བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག་ནས་༸རྒྱལ་བའི་གོ་སྟོན་སྲུང་བརྩིའི་ཆ་ཤས་སུ། ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་དང་མཇལ་མོལ་གནང་བ་མ་ཟད།  ༸རྒྱལ་བའི་མཛད་རྗེས་སྐོར་གསུང་བཤད་གནང་འདུག དེ་ཡང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བསྟུན། རྒྱལ་སྤྱིའི་ཁྱོན་དུ་བོད་མི་གཙོས་དད་ལྡན་མང་ཚོགས་ནས་ལོ་འཁོར་མོར་བྱམས་བརྩེའི་ལོ་ཞེས་སྲུང་བརྩི་ཞུས་དང་ཞུ་བཞིན་པའི་ཁྲོད།  གོ་སྟོན་གྱི་ཆ་ཤས་སུ་ཇར་མ་ནིའི་ Hessen མངའ་སྡེའི་སྲིད་བློན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་ Roland Koch མཆོག་དང་ཇར་མ་ནིའི་བོད་ཁང་། དེ་བཞིན་ Frankfurt གྲོང་ཁྱེར་ནང་གི་ goethe གཙུག་ལག་སློབ་གཉེར་ཁང་གི་སློབ་དཔོན་ཟུར་པ་སྐུ་ཞབས་ Ajit Sikand Sigh ལགས་བཅས་གསུམ་གྱིས་གདན་ཞུས་གནང་དོན་ལྟར། ༸སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་ནས་ཟླ་བ་འདིའི་ཚེས་ ༢༢ ཉིན་གྱི་ཕྱི་དྲོར་ཇར་མ་ནིའི་ཕེ་རེན་ཀ་ཕཌ་རྒྱལ་སྤྱིའི་གནམ་ཐང་དུ་ཕེབས་འབྱོར་བྱུང་སྐབས་ཇར་མ་ནིའི་བོད་ཁང་གི་འགན་འཛིན་བསྟན་འཛིན་ཐོས་བསམ་རིན་པོ་ཆེ་གཙོས་ Goethe གཙུག་ལག་སློབ་གཉེར་ཁང་གི་སློབ་དཔོན་ཟུར་པ་སྐུ་ཞབས་  Ajit Sikand Sigh ལགས། དེ་བཞིན་ Frankfurt ས་གནས་བོད་རིགས་ཚོགས་པའི་རྒྱུན་ལས་ཁག་གཅིག་དང་མང་ཚོགས་བཅས་ནས་ཕེབས་བསུའི་སྣེ་ལེན་ཞུས་ཡོད་པ་རེད། ཐེངས་འདིའི་ཆིབས་སྒྱུར་ཁྲོད་༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་འདི་ཚེས་ ༢༣ ཉིན་གྱི་སྔ་དྲོར་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་ལྕམ་སྐུ་ Astrid Wallmann མཆོག་དང་མཇལ་མོལ་གནང་སྟེ་༸རྒྱལ་བའི་དགོངས་གཞི་དང་མཛད་རྗེས་སྐོར་ངོ་སྤྲོད་གནང་བ་དང་ཆབས་ཅིག ད་ལན་ལྕམ་སྐུ་ཉིད་མཇལ་རྒྱུའི་གོ་སྐབས་བྱུང་བར་ཧ་ཅང་སྐལ་བ་བཟང་ཞིང་།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་རིགས་ལམ་སློབ་གཉེར་ཁང་གི་ཝི་ཡཏ་ནཱམ་དྲ་ཐོག་ནང་ཆོས་ཆེད་སྦྱོང་འཛིན་གྲྭའི་སློབ་གཉེར་བ་སོགས་ལ་མཇལ་ཁ་སྩལ་ཡོད་པ་རེད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༠༠ ཙལ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་གཟིམ་ཆུང་ནས་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་རྒྱ་གར་ཡུལ་མི་དང་། ནུབ་ཕྱོགས་དང་ཡུ་རོབ་ཁུལ། ལྷོ་ཤར་ཨེ་ཤི་ཡ་སོགས་ནས་ཕེབས་པའི་དད་ལྡན་མཇལ་བཅར་བ་རྣམས་ལ་རིམ་པར་མཇལ་ཁ་བཀའ་དྲིན་སྩལ་ཡོད་པ་དང་། སྐབས་དེར་ནུབ་ཕྱོགས་པ་ཞིག་གིས་བོད་ཀྱི་ཡིག་གཟུགས་སྣ་ཚོགས་ལ་ཞིབ་འཇུག་གིས་རྩོམ་བྲིས་གནང་བའི་དཔེ་དེབ་ཅིག་གཟིགས་འབུལ་གྱིས་མཇལ་ཁ་ཞུས་པ་དང་། རིགས་ལམ་སློབ་གཉེར་ཁང་གི་ཝི་ཡཏ་ནཱམ་དྲ་ཐོག་ནང་ཆོས་ཆེད་སྦྱོང་འཛིན་གྲྭའི་སློབ་གཉེར་བ་སོགས་ལ་མཇལ་ཁ་སྩལ། སྐབས་དེར་མགོན་པོ་མཆོག་གིས། སྔ་མོ་རྒྱ་གར་ནས་བོད་ལ་ནང་ཆོས་ཁྱབ་སྤེལ་བྱུང་བ་རེད། ད་ཆ་ང་ཚོའི་དུས་ཚོད་འདིར་རྒྱ་གར་ལ་ཉམས་བསྡད་པ་དེ་ང་ཚོས་བོད་ནས་ཚུར་འཁྱེར་ཡོང་སྟེ་ཧ་ཅང་ཡག་པོ་བྱུང་སོང་། གཞུང་ཆེན་པོ་ཏི་ལྔས་མཚོན་པའི་དཔེ་ཆ་མང་པོར་བལྟས་ནས། དེང་སང་འཛམ་གླིང་ནུབ་ཕྱོགས་ཀྱི་མི་ཚོ་ལའང་སེམས་ཁམས་རིག་པ་འགྲེལ་བཤད་རྒྱག་ཐུབ་པའི་གནས་སྟངས་ཆགས་ཡོད། དངོས་གནས་དྲང་གནས་བསྟན་པའི་བྱ་བ་ཆེན་པོ་རེད། ཐུགས་རྗེ་ཆེ། ཞེས་སོགས་བཀའ་སློབ་སྩལ་ཡོད་པ་དང་། འདི་ཉིན་རྒྱ་གར་ཆ་དྷི་སི་གྷར་མངའ་སྡེའི་སྤྱི་ཁྱབ་བློན་ཆེན་ཟུར་པ་བྷུ་པེཤ་བ་གྷེལ་ (Bhupesh Baghel ) མཆོག་དང་། རྒྱ་གར་གྲོས་ཚོགས་ཀྱི་ལས་བྱེད་ཁག་གཅིག་སོགས་དད་ལྡན་བ་མཇལ་བཅར་བ་སུམ་བརྒྱ་བཞི་བཅུ་ལ་མཇལ་ཁ་སྩལ་ཡོད། །  

    ༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༤ ཚེས་ ༢༣ ཉིན་གྱི་ཕྱི་དྲོ་ཆུ་ཚོད་ ༣༌༤༠ ཐོག་སྦེང་ལོར་གནམ་ཐང་དུ་ཕེབས་འབྱོར་སྐབས། དཔལ་ལྡན་གདན་ས་བཀྲ་ཤིས་ལྷུན་པོའི་རིག་གཞུང་འཛིན་སྐྱོང་བླ་སྤྱི་ལྷན་ཁང་གི་སྐུ་ཚབ་དང་། སྦེལ་ཀོབ་ལུགས་བདེ་ས་གནས་འགོ་འཛིན་རྣམ་གཉིས་ཀྱི་སྐུ་ཚབ་བཅས་ནས་ཕེབས་བསུ་སྣེ་ལེན་ཞུས་རྗེས། གདན་སའི་སྣུམ་འཁོར་ནང་སྦེལ་ཀོབ་ས་གནས་སུ་རྟེན་གཞི་བྱས་པའི་དཔལ་ལྡན་གདན་ས་བཀྲ་ཤིས་ལྷུན་པོར་དགོང་མོ་ཆུ་ཚོད་ ༩༌༥༠ ཐོག་ཕེབས་འབྱོར་མཚམས། གདན་ས་བཀྲ་ཤིས་ལྷུན་པོའི་༧སྐྱབས་རྗེ་མཁན་རིན་པོ་ཆེ་གཟིགས་རྒྱབ་སྤྲུལ་སྐུ་མཆོག་དང་། སྦེལ་ཀོབ་ལུགས་བསམ་གཞིས་ཆགས་ཀྱི་ས་གནས་འགོ་འཛིན་དགེ་ལེགས་འབྱུང་གནས་ལགས། སྦེལ་ཀོབ་བདེ་སླར་གཞིས་ཆགས་ཀྱི་ས་གནས་འགོ་འཛིན་ངག་དབང་བསྟན་འཛིན་ལགས། ལྷོ་ཕྱོགས་ས་གནས་ཁྲིམས་ཞིབ་པ་ཕུན་ཚོགས་དཔལ་ལྡན་ལགས། དགོན་པའི་དབུ་ཆོས་རྣམ་པ་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་པ་དང་། དེ་ནས་དགོན་པའི་ནང་གནས་གཟིགས་སུ་ཕེབས་རྗེས། རྟེན་འབྲེལ་གསོལ་ཇ་འབྲས་སིལ་འདེགས་འབུལ་ཞུས་གནང་སོང་།ཕྱི་ཚེས་ ༢༥ རེས་གཟའ་ལྷག་པའི་སྔ་དྲོ་ཆུ་ཚོད་ ༨༌༣༠ ཐོག་དཔལ་ལྡན་ཁྲིམས་ཞིབ་པ་ཆེ་བ་མཆོག་གདན་ས་བཀྲ་ཤིས་ལྷུན་པོའི་ཚོགས་ཆེན་འདུ་ཁང་ཆེན་མོའི་མདུན་ཐང་དུ་ལྷན་འཛོམས་ཀྱིས་དཀར་ཕྱོགས་སྐྱོང་བའི་ལྷ་སྲུང་རྣམས་དབུ་འཕང་དགུང་དུ་འདེགས་པའི་བསང་གསོལ་ཟབ་རྒྱས་གནང་བའི་ནང་ཕེབས་བཞུགས་གནང་རྗེས། མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དམིགས་བསལ་སྐུ་མགྲོན་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་ལགས། གདན་ས་བཀྲ་ཤིས་ལྷུན་པོའི་༸སྐྱབས་རྗེ་མཁན་རིན་པོ་ཆེ་གཟིགས་རྒྱབ་སྤྲུལ་སྐུ་མཆོག་དང་ལས་སྣེ་དབུ་ཆོས་རྣམ་པ།  ཕྱོགས་བཞུགས་སྤྱི་འཐུས་བཞི། ས་གནས་ཁྲིམས་ཞིབ་པ། སྦེལ་ཀོབ་ལུགས་བདེ་གཉིས་ཀྱི་ས་གནས་འགོ་འཛིན་བཅས་ཀྱིས་ལྷན་དུང་རྒྱ་སྤོས་སྣེས་སྔོན་བསུ་དང་། བཀྲ་ཤིས་ཞོལ་པ་དང་རྔ་རོལ་བཅས་ཏེ། ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་༸རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེ་མཛད་སྒོའི་བཞུགས་ཁྲིར་གདན་འདྲེན་ཞུས་ཏེ། ཀུན་གཟིགས་པཎ་ཆེན་རིན་པོ་ཆེ་མཆོག་གི་༸སྐུའི་འཁྲུངས་སྐར་གྱི་མཛད་སྒོ་དངོས་སུ་དབུ་འཛུགས་གནང་སོང་།མཛད་སྒོ་གྲོལ་རྗེས། གདན་ས་བཀྲ་ཤིས་ལྷུན་པོ་ནས་གོ་སྒྲིག་ཞུས་པའི་པར་རིས་དང་།...

ཡུ་ཐོག་སྨན་ཁང་འཛུགས་སྐྲུན་གྱི་ཆེད་རྒྱ་གར་གཞུང་གིས་ཧིན་སྒོར་བྱེ་བ་ (crore) ༦༥ འགྲོ་སོང་བཏང་ཡོད་པ་རེད།

ཆ་ཏིས་གྷར་མངའ་སྡེའི་སྤྱི་ཁྱབ་བློན་ཆེན་ཟུར་པ་བྷུ་པེཤི་བྷ་གྷེལ་ལགས་ཀྱིས་༧གོང་ས་༧སྐྱབས་མགོན་ཆེན་པོ་མཆོག་གིས་མཇལ་ཁ་ཞུས།

