ཁ་སང་ཕྱི་ཚེས་ ༦  བོད་ནང་གི་ཆུ་ཚོད་ ༩ པའི་ཐོག་བོད་ཁུལ་དུ་སྐད་གྲགས་ཆེ་བའི་མགོན་པོ་དྲག་རྩལ་ཁང་གི་ཁུར་འཛིང་པ་གྲགས་ཅན་བློ་གྲོས་རྒྱ་མཚོ་ Luozhoujiangcuo ལགས་ཀྱིས་རྒྱ་ནག་གི་གྲོང་ཁྱེར་ཧྲན་ཞིས་ཀྱི་ཁུར་འཛིང་གར་སྟེགས་ཆེན་མོ་ JCK ཐོག་ཏུ་ཁུར་འཛིང་འགྲན་སྐོར་གསུམ་པའི་ཁྲོད་ཕམ་ཁ་བྱུང་འདུག བློ་གྲོས་རྒྱ་མཚོ་ལགས་ཀྱི་འགྲན་ཡ་ Ali Khorshidi ཨ་ལི་ཁོར་ཤི་དི་ནི་ Iran ཨི་རན་རྒྱལ་ཁབ་ནས་ཡིན་པའི་ MMA ཁུར་འཛིང་པ་ཞིག་ཡིན་པ་དང་། ཁོང་ནས་ JCK འགྲན་སྟེགས་སུ་འགྲན་བསྡུར་མང་པོ་བྱས་ཡོད་པ་མ་ཟད། ད་བར་རྒྱལ་ཁ་ ༣ དང་ཕམ་ཁ་ ༡ བཅས་ཐེངས་འདིའི་འགྲན་བསྡུར་ཁྲོད་ཁོ་རང་རྒྱལ་ཡོད་འདུག ཕྱི་ཚེས་ ༦  བོད་ནང་གི་ཆུ་ཚོད་ ༩:༣༠ ཐོག་བོད་ཁུལ་དུ་སྐད་གྲགས་ཆེ་བའི་མགོན་པོ་དྲག་རྩལ་ཁང་གི་ཁུར་འཛིང་པ་གྲགས་ཅན་ཚེ་དབང་ Zewang ལགས་ཀྱིས་རྒྱ་ནག་གི་གྲོང་ཁྱེར་ཧྲན་ཞིས་ཀྱི་ཁུར་འཛིང་གར་སྟེགས་ཆེན་མོ་ JCK ཐོག་ཏུ་ཁུར་འཛིང་འགྲན་སྐོར་གསུམ་པའི་ཁྲོད་ཕམ་ཡོད་པ་དང་། ཁུར་འཛིང་མཁན་བློ་གྲོས་རྒྱ་མཚོ་ནི་ཚེ་དབང་གི་ཕུ་བོ་ཡིན་འདུག ཁུར་འཛིང་བྱེད་མཁན་སྐད་གྲགས་ཅན་ཚེ་དབང་དང་། ཡུ་གུར་གྱི་ཁུར་འཛིང་བྱེད་མཁན་སྐད་གྲགས་ཅན་ན་ཨར་ཐེ་གཉིས་ཀྱི་རྒྱ་སྒོར་ཁྲི་བརྒྱའི་བྱ་དགའ་ཡོད་པའི་འགྲན་བསྡུར་ཆེན་པོའི་ཁྲོད་ཚེ་དབང་ཕམ་མྱོང་ཡོད་འདུག ད་ཐེངས་བོད་ཀྱི་ཁུར་འཛིང་མཁན་ཚེ་དབང་ལགས་ཀྱི་འགྲན་ཡ་ Talant Esdaulet ཏ་ལན་ཏི་ཡེས་ཏའོ་ལེ་ཐི་ནི་...

ཟླ་བ་འདིའི་ཚེས་ ༡ ནས་ ༣ བར་ནོར་ཝེ་རྒྱལ་ས་ཨོ་སི་ལོའི་ནང་ Oslo Freedom Forum ཞེས་ཨོ་སི་ལོའི་རང་དབང་གླེང་སྟེགས་འཚོགས་པའི་ཐོག་བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེང་གེ་ལགས་ཀྱིས་བཙན་བྱོལ་ནང་གཞུང་དང་ཆབ་སྲིད་ཚོགས་པ་འཛུགས་རྒྱུ་གལ་ཆེན་ཡིན་པ་གསུངས་འདུག དེ་ཡང་འདི་ལོའི་ཨོ་སི་ལོའི་རང་དབང་གླེང་སྟེགས་ཐོག་འགྲོ་བ་མིའི་ཐོབ་ཐང་གི་དོན་གཉེར་བ་དང་ལས་འགུལ་བ། གསར་འགོད་པ། རྩོམ་པ་པོ། སྒྱུ་རྩལ་བ་སོགས་ནས་མཉམ་ཞུགས་ཀྱིས་བརྗོད་གཞི་སྣ་མིན་ཐོག་གླེང་སློང་གནང་ཡོད་པའི་ཁྲོད། སྲིད་ཟུར་བློ་བཟང་སེང་གེ་ལགས་དང་ཁེ་ན་ཌ་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས། དེ་བཞིན་ཨ་རིའི་ནིའུ་ཡོག་བོད་རང་བཙན་སློབ་ཕྲུག་ཚོགས་པའི་ལས་འགུལ་འགན་འཛིན་ཚེ་ལྷ་རྫོགས་བཟང་ལགས་བཅས་ནས་མཉམ་ཞུགས་གནང་ཡོད། སྐབས་དེར་སྲིད་ཟུར་བློ་བཟང་སེང་གེ་ལགས་ཀྱིས་མང་གཙོ་ཉམས་རྒུད་ཞེས་པའི་བརྗོད་གཞི་ཐོག་སྐར་མ་ལྔའི་རིང་གི་གཏམ་བཤད་གནང་བའི་ནང་གཙོ་བོ་འདས་པའི་ལོ་ངོ་ ༢༠ ནང་རྒྱལ་སྤྱིའི་སྟེང་དམངས་གཙོ་ཉམས་རྒུད་དང་སྒེར་གཅོད་ལམ་ལུགས་མང་དུ་ཕྱིན་པའི་རྒྱུ་རྐྱེན་ནི། མང་ཚོགས་ལ་སྒེར་གཅོད་ལམ་ལུགས་”གཏོར་བཤིག་” གཏོང་རྒྱུ་ལས་གཞུང་”འཛིན་སྐྱོང་”བྱེད་སྟངས་ཀྱི་སྦྱོང་བརྡར་མེད་པས་རེད་ཅེས་དང་། ཁོང་གིས་བཙན་བྱོལ་ནང་གཞུང་དང་ཆབ་སྲིད་ཚོགས་པ་བཙུགས་ཏེ་གྲ་སྒྲིག་བྱེད་དགོས་པ་དང་བོད་མིའི་སྒྲིག་འཛུགས་ནི་འཛམ་གླིང་གི་དཔེ་མཚོན་ལེགས་ཤོས་ཤིག་ཡིན་པ་སོགས་ཀྱི་གསུང་བཤད་གནང་འདུག གཞན་ཡང་ཁེ་ན་ཌ་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས་ཀྱིས་གླེང་སྟེགས་འདི་ལྟ་བུ་ལོ་ལྟར་འཚོགས་སྲོལ་ཡོད་ཀྱང་ཐེངས་འདིའི་གླེགས་སྟེགས་དེ་བཞིན་དེ་སྔོན་དང་མི་འདྲ་བ་བྱུང་ཞེས་གསལ་སྟོན་གནང་ཐོག དེ་ཡང་བོད་དང་བོད་མིའི་སྐུ་ཚབ་ངོས་ནས་གླེང་སྟེགས་དེའི་ཐོག་བོད་ཀྱི་སྐོར་རམ། རང་དབང་། སྒྱུ་རྩལ་སོགས་ཀྱི་བརྒྱུད་གླེང་བོད་དོན་འཐབ་རྩོད་སྐོར་གོ་རྟོགས་སྤེལ་རྒྱུའི་གོ་སྐབས་བཟང་པོ་ཞིག་ཐོབ་ཡོད་པ་མ་ཟད། མཉམ་ཞུགས་གནང་མཁན་རྣམས་ཀྱིས་ཀྱང་བོད་དོན་འཐབ་རྩོད་ཐོག་རྒྱབ་སྐྱོར་ཡོད་སྐོར་གསུངས་པ་སོགས་འགྲེལ་བརྗོད་གནང་སོང་། རྩ་བའི་འདི་ལོ་ནོར་ཝེ་རྒྱལ་ས་ཨོ་སི་ལོའི་ནང་འཚོགས་པའི་ཨོ་སི་ལོའི་རང་དབང་གླེང་སྟེགས་ཐོག་བོད་མིའི་ཕྱོགས་ནས་བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེ་ལགས་དང་ཁེ་ན་ཌ་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས། དེ་བཞིན་ཨ་རིའི་ནིའུ་ཡོག་བོད་རང་བཙན་སློབ་ཕྲུག་ཚོགས་པའི་ལས་འགུལ་འགན་འཛིན་ཚེ་ལྷ་རྫོགས་བཟང་ལགས། གཞན་ཡང་ཨོ་སྟྲེ་ལི་ཡར་གནས་བཞུགས་བོད་པའི་གཞས་པ་དང་རོལ་དབྱངས་རྩོམ་པ་པོ་དེ་བཞིན་རྒྱལ་སྤྱིའི་ནང་གྲགས་ཆེ་བའི་ Grammy རོལ་དབྱངས་གཟེངས་རྟགས་ཀྱི་འོས་མི་གཞས་པ་བསྟན་འཛིན་ཆོས་རྒྱལ་ལགས་ཀྱིས་སོགས་ནས་མཉམ་ཞུགས་གནང་ཡོད་པ་རེད། The post སྲིད་ཟུར་བློ་བཟང་སེང་གེ་ལགས་ཀྱིས་ཨོ་སི་ལོའི་རང་དབང་གླེང་སྟེགས་ཐོག་གཏམ་བཤད་གནང་བ། appeared first on vot.

