རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་ཕྱི་ལོ་ ༢༠༢༦ ལོའི་རྒྱལ་སྤྱིའི་གསར་འགོད་རང་དབང་གི་གནས་བབ་དང་འབྲེལ་བའི་ལོ་འཁོར་སྙན་ཐོ་འདོན་སྤེལ་གནང་བའི་ནང་། རྒྱ་ནག་ནི་སླར་ཡང་གསར་འགོད་པ་ཆེས་མང་ཤོས་བཙོན་འཇུག་བྱེད་མཁན་གྱི་རྒྱལ་ཁབ་ཅིག་ཡིན་པ་དང་ལྷག་པར་དུ་དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ་གནང་འདུག དེའང་ཕ་རན་སིའི་རྒྱལ་ས་པེ་རིས་ནང་དུ་རྟེན་གཞི་བྱས་པའི་ Reporters Without Borders འམ་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས། ད་ལན་འཛམ་གླིང་རྒྱལ་ཁབ་ ༡༨༠ ནང་འདས་པའི་ལོ་གཅིག་གི་རིང་ལ་གསར་འགོད་པར་རང་དབང་ཇི་ཙམ་སྤྲད་ཡོད་མེད་དང་འབྲེལ་བའི་དཔྱད་ཞིབ་ཀྱིས་དཀར་ཆག་སྙན་ཐོ་ཞིག་འདོན་སྤེལ་གནང་བའི་བརྒྱུད། གསར་འགོད་ལས་རིགས་ཀྱི་དཔལ་འབྱོར་གནས་སྟངས་དང་དཔལ་འབྱོར་གྱི་གནོན་ཤུགས་ཀྱི་བྱ་ཐབས་དེས་ཕྱི་ལོ་ ༢༠༢༥ ལོའི་འཛམ་གླིང་ཡོངས་ཀྱི་གསར་འགོད་རང་དབང་ཉམས་རྒུད་དུ་ཕྱིན་པར་མཚོན་གྱི་ཡོད་པ་མངོན་གསལ་གནང་བ་མ་ཟད། ༢༠༢༥ ལོའི་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱི་འཛམ་གླིང་གསར་འགོད་རང་དབང་གི་དཔྱད་ཞིབ་དཀར་ཆག་ནང་དཔལ་འབྱོར་གྱི་ཚད་གཞི་དེ་སྔར་ལས་ཀྱང་མར་ཆག་སྟེ་ལོ་རྒྱུས་ཀྱི་དམའ་ཤོས་སུ་སླེབས་ཡོད་པ་དང་རྒྱལ་སྤྱིའི་གནས་སྟངས་དེ་ད་ལྟ་དཀའ་ངལ་ཅན་དུ་བརྩི་བཞིན་ཡོད་པ་འགྲེལ་བརྗོད་གནང་འདུག ཚོགས་པའི་དཔྱད་ཞིབ་ཁྲོད་རྒྱ་ནག་དེ་གསར་འགོད་པའི་རང་དབང་གནས་བབ་ཐོག་ཆེས་སྡུག་ཤོས་ཀྱི་གཤམ་ནས་རྩིས་པའི་ཨང་རིམ་ ༡༧༨ པར་ངོས་འཛིན་བྱས་འདུག་པ་དང་འདས་པའི་ལོ་གཅིག་ནང་གསར་འགོད་པ་བཀག་ཉར་བྱས་པའི་སྡེ་ཚན་ཁོངས་སུ་རྒྱ་ནག་དང་བྱང་ཀོ་རི་ཡ། ཨི་རཎ། ཝི་ཏི་ནམ། དེ་བཞིན་ཨུ་རུ་སུ་བཅས་ཀྱིས་གསར་འགོད་པ་བཀག་ཉར་མང་ཤོས་བྱས་ཡོད་སྟབས་རྒྱལ་ཁབ་ལྔ་པོ་དེ་དག་ཆེས་མངོན་གསལ་གནང་འདུག་པ་མ་ཟད། རྒྱ་ནག་དེ་འཛམ་གླིང་ནང་གསར་འགོད་པ་བཀག་ཉར་གྱིས་བཙོན་འཇུག་མང་ཤོས་བྱེད་མཁན་ཆེས་སྡུག་ཤོས་ཀྱི་རྒྱལ་ཁབ་ཁོངས་སུ་ཐེར་འདོན་བྱས་འདུག སྙན་ཐོའི་ནང་ ༢༠༢༥ ལོའི་འཛམ་གླིང་གསར་འགྱུར་རང་དབང་གི་གནས་བབ་དང་འབྲེལ་བའི་དཀར་ཆག་གི་གྲངས་ཐོ་ལྟར་བྱས་ན། དཔྱད་ཞིབ་གནང་བའི་རྒྱལ་ཁབ་ ༡༨༠ ནང་ནས་ ༡༦༠ ཡི་གསར་འགྱུར་བརྒྱུད་ལམ་ཁག་ལ་དཔལ་འབྱོར་སྲ་བརྟན་དཀའ་བའམ་ཡང་ན་གཏན་ནས་སྲ་བརྟན་བྱེད་མི་ཐུབ་པར་འགྱུར་མུས་ཡིན་པ་མ་ཟད། གནས་སྟངས་ཐབས་སྡུག་པ་ཞིག་ལ་རྒྱལ་ཁབ་གསུམ་ཆ་གཅིག་ནང་གསར་འགྱུར་བརྒྱུད་ལམ་ཁག་དངུལ་གྱི་དཀའ་ངལ་རྐྱེན་པས་སྒོ་རྒྱག་བཞིན་ཡོད་པ་དང་དེའི་ཁོངས་སུ་ཨ་རི་དང་ཊུ་ནི་ཤི་ཡ། ཨར་ཇེན་ཊི་ནི་བཅས་ཚུད་ཡོད་པ་བཀོད་འདུག མ་ཟད་ཨ་རིའི་ནང་དུ་མཚོན་ན། འདས་པའི་ལོ་གཉིས་ཀྱི་རིང་ལ་དཔལ་འབྱོར་གྱི་གནས་སྟངས་ཧ་ཅང་ཉམས་རྒུད་དུ་ཕྱིན་ཡོད་པ་དང་ས་གནས་མང་པོར་ད་ཆ་ས་གནས་ཀྱི་གསར་འགྱུར་ཧ་ཅང་ཉུང་ངུ་ཡང་ན་གཅིག་ཀྱང་མེད་པ་ཆགས་ཡོད་པ་དང་། ལྷག་པར་དུ་སྲིད་འཛིན་ཊོ་ནལ་ཊམ་མཆོག་གི་སྐབས་གཉིས་པའི་ལས་ཡུན་རིང་གསར་འགོད་པ་ཚོར་གནོན་ཤུགས་ཇེ་ཆེར་ཕྱིན་ཏེ་ United States Agency...

ཨ་རིར་རྟེན་གཞི་བྱས་པའི་ International Campaign for Tibet (ICT) འམ་རྒྱལ་སྤྱིའི་བོད་དོན་ལས་འགུལ་ཁང་གིས།  དེ་གའི་ཚོགས་པའི་ངོས་ནས་རྒྱལ་སྤྱིའི་ཆེད་ལས་མི་སྣ་ཁག་གཅིག་དང་ལྷན་དུ་འདི་ལོའི་བཙན་བྱོལ་བོད་མིའི་འོས་བསྡུའི་ཐོག་ཞིབ་འཇུག་གིས་གྲུབ་དོན་དུ།  ཐེངས་འདིའི་བཙན་བྱོལ་བོད་མིའི་འོས་བསྡུ་ཆེན་མོ་དེ་བཞིན་རང་དབང་དང་དྲང་བདེན། ཕྱི་གསལ་ནང་གསལ་བྱུང་ཡོད་པ་དང་དེ་ནི་བཙན་བྱོལ་བོད་མིའི་མང་གཙོའི་རྒྱལ་ཁ་ཡིན་པ་གསུངས་འདུག དེ་ཡང་ཁ་ཉིན་ཕྱི་ཚེས་ ༢༩ ཉིན་རྒྱལ་སྤྱིའི་བོད་དོན་ལས་འགུལ་ཁང་གི་དྲྭ་གནས་ཐོག་གནས་ཚུལ་ཐོན་གསལ་ལྟར་ན།  དེ་གའི་ཚོགས་པའི་ངོས་ནས་རྒྱལ་སྤྱིའི་ཆེད་ལས་མི་སྣ་ཁག་གཅིག་དང་ལྷན་དུ་འོས་བསྡུའི་ཞིབ་འཇུག་ཚོགས་ཆུང་ཞིག་གི་བརྒྱུད།  ཉིན་ཤས་གོང་གི་ཕྱི་ཚེས་ ༢༦ ཉིན་འདི་ལོའི་བཙན་བྱོལ་བོད་མིའི་འོས་བསྡུ་ཆེན་མོའི་དངོས་གཞིའི་ལས་རིམ་དབུ་འཛུགས་མ་ཞུས་གོང་དང་མཇུག་སྒྲིལ་རྗེས་སུ་རྒྱ་གར་ལྷོ་བྱང་ཁུལ་གྱི་བོད་མིའི་འདུ་སྡོད་ས་གནས་ཁག་ཏུ་ཞིབ་འཇུག་གིས་སྙན་ཐོའི་ཐོག་མའི་གྲུབ་དོན་དུ།  འཛམ་གླིང་ཁྲོད་ཀྱི་རྒྱལ་ཁབ་ ༣༠ ལྷག་གི་ནང་དུ་གྱར་ཡོད་བའི་བོད་མི་ཚོར་དབུས་འོས་བསྡུ་ལས་ཁང་ངོས་ནས་ཟླ་འདིའི་ཕྱི་ཚེས་ ༢༦ ཉིན་གསར་གཏོད་དང་ཕྱི་གསལ་ནང་གསལ་གྱི་ལམ་ལུགས་ཐོག་རང་སོ་སོའི་སྤྱི་འཐུས་ཀྱི་འོས་མིར་འོས་འཕེན་གྱི་གཞི་རྩའི་ཐོབ་ཐང་ངེས་པར་དུ་ལོངས་སུ་སྤྱོད་ཐུབ་པར་བཟོས་ཏེ་འདི་ལོའི་བཙན་བྱོལ་བོད་མིའི་འོས་བསྡུ་ཆེན་མོ་དེ་བཞིན་རྒྱལ་ཁའི་ངང་མཇུག་བསྐྱངས་ཡོད་པར་བསྔགས་བརྗོད་ཡི་རངས་ཞུས་འདུག རྒྱལ་སྤྱིའི་བོད་དོན་ལས་འགུལ་ཁང་གིས་བཙན་བྱོལ་བོད་མོའི་འོས་བསྡུ་ཆེན་མོའི་ཐོག་གི་ཞིབ་འཇུག་སྙན་ཐོ་ཆ་ཚང་ཡོང་རྒྱུའི་བདུན་ཕྲག་འགའ་ཤས་ནང་འདོན་སྤེལ་གནང་འཆར་ཡོད་ཀྱང་།  ཐེངས་འདིར་སྙན་ཐོའི་ཐོག་མའི་གྲུབ་དོན་གྱི་མཚོན་དོན་ཙམ་འདིར་གླེང་བ་ཞིག་རེད་འདུག་ལ།  དེའི་ནང་། འདི་ལོའི་བཙན་བྱོལ་བོད་མིའི་འོས་བསྡུ་ཆེན་མོའི་ཐོག་རྒྱ་ནག་གཞུང་གིས་ཐེ་བྱུས་འཁྱོག་བཤད་དང་དྲྭ་ཐོག་རྫུན་གཏམ་ཁྱབ་སྤེལ་གྱི་འབད་བརྩོན་རྒྱུན་མཐུད་བྱས་ཀྱང་།  འོས་བསྡུའི་ལས་རིམ་དེ་བཞིན་དྲང་བདེན་དང་ཕྱི་གསལ་ནང་གསལ་ཐོག་མཇུག་བསྐྱངས་ཐུབ་ཡོད་པ་དང་། དེ་ནི་བཙན་བྱོལ་བོད་མིའི་མང་གཙོའི་རྒྱལ་ཁ་ཞིག་ལ་ངོས་འཛིན་གནང་འདུག རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བསྟན་ཆོས་རྒྱ་མཚོ་ལགས་ཀྱིས།  ཕྱི་ཟླ་ ༤ ཚེས་ ༢༦ ཉིན་གྱི་དངོས་གཞིའི་འོས་བསྡུའི་ལས་རིམ་དེ་བཞིན་ཕྱི་ཟླ་ ༢ པ་ནས་དབུ་འཛུགས་གནང་ཟིན་པའི་སྔོན་འགྲོའི་ལས་རིམ་ལྟར་ལམ་ལྷོངས་ཐོག་ཕྱི་གསལ་ནང་གསལ་མུ་མཐུད་དེ་འགྲོ་ཐུབ་པ་དེ་བོད་མིའི་མང་གཙོའི་བརྟན་བརླིང་གྱི་རང་བཞིན་བསྟན་གྱི་ཡོད་པ་གསུངས་པ་དང་འབྲེལ། བོད་ཀྱི་བདག་པོ་བོད་མི་ཡིན་པ་དང་། མ་འོངས་བོད་ཀྱི་གནད་དོན་དེ་བཞིན་བོད་མི་ཚོས་ཐག་གཅོད་གནང་གི་རེད་ཅེས་གསལ་འདོན་གནང་བ་མ་ཟད།  ཁོང་རང་ཉིད་དངོས་སུ་འོས་བསྡུའི་ལས་རིམ་ནང་བརྟག་ཞིབ་བྱེད་རྒྱུའི་གོ་སྐབས་བྱུང་བར་དགའ་སྤོབས་ཆེན་པོ་བྱུང་བ་འགྲེལ་བརྗོད་ཀྱིས།...