ཨ་ཕ་གསེར་གྱི་ཕོར་བ་རྐང་སྤོལ་འགྲན་སྡུར་ཐེངས་གསུམ་པའི་ནང་རྒྱ་བལ་གཉིས་གཙོས་ཨ་རི་དང་། ཁེ་ན་ཊ། ཧྥ་རན་སི། ཡུ་རོབ་བཅས་ནས་རང་ལོ་ ༤༠ ཡན་གྱི་སྐྱེས་པའི་རུ་ཁག་ ༢༤ ཡིས་མཉམ་ཞུགས་གནང་གི་ཡོད་འདུག ཨ་ཕ་རྐང་རྩེད་སྤོ་ལོའི་ཚོགས་པའི་གོ་སྒྲིག་འོག་ལོ་རེ་བཞིན་རང་ལོ་བཞི་བཅུ་ཡན་གྱི་ཨ་ཕ་གསེར་གྱི་ཕོར་བ་རྐང་སྤོལ་འགྲན་སྡུར་འཚོག་གི་ཡོད་པ་ལྟར། འདི་ལོའི་ཕྱི་ཟླ་ ༥ ཚེས་ ༡ ནས་ ༡༥ བར་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོ་གཞིས་ཆགས་ཀྱི་རྩེད་ཐང་དུ། ཨ་ཕ་གསེར་གྱི་ཕོར་བ་རྐང་སྤོལ་འགྲན་སྡུར་ཐེངས་པ་གསུམ་དེ་འཚོག་རྒྱུ་ཡིན་པ་དང་། འདི་ལོའི་རྩེད་འགྲན་ཁྲོད་རྒྱ་བལ་གཉིས་གཙོས་ཨ་རི་དང་།  ཁེ་ན་ཊ། ཧྥ་རན་སི། ཡུ་རོབ་བཅས་ནས་རང་ལོ་ ༤༠ ཡན་གྱི་སྐྱེས་པའི་རུ་ཁག་ ༢༤ ཡིས་མཉམ་ཞུགས་གནང་རྒྱུ་ཡིན་འདུག ཐེངས་འདིར་འབྲས་ལྗོངས་རྐང་སྤོལ་ཚོགས་པའི་ཤན་འབྱེད་པ་སྐྱེས་པ་གསུམ་དང་བུད་མེད་ལྔ་བཅས་གདན་འདྲེན་ཞུས་ཡོད་འདུག ཐེངས་འདིའི་ཨ་ཕ་གསེར་གྱི་ཕོར་བ་རྐང་སྤོལ་འགྲན་སྡུར་སྐོར་ལ་ཨ་ཕ་རྐང་རྩེད་སྤོ་ལོ་ཚོགས་པའི་ཚོགས་གཙོ་ཚེ་རིང་ཡེ་ཤེས་ལགས་ཀྱིས་འདི་གའི་གསར་འགོད་པར། པཱ་ལགས་རྐང་སྤོལ་རྩེད་འགྲན་བཟོས་པའི་དམིགས་ཡུལ་ནི་འགྲན་བསྡུར་རྫིག་པོ་ཞིག་བྱེད་པའི་ཆེད་དུ་མ་རེད། རང་ལོ་བཞི་བཅུ་བརྒལ་བའི་པཱ་ལགས་རྣམས་ཁྱིམ་གྱི་ཨ་ཕ་དང་སྤྱི་ཚོགས་ནང་དུ་འགན་འཁུར་མཁན་སྒལ་ཚིགས་ལྟ་བུ་ཆགས་ཡོད། ཡིན་ནའང་། ང་ཚོའི་སྤྱི་ཚོགས་ནང་ལོ་བཞི་བཅུ་བརྒལ་ན་མི་ཚེ་རྫོགས་པ་ལྟར་རྩེད་མོ་སོགས་བཞག་གི་ཡོད་པས། ཁྲག་དང་། རླུང་། གཅིན་སྙི་སོགས་ཀྱི་ན་ཚ་འབྱུང་མགོ་འཛུགས་ཀྱི་འདུག ཉི་ཧོང་གཙོས་འཛམ་གླིང་གི་ས་གནས་ཁག་ཏུ་རང་ལོ་ ༩༠ བསླེབས་ཀྱང་འཕྲོད་བསྟེན་ཆེད་དུ་རྩེད་འགྲན་ནང་དུ་མཉམ་ཞུགས་བྱེད་བཞིན་ཡོད། བོད་པའི་སྤྱི་ཚོགས་ཀྱི་འཕྲོད་བསྟེན་ཡག་པོ་ཆགས་པར་དམིགས་ནས་ཕྱི་ལོ་ ༢༠༢༤...

ཆ་དྷི་སི་གྷར་མངའ་སྡེའི་སྤྱི་ཁྱབ་བློན་ཆེན་ཟུར་པས་༧གོང་ས་མཆོག་ལ་མཇལ་བཅར་ཞུས། The post ཆ་དྷི་སི་གྷར་མངའ་སྡེའི་སྤྱི་ཁྱབ་བློན་ཆེན་ཟུར་པས་༧གོང་ས་མཆོག་ལ་མཇལ་བཅར་ཞུས། appeared first on བོད་ཀྱི་དུས་བབ།.

དེ་རིང་ཕྱི་ལོ་ ༢༠༢༦ ཟླ་ ༤ ཚེས་ ༢༨ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས།  རྒྱ་གར་དབུས་སུ་ཆགས་པའི་ Chattisgarh ཆ་ཏྟིས་གྷར་མངའ་སྡའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ Bhupesh Baghel བྷུ་པེཤ་བ་གྷེལ་ལགས་དང་། ཝེད་ནམ་དྲྭ་ཐོག་ནང་ཆོས་ཆེད་སྦྱོང་འཛིན་གྲྭའི་སློབ་གཉེར་བ་སོགས་ལ་མཇལ་ཁ་སྩལ་བ་དང་འབྲེལ།  རྒྱ་གར་ནང་ཉམས་ཟིན་པའི་ནང་པ་སངས་རྒྱས་པའི་བསྟན་པ་དེ་ང་ཚོས་བོད་ནས་ཕྱི་ལ་འཁྱེར་ཡོང་ཐུབ་པ་དེ་ཞེ་དྲག་གི་ཡག་པོ་བྱུང་ཡོད་པ་བཀའ་སྩལ་འདུག དེ་ཡང་མཇལ་ཁ་གྲུབ་མཚམས་འདི་གའི་གསར་འགོད་པའི་དྲི་བར་ལན་འདེབས་ཁྲོད།   རྒྱ་གར་ཆ་ཏྟིས་གྷར་མངའ་སྡའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ Bhupesh Baghel ལགས་ཀྱིས།  ༸གོང་ས་མཆོག་དེ་སྔ་ཕྱི་ལོ་ ༢༠༡༣ ཕྱི་ཟླ་ ༣ ཚེས་ ༧ ཉིན་ཆ་ཏྟིས་གྷར་མངའ་སྡའི་ནང་མཛད་འཆར་ཁག་གཅིག་དང་འབྲེལ་ཆིབས་བསྒྱུར་བསྐྱངས་ཡོད་པ་དང་།  སྐབས་དེ་དུས་༸གང་ཉིད་མཆོག་གིས་ཁུལ་དེར་ཡོད་པའི་མགོན་པོ་ཀླུ་སྒྲུབ་ཀྱིས་སྒོམ་བསྐྱོན་གནང་སའི་ Shivpur གནས་ཆེན་དུའང་ཆིབས་སྒྱུར་མཛད་ཡོད་པ་ལྟར།  དེ་རིང་མཇལ་ཁའི་ཁྲོད་དེའི་སྐོར་༸གང་ཉིད་མཆོག་ལ་དྲན་སྐུལ་ཞུས་ཡིན་ཅེས་ཆ་ཏྟིས་གྷར་མངའ་སྡེ་དང་༸གོང་ས་མཆོག་དབར་དམིགས་བསལ་གྱི་འབྲེལ་བ་ཞིག་ཡོད་པ་དང་།  དེ་རིང་༸གོང་ས་མཆོག་མཇལ་ཁ་ཞུ་རྒྱུ་བྱུང་བར་ཧ་ཅང་དགའ་པོ་བྱུང་ཅེས་བོད་དང་རྒྱ་གར་དབར་ཆོས་ཕྱོགས་ཀྱི་ཐུན་མོང་མ་ཡིན་པའི་འབྲེལ་བ་ཞིག་ཡོད་པ་གསུངས་སོང་།  འདི་གའི་གསར་འགོད་པས་སྐུ་ཞབས་ཁོང་ལ་རྒྱ་ནག་གིས་༸སྐུའི་ཡང་སྲིད་ངོས་འཛིན་ཐད་ཐེ་ཇུས་བྱེད་བཞིན་པའི་ཐོག་དགོངས་ཚུལ་བཀའ་འདྲི་ཞུ་སྐབས་ཁོང་གིས།  ༸གོང་ས་༸སྐྱབས་མགོན་ཆེན་པོ་མཆོག་དང་ལྷན་དུ་རྒྱ་གར་དེ་སྔའང་བཞེངས་ཡོད་ལ་མ་འོངས་པའང་དེ་ལྟར་མུ་མཐུད་གནང་རྒྱུ་ཡིན་པ་གསུངས་སོང་།  དེ་བཞིན་དེ་རིང་མཇལ་ཁ་ཞུ་མཁན་ཁོངས་སུ་ཝེད་ནམ་དྲྭ་ཐོག་ནང་ཆོས་ཆེད་སྦྱོང་འཛིན་གྲྭའི་སློབ་གཉེར་བ་སོགས་སྣེ་ཁྲིད་གནང་མཁན་དྷ་ས་མཚན་ཉིད་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་བསམ་གཏན་རྒྱ་མཚོ་ལགས་ཀྱིས།  དེ་གའི་རིགས་ལམ་སློབ་གཉེར་ཁང་གིས་དེ་སྔོན་ཕྱི་ལོ་ ༢༠༢༤ ནས་འགོ་འཛུགས་ཀྱིས་ཝེད་ནམ་ནང་གནས་བཞུགས་དད་ལྡན་མི་མང་ ༢༠༠...

ཉེ་ལམ་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་འགྲོ་བཞིན་པའི་སྐབས་རྒྱ་ནག་གཞུང་གིས་དེར་ཐེ་བྱུས་བྱེད་ཐབས་བྱས་ཀྱང་ལམ་ལྷོངས་བྱུང་མེད་པ་མངོན་གསལ་གནང་འདུག དེ་ཡང་ཁ་སང་ therecord.media གསར་ཁང་གི་དྲ་གནས་ཐོག་ Digital Forensic Research Lab ཞིབ་འཇུག་ཁང་གི་སྙན་ཐོ་ཞིག་འདོན་སྤེལ་གནང་བའི་ནང་། ཁ་ཉིན་ཚེས་ ༢༦ ཉིན་བཙན་བྱོལ་བོད་མིའི་སྤྱི་འཐུས་ཀྱི་དངོས་གཞི་འོས་བསྡུ་ཆེན་མོ་དང་བསྟུན། སྐབས་དེར་རྒྱ་ནག་གཞུང་དང་འབྲེལ་བ་ཡོད་པའི་སྤྱི་ཚོགས་དྲ་ལམ་མང་དག་ཅིག་གིས་བཙན་བྱོལ་བོད་མིའི་སྤྱི་འཐུས་ཀྱི་དངོས་གཞི་འོས་བསྡུ་ཆེན་མོའི་ནང་བཅོས་མའི་རིག་ནུས་ཀྱི་བཟོས་པའི་པར་རིས་འདྲ་མིན་བཟོས་ཏེ་འོས་བསྡུ་ལས་རིམ་ལ་གནོད་སྐྱོན་གཏོང་ཐབས་བྱས་ཀྱང་ཤུགས་རྐྱེན་ཆེན་པོ་ཐེབས་མེད་པ་མངོན་གསལ་གནང་འདུག སྙན་ཐོ་ནང་གསལ་ལྟར་ན། བཙན་བྱོལ་བོད་མིའི་འོས་བསྡུའི་ཆེན་མོའི་ནང་ཐེ་བྱུས་བྱེད་མཁན་དང་གནོད་སྐྱོན་གཏོང་ཐབས་བྱེད་མཁན་གྱི་ངོ་དེབ་ཁ་བྱང་ ༩༠ དང་ Insta ཨིནྶ་ཊ་ཁ་བྱང་ ༡༣ ར་སྤྲོད་བྱུང་ཡོད་པ་མ་ཟད། ཁ་བྱང་དེ་དག་གིས་སྲིད་སྐྱོང་སྤེན་པ་ཚེ་རིང་ལ་ཉེས་འཛུགས་དང་སྦྲགས་དབང་ཆ་ལ་འདོད་རྔམ་ཡོད་ཚུལ་བརྗོད་དེ་དམའ་འབེབས་བྱས་འདུག་པ་དང་། ཡང་ཁག་ཅིག་གིས་བོད་མིའི་སྒྲིག་འཛུགས་ཀྱི་འོས་བསྡུའི་དེ་བཞིན་ཁྲིམས་མཐུན་རང་བཞིན་ཡིན་མིན་ལ་དོགས་པ་བསླངས་ཏེ། བཙན་བྱོལ་བོད་མིའི་སྤྱི་ཚོགས་ནང་རྩོད་གླེང་ཇེ་ཆེར་བཏང་བ་དང་འབྲེལ་འོས་ཤོག་དེ་བཞིན་རྫུན་མ་ཡིན་ཚུལ་བསྟན་ཐབས་བྱས་འདུག་པ་དང་སྦྲགས། ཁ་བྱང་དེ་དག་གིས་བོད་མི་སྤྱི་ཚོགས་དྲ་ལམ་གྱི་ཚོགས་པ་འདྲ་མིན་ནང་སིམ་འཛུལ་བྱས་ནས་རྫུན་གཏམ་སྤེལ་ཐབས་བྱས་ཡོད་པ་མངོན་གསལ་གནང་འདུག རྩ་བའི་རྒྱ་ནག་དང་འབྲེལ་བ་ཡོད་པའི་སྤྱི་ཚོགས་དྲ་ལམ་དེ་དག་གིས་གནས་ཚུལ་རྫུན་མ་ཁྱབ་སྤེལ་བྱེད་ཐབས་བྱས་ཀྱང་ཞིབ་འཇུག་སྙན་ཐོ་ནང་གསལ་ལྟར་ན། རྫུན་གཏམ་དང་པར་རིས་རྫུན་མ་དེ་དག་ལ་མི་མང་ཉུང་ཤས་ཤིག་གིས་ལྟ་ཀློག་བྱས་པ་ལས་དམིགས་ཡུལ་ལྟར་ལམ་ལྷོང་བྱུང་མེད་པ་ར་སྤྲོད་བྱུང་ཡོད་པ་མ་ཟད། རྒྱ་ནག་གིས་བཙན་བྱོལ་བོད་མི་རྣམས་ལ་དམིགས་པའི་རྫུན་གཏམ་རྒྱུན་མ་ཆད་པར་སྤེལ་ཡོད་པ་མངོན་གསལ་དང་། དེ་སྔ་ཕྱི་ལོ་ ༢༠༢༥ ལོར་རྒྱ་ནག་གིས་རྒྱལ་སྤྱི་བོད་དོན་འབྲེལ་འཐུད་ལས་ཁང་དང་འབྲེལ་བའི་ལྐོག་ཟ་རུལ་སུངས་ཀྱི་སྐྱོན་འཛུགས་ཤིག་ཀྱང་ཁྱབ་སྤེལ་བྱས་ཡོད་པ་མ་ཟད། སྤྱི་ཚོགས་དྲ་ལམ་ཁ་བྱང་དེ་དག་གིས་དེ་སྔ་ཕྱི་ལོ་ ༢༠༢༢ ལོའི་ནང་ལའང་བཙན་བྱོལ་བོད་མིའི་སྤྱི་ཚོགས་ནང་ཐེ་བྱུས་དང་གནས་ཚུལ་རྫུན་གཏམ་སྤེལ་ཡོད་པ་ཤེས་རྟོགས་བྱུང་འདུག གཞི་རྩའི་འདི་ལོར་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོ་ཁེལ་ཡོད་པ་དང་བསྟུན། ཟླ་ ༢ ཚེས་ ༡...