ཕྱི་ལོ་ ༢༠༢༦ ལོའི་ཟླ་ ༦ པའི་ཚེས་ ༥ ཉིན། ཁྲུང་ཆིང་གྲོང་ཁྱེར་འབྲིང་རིམ་མི་དམངས་ཁྲིམས་ཁང་དང་པོས་རྒྱལ་ཡོངས་སྲིད་གྲོས་སྐབས་བཅུ་བཞིའི་རྒྱུན་ལས། ཞིང་ལས་དང་གྲོང་གསེབ་ལྷན་ཁང་གི་འགོ་ཁྲིད་གཞོན་པ་ཆེ་དགྲ་ལྷ་ལྐོག་རྔན་བླངས་བའི་ནག་ཉེས་ཕོག་རྗེས་ཚེ་བཙོན་གྱི་ཉེས་ཆད་བཅད་པ་དང་། ཆབ་སྲིད་ཀྱི་དབང་ཆ་འཕྲོག་པ་མ་ཟད་རྒྱུ་ནོར་ཡོངས་རྫོགས་གཞུང་བཞེས་ཀྱིས་ཁྲིམས་ཐག་བཅད་འདུག ཕྱི་ལོ་ ༢༠༢༥ ལོའི་ཟླ་ ༡ ཚེས་ ༢༣ ཉིན་ཁོང་གིས་རྒྱལ་ཁབ་ལ་གནོད་པའི་ཁྲིམས་འགལ་བྱས་ཡོད་པའི་ནག་ཉེས་ཐོག་ཞིབ་བཤེར་བྱ་རྒྱུ་ཡོངས་བསྒྲགས་བྱས་རྗེས། ཀྲུང་དབྱང་སྒྲིག་ཁྲིམས་ལྷན་ཁང་དང་། རྒྱལ་ཁབ་ལྟ་སྐུལ་ལྷན་ཁང་གི་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་དང་ལེན་བྱས་ཡོད་པ་དང་ཁྲིམས་ཆད་ཕོག་པ་ངོས་ལེན་བྱས་ཡོད་འདུག ཆེ་དགྲ་ལྷ་ནི་ཕྱི་ལོ་ ༡༩༥༨ ལོར་ཡུན་ནན་བདེ་ཆེན་རྫོང་དུ་སྐྱེས་པའི་བོད་རིགས་ཤིག་ཡིན། ཕྱི་ལོ ༡༩༨༢ ལོའི་ཟླ་ ༥ པའི་ནང་རྒྱ་ནག་གུང་ཁྲན་ཏང་ནང་དུ་ཞུགས། ཕྱི་ལོ་ ༡༩༧༩ ལོའི་ཟླ་ ༡༢ ནང་ལས་ཀ་བྱེད་འགོ་བཙུགས། རྒྱ་ནག་གི་དབུས་གཞུང་གི་ཏང་གི་སློབ་གྲྭར་མཐོ་རིམ་སློབ་སྦྱོང་བྱས། ཐེངས་བཅུ་བཞི་པའི་རྒྱལ་ཡོངས་སྲིད་བྱུས་གྲོས་ཚོགས་ཀྱི་རྒྱུན་ལས་སོགས་མཐོ་རིམ་གོ་གནས་ཐོག་ལས་ཀ་ལོ་མང་བྱས་ཡོད་མཁན་ཞིག་རེད་འདུག དེ་བཞིན་ཉེ་ཆར་ཕྱི་ལོ་ ༢༠༢༦ ལོའི་ཟླ་ ༥ ཚེས་...

བོད་མིའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་སྐྱབས་མགོན་ཆེན་པོ་མཆོག་ཁ་སང་ནས་རྒྱ་གར་རྒྱལ་ས་ལྡི་ལིར་༧སྐུའི་ཞབས་པུས་ཀྱི་སྨན་བཅོས་གནང་ཕྱིར་ཆིབས་བསྒྱུར་མཛད་ཡོད་པ་དང་འབྲེལ། རིང་མིན་བཞུགས་སྒར་དུ་༧སྐུའི་ཕྱྭའི་ཞབས་རིམ་གསོག་སྒྲུབ་གནང་རྒྱུ་རེད་འདུག  དེའང་ཁ་སང་ཕྱི་ཚེས་ ༥ ཉིན་སྐུ་བཅར་རྣམ་གྲྭ་ཕན་བདེ་ལེགས་བཤད་གླིང་གིས་བླ་ལྷའི་ཐུགས་དམ་བཀའ་ལུང་དགོངས་དོན་སྤྱི་ཕེབས་ལྟར་ཆོས་བརྡའི་གསལ་བསྒྲགས་ཤིག་བསྐྱངས་པའི་ནང་།  མགོན་པོ་༸གང་ཉིད་མཆོག་ཁ་སང་རྒྱ་གར་རྒྱལ་ས་ལྡི་ལིར་༸སྐུའི་ཞབས་པུས་གཡོན་པ་སྨན་བཅོས་སླད་དུ་ཆིབས་བསྒྱུར་མཛད་ཡོད་སྟབས།  ཟླ་བ་འདིའི་ཚེས་ ༨ དང་ ༩ བཅས་སུ་བཞུགས་སྒར་དུ་རྟེན་གཞི་བྱས་པའི་ཐེག་ཆེན་ཆོས་གླིང་གཙུག་ལག་ཁང་དུ་སྐུ་བཅར་རྣམ་གྲྭ་ཕན་བདེ་ལེགས་བཤད་གླིང་གི་གོ་སྒྲིག་འོག་༧སྐུའི་འཕྲོད་བཞེས་དང་ཞབས་པུས་སྨན་བཅོས། བསྟན་སྲིད་བདེ་ཐབས་བཅས་ཀྱི་ཆེད་དུ་གཙུག་ལག་ཁང་གི་རྟེན་མཆོག་སྤྱན་སྔར་སྣ་ལྔའི་མཆོད་སྤྲིན་འབུལ་གཤོམས་དང་འབྲེལ་རིམ་གྲོར་སྒྲོལ་མ་འབུམ་ཐེར་དང་མདོ་སྡེ་སྐལ་བཟང་དག་སྒྲོག སྨན་བླའི་མདོ་ཆོག་བཅས་འབད་སྒྲུབ་ཞུ་རྒྱུ་ལགས་ན། རྡ་སར་གཉུག་མར་གནས་པ་དང་གློ་བུར་ལྷག་པའི་སེར་སྐྱ་ཕོ་མོ་བཅས་ཚོགས་འཛོམས་གནང་རྒྱུར་ངེས་ཕེབས་ཡོང་བ་ཞུ་ཞེས་ཡོང་ཁྱབ་གནང་འདུག ད་རེས་མགོན་པོ་༸གང་ཉིད་མཆོག་རྒྱལ་ས་ལྡི་ལིར་ཆིབས་བསྒྱུར་མཛད་དོན་གཙོ་བོ་ནི། ༸སྐུའི་ཞབས་པུས་གཡོན་པ་སྨན་བཅོས་སླད་དུ་ཡིན་ཞིང་། དགའ་ལྡན་ཕོ་བྲང་ཡིག་ཚང་གི་འདི་ཚེས་ ༤ ཉིན་ཡོངས་ཁྱབ་གསལ་བསྒྲགས་སྤེལ་བ་ལྟར་ན། མགོན་པོ་༸གང་ཉིད་མཆོག་ཁུལ་དེར་ཞབས་པུས་སྨན་བཅོས་གྲུབ་སྟེ། དྲག་སྐྱེད་ཟིན་མཚམས་ཟླ་བ་འདིའི་ཟླ་མཇུག་ཙམ་ལ་ལ་དྭགས་སུ་ཆིབས་བསྒྱུར་གྱིས་དུས་ཡུན་རིང་ཙམ་སྐུ་བཞུགས་མཛད་གཏན་འཁེལ་ཡོད་པ་རེད་འདུག གཞི་རྩའི་ཁ་སང་སྔ་དྲོ་ཕྱག་ཚོད་ ༧ ཙམ་པ་ལ་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཆིབས་ཐོན་མཛད་དེ་ཕྱག་ཚོད་ ༨ པ་ཙམ་ལ་ཀང་རཱ་གྷ་གྷལ་གནམ་ཐང་དུ་ཞབས་སོར་བདེ་བར་འཁོད་པ་དང་། སྐབས་དེར་བོད་མིའི་སྒྲིག་འཛུགས་མང་གཙོའི་ཀ་བ་གསུམ་གྱི་མཛད་གཙོ་རྣམ་པར་ཐོན་མཇལ་བཀའ་དྲིན་སྩལ་རྗེས། དམིགས་བསལ་གནམ་གྲུའི་བརྒྱུད་ནས་ཆིབས་ཐོན་གྱིས་ཕྱག་ཚོད་ ༡༠།༣༢ སྟེང་རྒྱལ་ས་ལྡི་ལིའི་གནམ་ཁང་དུ་ཞབས་སོར་བདེ་བར་འཁོད་གནང་མཛད་ཡོད་པ་རེད། The post བཞུགས་སྒར་དུ་ཉིན་གཉིས་རིང་༧སྐུ་ཕྱའི་ཞབས་རིམ་གསོག་སྒྲུབ་གནང་རྒྱུ། appeared first on vot.