རྩོམ་པ་པོ། བློ་བཟང་ཨོ་རྒྱན། རྩོམ་ཁུངས། བོད་ཀྱི་དུས་བབ། དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༦ ཟླ་ ༢ ཚེས་ ༡༣ ཉིན་སྲིད་སྤྱི་འོས་བསྡུ་ཆེན་མོའི་གྲུབ་འབྲས་གསལ་བསྒྲགས་གནང་བའི་ནང་། སྲིད་སྐྱོང་ལས་ཐོག་སྤེན་པ་ཚེ་རིང་ལ་འོས་གྲངས་ ༣༡༣༢༥ ཐོབ་ཡོད་པ་དེ་འོས་ཐོབ་བརྒྱ་ཆ་ ༦༡་༠༢༥ ཡོད་ལུགས་བཀོད་འདུག གསལ་བསྒྲགས་དེའི་ནང་། སྔོན་འགྲོ་འོས་བསྡུའི་ནང་ཆ་ཤས་ལེན་མཁན་འོས་འཕེན་པ་གྲངས་ ༥༡༡༤༠ ནས་སྲིད་སྐྱོང་གི་འོས་མི་གྲངས་ ༡༠༣ ལ་འོས་ཤོག་འཕངས་ཚུལ་གསལ་བ་ལྟར་ན། རྩིས་རིག་གི་ལམ་ནས་རྩིས་བསྐོར་བྱས་པའི་རྩིས་འབྲས་ནི་(༣༡༣༢༥÷༥༡༡༤༠)x༡༠༠%=༦༡.༢༥༣༤% ཡིན་པས། འོས་བསྡུ་ལས་ཁང་ནས་གྲངས་ཆུང་ ༢༥ ཡི་ཚབ་ཏུ་གྲངས་ཆུང་ ༠༢༥ བཀོད་པ་དེས་སྤེན་པ་ཚེ་རིང་གི་འོས་ཐོབ་བརྒྱ་ཆ་གྲངས་ཆུང་ ༢༣ ཉུང་འཕྲི་བྱས་ཏེ། འོས་ཤོག་གྲངས་ ༡༡༧.༦ རྩིས་མེད་བཏང་བ་ཆགས་ཡོད། ཨང་རྩིས་ཀྱི་ནོར་འཁྲུལ་འདི་ལྟ་བུའང་དབུས་འོས་བསྡུ་ལས་ཁང་ནས་ད་བར་བཟོ་བཅོས་གནང་མི་འདུག བལ་ཡུལ་མཆོད་འཇོར་ས་གནས་འགོ་འཛིན་ལས་ཁུངས་ཀྱི་ལས་ཐམ་དང་མིང་རྟགས། ས་གནས་འོས་བསྡུའི་ཚོགས་མི་དང་ཟུར་དཔང་ ༩ ཡི་མིང་རྟགས་བཀོད་པའི་ཡིག་ཆ་གཞིར་བཟུང་ཚེ།...

The post ཇོ་ནང་གཞིས་བྱེས་གཉིས་ཀྱི་ངོས་ནས་༧གོང་ས་མཆོག་ལ་བརྟན་བཞུགས་བསྟར་འབུལ་དང་ཇོ་ནང་ཏཱ་ར་ནཱ་ཐ་གཟེངས་རྟཊ་ཕུལ། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༡ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཐེག་ཆེན་ཆོས་གླིང་གཙུག་ལག་ཁང་དུ་དུས་འཁོར་སྒྲུབ་མཆོད་ཆེན་མོའི་དངོས་གཞིའི་ཚོགས་མགོན་དུ་ཆིབས་བསྒྱུར་དང་། ཕོ་བྲང་དུ་གཞིས་བྱེས་དཔལ་རྒྱལ་བ་ཇོ་ནང་པ་ཡོངས་ནས་བརྟན་བཞུགས་དང་ཇོ་ནང་ཏཱ་ར་ནཱ་ཐ་གཟེངས་རྟགས་འབུལ་བཞེས་བསྐྱངས་ཡོད་པ་རེད།དེ་ཡང་སྐུ་བཅར་རྣམ་རྒྱལ་གྲྭ་ཚང་གི་དཔལ་དུས་ཀྱི་འཁོར་ལོའི་སྒྲུབ་མཆོད་ཆེན་མོ། ཉིན་ཤས་སྔོན་ནས་འགོ་འཛུགས་ཀྱིས་གྲྭ་ཚང་གི་མཁན་རིན་པོ་ཆེ་དབུ་བཞུགས་ཐོག་དཀྱིལ་འཁོར་ས་ཆོག་དང་ས་གར། བརྒྱད་གཏོར་སོགས་རིམ་པར་གནང་སྟེ་དེ་རིང་སྒྲུབ་མཆོད་ཆེན་མོ་དངོས་གཞིའི་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་བཀའ་དྲིན་བསྐྱངས་ཤིང་། ཆུ་ཚོད་དགུ་པ་ཙམ་ལ་ཐེག་ཆེན་ཆོས་གླིང་གཙུག་ལག་ཁང་ནས་ཕོ་བྲང་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་འཛམ་གླིང་ནུབ་ཕྱོགས་དང་ཡུ་རོབ་ལྷོ་ཤར་ཨེ་ཤེ་ཡ། རྒྱ་གར་དང་འབྲུག བལ་ཡུལ། ཐའེ་ཝན་སོགས་ནས་ཕེབས་པའི་དད་ལྡན་མཇལ་བཅར་བ་རྣམས་ལ་མཇལ་ཁ་བཀའ་དྲིན་སྩལ་ཞིང་། འབྲུག་རྒྱལ་ཁབ་ནས་ཕེབས་པའི་དད་ལྡན་མཇལ་བཅར་བ་ཚོས་གསོལ་འདེབས་ཆོས་དབྱངས་གསུང་འདོན་གནང་བར་དགྱེས་ཚོར་དང་བཅས་མཇལ་ཁ་གནང་། མཐར་གཞིས་བྱེས་དཔལ་རྒྱལ་བ་ཇོ་ནང་པ་ཡོངས་ཀྱི་ཚབ་ཞུས་ཏེ། ཡུ་རོབ་རྒྱལ་ཁབ་བཞི་དང་ཐའེ་ཝན། མ་ལེ་ཤི་ཡཱ། སོག་པོ། བལ་ཡུལ། རྒྱ་གར་སོགས་སུ་རྟེན་གཞི་བྱས་པའི་དགོན་པ་བདུན་དང་ཆོས་ཚོགས་ཉི་ཤུའི་སྐུ་ཚབ་ཀྱིས་བོད་རྒྱལ་ལོ་ ༢༡༥༣ ནག་པ་ཟླ་བའི་ཚེས་ ༡༥ སྟོན་མཆོག་ཤཱཀྱ་སེངྒེས་དུས་འཁོར་རྩ་རྒྱུད་གསུངས་པའི་དུས་ཆེན་ཁྱད་པར་ཅན་དང་བསྟུན་མགོན་པོ་གང་ཉིད་མཆོག་ལ་བརྟན་བཞུགས་དང་ཇོ་ནང་ཏཱ་ར་ནཱ་ཐ་གཟེངས་རྟགས་འབུལ་ལམ་ཞུས་ཡོད།སྐབས་དེར་ཐོག་མར་ཇོ་ནང་རྒྱལ་ཚབ་རིན་པོ་ཆེ་མཆོག་གིས་རི་རབ་རྩེ་ལྔ་དང་། ཚེ་བུམ། ཚེ་རིལ། ཚེ་ཆང་། ཚེ་དར་སོགས་རིམ་པར་ཕུལ་ཞིང་། ཇོ་ནང་རྒྱལ་ཚབ་རིན་པོ་ཆེ་དང་སིམ་ལ་དང་བལ་ཡུལ་གྱི་ཇོ་ནང་དགོན་པའི་མཁན་རིན་པོ་ཆེ་རྣམ་གཉིས་ཀྱིས་སྟོན་པའི་སྐུ་བརྙན་དང་ཚེ་དཔག་མེད་ཀྱི་སྐུ་འདྲ་ཕུལ་རྗེས། ཇོ་ནང་རྒྱལ་ཚབ་རིན་པོ་ཆེ་དང་མཁན་རིན་པོ་ཆེ་རྣམ་གཉིས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་མི་ཤིགས་རྡོ་རྗེ་ཁམས་སུ་བརྟན་པ་མཚོན་ཆེད་གསེར་དངུལ་ལས་གྲུབ་པའི་ཚེ་བུམ་གྱི་དབྱིབས་དང་ལྡན་པ། ལྷ་གཅིག་འཕགས་མཆོག་ཕྱག་ན་པདྨོའི་སྐུའི་རྣམ་པར་རོལ་བ་མཚོན་ཆེད་དུ་གསེར་དངུལ་ལས་གྲུབ་པའི་པདྨ་དཀར་པོ་འདབ་མ་བརྒྱད་པ། དེའི་སྟེང་དུ་བཀའ་འཁོར་ལོ་གསུམ་གྱི་དགོངས་དོན་མ་ལུས་པ་ཐུགས་སུ་ཆུད་ཅིང་སྡེ་སྣོད་གསུམ་གྱི་བསྟན་པའི་རྒྱལ་མཚན་སྒྲེང་བའི་བསྟན་པའི་བདག་པོ་མཚོན་ཆེད་དུ་གསེར་དངུལ་གཉིས་ཀས་གྲུབ་པའི་ཆོས་ཀྱི་འཁོར་ལོ་གསུམ་དང་། དེའི་སྟེང་དུ་རྒྱུད་སྡེ་སྤྱི་དང་ལྷག་པར་རྒྱུད་ཐམས་ཆད་ཀྱི་རྒྱལ་པོ་དཔལ་མཆོག་དུས་ཀྱི་འཁོར་ལོའི་བསྟན་པ་ལ་མངའ་བརྙེས་པ་མཚོན་ཆེད་དུ་ཇོ་ལུགས་ཀྱི་རྣམ་བཅུ་དབང་ལྡན་བཅས་རྟེན་འབྲེལ་གྱི་གནད་དུ་མ་མཚོན་པའི་གསེར་དངུལ་ལས་བཞེངས་པའི་ཇོ་ནང་ཏཱ་ར་ནཱ་ཐ་གཟེངས་རྟགས་འབུལ་ལམ་དང་འབྲེལ་མགོན་པོ་གང་ཉིད་མཆོག་འཇིག་རྟེན་གྱི་ཁམས་ཆེན་པོ་འདི་ཉིད་ཇི་སྲིད་ནམ་གནས་ཀྱི་བར་དུ་སྐུ་ཚེ་༸ཞབས་པད་མི་འགྱུར་རྡོ་རྗེའི་ཁམས་སུ་བརྟན་པའི་སྒོ་ནས་གདུལ་བྱའི་པད་ཚལ་དུ་དམ་པའི་ཆོས་ཀྱི་གྲུ་ཆར་བར་མེད་དུ་འབེབས་པའི་བཀའ་དྲིན་སྐྱབས་འཇུག་ཞུས་ཡོད། །