[དྷ་རམ་སར།] ཕྱི་ལོ་༢༠༢༦ ཟླ་༤ ཚེས་༢༧ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ར་ཤི་ཡ་དང་ཡུག་རེན་གྱི་དམག་འཁྲུག་ནང་། ར་ཤི་ཡར་རྒྱབ་སྐྱོར་བྱེད་མཁན་བྱང་ཀོ་རི་ཡའི་དམག་མི་སྟོང་ཕྲག་མང་པོ་གཏོང་བཞིན་པའི་ཁྲོད། བྱང་ཀོ་རི་ཡའི་འགོ་ཁྲིད་ཀིམ་ཇོང་ཨུན་གྱིས་རང་གི་དམག་མི་ཚོར་དགྲ་བོའི་ལག་ཏུ་བཙན་བཟུང་མི་ཕོག་པའི་ཆེད་དུ། The post ཀིམ་ཇོང་ཨུན་གྱིས་རང་སྲོག་རང་གིས་གཅོད་པ་དེ་དཔའ་བོ་ཡིན་ཞེས་བསྔགས་བརྗོད་བྱས། appeared first on བོད་ཀྱི་བང་ཆེན།.

ཨ་རི་གཞུང་གིས་ཕྱི་ལོ་ ༢༠༡༨ ལོར་གཏན་བེབས་གནང་བའི་བོད་ནང་འདྲ་མཉམ་འགྲུལ་བསྐྱོད་ཀྱི་ཁྲིམས་སྒྲིག་གི་འབྲུ་དོན་འོག་ནས་ཉེ་ཆར་ཨ་རིའི་ཕྱི་སྲིད་ལས་ཁུངས་ཀྱི་ཤར་ཨེ་ཤི་ཡ་དང་ཞི་བདེ་རྒྱ་མཚོའི་ལས་དོན་སྡེ་ཚན་གྱི་བོད་ནང་འདྲ་མཉམ་འགྲུལ་བསྐྱོད་ཀྱི་གནས་སྟངས་དང་འབྲེལ་བའི་སྙན་ཐོ་ཞིག་ཨ་རིའི་གྲོས་ཚོགས་ལ་འགོད་འབུལ་ཞུས་པའི་ནང་དུ། རྒྱ་ནག་གི་ས་ཁུལ་གཞན་ལས་བོད་རང་སྐྱོང་ལྗོངས་ཟེར་བ་གཙོས་པའི་བོད་ཀྱི་ས་ཁུལ་གཞན་ཁག་ཏུ་འགྲུལ་བསྐྱོད་བྱ་རྒྱུར་དམ་དྲག་ཆེ་བ་ཡོད་པ་མངོན་གསལ་གནང་འདུག རྩ་བའི་ཕྱི་ལོ་ ༢༠༡༨ ལོར་ཨ་རི་གྲོས་ཚོགས་གོང་འོག་གཉིས་ཀྱིས་གཏན་འབེབས་རྗེས། ཨ་རིའི་སྲིད་འཛིན་གྱི་མཚན་རྟགས་བཀོད་པ་དང་འབྲེལ་ནས་ཨ་རིའི་ཁྲིམས་སུ་གྱུར་བའི་བོད་ནང་འདྲ་མཉམ་འགྲུལ་བསྐྱོད་ཀྱི་ཁྲིམས་སྒྲིག་འོག ཨ་རིའི་ཕྱི་སྲིད་ལས་ཁུངས་ཀྱི་ངོས་ནས་ལོ་ལྟར་ཨ་རིའི་གྲོས་ཚོགས་ལ་ཨ་རིའི་ངོས་ནས་རྒྱ་ནག་གི་དཔོན་རིགས་དང་གསར་འགོད་པ། དེ་བཞིན་མི་སེར་རྣམས་ལ་ཨ་རིའི་ནང་དུ་བཀག་སྡོམ་མེད་པའི་ཐོག་ནས་བསྐྱོད་རྒྱུའི་རང་དབང་སྤྲད་ཀྱི་ཡོད་པ་བཞིན། རྒྱ་ནག་གི་ངོས་ནས་ཨ་རིའི་གཞུང་འབྲེལ་མི་སྣ་དང་གསར་འགོད་པ། དེ་བཞིན་ཨ་རིའི་མི་སེར་རྣམས་ལ་བོད་ནང་དུ་བསྐྱོད་རྒྱུར་རང་དབང་གཅིག་མཚུངས་སྤྲད་དགོས་པའི་གནས་སྟངས་དང་འབྲེལ་བའི་སྙན་ཐོ་ཞིག་འགོད་འབུལ་ཞུ་དགོས་ཀྱི་ཡོད་པ་རེད། སྙན་ཐོ་དེའི་ནང་དུ་རྒྱ་ནག་གི་ས་ཁུལ་གཞན་དང་བོད་ནང་དུ་འགྲུལ་བསྐྱོད་རང་དབང་གི་གནས་སྟངས་དང་། བོད་མི་གནས་སྡོད་ཡོད་པ་དང་མེད་པའི་ས་ཁུལ་ནང་དུ་འགྲུལ་བསྐྱོད་རང་དབང་གི་གནས་སྟངས། དེ་བཞིན་སྔ་ལོ་དང་བསྡུར་ན་གནས་སྟངས་ཡར་རྒྱས་ཕྱིན་ཡོད་མིན་བཅས་ལ་ཞིབ་བསྡུར་གྱི་འབྲུ་དོན་བཀོད་དགོས་ཀྱི་ཡོད་པ་རེད། ཟླ་བ་འདིའི་ཚེས་ ༢༤ ཉིན་ཨ་རིའི་ཕྱི་སྲིད་ལས་ཁུངས་ཀྱི་དྲྭ་གནས་ཐོག ཨ་རིའི་གྲོས་ཚོགས་སུ་འགོད་འབུལ་ཞུས་པའི་སྙན་ཐོ་འདོན་སྤེལ་གནང་བའི་ནང་དུ། ཕྱི་ལོ་ ༢༠༢༤ ལོར་ཨ་རིའི་གཞུང་འབྲེལ་མི་སྣས་བོད་རང་སྐྱོང་ལྗོངས་ཟེར་བའི་ནང་དུ་བསྐྱོད་རྒྱུའི་གཞུང་འབྲེལ་སྙན་ཞུ་ཐེངས་ ༥ ཕུལ་བར་རྒྱ་ནག་གཞུང་གིས་དང་ལེན་བྱས་མེད་པ་མ་ཟད། ཕྱི་ལོ་ ༢༠༢༣ གྱི་ནང་དུའང་སྙན་ཞུ་ཐེངས་ ༣ ལ་ངོས་ལེན་བྱས་མེད་པ་བཅས། གང་ལྟར་ཕྱི་ལོ་ ༢༠༡༩ ནས་བཟུང་བོད་རང་སྐྱོང་ལྗོངས་ཟེར་བའི་ནང་དུ་ཨ་རིའི་གཞུང་འབྲེལ་མི་སྣ་གཅིག་ཀྱང་བསྐྱོད་རྒྱུའི་ཆོག་མཆན་སྤྲད་མེད་པ་དང་། དེ་དག་གི་རྐྱེན་པས་ཨ་རིའི་གཞུང་ཚབ་ལས་བྱེད་པ་རྣམས་ལ་བོད་ནང་བསྐྱོད་མཁན་དེ་གའི་མི་སེར་རྣམས་ལ་ཕྱག་རོགས་ཆེད་དུ་བོད་ནང་བསྐྱོད་ཐུབ་མེད་པའི་ཁར། བོད་ནང་གཞུང་ཚབ་ཀྱི་ལས་དོན་སྤེལ་རྒྱུ་དང་ལྷག་པར་དུ་བོད་ནང་གི་གནས་སྟངས་རྟོག་ཞིབ་གནང་རྒྱུ་སོགས་ལ་འགོག་རྐྱེན་ཆེན་པོ་ཕྲད་ཡོད་པ་མངོན་གསལ་གནང་འདུག དེའི་ཁྲོད་ཕྱི་རྒྱལ་ཡུལ་འགྲུལ་པ་རྣམས་ལ་བོད་རང་སྐྱོང་ལྗོངས་ཟེར་བའི་ནང་དུ་བསྐྱོད་རྒྱུར་རྒྱ་ནག་གཞུང་ནས་དམིགས་བསལ་ཆོག་མཆན་ཡིག་ཆ་ལེན་དགོས་པ་དང་། མི་རེ་བཟུང་ལ་ཆོག་མཆན་སྤྲད་པ་རྣམས་ལ་གཞུང་གིས་ངོས་ལེན་ཡོད་པའི་འགྲུལ་བཞུད་ལས་ཁུངས་བརྒྱུད་ནས་འགྲུལ་བཞུད་བྱེད་དགོས་པ་དང་། བོད་ནང་ཡོད་སྐབས་རྒྱ་ནག་གཞུང་གིས་བསྐོ་འཛུགས་བྱས་པའི་གནས་ཤན་པའི་ལྷན་དུ་མ་གཏོགས་རང་དབང་ཐོག་འགྲུལ་བསྐྱོད་ཆོག་གི་མེད་པ། ལྷག་པར་དུ་གསུམ་བཅུའི་དུས་དྲན་དང་༸རྒྱལ་བའི་འཁྲུངས་སྐར་ལྟ་བུའི་ཆབ་སྲིད་དང་འབྲེལ་བའི་ཚོར་བ་རྣོ་བའི་དུས་སྐབས་སུ་ཕྱི་མི་གཅིག་ཀྱང་གཏང་གི་མེད་པ། དེའི་ཁྲོད་ཕྱི་ཕྱོགས་ཀྱི་དྲྭ་རྒྱའི་ཐོག་ཤུགས་རྐྱེན་ཡོད་པའི་མི་སྣ་དང་ཁག་གཅིག་ལ་བོད་ནང་བསྐྱོད་བཅུག་པ་དེ་དག་དོ་དམ་ནན་པོའི་འོག་བསྐྱོད་ཡོད་སྟབས།...

ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཉེ་ལམ་ཕྱི་ཚེས་ ༡༦ ཉིན་རྒྱལ་ཚོགས་ཀྱི་དམིགས་བསལ་སྙན་སྒྲོན་པ་ཁག་གཅིག་གིས། རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་དེར་བློ་འཚབ་ཤུགས་ཆེ་དང་འབྲེལ་དུས་ཐོག་བསྒྲགས་གཏམ་སྤེལ་བར་དགའ་བསུ་དང་སྦྲགས། དེའི་ཐོག་ནས་མ་འོངས་པར་བོད་མི་དང་ཡུ་གུར་སོགས་རྒྱའི་བཙན་གནོན་འོག་ཡོད་པའི་གྲངས་ཉུང་མི་རིགས་ཐོག་ཁྲིམས་མཐུན་གྱི་རྣམ་པའི་ཐོག་ནས་དྲག་གནོན་ཇེ་ཤུགས་ཆེ་རུ་འགྲོ་ངེས་ཡིན་པ་མངོན་གསལ་གནང་འདུག དེ་ཡང་ཕྱི་ཚེས་ ༢༤ ཉིན་ཚོགས་པའི་དྲྭ་གནས་ཐོག་དེ་འབྲེལ་གནས་ཚུལ་སྤེལ་བར་གཞིགས་ན། འདི་ཚེས་ ༡༦ ཉིན་རྒྱལ་ཚོགས་ཀྱི་དམིགས་བསལ་སྙན་སྒྲོན་པ་ཁག་གཅིག་གིས་རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་གཏོང་བའི་ཁྲིམས་ཡིག་དེར་བློ་འཚབ་ཤུགས་ཆེ་བསྟན་པར་དགའ་བསུ་དང་འབྲེལ། ཁྲིམས་ཡིག་དེ་ཉིད་འདི་ལོའི་ཕྱི་ཟླ་ ༧ ཚེས་ ༡ ཉིན་དངོས་སུ་ལག་བསྟར་བྱ་རྒྱུ་ཡིན་པས། ཁྲིམས་ཡིག་དེའི་འོག་ནས་རྒྱ་གཞུང་གིས་བོད་མི་དང་ཡུ་གུར། དེ་བཞིན་ནང་སོག་སོགས་གྲངས་ཉུང་མི་རིགས་ཐོག་ཁྲིམས་མཐུན་གྱི་རྣམ་པའི་ཐོག་ནས་དྲག་གནོན་ཇེ་ཤུགས་ཆེ་རུ་གཏོང་ངེས་ཡིན་པའི་ཐོག ཁོང་རྣམ་པའི་སྨྲ་བརྗོད་རང་དབང་དང་། ཤེས་ཡོན་ཐོབ་ཐང་། དེ་བཞིན་ཆོས་དད་རང་དབང་སོགས་གཞི་རྩའི་འགྲོ་བ་མིའི་ཐོབ་ཐང་ཡོངས་རྫོགས་སྔར་ལྷག་རྡོག་རོལ་གཏོང་ངེས་ཡིན་པ་ཐེར་འདོན་གནང་འདུག མ་ཟད། ཁྲིམས་ཡིག་དེས་རྒྱལ་ཁབ་ཀྱི་སྤྱི་སྐད་ཁྱབ་སྤེལ་གྱི་མིང་འོག་ནས་སློབ་གྲྭ་དང་དགོན་སྡེ། ཞིང་གྲོང་ཁྱོན་ཡོངས་ནང་རྒྱ་སྐད་སློབ་ཁྲིད་གཙོས་རྒྱ་ནག་དམར་གཞུང་ལ་བརྩི་བཀུར་གྱི་སློབ་གསོ་སྤེལ་བ་དང་ཆབས་ཅིག ལྷག་པར་སློབ་གྲྭ་ཁག་ཏུ་བོད་ཡིག་གཙོ་བྱས་པའི་གྲངས་ཉུང་མི་རིགས་ཀྱི་སྐད་ཡིག་བེད་སྤྱོད་བྱེད་ཚད་ཉུང་དུ་གཏོང་བ་དེས་གྲངས་ཉུང་མི་རིགས་ཀྱི་རང་སྐད་བཀོལ་སྤྱོད་བྱེད་རྒྱུར་བཀག་སྡོམ་དང་། མི་རབས་གསར་པའི་རིག་གཞུང་གི་ངོ་བོ་ཉམས་དམས་སུ་གཏོང་བའི་ཉེན་ཁ་ཡོད་པ་མངོན་གསལ་གནང་འདུག དེ་བཞིན་སེམས་འཚབ་བྱེད་གཞི་གཙོ་བོ་ནི་ཁྲིམས་ཡིག་གི་གསལ་ཁ་མེད་པའི་ཐ་སྙད་བཀོལ་སྟངས་དེ་ཡིན་ཞིང་། དེ་ཡང་མི་རིགས་མཐུན་སྒྲིལ་ལ་གཏོར་བཤིག་གཏོང་བའི་བྱ་སྤྱོད་རིགས་ལ་བཀག་སྡོམ་བྱེད་པ་ཚུད་ཡོད་པས། དེ་ལྟ་བུའི་གསལ་ཁ་མེད་པའི་ཐ་སྙད་བཀོལ་སྟངས་ལས་དབང་འཛིན་པ་རྣམས་ནས་སོ་སོའི་འདོད་མོས་ལྟར་འགྲེལ་བརྗོད་ཀྱིས་སྨྲ་བརྗོད་རང་དབང་དང་། རིག་གཞུང་གི་བྱེད་སྒོ། དེ་བཞིན་ཤེས་ཡོན་གྱི་ལས་དོན་སོགས་ལ་དྲག་གནོན་ཙམ་མ་ཟད། བོད་ཀྱི་ཆོས་དང་རིག་གཞུང་། སྐད་ཡིག་བཅས་པར་རྩ་ཆེན་འཛིན་མཁན་གྱི་ཕ་མ་དང་དགེ་རྒན། དེ་བཞིན་སྐད་ཡིག་ལས་འགུལ་བ་གང་བྱུང་འཛིན་བཟུང་བཀར་ཉར་བྱེད་སྲིད་པ་དང་མཉམ། ཁྲིམས་སྒྲིག་གི་དོན་ཚན་ ༦༣ པའི་ནང་གསལ་ལྟར་ན། ཕྱི་ཕྱོགས་སུ་གནས་སྡོད་བྱེད་བཞིན་པའི་བོད་མི་དང་ཡུ་གུར་མི་རིགས་གཙོས་རྒྱ་ནག་གཞུང་གི་བཙན་གནོན་འོག་ཏུ་ཡོད་པའི་མི་རིགས་རྣམས་ནས། རྒྱལ་ཁབ་ཀྱི་མི་རིགས་མཐུན་སྒྲིལ་དང་ཡར་རྒྱས་ལ་འགོག་རྐྱེན་བཟོས་ཚེ་རྒྱ་གཞུང་གི་ཁྲིམས་ལུགས་ལྟར་ཉེས་ཆད་ལྕི་མོ་གཅོད་རྒྱུའི་ཁྲིམས་མཐུན་གྱི་དབང་ཚད་སྤྲོད་ཡོད་སྟབས།...