ཕྱི་ཟླ་ ༦ ཚེས་ ༥ ཉིན་བོད་རང་སྐྱོང་ལྗོངས་མི་དམངས་སྲིད་གཞུང་གི་གཙོ་འཛིན་ཟུར་པ་ཆེ་དགྲ་ལྷས་གོ་གནས་དང་དབང་ཆ་བེད་སྤྱོད་ཀྱིས་ལྐོག་ཟ་བྱས་པའི་ནག་ཉེས་འོག་ཚེ་བཙོན་དང་ཚེ་གང་ཆབ་སྲིད་ཀྱི་དབང་ཆ་འཕྲོག་རྒྱུའི་ཁྲིམས་ཐག་བཅད་ཡོད་པ་དང་། དེ་ནི་ཉེ་བའི་དུས་ཚོད་ནང་སྲིད་དོན་བཙོན་པ་ཕུད་པའི་བོད་ནང་གི་བོད་པའི་དཔོན་རིགས་ལ་ཚེ་བཙོན་གྱི་ཁྲིམས་ཐག་བཅད་པ་ཐོག་མ་འདི་ཆགས་ཡོད་འདུག དེ་ཡང་རང་ལོ་ ༦༧ ལ་སོན་པའི་བོད་པའི་དཔོན་རིགས་ཟུར་པ་ཆེ་དགྲ་ལྷས་ཕྱི་ལོ་ ༡༩༩༩ ནས་ ༢༠༢༥ བར་ཡུན་ནན་དང་བོད་རང་སྐྱོང་ལྗོངས། དེ་བཞིན་པེ་ཅིང་བཅས་སུ་གོ་གནས་རིམ་པ་བཟུང་བའི་རིང་། ཨ་སྒོར་ས་ཡ་ ༢༣ ལྷག་ཙམ་གྱི་རྒྱུ་ནོར་ཁྲིམས་འགལ་གྱིས་བླངས་ཡོད་པའི་ཉེས་པ་བཙུགས་ཏེ་རྒྱ་ནག་ཁྲུང་ཆིང་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་ཐག་གཅོད་བྱས་འདུག རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལ...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལྡི་ལིར་ཞབས་པུས་སྨན་བཅོས་སླད་དུ་ཆིབས་བསྒྱུར་མཛད་སོང་། དེ་ཡང་སྔ་དྲོ་ཕྱག་ཚོད་ ༧ ཙམ་པ་ལ་མགོན་པོ་༸གང་ཉིད་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཆིབས་ཐོན་མཛད་དེ་ཕྱག་ཚོད་ ༨ ཙམ་ལ་ཀང་རཱ་གྷ་གྷལ་གནམ་ཐང་དུ་ཞབས་སོར་བདེ་བར་འཁོད་པ་དང་། སྐབས་དེར་བོད་མིའི་སྒྲིག་འཛུགས་མང་གཙོའི་ཀ་བ་གསུམ་གྱི་མཛད་གཙོ་རྣམ་པར་ཐོན་མཇལ་བཀའ་དྲིན་སྩལ་རྗེས། དམིགས་བསལ་གནམ་གྲུའི་བརྒྱུད་ནས་ཆིབས་ཐོན་མཛད་དེ་ཕྱག་ཚོད་ ༡༠།༣༢ སྟེང་རྒྱལ་ས་ལྡི་ལིའི་གནམ་ཁང་དུ་ཞབས་སོར་བདེ་བར་འཁོད་གནང་མཛད་ཡོད་པ་རེད། ད་རེས་མགོན་པོ་༸གང་ཉིད་མཆོག་རྒྱལ་ས་ལྡི་ལིར་ཆིབས་བསྒྱུར་མཛད་དོན་གཙོ་བོ་ནི། ༸སྐུའི་ཞབས་པུས་གཡོན་པ་སྨན་བཅོས་སླད་དུ་ཡིན་ཞིང་། དགའ་ལྡན་ཕོ་བྲང་ཡིག་ཚང་གི་འདི་ཚེས་ ༤ ཉིན་ཡོངས་ཁྱབ་གསལ་བསྒྲགས་སྤེལ་བ་ལྟར་ན། མགོན་པོ་༸གང་ཉིད་མཆོག་ཁུལ་དེར་ཞབས་པུས་སྨན་བཅོས་གྲུབ་སྟེ། དྲག་སྐྱེད་ཟིན་མཚམས་ཟླ་བ་འདིའི་ཟླ་མཇུག་ཙམ་ལ་ལ་དྭགས་སུ་ཆིབས་བསྒྱུར་གྱིས་དུས་ཡུན་རིང་ཙམ་སྐུ་བཞུགས་མཛད་གཏན་འཁེལ་ཡོད་པ་རེད་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གིས་ཞབས་པུས་གཡས་པ་སྨན་བཅོས་སླད་དུ་དེ་སྔོན་ ༢༠༢༥ ཟླ་ ༦ ཚེས་ ༢༡ ཉིན་བཞུགས་སྒར་ནས་ཨ་རིར་ཆིབས་ཐོན་མཛད་དེ་དེ་ཚེས་ ༢༣ ཉིན་ཨ་རིར་༸ཞབས་སོར་བདེ་བར་འཁོད་གནང་མཛད་ཡོད་པ་དང་། ཚེས་ ༢༨ ཉིན་ཨ་རིའི་ནིའུ་ཡོག་ནང་རྟེན་གཞི་བྱས་པའི་སྨན་ཁང་རྩེ་ཕུད་ Hospital of Special Surgery ནང་༸སྐུའི་ཞབས་པུས་གཤག་བཅོས་ལེགས་གྲུབ་བྱུང་ཡོད་པ་རེད། སྐབས་དེར་ཞབས་པུས་དྲག་སྐྱེད་རྗེས་བརྟན་བཞུགས་སོགས་ཀྱི་མཛད་འཆར་ལེགས་གྲུབ་རྗེས། ཕྱི་ཟླ་ ༨ ཚེས་ ༢༦...

རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཁོངས་སུ་འཁྲུངས་པའི་ཁྱེའུ་བསྟན་འཛིན་ལེགས་སྨོན་མཆོག་དགའ་ལྡན་ཁྲི་ཟུར་ཁྲི་ཐོག་ ༡༠༢ པའི་ཡང་སྲིད་དུ་ངོས་འཛིན་གནང་འདུག དེ་ཡང་ཕྱི་ལོ་ ༢༠༢༢ ཟླ་ ༡༢ ཚེས་ ༨ ཉིན་རྒྱ་གར་ལྷོ་ཕྱོགས་མོན་གྷོར་འབྲས་སྤུངས་བློ་གསལ་གླིང་ཀླུ་འཁྱིལ་ཁང་ཚན་གྱི་གཟིམས་ཆུང་དུ་དགའ་ལྡན་ཁྲི་ཐོག་ ༡༠༢ པ་རི་རྫོང་སྲས་སྤྲུལ་རྗེ་བཙུན་ཐུབ་བསྟན་ཉི་མ་རིན་པོ་ཆེ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་རྗེས། རི་རྫོང་དགའ་ལྡན་འཕེལ་རྒྱས་གླིང་འདུས་སྤྱི་ནས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རིན་པོ་ཆེའི་ཡང་སྤྲུལ་ཕེབས་མིན་དང་། ཕེབས་ན་ཕྱོགས་གང་དུ་ཕེབས་ངོ་ཡོད་མེད་བཅས་ཐུགས་དམ་བརྟག་ཞུ་ཕུལ་བ་ལྟར། མགོན་པོ་༸གང་ཉིད་མཆོག་གིས་ཕྱི་ལོ་ ༢༠༢༣ ཟླ་ ༨ ཚེས་ ༡༠ ཉིན་བཀའ་ཡིག་ཕེབས་སྒོར། རིན་པོ་ཆེའི་ཡང་སྲིད་རྒྱ་གར་ལྷོ་ཕྱོགས་སྦེལ་ཀོབ་བོད་གཞིས་ཁོངས་སུ་ཡོད་ངོ་ཤར་བས་ཁྱེའུ་རྟགས་མཚན་ཅན་རྣམས་ལ་རིམ་པས་མྱང་རྩད་གྱིས། ཞེས་བཀའ་ཕེབས་ཡོད། དེའི་རྗེས་ལོ་ངོ་གསུམ་ཙམ་རིན་སྔ་ཕྱི་རྩད་གཅོད་གྱིས་སླར་ཡང་༸གོང་ས་༸སྐྱབས་མགོན་ཆེན་པོ་མཆོག་གི་སྤྱན་སྔར་འོས་སྤྲུལ་གྱི་མཚན་གཞུང་དང་ཐུགས་དམ་བརྟག་ཞུ་བཅས་ཕུལ་བར། ཕྱི་ལོ་ ༢༠༢༦ ཟླ་ ༣ ཚེས་ ༣༠ ཉིན་མགོན་པོ་༸གང་ཉིད་མཆོག་གིས། མིང་ཐོ་གསུམ་པ་ཁྱེའུ་བསྟན་འཛིན་ལེགས་སྨོན་ཞི་བར་གཤེགས་པ་སྐྱབས་རྗེ་རི་རྫོང་རིན་པོ་ཆེའི་ཡང་སྲིད་དུ་ངོས་འཛིན་བགྱིས་ན་བཟང་ངོ་ཤར་ཞེས་བཀའ་ཕེབས་ལྟར།  དེ་རིང་ཕྱི་ཟླ་ ༦ ཚེས་ ༥ ཉིན་ཁྲི་ཟུར་བླ་བྲང་དང་རི་རྫོང་དགའ་ལྡན་འཕེལ་རྒྱས་གླིང་ལྡུམ་ར་བསམ་གཏད་གླིང་འདུས་སྤྱི་ནས། ལྷོ་ཕྱོགས་སྦེལ་ཀོབ་གཞིས་ཆགས་སུ་ཡང་སྲིད་རིན་པོ་ཆེ་ཡབ་ཡུམ་དང་བཅས་ལ་༸རྒྱལ་བའི་བཀའ་ཡིག་ཕྱག་རྟགས་རིན་པོ་ཆེ་འབུལ་ལམ་ཞུས་པ་དང་སྦྲགས།...

