒྱ་རིགས་མི་སེར་ཡིན་པ་འགོ་གཙོ་གསུམ་འཛིན་བཟུང་བྱས་ཡོད་པ་དང་།  དེ་དག་ཁོངས་ནས་འགོ་གཙོ་གཉིས་ཡུལ་དེ་ནས་ཕྱིར་འབུད་བཏང་ཟིན་ཡོད་པ་མ་ཟད།  འགོ་གཙོ་གསུམ་པ་རང་ལོ་ ༥༧ ཡིན་པ་ Ni Chaowen ནས་ཀྱང་ཧྥ་རན་སི་ནང་ Fujian Association of Industrialists and Merchants (FAIM) ཞེས་ཚོང་དོན་དང་འབྲེལ་བའི་ཚོགས་པའི་མིང་བྱང་འོག་གསང་བའི་ཉེན་རྟོག་ལས་ཁུངས་ཀྱི་བྱ་འགུལ་སྤེལ་བཞིན་ཡོད་པར་ར་འཕྲོད་བྱུང་ཡོད་དུས།  ཉེ་ཆར་ཕྱི་ཚེས་ ༩ ཉིན་ཧྥ་རན་སིའི་ནང་གི་ཆེས་མཐོའི་ཁྲིམས་ཁང་དུ་སྤྱི་དམངས་སྐུ་ཚབ་ངོས་ནས་ཀྱང་ཁོ་པས་ནག་ཉེས་བསགས་ཡོད་པར་ཡུལ་དེ་ནས་ཕྱིར་འབུད་བྱེད་རྒྱུར་རྒྱབ་སྐྱོར་བྱས་འདུག མ་ཟད་ཧྥ་རན་སིའི་ནང་སྲིད་ལས་ཁུངས་ཀྱིས།  ཁྲིམས་མཐུན་མིན་པའི་གསང་བའི་ཉེན་རྟོག་ལས་ཁུངས་འདི་དག་ནི་རྒྱ་ནག་གི་ཧྥ་རན་སིའི་ནང་ཐེ་བྱུས་རྒྱ་སྐྱེད་གཏོང་བའི་ལས་འགུལ་ཞིག་ཡིན་པ་མ་ཟད།  སྤྱི་ཚོགས་ཞབས་ཞུ་སོགས་ཀྱི་ཚོགས་པའི་མིང་བྱང་འོག་གཉེར་བཞིན་པའི་ཉེན་རྟོག་ཁང་འདི་དག་ Ministry...

བྷོལ་ཊིཀ་ (Baltic) རྒྱལ་ཁབ་གསུམ་གྱི་གྲོས་ཚོགས་འཐུས་མི་རྣམས་ཀྱིས་ཡུ་རོབ་མཐུན་ཚོགས་ཀྱི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་གནང་རྒྱུར་འབོད་སྐུལ་ཞུས། The post མི་རིགས་མཐུན་སྒྲིལ་ཡར་ཐོན་ཟེར་བར་ངོས་ལེན་མེད་པའི་གྲོས་ཆོད་འདོན་རྒྱུའི་འབོད་སྐུལ་ཞུས། appeared first on བོད་ཀྱི་དུས་བབ།.

ཨ་རི་དང་ཨི་རན་གཉིས་གྲོས་མཐུན་དོན་ཚན་བཅུ་བཞི་ཡི་དགོངས་དོན་བཞིན་ཕན་ཚུན་མཉམ་ལས་དང་དམག་འཁྲུག་མཚམས་འཇོག་བྱ་རྒྱུ་ཡིན་འདུག The post ཨ་རི་དང་ཨི་རན་བར་དམག་འཁྲུག་མཚམས་འཇོག་བྱ་རྒྱུའི་གྲོས་མཐུན་བྱུང་། appeared first on བོད་ཀྱི་དུས་བབ།.

༧གོང་ས་རྒྱལ་བ་རིན་པོ་ཆེ་མཆོག་ནས་ནང་དོན་རིག་པའི་མཁས་པ་དང་སློབ་དཔོན་ཆེན་མོ་སྐུ་ཞབས་སྐུ་ཞབས་རོ་བྷེ་ཊི་ཐོར་མན་ལགས་དགུང་ལོ་  ༨༤ ཐོག་སྐུ་གྲོངས་པར་ཐུགས་གསོའི་གསུང་འཕྲིན་བསྩལ། The post ༧གོང་ས་མཆོག་ནས་སྐུ་ཞབས་རོ་བྷེ་ཊི་ཐོར་མན་ལགས་ཀྱི་ཤུལ་ལུས་ནང་མིར་ཐུགས་གསོ་མཛད།  appeared first on བོད་ཀྱི་དུས་བབ།.