འདི་ལོ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དགུང་གྲངས་༩༠ ལ་ཕེབས་པའི་གོ་སྟོན་དུས་ཆེན་དང་བསྟུན་ནས། བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་གོ་སྒྲིག་འོག་བོད་རང་དབང་འཐབ་རྩོད་པའི་ལྷན་འཛོམས་ཤིག་གོ་སྒྲིག་ཞུས་ཡོད་པ་དང་། སྐབས་དེར་བོད་ཀྱི་རང་དབང་འཐབ་རྩོད་ཀྱི་ཁྲོད་དུ་དངོས་ཤུགས་བརྒྱུད་གསུམ་ནས་ཞུགས་མྱོང་མཁན་གྱི་མི་རབས་རྒན་པ་ཁྱོན་༨༩ ཙམ་ལྷན་འཛོམས་བྱུང་འདུག The post བདེ་སྲུང་ལས་ཁུངས་ཀྱིས་བོད་རང་དབང་འཐབ་རྩོད་པའི་ལྷན་འཛོམས་གོ་སྒྲིག appeared first on བོད་ཀྱི་བང་ཆེན།.

ཨ་རིའི་ཕྱི་སྲིད་ལྷན་ཁང་གི་ཤར་ཨེ་ཤི་ཡ་དང་ཞི་བདེ་རྒྱ་མཚོ་མངའ་ཁུལ་ལས་དོན་ཁང་གིས་སྙན་ཐོ་ཞིག་གཞུང་ལ་ཕུལ་ཡོད་འདུག་པ་དང་། སྙན་ཐོ་དེའི་ནང་ད་ལྟ་རྒྱ་ནག་གི་དབང་འོག་ཏུ་ཡོད་པའི་ས་ཁུལ་ཁག་ནས་བོད་སྤྱི་དང་བྱེ་བྲག་བོད་རང་ལྗོངས་ཞེས་པ་དེ་ནང་དམ་དྲག་ཆེ་ཤོས་ཀྱི་ས་ཁུལ་ཞིག་ཡིན་པ་བརྗོད་འདུག The post བོད་དུ་འགྲོ་བར་དམ་དྲག་དང་དཀའ་ངལ་ཆེན་པོ་འཕྲད་བཞིན་ཡོད་འདུག། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱིས་གོ་སྒྲིག་གནང་བའི་བོད་རང་དབང་འཐབ་རྩོད་པའི་ལྷན་འཛོམས་ལ་མཉམ་ཞུགས་གནང་མཁན་བོད་ཀྱི་ཆབ་སྲིད་བཙོན་ཟུར་སོགས་དད་ལྡན་མཇལ་བཅར་བ་བཞི་བརྒྱ་ལྷག་ལ་མཇལ་ཁ་སྩལ་ཡོད་པ་རེད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༠༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དྷ་རམ་ས་ལའི་བཞུགས་སྒར་ཕོ་བྲང་གི་གཟིམ་ཆུང་ནས་མཇལ་འཕྲད་ཁང་གི་མདུན་ཐང་དུ་ཆེད་ཕེབས་ཀྱིས་རྒྱ་གར་དང་། ཡུ་རོབ། སོག་པོ། ཝི་ཡཏ་ནཱམ་སོགས་ཀྱི་དད་ལྡན་རྣམས་དང་། བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ཀྱིས་གོ་སྒྲིག་ཞུས་པའི་བོད་རང་དབང་འཐབ་རྩོད་པའི་ལྷན་འཛོམས་ཞེས་པར་ཆེད་ཕེབས་ཀྱི་ཚོགས་ཞུགས་པ་རྒྱ་ནག་གཞུང་གི་གདུག་རྩུབ་མནར་གཅོད་ཕོག་པའི་བོད་ཀྱི་ཆབ་སྲིད་བཙོན་པ་ཟུར་པ་གཙོས་བོད་རང་བཙན་སྐབས་ཀྱི་དམག་ཟུར་དང་། བསྟན་སྲུང་དང་བླངས་དམག་ཟུར། བློ་སྒྲིག་དམག་ཟུར། དམག་སྒར་ཨང་ ༢༢ དམག་ཟུར་སྐུ་ཚབ། ༸རྒྱལ་བའི་སྐུ་སྲུང་ཟུར་པའི་སྐུ་ཚབ། བདེ་སྲུང་ལས་ཁུངས་ཀྱི་འབྲེལ་ཡོད་སྐུ་ཚབ་བཅས་ལ་མཇལ་ཁ་སྩལ་ཡོད། སྐབས་དེར་བོད་རིགས་བྱིས་པ་ཞིག་གིས་བོད་ཡིག་སྦྱོང་རྒྱུར་དགའ་བོ་ཡོད་པ་༸སྙན་སེང་ཞུས་པར་མགོན་པོ་མཆོག་གིས། སངས་རྒྱས་ཀྱི་བཀའ་དང་མཁས་དབང་རྣམས་ཀྱི་བསྟན་བཅོས་སོགས་བཀའ་བསྟན་ནང་དུ་ཡོད་པ་རེད། དེ་བེད་སྤྱོད་བྱེད་པའི་སྐད་ཡིག་ནི་བོད་ཡིག་ཡག་ཤོས་རེད། ཨིན་ཡིག་དང་ཧིན་དི་སོགས་ཡི་གེ་མང་པོའི་ནང་དུ་ཡོད་ཀྱང་། བོད་ཡིག་ནང་ཡོད་པ་དེ་སྤུས་དག་ཤོས་རེད། ངོས་ཀྱིས་དགེ་རྒན་བྱས་ཏེ་བཀའ་བསྟན་ནང་ཡོད་པའི་བོད་ཡིག་དེ་རྣམས་བསླབ་ཆོག ཅེས་བཀའ་སྩལ་བ་དང་། དེ་ནས་བོད་རང་དབང་འཐབ་རྩོད་པའི་ལྷན་འཛོམས་ལ་མཉམ་ཞུགས་གནང་མཁན་རྣམས་ལ་མཇལ་ཁའི་ཐོག་མར་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་བོད་རང་དབང་འཐབ་རྩོད་པའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྟེན་གསུམ་འབུལ་བཞིན་པ་དང་། ཚོགས་འདུ་འདིར་བོད་རང་བཙན་སྐབས་ཀྱི་བོད་གཞུང་གི་དམག་མི་བརྒྱད་དང་། བསྟན་སྲུང་དང་བླངས་དམག་མི་བཞི། བོད་ནང་བོད་རང་དབང་གི་ཆེད་དུ་འཐབ་རྩོད་གནང་མྱོང་མཁན་གྱི་ཆབ་སྲིད་བཙོན་ཟུར་རྣམ་པ། དེ་བཞིན་ས་དབང་ཆེན་མོ་རྒྱ་ལོ་དོན་གྲུབ་མཆོག་གི་ནང་མི་དང་། ཨ་འབྲུག་མགོན་པོ་བཀྲ་ཤིས་མཆོག་གི་ནང་མི། བཀའ་ཟུར་ཙོང་ཁ་ལྷ་མོ་ཚེ་རིང་མཆོག་གི་བུ་བསྟན་འཛིན་བསོད་ནམས་ལགས་བཅས་མཉམ་ཞུགས་གནང་ཡོད་པ་བཅས་༸སྙན་སེང་ཞུས་། དེ་རྗེས་བདེ་སྲུང་བཀའ་བློན་མཆོག་དང་དྲུང་ཆེ་རྣམ་གཉིས་ནས་མཇལ་ཁ་དང་འབྲེལ་བདེ་སྲུང་ལས་ཁུངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་ལོ་དགུ་བཅུར་ཕེབས་པའི་དགའ་སྟོན་དུ་གཟེངས་རྟགས་འབུལ་བཞེས་དང་། མགོན་པོ་མཆོག་༸སྐུ་ཚེ་ཞབས་པད་བརྟན་པའི་ཆེད་དུ་གསོལ་འདེབས་ཞུས་ཡོད། །

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༥ རེས་གཟའ་སྤེན་པ་ཉིན་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་རྟེན་གཞི་བྱས་པའི་བྱེས་ཀྱི་གདན་ས་བཀྲ་ཤིས་ལྷུན་པོར་ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་ ༣༧ ལ་ཕེབས་པའི་༸སྐུའི་འཁྲུངས་སྐར་གྱི་དུས་བཟང་གི་རྟེན་འབྲེལ་མཛད་སྒོ་ཞིག་ཚོགས་གནང་སོང་། དེ་ཡང་མཛད་སྒོའི་ཐོག་སྐུ་མགྲོན་གཙོ་བོར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དུ་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག    དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག    དཔལ་ལྡན་དགའ་ལྡན་ཕོ་བྲང་གི་དྲུང་ཆེ་རྣམ་སྤེལ་ཚང་བློ་བཟང་སྦྱིན་པ་ལགས། བཀྲ་ཤིས་ལྷུན་པོའི་མཁན་པོ་གཟིག་རྒྱབ་རིན་པོ་ཆེ་མཆོག      ཕྱོགས་བཞུགས་བོད་མི་མང་སྤྱི་འཐུས་རྣམ་པ།   ལྷོ་ཕྱོགས་བོད་མིའི་ས་གནས་ཁྲིམས་ཞིབ་པ། སྦེལ་ཀོབ་ལུགས་བདེ་གཉིས་ཀྱི་ས་གནས་འགོ་འཛིན། དགོན་སྡེ་ཁག་གི་སྐུ་ཚབ་གཙོས་པའི་ས་གནས་མང་ཚོགས་བཅས་པ་ལྷན་འཛོམས་གནང་ཡོད།   སྐབས་དེར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་འཚམས་འདྲི་དང་སྦྲགས་གསུང་བཤད་གནང་དོན། དེ་རིང་ང་ཚོས་ནུབ་ཕྱོགས་བདེ་ལྡན་ཞིང་གི་མགོན་པོ་ཀུན་གཟིགས་༧པཎ་ཆེན་སྐུ་ཕྲེང་བཅུ་གཅིག་པ་༧རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་ ༣༧ ལ་ཕེབས་པའི་འཁྲུངས་སྐར་དགའ་སྟོན་གྱི་དུས་ཆེན་སྲུང་བརྩི་ཞུ་བཞིན་པའི་སྐབས་འདིར། ང་ཚོ་ཚང་མར་སེམས་ཚོར་ལྗིད་ཏིག་ཏིག་ཅིག་ཡོང་གི་ཡོད་རེད། ཕྱི་ལོ་ ༡༩༩༥ ཟླ་ ༥ ཚེས་ ༡༤ ཉིན།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགུང་ལོ་ ༦ ལ་སོན་པའི་ཁྱེའུ་དགེ་འདུན་ཆོས་ཀྱི་ཉི་མ་ཀུན་གཟིགས་པཎ་ཆེན་སྐུ་ཕྲེང་བཅུ་པའི་ཡང་སྲིད་འཁྲུལ་བྲལ་དུ་ངོས་འཛིན་གསལ་བསྒྲགས་བསྐྱངས་ཏེ་ཉིན་གསུམ་གྱི་རྗེས། ཆུང་སྲིད་རིན་པོ་ཆེ་དང་ཁོང་གི་ནང་མི་རྣམས་གར་སོང་ཆ་མེད་དུ་གྱུར་ཏེ།...