༄༅། །ཕྱི་ལོ་ ༢༠༢༦ ཟླ་བ་ ༠༤ ཚེས་ ༣༠ ཉིན་ཡུ་རོབ་གྲོས་ཚོགས་ནས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གཏན་འབེབས་བྱས་པ་དེར་སྐྱོན་བརྗོད་ཀྱི་གྲོས་ཆོད་བཏོན་གནང་ཞིང་། གྲོས་ཆོད་འདིས་རྒྱལ་སྤྱིའི་སྟེང་རྒྱ་ནག་གཞུང་གི་མི་རིགས་སིམ་ཡལ་གྱི་སྲིད་བྱུས་ལ་ངོ་རྒོལ་ཇེ་མང་དུ་འགྲོ་བཞིན་པ་མཚོན་གྱི་ཡོད། ཡུ་རོབ་གྲོས་ཚོགས་འཐུས་མི་རྣམས་ནས་རྒྱ་ནག་གཞུང་གི་ཕྱི་ལོ་ ༢༠༢༦ ཟླ་བ་ ༠༧ ཚེས་ ༡ ནས་ལག་བསྟར་བྱ་རྒྱུའི་ཁྲིམས་དེས་རྒྱ་ནག་གི་ལྟ་བ་གཙོ་བོར་བཟུང་སྟེ་རྒྱ་ཡིག་གལ་ཆེན་པོ་བརྩི་རྒྱུ་དང་། བོད་ཀྱི་རིག་གཞུང་དང་། ཆོས་ལུགས། སྐད་ཡིག་བཅས་རྩ་མེད་གཏོང་ཐབས་ཀྱི་གོ་རིམ་ལྡན་པའི་སྲིད་བྱུས་ཡིན་པ་ཉེན་བརྡ་བཏང་ཡོད། དེ་ཡང་གྲོས་ཆོད་དེའི་སྙིང་དོན་ནི་རྒྱ་ནག་གཞུང་གིས་བོད་ཀྱི་ཆོས་ཕྱོགས་ཀྱི་བྱེད་སྒོ་ལ་ཐེ་བྱུས་བྱེད་བཞིན་པ་དེར་མཐའ་ཅིག་ཏུ་ངོ་རྒོལ་བྱེད་རྒྱུ་དེ་ཡིན་པ་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ངོས་འཛིན་གྱི་ལམ་ལུགས་ལ་སྲིད་གཞུང་ནས་ཐེ་བྱུས་མེད་པའི་ཐོག་བོད་ཀྱི་སྲོལ་རྒྱུན་ལམ་སྲོལ་ལྟར་ཐག་གཅོད་བྱེད་དགོས་པ་གསལ་ཡོད། དེ་བཞིན་གྲོས་ཆོད་དེས་པཎ་ཆེན་སྐུ་ཕྲེང་བཅུ་གཅིག་པ་བསྟན་འཛིན་དགེ་འདུན་ཡེ་ཤེས་འཕྲིན་ལས་མཆོག་གཙོ་བོར་གྱུར་པའི་མཆོག་སྤྲུལ་རྡོ་རྗེ་བསྟན་རིན་པོ་ཆེ་དང་། དཔལ་ལྡན་ཡེ་ཤེས་ལགས་སོགས་བོད་ཀྱི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པའི་ཐོག་མྱུར་དུ་གློད་བཀྲོལ་དགོས་པའི་འབོད་སྐུལ་གནང་ཡོད། ཡུ་རོབ་གྲོས་ཚོགས་ངོས་ནས་རྒྱ་ནག་གི་ཁྲིམས་ཡིག་གསར་པ་དེའི་ནང་རྒྱལ་མཚམས་ལས་བརྒལ་བའི་རང་བཞིན་སྐོར་གསལ་སྟོན་གྱིས་ཡུ་རོབ་མཐུན་ཚོགས་ཀྱི་རྒྱལ་ཁབ་རྣམས་ལ་ཕྱི་རྒྱལ་དུ་གནས་སྡོད་བོད་མིའི་སྤྱི་ཚོགས་རྣམས་ལ་རྒྱ་ནག་གིས་རྒྱལ་མཚམས་ལས་བརྒལ་བའི་དྲག་གནོན་འགོག་ཐབས་ཆེད་རྒྱ་ནག་དང་ལྷན་དུ་ནག་ཅན་ཕྱིར་སྤྲོད་ཀྱི་ཆིངས་ཡིག་མཚམས་འཇོག་དགོས་པའི་སྐུལ་མ་གནང་ཡོད། དེ་ཡང་གྲོས་ཆོད་དེས་རྒྱ་ནག་གི་དྲན་གནོན་ཅན་གྱི་ཁྲིམས་དེའི་འཆར་འགོད་པ་དང་ལག་བསྟར་བྱེད་མཁན་རྣམས་ལ་འགན་འཁྲི་ཡོང་སླད་ཡུ་རོབ་མཐུན་ཚོགས་ཀྱི་འཛམ་གླིང་འགྲོ་བ་མིའི་ཐོབ་ཐང་གི་ཉེས་ཆད་རིང་ལུགས་ (EU Global Human Rights Sanctions Regime) ལག་བསྟར་གནང་དགོས་པའི་འབོད་སྐུལ་ཞུས་ཡོད། གྲོས་ཆོད་དེས་ཡུ་རོབ་མཐུན་ཚོགས་ཀྱིས་བོད་ཀྱི་ངོ་བོ་སྲུང་སྐྱོབ་བྱ་རྒྱུ་དེ་རྒྱ་ནག་དང་མཉམ་དུ་འབྱུང་འགྱུར་འབྲེལ་བ་ལ་གལ་ཆེན་པོ་ཡིན་པ་མཚོན་གྱི་ཡོད་པ་དང་། ཡུ་རོབ་མཐུན་ཚོགས་ཀྱི་གཞུང་འབྲེལ་ལངས་ཕྱོགས་དེ་བཞིན་བོད་མིའི་སྒྲིག་འཛུགས་ལ་བརྒྱུད་སྤྲོད་གནང་ཡོད། དེ་མཚུངས་ཡུབ་རོབ་མཐུན་ཚོགས་ཀྱི་སྤྱི་ཁྱབ་འགན་འཛིན་ལྕམ་སྐུ་ཧཌ་ཇ་ལ་བྷིབ་ (Hadja Lahbib) མཆོག་གིས་གྲོས་ཚོགས་ཀྱི་བགྲོ་གླེང་གྲུབ་རྗེས་ཚོགས་ཐེངས་ཤིག་ཐོག་ཡུ་རོབ་མཐུན་ཚོགས་ཀྱིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་བློ་འཚབ་ཆེན་པོ་ཡོད་པ་གསུངས། དེའི་ནང་བོད་མིའི་ཆོས་དད་རང་དབང་དང་།...

དུས་ཆེན་གཉིས་འཛོམས་དང་བསྟུན་ཇོ་ནང་གཞིས་བྱེས་གཉིས་ཀྱིས་༧གོང་ས་མཆོག་ལ་བརྟན་བཞུགས་བསྟར་འབུལ་དང་བཀའ་དྲིན་རྗེས་དྲན་དུ་ཇོ་ནང་ཏཱ་ར་ནཱ་ཐ་གཟེངས་རྟགས་འབུལ་ལམ་ཞུས་སོང་། དེ་རིང་དཔལ་དུས་ཀྱི་འཁོར་ལོ་རྗེས་སུ་བཟུང་བའི་དུས་ཆེན་དང་ཚེས་པ་བཅོ་ལྔར་བསྟུན། ཞོགས་པའི་ཆུ་ཚོད་ ༨ ཙམ་ལ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། ༧གོང་ས་རྒྱལ་བ་རིན་པོ་ཆེ་མཆོག་དུས་འཁོར་སྒྲུབ་མཆོད་ཀྱི་དངོས་གཞིའི་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་སོང་། དེ་བཞིན་དེ་རིང་ཕྱི་ཚེས་ ༡ ཉིན་བཞུགས་སྒར་༧རྒྱལ་བའི་ཕོ་བྲང་དུ། ༧གོང་ས་རྒྱལ་བ་རིན་པོ་ཆེ་མཆོག་ལ་ཇོ་ནང་གཞིས་བྱེས་གཉིས་ཀྱི་ངོས་ནས་བརྟན་བཞུགས་བསྟར་འབུལ་དང་། ཇོ་ནང་ཏཱ་ར་ནཱ་ཐ་གཟེངས་རྟགས་འབུལ་ལམ་ཞུས་སོང་། སྐབས་དེར་ཇོ་ནང་གི་དགོན་པ་གསུམ་དང་། མི་མང་བཅས་ཁྱོན་མི་གྲངས་ ༡༤༠ ལྷག་ལ་མཇལ་ཁ་གནང་སོང་ལ། ཇོ་ནང་གི་དགེ་འདུན་པ་རྣམས་ཀྱིས་དུས་འཁོར་རྒྱུད་ཀྱི་སྙིང་པོའི་ཀློག་རྒྱུགས་ཕུལ་སོང་། ཇོ་ནང་༧རྒྱལ་ཚབ་རིན་པོ་ཆེ་ཆོས་ཀྱི་སྣང་བ་མཆོག་གིས་འདི་གའི་གསར་འགོད་པར། དེ་རིང་དཔལ་རྒྱལ་བ་ཇོ་ནང་པའི་བོད་གཞིས་བྱེས་གཉིས་ཀྱི་ཆོས་རྒྱུད་འཛིན་པ་ཡོངས་ཀྱི་ཚབ་བྱས་ཏེ། ༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་དང་གཟེངས་རྟགས་ཤིག་ཕུལ་ཡོད། དེའི་ཐོག་མའི་བྱུང་རིམ་ནི་འདས་པའི་ལོ་གཅིག་གི་སྔོན་དུ་རྒྱལ་སྤྱིའི་ཇོ་ནང་འགྲོ་ཕན་ལྷན་ཚོགས་ཀྱི་ཚོགས་འདུ་ཐེངས་ཁ་ཤས་ཤིག་འཚོགས་པའི་སྐབས། ༧གོང་ས་རྒྱལ་བ་རིན་པོ་ཆེ་མཆོག་ལ་བཀའ་དྲིན་རྗེས་དྲན་གྱི་གཟེངས་རྟགས་ཤིག་དབུལ་དགོས་པའི་གྲོས་མཐུན་བྱུང་བ་དང་། གཟེངས་རྟགས་དེའི་མིང་ལ་ཇོ་ནང་ཏཱ་ར་ནཱ་ཐ་གཟེངས་རྟགས་ཞེས་གཏན་འབེབས་བྱུང་བ་རེད། ཁ་སང་ང་ཚོས་སྒྲུབ་བཤགས་འཚོགས་ཏེ། ཀུན་མཁྱེན་ཡབ་སྲས་བཅོ་ལྔ་ཡི་ཆོ་གའི་སྒོ་ནས་བརྟན་བཞུགས་དངོས་སུ་ཕུལ་བ་ཡིན། ༧གོང་ས་རྒྱལ་བ་རིན་པོ་ཆེ་མཆོག་ནི་བོད་གངས་ཅན་ལྗོངས་ཀྱི་བསྟན་པ་སྤྱི་དང་བྱེ་བྲག་ཏུ་༧རྒྱལ་བ་ཇོ་ནང་པར་མ་དགོན་སོགས་གནང་ནས་དཔལ་རྒྱལ་བ་ཇོ་ནང་པའི་བསྟན་པ་ལ་བཀའ་དྲིན་ཆེན་པོ་ཡིན།  ད་ལན་དགོན་སྡེ་གསུམ་གྱི་མཁན་བླ་སྤྲུལ་དགེ་བའི་བཤེས་གཉེན་རྣམ་པ་དང་། དགེ་འདུན་པ། སྦྱིན་བདག་སོགས་མི་གྲངས་བརྒྱ་དང་བཞི་བཅུ་ལྷག་ཅིག་འཛོམས་ནས། སྐུའི་དྲུང་དུ་བཅར་ནས་སྐུ་གསུང་ཐུགས་རྟེན་དང་། མནྜལ། གཟེངས་རྟགས་དང་བཅས་ཕུལ་ཟིན་པ་ཡིན། ཞེས་གསུངས་བྱུང་། ཇོ་ནང་ཏཱ་ར་ནཱ་ཐ་གཟེངས་རྟགས་ཀྱི་མཚོན་དོན་ནི། ༧མགོན་པོ་གང་ཉིད་ཚེ་ཡི་ལྷ་ཚོགས་ཀྱིས་རྗེས་སུ་བཟུང་ནས་སྐུ་ཚེ་མི་ཤིགས་རྡོ་རྗེ་ཁམས་སུ་བརྟན་པ་མཚོན་ཆེད་དུ་ཚེ་བུམ་གྱི་དབྱིབས་དང་ལྡན་པ།  ལྷ་གཅིག་འཕགས་མཆོག་ཕྱག་ན་པད་མོའི་སྐུའི་རྣམ་པར་རོལ་བ་མཚོན་ཆེད་དུ་པད་མ་དཀར་པོ་འདབ་མ་བརྒྱད་པ།  དེའི་སྟེང་དུ་བཀའ་འཁོར་ལོ་གསུམ་གྱི་དགོངས་དོན་མ་ལུས་པ་ཐུགས་སུ་ཆུད་ཅིང་སྡེ་སྣོད་གསུམ་གྱི་བསྟན་པའི་རྒྱལ་མཚན་སྒྲེང་བའི་བསྟན་པའི་བདག་པོ་མཚོན་ཆེད་དུ་གསེར་དངུལ་གྱིས་གྲུབ་པའི་ཆོས་ཀྱི་འཁོར་ལོ་གསུམ། དེའི་སྟེང་དུ་ཐབས་དང་ཤེས་རབ་གཉིས་ཏེ་སྟོང་ཉིད་སྙིང་རྗེ་ཟུང་དུ་འཇུག་པའི་ལམ་བཟང་གསལ་བར་མཛད་པ་མཚོན་བྱེད་ཉི་ཟླའི་གདན།  དེའི་སྟེང་དུ་རྒྱུད་སྡེ་བཞི་ཡི་དགོངས་དོན་དང་ལྷག་པར་དུ་རྒྱུད་ཐམས་ཅད་ཀྱི་རྒྱལ་པོ་དཔལ་མཆོག་དུས་ཀྱི་འཁོར་ལོའི་བསྟན་པ་ལ་མངའ་བརྙེས་པ་མཚོན་ཆེད། ཕྱི་འཇིག་རྟེན་གྱི་རྣམ་བཞག་དང་། ...