ཁ་སང་འཛམ་གླིང་ས་ཕྱོགས་གང་སར་དྲུག་བཞིའི་དོན་རྐྱེན་རྗེས་དྲན་དང་སྲུང་བརྩི་ཞུས་ཡོད་པའི་ཁྲོད། ཉི་འོང་གི་རྒྱལ་ས་ཊོག་ཡོ་དང་སྦེལ་ཇམ་གྱི་རྒྱལ་ས་སྦར་སིལ་ནང་གཏམ་བཤད་དང་བགྲོ་གླེང་ཚོགས་འདུ་འཚོགས་ཡོད་པ་མ་ཟད། སྦེལ་ཇམ་གྱི་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་ཀྱི་ལས་འགུལ་ཡང་སྤེལ་འདུག དེ་ཡང་དེ་རིང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། ཁ་ཉིན་ཚེས་ ༣ ཉིན་རྒྱ་རིགས་མང་གཙོ་དོན་གཉེར་བ་དང་ཉི་འོང་རྒྱབ་སྐྱོར་བ་གཉིས་ཟུང་སྦྲེལ་ཐོག་གནམ་སྡེ་སྒོ་མོ་ཆེའི་དྲུག་བཞིའི་དོན་རྐྱེན་བྱུང་ནས་ལོ་ངོ་ ༣༧ ཧྲིལ་པོ་འཁོར་བའི་དུས་དྲན་སྲུང་བརྩི་དང་། རང་དབང་དང་མང་གཙོའི་ཆེད་ངོ་རྒོལ་བྱེད་མཁན་གྱི་རྒྱ་རིགས་སློབ་ཕྲུག་རྣམས་ཀྱི་རྗེས་དྲན་ཆེད་གཏམ་བཤད་དང་བགྲོ་གླེང་བཅས་ཀྱི་ཐོག་ནས་ལས་རིམ་གཉིས་གོ་སྒྲིག་གནང་འདུག་པ་དང་། སྐབས་དེར་ཉི་འོང་བོད་ཀྱི་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་མཉམ་ཞུགས་ཀྱིས་གཏམ་བཤད་གནང་འདུག གཏམ་བཤད་ནང་གཙོ་བོ་ཨརྱ་ཚེ་དབང་རྒྱལ་པོ་ལགས་ཀྱིས་མང་གཙོ་དང་རང་དབང་འཐབ་རྩོད་པའི་རྒྱ་རིགས་དང་ཐའེ་ཝན་བ། དེ་བཞིན་ཧོང་ཀོང་བ་རྣམས་ལ་གདུང་སེམས་མཉམ་སྐྱེད་ཞུས་པ་དང་། རྒྱ་ནག་དམར་པོའི་གཞུང་གིས་འཁྱོག་བརྗོད་བྱེད་པ་བཞིན་བོད་མི་རྣམས་རྒྱ་ནག་དང་རྒྱ་རིགས་ལ་མི་དགའ་བ་མ་ཡིན་པར། རྒྱ་ནག་དམར་ཤོག་གཞུང་གིས་བོད་ཀྱི་ཆོས་དང་རིག་གཞུང་། སྐད་ཡིག དེ་བཞིན་ངོ་བོ་བཅས་པར་རྩ་མེད་བཟོ་བའི་སྲིད་བྱུས་ངན་པ་དག་ལ་ངོ་རྒོལ་བྱེད་བཞིན་ཡོད་སྐོར་འགྲེལ་བརྗོད་དང་འབྲེལ། ༸པཎ་ཆེན་རིན་པོ་ཆེ་མཆོག་དང་ཧོང་ཀོང་མང་གཙོ་དོན་གཉེར་བ་ཇི་མི་ལའེ་ལགས། རྒྱ་རིགས་སློབ་མ་ཀྲང་ཡཱ་ཊི་ལགས། དེ་བཞིན་རྒྱ་ནག་གཞུང་གིས་མནར་བཅོད་འོག་ཡོད་པའི་ཆབ་སྲིད་བཙོན་པ་རྣམས་མྱུར་དུ་གློད་བཀྲོལ་དགོས་པའི་འབོད་སྐུལ་ཞུས་འདུག དེ་བཞིན་ Federation for a Democratic China ཞེས་རྒྱ་ནག་མང་གཙོ་ལྷན་ཚོགས་དང་ཉི་འོང་རྒྱབ་སྐྱོར་བ་གཉིས་མཉམ་འབྲེལ་ཐོག་གོ་སྒྲིག་ཞུས་པའི་གཏམ་བཤད་ཀྱི་ལས་རིམ་དང་པོ་དེ་བཞིན་ཉི་འོང་གི་གྲོས་ཚོགས་གོང་མའི་ཚོགས་ཁང་དུ་འཚོགས་ཡོད་པ་དང་། སྐབས་དེར་གྲོས་ཚོགས་འཐུས་མི་སེ་ཀི་ཧའེ་ Seki Hei ལགས་ཀྱིས་རྒྱ་རིགས་མང་གཙོའི་ལས་འགུལ་ལ་རྒྱབ་སྐྱོར་དང་འབྲེལ་རྒྱ་ནག་དམར་ཤོག་གཞུང་གིས་རྒྱ་ནག་གཙོས་པའི་དབང་བསྒྱུར་འོག་ཡོད་པའི་ས་ཁུལ་ཁག་གི་ནང་ལག་བསྟར་བྱེད་བཞིན་པའི་དྲག་གནོན་ལ་སྐྱོན་བརྗོད་དང་སྦྲགས། རྒྱ་ནག་དམར་ཤོག་གཞུང་ངོས་ནས་རྒྱལ་སྤྱིའི་ཁྲིམས་སྒྲིག་ཁག་བརྩི་སྲུང་དགོས་པ་དང་ཁྱིམ་མཚེས་རྒྱལ་ཁབ་ཁག་གི་ས་མཚམས་དཔུང་འཛུལ་དང་འཇིགས་སྐུལ་ཁག་མཚམས་འཇོག་བྱེད་དགོས་པའི་འབོད་སྐུལ་ཞུས་འདུག ཕྱོགས་མཚུངས་ཁ་ཉིན་སྦེལ་ཇི་ཡམ་གྱི་རྒྱལ་ས་སྦར་སིལ་དུ་རྒྱ་རིགས་སློབ་ཕྲུག་རྣམས་ཀྱིས་རྒྱ་ནག་དམངས་གཙོ་ཅན་དུ་བསྒྱུར་བཅོས་བྱེད་དགོས་པའི་རེ་འབོད་ཀྱི་ལས་འགུལ་སྤེལ་བར་རྒྱ་ནག་གཞུང་གིས་དྲག་གནོན་དམར་གསོད་ཀྱི་དོན་རྐྱེན་བྱུང་ནས་ལོ་ངོ་ ༣༧ འཁོར་བའི་རྗེས་དྲན་སྲུང་བརྩིའི་སླད། དྲྭ་ཐོག་གི་ཚོགས་འདུ་ཞིག་འཚོགས་ཡོད་པ་དང་། སྐབས་དེར་ཚོགས་འདུའི་ཐོག་ཡོ་རོབ་རྒྱ་རིགས་འབྲེལ་འཐུད་པ་སངས་རྒྱས་སྐྱབས་ལགས་དང་བོད་མིའི་སྒྲིག་འཛུགས་ཕྱི་དྲིལ་རྒྱ་ཡིག་ཚན་པའི་འགན་འཛིན་འཇམ་དབྱངས་ཚེ་རིང་ལགས། བོད་དོན་གནས་ཚུལ་བརྒྱུད་འགོད་པ་ས་དཀར་བཀྲ་ཤིས་ལགས། ཐའེ་ཝན་གཞུང་ཚབ་ཆེན་མོ་ཤེ་ཀྲི་ཝེ་ལགས།...