ཕྱི་ལོ་༢༠༢༦ ཟླ་༦ ཚེས་༡༦ ཉིན་གྱི་ཆུ་ཚོད་༡༧ སྐར་མ་༦ གི་སྟེང་དུ་མཚོ་སྔོན་མཚོ་ནུབ་ཁུལ་ཐད་གཏོགས་ཆུས་སུ་རིམ་པ་༦།༣ ཅན་གྱི་ས་ཡོམ་བརྒྱབ་སྟེ་མི་གཅིག་གི་ཚེ་སྲོག་ཤོར་ཞིང་། མི་བརྒྱད་ལ་རྨས་སྐྱོན་ཕོག་ཡོད་པའི་གནས་ཚུལ་ཐོན་ཡང་། རྒྱ་གཞུང་གི་དམ་དྲག་ལ་བརྟེན་ནས་ཞིབ་ཕྲའི་གནས་ཚུལ་ད་དུང་ཤེས་རྟོགས་བྱུང་མེད། The post མཚོ་སྔོན་མཚོ་ནུབ་ཁུལ་དུ་རིམ་པ་༦།༣ ཅན་གྱི་ས་ཡོམ་བརྒྱབ། appeared first on བོད་ཀྱི་བང་ཆེན།.

༧གོང་ས་མཆོག་ཁོང་སྐུ་སྒེར་གྱི་ཡུན་རིང་ནས་གྲོགས་པོ་ཡིན་པའི་རོ་བྷཊ་ཐུར་མན་སྐུ་གཤེགས་པའི་གནས་ཚུལ་གསན་རྗེས་ཐུགས་གསོ་གསུང་འཕྲིན་ཞིག་ཁོང་གི་ནང་མི་གནང་འདུག The post ༧གོང་ས་མཆོག་གིས་རོ་བྷཊ་ཐུར་མན་སྐུ་གཤེགས་པར་ཐུགས་གསོ་གསུང་འཕྲིན་གནང་འདུག appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༡༧ ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སློབ་དཔོན་ཆེན་མོ་སྐུ་ཞབས་རོ་བྷཊ་ཐར་མན་ ( Robert Thurman ) ལགས་དགོངས་པ་རྫོགས་པར་དམ་པ་ཁོང་གི་སྐུ་ཟླ་ནི་ནཱ་ཐར་མན་ (Nena Thurman) ལགས་དང་ནང་མིའི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་ཕུལ་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་ཐུགས་གསོའི་འཕྲིན་ཡིག་ནང་འཁོད་དོན། སློབ་དཔོན་ཆེན་མོ་སྐུ་ཞབས་རོ་བྷཊ་ཐར་མན་ལགས་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོས་པར་བློ་ཕམ་ཆེན་པོ་བྱུང་བ་དང་སྦྲགས། བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་སྐུ་ཉིད་ཀྱི་ནང་མི་ཉེ་འབྲེལ་ཡོངས་ལ་ཐུགས་གསོ་གནང་ཡོད། དེ་བཞིན་དམ་པ་ཁོང་ནི་ནུབ་ཕྱོགས་རྒྱལ་ཁབ་ཏུ་བོད་བརྒྱུད་ནང་བསྟན་སྤེལ་མཁན་ཐོག་མ་དང་ཤུགས་རྐྱེན་ཆེ་ལྡན་པའི་མི་སྣ་ཞིག་ཡིན་པ་མ་ཟད། ལོ་ངོ་དྲུག་བཅུ་ལྷག་གི་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དད་ལྡན་རྗེས་འབྲང་བ་ཞིག་དང་བློས་ཐུབ་གྲོགས་པོ་ཞིག་ཡིན་ཞིང་། བོད་བརྒྱུད་ནང་བསྟན་གྱི་ཤེས་རབ་དང་རིན་ཐང་དག་འཛམ་གླིང་ཁྱོན་ཡོངས་