གནས་བརྟན་སྡེ་བའི་ལུགས་ཀྱི་ས་ག་ཟླ་བའི་ཚེས་བཅོ་ལྔ་ཉིན་༧གོང་ས་རྒྱལ་བ་རིན་པོ་ཆེ་མཆོག་ནས་བཅོམ་ལྡན་འདས་ཀྱི་རྗེས་འཇུག་པ་རྣམས་དུས་རབས་ཉེར་གཅིག་པའི་ནང་པ་གནང་དགོས་པའི་བཀའ་སློབ་བསྩལ། དེ་རིང་ཕྱི་ཟླ་ ༥ ཚེས་ ༡ སྟེ། ས་ག་ཟླ་བའི་དུས་ཆེན་གསུམ་འཛོམས་དང་བསྟུན་༧གོང་ས་རྒྱལ་བ་རིན་པོ་ཆེ་མཆོག་ནས་གསུང་འཕྲིན་ཞིག་བསྩལ་བའི་ནང་། དེ་རིང་སངས་རྒྱས་བཅོམ་ལྡན་འདས་སྐུ་བལྟམས་པ་དང་། མངོན་པར་རྫོགས་པར་སངས་རྒྱས་པ། སྐུ་མྱ་ངན་ལས་འདས་པའི་དུས་ཆེན་གྱི་ཉིན་མོ་འདིར་འཛམ་གླིང་སྤྱི་དང་བྱེ་བྲག་ནང་པའི་ཆོས་གྲོགས་ཚང་མར་སྨོན་འདུན་དང་འཚམས་འདྲི་ཞུ་རྒྱུ་ཡིན་ཞེས་གསུངས་འདུག དེ་རིང་གི་རྩ་ཆེ་བའི་ཉིན་མོ་འདིས་ལོ་ངོ་ ༢༥༠༠ ལྷག་གི་སྔོན་དུ་སངས་རྒྱས་ཤཱཀྱ་ཐུབ་པས་འཛམ་གླིང་འདིར་བྱིན་རླབས་བསྩལ་བ་དྲན་གསོ་བྱེད་ཀྱི་ཡོད། དེ་ནས་བཟུང་འཛམ་གླིང་འདིར་བློ་ཡུལ་ལས་འདས་བའི་འགྱུར་བ་ཕྱིན་ཡོད་པ་དང་།  ཁོང་གི་བཀའ་སློབ་དང་ད་ལྟ་བར་དུ་འབྲེལ་བ་ཆགས་ཡོད། ཁོང་གི་རྟེན་འབྱུང་གི་གནས་ལུགས་ཟབ་མོ་དང་།  སུ་ལའང་གནོད་པ་མི་སྐྱེལ་བ་དང་སེམས་ཅན་ཐམས་ཅད་ལ་ཕན་ཐོགས་བྱེད་པའི་འབོད་སྐུལ་བྱས་ཡོད། དེ་ནི་དུས་སྐབས་འདིའི་དཀའ་ངལ་ཆེ་བའི་འཚོ་བའི་ཁྲོད་བྱམས་བརྩེ་དང་དོན་དངོས་ལ་གཞི་བཅོལ་བའི་ལམ་སྟོན་ཆེས་ལེགས་ཤོས་དེ་ཡིན། ཞེས་གསུངས་འདུག ཡང་༧མགོན་པོ་གང་ཉིད་མཆོག་ནས། ངོས་ཀྱིས་ག་དུས་ཡིན་ཡང་ནང་པའི་རྗེས་འཇུག་པ་རྣམས་དུས་རབས་ཉེར་གཅིག་པའི་ནང་པ་ཞིག་ཆགས་དགོས་པའི་སྐུལ་མ་བྱེད་ཀྱི་ཡོད། དེ་ཡང་བསླབ་བྱའི་གནས་ལུགས་ཀྱི་དོན་རྟོགས་པ་དང་། དེ་དག་ལག་ལེན་དུ་བསྟར་བ་ལ་གོ་དགོས། ཐོས་པ་དང་ཀློག་པ་གཉིས་ལ་བསམ་གཞིག་བྱས་ཏེ་གོ་དོན་གཏིང་ཟབ་མོ་ཞིག་ལོན་དགོས། སངས་རྒྱས་བཅོམ་ལྡན་འདས་སྐུ་འཁྲུངས་ནས་ལོ་ངོ་ ༢༥༧༠ འཁོར་བའི་དུས་ཆེན་འདིར་ངོས་ཀྱིས་ནང་པའི་གཅེན་གཅུང་ཚང་མར་འཚམས་འདྲི་ཞུ་རྒྱུ་ཡིན་ལ། ང་ཚོའི་ཉིན་རེའི་འཚོ་བའི་ཁྲོད་དུ་སངས་རྒྱས་ཀྱི་བཀའ་སློབ་ཐོག་ཉམས་ལེན་བྱས་ཏེ་འཛམ་གླིང་ནང་བདེ་སྐྱིད་དང་ཞི་བདེ་བསྐྲུན་ཐུབ་པའི་སྨོན་འདུན་ཞུ་རྒྱུ་ཡིན། ཞེས་གསུངས་འདུག གནས་བརྟན་ལུགས་ཀྱི་ས་ག་ཟླ་བའི་དུས་ཆེན་དང་བསྟུན། ཕྱི་ཟླ་ ༣ ཚེས་ ༢༩ ཉིན་ལ་དྭགས་ནང་པའི་ཚོགས་པ་དང་ལ་དྭགས་དགོན་པ་ཚོགས་པའི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ལིའི་འགྲེམས་སྟོན་ཁང་དུ་ཡོད་པའི་སངས་རྒྱས་ཀྱི་རིང་བསྲིལ་རིན་པོ་ཆེ་དེ་ལ་དྭགས་ཀྱི་རྒྱལ་ས་གླེ་རུ་གདན་འདྲེན་ཞུས་ཡོད་ཅིང་། དེ་རིང་གླེ་ཞི་བའི་ཚལ་འགྲེམས་སྟོན་ཁང་དུ་སངས་རྒྱས་ཀྱི་རིང་བསྲིལ་རིན་པོ་ཆེར་མཇལ་ཁ་ཞུ་བའི་དབུ་འབྱེད་མཛད་སྒོའི་ཐོག་རྒྱ་གར་དབུས་ནང་སྲིད་བློན་ཆེན་ཨ་མི་ཐི་ཤཱ་ཧ་( Amit Shah)...

[དྷ་རམ་སར།] ཕྱི་ལོ་༢༠༢༦ ཟླ་༤ ཚེས་༣༠ ཉིན། རྒྱལ་མཚམས་མེད་པའི་གསར་འགོད་མཐུན་ཚོགས་ (Reporters Without Borders The post ༢༠༢༦ ལོའི་འཛམ་གླིང་གསར་འགོད་རང་དབང་གི་གནས་བབས་ལོ་ངོ་༢༥ ནང་སྡུག་ཤོས་སུ་གྱུར། appeared first on བོད་ཀྱི་བང་ཆེན།.

ལྕམ་ཨང་སན་སུའུ་སྐྱིད་ལགས་ཀྱི་བུ་ཀེམ་ཨེ་རི་སི་ལགས་ཀྱིས་ཁོང་གི་ཨ་མ་ལགས་གསོན་པོར་ཡོད་མེད་ཙམ་ཡང་ཤེས་ཀྱི་མེད་པས་བཟང་བཙོན་དུ་བཞག་པའི་གནས་ཚུལ་དེར་ཡིད་ཆེས་དཀའ་སྐོར་བརྗོད་འདུག དེ་རིང་བྷི་བྷི་སི་གསར་ཁང་གི་གསར་འགྱུར་ལྟར་ན། ཉེ་སྔོན་འབར་མའི་དྲག་དམག་སྲིད་གཞུང་གིས་མི་ལོ་ ༢༧ རིང་བཙོན་འཇུག་ཁྲིམས་ཐག་བཅད་པའི་ནོ་བྷེལ་ཞི་བདེའི་གཟེངས་རྟགས་ཐོབ་མྱོང་མཁན། ལྕམ་ཨང་སན་སུའུ་སྐྱིད་ལགས་བཟང་བཙོན་དུ་བཞག་ཡོད་ལུགས་བསྒྲགས་ཡོད་པ་རེད། འོན་ཀྱང་། ཁོང་མོའི་བུས་བཟང་བཙོན་དུ་བཞག་ཡོད་པའི་ཁུངས་ལྡན་གྱི་བདེན་དཔང་གང་ཡང་མེད་སྐོར་བསྒྲགས་འདུག་ལ། ཁོང་མོའི་ནང་མི་དང་རྒྱབ་སྐྱོར་བ་ཚོས་ལྕམ་ཨང་སན་ལགས་ཀྱི་སྐུ་གཟུགས་འཕྲོད་བསྟེན་ཐོག་སེམས་འཚབ་ཆེན་པོ་བྱེད་བཞིན་ཡོད་འདུག གནད་དོན་དེའི་ཐད་འབར་མའི་དྲག་དམག་གཞུང་གི་མགོ་འཁྲིད་མིན་ཨང་ལིན་ (Min Aung Hlaing) གྱིས། ཨང་སན་སུའུ་སྐྱིད་ཀྱིས་རང་གི་ནག་ཉེས་རྣམས་རང་གནས་ནས་འཁུར་རྒྱུ་བྱས་ཡོད། ཅེས་ལྕམ་ཨང་སན་སུའུ་སྐྱིད་ལགས་སུ་འདྲི་བརྩད་བྱེད་བཞིན་པའི་པར་རིས་ཤིག་ཕྱིར་བསྒྲགས་བྱས་ཡོད་འདུག ལྕམ་ཨང་སན་གྱི་བུ་ཀིམ་ཨེ་རི་སི་ (Kim Aris) ལགས་ཀྱིས། ད་ལྟ་ངའི་ཨ་མ་ལགས་གསོན་པོར་གནས་ཡོད་མེད་ཐད་དོགས་པ་ཆེན་པོ་ཡོད་པའི་ཁར། ད་ལྟ་དྲ་ལམ་དུ་བཀྲམ་པའི་འདྲི་བརྩད་ཀྱི་པར་རིས་དེ་ནི་ཕྱི་ལོ་ ༢༠༢༢ ལོར་བླངས་པའི་པར་ཞིག་ཡིན་སྐོར་དང་། ངས་ད་ལན་གྱི་གནས་ཚུལ་དེ་བདེན་པ་ཡིན་པའི་རེ་བ་བྱེད་ཀྱིན་ཡོད། འོན་ཀྱང་། ངས་ནི་ཁོང་མོ་བཟང་བཙོན་དུ་བཞག་ཡོད་པའི་ཁུངས་ལྡན་གྱི་བདེན་དཔང་གང་ཡང་ལག་སོན་མ་བྱུང་བས། ཁོང་མོར་འབྲེལ་གཏུག་བྱ་ཐུག་པའམ། རང་དབང་ལྡན་པའི་ཐོག་ནས་ཚོགས་སྡེ་ཁག་ཅིག་གིས་ཁོང་མོའི་གཟུགས་གཞིའི་གནས་སྟངས་ལ་རྒྱུས་ལོན་བྱེད་དུ་མ་གཞུག་བར་དུ་ཡིད་ཆེས་བྱ་དཀའ་བའི་གནས་སུ་གྱུར། ཞེས་བརྗོད་འདུག ཕྱི་ལོ་ ༢༠༢༠ ཟླ་ ༡༡ པའི་ནང་འབར་མའི་རྒྱལ་ཡོངས་འོས་བསྡུའི་ཁྲོད་ལྕམ་ཨང་སན་སུའུ་སྐྱིད་ལགས་ཀྱི་དམངས་གཙོ་ཡར་ཐོན་ཚོགས་པར་རྒྱལ་ཁ་ཐོབ་ཡོད་ཀྱང་། འབར་མའི་དྲག་དམག་གིས་དམངས་གཙོ་ཡར་ཐོན་ཚོགས་པས་འོས་བསྡུའི་གྲུབ་འབྲས་རྫུན་བཟོ་བྱས་ཚུལ་བརྗོད་དེ། ཕྱི་ལོ་ ༢༠༢༡ ཟླ་...