ཚོགས་བཅར་བ་རྣམས་ལ་༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁ་དང་བདེ་སྲུང་ལས་ཁུངས་ཀྱིས་ཆེ་བསྟོད་ཀྱི་བོད་ཀྱི་གཟེངས་རྟཊ།

༸སྐུའི་གོ་སྟོན་དང་བསྟུན་བདེ་སྲུང་ལས་ཁུངས་ཀྱི་གོ་སྒྲིག་འོག་ཟླ་འདིའི་ཚེས་ ༢༤ དང་ ༢༥ བཅས་ཉིན་གྲངས་གཉིས་རིང་དྷ་ས་འཛིན་སྐྱོང་སྦྱོང་བརྡར་ཁང་དུ་ཆེས་ཐོག་མར་བོད་རང་དབང་འཐབ་རྩོད་པའི་ལྷན་འཛོམས་ཤིག་འཚོགས་ཡོད་པ་དང་། དེ་རིང་ཕྱི་ཚེས་ ༢༧ ཉིན་གྱི་སྔ་དྲོ་ཚོགས་བཅར་བ་རྣམས་ནས་༸གོང་ས་མཆོག་གི་མཇལ་ཁ་ཞུས་པ་དང་འབྲེལ། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་ཆོས་གྲྭའི་ནང་བདེ་སྲུང་བཀའ་བློན་རྒྱ་རི་སྒྲོལ་མ་དབུ་བཞུགས་ཐོག་གཞུང་འབྲེལ་མཛད་སྒོ་ཞིག་འཚོགས་སོང་།   དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བྱམས་བརྩེའི་ལོ་སྲུང་བརྩིའི་ལས་རིམ་གྱི་ཆ་ཤས་སུ་ཉིན་གྲངས་གཉིས་རིང་འཚོགས་པའི་བོད་རང་དབང་འཐབ་རྩོད་པའི་ལྷན་འཛོམས་ཐོག་གཙོ་བོ་༸རྒྱལ་བའི་སྐུ་ཕྱྭ་སྐོར་དང་༸གང་ཉིད་མཆོག་གི་བཀའ་དགོངས་ཇི་ལྟར་སྒྲུབ་དགོས་པ་སོགས་ཀྱི་ཐད་བཀའ་བསྡུར་ལྷུག་པོ་བྱུང་ཡོད་པ་མ་ཟད།  ཚོགས་འདུའི་ཐོག་སྐུ་མགྲོན་གཙོ་བོ་སྲིད་ཚབ་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་། དམིགས་བསལ་སྐུ་མགྲོན་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག་དང་འཕགས་པ་ཚེ་རིང་མཆོག བདེ་སྲུང་བཀའ་བློན་རྒྱ་རི་སྒྲོལ་མ་མཆོག བོད་མི་མང་སྤྱི་འཐུས་ལྷན་ཚོགས་ཀྱི་རྒྱུན་ལས་སྐུ་ཚབ། དེ་བཞིན་ ཆེ་བསྟོད་སྐུ་མགྲོན་ཨ་འབྲུག་ཚང་ཆོས་སྐྱིད་ལགས་དང་གློག་བརྙན་བཟོ་སྐྲུན་པ་བསྟན་འཛིན་བསོད་ནམས་ལགས།  ལྷན་ཁང་ཁག་གི་དྲུང་ཆེ་ཆུང་རྣམ་པ། ཚོགས་བཅར་བའི་སྐུ་ཚབ་ཀེའུ་ཚང་རིན་པོ་ཆེ་མཆོག རྩེ་དྲུང་ཟུར་པ་བྱམས་པ་བསྟན་འཛིན་ལགས། ཆོལ་ཁ་གསུམ་གྱི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ། ཆབ་སྲིད་བཙོན་ཟུར་དང་འབྲེལ་ཆགས། བོད་དམག་ཟུར་པ། ཆུ་སྒང་བསྟན་སྲུང་དང་བླངས་དམག་ཟུར། གློ་སྒྲིག་དམག་ཟུར། དམག་སྒར་ཨང་ ༢༢ དམག་ཟུར་སྐུ་ཚབ། ༸རྒྱལ་བའི་སྐུ་སྲུང་ཟུར་པའི་སྐུ་ཚབ། བདེ་སྲུང་ལས་ཁུངས་ཀྱི་འབྲེལ་ཡོད་སྐུ་ཚབ་བཅས་ཁྱོན་མི་གྲངས་ ༨༩ ལྷག་མཉམ་འཛོམས་གནང་ཡོད་པ་རེད། ལྷག་པར་དུ་ལྷན་འཛོམས་དེའི་ཐོག་བཅར་བའི་ཚོགས་བཅར་བ་རྣམས་ནས་དེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཞུ་དང་འབྲེལ།  བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་ཆོས་གྲྭའི་ནང་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དབུ་བཞུགས་ཐོག་གཞུང་འབྲེལ་མཛད་སྒོ་ཞིག་འཚོགས་པའི་བརྒྱུད།  ཚོགས་བཅར་ཡོངས་ནས་སྤྱི་མོས་ཐོག་གྲོས་ཆོད་གཏན་འབེབས་གནང་བ་བཞིན།  དུས་རྒྱུན་དུ་ནས་༸གོང་ས་༸སྐྱབས་མགོན་ཆེན་མཆོག་ལ་ཞབས་ཕྱི་ཞུ་མཁན་དགའ་ལྡན་ཕོ་བྲང་ནང་ཐུགས་འགན་བཞེས་མཁན་ཁག་གཅིག་ལ་ཐུགས་རྗེ་ལེགས་འབུལ་གྱི་གཟེངས་བསྟོད་ཤིག་ཕུལ་སོང་བ་དང་།  དེ་བཞིན་བདེ་སྲུང་ལས་ཁུངས་ནས་བོད་རང་དབང་འཐབ་རྩོད་ཆེད་སྐུ་ལས་བསྐྱོན་མཁན་མི་སྣ་ཁག་གཅིག་ལ་ཡང་ཆེ་བསྟོད་ཀྱིས་རྟགས་མ་ཞིག་འབུལ་བཞེས་གནང་སོང་བ་མ་ཟད།  བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་དང་དྷ་ས་ས་གནས་འགོ་འཛིན་ངོས་ནས་མཛད་སྒོའི་ཐོག་བཅར་མཁན་དམག་ཟུར་དང་ཆབ་སྲིད་བཙོན་ཟུར་རྣམས་ལ་མཇལ་དར་བསྒྲོན་འབུལ་གྱིས་ཆེ་བསྟོད་ཞུས་སོང་།   The...

བོད་རང་དབང་འཐབ་རྩོད་པའི་ལྷན་ཚོགས་ཐོག་བདེ་སྲུང་ལས་ཁུངས་ནས་ཁོང་རྣམ་པར་གཟེངས་བསྟོད་བྱ་དགའ་ཕུལ་ཡོད་འདུག་ལ་མ་འོངས་པར་རྒྱལ་གཅེས་དཔའ་བོ་དཔའ་མོ་རྣམས་ལ་རིམ་པ་བྱས་ཏེ་གཟེངས་རྟགས་དབུལ་རྒྱུ་ཡིན་འདུག ཟླ་འདིའི་ཕྱི་ཚེས་ ༢༤ དང་ ༢༥ ཉིན་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་གོ་སྒྲིག་འོག ༧སྐུའི་གོ་སྟོན་བྱམས་བརྩེའི་ལོ་སྲུང་གཙིའི་ཆ་ཤས་སུ་བཞུགས་སྒར་དྷ་རམ་ས་ལར་བོད་རང་དབང་འཐབ་རྩོད་པའི་ལྷན་འཛོམས་ཞེས་པའི་ཉིན་གྲངས་གཉིས་རིང་གི་ཚོགས་འདུ་ཞིག་འཚོགས་ཡོད་པ་ལྟར། དེ་རིང་བཞུགས་སྒར་༧རྒྱལ་བའི་ཕོ་བྲང་དུ་༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་བཅར་ཞུས་རྗེས། ཐེག་ཆེན་ཆོས་གླིང་གཙུག་ལག་ཁང་དུ་མཇུག་སྡོམ་གྱི་མཛད་སྒོ་ཞིག་འཚོགས་སོང་ལ། ད་ལན་གྱི་ལྷན་ཚོགས་དེའི་ཐོག་ཆབ་སྲིད་བཙོན་ཟུར་དང་འབྲེལ་ཆགས། བོད་དམག་ཟུར་པ། ཆུ་སྒང་བསྟན་སྲུང་དང་བླངས་དམག་ཟུར། གློ་སྒྲིག་དམག་ཟུར། དམག་སྒར་ཨང་ ༢༢ པའི་དམག་ཟུར། ༧རྒྱལ་བའི་སྐུ་སྲུང་ཟུར་པའི་སྐུ་ཚབ། བདེ་སྲུང་ལས་ཁུངས་ཀྱི་འབྲེལ་ཡོད་སྐུ་ཚབ་བཅས་ཁྱོན་ཚོགས་བཅར་བ་ ༨༩ ཡིས། ལྷན་ཚོགས་ཐོག་༧གོང་ས་རྒྱལ་བ་རིན་པོ་ཆེ་མཆོག་གི་སྐུ་ཕྱྭ་དང་འབྲེལ་ནས་དོན་ཚན་ཉེར་བརྒྱད་ཀྱི་གྲོས་ཆོད་ཀྱང་གཏན་འབེབས་གནང་འདུག  དེ་རིང་མཇུག་སྡོམ་མཛད་སྒོའི་སྟེང་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས། ཚོགས་འདུ་འཚོག་སྐབས་ཚོགས་ཆུང་གསུམ་ལ་བགོས་ནས་བགྲོ་གླེང་གནང་བའི་གནད་དོན་གཅིག་ནི། དུས་ད་ལྟ་བར་༧གོང་ས་རྒྱལ་་རིན་པོ་ཆེ་མཆོག་གི་དབུ་འཁྲིད་བཟང་པོ་དེའི་འོག་ནས། བོད་ཅེས་པ་དེ་ད་ལྟ་ཡིན་ཡང་གོ་རྒྱུ་ཡོད་པ། བོད་མི་ཞེས་པའང་ཡོད་པ། བོད་མིའི་འཐབ་རྩོད་དེའང་ལྷག་ཡོད་པ་ནི། ༧གོང་ས་རྒྱལ་བ་རིན་པོ་ཆེ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་བྱུང་བ་ཡིན།  དེ་རིང་ཚོགས་འདུ་འདིར་ཕེབས་མཁན་རྣམས་ཀྱི་ནང་བོད་རང་དབང་འཐབ་རྩོད་ཆེད་རང་སྲོག་བློས་གཏོང་མཁན་ཧ་ལས་པའི་མང་པོ་ཡོད། རྒྱ་ནག་གཞུང་གིས་བོད་བཙན་འཕྲོག་བྱས་པའི་དབང་གིས། སྤྱི་ཡོངས་ནས་བསམ་བློ་བཏང་ན་བོད་མི་ས་ཡ་གཅིག་དང་འབུམ་གཉིས་ལྷག་རྐྱེན་འདས་སུ་གྱུར་བ་ནི་ཚང་མས་མཁྱེན་གསལ་རེད། དེ་བཞིན་བཙན་བྱོལ་ནང་ཚུར་ཡོང་ཐུབ་མཁན་ཁྲོད་ཀྱི་རྒན་རབས་པ་རྣམས་ལྷག་རྒྱུ་ཉུང་ཉུང་ཆགས་འདུག ཡིན་ཡང་། དེ་རིང་དངོས་གནས་དྲང་གནས་༧རྒྱལ་བ་རིན་པོ་ཆེ་མཆོག་གི་དབུ་འཁྲིད་འོག་ལ། བོད་རང་དབང་འཐབ་རྩོད་ཀྱི་ཆེད་དུ་རང་སྲོག་བློས་གཏོང་མཁན་གྱི་དཔའ་བོ་དཔའ་མོ་རྣམས་དྷ་རམ་ས་ལར་གདན་འདྲེན་ཞུ་ཐུབ་པའི་ཁྲོད། བོད་དམག་ཟུར་པ། དགའ་ལྡན་ཕོ་བྲང་དུས་སྐབས་ཀྱི་བོད་དམག བསྟན་སྲུང་དང་བླངས་དམག་ཟུར། གློ་སྒྲིག་འཛུགས་ཀྱི་སྐུ་ཚབ། བདེ་སྲུང་གི་འབྲེལ་ཡོད་ཁག་ཅིག ཆབ་སྲིད་བཙོན་ཟུར་དང་འབྲེལ་ཆགས་སོགས་ཕེབས་ནས། དོན་ཚན་རེ་རེའི་ཐོག་བགྲོ་གླེང་གནང་བ་དང་ལྷན་ཚོགས་སྐབས་རྒྱབ་གཉེར་དང་གཏན་འབེབས་ཞུས་པ་རེད། ཅེས་གསུངས་སོང་།  ཡང་བདེ་སྲུང་བཀའ་བློན་མཆོག་གིས། ད་ལན་ཚོགས་བཅར་བ་ཡོངས་ཀྱིས་སྤྱི་མོས་ཀྱི་ཐོག་ནས་༧གོང་ས་རྒྱལ་བ་རིན་པོ་ཆེ་མཆོག་ལ་དུས་རྒྱུན་དུ་ནས་ཞབས་ཕྱི་ཞུ་མཁན་གྱི་དགའ་ལྡན་ཕོ་བྲང་གི་ལས་བྱེད་རྣམས་ལ་ཐུགས་རྗེ་ལེགས་འབུལ་ཞིག་ངེས་པར་དུ་དབུལ་དགོས་པའི་གཏན་འབེབས་བྱུང་ཡོད། སྤྱི་མོས་གཏན་འབེབས་དེའང་བདེ་སྲུང་ལས་ཁུངས་ཀྱིས་སེམས་ནང་དྲན་པ་དེ་དང་ཏག་ཏག་ཅིག་བྱུང་ནས། བཀའ་བློན་དྲུང་ཆེ་སོགས་དང་རྒྱས་འཛོམས་བྱས་ཏེ། ད་ལན་ཚང་མ་ཡོད་ས་ནས་༧གོང་ས་རྒྱལ་བ་རིན་པོ་ཆེ་མཆོག་ལ་ཞབས་ཕྱི་ཞུ་མཁན་རྣམས་ལ་ཐུགས་རྗེ་ལེགས་འབུལ་གྱི་ལེགས་སྐྱེས་ཤིག་དབུལ་རྒྱུ་བྱུང་ན། ཚང་མ་བློ་བདེ་པོའི་ངང་ནས་ཕེབས་ཐུབ་པ་ཞིག་ཆགས་ཀྱི་རེད་བསམས་ནས་དེ་རིང་ཞོགས་པར་འདིར་འཛོམས་དགོས་པའི་དམིགས་ཡུལ་གཙོ་བོ་དེ་ཡིན། ཞེས་གསུངས་སོང་། འདི་གའི་གསར་འགོད་པས་བདེ་སྲུང་དྲུང་ཆེ་ཀརྨ་རིན་ཆེན་ལགས་སུ་བོད་རང་དབང་འཐབ་རྩོད་པའི་ལྷན་འཛོམས་དེ་འཚོག་དགོས་པའི་དམིགས་ཡུལ་དང་ལྷན་ཚོགས་སྐབས་དོན་ཚན་ག་རེ་གཏན་འབེབས་བྱུང་ཡོད་པའི་སྐོར་བཀའ་འདྲི་ཞུས་པར་ཁོང་གིས། ཚོགས་འདུ་འདི་དགོས་པ་དང་རྒྱུ་མཚན་གཙོ་བོ་གཉིས་བྱས་ནས་འཚོགས་པ་ཞིག་ཡིན་ཞིང་། དོན་ཚན་དང་པོ་དེ་ད་ལོ་༧གོང་ས་རྒྱལ་བ་རིན་པོ་ཆེ་མཆོག་དགུང་གྲངས་དགུ་བཅུ་ལ་ཕེབས་ནས་སྐུའི་གོ་སྟོན་སྲུང་གཙི་ཞུས་དང་ཞུ་མུས་དང་བསྟུན། ལྷན་འཛོམས་ཡག་པོ་ཞིག་བྱུང་ན་བསམ་པའི་བསམ་བློ་དང་། ད་ལན་ཚོགས་ཞུགས་ཁོངས་སུ་ཁོངས་མི་འདྲ་བ་མང་པོ་ཞིག་ནས་ཡོད་སྐབས། ཚང་མ་རུབ་རུབ་བཟོས་ཏེ་ཁོང་ཅག་གི་དགོངས་འཆར་ག་རེ་ཡོད་པ་དེ་དག་བདེ་སྲུང་ལས་ཁུངས་ཀྱིས་རྟོགས་ཐུབ་ཐབས་དང་། ཚོགས་ཞུགས་པ་རྣམས་དངོས་གནས་ལུས་སྲོག་བློས་གཏོང་ཐུབ་མཁན་ཡིན་སྟབས། ཁོང་རྣམ་པའི་དགོངས་འཆར་ལ་ཉན་ནས་ལག་བསྟར་གནང་ཐུབ་རྒྱུ་ག་རེ་ཡོད་མེད་དང་། བདེ་སྲུང་ལས་ཁུངས་ཀྱིས་ཁོང་རྣམ་པའི་དགོངས་པ་དེ་དག་གལ་ཆེན་དང་རྩ་ཆེན་པོར་བརྩིས་ནས་ལྷན་ཚོགས་བསྡུ་སྐོང་བྱས་པ་ཡིན། ཞེས་དང་། ད་ལན་ལྷན་ཚོགས་སྟེང་གྲོས་གཞི་ཉེར་བརྒྱད་ཀྱི་ཐོག་ལ་གླེང་སློང་དང་གཏན་འབེབས་བྱས་ཡོད་པའི་ཁྲོད། ༧གོང་ས་རྒྱལ་བ་རིན་པོ་ཆེ་མཆོག་གི་དགོངས་གཞི་བཞིན་ཇི་ལྟར་ཤར་བསྐྱོད་བྱ་དགོས་པའི་གནད་དོན་དང་འབྲེལ་ནས། ང་ཚོའི་སྤྱི་ཚོགས་ནང་མཐུན་སྒྲིལ་རྡོག་རྩ་ཆིག་སྒྲིལ་དགོས་པ། དགྲ་གཉེན་ངོ་ཤེས་པའི་ཐོག་ནས་ལས་དོན་གཉེར་དགོས་པའི་ཐད་གླེང་སློང་བྱུང་སོང་། ཞེས་དང་། རྗེས་ཕྱོགས་གཞུང་འབྲེལ་གྱི་སྲིད་ཇུས་ཐོག་ནས་བོད་ཀྱི་རང་དབང་འཐབ་རྩོད་པ་རྣམས་ལ་ངོས་འཛིན་ཡོད་པ་སུས་བལྟས་ཀྱང་ཤེས་ཐུབ་པ་ཞིག་ཡོང་ཐབས་སུ་གཟེངས་རྟགས་དབུལ་བའི་མགོ་བཙུགས་ཡོད་སྐོར་འགྲེལ་བརྗོད་གནང་བྱུང་། དེ་རིང་བདེ་སྲུང་ལས་ཁུངས་ཀྱིས་བོད་རང་དབང་འཐབ་རྩོད་པའི་ལྷན་འཛོམས་དང་འབྲེལ་ནས་གསར་འགོད་བསྒྲགས་གཏམ་ཤིག་སྤེལ་བའི་ཁྲོད། ལྷན་འཛོམས་འདིའི་གྲོས་གཞི་གཙོ་བོ་སྤྱི་ནོར་༸གོང་ས་༧སྐྱབས་མགོན་ཆེན་པོ་མཆོག་དགུང་གྲངས་ ༩༠ ལ་ཕེབས་པའི་སྐུའི་གོ་སྟོན་ལ་རོལ་བའི་དུས་ཚིགས་ཁྱད་པར་ཅན་དང་བསྟུན། མགོན་པོ་གང་ཉིད་མཆོག་སྐུ་ཚེ་ཞབས་པད་བརྟན་པ་དང་། ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་སླད་གཞུང་དམངས་གཉིས་ནས་འདས་པའི་ལོ་རྒྱུས་དང་། ད་ལྟའི་གནས་བབ། དཔའ་བོ་དཔའ་མོ་རྣམས་ཀྱི་ཉམས་མྱོང་བཅས་ལ་གཞི་བཅོལ་ཏེ་ལས་དོན་བསྒྲུབ་དགོས་པ་ཇི་མཆིས་སྐོར་དང་། བདེ་སྲུང་ལས་ཁུངས་ཀྱི་ཕྱག་ལས་གནང་ཕྱོགས་བཅས་ཀྱི་ཐོག་གྲོས་ཆོད་བཞག་ཡོད་པ་རྣམས་མཇལ་བཅར་སྐབས་སྙན་སྒྲོན་ཞུས་ཡོད་འདུག གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post བོད་རང་དབང་འཐབ་རྩོད་པ་རྣམས་ལ་རིམ་གྱིས་གཟེངས་རྟགས་དབུལ་རྒྱུ་ཡིན་འདུག  appeared first on བོད་ཀྱི་དུས་བབ།.