ཕྱི་ལོ་ ༢༠༢༦ ལོའི་དྲུག་བཞིའི་དོན་རྐྱེན་རྗེས་དྲན་ཐེངས་ ༣༧ པ་དེ་བཞིན་རྒྱ་རིགས་དམངས་གཙོ་དོན་གཉེར་བ་ཚོས་འཛམ་གླིང་ས་ཕྱོགས་གང་ས་ནས་སྲུང་བརྩི་ཞུ་བཞིན་ཡོད་པ་དང་གཙོ་བོ་ཨ་རིར་གནས་སྡོད་བྱེད་མཁན་རྒྱ་རིགས་མང་གཙོ་དོན་གཉེར་བ་ཚོས་སྣེ་ཁྲིད་བྱེད་བཞིན་པའི་ལས་འགུལ་གལ་ཆེན་ཞིག་ཡིན་པ་ངོས་འཛིན་བྱེད་བཞིན་འདུག འདི་ག་གསར་ཁང་གིས་འབྲེལ་ཡོད་བརྒྱུད་ནས་བོད་ནང་གི་བོད་པ་ཚོས་དྲུག་བཞིའི་དོན་རྐྱེན་རྗེས་དྲན་ཐེངས་ ༣༧ པའི་སྐོར་བསམ་ཚུལ་དྲིས་སྐབས། དེང་སང་བོད་ཁུལ་གང་སར་དཔལ་འབྱོར་གྱི་ལས་རིགས་ཤུགས་ཆེན་པོ་དར་བའི་རྐྱེན་གྱིས་ཆབ་སྲིད་སྐོར་ལ་དོ་སྣང་བྱེད་མཁན་ཉུང་དུ་སོང་ཡོད་པ་དང་། ན་གཞོན་ཚོས་དྲུག་བཞིའི་དོན་རྐྱེན་ཟེར་བའི་ལོ་རྒྱུས་ཀྱི་བརྗོད་གཞི་གལ་ཆེན་འདི་རྩ་བ་ནས་ཤེས་ཀྱི་མེད་པ་གང་ལྟར་ཡང་། ཁོང་ནས་དུས་རྒྱུན་དུ་དོན་རྐྱེན་དེའི་འོག་ཏུ་ཤོར་བའི་ཉམ་ཆུང་གི་ཚེ་སྲོག་དེ་དག་ལ་སྨོན་ལམ་རྒྱག་བཞིན་ཡོད་ཅེས་འགྲེལ་བརྗོད་གནང་སོང་། འབྲེལ་ཡོད་གཞན་ཞིག་གིས། ལོ་རྒྱུས་ཁྲོད་དུ་ནམ་ཡང་ཡལ་མི་སྲིད་པའི་འདས་དོན་དེའི་སྐོར་ཁོང་ཡོད་སའི་ཁོར་ཡུག་ཏུ་ཕྱིར་དྲན་དང་གླེང་སློང་མི་ཆོག་པས་དེའི་སྐོར་གླེང་རྒྱུ་མིན་ཅེས་འགྲེལ་བརྗོད་གནང་གི་འདུག དྲུག་བཞིའི་དོན་རྐྱེན་སྐབས་དངོས་སུ་མཐོང་ཐོས་མྱོང་མཁན་ད་ལྟ་བཙན་བྱོལ་དུ་ཡོད་མཁན་ཞིག་ནས་སྐབས་དེ་དུས་ཀྱི་སྣང་བརྙན་སྐོར་འགྲེལ་བརྗོད་གནང་དོན་དུ།  སྐབས་དེར་ཁོང་ལོ་ཉི་ཤུའི་ནང་དུ་ཡོད་པ་དང་པེ་ཅིང་དུ་ཡོད་པའི་བོད་བརྒྱུད་ནང་བསྟན་སློབ་གླིང་དུ་སློབ་སྦྱོང་བྱེད་བཞིན་པ་དང་། དྲུག་བཞིའི་དོན་རྐྱེན་ (Tiananmen Square Protests and Massacre ) ནི་ཕྱི་ལོ་ ༡༩༨༩ ལོའི་ཟླ་ ༤ པ་ནས་ཟླ་ ༦ ཚེས་ ༤  བར་དུ་པེ་ཅིང་གི་གནམ་བདེ་སྒོ་མོ་ཆེ་གཙོས་པའི་རྒྱ་ནག་གི་གྲོང་ཁྱེར་གཞན་དག་ཏུ་བྱུང་བའི་སློབ་ཕྲུག་དང་། ཤེས་ཡོན་པ། མི་དམངས་བཅས་ཀྱི་ཞི་བའི་སྐད་འབོད་ཀྱི་ལས་འགུལ་ཞིག་ཡིན་པ་མ་ཟད། ལས་འགུལ་དེའི་དམིགས་ཡུལ་གཙོ་བོ་ནི་ཆབ་སྲིད་བསྒྱུར་བཅོས་དང་། གཞུང་གི་ལྐོག་ཟ་རུལ་སུངས་ལ་ངོ་རྒོལ། གསར་འགོད་རང་དབང་། མང་གཙོ་དང་འགྲོ་བ་མིའི་ཐོབ་ཐང་ལེགས་བཅོས་བཅས་ཡིན་པ་གསུངས་སོང་། ཁོང་གིས་ད་དུང་།  ཕྱི་ལོ་...

གཟའ་ལྷག་པའི་ཉིན་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཁང་ཟེར་བ་བཙུགས་ནས་མི་ལོ་༤༠ འཁོར་བའི་དུས་དྲན་ཟེར་བ་ཞིག་འཚོགས་ཡོད་འདུག་པ་དང་། སྐབས་དེ་དུས་རྒྱ་དམར་དབུས་འཐབ་ཕྱོགས་གཅིག་གྱུར་ཁང་ཟེར་བའི་འགོ་ཁྲིད་ཀྱིས་རྒྱ་ནག་གི་བོད་རིག་པའི་མཁས་དབང་ཚོས་རྒྱ་ནག་གུང་ཁྲན་ཏང་གི་ལྟ་བ་དང་མཐུན་པའི་ཐོག་ནས་རྒྱལ་སྤྱིའི་ཐོག་ཏུ་བོད་སྐོར་གླེང་ཕྱོགས་ལ་ཁ་ལོ་བསྒྱུར་ཐབས་བྱེད་དགོས་ཞེས་བརྗོད་འདུག The post རྒྱལ་སྤྱིའི་ཐོག་བོད་ལ་ལྟ་ཚུལ་འགྱུར་བ་གཏོང་ཆེད་བོད་རིག་པ་བ་ཚོ་ཧ་ཅང་གལ་ཆེན་པོ་ཡིན་པ་བརྗོད། appeared first on བོད་ཀྱི་བང་ཆེན།.

རྒྱ་གར་གྱིས་རྒྱལ་སྲུང་བདེ་འཇགས་དང་འཛུགས་སྐྲུན་ཡར་རྒྱས་གཏོང་སླད་ལ་དྭགས་ཀྱི་ཆུ་དམར་ས་ཁུལ་དུ་གྲོང་གསེབ་དང་པོ་གསར་འཛུགས་བྱེད་མགོ་ཚུགས། The post རྒྱ་གར་གྱིས་ལ་དྭགས་ཀྱི་མཐའ་མཚམས་སུ་གྲོང་ཚོ་དང་པོ་འཛུགས་སྐྲུན་བྱེད་མགོ་བཙུགས་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༦ ཚེས་ ༠༣ ཉིན་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་དུ་བཀའ་ཤག་སྐབས་བཅུ་བདུན་པའི་བདམས་ཐོན་བཀའ་བློན་རྣམ་པས་ལས་ཁུར་དང་གསང་རྒྱའི་དམ་བཅའ་ཕུལ་གནང་རྗེས། སོ་སོའི་ལྷན་ཁང་དུ་ཕེབས་འབྱོར་སྐབས་ལས་བྱེད་རྣམས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། དེ་ཡང་ལྷན་ཁང་སོ་སོའི་ལས་བྱེད་ཚོས་གྲོ་སོ་ཕྱེ་མར་དང་མཇལ་དར་བཅས་སྲོལ་རྒྱུན་གྱི་ཕེབས་བསུའི་འཚམས་འདྲི་ཞུས་པ་དང་འབྲེལ། བཀའ་བློན་རྣམ་པའི་ལས་ཡུན་རིང་ལས་དོན་མཐའ་དག་ལེགས་གྲུབ་ཡོང་བའི་སྨོན་འདུན་ཞུས་ཡོད།དེ་རྗེས་བཀའ་བློན་རྣམ་པས་སོ་སོའི་ལས་ཁུངས་ཀྱི་ལས་བྱེད་རྣམས་དང་མཇལ་འཕྲད་གནང་སྟེ་ལས་ཁུངས་ཀྱི་ལས་གཞི་འགྲོ་བཞིན་པ་ཁག་དང་། གལ་ཆེའི་དམིགས་ཡུལ། འཛིན་སྐྱོང་གི་ལས་དོན་བཅས་ཀྱི་ཐོག་ཚོགས་འདུ་ཚོགས་ཡོད་ཅིང་། དེའི་བརྒྱུད་བཀའ་བློན་རྣམ་པར་ལས་ཁུངས་ཀྱི་བྱེད་སྒོ་དང་། ལས་འཆར་སྣ་ཚོགས་ཀྱི་འབྲེལ་ཡོད་ལས་བྱེད་དང་ལྷན་བཀའ་མོལ་གནང་རྒྱུའི་གོ་སྐབས་བྱུང་ཡོད། སྐབས་དེར་བཀའ་བློན་རྣམ་པས་ལས་བྱེད་ཚོས་བོད་སྤྱི་དོན་ལ་དམིགས་ཏེ་ལྷག་བསམ་རྣམ་དག་གིས་ཕྱག་ལས་གནང་བར་ཡི་རངས་བསྔགས་བརྗོད་ཞུས་པ་དང་། དེ་བཞིན་བཀའ་བློན་རྣམ་པས་ལས་ཡུན་རིང་དྲང་བདེན་དང་། ཕྱི་གསལ་ནང་གསལ་ཐོག་ཕྱག་ལས་གནང་རྒྱུའི་དམ་བཅའ་བསྐྱར་ནན་དང་སྦྲགས། བོད་མིའི་སྒྲིག་འཛུགས་ཀྱི་སྲིད་བྱུས་དང་དམིགས་ཡུལ་བཅས་མདུན་སྐྱོད་སླད་ནུས་པ་མཉམ་སྤུང་གནང་དགོས་གལ་ཡིན་པ་གསུངས།།

རྒྱ་ནག་གཞུང་གིས་རྒྱུ་མཚན་གསལ་ཁ་གང་ཡང་མེད་པའི་ཐོག་ནས་དགེ་འདུན་པ་འཇམ་དབྱངས་བཀྲ་ཤིས་ལགས་སླར་ཡང་འཛིན་བཟུང་བཙན་འཁྲིད་བྱས་ཡོད་ཀྱང་ཁོང་གི་ད་ལྟའི་གནས་སྟངས་ཐད་གསལ་ཁ་གང་ཡང་མེད་པ་རེད།  The post གྲྭ་འཇམ་དབྱངས་བཀྲ་ཤིས་སླར་ཡང་རྒྱ་ནག་གཞུང་གིས་འཛིན་བཟུང་བཙན་འཁྲིད་བྱས།  appeared first on བོད་ཀྱི་དུས་བབ།.