སུ་སྤེལ་རྒྱུའི་ཆེད་སྐུ་ཚེ་ཧྲིལ་པོར་ཆོད་སེམས་བརྟན་པོས་སྐུ་ལས་བསྐྱོན་གནང་ཡོད་པ་གསུངས། དམ་པ་ཁོང་གིས་ནུབ་ཕྱོགས་ཀྱི་སློབ་གཉེར་ཁང་གི་ནང་བོད་བརྒྱུད་ནང་བསྟན་གྱི་སློབ་སྦྱོང་གི་རྨང་གཞི་འདིང་རྒྱུར་ནུས་པ་ཆེན་པོ་བཏོན་ཡོད་པ་དང་། ཀོ་ལོམ་བི་ཡ་གཙུག་ལག་སློབ་ཁང་གི་རྒྱ་གར་དང་བོད་ཀྱི་ནང་པའི་རིག་གཞུང་གི་སློབ་དཔོན་ཆེན་མོ་དང་། ཨ་རིར་རྟེན་གཞི་བྱས་པའི་བོད་ཁང་དང་བོད་ཀྱི་གསོ་རིག་བཅོས་ཐབས་ཀྱི་ལྟེ་གནས་ (Menla Retreat) ཐོག་མར་གསར་འཛུགས་གནང་མཁན་ཡིན་པ་མ་ཟད། ཁོང་གི་རླབས་ཆེ་བའི་མཛད་རྗེས་ལ་བརྟེན་ནས་ཕྱི་ལོ་ ༢༠༢༠ ལོར་རྒྱ་གར་གྱི་གཟེངས་རྟགས་མཐོ་ཤོས་གྲས་པདྨ་ཤྲཱི་གཟེངས་རྟགས་ (Padma Shri Award) དམ་པ་ཁོང་ལ་ཐོབ་ཡོད་ཅེས་གསུངས། དཔལ་ལྡན་སྲིད་སྐྱོང་མཆོག་གིས་སློབ་དཔོན་ཆེན་མོ་སྐུ་ཞབས་རོ་བྷཊ་ཐར་མན་ལགས་ནི་བོད་དོན་ཐོག་གཡོ་མེད་རྒྱབ་སྐྱོར་གནང་མཁན་ཞིག་དང་། དམ་པ་ཁོང་གི་གསུང་རྩོམ་དང་། གསུང་བཤད། མང་ཚོགས་དང་འབྲེལ་མོལ།...

བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གིས་གོ་སྒྲིག་འོག་ཨ་རི་དང་ཁེ་ཎ་ཌའི་བོད་རིགས་སྤྱི་མཐུན་ཚོགས་པའི་ཁྱབ་ཁོངས་ཀྱི་གཟའ་མཇུག་བོད་ཡིག་སློབ་གྲྭ་ཁག་གི་དགེ་རྒན་དང་ཕ་མ་རྣམས་ལ། གནའ་དེང་གཉིས་ཀྱི་ཐོག་ནས་སློབ་ཁྲིད་བྱེད་ཐབས་ལ་སོགས་པའི་སྐོར་ལ་དམིགས་བསལ་གྱི་ཟབ་སྦྱོང་ཞིག་གནང་ཡོད། ད་རེས་ཀྱི་ཟབ་སྦྱོང་འདི་ནི་བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐོག་གཏན་འབེབས་གནང་བའི་གྲོས་ཆོད་གཞིར་བཟུང་ལག་བསྟར་གནང་བ་ཞིག་ཆགས་འདུག

༸གོང་ས་མཆོག་གིས་རོ་བྷཊ་ཐར་མཱན་ལགས་དགོངས་པ་རྫོགས་པར་ཐུགས་གསོ་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་ཀྱི་བློས་ཐུབ་གྲོགས་པོ་སློབ་དཔོན་ཆེན་མོ་ Robert Thurman ལགས་དགོངས་པ་རྫོགས་པར་ཐུགས་ཕམ་ཆེན་པོ་མཛད་པ་དང་འབྲེལ། སྐུ་ཚེ་གང་པོར་འགྲོ་བ་མིའི་བདེ་ཐབས་ལ་ཞབས་ཞུ་གྲུབ་པའི་དགེ་བའི་མཐུ་ལས་མི་རབས་ནས་མི་རབས་རྣམས་སུའང་འབྲས་བུ་སྨིན་ངེས་ཡིན་པ་བཀའ་སྩལ་མཛད་འདུག