༄༅། །ཕྱི་ལོ་ ༢༠༢༦ ཟླ་ ༤ ཚེས་ ༣༠ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་ཨ་རི་སོགས་ཕྱི་རྒྱལ་ཡུལ་གྲུ་ཁག་དང་། ཧི་མ་ལ་ཡའི་རི་རྒྱུད་ཀྱི་དད་ལྡན་མི་མང་། རྩོམ་པ་པོ་སོགས་ལས་རིགས་འདྲ་མིན་གྱི་མི་མང་བརྒྱ་ཕྲག་གསུམ་བརྒལ་བར་མཇལ་ཁ་སྩལ་ཡོད་པ་རེད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་དགུ་པ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གཟིམ་ཆུང་ཕོ་བྲང་མཇལ་འཕྲད་ཁང་ཆེ་བར་ཆིབས་བསྒྱུར་གྱིས་ཐོག་མར་ཨ་རི་སོགས་ཕྱི་རྒྱལ་ཡུལ་གྲུ་ཁག་ནས་ཕེབས་པའི་དད་ལྡན་པ་དང་རྩོམ་པ་པོ་སོགས་ལས་རིགས་འདྲ་མིན་གྱི་མི་སྣར་མཇལ་ཁ་སྩལ་བ་དང་། སྐབས་དེར་ལཱཏ་ཝི་ཡཱ ནས་ཡིན་པའི་གཞོན་ནུ་མ་ཞིག་གིས། ངས་ལོ་གསུམ་དང་ཕྱེད་ཀའི་རིང་ནང་ཆོས་སྦྱོང་བཞིན་ཡོད། ད་ལྟ་ལས་ཀ་ཞིག་འཚོལ་བཞིན་ཡོད་པས་མི་ལ་ཕན་ཐོགས་པའི་ལས་ཀ་ཡག་ཤོས་གང་བྱེད་དགོས་སམ། ཞེས་བཀའ་འདྲི་ཞུས་པར། མགོན་པོ་མཆོག་གིས་སློབ་གྲྭའི་དགེ་རྒན་བྱེད་ན་ཡག་པོ་ཡོད་པ་རེད། སློབ་སྦྱོང་གི་ནང་དུ་སེམས་ཁམས་རིག་པའི་སྐོར་འགྲེལ་བཤད་རྒྱག་ཐུབ་ན་ནང་ཆོས་ཀྱི་དཔེ་ཆའི་ནང་ཧ་ཅང་ཡག་པོ་ཡོད་པ་རེད། དཀོན་མཆོག་ (God) དང་འཇིག་རྟེན་བྱེད་པ་པོ་ (Creator) ཟེར་བ་མིན་པར་སོ་སོའི་སེམས་དུལ་མ་བཏུལ་གྱི་ཐོག་ནས་སྐད་ཆ་བཤད་ཀྱི་ཡོད། ཅེས་བཀའ་སྩལ།གཞན་ཡང་། ཧོ་ལན་ནས་ཡིན་པའི་དད་ལྡན་མཇལ་བཅར་བ་ཞིག་གིས་བོད་སྐད་སྦྱོང་བཞིན་ཡོད་པས་ཐུགས་སྨོན་སྐྱབས་འཇུག་གནང་རོགས་ཞུས་པར། སེམས་ཁམས་རིག་པ་དང་ལྟ་གྲུབ་ཀྱི་སྐོར་ལ་བོད་ཀྱི་སྐད་ཡིག་ལེགས་ཤོས་རེད། ཅེས་དང་། མཇལ་བཅར་བ་གཞན་ཞིག་གིས། ཕ་མ་གཉིས་ད་ལྟ་ལོ་ཆེན་པོ་ཡིན། ང་རང་ཕ་མ་དང་མཉམ་དུ་ཁ་རྩོད་མང་པོ་ཤོར་གྱི་ཡོད། ཡིན་ནའང་། སེམས་ནས་ཧ་ཅང་དགའ་བོ་དང་བརྩེ་བ་ཡོད། ཕ་མ་གཉིས་ལ་ཐུགས་སྨོན་གནང་རོགས་ཞུས་པར། བརྩེ་བ་དང་མཉམ་དུ་རྒྱག་རེས་ཤོར་བ་དེ་ཆོས་ཉིད་རེད། ཅེས་བཀའ་གནང་བ་དང་། ཡང་དད་མཇལ་བ་ཞིག་གིས། མི་ཚེའི་ནང་གལ་ཆེ་ཤོས་གང་ཡིན་བཀའ་འདྲི་ཞུས་པར། མི་ཞིག་ཡིན་ཕྱིན་ཆད་བརྩེ་བ་ནི་གལ་ཆེ་ཤོས་ཡིན། ཞེས་བཀའ་གནང་།མུ་མཐུད་ཝི་ཡཏ་ནཱམ་གྱི་ནང་པའི་རྗེས་འཇུག་པ་དང་།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༣༠ ཉིན་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་རིགས་ལམ་སློབ་གཉེར་ཁང་གི་རིས་མེད་དགེ་བཤེས་སློབ་ཐོན་དང་། ས་རཱ་མཐོ་སློབ་ཀྱི་མཐོ་རིམ་རིག་གནས་སྐབས་ ༢༥ པའི་སློབ་ཐོན། སྐབས་བཞིའི་པའི་རབ་བྱུང་རིག་གནས་ཆེད་སྦྱོང་འཛིན་གྲྭའི་སློབ་ཐོན་བཅས་ཀྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་སྐུ་མགྲོན་གཙོ་བོར་ཆེད་ཕེབས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོར་མཐོ་སློབ་ཀྱི་དགེ་ལས་རྣམས་སེར་སྦྲེངས་བསྒྲིགས་ཏེ་མཛད་སྒོའི་དམིགས་བསལ་སྐུ་མགྲོན་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོ་མཆོག་དང་ཤེས་རིག་བཀའ་བློན་མཆོག་ལ་ཕེབས་བསུའི་སྣེ་ལེན་ཞུས་ཡོད། དེ་རྗེས་མཐོ་སློབ་ཀྱི་འདུ་ཁང་དུ་དམིགས་བསལ་སྐུ་མགྲོན་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པ་ཆེ་མཆོག་དབུ་བཞུགས་ཐོག་སྐུ་མགྲོན་གཙོ་བོ་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་། དགའ་ལྡན་ཕོ་བྲང་གི་དྲུང་ཆེ་འཆི་མེད་རིག་འཛིན་ལགས། ཆོས་རིག་དྲུང་ཆེ་བདུད་འདུལ་རྡོ་རྗེ་ལགས། རིགས་སློབ་མ་ལག་གཉིས་ཀྱི་སྤྱི་ཁྱབ་དབུ་འཛིན་དགེ་བཤེས་བསམ་གཏན་རྒྱ་མཚོ་ལགས། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སློབ་སྤྱི་བགྲེས་གཞོན་རྣམ་པ། རིགས་སློབ་མ་ལག་གཉིས་ཀྱི་སློབ་དཔོན་བགྲེས་གཞོན་རྣམ་པ། གཏོང་ཕོད་ཅན་གྱི་སྦྱིན་བདག་རྣམ་པ། སློབ་མཐར་སོན་པའི་སློབ་ཕྲུག་དང་རིགས་སློབ་མ་ལག་གཉིས་ཀྱི་སློབ་གཉེར་བ་བཅས་ལྷན་འཛོམས་ཀྱིས་ཐོག་མར་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་གིས་སྣང་གསལ་མར་མེ་ཞལ་ཕྱེ་གནང་གྲུབ་མཚམས་འདུས་ཚོགས་ནས་སྐྱབས་སེམས་དང་གང་བློ་མ་གསུང་འདོན་གནང་རྗེས་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སློབ་སྤྱི་པ་སངས་ཚེ་རིང་ལགས་ཀྱིས་འཚམས་འདྲི་ཞུས་པ་དང་སྦྲགས་མཐོ་སློབ་ཀྱི་དམིགས་ཡུལ་དང་ངོ་སྤྲོད་སྙིང་བསྡུས་ཤིག་སྒྲོགས་སྦྱང་གནང་། དེ་བཞིན་མཐོ་སློབ་ལ་རྒྱུན་མཐུད་དཔལ་འབྱོར་དང་གང་ཅིའི་ཐད་ནས་རྒྱབ་སྐྱོར་གནང་མཁན་དགའ་ལྡན་ཕོ་བྲང་དང་ཤེས་རིག་ལས་ཁུངས། ཆོས་རིག་ལས་ཁུངས་མ་ཟད་སྦྱིན་བདག་རྣམ་པར་ཐུགས་རྗེ་ཆེ་ཞུས་ཡོད། དེ་རྗེས་རིགས་སློབ་མ་ལག་གཉིས་ཀྱི་སྤྱི་ཁྱབ་དབུ་འཛིན་དགེ་བཤེས་བསམ་གཏན་རྒྱ་མཚོ་ལགས་ཀྱིས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེའི་བཀའ་དྲིན་དང་། དེ་བཞིན་ཞིང་གཤེགས་དབུ་དགེ་དམ་པ་རྒན་བློ་བཟང་རྒྱ་མཚོ་ལགས། སློབ་གསོའི་ལམ་སྟོན་གནང་མཁན་གྱི་དགེ་བའི་བཤེས་གཉེན་རྣམ་པའི་བཀའ་དྲིན་ལ་བརྟེན་ནས་བསྐལ་བཟང་གི་གོ་སྐབས་བཟང་པོའི་འོག་ལོ་ངོ་མང་པོའི་རིང་དཀའ་ངལ་ལ་གདོང་ལེན་གྱིས་ཐེངས་འདིར་སློབ་མཐར་སོན་གྱི་ཡོད་པ་དང་། སློབ་མཐར་སོན་མཁན་གྱི་སློབ་མ་ཚོས་བཀའ་དྲིན་དེ་དག་སེམས་ལ་བཅངས་པའི་ཐོག་སློབ་མཐར་སོན་པའི་རྗེས་སྤྱི་ཚོགས་ནང་རབ་བྱུང་ན་གཞན་ཕན་སྒྲུབ་དགོས་པ་དང་། བོད་ཀྱི་ཆོས་དང་རིག་གཞུང་། སྐད་ཡིག་བཅས་པ་མི་ཉམས་རྒྱུན་འཛིན་དང་ཉམས་པ་སླར་གསོ། བརྒྱུད་སྤེལ་བཅས་གནང་དགོས་གལ་ཡིན་པའི་ལམ་སྟོན་གནང་ཡོད། དེ་བཞིན་རིགས་སློབ་མ་ལག་གཉིས་ལ་མཐུན་རྐྱེན་རོགས་མགོན་རྒྱུན་མཐུད་གནང་མཁན་ཡོངས་ལ་ཐུགས་རྗེ་ཆེ་ཞུས་གནང་ཡོད། དགའ་ལྡན་ཕོ་བྲང་གི་དྲུང་ཆེ་འཆི་མེད་རིག་འཛིན་ལགས་ནས་ས་རཱ་མཐོ་སློབ་ཀྱི་སྤྱི་པའི་རྒན་བདག་བཞི་ལ་རང་འཁྲིའི་ལས་ཡུན་རིང་སྤྱི་དོན་ལྷག་བསམ་ཁུར་ལེན་གནང་བར་ཡི་རངས་མཚོན་བྱེད་མཇལ་དར་དང་ཕྱག་འཁྱེར་གནང་གྲུབ་རྗེས། ནང་པའི་ཚན་རིག་དང་ལྟ་གྲུབ་འཛིན་གྲྭའི་སློབ་ཐོན་པ་རྣམས་ལ་ཕྱག་འཁྱེར་ཕུལ་ཡོད། དེ་རྗེས་ཆོས་རིག་དྲུང་ཆེ་བདུད་འདུལ་རྡོ་རྗེ་ལགས་ཀྱིས་སྐབས་བཞི་པའི་རབ་བྱུང་རིག་གནས་ཆེད་སྦྱོང་འཛིན་གྲྭའི་སློབ་ཐོན་པ་བརྒྱད་ལ་ཕྱག་འཁྱེར་ཕུལ་མཚམས། ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་དུས་དེབ་གངྒཱའི་བཞད་སྒྲ་འདོན་ཐེངས་སོ་ལྔ་པ་གཙོས་པས་དཔེ་དེབ་ཁག་གཅིག་དབུ་འབྱེད་གནང་ཡོད། སྐུ་མགྲོན་གཙོ་བོ་དཔལ་ལྡན་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་ནས་ས་རཱ་མཐོ་སློབ་ཀྱི་སྤྱི་ཐབ་གསར་རྒྱག་གི་མཚོན་རིགས་སློབ་མ་ལག་ལ་དཔལ་འབྱོར་མཐུན་རྐྱེན་རོགས་རམ་རྒྱུན་མཐུད་གནང་མཁན་ཀེ་རོལ་ལགས་སུ་ཐུགས་རྗེ་ཆེ་ཞུ་མཚོན་བྱེད་སྒྲོལ་དཀར་ཡིིད་བཞིན་འཁོར་ལོའི་སྣང་བརྙན་ཞིག་ཕུལ་གྲུབ་པ་དང་བསྟུན། ས་རཱ་མཐོ་སློབ་ཀྱི་མཐོ་རིམ་རིག་གནས་སྐབས་ ༢༥ པའི་སློབ་ཐོན་སློབ་མ་ ༢༣ ཞིག་ལ་མཐོ་རིམ་རིག་གནས་རབ་འབྱམས་པའི་ཕྱག་འཁྱེར་ཕུལ་ཡོད། དེ་ནས་དམིགས་བསལ་སྐུ་མགྲོན་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་ནས་ས་རཱ་མཐོ་སློབ་ཐོག་མར་གསར་འཛུགས་སྐབས་ས་ཆ་ཉོ་སྒྲུབ་ཞུ་རྒྱུས་མཚོན་རིགས་སློབ་མ་ལག་གཉིས་ལ་མཐུན་རྐྱེན་རྒྱུན་མཐུད་གནང་མཁན་༸སྐུའི་གསུང་སྒྱུར་འབུམ་རམས་པ་འཇམ་དབྱངས་རིན་ཆེན་ལགས་ཀྱི་ཨ་མ་ལགས་སུ་ཐུགས་རྗེ་ཆེ་ཞུ་མཚོན་བྱེད་རྒྱལ་བ་ཚེ་དཔག་མེད་ཀྱི་སྣང་བརྙན་ཞིག་གསོལ་སྩལ་དང་།...

རྒྱ་ནག་གཞུང་གིས་བོད་ཕྲུག་ཁུང་ཙིའི་ཕ་ཡུལ་ལ་ཁྲིད་དེ་རྒྱ་མི་རིགས་ཀྱི་གནའ་བོའི་རིག་གཞུང་གི་སློབ་གསོ་གཏིང་ཟབ་སྤྲོད་པ།

ད་བར་ལོ་ ༥ ལྷག་རིང་ཨང་སན་སུ་ཅིས་བཙོན་འཇུག་གི་ཉེས་ཆད་མྱངས་ཟིན་པ།

བོད་ནང་རང་དབང་ཇེ་སྡུག་ཏུ་འགྲོ་བཞིན་ཡོད་སྐོར་དབྱེ་ཞིབ་པས་གསུངས་པ།

འབྲས་ལྗོངས་རྒྱ་གར་གྱི་མངའ་ཁོངས་སུ་ཚུད་ནས་ལོ་ ༥༠ འཁོར་བར་སྲིད་བློན་མོ་དྷི་ཕེབས་པ།

The post གློ་སྒྲིག་གི་ལོ་རྒྱུས་ཀྱི་བྱུང་བ་བརྗོད་པ། appeared first on བོད་ཀྱི་དུས་བབ།.