༧སྐུའི་ཞབས་པུས་གཡོན་མར་སྨན་བཅོས་སླད་བཞུགས་སྒར་རྡ་རམ་ས་ལ་ནས་ལྡི་ལིར་ཆིབས་སྒྱུར་བསྐྱངས་གནང་མཛད་སོང་།

༄༅། །ཕྱི་ལོ་ ༢༠༢༦ ཟླ་བ་ ༠༦ ཚེས་ ༠༥ ཉིན་གྱི་སྔ་དྲོ་ཆུ་ཚོད་ ༨ ཙམ་ལ་སྤྱི་ནོར་༸གོང་ས་༸སྐྱབས་མགོན་རིན་པོ་ཆེ་མཆོག་བཞུགས་སྒར་དྷ་རམ་ས་ལ་ནས་ཞབས་པུས་གཡོན་མར་སྨན་བཅོས་སླད་ལྡི་ལིར་ཆིབས་བསྒྱུར་བསྐྱངས་ཡོད་པ་དང་། དེ་རྗེས་ཕྱི་ཟླ་དྲུག་པའི་ཟླ་མཇུག་ཏུ་ལ་དྭགས་སུ་ཕེབས་ཏེ་བཞུགས་གཏན་འཁེལ་ཡོད། སྐབས་དེར་གྷ་གྷལ་གནམ་ཐང་དུ་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་བཅས་ནས་ཕེབས་སྐྱེལ་ཞུས་ཡོད།། 

བོད་ནང་འཆར་གཞི་མང་པོ་ཞིག་ཁྲིམས་ཀྱི་ངོ་བོར་བསྒྱུར་ནས་རྒྱ་ནག་གཞུང་གིས་ལག་བསྟར་བྱེད་བཞིན་པ་གསལ་པོ་ཆགས་ཡོད་སྐོར་གསུངས་པ། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་བའི་ ༢༠༢༥ ལོའི་ལོ་འཁོར་སྙན་ཐོ་འདོན་སྤེལ་གནང་སྟེ། བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དེ་ཇེ་སྡུག་ཏུ་བཏང་པ་ལས་ཡར་རྒྱས་ཀྱི་རྣམ་པ་རྩ་ནས་མེད་པ་གསལ་པོ་ཡིན་ཞིང་། དམིགས་བསལ་འདས་པའི་ལོ་ཤས་ནང་རྒྱ་ནག་གཞུང་གིས་བོད་ནང་དུ་སྤེལ་བའི་སྲིད་བྱུས་དང་ལས་འགུལ། འཆར་གཞི་མང་པོ་ཞིག་ཁྲིམས་ཀྱི་ངོ་བོར་བསྒྱུར་ནས་ལག་བསྟར་བྱེད་བཞིན་པ་གསལ་པོ་ཆགས་ཡོད་ཅེས་ལྟེ་གནས་ཁང་དེའི་འགན་འཛིན་བསྟན་འཛིན་ཟླ་བ་ལགས་ཀྱིས་ཨེ་ཤེ་ཡ་རང་རླུང་འཕྲིན་ཁང་ལ་གསུངས་བྱུང་། ཕྱི་ལོ་ ༢༠༢༦ ཟླ་ ༦ ཚེས་ ༤ ཉིན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང...

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཚོགས་གཙོ་སྦྲེལ་པོ་དང་བཀའ་ཤག་ལྷན་རྒྱས་ལ་གསར་མཇལ་བསྩལ་ཞིང་། ཞབས་པུས་སྨན་བཅོས་ཆེད་རྒྱལ་ས་ལྡི་ལིར་ཆིབས་བསྒྱུར་བསྐྱང་གཏན་འཁེལ་བ། སྤྱི་ནོར་༧གོང་ས་༧སྐྱབས་མགོན་ཆེན་ོཔ་མཆོག་གིས་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་དང་། སྐབས་ ༡༧ པའི་བཀའ་ཤག་གི་སྲིད་སྐྱོང་དང་བཀའ་བློན་རྣམ་པར་་གསར་མཇལ་བསྩལ་སྐབས། མི་རབས་གསར་པ་བསླེབས་འདུག་ཅེས་ཐུགས་དགྱེས་ཚོར་གནང་བ་དང་སྦྲགས། “གང་ལྟར་བོད་ཀྱི་གནས་ཚུལ་དེ་འཛམ་བུ་གླིང་འདིའི་ཐོག་གསལ་དུ་ཕྱིན་པའི་བཟོ་དང་བོད་མིའི་བཙན་བྱོལ་སྒྲིག་འཛུགས་དེ་དངོས་གནས་ཆ་འཇོག་འཕེར་བ་ཞིག་ཏུ་ངོས་འཛིན་གྱིས་ཚང་མས་དགའ་པོ་བྱེད་ཀྱི་འདུག་པས། ང་མདོ་སྨད་སྐུ་འབུམ་ནས་སྐྱེས་པའི་མི་འདིས་བོད་བསྟན་སྲིད་ཆེད་འགན་འཁྱེར་ནས་ཕན་ཐོགས་ཞེ་དྲགས་ཡག་པོ་བྱུང་སོང་བ་དང་། ད་དུང་ངའི་སྙིང་སྟོབས་ཞུམ་པ་མེད། དངོས་ག...

གྲོས་ཚོགས་འོག་མའི་འཐུས་མི་ཁིརིསི་སིམིཐ་ (Chris Smith) དང་ཊོམ་སུའོ་ཛི་(Tom Suozzi) གཉིས་ཀྱིས་ཕྱི་ཟླ་ ༦ ཚེས་ ༢ ཉིན་གྲོས་ཚོགས་ནང་རྒྱ་ནག་གིས་བོད་ནང་བཙན་གནོན་ཇེ་ཤུགས་ཆེ་རུ་གཏོང་བཞིན་པར་ངོས་འཛིན་གྱིས་ཁྲིམས་འཆར་Tibet Atrocities Determination Act ཞེས་པ་དེ་ངོ་སྤྲོད་ནང་སྟེ་ད་ལྟ་བོད་དོན་ཁྲིམས་འཆར་གསར་པ་དེ་གྲོས་ཚོགས་གོང་འོག་གཉིས་སུ་མདུན་སྐྱོད་གནང་འདུག། རྩ་བའི་ཁྲིམས་འཆར་དེ་ཐོག་མ་འདི་ལོ་ཕྱི་ཟླ་ ༤ ནང་གྲོས་ཚོགས་གོང་མའི་འཐུས་མི་རིཀི་སིཀོཊི་ (Rick Scott) དང་འཇེཧྥ་མརྐ་ལི་ (Jeff Merkley) གཉིས་ཀྱིས་བཏོན་གནང་ཡོད། ཁྲིམས་འཆར་དེ་ཁྲིམས་སུ་གཏན་འབེབས་གནང་ཚེ་ཁྲིམས་ཡིག་དེའི་འབྲུ་དོན་བཞིན་ཨ་རིའི་ཕྱི་སྲིད་དྲུང་ཆེས་བོད་ཀྱི་རིག་གནས་དང་། ཆོས་ལུགས། སྐད་ཡིག་བཅས་ཀྱི་ཆེད་ལས་པ་དང་། འགྲོ་བ་མིའི་ཐོབ་ཐང་ཚོགས་པ་ཁག བོད་དོན་ལས་འགུལ་ཚོགས་པ། དེ་བཞིན་བཙན་བྱོལ་ནང་གི་བོད་མི་ཚོར་གྲོ...

ཕྱི་ཟླ་ ༦ ཚེས་ ༢ ཉིན་ཁེ་ཎ་ཌའི་བོད་རིགས་ཚོགས་པའི་ཚོགས་མི་དང་། གྲོས་ཚོགས་འཐུས་མི། བོད་དོན་རྒྱབ་སྐྱོར་བ་བཅས་ཀྱིས་གྲོས་ཚོགས་སུ་ ༢༠༢༦ ལོའི་གྲོས་ཚོགས་ཀྱི་བོད་ཀྱི་ཉིན་མོ་ཞེས་པའི་ལོ་འཁོར་དུས་སྟོན་ཐོག་མཉམ་ཞུགས་གནང་ཡོད་ཅིང་། ལས་འགུལ་འདིའི་དམིགས་ཡུལ་ནི་བོད་དོན་ཐོག་མང་ཚོགས་ལ་གོ་རྟོགས་སྤེལ་རྒྱུ་དང་། བོད་ཀྱི་ཆོས་དང་རིག་གཞུང་། འགྲོ་བ་མིའི་ཐོབ་ཐང་གི་གནད་དོན་ལ་རྒྱབ་སྐྱོར་ཡོང་བ་ནན་བརྗོད་ཞུ་རྒྱུ་དེ་ཆགས་ཡོད་འདུག ཁེ་ཎ་ཌའི་བོད་དོན་ཚོགས་པའི་འགན་འཛིན་ཤེས་རབ་ཐར་ཕྱིན་ལགས་ཀྱིས། ཁེ་ཎ་ཌའི་གྲོས་ཚོགས་སུ་བོད་ཀྱི་ཉིན་མོ་ཞེས་པ་འདི་ནི་ཁེ་ཎ་ཌའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་ནས་ལོ་ལྟར་སྲུང་བརྩི་གནང་བཞིན་ཡོད་པ་དང་། འདི་ལོ་མཚོན་ན། གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཇེམསོ་མེ་ལོའོ་ཎི་ཡིས་དབུ་ཁྲིད་དེ་སྲིད་དོན་ཚོགས་པ་མི་འདྲ་བའི་གྲོས་ཚོགས་ཀྱི་འཐུ...

འདས་པའི་ཉིན་གྲངས་༢ རིང་སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་གིས་གྲོས་ཚོགས་ཚོགས་དུས་དང་པོའི་མཇུག་བསྡོམས་ཀྱི་གསུང་བཤད་གནང་སོང་བ་དང་། ཚོགས་གཙོས་གྲོས་ཚོགས་ནང་བགྲོ་གླེང་གནང་དུས་མི་མང་ཚོས་སུན་སྣང་སྐྱེ་བ་དང་མི་དགའ་བ་སོགས་བྱེད་མི་ཉན་པ་གསུངས་སོང་། རྒྱུ་མཚན་ནི་གྲོས་ཚོགས་ནི་གནད་དོན་གང་འདྲ་ཞིག་ཡིན་ན་དཔྱད་པ་བྱེད་སའི་དོ་ར་ཞིག་ཡིན་དུས། བགྲོ་གླེང་གནང་སྐབས་ཚིག་མཐོ་དམའ་འདྲ་མིན་ཡོང་སྲིད་པ་ཞིག་ཡིན་པ་གསུངས་སོང་། The post ཚོགས་དུས་དང་པོའི་ཚོགས་གཙོའི་མཇུག་བསྡོམས་གཏམ་བཤད། appeared first on བོད་ཀྱི་བང་ཆེན།.