རྒྱ་ནག་དམར་གཞུང་གིས་བོད་བྲག་མགོ་རྫོང་ཁོངས་ཀྱི་སྟོན་པའི་སྐུ་བརྙན་ཆེན་པོ་བཞུགས་ས་དེ་རྟ་རྒྱུག་ཐང་དུ་བཟོས་ཡོད་པ་དང་དགེ་ལྡན་ནང་བསྟན་སློབ་གྲྭ་རྩ་མེད་བཟོས་པའི་ཤུལ་དུ་ཁང་རྩེག་ཆེན་པོ་གཉིས་གསར་དུ་བརྒྱབ་འདུག ཕྱི་ལོ་ ༢༠༢༡ ་ཟླ་ ༡༢ ཚེས་ ༡༢ ཉིན་རྒྱ་ནག་གཞུང་གིས་བོད་བྲག་མགོའི་དགའ་ལྡན་རབ་བརྟན་རྣམ་རྒྱལ་གླིང་གི་ཉེ་འཁྲིས་སུ་བཞེངས་ཡོད་པའི་མཐོ་ཚད་ལ་་ཁྲུ་ ༩༩(foot)ཅན་གྱི་སྟོན་པའི་སྐུ་བརྙན་དང་། རྗེ་བཙུན་བྱམས་མགོན་གྱི་སྐུ་བརྙན། མ་ཎི་དུང་འཁོར་བཞི་བཅུ་ཞེ་ལྔ་བཅས་གཏོར་བཤིག་བཏང་བའི་གནས་ཚུལ་ཕྱི་ཕྱོགས་སུ་ཐོན་ཡོད་ཀྱང་། སྐབས་དེར་ས་གནས་སུ་དམ་དྲག་ཆེ་བའི་རྐྱེན་གྱིས་གནས་ཚུལ་ག་རེ་བྱུང་ཡོད་མེད་ཁ་གསལ་ཆགས་མེད་པ་རེད། འདི་ག་བོད་ཀྱི་དུས་བབ་གསར་ཁང་གིས་རྒྱུས་ལོན་རིམ་པ་བྱས་ཏེ་ཤེས་རྟོགས་བྱུང་བ་ལྟར་ན། རྒྱ་ནག་དམར་གཞུང་གིས་སྐབས་དེར་རྩ་གཏོར་བཏང་བའི་རྗེ་བཙུན་བྱམས་མགོན་གྱི་སྐུ་བརྙན་དེ་གང་དུ་ཡོད་མེད་ཤེས་རྟོགས་ཐུབ་ཀྱི་མི་འདུག་ཀྱང་། སངས་རྒྱས་ཀྱི་སྐུ་བརྙན་དེ་བྲག་མགོ་དགོན་གྱི་འདུ་ཁང་ནང་བཞག་སྟེ། སྔར་གྱི་སྐུ་བརྙན་བཞུགས་ཡུལ་དེར་རྟ་རྒྱུག་ཐང་ངམ་རྟ་རྒྱུག་འཁོར་ཐང་ཆེན་པོ་ཞིག་བཟོས་འདུག ཐུབ་པའི་སྐུ་བརྙན་དེ་ནི་རང་བྱུང་གི་གནོད་སྐྱོན་དང་ནད་ཡམས་མུ་གེ་སོགས་ཟློག་ཆེད། ས་གནས་མང་ཚོགས་ཀྱིས་འགྲོ་གྲོན་རྒྱ་སྒོར་ ༤༠༠༠༠༠ ལྷག་བཏང་བ་དང་ས་གནས་སྲིད་གཞུང་གི་ཆོག་མཆན་ཐོབ་པའི་ཐོག་ནས་ཕྱི་ལོ་ ༢༠༡༥ ལོར་གསར་བཞེངས་གནང་བ་ཞིག་ཡིན་པ་རེད། དེ་བཞིན་རྒྱ་ནག་དམར་གཞུང་གིས་ཕྱི་ཟླ་ ༡༠ ཚེས་ ༣༡ ནས་ཉིན་གྲངས་ ༣ ནང་ཚུད་བྲག་མགོ་དགའ་ལྡན་རབ་བརྟན་རྣམ་རྒྱལ་གླིང་དགོན་པའི་འཛིན་སྐྱོང་འོག་ཡོད་པའི་དགེ་ལྡན་ནང་བསྟན་སློབ་གྲྭ་སྒོ་བརྒྱབ་དགོས་པའི་བཀའ་ཕབ་པ་ལྟར། དགེ་ལྡན་ནང་བསྟན་སློབ་གྲྭ་སྒོ་བརྒྱབ་སྟེ་རྩ་གཏོར་བཏང་ཡོད་པ་དང་། དེང་སང་སློབ་གྲྭའི་ཤུལ་དུ་ཁང་རྩེག་ཆེན་པོ་གཉིས་གསར་དུ་བརྒྱབ་འདུག ཡིན་ནའང་། ད་ལྟའི་ཆར་ཁང་རྩེག་ཆེན་པོ་དེ་གཉིས་ག་རེའི་ཆེད་དུ་ཡིན་མིན་སོགས་ཤེས་རྟོགས་ཐུབ་ཀྱི་མི་འདུག ཡང་ལོ་དེའི་ཕྱི་ཟླ་ ༡༡ པའི་ནང་བྲག་མགོ་དགོན་ནས་སྤྱི་ལེ་ ༢༤ ཙམ་གྱི་སར་ཡོད་པའི་ཆ་ནང་དགོན་པའི་དགེ་འདུན་པ་རྣམས་ལ་བཀའ་བཏང་སྟེ། དགོན་པ་དེར་གུ་རུ་རིན་པོ་ཆེའི་སྐུ་བརྙན་ཆེན་པོ་ཞིག་ཡོད་པ་དེ་གཏོར་དུ་བཅུག་ཡོད་པ་དང་།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༤ དང་ ༢༥ བཅས་ཉིན་གྲངས་གཉིས་རིང་དྷ་སའི་ཉེ་འདབས་སུ་ཆགས་པའི་འཛིན་སྐྱོང་སྦྱོར་བརྡར་བསྟི་གནས་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བྱམས་བརྩེའི་ལོ་སྲུང་བརྩིའི་ལས་རིམ་ཆ་ཤས་སུ་བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ཀྱི་གོ་སྒྲིག་འོག་བོད་རང་དབང་འཐབ་རྩོད་པའི་ལྷན་འཛོམས་ཤིག་བསྐོང་ཚོགས་གནང་ཡོད།  དེ་ཡང་མཛད་སྒོའི་ཐོག་མར་སྐུ་མགྲོན་གཙོ་བོ་སྲིད་ཚབ་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་། དམིགས་བསལ་སྐུ་མགྲོན་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག་དང་འཕགས་པ་ཚེ་རིང་མཆོག བདེ་སྲུང་བཀའ་བློན་རྒྱ་རི་སྒྲོལ་མ་མཆོག བོད་མི་མང་སྤྱི་འཐུས་ལྷན་ཚོགས་ཀྱི་རྒྱུན་ལས་སྐུ་ཚབ་བསྟན་པ་ཡར་འཕེལ་ལགས། ཆེ་བསྟོད་སྐུ་མགྲོན་ཨ་འབྲུག་ཚང་ཆོས་སྐྱིད་ལགས་དང་གློག་བརྙན་བཟོ་སྐྲུན་པ་བསྟན་འཛིན་བསོད་ནམས་ལགས།  ལྷན་ཁང་ཁག་གི་དྲུང་ཆེ་རྣམ་པ། ཚོགས་བཅར་བའི་སྐུ་ཚབ་ཀེའུ་ཚང་རིན་པོ་ཆེ་མཆོག རྩེ་དྲུང་ཟུར་པ་བྱམས་པ་བསྟན་འཛིན་ལགས། ཆོལ་ཁ་གསུམ་གྱི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ། ཆབ་སྲིད་བཙོན་ཟུར་དང་འབྲེལ་ཆགས། བོད་དམག་ཟུར་པ། ཆུ་སྒང་བསྟན་སྲུང་དང་བླངས་དམག་ཟུར། གློ་སྒྲིག་དམག་ཟུར། དམག་སྒར་ཨང་ ༢༢ དམག་ཟུར་སྐུ་ཚབ། ༸རྒྱལ་བའི་སྐུ་སྲུང་ཟུར་པའི་སྐུ་ཚབ། བདེ་སྲུང་ལས་ཁུངས་ཀྱི་འབྲེལ་ཡོད་སྐུ་ཚབ་བཅས་ཁྱོན་མི་གྲངས་ ༨༩ ལྷག་མཉམ་འཛོམས་གནང་ཡོད། དེ་ཡང་ཐོག་མར་སྐུ་མགྲོན་གཙོ་བོ་གཙོས་པས་སྐུ་མགྲོན་གཞན་རྣམས་ནས་སྤོས་སྣེས་མདུན་བསུ་དང་བཅས་སྤྱི་ནོར་༸གོང་ས་༸སྐྱབ་ས་མགོནཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེ་ཚོགས་ཁང་ནང་གདན་ཞུས་གནང་རྗེས་གནས་ཆུང་སྒྲ་དབྱངས་གླིང་གི་དགེ་འདུན་པ་རྣམས་ནས་ཞལ་འདོན་གསུང་འདོན་དང་བསྟུན་སྐུ་མགྲོན་གཙོ་བོ་སྲིད་ཚབ་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་དང་མཇལ་དར་སྒྲོན་མཚམས་སྐུ་མགྲོན་གཙོ་བོ་མཆོག་ནས་སྣང་གསལ་མར་མེ་ཞལ་ཕྱེ་གནང་། དེ་ནས་རིམ་བཞིན་སྐུ་མགྲོན་གཞན་རྣམས་ནས་རྟེན་བྱུང་མཇལ་དར་སྒྲོན་གནང་ཡོད།དེ་རྗེས་བོད་དང་རྒྱ་གར་གྱི་རྒྱལ་གླུ་བླངས་པ་དང་བོད་བསྟན་སྲིད་མི་རིགས་ཀྱི་ཆེད་ལུས་སྲོག་ལོངས་སྤྱོད་དང་བཅས་པ་བློས་གཏོང་མཁན་རྒྱལ་གཅེས་པ་ཚོའི་སྙིང་སྟོབས་དང་མཛད་རྗེས་ལ་རྗེས་དྲན་གུས་འདུད་ཞུ་བ་དང་སྦྲགས་ད་ལྟ་བོད་ནང་རྒྱ་གཞུང་གི་བཙན་འོག་ཏུ་སྡུག་སྦྱོང་མྱོང་བཞིན་པ་རྣམས་ལ་གདུང་སེམས་མཉམ་སྐྱེད་དང་འདས་གྲོངས་སུ་གྱུར་བ་རྣམ་པའི་ཆེད་ངག་བཅད་མྱ་ངན་སྐར་མ་གཅིག་རིང་ཞུས་རྗེས་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་འཚམས་འདྲི་དང་སྦྲགས་ཚོགས་འདུའི་དམིགས་ཡུལ་དང་རྒྱབ་ལྗོངས་ངོ་སྤྲོད་དང་འབྲེལ་ནས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ བཞེས་པའི་༸སྐུའི་གོ་སྟོན་དང་བསྟུན་བོད་མིའི་སྒྲིག་འཛུགས་ནས་ལོ་འཁོར་མོ་བྱམས་བརྩེའི་ལོ་ཞེས་སྲུང་བརྩི་ཞུས་བཞིན་པ་དང་། ལྷན་ཁང་ཁག་ནས་བྱམས་བརྩེའི་ལོ་སྲུང་བརྩི་དང་འབྲེལ་ལས་རིམ་ཁག་གོ་སྒྲིག་གནང་མུས་ལྟར་ཐེངས་འདིར་བདེ་སྲུང་གི་དྲུང་ཆེ་དང་བཀའ་བསྡུར་གནང་བའི་བརྒྱུད་བདེ་སྲུང་ལས་ཁུངས་ནས་བྱམས་བརྩེའི་ལོ་སྲུང་བརྩིའི་ལས་རིམ་ཆ་ཤས་དང་། ལྷག་པར་བོད་བསྟན་སྲིད་མི་རིགས་ཀྱི་ཆེད་དུ་རང་སྲོག་ལོངས་སྤྱོད་བློས་གཏོང་མཁན་གྱི་རྒྱལ་གཅེས་པ་རྣམས་དང་། ད་ལྟ་རྒྱ་ནག་གི་བཙན་གནོན་འོག་སྡུག་སྦྱོང་མྱོང་བཞིན་པའི་གཞིས་ལུས་བོད་མི་རྣམས་ལ་བོད་མི་མང་གི་ཚབ་ཞུས་ནས་གཞུང་འབྲེལ་ཐོག་ཆེ་མཐོང་དང་བཀའ་དྲིན་རྗེས་དྲན་ཞུ་སླད་དང་། ཆབ་སྲིད་བཙོན་ཟུར་དང་བོད་དམག་ཟུར་པ་རྣམས་ཀྱི་ཉམས་མྱོང་ལ་གཞིགས་ནས་སླད་མ་འོངས་པར་ཇི་ལྟར་གནང་དགོས་མིན་ཐོག་བགྲོ་གླེང་དང་ལམ་སྟོན་གང་ལེགས་ཡོང་སླད་དུ་དམིགས་ནས་ལྷན་ཚོགས་དེ་བཞིན་གོ་སྒྲིག་གནང་བ་ཞིག་ཡིིན་པ་ངོ་སྤྲོད་གནང་ཡོད།...