དེ་ཡང་དེ་རིང་ཚེས་ ༡༧ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་དམ་པ་ཁོང་གི་སྐུ་ཟླ་ Nena Thurman ནི་ནཱ་ཐར་མཱན་ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་སྩལ་འདུག་པ་དེའི་ནང་། ཁོང་དགོངས་པ་རྫོགས་པའི་གནས་ཚུལ་ཐོས་འཕྲལ་མགོན་པོ་༸གང་ཉིད་མཆོག་ཐུགས་ཕམ་ཆེན་པོ་མཛད་བཞིན་ཡོད་ཅིང་། ཕྱི་ལོ་ ༡༩༦༠ ལོ་མཇུག་ཙམ་ནས་རྒྱ་གར་ནང་ཁོང་དང་མཇལ་འཕྲད་ཐོག་མ་བྱུང་བ་ནས་བཟུང་ལོ་མང་པོའི་རིང་བློས་ཐུབ་ཀྱི་གྲོགས་པོར་གནས་ཡོད་ཅིང་། ཁོང་ནི་ནང་དོན་རིག་པའི་མཁས་པ་ཞིག་ཡིན་པའི་ཆ་ནས་མཁྱེན་གཟབ་པོ་ཡོད་པར་བསྔགས་བརྗོད་དང་འབྲེལ། བོད་ཀྱི་སྐད་ཡིག་ལའང་བྱང་ཆུབ་པ་ཞིག་ཡིན་པ་མ་ཟད། རང་ཉིད་ཀྱི་ཆེད་ལས་ཐོག་ནས་སྐུ་ཚེ་གང་པོར་གཞན་ལ་ཤེས་ཡོན་དེ་དག་བརྒྱུད་སྤེལ་དང་། རྩོམ་རྩལ་དང་སློབ་སྟོན་གྱི་ལམ་ནས་རང་ཉིད་ཀྱི་སློབ་ཕྲུག་ཙམ་མིན་པར་རྒྱ་ཆེ་ས་ནས་ཕན་ཐོགས་ཆེན་པོ་གྲུབ་ཡོད་པ་བཀའ་སྩལ་འདུག ལྷག་པར་དམ་པ་ཁོང་གིས་བོད་བརྒྱུད་ནང་བསྟན་རིག་གཞུང་གི་འཚོ་གནས་དེ་མ་འོངས་བོད་ཀྱི་གནས་བབ་དང་ཁ་བྲལ་ཐབས་མེད་པ་ཞིག་ཡིན་པ་ངེས་པ་གཏིང་གཟབ་རྙེད་ཡོད་པ་མ་ཟད། ཨ་རིར་རྟེན་གཞིས་བྱས་པའི་བོད་ཁང་ལྟ་བུའི་བརྒྱུད་ནས་བོད་མི་རིགས་དང་བོད་ཀྱི་རིག་གཞུང་ཆེད་དུ་བྱས་རྗེས་རླབས་པོ་ཆེ་བཞག་ཡོད་པས་མགོན་པོ་༸གང་ཉིད་མཆོག་གིས་དེར་རིན་ཐང་ཧ་ཅང་ཆེན་པོ་བརྩི་བཞིན་ཡོད་ཅེས་བཀའ་སྩལ་འདུག དམ་པ་ཁོང་གིས་མི་ཚེ་དོན་དང་ལྡན་པ་ཞིག་བསྐྱལ་ཡོད་ཅིང་། མ་འོངས་བོད་བརྒྱུད་ནང་བསྟན་གྱི་སློབ་མ་རྣམས་ལ་སེམས་སྐུལ་ཐེབས་པའི་མཛད་རྗེས་བཞག་ཡོད་པ་དང་། སྐུ་ཚེ་གང་པོར་འགྲོ་བ་མིའི་བདེ་ཐབས་ལ་ཞབས་ཞུ་གྲུབ་པའི་དགེ་བའི་མཐུ་ལས་མི་རབས་ནས་མི་རབས་རྣམས་སུའང་འབྲས་བུ་སྨིན་ངེས་ཡིན་པ་བཀའ་སྩལ་འདུག རྩ་བའི་ཁ་སང་ཕྱི་ལོ་ ༢༠༢༦ ཟླ་ ༦ ཚེས་ ༡༦ ཉིན་གྱི་སྔ་དྲོ་ཁོང་ཨ་རིའི་ནིའུ་ཡོག་གི་ Woodstock གྲོང་སྡེ་རུ་དགུང་གྲངས་ ༨༤ ཐོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད། སྐུ་ཞབས་རོ་བྷཊ་ཐར་མཱན་ལགས་ནི་ཕྱི་ལོ་ ༡༩༤༡ ཟླ་ ༨...