༄༅། ཕྱི་ལོ་ ༢༠༢༦ ཟླ་བ་ ༠༤ ཚེས་ ༣༠ དང་། ཕྱི་ཟླ་ ༠༥ ཚེས་ ༠༡ བཅས་ཉིན་གྲངས་གཉིས་རིང་བོད་མིའི་སྒྲིག་འཛུགས་ཀྱི་ཕྱི་དྲིལ་བོད་ཀྱི་འགྲེམས་སྟོན་ཁང་དང་གདན་ས་དཔལ་སྤུངས་ཤེས་རབ་གླིང་ཟུང་སྦྲེལ་ཐོག་བོད་ཀྱི་ཡིག་གཟུགས་ཉིན་མོ་དང་བསྟུན་བོད་ཀྱི་ཡིག་གཟུགས་འགྲེམས་སྟོན་དང་། གསུང་བཤད་ལས་རིམ་བཅས་གོ་སྒྲིག་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་ཕྱི་དྲིལ་བཀའ་བློན་ནོར་འཛིན་སྒྲོལ་མཆོག་གིས་སྣང་གསལ་མར་མེ་ཞལ་ཕྱེ་གནང་སྟེ་འགྲེམས་སྟོན་དབུ་འབྱེད་གནང་གྲུབ་བསྟུན་གཟིགས་སྐོར་གནང་ཡོད། སྐབས་དེར་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་དང་། ཕྱི་དྲིལ་དྲུང་འཕར་རྣམ་རྒྱལ་ཚེ་དབང་ལགས། བོད་ཀྱི་འགྲེམས་སྟོན་ཁང་གི་འགན་འཛིན་བསྟན་འཛིན་སྟོབས་ལྡན་ལགས། གློག་རྡུལ་ཡིག་གཟུགས་བྱུས་འགོད་པ་སྐུ་ཞབས་ཇོ་ཌི་བྷི་ཌི་མེ་ཀར་ལགས། དཔལ་སྤུངས་རིག་གནས་མཐོ་སློབ་ཀྱི་སྒྲ་རིག་འགན་འཛིན་གཙོས་པའི་དཔལ་སྤུངས་ཤེས་རབ་གླིང་དགོན་གྱི་གྲྭ་སློབ། དེ་བཞིན་གསར་འགོད་པ་དང་གཟིགས་སྐོར་བ་བཅས་མཉམ་ཞུགས་གནང་ཡོད།དེ་རྗེས་ཆུ་ཚོད་ ༡༡ ཙམ་ལ་དཔལ་སྤུངས་རིག་གནས་མཐོ་སློབ་ཀྱི་སྒྲ་རིག་འགན་འཛིན་ཀརྨ་དབང་གྲགས་ལགས་ཀྱིས་བོད་ཀྱི་ཡིག་གཟུགས་ཀྱི་ལོ་རྒྱུས་དང་ལག་ལེན་སྐོར་གསུང་བཤད་གནང་སྐབས་ཁོང་གིས་ཡིག་གཟུགས་ཀྱི་གལ་གནད་དང་། བོད་ཀྱི་ཡིག་གཟུགས་དེ་བཞིན་རྒྱ་གར་ནས་བྱུང་ཚུལ་དང་འཕེལ་རིམ། ཡིག་གཟུགས་ཀྱི་དབྱེ་བ་དང་དེའི་ཚང་དགོས་པའི་ཁྱད་ཆོས་སོགས་ཀྱི་ཐོག་གསུང་བཤད་གནང་གྲུབ་མཚམས་མཉམ་ཞུགས་པའི་དྲི་བར་ལན་འདེབས་གནང་བ་མ་ཟད། མཉམ་ཞུགས་པ་རྣམས་ལ་བོད་ཀྱི་ཡིག་གཟུགས་སྦྱོང་བརྡར་བྱ་རྒྱུའི་གོ་སྐབས་ཐོབ་ཡོད། དེ་མཚུངས་ཉིན་རྒྱབ་ཆུ་ཚོད་ ༢།༣༠ ཙམ་ལ་བོད་ཀྱི་གློག་རྡུལ་ཡིག་གཟུགས་བྱུས་འགོད་པ་ཇོ་ཌི་བྷི་ཌི་མེ་ཀར་ལགས་ཀྱིས་བོད་ཀྱི་མཛུབ་གནོན་བཟོ་བཀོད་དང་། ལྕགས་པར་ཐོག་གསུང་བཤད་དང་དྲི་བ་དང་དྲི་ལན་གནང་ཡོད།ཐེངས་འདིའི་འགྲེམས་སྟོན་དེ་བཞིན་བོད་ཀྱི་མི་རབས་གཞོན་པ་རྣམས་ལ་བོད་ཀྱི་ཡིག་གཟུགས་ཀྱི་གལ་གནད་སྐོར་གོ་རྟོགས་སྤེལ་རྒྱུ་དང་སྦྲགས། རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གཏན་འབེབས་བྱས་པའི་ཁྲོད་ལས་གཞི་འདི་གནད་འགག་ཅིག་མཚོན་གྱི་ཡོད་པ་རེད། དེ་བཞིན་སང་ཉིན་ཏེ་ཕྱི་ཟླ་ ༠༥ ཚེས་ ༠༡ ཉིན་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་དྷ་ས་གནས་སྡོད་མི་མང་། ཡུལ་སྐོར་བ།...