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༤ པའི་ཚེས་ ༢༥ རེས་གཟའ་སྤེན་པ་ཉིན་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་རྟེན་གཞི་བྱས་པའི་བྱེས་ཀྱི་གདན་ས་བཀྲ་ཤིས་ལྷུན་པོར་ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་ ༣༧ ལ་ཕེབས་པའི་༸སྐུའི་འཁྲུངས་སྐར་གྱི་དུས་བཟང་གི་རྟེན་འབྲེལ་མཛད་སྒོ་ཞིག་ཚོགས་གནང་སོང་། སྐབས་དེའི་མཛད་སྒོའི་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དུ་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དདཔལ་ལྡན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག བཀྲ་ཤིས་ལྷུན་པོ་དགོན་པའི་༸སྐྱབས་རྗེ་མཁན་རིན་པོ་ཆེ་གཟིགས་རྒྱབ་སྤྲུལ་སྐུ་མཆོག ཕྱོགས་བཞུགས་སྤྱི་འཐུས་བསམ་གཏན་ཆོས་སྒྲོན་ལགས་དང་། ཕྱོགས་བཞུགས་སྤྱི་འཐུས་དངོས་གྲུབ་རྡོ་རྗེ་ལགས། ཕྱོགས་བཞུགས་སྤྱི་འཐུས་བློ་བཟང་རྒྱ་མཚོ་སྲི་ཐར་ལགས། ཕྱོགས་བཞུགས་སྤྱི་འཐུས་ཆོས་འཕེལ་ཐུབ་བསྟན་ལགས། དགོན་པའི་དབུ་ཆོས་རྣམ་པ། ས་གནས་ཁྲིམས་ཞིབ་པ། སྦེལ་ཀོབ་ལུགས་བདེ་གཉིས་ཀྱི་ས་གནས་འགོ་འཛིན་རྣམ་པ་གཉིས། དགོན་སྡེ་ཁག་གི་སྐུ་ཚབ་རྣམ་པ། གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གི་ལས་སྣེ་རྣམ་པ། སེར་སྐྱ་མི་མང་བཅས་འདུ་འཛོམས་ཀྱིས་མཛད་སྒོ་ཚོགས་གནང་སོང་། མཛད་སྒོའི་ཐོག་དམིགས་བསལ་སྐུ་མགྲོན་དཔལ་ལྡན་ཚོགས་གཙོ་མཆོག་གིས་འཚམས་འདྲི་དང་སྦྲགས་གསུང་བཤད་གནང་དོན། དེ་རིང་ཕྱི་ལོ་ ༢༠༢༦ ཟླ་ ༤ ཚེས་ ༢༥ ནུབ་ཕྱོགས་བདེ་ལྡན་ཞིང་གི་མགོན་པོ་༸ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་བསྟན་འགྲོ་སྤྱི་དང་ཡང་སྒོས་གངས་ཅན་སྐྱེ་འགྲོའི་ཕན་བདེའི་སླད་དུ་སྐུ་མཚན་དཔེ་མངོན་པར་བཞད་ནས་མི་ལོ་ ༣༧ འཁོར་བའི་༸སྐུའི་འཁྲུངས་སྐར་གྱི་ཉིན་མོ་དུས་ཁྱད་པར་ཅན་ལ། བྱེས་ཀྱི་གདན་ས་བཀྲ་ཤིས་ལྷུན་པོའི་མཁན་བླ་འདུས་མང་ནས་ལོ་འདིར་དམིགས་བསལ་༸ཀུན་གཟིགས་པཎ་ཆེན་༸སྐུ་ཕྲེང་བཅུ་གཅིག་པའི་༸སྐུའི་འཁྲུངས་སྐར་སྲུང་བརྩི་ཞུ་བ་ནི་༸ཀུན་གཟིགས་པཎ་ཆེན་༸སྐུ་ཕྲེང་གོང་མ་རྣམས་ཀྱི་རླབས་ཆེན་རྣམ་ཐར་འཕྲོ་མཐུད་མཇུག་སྐྱོང་ཡོང་བའི་རྟེན་འབྲེལ་ཁྱད་པར་བ་ཞིག་ཏུ་གྱུར་ཞིང་། རང་ཅག་རྣམས་འདིར་འདུས་ཤིང་རྟེན་འབྲེལ་གྱི་སྒོ་འཕར་ཡངས་པོར་ཕྱེས་པས་ཆོས་དང་དམ་ཚིག་འདུན་པ་གཅིག་པས་སྐུའི་འཁྲུངས་སྐར་གྱི་མཛད་སྒོར་ཞུགས་པ་ནི་ལས་དང་སྐལ་བ་བཟང་པོ་ཞིག་ལ་ངོས་འཛིན་ཞུ་བཞིན་ཡོད། རང་རེའི་ཁ་རྒྱུན་ལ་གནམ་ལ་ཉི་ཟླ་གཉིས་དང་། ས་ལ་༸རྒྱལ་བ་པཎ་ཆེན་ཞེས་ཤོད་སྲོལ་ཡོད་པ་མ་ཟད། ༸རྒྱལ་བ་ཡབ་སྲས་ཞེས་བོད་གངས་ཅན་ཞིང་དུ་ཡོངས་སུ་གྲགས་ཤིང་༸པཎ་ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་མཆོག་གིས་༸རྒྱལ་དབང་སྐུ་ཕྲེང་ལྔ་པ་ངག་དབང་བློ་བཟང་རྒྱ་མཚོ་མཆོག་ངོས་འཛིན་གནང་བ་ནས་བཟུང་སྟེ།...

ཕྱི་ལོ་ ༢༠༢༦ ལོའི་བཙན་བྱོལ་བོད་མིའི་དངོས་གཞི་འོས་བསྡུ་འདིའི་ཐོག་བྱང་ཨ་རིའི་ནང་སྤྱི་འཐུས་འོས་བསྡུ་གནང་བ།

དེ་རིང་དངོས་གཞིའི་འོས་བསྡུ་མགོ་འཛུགས་སྐབས་དབུས་འོས་བསྡུའི་ཚོགས་གཙོ་བློ་བཟང་ཡེ་ཤེས་ལགས་ཀྱིས་རྒྱ་ནག་དམར་གཞུང་གིས་བཙན་བྱོལ་བོད་མིའི་འོས་བསྡུར་ཀླན་ཀ་བཙལ་བར་ལན་འདེབས་གནང་། དེ་རིང་ཕྱི་ཚེས་ ༢༦ ཉིན་བཙན་བྱོལ་བོད་མིའི་སྐབས་བཅོ་བརྒྱད་པའི་སྤྱི་འཐུས་ཀྱི་དངོས་གཞི་འོས་བསྡུ་འཛམ་གླིང་རྒྱལ་ཁབ་ ༢༧ ནང་གནང་དང་གནང་བཞིན་པ་ཡིན་ལ། དེ་རིང་བཞུགས་སྒར་ཁུལ་གྱི་དངོས་གཞིའི་འོས་བསྡུ་གནང་སྐབས།  དབུས་འོས་བསྡུ་ལས་ཁང་གི་ཚོགས་གཙོ་བློ་བཟང་ཡེ་ཤེས་ལགས་ཀྱིས། རྒྱ་ནག་གཞུང་གིས་བོད་མིའི་སྒྲིག་འཛུགས་དང་བཙན་བྱོལ་བོད་མིའི་འོས་བསྡུ་དང་འབྲེལ་ནས་གང་ཡང་བཤད་པའི་དབང་ཚད་མེད་ལ། རྒྱ་གཞུང་གིས་དྲག་གནོན་བྱེད་པའི་གནས་སྟངས་ལ་ངོས་ལེན་རྩ་བ་ནས་མེད་སྐོར་དང་། བལ་ཡུལ་མཆོད་འཇོར་ས་གནས་ཀྱི་དངོས་གཞིའི་འོས་བསྡུ་ཕྱིར་འཐེན་དང་འབྲེལ་ནས་གསལ་བཤད་གང་ཡང་མེད་སྐོར་གསུངས་བྱུང་། བལ་ཡུལ་མཆོད་འཇོར་ས་གནས་ཀྱི་དངོས་གཞིའི་འོས་བསྡུ་ཕྱིར་འཐེན་དང་འབྲེལ་ནས་བོད་མིའི་སྒྲིག་འཛུགས་ཀྱི་དབུས་འོས་བསྡུ་ལས་ཁང་གི་ཚོགས་གཙོ་བློ་བཟང་ཡེ་ཤེས་ལགས་ཀྱིས། ད་ལྟ་འོས་བསྡུ་འགྲོ་མུས་ཡིན་པ་དང་། སང་ཉིན་ཨ་རིའི་ནང་འོས་བསྡུ་བྱ་རྒྱུ་དང་དེ་རྗེས་གྲངས་བཤེར་འགྲོ་ཡི་ཡོད་པ་རེད། དེར་བརྟེན་གནད་དོན་དེའི་ཐད་ང་ཚོའི་གསལ་བཤད་གང་ཡང་མེད། ང་ཚོའི་འགན་དེ་འོས་བསྡུ་འདི་ཞི་འཇམ་པོ་དང་ཚགས་ཚུད་པོའི་ཐོག་ནས་འགྲོ་དགོས་ཀྱི་ཡོད་པར་བརྟེན། འོས་བསྡུ་ལ་དོ་ཕོག་མི་འགྲོ་བའི་རྒྱུ་མཚན་གྱི་ཐོག་ནས་ཁ་སང་གི་ཐག་གཅོད་དེ་ལ་བརྒྱུད་བསྒྲགས་ཤུགས་ཆེན་བྱེད་མི་དགོས་པ་དང་། རྒྱལ་སྤྱིའི་སྡིངས་ཆའི་ནང་ལོགས་ལ་འཆར་མི་དགོས་པ། རྒྱལ་སྤྱིའི་ནང་འཆར་དགོས་པའི་གནད་དོན་ཆེན་པོ་ཞིག་མིན་པས། འོས་བསྡུ་འདི་རྩ་ཆེན་པོ་བརྩི་བའི་ཐོག་ནས་གསལ་བཤད་གང་ཡང་ཞུ་ཡི་མེད། དེར་བརྟེན་མ་འོངས་པར་དེའི་ཐོག་ལ་ཕྱི་གསལ་ནང་གསལ་བཟོ་དགོས་པའི་གནད་དོན་ཆགས་པ་ཡིན་ན། བརྒྱ་ཆ་ ༡༠༠ ཐམ་པ་རྣམ་པ་ཚང་མར་གསལ་བཤད་ཞིབ་ཕྲ་ཞུ་ཆོག ཅེས་གསུངས་སོང་། ཐེངས་འདིའི་འོས་བསྡུ་དང་འབྲེལ་ནས་ཚོགས་གཙོ་བློ་བཟང་ཡེ་ཤེས་ལགས་ཀྱིས་གསར་འགོད་པར། དེ་རིང་ནི་བོད་དོན་འཐབ་རྩོད་ཀྱི་བརྒྱུད་རིམ་ནང་བཙན་བྱོལ་བོད་མི་ཡོད་དོ་ཅོག་ལ་ཧ་ཅང་གལ་ཆེ་བའི་ཉིན་མོ་ཞིག་ཆགས་ཡོད། དེ་ཡང་བོད་མིའི་སྒྲིག་འཛུགས་ཀྱི་འཛིན་སྐྱོང་སྲ་བརྟན་དང་འབྲེལ་བའི་སྤྱི་འཐུས་ཀྱི་འོས་བསྡུ་རེད། མ་འོངས་པའི་བོད་དོན་འཐབ་རྩོད་ཀྱི་བརྒྱུད་རིམ་གང་དུ་བསླེབས་ཡོད་མེད་སྤྱི་འཐུས་ལྷན་ཚོགས་ཆགས་ཡོད་དུས། ད་ལན་གྱི་འོས་བསྡུ་ཧ་ཅང་གི་རྩ་ཆེན་པོ་རེད། དབུས་འོས་བསྡུ་ལྷན་ཁང་གིས་ཟླ་བ་མང་པོའི་རིང་གྲ་སྒྲིག་བྱས་ཏེ། ཕྱི་ཟླ་གཉིས་པའི་ཚེས་ ༡ ཉིན་སྔོན་འགྲོའི་འོས་བསྡུ་ཚགས་ཚུད་པོ་བྱུང་ཡོད། ད་ལན་འཛམ་གླིང་གི་རྒྱལ་ཁབ་ ༢༧ ནང་གང་དུ་གནས་ཡོད་ཀྱང་། བོད་མིའི་སྒྲིག་འཛུགས་ཀྱི་ལས་གཞིའི་ནང་དུ་ཆ་ཤས་ལེན་བཞིན་ཡོད་པ་རེད། དེ་རིང་ཉིན་མོ་འདི་དཔེ་མི་སྲིད་པའི་རྩ་ཆེ་བ་ཞིག་ལ་ངོས་འཛིན་ཞུ་ཡི་ཡོད།...