དེ་རིང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ཕྱི་ལོ་༢༠༢༥ ལོའི་བོད་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་སྐོར་གྱི་སྙན་ཐོ་དེབ་གཉིས་བཏོན་སོང་། The post བོད་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་སྐོར་གྱི་སྙན་ཐོ་དེབ་གཉིས་བཏོན་སོང་། appeared first on བོད་ཀྱི་བང་ཆེན།.

དེ་རིང་ཕྱི་ལོ་ ༢༠༢༦ ཟླ་ ༦ ཚེས་ ༤ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་དབུས་པའི་བཀའ་ཤག་སྐབས་ ༡༧ པའི་བཀའ་བློན་རྣམ་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཚོགས་གཞོན་བཅས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གསར་མཇལ་ཞུས་སོང་།  མཇལ་ཁ་གྲུབ་མཚམས་སྲིད་སྐྱོང་སྤེན་པ་ཚེ་རིང་མཆོག་གིས་གསར་འགོད་པར།  བཀའ་ཤག་སྐབས་ ༡༧ པའི་ངོས་ནས་བོད་ཀྱི་བདེན་མཐའ་གསལ་ཐབས་སླད་རང་ནུས་གང་ལྕོགས་གིས་ནུས་པ་ཇི་ཡོད་འདོན་རྒྱུའི་དམ་བཅའ་བརྟན་པོ་ཡོད་པ་འགྲེལ་བརྗོད་དང་འབྲེལ།  འདས་པའི་ཉིན་ཤས་ཀྱི་བརྒྱུད་རིམ་ལ་གཞིགས་ན།  བོད་ཀྱི་མ་འོངས་ཁ་ཕྱོགས་ཏེ་ཡག་པོ་ཞིག་ལ་འགྲོ་ཐུབ་པའི་རྟགས་དང་རྟེན་འབྲེལ་དེ་བཞིན་བླ་མའི་ཐུགས་རྗེ་བྱིན་རླབས་དང་ལྷ་ཆོས་སྐྱོང་སྲུང་མའི་གྲོགས་འཕྲིན་ལས་ཆ་ཚང་ཞིག་འདུག་པས།  གཙོ་བོ་ང་ཚོའི་མང་ཚོགས་ངོས་ནས་མི་འཕྱུག་པ་བྱས་ཏེ་ནང་ཁུལ་དུ་འཁོན་འཛིན་མེད་པར་བསམ་བློ་རྒྱ་ཆེ་ས་བཏང་སྟེ་རྒྱུན་གནས་ཐུབ་ན་རེ་བ་བཟང་པོ་ཡོད་པ་མ་ཟད།  དེ་རིང་མགོན་པོ་༸གང་ཉིད་མཆོག་ནས་ཀྱང་ཐུགས་དགྱེས་ཚོར་ཆེན་པོའི་ཐོག་ནས་མཇལ་ཁ་སྩལ་གནང་མཛད་ཡོད་སྐོར་གསུངས་སོང་། སྲིད་སྐྱོང་མཆོག་གིས་ད་དུང་འདི་གའི་གསར་འགོད་པའི་དྲི་བར་ལན་འདེབས་ཁྲོད།  ༸གོང་ས་མཆོག་ནས་མཇ་མཇལ་ཁྲོད་བོད་ལ་ཆིབས་བསྒྱུར་བསྐྱང་རྒྱུའི་ཐུགས་རེ་མངོན་གསལ་མཛད་བཞིན་ཡོད་པ་དེ་དག་ལྷག་བསམ་རྣམ་དག་གི་ཐོིག་ནས་བཀའ་སྩལ་གྱི་ཡོད་པ་ལས། དེའི་རྒྱབ་ལྗོངས་ལ་ཆབ་སྲིད་ཀྱི་སྲིད་བྱུས་རིགས་རྩ་བ་མེད་པ་གསལ་འདོན་དང་འབྲེལ།  རྒྱ་ནག་ངོས་ནས་༸གོང་ས་མཆོག་གལ་ཏེ་བོད་ལ་ཆིབས་སྒྱུར་མཛད་ན་ཡུལ་དེར་གཏན་འཇགས་བཞུགས་དགོས་པའི་ཆ་རྐྱེན་བཞག་ཡོད་པ་དེས་ད་བར་ལམ་ལྷོངས་བྱུང་མེད་པ་དང་།  དེ་ཡང་༸གང་ས་མཆོག་གིས་དེ་སྔ་༸གང་ཉིད་མཆོག་བོད་ལ་ཆིབས་བསྒྱུར་མཛད་རྒྱུའི་ཐུགས་རེ་ཡོད་ཀྱང་གཞི་རྩའི་རང་དབང་གཏན་ནས་མེད་པའི་རྒྱ་ནག་གི་བཙན་དབང་འོག་གནས་ཐབས་བྲལ་བ་ཡིན་སྐོར་བཀའ་སྩལ་ཡོད་པ་མ་ཟད།  ༸མགོན་པོ་མཆོག་མ་འོངས་པར་སྐུ་མྱ་ངན་ལས་འདས་པའི་སྐབས་རྒྱ་གར་ལྟ་བུ་རང་དབང་ལུང་པའི་ནང་༸སྐུ་ཉིད་ཀྱི་གྲོགས་པོ་ལྷན་རྒྱས་འདུ་འཛོམས་ཡོད་སར་འཆི་རྒྱུའི་ཐུགས་འདོད་ཡོད་སྐོར་བཀའ་སྩལ་ཡོད་པ་ལུང་འདྲེན་གྱིས།  ༸གོང་ས་མཆོག་བོད་ལ་གདན་འདྲེན་ཞུས་མ་ཐུབ་པ་དེ་རྒྱ་ནག་རང་གི་ཆ་རྐྱེན་འདྲ་མིན་བཞག་པ་ལ་བརྟེན་ནས་ཡིན་པ་ལས།  སྲིད་སྐྱོང་དབུས་པའི་སྒྲིག་འཛུགས་ཀྱིས་འབད་བརྩོན་མ་གནང་བ་ཞིག་མ་ཡིན་པར།  རྒྱ་ནག་ངོས་ནས་གལ་སྲིད་དངོས་གནས་དྲང་གནས་ཀྱི་བོད་པའི་དཀའ་རྙོག་སེལ་འདོད་ཡོད་ན། བོད་ནང་གི་བོད་མིར་བདེ་སྐྱིད་ཅིག་བསྐྲུན་དང་། བོད་ཕྱི་ནང་གཉིས་ཀྱི་བོད་མི་ཐུག་འཕྲད་ཅིག་གནང་དུ་བཅུག་དང་། དེ་ནས་ང་ཚོས་ལྟ་ཆོག་གི་རེད་ཅེས་གསུངས་སོང་།  དེ་བཞིན་འདི་གའི་གསར་འགོད་པས་སྲིད་སྐྱོང་མཆོག་ལ་ཉེ་ལམ་ཕྱི་ཟླ་ ༥ ཚེས་ ༡༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁེ་ན་ཌར་རྟེན་གཞི་བྱས་པའི་གངས་ལྗོངས་ཆོས་ལྡན་གླིང་སྤྱི་མཐུན་ཚོགས་ལ་འཚམས་འདྲིའི་གསུང་འཕྲིན་ཞིག་དང་འབྲེལ།  ཡ་རབས་བཟང་སྤྱོད་ཐད་ བོད་ཕྱི་ནང་གཉིས་ཀའི་ནང་ལྷོད་ཡངས་དོ་སྣང་ཆུང་སྐྱོན་ལྟ་བུས་བར་ལམ་ཕྲན་བུའི་ཉམས་ཆག་ཕྱིན་འདྲའི་གནས་ཚུལ་གོ་ཐོས་ཡོང་གི་འདུག་པར་ཐུགས་འཚབ་བྱུང་བའི་བཀའ་སྩལ་སྐོར་བཀའ་འདྲི་ཞུ་སྐབས།  སྲིད་སྐྱོང་མཆོག་གིས།  སྤྱིར་བཏང་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་བྱ་ནི་འཛམ་གླིང་ཞི་བདེ་དང་མི་རེ་ངོ་རེའི་ཀུན་སྤྱོད་ཡར་རྒྱས་གོང་འཕེལ་ཆེད་དུ་བཀའ་སྩལ་བ་ཞིག་ཡིན་དུས། ...