བོད་མཚོ་ལྷོ་ཁུལ་གྱི་ཆབ་ཆ་རྫོང་དང་། ཁྲི་ཀ་རྫོང་། མང་རྫོང་། འབའ་རྫོང་། བྲག་དཀར་རྫོང་སོགས་ཀྱི་རྫོང་རིམ་པ་དང་གྲོང་བརྡལ་རིམ་པའི་ནང་དུ་ཆོས་དད་རང་མོས་ལ་བཀག་འགོག་དང་དཀའ་ངལ་བཟོ་བཞིན་པའི་གནས་ཚུལ་ཐོན་འདུག འདི་ག་རླུང་འཕྲིན་ཁང་ལ་བོད་ནང་གི་འབྲེལ་ཡོད་བརྒྱུད་གནས་ཚུལ་ཤེས་རྟོགས་བྱུང་བ་ལྟར་ན། མཚོ་ལྷོ་ས་ཁུལ་མང་ཆེ་བའི་བོད་རིགས་ལས་བྱེད་རྣམས་དགོན་པའི་ནང་དུ་འགྲོ་མི་ཆོག་པ་དང་། སློབ་མ་ཚོ་གུང་སེང་སྐབས་སུ་དགོན་པའི་ནང་དུ་མཆོད་མཇལ་འཁྲིད་མི་ཆོག་པའི་སྒྲིག་ཁྲིམས་བཟོས་ཡོད་པ་མ་ཟད། འདི་ལོ་ནས་བཟུང་འགོ་ཁྲིད་གསར་པ་ཞོང་ཡོན་ལཡེ་ཟེར་བས་མ་ཎི་རྡོ་འབུམ་བཤིག་པ་དང་། སྒོ་དར་དང་དར་ལྕོག་མེར་བསྲེགས་པ། ཏང་གི་བཀའ་གསུང་གཙུགས་འཛིན་ཟེར་བའི་སྲིད་ཇུས་ལག་བསྟར་བྱས་ཡོད་པ་གསུང་གིན་འདུག དེ་བཞིན་མཚོ་ལྷོ་ཁུལ་གྱི་རྫོང་ཁག་ནང་མ་ཎི་རྡོ་འབུམ་བརྒྱ་ཕྲག་ཡོད་པ་དང་མང་ཆེ་བ་བཤིག་ཡོད་ཅིང་། རླུང་རྟ་དང་དར་ལྕོག ཁྱིམ་ཚང་རེ་རེའི་ཁང་མདུན་གྱི་དར་ཤིང་སོགས་བཀོག་ནས་མེར་བསྲེགས་བཏང་བ། ད་ལྟ་མཚོ་ལྷོ་ས་ཁུལ་དུ་དར་ལྕོག་དང་དར་ཤིང་འཚོང་མཁན་གྱི་ཚོང་ཁང་རྣམས་ལ་ཡང་ཉོ་ཚོང་བྱེད་མི་ཆོག་པའི་བཙན་བཀའ་བཏང་ཡོད་པ་འགྲེལ་བརྗོད་གནང་གིན་འདུག ཡང་བོད་ནང་གི་འབྲེལ་ཡོད་ཅིག་གིས། སྤྱིར་རྒྱ་གཞུང་གི་བྱེད་སྟངས་འདི་མཚོ་ལྷོ་གཅིག་པོ་མིན་པར་བོད་ཁམས་ཡོངས་སུ་ལག་བསྟར་བྱེད་བཞིན་པ་ཞིག་དང་། ལོ་སྔོན་མར་མགོ་ལོག་ཁུལ་དྲུག་ཆེན་སུམ་མདོའི་ཉེ་འཁྲིས་སུ་ཡོད་པའི་མ་ཎིའི་དར་ཆེན་ཞིག་ཡོད་པ་དགུན་དུས་སུ་མེ་སྐྱོན་དང་། ཁོར་ཡུག་གཙང་བཟོའི་ལས་འགུལ་ལ་ཁ་གཡར་ནས་གཞུང་གི་འབྲེལ་ཡོད་སྡེ་ཁག་གི་ལས་བྱེད་མི་སྣས་མེར་བསྲེགས་གཏོང་སྐབས། ས་གནས་བོད་པ་ཚོས་བརྙན་བླངས་ཏེ། དྲྭ་ལམ་དུ་བརྒྱུད་བསྐུར་བྱས་རྗེས། གཞུང་འབྲེལ་ལས་བྱེད་སྐོར་ཞིག་ཡུལ་དེར་དངོས་སུ་སླེབས་ནས་མ་ཎི་དར་ལྕོག་ཕོན་ཆེན་པོ་ཡོད་པའི་ས་གནས་ཁག་ལ་མེ་སྐྱོན་སྔོན་འགོག་དང་། ཁོར་ཡུག་གཙང་བཟོ་བྱ་དགོས་ཚུལ་གྱི་བཀའ་ཁྱབ་བཏང་ཡོད་སྐོར་འགྲེལ་བརྗོད་གནང་སོང་། རྩ་བའི་མཚོ་ལྷོ་ཁུལ་གྱི་ཞོང་ཡོན་ལཡེ་ཟེར་བའི་རྒྱ་རིགས་འགོ་ཁྲིད་དེ་དེ་སྔོན་མཚོ་སྔོན་ཞིང་ཆེན་ཡུལ་ཤུལ་རྫོང་གི་རྫོང་དཔོན་གཞོན་པ་དང་མཚོ་སྔོན་ཞིང་ཆེན་སྲིད་གཞུང་སྲིད་དོན་ཞབས་ཞུ་དང་སྤྱི་སྤྱོད་ཐོན་ཁུངས་ཉོ་ཚོང་ལྟེ་གནས་ཀྱི་གཞི་རྩའི་འཛུགས་སྐྲུན་གཞུང་ལས་ཁང་གི་འགན་འཛིན། དེ་བཞིན་མཚོ་སྔོན་ཞིང་ཆེན་རྨ་ལྷོ་རྫོང་གི་རྫོང་དམར་ཤོག་དྲུང་ཆེ་དང་མཚོ་སྔོན་ཞིང་ཆེན་མགོ་ལོག་ཁུལ་དམར་ཤོག་ཚོགས་པའི་དྲུང་ཆེ་སོགས་བྱས་མྱོང་ཡོད་པ་རེད། The post རྒྱ་གཞུང་གིས་མཚོ་ལྷོ་བོད་རིགས་ས་ཁུལ་གྱི་ཆོས་དད་རང་མོས་ལ་བཀག་འགོག་དང་དཀའ་ངལ་བཟོ་བཞིན་པ། appeared first on vot.

སྒྲུབ་བརྒྱུད་བསྟན་པའི་མངའ་བདག་༸དཔལ་རྒྱལ་བའི་དབང་པོ་སངས་རྒྱས་ཀརྨ་པ་ཨོ་རྒྱན་འགྲོ་འདུལ་ཕྲིན་ལ་དབང་གི་རྡོ་རྗེ་མཆོག་བོད་ལུགས་ལྟར་དགུང་གྲངས་ ༤༢ དང་ཕྱི་ལུགས་ལྟར་དགུང་གྲངས་ ༤༡ ལ་ཕེབས་པའི་སྐུའི་འཁྲུངས་སྐར་ཉིན་གང་ཉིད་ཀྱི་གདན་ས་རུམ་བཏེག་དང་བཞུགས་སྟོད་གྲྭ་ཚང་གཙོས་པའི་ཕྱི་ནང་གི་དད་ལྡན་རྣམ་པས་རིན་པོ་ཆེ་མཆོག་གི་འཁྲུངས་སྐར་སྲུང་བརྩི་གཟབ་རྒྱས་ཞུས་ཡོད་པ་རེད། དེ་ཡང་བོད་ཟླ་ ༥ ཚེས་ ༡ སྟེ། ཕྱི་ཟླ་ ༦ ཕྱི་ཚེས་ ༡༦ ཉིན་འབྲས་ལྗོངས་ནང་དུ་རྟེན་གཞིས་བྱས་པའི་༸དཔལ་རྒྱལ་དབང་ཀརྨ་པ་གང་ཉིད་ཀྱི་གདན་ས་རུམ་བཏེག་བཤད་སྒྲུབ་ཆོས་འཁོར་གླིང་དུ་༸སྐྱབས་རྗེ་རྒྱལ་བའི་རྒྱལ་ཚབ་དྲུང་གོོ་ཤྲི་རིན་པོ་ཆེ་མཆོག་དབུ་བཞུགས་ཐོག སྐུ་མགྲོན་གཙོ་བོར་འབྲས་ལྗོངས་མངའ་སྡེ་གཞུང་གི་སྤྱི་ཁྱབ་བློན་ཆེན་ Prem Singh Tamang པྲེམ་སིང་རྟ་མང་མཆོག་དང་དབུས་པའི་མངའ་སྡེ་གཞུང་གི་དགོན་གནས་བློན་ཆེན་བསོད་ནམས་བླ་མ་ལགས། མངའ་སྡེའི་གནད་ཡོད་སྐུ་མགྲོན་གཞན་ཁག་གཅིག་དང་སེར་སྐྱ་མང་ཚོགས་བཅས་ལྷན་ཞུགས་ཐོག་སྐུའི་འཁྲུངས་སྐར་སྲུང་བརྩི་ཞུས་འདུག