དེ་རིང་བོད་ཀྱི་ཡིག་གཟུགས་ཉིན་མོ་དང་བསྟུན། ཕྱི་དྲིལ་བོད་ཀྱི་འགྲེམ་སྟོན་ཁང་དང་གདན་ས་དཔལ་སྤུངས་ཤེས་རབ་གླིང་ཟུང་འབྲེལ་ཐོག་བོད་ཀྱི་ཡིག་གཟུགས་ཀྱི་འགྲེམས་སྟོན་ཞིག་བྱེད་ཀྱིན་ཡོད་ཅིང་། ཡིག་གཟུགས་དེ་དག་གི་ཁྲོད། གཟབ་ཆེན་གཟབ་ཆུང་དང་། འབྲུ་ཆེན། འབྲུ་ཆུང་། འཁྱུག་བྲིས། སྡེབ་བྲིས། ཚུགས་རིང་། ཚུགས་ཐུང་སོགས་འདུག དེ་དག་དང་འབྲེལ་ནས་དཔལ་སྤུངས་ཤེས་རབ་གླིང་མཐོ་སློབ་ཀྱི་རིག་གནས་ཆེ་ཆུང་ཚན་པའི་འགན་འཛིན་དང་དགེ་རྒན་ཀརྨ་དབང་གྲགས་ལགས་ཀྱིས་འདི་གའི་གསར་འགོད་པར།  དེ་རིང་དབུས་བོད་མིའི་སྒྲིག་འཛུགས་ཕྱི་དྲིལ་འགྲེམས་སྟོན་ཁང་གིས་རེ་སྐུལ་ཞུས་པ་ལྟར། གདན་ས་དཔལ་སྤུངས་ཤེས་རབ་གླིང་དང་མཉམ་འབྲེལ་གྱི་ཐོག་ནས་བོད་ཀྱི་ཡིག་གཟུགས་འགྲེམས་སྟོན་ཞིག་གོ་སྒྲིག་ཞུས་ཡོད་པ་རེད། རྩ་བའི་གདན་ས་དཔལ་སྤུངས་ཤེས་རབ་གླིང་དེ་ཀུན་མཁྱེན་སི་ཏུ་པཎ་ཆེན་གྱི་སྐབས་ལ་བོད་ཀྱི་རིག་པའི་གནས་བཅུ་ཡི་ལྟེ་གནས་ཆེན་པོ་ཞིག་ཆགས་ཡོད་རེད། ད་ལྟའང་འཇམ་མགོན་སི་ཏུ་སྐུ་ཕྲེང་བཅུ་གཉིས་པ་མཆོག་གིས་སི་ཏུ་པཎ་ཆེན་གྱི་མཛད་པ་རྒྱུན་སྐྱོང་གི་ཐོག་ནས། གདན་ས་དཔལ་སྤུངས་ཤེས་རབ་གླིང་དུ་བོད་ཀྱི་ཆོས་རིག་དང་ཡིག་གཟུགས་སོགས་ལ་ལོ་མང་སྔོན་ནས་བསླབ་པ་སློབ་གཉེར་དང་། ན་ནིང་༧རྒྱལ་བའི་གོ་སྟོན་དང་སྟབས་བསྟུན་ནས་དཔལ་སྤུངས་ཤེས་རབ་གླིང་དུ་ཡིག་གཟུགས་ཀྱི་འགྲན་བསྡུར་དང་འགྲེམས་སྟོན་ཆེན་པོ་ཞིག་འཚོགས་ཡོད་སྟབས། ད་ལན་འགྲེམས་སྟོན་བྱ་རྒྱུའི་གོ་སྐབས་ཤིག་ཐོབ་པ་རེད། ད་ལན་གྱི་འགྲེམས་སྟོན་འདིའི་ནང་བོད་ཀྱི་ཡིག་གཟུགས་ལ་དབྱེ་ན་གསུམ་སྟེ། གཟབ་མ། འབྲུ་མ། བཤུར་མ་བཅས་ཀྱི་ཁོངས་སུ་བསྡུས་པ་ལྟ་བུ་ཞིག་ཆགས་ཡོད་པ་རེད། གཟབ་མ་ལ་གཟབ་ཆེན་གཟབ་ཆུང་དང་། འབྲུ་ཆེན། འབྲུ་ཆུང་། འཁྱུག་བྲིས་སོགས་ཡིག་གཟུགས་དྲུག་ཙམ་འགྲེམས་སྟོན་བྱས་ཡོད། ཅེས་བརྗོད་བྱུང་།  ཡང་ཁོང་གིས། བོད་ཀྱི་སྐད་ཡིག་གི་ཆེས་གཉན་ཕྲང་ཅན་གྱི་དུས་སྐབས་འདིར། ༧གོང་ས་རྒྱལ་བ་རིན་པོ་ཆེ་མཆོག་བཙན་བྱོལ་ནང་ཕེབས་ནས་བོད་ཀྱི་ཆོས་དང་རིག་གཞུང་སྐད་ཡིག་དང་བཅས་པའི་རྩ་བ་དགོན་སྡེ་དང་ཆོས་སྡེ་ཁག་གསར་འཛུགས་གནང་ཡོད་པ་ལ་བརྟེན་ནས། ད་ལྟ་བཙན་བྱོལ་ནང་བོད་ཀྱི་སྐད་ཡིག་གསོན་པོར་གནས་པར་བཀའ་དྲིན་ཆེ་ཤོས་ནི་༧གོང་ས་རྒྱལ་བ་རིན་པོ་ཆེ་མཆོག་ཆགས་ཡོད་སྟབས། ༧གོང་ས་རྒྱལ་བ་རིན་པོ་ཆེ་མཆོག་གི་བཀའ་སློབ་ལམ་སྟོན་གྱི་འོག་ནས་འཇམ་མགོན་སི་ཏུ་རིན་པོ་ཆེ་མཆོག་གིས་ཀྱང་༧མགོན་པོ་གང་གི་ཐུགས་དགོངས་སྒྲུབ་སླད། སྔར་གྱི་ལོ་རྒྱུས་སོགས་གཞི་ལ་བཞག་ནས་གདན་སའི་ནང་ཆོས་དང་རིག་གཞུང་གི་ཐོག་ཏུ་འབད་བརྩོན་བྱས་དང་བྱེད་བཞིན་པ་ལྟ་བུ་ཞིག་རེད་ལ། དེ་ལན་གྱི་འགྲེམས་སྟོམ་དེའང་དེའི་ཆ་ཤས་ཤིག་རེད། བོད་ཀྱི་གཞོན་སྐྱེས་རྣམས་ཀྱིས་བོད་ཀྱི་སྐད་ཡིག་དང་། ཡིག་གཟུགས་དེའང་ཡི་གེ་བྲི་རྒྱུ་ཁོ་ན་མིན་པར། བོད་སྨྱུག་དང་བོད་ཤོག་བཟོ་སྟངས། བོད་ཀྱི་ཡིག་གཟུགས་ཀྱི་རྣམ་གྲངས་མང་པོ་དང་ཆ་ཤས་སོགས་གཏིང་ཟབ་པོ་ཡོད་པ་རྣམས་ལ་སློབ་གཉེར་གནང་ན། བོད་ཀྱི་རིག་གཞུང་ཕྱུག་པོ་ཡིན་པ་ཤེས་རྟོགས་བྱུང་བའི་ཁར། ཉག་ཕྲ་བའི་དུས་སྐབས་འདིར་འགྲེམས་སྟོན་འདི་བརྒྱུད་བོད་ཀྱི་རིག་གཞུང་རྒྱུན་འཛིན་བྱ་རྒྱུར་ངེས་ཤེས་ཤིག་རྙེད་ཐུབ་ཀྱི་རེད་བསམ་གྱི་འདུག ཅེས་བརྗོད་སོང་། བོད་ཀྱི་འགྲེམས་སྟོན་ཁང་གི་འགན་འཛིན་བསྟན་འཛིན་སྟོབས་ལྡན་ལགས་ཀྱིས།  དེ་རིང་ཕྱི་ཟླ་ ༤ ཚེས་ ༣༠ ཉིན་བོད་ཀྱི་ཡིག་གཟུགས་ཉིན་མོར་སྲུང་གཙི་ཞུས་དང་ཞུ་མུས་རེད་ལ། ཉིན་མོ་དེ་ནི་བོད་ནང་ཤེས་ཡོན་པ་དག་གི་བར་གོ་བསྡུར་བྱུང་རྗེས། བོད་ཡིག་ལ་དབྱངས་བཞི་དང་གསལ་བཤད་སུམ་ཅུ་ཡོད་པ་ལ་བརྟེན་ནས། ཕྱི་ཟླ ༤ ཚེས་ ༣༠ ཉིན་མོ་དེ་བོད་ཀྱི་ཡིག་གཟུགས་ཉིར་མོར་སྲུང་གཙི་ཞུ་ཡི་ཡོད་པ་རེད། བོད་ཀྱི་སྐད་ཡིག་དེ་བྱུང་ནས་མི་ལོ་གཅིག་སྟོང་སུམ་བརྒྱ་ལྷག་ཅིག་འདས་ཡོད་པས།  ལོ་རྒྱུས་ཐོག་ནས་བལྟས་ཀྱང་ལོ་རྒྱུས་རིང་པོ་དང་བོད་ཀྱི་ངོ་བོ་མཚོན་ཐུབ་པའི་སྐད་ཡིག་གལ་ཆེན་ཞིག་ཆགས་ཡོད་རེད། ད་ལན་དམིགས་བསལ་གྱི་འགྲེམས་སྟོན་སྟེང་གདན་ས་དཔལ་སྤུངས་ཤེས་རབ་གླིང་དང་དེང་དུས་ཀྱི་གློག་རྡུལ་ཡིག་གཟུགས་འབྲི་མཁན་ཇོ་ཌི་བྷི་ཌི་མེག་ཀར་( Jo De Baerdemaeker)ལགས་བཅས་དང་ཟུང་འབྲེལ་བྱས་ནས་ཉིན་གྲངས་གཉིས་རིང་གི་ལས་གཞི་ཞིག་བརྩམས་ཡོད། འགྲེམས་སྟོན་དེའི་དམིགས་ཡུལ་གཙོ་བོ་དེ་གནའ་དེང་གཉིས་ཀ་ཟུང་འབྲེལ་གྱི་ཐོག་ནས། ནམ་རྒྱུན་ནས་ལས་ཀ་ག་རེ་བྱས་ཀྱང་མི་རབས་རྒན་གཞོན་གཉིས་ཀྱི་ཟབ་མ་ལྟ་བུ་ཞིག་མཚོན་ཐབས་བྱེད་ཀྱིན་ཡོད། ཅེས་བརྗོད་སོང་། སྐུ་སྐབས་ཇོ་ཌི་བྷི་ཌི་མེག་ཀར་ལགས་ནི་གློག་རྡུལ་ཡིག་གཟུགས་བཟོ་སྐྲུན་མཁན་ཞིག་ཡིན་ཞིང་། གློག་རྡུལ་ནང་བོད་ཀྱི་ཡིག་གཟུསག་བཟོ་སླད་ཐེངས་གཉིས་བོད་ལ་ཕྱིན་ནས་བོད་ཡིག་གློག་རྡུལ་ཡིག་གཟུགས་བཟོ་ཡི་ཡོད་སྐོར་སོགས་བརྗོད་བྱུང་། དེ་བཞིན་དེ་རིང་བོད་ནང་བོད་ཀྱི་ཡིག་གཟུགས་ཉིན་མོ་སྲུང་གཙི་ཞུ་མུས་ཡིན་པ་དང་བསྟུན། སྐབས་གསུམ་པའི་པདྨ་གསེར་སྨྱུག་རྟགས་མའི་ཡིག་གཟུགས་འགྲན་སྡུར་གྱི་གཟེངས་སྟོད་མཛད་སྒོ་ཞིག་ཁྲིན་འདུ་དུ་འཚོགས་ཡོད་ཅིང་། མཛད་སྒོའི་སྟེང་བོད་ཀྱི་ཚོང་དཔོན་ཆེན་པོ་དང་ཨ་རོགས་བོད་པ་ཚོང་ལས་ཁང་གི་སྦྱིན་བདག་པདྨ་དབང་ཆེན་ལགས་ཀྱིས། རིང་ཚད་ལ་མི་ཊར་གཉིས་ཙམ་རེ་ཡོད་པའི་བཀྲ་ཤིས་བདེ་ལེགས་སོགས་བྲིས་པའི་ཤོག་ངོས་རེ་རེར་རྒྱ་སྒོར་ཁྲི་ ༢༦ རེ་སྤྲད་ནས་ཁྱོན་ཤོག་ངོས་གསུམ་ལ་རྒྱ་སྒོར་ཁྲི་ ༧༨ སྤྲད་ནས་ཉོས་རྗེས། ཁོང་གིས་སྡིངས་ཆའི་སྟེང་ནས་སྐད་གསེང་མཐོན་པོས། བོད་ཡིག་འདི་ནི་ང་ཚོར་མེས་པོ་གོང་མ་རྣམས་ཀྱིས་ལོ་ངོ་སྟོང་ཕྲག་མང་པོའི་གོང་ནས་དཀའ་ལས་བརྒྱབ་ནས་བཞག་པའི་རིག་གནས་ཤིག་རེད། ལོ་ཆུང་བ་རྣམས་ཀྱིས་རྒྱུན་འཛིན་བྱ་རྒྱུ་ནི་མེས་པོ་གོང་མ་རྣམས་ལ་དྲིན་ལན་འཇལ་བའི་ཆེས་ལེགས་སྐྱེས་ཡག་ཤོས་དེ་རེད། ཅེས་བརྗོད་འདུག་ལ། ཁོང་གི་སྐད་ཆ་དེ་བོད་ནང་གི་དྲ་ལམ་ཁག་ཏུ་ཁྱབ་སྤེལ་ཤུགས་ཆེན་པོ་འགྲོ་བཞིན་འདུག   ཕྱི་ལོ་ ༢༠༡༧ ལོར་རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་པོའི་ཐོག་བོད་ཡིག་དབྱངས་གསལ་སོ་བཞིའི་མཚོན་དོན་ལྟར་ལོ་རེའི་ཕྱི་ཟླ་ ༤ ཚེས་ ༣༠ ཉིན་བོད་ཀྱི་ཡིག་གཟུགས་དུས་ཆེན་དུ་གཏན་འབེབས་གནང་སྟེ་བོད་ཆོལ་ཁ་གསུམ་ནས་སྲུང་གཙི་བྱ་རྒྱུའི་ཐག་གཅོད་བྱུང་ནས། ལོ་ལྟར་ཕྱི་ཟླ ༤ ཚེས་ ༣༠ ཉིན་བོད་གཞིས་བྱེས་གཉིས་སུ་བོད་ཀྱི་ཡིག་གཟུགས་འགྲན་སྡུར་དང་། འགྲེམས་སྟོན། བོད་ཡིག་འབྲི་བ་སོགས་ཀྱི་ལམ་ནས་བོད་ཀྱི་ཡིག་གཟུགས་ཉིན་མོ་སྲུང་གཙི་ཞུས་དང་ཞུ་མུས་ཡིན།  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post བོད་ཀྱི་ཡིག་གཟུགས་སྣ་མང་འགྲེམས་སྟོན་བྱས་ཏེ་ཡིག་གཟུགས་ཉིན་མོ་སྲུང་གཙི་གནང་གི་འདུག  appeared first on བོད་ཀྱི་དུས་བབ།.

ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ Rick Scott ལགས་དང་ Jeff Merkley ལགས་གཉིས་ནས་ Tibet Atrocities Determination Act ཞེས་རྒྱ་ནག་གིས་བོད་ནང་བཙན་གནོན་ཇེ་ཤུགས་ཆེ་རུ་གཏོང་བཞིན་པར་ངོས་འཛིན་གྱིས་ཁྲིམས་འཆར་ཞིག་ཆེད་འདོན་གནང་འདུག དེ་ཡང་ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ Rick Scott ལགས་ཀྱི་དྲྭ་གནས་ཐོག་གནས་ཚུལ་ཐོན་གསལ་ལྟར་ན།  Tibet Atrocities Determination Act ཞེས་བོད་ནང་བཙན་གནོན་ངོས་འཛིན་གྱིས་ཁྲིམས་འཆར་དེ་བཞིན་ཁ་སང་ཕྱི་ཚེས་ ༢༩ སྟེ་བོད་ཀྱི་རྒྱལ་གཅེས་དཔའ་བོ་དཔའ་མོར་རྗེས་དྲན་གྱི་ཉིན་མོ་ཞེས་དབུས་བོད་ཀྱི་གཞོན་ནུ་ལྷན་ཚོགས་ཀྱིས་སྲུང་བརྩི་ཞུ་བཞིན་པའི་དུས་ཚིགས་དང་བསྟུན་ནས་ཆེད་འདོན་གནང་བ་ཞིག་རེད་འདུག་ལ།   ཁྲིམས་འཆར་དེས་ཨ་རིའི་ཕྱི་སྲིད་བློན་ཆེན་མཆོག་ལ་འབྱུང་འགྱུར་ལོ་གཅིག་ནང་ཚུད་རྒྱ་ནག་གིས་བོད་ནང་བཙན་གནོན་གྱི་བྱ་སྤྱོད་དེ་དག་མི་རིགས་སྡེབ་གསོད་ཀྱིས་རྩ་མེད་གཏོང་ཐབས་དང་ཡང་ན་འགྲོ་བ་མིར་གཉའ་གནོན་གྱིས་ཁྲིམས་ཐོག་ནག་ཉེས་ཤིག་གི་མཚན་ཉིད་ཚང་གི་ཡོད་མེད་ཐད་ངོས་འཛིན་ཇི་ལྟར་གནང་གི་ཡོད་སྐོར་བཀའ་ལན་འདོན་སྤེལ་གནང་དགོས་ཀྱི་ཡོད་པ་རེད་འདུག ཁྲིམས་འཆར་ཆེད་འདོན་གནང་བ་དེའི་ནང་སྐུ་ཞབས་ Rick Scott ལགས་ཀྱིས།  རྒྱ་ནག་དམར་ཤོག་གཞུང་གིས་བོད་ནང་མི་རིགས་སྡེབ་གསོད་ཀྱིས་རྩ་མེད་གཏོང་ཐབས་བྱེད་བཞིན་ཡོད་པ་མངོན་གསལ་དང་འབྲེལ།  དེ་ནི་ཟློག་ཐབས་མེད་པའི་དངོས་ཡོད་གནས་སྟངས་ཤིག་ཡིན་པ་དང་།  རྒྱ་ནག་སྲིད་གཞུང་གིས་བོད་མི་རིགས་ཐོག་གཉའ་གནོན་གྱི་སྲིད་བྱུས་ནང་འཐབ་ཇུས་ལྡན་པའི་དམར་གསོད་དང་མནར་གཅོད་བཏང་བ། བཙན་གྱིས་བུ་བཙའ་འགོག་པ་དང་གནས་སྤོས་བྱས་པ། སྲིད་གཞུང་གི་བཀོད་སྒྲིག་འོག་བཙན་ཁྲིད་བྱས་པ་མ་ཟད། འགྲོ་བ་མིའི་ཐོབ་ཐང་ལ་རྡོག་རོལ་གཏོང་བའི་ནག་ཉེས་གཞན་མང་དག་ཅིག་ཡོད་པ་གསུངས་ཏེ།  འདི་ནི་ངན་སེམས་ཀྱིས་ཀུན་ནས་སློང་བའི་རྒྱ་ནག་སྲིད་གཞུང་གི་དུས་རྒྱུན་གྱི་བྱ་སྤྱོད་ཅིག་རེད་ལ།  དུས་མཚུངས་སུ་རྒྱ་ནག་གིས་ཡུ་གུར་མི་རིགས་སྡེབ་གསོད་བྱེད་བཞིན་པ་དང་། ཡེ་ཤུའི་ཆོས་ལུགས་ཐོག་དྲག་གནོན།  མ་ཟད་ཁོང་གི་གྲོགས་པོ་ཇི་མི་ལེ་ཡི་ལྟ་བུའི་ཆབ་སྲིད་བཙོན་པ་ཚོ་བཙོན་ཁང་དུ་བཅུག་བཞིན་ཡོད་སྟབས།  ཁྲག་སྦྱོར་འདི་མཚམས་འཇོག་དགོས་པ་དང་།...

རྒྱ་ནག་གཞུང་གིས་རྒྱལ་སྤྱིའི་ཉེས་ཁྲིམས་ལས་འགལ་བའི་བོད་ནང་མི་རིགས་རྩ་གཏོར་དང་སྡེབ་གསོད་བྱེད་ཀྱི་ཡོད་མེད་ཞིབ་འཇུག་བྱས་ཏེ་ཨ་རིས་རྒྱ་ནག་ཉེས་ཆད་གཅོད་དགོས་པའི་ཁྲིམས་འཆར་བཏོན།  The post ཨ་རིའི་གྲོས་ཚོགས་ནང་བོད་དོན་དང་འབྲེལ་བའི་ཁྲིམས་འཆར་ངོ་སྤྲོད་གནང་། appeared first on བོད་ཀྱི་དུས་བབ།.

རྩོམ་པ་པོ། བསྟན་འཛིན་པདྨ། ཤེས་ལྷན་འགན་འཛིན་དྲུང་འཕར། རྩོམ་ཁུངས། བོད་ཀྱི་དུས་བབ། ༄༅། །དེ་རིང་ནི་བོད་ཀྱི་ཡིག་གཟུགས་དུས་ཆེན་ཡིན་པས། དབྱངས་གསལ་སོ་བཞི་ལ་བཀའ་དྲིན་རྗེས་དྲན་ཞུ་རྒྱུའི་ཉིན་མོ་ཞིག་ཡིན། དེ་ཡང་ཕྱི་ལོ་ ༢༠༡༧ ཟླ་ ༤ ཚེས་ ༡༥ དང་ ༡༦ ཉིན་གཉིས་རིང་ཨ་མདོ་མཚོ་སྔོན་མི་རིགས་སློབ་ཆེན་དུ་རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་པོ་འཚོགས་ཡོད་པ་དང་། དེའི་སྐབས་སུ་དགེ་སློབ་ ༡༣༠ ལྷག་ཙམ་ལྷན་འཛོམས་ཐོག་དེ་རིང་གི་ཉིན་མོར་བོད་ཀྱི་ཡིག་གཟུགས་དུས་ཆེན་དུ་གཏན་འབེབས་གནང་ནས་དེ་རིང་བོད་ཀྱི་ཡིག་གཟུགས་དུས་ཆེན་ཐེངས་དགུ་པ་དེ་ཆགས་ཀྱི་ཡོད་པས། དུས་ཆེན་འདི་ཉིད་སྲུང་བརྩི་ཞུ་བའི་ཚུལ་དུ་ཨ་མས་གཅེས་ཕྲུག་གསུམ་ལ་ཡང་བསྐྱར་སྙིང་གཏམ་ཚིག་འགའ་ཤས་ཤིག་བཤད་འདོད་བྱུང་། བསྟན་འཛིན་ལྷ་སྒྲོན་ཁྱེད་ཕྱི་ལོ་ ༢༠༡༧ ཟླ་ ༤ ཚེས་ ༢༤ ཉིན་སྐྱེས་པར་ཁྱེད་དང་བོད་ཀྱི་ཡིག་གཟུགས་དུས་ཆེན་སྲུང་བརྩི་ཞུ་སྲོལ་གཉིས་ལོ་ཟླ་གཅིག་པ་འཁེལ་འདུག་ལ། ཨ་མས་དུས་ཚོད་དེ་འདྲའི་སྐབས་ཤིག་ལ་མན་ཇུའི་སྐད་ཡིག་གི་ཛ་དྲག་གནས་སྟངས་འདི་བོད་ཀྱི་སྐད་ཡིག་ལ་བྱུང་སྲིད་དམ་ཞེས་པའི་བརྗོད་གཞིའི་ཐོག་དཔྱད་རྩོམ་ཞིག་ (https://tibetpolicy.net/tibet-policy-journal-iv-ii/) བྲིས་པ་དེ་བོད་ཀྱི་སྲིད་བྱུས་ཉམས་ཞིབ་ཁང་གི་དུས་དེབ་ནང་སྤེལ་ཡོད་པས། ཁྱེད་གསུམ་ནས་རིམ་པས་ཀློག་ངེས་རེད། དཔྱད་རྩོམ་དེའི་ནང་གསལ་བ་བཞིན་ལོ་བརྒྱ་ལྷག་ཙམ་སྔོན་རྒྱ་ནག་རྒྱལ་ཁབ་དབང་འོག་ཏུ་འཛིན་མཁན་ཆིང་རྒྱལ་བརྒྱུད་ཀྱི་མི་རིགས་སྟོབས་ཆེན་འདི་ད་ལྟའི་ཆར་རྒྱ་ནག་གི་གྲངས་ཉུང་མི་རིགས་ཤིག་ཏུ་གྱུར་ཡོད་པ་མ་ཟད། ད་ལྟའི་ཆར་མི་འབོར་ས་ཡ་བཅུ་ལྷག་ཙམ་ཡོད་ཀྱང་མན་ཇུའི་སྐད་ཡིག་ཤེས་མཁན་མན་ཇུ་མི་རིགས་ལྔ་བཅུ་ལས་ཉུང་བ་ཡོད་པའི་ཛ་དྲག་གནས་སྟངས་འདི་འདྲ་ཞིག་ཆགས་ཡོད་པ་ཀུན་གྱི་མཐོང་ཆོས་སུ་གྱུར་ཡོད། རྒྱ་གཞུང་དང་ཚོགས་སྒེར་མི་ཉུང་བས་མན་ཇུའི་སྐད་ཡིག་སླར་གསོ་ཡོང་བར་ལས་འགུལ་འདྲ་མིན་སྤེལ་གྱི་ཡོད་ཀྱང་། ཚང་མས་འབད་བརྩོན་རྒྱུན་བསྲིངས་ནས་བྱས་ན་དུས་ཡུན་ངེས་ཅན་ཞིག་གི་ནང་སྐད་ཡིག་དེ་ཉིད་རྩ་བརླག་ཏུ་མ་འགྲོ་སྔོན་ལ་སྐྱོབ་ཐུབ་ངེས་ཡིན་ཡང་། དེ་སྔ་ལྟ་བུ་སྤྱི་ཚོགས་ནང་བཀོལ་སྤྱོད་ལྷུག་པོ་ཡོང་རྒྱུ་ཏོག་ཙམ་ཁག་པོ་རེད་སྙམ། དེ་འདྲ་སོང་ཙང་མན་ཇུའི་སྐད་ཡིག་གི་གནས་སྟངས་ཇི་ཆགས་ནས་ང་ཚོས་སྔོན་ཚུད་ནས་སློབ་གསོ་བླངས་ཏེ་བོད་ཀྱི་སྐད་ཡིག་མི་ཉམས་རྒྱུན་འཛིན་བྱེད་རྒྱུའི་ཐོག་བོད་མི་ཡོངས་ནས་སྦྱང་བརྩོན་བྱེད་རྒྱུ་དང་། སྤྱི་སྒེར་གྱི་ལས་དོན་ཐོག་བཀོལ་སྤྱོད་རྒྱ་གང་ཆེ་བྱེད་རྒྱུ།...

༧གོང་ས་མཆོག་གིས་རྡོ་འབུམ་རིན་པོ་ཆེའི་ཡང་སྲིད་སྐུ་འཁོར་དང་བཅས་པར་མཇལ་ཁ་བསྩལ་བ།

འདི་ཚེས་ ༡༦ ཉིན་བོད་མི་གནས་ཡུལ་རྒྱ་གར་གཙོས་རྒྱལ་སྤྱིའི་རྒྱལ་ཁབ་ ༢༧ ནང་ཕྱི་ལོ་ ༢༠༢༦ ལོའི་སྤྱི་འཐུས་ཀྱི་དངོས་གཞིའི་འོས་བསྡུ་ཆེན་མོའི་ལས་རིམ་བསྐྱངས་ཟིན་ཡོད་པ་དང་། ད་ལྟའི་ཆར་དབུས་འོས་བསྡུ་ལས་ཁང་ནས་གཞུང་འབྲེལ་ཐོག་སྤྱི་འཐུས་ཀྱི་དངོས་གཞིའི་འོས་བསྡུ་ཆེན་མོའི་མཐའ་མའི་གྲུབ་འབྲས་ཇི་སོན་གསལ་བསྒྲགས་བསྐྱང་རྒྱུ་ཡིན་པ་དེ་ལྟར་ཡང་། ས་གནས་སོ་སོའི་འོས་བསྡུ་འགན་འཛིན་གྱི་ཐུགས་འགན་བཞེས་ཏེ་འོས་ཤོག་གྲངས་བཤེར་གནང་ཟིན་ཁག་རིམ་བཞིན་ཡོངས་གྲངས་སུ་གསལ་བསྒྲགས་གནང་མུས་ཡིན་པ་ལྟར། ད་ལྟའི་ཆར་རྒྱ་བལ་འབྲུག་གསུམ་ཕུད་པའི་ཕྱི་རྒྱལ་ཁུལ་གྱི་སྤྱི་འཐུས་རྣམས་སུ་ཡིན་གཏན་འཁེལ་གནང་ཟིན་པ་ལྟ་བུར་གྱུར་འདུག རྩ་བའི་འདི་ཚེས་ ༢༦ རེས་གཟའ་ཉི་མའི་ཉིན་བོད་མིའི་འདུ་སྡོད་ས་གནས་ཡོངས་ལ་ཕྱི་ལོ་ ༢༠༢༦ ལོའི་སྲིད་སྤྱི་གཉིས་ཀྱི་དངོས་གཞིའི་འོས་བསྡུ་གནང་རྒྱུ་ཡིན་པ་དེ་ལྟར་ཡང་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ཁྲོད་ལས་ཐོག་སྲིད་སྐྱོང་སྤེན་པ་ཚེ་རིང་མཆོག་ལ་འོས་ཐོབ་བརྒྱ་ཆ་ ༦༡་༠༢༥ ཐོབ་སྟེ་འོས་བསྡུའི་སྒྲིག་གཞི་གཞིར་བཟུང་དངོས་གཞིའི་ལས་རིམ་འགྲོ་མི་དགོས་པར་སྲིད་སྐྱོང་ལ་འདེམས་ཐོན་བྱུང་ཡོད་སྟབས། ཉིན་དེར་བོད་མི་ཚོས་སྐབས་ ༡༨ པའི་བོད་མི་མང་སྤྱི་འཐུས་ཀྱི་འོས་ཤོག་འཕེན་ཡོད་པ་དང་ཆབས་ཅིག དབུས་འོས་བསྡུ་ལས་ཁང་གིས་དངོས་གཞིའི་མི་འགྲོའི་འོས་གཞི་གསལ་བསྒྲགས་ཕྱི་ཟླ་ ༥ ཚེས་ ༡༣ ལ་མ་གཏོགས་གནང་གི་མེད་པ་རེད། དེ་ལྟར་ཡང་འདི་ག་རླུང་འཕྲིན་ཁང་གིས་ད་བར་རྒྱུས་ལོན་ཞུས་པའི་གྲངས་ཐོར་གཞིགས་ན། རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོསྟྲེ་ལི་ཡའི་རྒྱལ་ཁབ་ཁག་གི་ཁོངས་ནས་ཨོ་གླིང་དང་ནིའུ་རྫི་ལན། ཐའེ་ཝན། དེ་བཞིན་ཉི་འོང་བཅས་ལས་སྤྱི་འཐུས་ཀྱི་ས་མིག་གཅིག་ཡོད་པ་ལྟར། ཨོ་གླིང་བོད་མིའི་སྒྲིག་འཛུགས་ཀྱི་གཞུང་ཞབས་ཟུར་པ་སྐལ་བཟང་ཚེ་རིང་ལགས་སུ་འོས་གྲངས་ ༡༠༡༠ དང་ཨོ་གླིང་ Melbourne ནང་གནས་བཞུགས་བསོད་ནམས་རྡོ་རྗེ་ལགས་སུ་འོས་གྲངས་ ༢༩༤ བཅས་ཐོབ་འདུག་པས། ཨང་དང་པོ་སོན་པ་སྐལ་བཟང་ཚེ་རིང་ལགས་རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོ་སེ་ཀྲེ་ལེ་ཤི་ཡའི་ཐོབ་ཁོངས་ས་གནས་ནས་བོད་མི་མང་སྤྱི་འཐུས་སུ་བདམས་ཐོན་བྱུང་ཡོད་པ་ལྟ་བུར་གྱུར་འདུག...

ཕྱི་ལོ་༢༠༢༥ ལོར་གོ་ལ་ཁྱོན་ཡོངས་ཀྱི་དམག་དོན་ནམ་བདེ་སྲུང་ཆེད་དུ་ཨ་སྒོར་ཁྲག་ཁྲིག་ཆེན་མོ་༢་༨༩ བཏང་ནས་ལོ་རྒྱུས་ནང་བྱུང་མྱོང་མེད་པའི་ཟིན་ཐོ་གསར་པ་ཞིག་བཀོད་ཡོད་པ་བརྗོད་འདུག་ལ། དེ་བཞིན་ལོ་བསྟུད་མར་༡༡ རིང་གོ་ལ་ཁྱོན་ཡོངས་ཀྱི་དམག་དོན་ཐད་ཀྱི་འགྲོ་གྲོན་འཕར་ཡོད་པ་བརྗོད་འདུག The post ཕྱི་ལོ་༢༠༢༥ ལོ་ནི་ལོ་རྒྱུས་ནང་དམག་དོན་ཐད་འགྲོ་གྲོན་མང་ཤོས་ཀྱི་ལོ་དེ་ཆགས་འདུག appeared first on བོད་ཀྱི་བང་ཆེན།.