རྩོམ་པ་པོ། ཇོ་སྲས་པདྨ། རྩོམ་ཁུངས། བོད་ཀྱི་དུས་བབ།  སྔོན་གླེང་། ཁ་བ་གངས་རིའི་ལྗོངས་ཀྱི་ཡུལ་མི་སུ་ཞིག་ལ་སྐད་ཆ་དྲིས་ཀྱང་། རང་ཅག་ནི་འཕགས་མཆོག་སྤྱན་རས་གཟིགས་ཀྱི་སྤྲུལ་བ་ཕ་སྤྲེའུ་བྱང་ཆུབ་སེམས་དཔའ་དང་། འཕགས་མ་རྗེ་བཙུན་སྒྲོལ་མའི་སྤྲུལ་བ་མ་བྲག་སྲིན་མོ་གཉིས་ལས་མཆེད་པའི་རིགས་རྒྱུད་འཁྲུལ་དུ་མེད་པ་སུས་ཀྱང་བརྗོད་ངེས་ཡིན། ནང་བའི་ལྟ་གྲུབ་ལ་གོ་བ་མེད་མཁན་ཞིག་ལ་མཚོན་ན། གཏམ་རྒྱུད་འདིའི་རྒྱབ་ལྗོངས་དང་གོ་རིམ་ནི་རྟོགས་བཟོ་བྱས་བའི་ལྷ་སྒྲུང་ཞིག་ཏུ་མཐོང་སྲིད་ལ། ཚན་རིག་དང་མི་མཐུན་པའི་གཏམ་ཡན་ཅིག་ཏུའང་གོ་ཆོག ། འོན་ཀྱང་ངེས་དོན་གྱི་སྙིང་བོ་ནི། ཨ་ཅག་གི་མེས་པོའི་གཏམ་རྒྱུད་འདི་ནི། ས་འོག་ཏུ་ལྷག་ན་ཡང་འོད་ཀྱི་ཟེར་མ་ཡལ་མ་མྱོང་བའི་བཙོ་མའི་གསེར་ཞུན་ཞིག་དང་འདྲ་བར། དུས་རྟག་ཏུ་ང་ཚོ་བོད་མིའི་ངོ་བོ་དང་འདུ་ཤེས། བསམ་བློའི་དཔལ་ཡོན་དང་། མི་རིགས་ཀྱི་སྙིང་སྟོབས་མངོན་པར་མཚོན་པའི་དྲན་ཐོའི་རྡོ་རིང་ཞིག་ཡིན། ཞོར་འཕྲོས། དེང་རབས་ཀྱི་དངོས་གཙོ་སྨྲ་བའི་ཚན་རིག་ནི། འཚར་ལོངས་བྱུང་བཞིན་པའི་ན་གཞོན་ཞིག་དང་འདྲ་ལ། དངོས་ཐོག་བདེན་འཚོལ་གྱི་རིག་པས་འཇིག་རྟེན་རགས་པའི་གནས་ལུགས་ལ་ལག་ལེན་དངོས་བརྒྱུད་ཀྱི་གསལ་ཁ་མང་དུ་ཕྱེས་ཡོད་པ་ནི་ངོ་སོ་ཡར་བསྟོད་བྱེད་རྒྱུ་ཁོ་ན་ལས་མ་འདས། དེ་དང་ལྟོས་འཇོག་གིས་གླེང་ན། འཇིག་རྟེན་གྱི་ལྐོག་ཏུ་གྱུར་བའི་གསང་བ་མང་པོ་ཞིག ནང་བའི་ལྟ་གྲུབ་དང་ཡེ་ཤེས་ཀྱི་གཟིགས་པ་ལས་འགྲེལ་རྒྱུ་མ་གཏོགས། འཇིག་རྟེན་པའི་བློ་དང་རིག་པས་བརྟག་པ་ཙམ་གྱིས་ངེས་པ་རྙེད་པ་ཞིག་མིན། ནང་དོན་རིག་པས་ལས་འབྲས་རྟེན་འབྲེལ་གཞིར་བཟུང་ནས་འཁོར་འདས་ཀྱི་རང་བཞིན་བརྗོད་པ་ལ། ལྟ་བ་རྒྱ་ཆེ་བ་དང་། མཚན་ཉིད་ཡ་མཚན་པའི་རྟགས་མཚན་མང་པོ་འབྱུང་པའང་བསམ་ཤེས་ཡོད་དགོས་པའི་གནས་ཡིན་པ་གོར་མ་ཆག གཤམ་དུ་དཔེ་འགའ་ཡིས་མཚོན་པར་བྱ། གཅིག  ད་ལྟའི་བསམ་བློ་བའམ། ཆེས་ཚད་མཐོ་བའི་ཚན་རིག་གིས། འཇིག་རྟེན་གྱི་ཆགས་རིམ་བརྗོད་དུས། སྦངས་ཆེན་མོ(Big Bang)ཡི་རིག་པ་དང་སྦྲེལ་ནས་འགྲེལ་གྱི་ཡོད་ལ། སྦངས་ཆེན་མོའི་སྔོན་སོང་གི་གནས་ཚུལ་ཅི་རིགས་ལ་ཚོད་དཔག་བྱེད་དཀའ་བའི་གནས་སུ་གྱུར་ཡོད། ནང་བའི་ལྟ་གྲུབ་ལ་མཚོན་ན། འཇིག་རྟེན་ནི་ཐོག་མ་མེད་པ་ནས་ཆགས་གནས་འཇིག་སྟོང་གི་རེས་མོས་ལས་མ་འདས་བར་གསུངས་ཤིང་།...

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་ཟླ་བ་བཀྲ་ཤིས་ལགས་ཀྱིས་ཆོས་ལུགས་ཀྲུང་གོ་ཅན་ཟེར་བའི་སྲིད་ཇུས་དེ་གནད་འགག་ཆེ་ཤོས་དང་བོད་ནང་གི་གཞིས་ལུས་རྒྱ་ཆེ་མི་མང་དང་རིས་མེད་དགོན་སྡེ་ཁག་ལ་དཀའ་ངལ་ཆེ་ཤོས་ཤིག་ཡིན་པ་འགྲེལ་བརྗོད་གནང་སོང་། ལོ་ལྟར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་ནས་ལོ་འཁོར་སྙན་ཐོ་ཞིག་འདོན་སྤེལ་གནང་གི་ཡོད་པ་ལྟར། དེ་རིང་ཕྱི་ཟླ་ ༦ ཚེས་ ༤ ཉིན་བཞུགས་སྒར་དུ་རྟེན་གཞི་བྱས་པའི་ལྟེ་གནས་ཁང་དེས་བོད་རྒྱ་དབྱིན་གསུམ་གྱི་སྐད་ཡིག་ཐོག་ཕྱི་ལོ་ ༢༠༢༥ ལོའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས། ཕྱི་ལོ་ ༢༠༢༥ ལོའི་ལོ་འཁོར་གྱི་སྙན་ཐོ་དང་། བོད་ནང་གི་ཆོས་དད་རང་དབང་གི་སྙན་ཐོ་ཞེས་པའི་དམིགས་བསལ་སྙན་ཐོ་ཞིག་འདོན་སྤེལ་གནང་སོང་། ཐེངས་འདིའི་བསྒྲགས་ཡིག་ནང་། རྒྱ་ནག་གཞུང་གིས་བོད་མིའི་ཐོག་བསམ་བློ་དང་ཆབ་སྲིད་གཉིས་ཀྱི་ཐད་ནས་གནོན་ཤུགས་ཇེ་ཆེར་གཏོང་བཞིན་པ་མ་ཟད། ཆོས་དད་དང་། གཏམ་བརྗོད། ཤེས་ཡོན། རིག་གཞུང་། ཞི་བའི་ངོ་རྒོལ་སོགས་ལ་སྔར་ལས་ལྷག་པའི་གནོན་ཤུགས་དང་དམ་དྲག་བྱེད་བཞིན་ཡོད། ཕྱི་ལོ་ ༢༠༢༥ ལོའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དེ་འཛམ་གླིང་ཐོག་གནས་སྟངས་སྡུག་ཤོས་ཆགས་ཡོད་པ་དང་སྐར་གྲངས་ཀླད་ཀོར་ཐོག་གནས་ཡོད། ཞི་ཅིང་ཕིང་གིས་རྒྱུན་མཐུད་ནས་དབང་ཆ་བཟུང་བའི་འོག་རྒྱ་ནག་དམར་ཤོག་ཚོགས་པས་བོད་མི་རིགས་ཀྱི་ངོ་བོ་དང་ཁྱད་ཆོས་རྩ་མེད་བཟོ་བཞིན་པའི་གནས་སྟངས་འོག ཁྲིམས་ལུགས་ཀྱི་སྟངས་འཛིན་དང་། ཆབ་སྲིད་ཀྱི་སློབ་གསོ་གཏོང་བ། ལྟ་ཞིབ་དམ་དྲག་ཆེ་རུ་གཏོང་བ། དེ་བཞིན་རྒྱ་གཞུང་གིས་བོད་མིའི་ཆོས་དད་དང་རིས་མེད་དགོན་སྡེ་ཁག་གི་ཐོག་སྔར་ལས་ལྷག་པའི་དམ་དྲག་བྱས་ཡོད་པ། ཁྲིམས་ཡིག་གསར་པ་བཟོས་ཏེ་དགོན་པའི་ཆོས་ཕྱོགས་ཀྱི་བྱེད་སྒོ་དང་འཛིན་སྐྱོང་གི་ལས་དོན་མཐའ་དག་དམར་ཤོག་ཚོགས་པའི་ལྟ་སྤྱོད་དང་མཐུན་དགོས་པའི་གཏན་འབེབས་བྱས་ཡོད་པ། ༸གོང་ས་མཆོག་དགུང་གྲངས་ ༩༠ ལ་ཕེབས་པའི་འཁྲུངས་སྐར་གྱི་དུས་སྐབས་སུ་སྔར་ལས་ལྷག་པའི་དམ་དྲག་བྱེད་བཞིན་པ་དེས་རྒྱ་གཞུང་གིས་བོད་མིའི་ཆོས་དད་དང་ཆོས་ལུགས་ཐོག་དམ་དྲག་ཇི་ཙམ་ཡོད་མེད་གསལ་པོ་མཚོན་ཡོད་པ་སོགས་གསལ་འདུག སྙན་ཐོ་འདིས་ད་ལྟའི་སྐབས་བོད་ས་ཡོངས་རྫོགས་དམ་དྲག་འོག་གནས་པའི་ཚད་གཞི་འདི་ཆབ་སྲིད་ཀྱི་བཙན་གནོན་ཞིག་ཡིན་པ་མ་ཟད། ལམ་ལུགས་ཅན་གྱི་མ་ལག་ཅིག་ཆགས་ཀྱི་ཡོད་པ་དང་། དེ་ནི་དད་མོས་དང་། སྐད་ཡིག ཤེས་ཡོན། ཐ་ན་མི་སྒེར་གྱི་རང་དབང་སོགས་བོད་མིའི་འཚོ་བའི་ཕྱོགས་ཡོངས་ལ་ཁྱབ་ཡོད། བོད་ནང་གི་དངོས་ཡོད་གནས་སྟངས་ཤེས་རྟོགས་ཀྱི་ཆེད་དུ་རང་དབང་ཅན་གྱི་ཞིབ་འཇུག་པ་དང་གསར་འགོད་པ།...