མཛད་སྒོའི་ཐོག་༸སྐྱབས་རྗེ་རྒྱལ་བའི་རྒྱལ་ཚབ་དྲུང་གོོ་ཤྲི་རིན་པོ་ཆེ་མཆོག་དང་སྤྱི་ཁྱབ་བློན་ཆེན་མཆོག་ནས་༸རྒྱལ་དབང་མཆོག་གི་བཞུགས་ཁྲིར་མཎྜལ་རྟེན་གསུམ་འདེགས་འབུལ་ཞུས་ཡོད་པ་དང་འབྲེལ། ༸སྐྱབས་རྗེ་རྒྱལ་བའི་རྒྱལ་ཚབ་དྲུང་གོོ་ཤྲི་རིན་པོ་ཆེ་མཆོག་གིས་བཀའ་སློབ་གསུང་བཤད་ཁྲོད། ༸དཔལ་རྒྱལ་དབང་ཀརྨ་པ་རིན་པོ་ཆེ་མཆོག་ལ་སྐུའི་འཁྲུངས་སྐར་གྱི་འཚམས་འདྲི་ཞུས་པ་དང་འབྲེལ། སྐུ་ཚེ་ཞབས་པད་བརྟན་པ་དང་ཐུགས་བཞེད་ལྷུན་གྱིས་གྲུབ་པ་མ་ཟད། མྱུར་དུ་གདན་ས་རུམ་བཏེག་བཤད་སྒྲུབ་ཆོས་འཁོར་གླིང་དུ་ཞབས་སོར་འཁོད་ཐུབ་པའི་ཐུགས་སྨོན་ཞུས་འདུག མངའ་སྡེའི་སྤྱི་ཁྱབ་བློན་ཆེན་མཆོག་གིས་༸རྒྱལ་དབང་མཆོག་གི་འཁྲུངས་སྐར་དང་བསྟུན་ནས་དྲ་ཐོག་ཏུ། ད་རེས་འཁྲུངས་སྐར་ཉིན་གང་ཉིད་ཀྱི་གདན་ས་རུམ་བཏེག་ཏུ་༸སྐྱབས་རྗེ་རྒྱལ་ཚབ་དྲུང་གོོ་ཤྲི་སྐུ་ཕྲེང་ ༡༢ པ་དབུ་བཞུགས་ཐོག་བཅར་རྒྱུ་བྱུང་བ་དགའ་ཚོར་དང་བསོད་ནམས་ཆེན་པོ་བྱུང་ཞེས་གསུངས་བ་དང་འབྲེལ། སྐྱེས་འགྲོ་སྤྱིའི་བདེ་ཐབས་དང་འཛམ་གླིང་ཞི་བདེའི་ཆེད་དུ་༸རྒྱལ་དབང་མཆོག་སྐུ་ཚེ་ཞབས་པད་བརྟན་པ་དང་། སྐུའི་འཕྲོད་བཞེས་བཟང་པོ་ཡོང་བ། དེ་བཞིན་ཆོས་ཕྱོགས་ཀྱི་མཛད་པ་རྒྱུན་མཐུད་འགེགས་མེད་ཡོང་བའི་སྨོན་འདུན་ཞུས་འདུག མཛད་སྒོའི་ཐོག་གཞན་ཡང་འབྲས་ལྗོངས་མངའ་སྡེ་དགོས་གནས་དྲུང་ཆེ་ཟུར་པ་ཚེ་མཆོག་གླིང་རིན་པོ་ཆེ་མཆོག་དང་། མངའ་སྡེའི་ཆེས་མཐོའི་ཁྲིམས་དཔོན་ཟུར་པ་བསོད་ནམས་ཕུན་ཚོགས་ལགས་བཅས་ཀྱང་ཕེབས་ཡོད་ཅིང་། ཁོང་རྣམ་པས་༸རྒྱལ་དབང་མཆོག་མྱུར་དུ་འབྲས་ལྗོངས་སུ་ཞབས་སོར་འཁོད་ཐུབ་པའི་རེ་བ་ཆེན་པོ་གནང་བཞིན་ཡོད་པ་མ་ཟད། མངའ་སྡེ་གཞུང་ནས་དེ་འབྲེལ་དབུས་གཞུང་དང་ལྷན་དུ་བཀའ་མོལ་གནང་བཞིན་ཡོད་པ་གསུངས་འདུག ཉིན་རྒྱབ་སྐུའི་འཁྲུངས་སྐར་གྱི་དུས་ཚིགས་ཁྱད་པར་ཅན་དང་འབྲེལ་ནས་དད་ལྡན་མང་ཚོགས་རྣམ་པས་རིག་གཞུང་འཁྲབ་སྟོན་སོགས་ཀྱི་མཛད་རིམ་ཁག་གཅིག་གཉེར་ཡོད་པ་རེད་འདུག ཕྱོགས་མཚུངས་ཁ་སང་བཞུགས་སྒར་གྱི་ཉེ་འདབས་སུ་རྟེན་གཞིས་བྱས་པའི་སྟོད་རྒྱུད་གྲྭ་ཚང་དུ་མཁན་བླ་འདུས་སྤྱི་ཡོངས་ནས་༸དཔལ་རྒྱལ་དབང་ཀརྨ་པ་ཨོ་རྒྱན་ཕྲིན་ལས་རྡོ་རྗེ་རིན་པོ་ཆེ་མཆོག་གིས་སྐུའི་འཁྲུངས་སྐར་སྲུང་བརྩི་གཟབ་རྒྱས་ཞུས་ཡོད་པ་མ་ཟད།...