དེ་རིང་ཕྱི་ལོ་ ༢༠༢༦ ལོའི་བཙན་བྱོལ་བོད་མིའི་འོས་བསྡུ་ཆེན་མོ་དེ་བཞིན་འཛམ་གླིང་ཁྲོད་ཀྱི་བོད་མི་འདུ་སྡོད་རྒྱལ་ཁབ་ ༢༧ ནང་བསྐྱངས་ཡོད་པའི་དུས་ཚིགས་དང་བསྟུན།  དབུས་འོས་བསྡུའི་ལས་ཁང་གི་འགན་འཛིན་བློ་བཟང་ཡེ་ཤེས་མཆོག་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་རྣམ་གཉིས་ཀྱིས་ཉེ་ལམ་རྒྱ་ནག་གཞུང་གིས་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོ་དེ་བཞིན་རྒྱལ་ཁབ་མེད་པའི་འོས་བསྡུ་ཞིག་ཡིན་པའི་ཟུར་ཟ་བྱས་པ་དང་། བཙན་བྱོལ་བོད་མིའི་སྒྲིག་འཛུགས་དེ་བཞིན་ཁ་བྲལ་རིང་ལུགས་པའི་སྒྲིག་འཛུགས་ཤིག་ཡིན་པ་སོགས་བཙན་བྱོལ་བོད་མིའི་འོས་བསྡུའི་ལས་རིམ་ལ་སྐྱོན་བརྗོད་ཀྱིས་འཁྱོག་བཤད་བྱས་པར་བརྡ་ལན་དང་སྦྲགས། བོད་རྒྱལ་ཁབ་ཀྱི་ཁྲིམས་མཐུན་གྱི་གཞུང་དེ་བཞིན་བཙན་བྱོལ་བོད་མིའི་སྒྲིག་འཛུགས་ཡིན་པ་དང་། ཁ་བྲལ་ངོ་མ་དེ་བཞིན་རྒྱ་ནག་གཞུང་གིས་བྱེད་སྟངས་ལས་ཡོང་གི་ཡོད་པ་གསུངས་སོང་། དེའང་དབུས་འོས་བསྡུའི་ལས་ཁང་གི་འགན་འཛིན་བློ་བཟང་ཡེ་ཤེས་མཆོག་གིས།  རྒྱ་ནག་ངོས་ནས་འཁྱོག་བཤད་ག་ཚོད་བྱས་ནའང་འཛམ་གླིང་ས་ཕྱོགས་གང་སར་གནས་པའི་བོད་མི་ཡོངས་ནས་བོད་མིའི་སྒྲིག་འཛུགས་འདིར་བརྩེ་བ་དང་འབྲེལ་བ། ལྷག་བསམ་དང་རྒྱལ་ཞེན་ཡོད་པ་ཞིག་ལ་ངོས་འཛིན་གནང་གི་ཡོད་ཅེས་དང་།  ད་ལན་དངོས་གཞིའི་འོས་བསྡུའི་བརྒྱུད་རིམ་ཐོག་ནས་རྒྱ་ནག་ལ་བརྡ་ལམ་གསལ་པོ་ཞིག་འགྲོ་ཐུབ་ཀྱི་ཡོད་པ་གསུངས་སོང་།  ཁོང་གིས་ད་དུང་རྒྱ་ནག་གིས་ང་ཚོར་ཁྲིམས་མཐུན་མིན་པའི་འཁྱོག་བཤད་བྱ་རྒྱུར་ནུས་པ་དང་དབང་ཚད་གང་ཡང་མེད་པ་མ་ཟད། རྒྱ་ནག་རང་ཡུལ་དུ་མི་མང་འཐུས་མི་ཚོགས་ཆེན་སོགས་ཀྱི་ནང་དུ་ཚོགས་མི་སྟོང་ཕྲག་བརྒལ་བ་ཡོད་པ་དེ་ལྟར་ཡང་དེའི་ནང་རང་དབང་ལྡན་པའི་ཐོག་ནས་འོས་བསྡུ་བྱེད་ཐུབ་ཀྱི་མེད་སྟབས།   ད་བར་བཙན་བྱོལ་ནང་ལོ་ངོ་ ༧༠ མ་ཟིན་ཙམ་རིང་བོད་མི་ཚོས་རང་དབང་ལྡན་པའི་ཐོག་ནས་འོས་བསྡུ་གནང་ཐུབ་པ་དང་སྒྲིག་འཛུགས་ཧྲ་ཏག་ཏག་གནང་ཐུབ་པ་དེས་བོད་རྒྱལ་ཁབ་ཀྱི་ཁྲིམས་མཐུན་གྱི་གཞུང་དེ་བཞིན་བཙན་བྱོལ་བོད་མིའི་སྒྲིག་འཛུགས་ཡིན་པ་མཚོན་གྱི་ཡོད་པ་དང་།  རྒྱུ་མཚན་དེས་རྒྱ་ནག་གིས་བོད་དེ་སྔ་ཁྲིམས་འགལ་གྱིས་དྲག་པོས་བཙན་འཛུལ་བྱས་ཡོད་པའི་ཐོག་ད་དུང་བློ་མ་བདེ་བའི་ཐོག་ནས་ཡང་ནས་ཡང་དུ་རྒྱལ་སྤྱིའི་ཁྲོད་བོད་ནང་གི་བོད་མི་རྣམས་སྐྱིད་པོ་ཡོད་པའི་ཡོད་རབས་དང་། བཙན་བྱོལ་ནང་བོད་མི་ཚོས་ཆབ་སྲིད་ཀྱི་ཐོག་ནས་རང་རྒྱལ་ཁབ་སླར་གསོའི་ལས་འགུལ་སྤེལ་བ་དག་ཁྲིམས་འགལ་ཡིན་ལུགས་ཀྱི་འཁྱོག་བཤད་བྱེད་ཀྱི་ཡོད་པ་ལྟར།  ཉེ་ལམ་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོ་དེ་བཞིན་རྒྱལ་ཁབ་མེད་པའི་འོས་བསྡུ་ཞིག་ཡིན་པའི་ཟུར་ཟ་བྱས་པ་དང་། བཙན་བྱོལ་བོད་མིའི་སྒྲིག་འཛུགས་དེ་བཞིན་ཁ་བྲལ་རིང་ལུགས་པའི་སྒྲིག་འཛུགས་ཤིག་ཡིན་པ་མ་ཟད། འདི་ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ནང་ཐོ་འགོད་བྱེད་མཁན་བོད་མི་ ༩༡༠༠༠ ཙམ་བྱུང་ཡོད་ནའང་བོད་མི་ ༥༡༠༠༠ ཙམ་གྱིས་མ་གཏོགས་འོས་འཕངས་མེད་པ་དེས་མི་མང་གི་བོད་མིའི་སྒྲིག་འཛུགས་ལ་ཡིད་ཆེས་མེད་ཚུལ་སོགས་བཙན་བྱོལ་བོད་མིའི་སྒྲིག་འཛུགས་དང་འོས་བསྡུའི་ལས་རིམ་ལ་སྐྱོན་བརྗོད་ཀྱིས་འཁྱོག་བཤད་བྱས་པ་དེ་དག་དགོད་བྲོ་བའི་གནས་སྟངས་ཤིག་ཡིན་པས།  གལ་ཏེ་རྒྱ་ནག་གིས་དངོས་ཡོད་ཐོག་བོད་ནང་གདེང་ཚོད་མཐོ་པོའི་བརྒྱུད་བསྒྲགས་བྱེད་བཞིན་པའི་གནད་དོན་ཐོག་རང་དབང་ལྡན་པའི་ངང་ནས་གཞིས་ལུས་བོད་མི་རྒྱ་ཆེ་མང་ཚོགས་ཀྱི་དྲུང་ནས་མང་མོས་འོས་བསྡུ་ཞིག་བྱེད་ཚེ་དེ་ནས་དངོས་བདེན་གནས་ཚུལ་ར་འཕྲོད་གསལ་པོ་བྱུང་ངེས་ཡིན་པ་གསུངས་སོང་། མ་ཟད་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དེ་རིང་རྒྱ་གར་ལྷོ་ཕྱོགས་སྦེལ་ཀོབ་ལུགས་བསམ་གཞིས་ཆགས་སུ་འོས་བསྡུའི་ནང་ཆ་ཤས་བླངས་པ་དང་འབྲེལ། འདི་ག་རླུང་འཕྲིན་ཁང་གི་དྲི་བར་བཀའ་ལན་ཁྲོད། རྒྱལ་སྤྱིའི་ནང་བཙན་བྱོལ་སྤྱི་ཚོགས་མང་པོ་ཡོད་པའི་ནང་ནས་བོད་མིིའི་བཙན་བྱོལ་སྤྱི་ཚོགས་འདི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ཉག་ཅིག་ལ་བརྟེན་ནས་མང་གཙོའི་ཆ་ལག་ཡོངས་སུ་ཚང་བ་ཡོད་བསྡད་པ་ཞིག་ཆགས་ཡོད་པར།  རྒྱ་ནག་རང་ལ་མང་གཙོ་མེད་པ་དང་བཙན་བྱོལ་བོད་མིར་མང་གཙོ་ཚད་དང་ལྡན་པ་ཞིག་ཡོད་སྟབས་ལྡོག་ཕྱོགས་ཀྱི་སྐད་ཆ་ཞིག་རང་བཞིན་གྱི་བཤད་བསྡད་ཀྱི་ཡོད་པ་དང་།  བཙན་བྱོལ་བོད་མིའི་སྤྱི་ཚོགས་ལ་ཁ་བྲལ་རིང་ལུགས་པ་ཞེས་རྒྱུན་ལྡན་དུ་བཤད་ཀྱིས་ཡོད་ཀྱང་།  ༸རྒྱལ་བ་རིན་པོ་ཆེ་མཆོག་ནས་དབུ་མའི་ལམ་གྱི་ཐོག་ནས་ཞི་མོལ་གཉིས་སྨན་གྱི་ཐབས་ལམ་ཞིག་སྟོན་གནང་མཛད་ཡོད་པ་དེ་ལྟར་ཡང་།  རྒྱ་ནག་གཞུང་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་དང་བཙན་བྱོལ་བོད་མི་ཚོར་ཁ་བྲལ་བ་ཞེས་བཤད་ཀྱི་ཡོད་དུས།  ཁ་བྲལ་ངོ་མ་དེ་བཞིན་རྒྱ་ནག་གཞུང་གིས་བྱེད་སྟངས་ལས་ཡོང་གི་ཡོད་པ་ལས།  ༸རྒྱལ་བ་རིན་པོ་ཆེ་མཆོག་དང་བོད་མིའི་སྤྱི་ཚོགས་ཀྱི་ཕྱོགས་ནས་ཡོང་གི་མེད་པ་གསལ་འདོན་དང་འབྲེལ།  རྒྱ་ནག་ལ་བརྡ་ལན་མཚོན་བྱེད་དུ་བཙན་བྱོལ་བོད་མི་ཚང་མས་འོས་བསྡུ་ནང་ཆ་ཤས་བླངས་རྒྱུ་དེ་ཧ་ཅང་གི་གལ་ཆེན་པོ་ཡིན་པ་དང་། ...