ཕྱི་ལོ་༢༠༢༦ ཟླ་༦ ཚེས་༡༧ ཉིན་Dailyedutalk ཞེས་པའི་དྲ་ཐོག་ཏུ་གནས་ཚུལ་སྤེལ་གསལ་ལྟར་ན། ཕྱི་ལོ་༢༠༢༦ ཟླ་༦ ཚེས་༡༥ ནས་༡༧ The post སྟོབས་ཆེན་རྒྱལ་ཁབ་བདུན་ཀྱི་ལྷན་ཚོགས་མཇུག་བསྡོམས་ཀྱི་བསྒྲགས་གཏམ་སྤེལ་ཐུབ་མེད། appeared first on བོད་ཀྱི་བང་ཆེན།.

ཁ་སང་ཕྱི་ལོ་ ༢༠༢༦ ཟླ་ ༦ ཚེས་ ༡༦ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཐུགས་འདྲིས་ཟབ་པོ་ཡོད་མཁན་བོད་བརྒྱུད་ནང་བསྟན་མཁས་པ་དང་ཡུན་རིང་བོད་དོན་རྒྱབ་སྐྱོར་བ་སློབ་དཔོན་ཆེན་མོ་ Robert Alexander Farrar Thurman  རོ་བྷཊ་ཐར་མན་ལགས་ཨ་རིའི་ནིའུ་ཡོག་གི་ Woodstock གྲོང་སྡེ་རུ་དགུང་གྲངས་ ༨༤ ཐོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག སྐུ་ཞབས་རོ་བྷཊ་ཐར་མན་ལགས་ནི་ཕྱི་ལོ་ ༡༩༤༡ ཟླ་ ༨ ཚེས་ ༤ ཉིན་ཨ་རིའི་གྲོང་ཁྱེར་ནིའུ་ཡོག་ཏུ་ཟློས་གར་འཁྲབ་སྟོན་པ་ཡུམ་ Elizabeth Dean Farrar ལགས་དང་ AP གསར་ཁང་གི་རྩོམ་སྒྲིག་པ་ཡབ་ Beverly Reid Thurman Jr. ལགས་ཀྱི་སྲས་སུ་འཁྲུངས་པ་དང་།  ཁོང་གིས་གཞི་རིམ་སློབ་གཉེར་ཨ་རིའི་ Phillips Exeter Academy གཏན་སྡོད་སློབ་གྲྭར་གནང་རྗེས། ...

ཁ་སང་བོད་རིག་པའི་མཁས་དབང་དང་༧གོང་ས་མཆོག་དང་ཐུགས་ཉེ་བའི་གྲོགས་པོ། ཨ་རི་བོད་ཁང་གི་གསར་འཛུགས་གནང་མཁན་རོ་བྷཊ་ཐུར་མན་ (Robert Thurman)དགུང་གྲངས་༨༦ ཐོག་སྐུ་གཤེགས་ཡོད་པའི་གནས་ཚུལ་ཐོན་འདུག The post བོད་རིག་པའི་མཁས་དབང་དང་༧གོང་ས་མཆོག་གི་གྲོགས་པོ་རོ་བྷཊ་ཐུར་མན་སྐུ་གཤེགས་འདུག appeared first on བོད་ཀྱི་བང་ཆེན།.